*ZOLENGTHE NEWS | 23.01.2017*

*Worker's Meet:* Tuni'n Singngat ah Pu Hangkhanpau, intending MLA candidate in worker's meet aneina uah Unit chin in elections committee members set up ding in phasah ua, unit in a jaw chia block mandal hiding a tuajaw chiang in Singngat a/c centre election committe bawl ding in lemsa uhi.

*Cong nuosia:* Kangpokpi a/c apat Congress MLAs Nemcha Kipgen leh leh Thanlon a/c apat MLA Vangzagin Vaite te'n tuni'n Cong Party apat kitawpna lai pia uh. BJP zom di'a gingtat hima uleh bangma comment bawl ut giellou uh.

*VDFte buai:* Village Defence Force (VDF) secy S Laltingen Vaiphei in VDF te election duty duty pawlou di'a thu umsa hinapi CEO Manipur in duty paw dia a guon kia na tungah lung awpkai huai asah dan gen a, a halaw uh Rs 5000 apat Rs 7000 a kal sah ding leh ration sum Rs 1000 hi sah dingin ngetna bawl.

*Kanggui Bandh:* 21 Jan'a N. Songlung kho gei a meltheilou Kamjang Haokip a thana utoh kisai in Kuki Inpi Kangpokpi District, KSO Kpi District le KWU Kpi District te'n tujan apat 24 hrs General Strike puong.

*Fake Note:* Manipur, Thoubal bazar ah tuni'n Rs 2000 fake note toh pasal khat kiman khia. A thapen bang chibang melpuo ahia chi hoita'n velchien tha vai.

*BJP Ticket:* BJP in Manipur a election um ding toh kisai in party candidate ding mi 31 min tuni'n official in puongta uh. Social Media a ki thethang Thanlon- Vungzagin Valte, Kangpokpi - Nemchah Kipgen, Singngat - Henlianthang, CCPur - V. Hangkhanlian te official um nailou. Tuni'n Imphal BJP Office ah mipi thangpai te'n BJP Ticket hawmna toh kisai golguhna um ahi chi'n kitom uh.

*You can now Whatsapp your Complaints related to ELection @ 9436021798. Tuaban ah election toh kisai a buoina Code of Conduct palsan leh hiam hei tawi a buoina siem na thei leh 25 Assam Rifles Post, Tuibuang a um Major Pankaj Giri-7085566993, Major Radha Krishan-7085609949 te kungah thutut bawl thei ding*

*ZOLENGTHE*

*Connecting the Zo people*

*ZOLENGTHE NEWS | 19.01.2017*

*Koi dihzaw hita?:* Jan 12 nia Noney khogei, Lukhambi ambush toh kisai state police in NSCN(IN) te ahi chi uh, NSCN (IN) te'n lah state secirity force te khutnua ahi. Ibobi in Naga te kal a kitheisiemlou na tunna dia a nasep ahi chi'n ngoh jel.

*VDF Thupuan:* All Manipur VDF Assn te'n Govt kung a demand a bawlte uh - Law pung ding leh atuam tuam te 20 February masang a suh buching ahilou leh election leh NH gel a duty bawl lou ding chi'n thupuon bawl uh. Special Secy(Home), Govt of Manipur in Dec. 24, 2016 ni'a law Rs 5000 apat Rs 7000 a khansah di'a thutanna bawljouta ahidan hilchien a, Election Code of Conduct in a netkhum man zieh a implement a um theilou ahidan hilchien. Zah ahitheina dia ECI apat phalna ngen dingin VDP leh Home Guard te theisah.

*HM thugen:* Union Home Minister Shri Rajnath Singh in janni'n Manipur CM ana kimupi. UHM in state sunga mawpuohna sangpen neikhu state solkal ahi, State solkal in a mawpuohna azaw lou a ahileh Govt of India in India Danbupi dungjui a lampi dang a sui ngai meithei ahi chi'n gen (_A gen ut pen tah thei chietna hai maw_).

*Pune FC:* Pune FC te Football Academy a bawlung ki-apmai ziltheina dingin Sachih khogal a um Kathuong khuo apat TD Michael Thangboi Zou s/o Mangkhup in selection mu. Kalaisai!

*US President:* 45th US President Donald Trump kihahsielna vaiguon jing 17GMT (US 11.30am) (India 10.30pm) chiengin US Capitol mun ah Chief Justice of the United States in nei sah ding.

*Film honna:* 6th SSS MANIFA 2017 in Best Feature Film Award 2016 pahtawina apieh Niso Film bawl *Henu Neingailou Hitam - 2* release na Jan 20, 1pm chiengin B. Vengnom Community Hall, Bijang, CCPur ah um ding.

*Boxing:* January 29 chiah Khuman Lampak stadium ah National leh International a boxer minthang 10 te'n kisuhna huoise tah nei ding uh. India, Hungary, Thailand, Slovakia, Uganda apat boxer minthang te kisu ding.

*Election Duty:* CCPur SP Rakesh Balwal, IPS in election chia security force duty ding dan tam bang in talatna nei - Central Arm Police Force CAPF company 83 zah hiding. CAPF te section a khen in, Section 1 ah security personnel 8 zel um ding. 55-Tipaimukh A/C a Polling station 38 ah CAPF security force 103 Section kizang ding a, 56-Thanlon A/C ah Polling station 38 ah CAPF 97 Section, 57-Henglep A/C a Polling station 115 ah CAPF 56 Section, 58-CCpur A/C a Polling station 70 ah CAPF 111 Section, 59-Saikot A/C ah Polling station 67 ah CAPF 117 Section leh 60-Singngat A/C a Polling station 49 ah CAPF 121 Section a kizang ding chi. 57-Henglep A/C ah Polling station 15 leh 60-Singngat A/C ah Polling station 30 te ah helicopter in EVM machine leh Polling party te paw ding chi'n gen.

*JFP Delhi ah:* Manipur buoina zieh a pawl 64 kigawmna _Joint Forum for Peace (JFP)_ apat delegate mi 18te'n tuni'n Delhi ah Union Home Minister Rajnath toh kimu ua, Manipur buoina thu va tangkoupi uh. Rajnath in ahithei tan a kithuopi dingin chiem nanleh state solkal mawpuohna ahi chi thouthou.

*Guiter leh Keyboard zil nuomte adi'n ZOPA Foundation School of Music Academy, OK Veng, Lamka ah admission kihong, lunglutna neite'n 9862838092 /8415093908 tungtawn in thuchien kan thei ding*

*ZOLENGTHE*

*Connecting the Zo people*