Zokuomthawn | January 6, 2007 | Vol. VI. | Issue No. 8

Simtu tengteng KUMTHA CHIBAI

KUM 2008 EITE ADING A KILEMNA, KI ITNA, KHANTOUNA LEH DAMTHEINA KUM HIDING IN PASIAN IN HING GUALZAWL CHIAT TA HEN.

Tutung Thupi: ".....Gamlatah a um pianpi sanggam sang in i kungnai a innveng khat a phatuam zaw hi." Thupilte 27:10

THU TUOM TUOM

— Hing zin: Uanupa Chinlunthang jong kin tuam tuam nei in 30th Dec. ni'n Delhi hing Indigo suh hi. Ama akile masang Delhi ah umding hi. Tualeh Pu Tongthang, Secy., CCpur Youth Congress jong Delhi ah kintuamtuam nei in 5th Jan in hing Indigo suh hi.

— DIrectory: DELHI ZO DIRECTORY pen apeisa 29th Dec. ni'n Pu Khakhai Zou in Pu K. Zou Inn, North Delhi ah Released na neita hi. Tam Directory ahile Pu Khamchinpau Zou, Advocate, Delhi High Court in kiphaltah a sponsor abawl ahia, Unaupa HangP in designing leh typesetting ahingbawl sah ahi. Kimantah in Dangka 20/- jel in kijuah panta hi. Nadei a khatvei chiang a poimaw ding a nakigintat leh 9999371519 ah order thei ahi.

— Pawi leh KALAISAI 07' CD: Annual Conference leh ZSP Sports a DVD tamlou umlai a adei ten 9999709873, 9999371519, 9871103013 te ah order thei ding hi. DVD ahile Dangka 150/- man ahigiap hi.

— Condolence: Kumtha nitah in ZOD in Unaunu Hoinu tenna, Juliana Sarai mun ah a u Lianlal in Zoveng, Lamka a hingna mualliamsan na tung ah hamuanpi na vaiguan vanei hi.

— Nh. Mary leh anau Lynda te jong Lungdam Pawi leh Kumtha Pawi te noptah a inn lam a jangjou in 5th jan 2008 ni'n Delhi ah hing tungkia ta uhi. Kumtha Chibai.

— Delhi a jong tomkhat ana umkha unaupa M. Khamlianlal S/o Upa Hauchinkap, Khianglam Vangkhua in West Virginia a Appalachian Bible College ah BA in Christian Education zilna ding admission muta a, 4th Jan 2008 ni'n US lam juan in hing lengsan ta hi.

— Vangsiat huaitah in Zani suun in Unaunu Naomi Haumuanching Gurgaon lam ah atouna Autorickshaw tawh Bus kiphukha a, vangphathuaitah in ama bangma liamlou hi, tuamabang in Unaunu Lamneichong jong a touna Auto tawh Sumo khat Delhi lampi ah kiphukha a Pasian panpi natawh liamna bangma nei lou hi. Pasian kung ah lungdamthu igen uhi.

— Zokuomthawn New Year 2008 Special Issue ading Article, Poems, Jokes, Koiten bang gen? chite kidei a, by hand or admin@zokuomthawn.com ah 15 Jan. 2008 tan in submit thei hi.


Na theitai !!!!

# www.zokuomthawn.com pen nang le kei mimawl in i theikhah lou vang a, register jou a aki launch apat niteng in visitor 1000 val um gige a, bandwidth neu jiah a abuai hun tam mama chi'n Admin apat thu kija. Tualeh tunitan in site visitor 15000 val ta chi zolengthe apat kimuthei hi. Nang jong va en mong vawi.....bang website hi a, bang teng um among ei mah !!!!!!!!!!!!!!!!!!!!!!!!

# Kumtha teng a New Year Resolution bawl gige a jui ngai vawtlou te khu khovel a amau le amau kikhem jingte ahigiap uhi. - zkt

SUUNNA

Juliana Sarai a um Unaunu Lamneihoi@hoinu[D/o (L)Dongkhomang ] u pasal tahpen Unaupa Lianlal@Danny (35yrs.) in 1st Jan. 2008 ni'n atenna uh Zoveng, Lamka ah hingna mualliamsan ta hi. Unaunu Hoinu leh a innkuanpite thuahna ithuahpi ua, Pasian in hamuanna guanchiat ta hen. Hoinu in 2nd Jan. jingkal in innlam Indigo suhta hi.


Koite'n bang Gen ?

# KUMTHA CHIBAI SIMTU JOUSIA. -Pu Kuomthawn.

# Tukum chu kimoh um nonsih ven, sala ! khat kaithop d himai. - Chinpu

# Tukum in couple lahlaw teng kisufel unlen, ZOD in daan tha khat siam in hilei avele, what is ngaidan. -Papa Zoulun

# Tukum pen ZOD saina nuai a ZOTON 2008 chia thupi theipen a bawl kisawm ahi, panlakhawm chiat vai. - Chairman, ZOD

# Tukum 2008 ZOD in Year of Social Transformation chin kiphuang leh maw. -G.Secy,ZOD

# ZSP in jong Year of Educational Excellence chidan deu khat in kumphuan kinei leh chi kangaisut hia. - G. Secy, ZSP DB

# Zokuomthawn in chu `Social Reformation through Media' chi seminar khat 2008 sung a nei ding ka lungtup ahi. - Editor, ZKT

# Bangteng hile apoimaw pen chu maisua kimutam (Personal Interaction) lei ki itna leh ki theisiamna hing piang mai ding ahi. - Outgoing GS, ZSP DB

# Kimutam na dia, program neitam ngai lou d ? khatvei a Papi Vs Tangval Volleyball match bang chu interaction dia hoi mama khat avele, huchi dan deu bawl tam lei maw. - Outgoing Prez, ZSP DB

# Nam ading a shi ngam hilou in Nam ading a hing ngam te ihijawh ding uh ahi, nam ading a shingam kitam sengseng in inam buai ahijaw leng hi. Pu Chinlunthang

# ZSP form submit un chia hing na kingen ngen, koiman ngaisahlou, tua Directory a min umkhalou chivel, address, contact no. dihchet lou chivel a umle aphun ut kitu.... bangchidan la....ahunlai a iki thugente kijui dimdiam lei hibang umsihven aw.

Pu Kuomthawn


Nursing Form kihawm

RAK (Rajkumari Amrit Kaur College Of Nursing), Lajpat Nagar a B.Sc (H) Nursing Course 2008-09 zil nading form 20th Dec. apat kikhawm panta ding a, koipou lunglutte'n Principal, Rajkumar Amrit Kaur College Of Nursing, Lajpat Nagar, New Delhi min tawh Postal Order/Demand Draft Dangka 200/- a kat in

2pm - 5pm Monday to Friday sung in valah thei jing ding hi.

Last Date of Submission - 30th April, 2008

Thuchianjaw Times Of India, 9th December Page 19 ah muthei ding hi.


Thumna a theichiat ding........

Tuni in mun tuamtuam a um ZSP member khenkhat te SSC saina nuai ah Section Officer(Audit) exam tou ua, ahing lawchin na ding un ithumna te uah thumpi chiat vai.

Dear Members, We wish you ALL THE BEST IN YOUR S.O.(Audit) Exam. May God bless you with his abundant blessings.

- Co-Ordinators, Study Forum


Tutung issue nh NGAHNEICHING munirka phattuam ngaina ahia, ama tung ah kipah thu igen uhi.

Ginlelna/muonmawna

By S. Thangsuanmung

Ginlelna i chi diai muanmawna in kituahmawna; kituahmawna in kikhenna; kikhenna in `Nou' `Kou" piangsah hi.

Heisung ah um nanlei Zoute kituah thei louna leh kituahmawna bulpi khat ahile `kigenlelna' ahi hi. Tam Delhi leh akimvel a um Zou ten jong ginlelna kihasua thei nai tuamlou hi. Lamkai' lamkaithei' ataltahdeu leh a senior deu kichite'n tam ginlelna a paithei lou jiah un ipawlpi te leh khat leh khat kituahmawna umsah a, piangsh gige hi. `Amau Zou tahtah hisih uh; amau pen tua bawng te hi; amau khumte, atuachi deute ahi ukhu.....' is the basic cause of disunity amongst the Zou and here in Delhi itself.

Zou na ngainat a Zou tahtah kahi nakichile:

1. Zou kichi tengteng leh Zou a um tengteng khentuam neilou a na it a napuihuai jaw angai hi.

2. ZOu te kipawlkhawmna ah alamkaipen; asempen; atuahtampen hi inlen, agen tampen leh soisel pen hivawt sin.

3. Zou kichi tengteng sih le tang innasem in, ding inlen, amau tung ah semlou/bawllou in vaihawm sawm sin.

4. Na thu gen ah pilvang mama in; kamkhat nagen khial kha in tuipi suah sah thei hi.

5. Na laigial ah pilvang kia in,Controversy um leh umthei sil/thu nagial khah leh mipilvang joulou nahina kilanggiap hi.

6. Zou te koikoi ahia chin suut in genkoi sin; natheichian nuom leh UZO Danbupi vaphet inlen, tuachin namot lam nathei pan bep ding hi.

7. Zou sung a ham tuamtuam te simmaw in chiamnui sin; nang hamjat jong Zou hamte lah a chikhat ahigiap hi.

8. Beh le phung suut in buai sin; nangma beh le phung maimai jong namdang leh jatdang a na koite lah ah um deidoi veve hi.

9. Zou sung a um beh le phung te akikim/akibang (equal) in ngaisutna nei in. Zou sung hidiahdeu leh Zou sung hilou deu chite a umsih a, um ngai lou ding hi.

10. Amau guungal lamte; a Haidawi hamte;a Khuangnung hamte, a Thangkhal hamte, khute, khumte chi umsah sin. Na lungsim neulamtah min thei khava.

11. Zou chipen Bu(Buhum) seep bang a seepchiil thei ahi sih chi thei in.

12. Lamka leh Singngat leh akimvel a Zou umte guah Zou tahtah/hidiah in koi sin; nang sang a Zou it jaw, hijaw leh Zou ham chie jang muntuam leh gamtuam ah asing asang in um hi.

Innsung; nu le pa, khotang, nampi sung leh gam khat le khat kituahtheilouna leh kikhen vadiangna pen kiginlelna a um chiang hinuam hi. tua ahijiah in - "ka Zou mipite leh Zovontawite munchin-gamchin, leitung kil li (4) sung a umte hambang ka huaijaw a, ka sung ua kituah kilemna'n vai ahawm jing thei nadin, Pa aw ! pilna leh theisiamna chiimtah eiguan jawbou in" chi ithumna uh hita hen. Amen.

[Share my views at mungsuantak@yahoo.com]