Voice Of New Lamka Editorial:
Mi tampi te’n Zogam chih gen khak ahihchiang in nakpitak a lunglut in haipih phialphial uhi. Huchibang kal ah a gingta hetlou, nuihzat huai sa maimai leng hunkhop om thou hi. Hiaibang ngaihdan kihel ningneng tuh theihsiam huaitak ahi. Aziak bel, Zogam kichi pen a taktak hilou a a thu kia bek hilai ahihman in. Thutak mupha/theipha a kigen thei peuhmah in Zogam kichi thumal a zak mai un leng a lu uh pei mawk ta uh hileh kilawm hi.
Thamlou in, Zogam kichi houlimna thupi a izat khak chiang in leng hon chihpih nawn ngellou uhi. Bangteng hileh, Zogam kichi pen thutak hi in hikei taleh, ngaihdan gentheihna dia zalenna i neih (right to freedom of speech) pansan in duhthusam gen himhim len’ng chi I hilel zaw.
American Independence ding thu gen ahih lai in America milip a tamzaw thamte tuh amau nelhsiah England sorkar lam pang in sih ngam hial in ana ding kip ua; huchi kawm kal a lungkimlou pawl, hoihtak a huaihot (organized) leng hilou, zalenna deih pong mawk bangzah hiam leng om bok uhi. Sorkar (England) lam pang te tuh Loyalists kichi ua, zalenna deih te tuh Patriots kichi uhi.
Tuabang geih in, bangzahta a thu khum leh hoih gen mahle’ng, Zogam toh kisai nana na in tuh a dingsa sorkar lam pang za a sawmkua-le-nga (95%) bang hilai thamtham ding hi. Huchitel a loyalist tam ahihleh lungkiak huai na’n chia chi in panla ngeikei mawk le’ng lah tunnu Zogam in zalenna kawlni suak mu ngeilou dia! Alehlam ah , patriots tawmchik te bang in kuhkal leh kipumpiak in bangzah hiam lel te pang peuhmah phot le’ng, Zogam ah salsuahna hong piang zaw ding hi. Hiai tuh zalenna sual gam tengteng te paidan masa ahi teitei hi.
Bangziak a loyalist kichi mi om nak ahi ua? Huchibang mite ahihna uh diktak bang a kichi a? Gam zalen sa a om mite’n tuh amau gam zalenna leh khantouhna ding dal a pan la peuhmah tuh zekhemtu (traitor) in ngai uhi. A hihna diktak uh leng ahi him hi. Juda Iskari-awt ahi ringot mai uh aka, ch’aw.
Sum-le-pai, thilpiak, deihsakna leh huaihamna te ziak in mi tampi te’n a hihna uh ana zuak khin ta uhi. Hihna neilou mihing lah misi sang a leng manbei zaw ahi ngal a. Hihna neilou mi tuh a sih in leh a hin in leng a gam a ding in manphatna sang in haksatna guantu, zahlakna, kiakniamna leh khanmohbawk ahi zaw uhi. Traitors (read: loyalists) are more a responsibility than an asset to the nation.
Zogam kichi zaw a taktak ahi kei maithei. Himahleh, thil hithei ahi. A baihsam liai kei ding chih bel theihsa. Zogam pianna ding in haksa namenlou tuah a ngai. Hiai haksatna thuak a ngaplouh ziak un ahi mi tampi te’n Zogam kichi a thupi ngaih utlouh (ngamlouh chizaw ni) na uh. A gingta lou ahi tuankei uh. Dawilok ahi zaw uh. Huchibang mite lah Zogam kichi hong piang tak ngial lehleng hamphatna a tamthei lamlam zumna tel hetlou a huai ut ding te ahi zel ngal ua!
Bangteng hileh, Zogam haichilh mi tamlou chik te a di’n gulbang a pil leh vakhu bang a nunnem a, bil tung zitzet leh mit hak kilkel a kal suan hun ahi ta. Napoleon in, “Don’t tell me that a problem is difficult. If it were not difficult, it won’t be a problem,” chi tang hilhial hi. Zogam tuh problem ahi. A haksa ding mah. Na lamet leh gintak mahmah te leng Zogam zuak ngam leh nang Zogam ittu ngei leng hon zekhem (betray) ding a mansa ahi uh chih thei in. Zomi kichi thum zel lak a khat (one in every third person) tuh khemtu (traitor) ahi chi leng I khial lawmlawm kei ding e.
“Zomi aw, mitsi a ngongtat hun ahi nawn kei. Lemgel detdet a, huai lemgelna tuh chilgil tak a sepsuah hun ahi ta”.
Zogam tangval, hanchiam!
www.zogam.com
Mi tampi te’n Zogam chih gen khak ahihchiang in nakpitak a lunglut in haipih phialphial uhi. Huchibang kal ah a gingta hetlou, nuihzat huai sa maimai leng hunkhop om thou hi. Hiaibang ngaihdan kihel ningneng tuh theihsiam huaitak ahi. Aziak bel, Zogam kichi pen a taktak hilou a a thu kia bek hilai ahihman in. Thutak mupha/theipha a kigen thei peuhmah in Zogam kichi thumal a zak mai un leng a lu uh pei mawk ta uh hileh kilawm hi.
Thamlou in, Zogam kichi houlimna thupi a izat khak chiang in leng hon chihpih nawn ngellou uhi. Bangteng hileh, Zogam kichi pen thutak hi in hikei taleh, ngaihdan gentheihna dia zalenna i neih (right to freedom of speech) pansan in duhthusam gen himhim len’ng chi I hilel zaw.
American Independence ding thu gen ahih lai in America milip a tamzaw thamte tuh amau nelhsiah England sorkar lam pang in sih ngam hial in ana ding kip ua; huchi kawm kal a lungkimlou pawl, hoihtak a huaihot (organized) leng hilou, zalenna deih pong mawk bangzah hiam leng om bok uhi. Sorkar (England) lam pang te tuh Loyalists kichi ua, zalenna deih te tuh Patriots kichi uhi.
Tuabang geih in, bangzahta a thu khum leh hoih gen mahle’ng, Zogam toh kisai nana na in tuh a dingsa sorkar lam pang za a sawmkua-le-nga (95%) bang hilai thamtham ding hi. Huchitel a loyalist tam ahihleh lungkiak huai na’n chia chi in panla ngeikei mawk le’ng lah tunnu Zogam in zalenna kawlni suak mu ngeilou dia! Alehlam ah , patriots tawmchik te bang in kuhkal leh kipumpiak in bangzah hiam lel te pang peuhmah phot le’ng, Zogam ah salsuahna hong piang zaw ding hi. Hiai tuh zalenna sual gam tengteng te paidan masa ahi teitei hi.
Bangziak a loyalist kichi mi om nak ahi ua? Huchibang mite ahihna uh diktak bang a kichi a? Gam zalen sa a om mite’n tuh amau gam zalenna leh khantouhna ding dal a pan la peuhmah tuh zekhemtu (traitor) in ngai uhi. A hihna diktak uh leng ahi him hi. Juda Iskari-awt ahi ringot mai uh aka, ch’aw.
Sum-le-pai, thilpiak, deihsakna leh huaihamna te ziak in mi tampi te’n a hihna uh ana zuak khin ta uhi. Hihna neilou mihing lah misi sang a leng manbei zaw ahi ngal a. Hihna neilou mi tuh a sih in leh a hin in leng a gam a ding in manphatna sang in haksatna guantu, zahlakna, kiakniamna leh khanmohbawk ahi zaw uhi. Traitors (read: loyalists) are more a responsibility than an asset to the nation.
Zogam kichi zaw a taktak ahi kei maithei. Himahleh, thil hithei ahi. A baihsam liai kei ding chih bel theihsa. Zogam pianna ding in haksa namenlou tuah a ngai. Hiai haksatna thuak a ngaplouh ziak un ahi mi tampi te’n Zogam kichi a thupi ngaih utlouh (ngamlouh chizaw ni) na uh. A gingta lou ahi tuankei uh. Dawilok ahi zaw uh. Huchibang mite lah Zogam kichi hong piang tak ngial lehleng hamphatna a tamthei lamlam zumna tel hetlou a huai ut ding te ahi zel ngal ua!
Bangteng hileh, Zogam haichilh mi tamlou chik te a di’n gulbang a pil leh vakhu bang a nunnem a, bil tung zitzet leh mit hak kilkel a kal suan hun ahi ta. Napoleon in, “Don’t tell me that a problem is difficult. If it were not difficult, it won’t be a problem,” chi tang hilhial hi. Zogam tuh problem ahi. A haksa ding mah. Na lamet leh gintak mahmah te leng Zogam zuak ngam leh nang Zogam ittu ngei leng hon zekhem (betray) ding a mansa ahi uh chih thei in. Zomi kichi thum zel lak a khat (one in every third person) tuh khemtu (traitor) ahi chi leng I khial lawmlawm kei ding e.
“Zomi aw, mitsi a ngongtat hun ahi nawn kei. Lemgel detdet a, huai lemgelna tuh chilgil tak a sepsuah hun ahi ta”.
Zogam tangval, hanchiam!
www.zogam.com
No comments:
Post a Comment