Zan lam ei kawlgam pan hih Philippines ka tun tung in R.V.A ah zan 4 ka tam a, R.V.A a om ei kawlmi Topa te, Brother te, Sister te a hi : Myanmar Service Section, Karen Service Section, leh Kachin Service Section a sem Topa te 4 leh a dang teng tawh zong ka ki mel thei mah mah a, R.V.A mun pen nuam mah mah hi. Ni sim in zingsang 6:00 A.M to 12:00 noon ciang, leh 1:00 P.M to 6:00 P.M nisim in Pasian thu huih lah a khah na, Radio Transmission program om den in, buai thei mah mah uh. Tua ban ah hih bang a, na sia tak a, hui lak pan a, Pasian thu tangko na mun thupi khawng a om ka muh ciang zong ih biak Topa Pasian pen a biak huai, a pah tawi huai, a phat huai, lungdam a ko huai, Pasian a hih lam thupi tak in ki mu thei ka sa hi.
Ei i, Zomi - Chin Service pan, a ki khah ding thu leh la te pen ei kawlgam a teng pen Kalaymyo pan in , zanlam in Fr. Dominic Kung Teal hin nah, nung April kha a ki pan, Fr. John Paul in Moreh or Muli a kha sim a , Imphal a om Fr. Mark kiang a tung ding a, va khak zel, tua pan a, Fr. Mark Ai in a mau India lam a te tawh a ki bang a, hih Philippines ah a na khak sawn zel tua pen, hih lai Philippines, Manila- Quezon City R.V.A, Myanmar Service pan a, numei khat in hong khah sawn sak , or hong hon sak den ci in za ing.
Hih thei leh Fr. Mark Ai bang in ei Tedim kam pau Topa khat, announcer ding English siam Sister khat leh lay person 3 bang Full-Time a, hih lai Manila R.V.A zumpi ah, a sem zo ding om leng hong deih hin nah tua lah kei i, tungsiah te kiang a gen thei. forward thei lah hi kei, hi mah ta leh hong ki mang khol lo ding ka cih man a, kei bang hoih sa mah mah in, kei lah tua mun lam ah hong ki sehlo a hih na tawh, propsal or advice pia khol lo lel hi veng, a tak tak in hoih ka sak mah mah hi. Nisim in hih Manila - Quezon City R.V.A pan in gam 16 pan in pau nam tuam tuam tawh huih lah a, Pasian thu gen na a ki khah den hin nah, thupi sa mah mah ing. Yangon a ei kawlgam i, gambup ( A - tan-luan-zung ) sang bang in thupi sa zaw ing. Asia gamsung teng Pasian thu gen na hi. Hih Manila- Quezon City R.V.A zumpi ah ei kawl pi Mandalay pan Fr. Gabriel Htun Myint pen Officer khat, Assistant Program Director hin nah nop tuam peuh mah hi.
Zan lam mah mah in zong Philippino mi , pa Pi a hau mawh lo, Pasian thu lah hat mah mah, Companay ltd. khat a President a sem tua pa in kei tawh, Kengtung siadaw pa Bp.Louis , leh hih lai R.V.A a sem Fr. Gabriel Htun Myint leh Fr. Dominic Jdu Du ( Archdiocese of Mandadaly ) te kiang ah Web-site tawh Pasian thu gen na nei khawm ni ci'n hong kup pih leu leu a, ki thuah in na sem khawm ni hong ci in ke'n hoih sa peuh mah ing. A min pen Catholic Xybrspace Apostolate ( CXA ) via Tele conferencing dan hi in ,hih Philippines Manila center ding hin nah, hih lai pan a, Missa bawl na, Pasian thugen na tuam tuam om te, ei khamtung gam mun tuam tuam dong pan a, mi khempeuh muh thei ziah ziah ding deih na hi. Tua pa pen in Kawlgam a om siadaw te zong thu ka za sak khin ci hi.
Tua pa pen siadaw Lian Khen tawh zong a ki mel thei khat hi. Mai November ciang Yangon ka pai ding a, ka kup pih lai ding hong ci hi ven. Ko khamtung gam ah Electricity ( Mei ) hoih lo lua, in bang mah ki sem thei kei, ka cih pian leh Battery mei tawh zong a ki en thei ding in vai hawm ni hong ci zaw zen e. Zan hal in zong hong ho pih lai a, kong huh thei bang in, a tawm pen thunget na tawh keizong ma hong pang ning ka cih hi ven. A mah i ai-tuam dan a, lay apostolate, Pasian minthan na ding a, a vai hawm na hi leh ki lawm. Ke'n zong hih bang a, nang leh nang hak sa pi tak a, na sum na pai te leh na nei sa te Pasian min than na ding a, na zat na te thupi ka sa peuh mah a, ko mizawng gam te mah mah nong khual na a hihman in ka lunguh dam mah mah ka cih leh nui zaw zen. Leitung khempeuh ah ka khua-vak, or lungdam na thu na tang-ko un a cih pen thupi sa ing.(Cf. Is 49:6 ).
Ni dang ciang,ei gam ei lei a Pasian thu gen na te zong suah sah thei ziah ziah ding in um ing. Ke'n bel hoih sa takpi mah ing. Na mi pih te kiang vuah zong thunget na tawh hong huh sawn nang un na gen-sak kawi-kawi lai in hong ci hi. A hih hang in tu'n kong gen cil na hi pan.Siadaw Mang Thng leh siadaw Lian Khen te E-mail ka khak na ah bel tawm khat ka gen pian hi ven. Kua ma ciat a ding thu-nget na ah ki phawk ni. Amen.
Lungdam,
Fr.Andrew Go Lian
Philippines.
No comments:
Post a Comment