Indo-US Civilian Nuclear Deal
123 AGREEMENT LEH INDIA MABAN DING
- Tg. Mangneu Thangkhal
India leh US civilian nuclear kizoptuahna ding toh kisai ni khat thu a bawlkhiat sil ahi keia, zani a thupiang zong ahinawn kei hi. Kum nih val vingveng apana buaipih a ana om ahi ta hi. Mi tampi'n dakkal 300 zen buaipiha thukhun abawlte uh August 3,2007 in laibu in ahong suahkhia uhi. Pek 22 a sah Article 17 zen a sau ahihziakin i Khal Vontawi uah achian-atai in i sut zou kei ding hi. Ahin, anung-le-ma thu gen ding tampi mahmah a om hi. Gam nihte, (adiaka India) adinga supna leh lawkna kikal chauh hilou a, suahtatna leh saltanna kikal tanpha asukkhak ziaka alanglanga soiselna sangtak hong omkha ahi.
Hih kilemtuahna i theihsiamna dingin anuaia a kipia thute toh a chabi i hon masak angai ding hi.
1. Civilian Nuclear bang ahia?: Leinuai lama kimu sil (element); uranium, plutonium, thorium etc. sil dangte bangloutakin akihal chiangin seh tampi kisuah sawnin meikuang apekhia zungzung ua, hih pen nuclear reaction akichi hi. Galvan a aki bawl leh mi thahna dinga hat pen ahi a, ahoih lama akizakleh lah meivak pekhia dinga ahatpen ahizel hi. Uranium kg.1 toh coal(suang-meihol) kg. a 1000 asim hatdan kikim ahi tazen hi.
Nuclear power plant (munpi) a tui sousaktu in akizanga; tua tui asou chianga tuihu (steam) pawtte'n generator toh kizoptuah turbine apei chianga electric i chih hong piangkhia thei ana hi lel dan ahi.
Hichibanga nuclear electric lakna a kizangte ahi civilian nuclear i chihchihte...
2. IAEA: International Atomic Energy Agency kichi UN tosawnna toh 1957 kum a "Atoms for Peace" chih thupi a neia nuclear pen galvan bawlna hiloua ahoihlama zak ding chih tupna a ana kiphutkhia ahi. Kivaipuakna ah UN nuai ah om khalou hi.
3. NPT: Nuclear Non-Proliferation Treaty kichi 1968 kum a nuclear galvan thehthang louhna dinga kilemtuahna ahi. India simin 1967 masanga nuclear galvan ana nei manlou gamte nuclear galvan nei lezong a neilou — Non-Nuclear Weapon States(NNWS) — dana koihin om hi.
4. NSG: Nuclear Supplier Group kichi pen gam 45 kipawlkhawm, NPT suaikai lou, NNWS gamte'n nuclear vanzakte alei ding uleh IAEA thukhunte azuihna ding ua agakna dana 1974 kuma ana kiphutkhia ahi.
5. Hyde Act 2006: US Committee on International Relations a Chairman, Henry J. Hyde min pua a December 18, 2006 a US Congress in ana bawlkhiat ahi. Hih dan —pek 41 zena sah a kigelh— in India tungah gakna tampi bawlkhuma ngohin om hi.
123 Agreement Bang Himahmah Ahia?
India in NPT suai kailoua, 1974 kuma Rajasthan gamgaw Pokhran muna Nuclear bomb a test uh thukna in US Congress (Vaihawmna Innpi) in Atomic Energy Act, 1954 kuma ana bawl pen uh enthak in Nuclear Non-Proliferation Act, 1978 kum in a bawlkhia uhi. Section 123na a "Gamdangte toh kizoptuahna" chih thupi (title) omna ahi 123 Agreement chia i theih uh. Hih dan in India telin NPT suai kailou gamte toh nuclear lama kizoptuahna kichi mawngmawng bawllouh dingin akhaktan ta hi.
PM lui Atal Bihari in 2001 kuma US avaveh ziakin gam nihte ki tanauna khansak semin aom hi. Hua huna kilemtuahna suai ana kaih uh tampite lakah `Nuclear leh Space' lama kizoptuahna ding ahah gen pen uhi. PM Manmohan Singh in July 18, 2005 a US ava veh laia kilemtuahna suai a kaihte uh laka athupi pen hih `Nuclear Deal' ahi. President Bush in March 1-3, 2006 sunga India ahong vehin namdetin aom ta hi.
US in tutan in NPT suai kai khinsa gam 25 toh hichibang kilemtuahna ana bawl khin ta hi. Tutung Bush in NPT a suai kailou India toh kizoptuahna bawlna dinga pan ahong lak takin buaina tamtak ahong tuak tou hi. Ahin, US pen President-te sangtak thuneihna gam ahihziakin haksa talezong US Congress ah khatvei thupuk zohin a om ta hi. Lehlamah India pen Prime Minister-te thuneihna sangtak piak ahihlouh bana party tampi pangkhawm a solkal dinsuah a om ahihziakin vaihawmna tulel Congress Party in zong adeihna bangun thupukna abawl thei ta kei uhi. Thupukna bawlzoh ahih nunga NSG
leh IAEA toh atuam tuaka kilemtuahna bawl ngai nalai dep ding ahi.
Hih kilemtuahna thukhun tampite laka apoimoh penpente
1. US in India in a taksap mahmah uranium leh nuclear van zak tuamtuamte a leisak ding hi.
2. Uranium khatvei aki hal khit nunga zakkhaklouhte zakkik dinga bawl thakna(reprocessing) ah apanpih ding hi.
3. US in "India pen galvan lam leh ahoihlama nuclear zang thei dinga piching leh siamna nei, Permanent Member 5-te toh kikim ahita" chih
atheihpih ta ding hi. Nuclear power munpi 22 aneihte lakah 8-te military
dan in atheihpih ta dinga; adang 14, civilian a teng IAEA thunuai ah aom
ding hi.
4. Kum 33 sung nuclear a asaltanna pana suakta a, NSG gamte toh akisumsin tuah phalsak ahihna dingin US in agenpih ding hi.
5. Kum 40 sung daih dinga bawl ahia, kum 10 tan behlap touh theih ahiding hi. Hih hunsunga alanglangin kum khat sunga theihsakna pia masa in atawpsan thei ding uhi.
Tawpsana aom hunhun chiangin US in India aleisak vanzakte anung lakkik thei ding hi. Gamdangte toh kum 30 daih dinga akaih uh ahihziakin soiseltute'n apansik khat uh ahong suak hi.
Bangziaka Soisela Om Ahia?
Hih kilemtuahna thukhunte Bible tang khenkhat i deih dandan a i ki kaih uh bang dan deuhin India leh America ah lehkhiatdan leh lakdan tuamtuam aom hi. Gam nihte adia lawkna tuaktuak chi pawl, India-te huam seng chi pawl leh America-te phattuamna ding chauh ahi chi pawl in akikhen uhi.
America gama soiseltute'n apansik pipen uh ahihleh India pen nuclear galvan neinapi a NPT suai kailou ahihziak ahideuh hi. Amau un Bush pen thupukna setawpkhawk bawlkhia hin angoh uhi. Amau mohpaihna pen ahihleh tuni a US in India toh kizoptuahna abawl bang Pakistan in zong ngen
henla, Russia in Iran kiangah nuclear vanzakte zuakkhia ta leh tua hun chiangin leitunga lemna leh muanna pen dengdel mahmah ding ahi chi uhi.
Left Party-te lamkaiha asoisel pawlte'n India in ana kiletsakpih mahmah `'Independence of Foreign Policy'' pansan in akalh ua, US khutnuaia saltang ding ahi achi uhi. A ki soselna pipen ahihleh Hyde Act nuaia, India-te'n maban a nuclear test abawl kik uleh hih kilemtuahna tawpsan theih dinga thukhun khat omkhak ziak ahi. Hih pen India in NPT leh CTBT a suai ana kaih utlouh nunga India gakna dana ngai in a pomthei kei uhi. A sum a etin a meivak piakkhiatzah sanga sum kisengzah tamzaw ding, tualeh hih kizoptuahna ziaka India a nuclear in meivak apiak ding kum 2020 tana zong 7% chauh tungpha ding chih hi. BJP te abul pantu hinapi'n opposition party hihziak lelin amau hunlaia ana pat pen un galvan lama kizopna ding leh India koltanna ding bangmah
gen khalou chin pang uhi.
Lehlamah, UPA lamkaiha agum pawlte'n China in zong hih kilemtuahna suai ana kaih hangin US khutnuai ah om tuanlou chin pang uhi. Tualeh 2020 tana meivak 7% chauh pekhia zou ding hilezong hih kilemtuahna tungtawnin phattuamna tampi om ding hin gen uhi. Kilemtuahna khawlsan
ding thu ah 123 Agreement in gam nihte hoihtaka akihoutuahna ding uh thukhun bawl hin agen uhi.
India in Bangziaka Nuclear Deal a Poimoh Ahia?
India in nuclear tungtawna meivak lakna dinga kum 50 val vingveng pan ana lak nungin zong tunitan 3% chauh a pekhia zou giap hi. Hih pen nuclear meivak lakna dinga zang gam 30 laka za-laka-eta a 27na ahi nawp hi. US ah nuclear in meivak 50% apekhia zou a, atam zakpen gam France ah
77% tak apekhia zou hi. India in sawtpi apana uranium ana taksap ziakin nuclear power munpi 5 ana khak loh ta hi. Tulaitaka meivak lakna dinga ki tam zakpen coal (65%) in zong bei lam anawt ta a, mun khenkhat bang alak man toh a meivak piakkhiat zah man kikim phial in a om ta hi.
India' Maban Ding Suahtatna Maw Saltanna?
US in China dekna dinga Japan, S.Korea leh Australia toh kivenna lama pangkhawm dinga suai ana kaihkhit nungin, ningli (Quadrilateral) ahihna ding India chauh in asam ta hi. India a khazapnuaia kaihlut theihna dinga antah limchi aneih pen uh hih nuclear deal ahi. US in UN phalna
loua Iraq adou nungua India panpihna ana ngetlai un US khazapnuai hilou a UN nuai ahihke'h sepaih sawllut theilou ding chi'n ana nial ta hi. Tu paidan etin US in agal bawl mawk tawpsan lou ding in lang hi. Tu nung chiangin kua gam hiam khat dou sawmin India panpihna hong ngen
taleh, tua hun chiangin India in "NO! But thank you" achi thei diai? ahihke'h "Na galte uh ka gal uh ahi ding" achi ding uai? chih ahi dokna poimoh. Lehlamah, India PM masapen apana tunitana
kizoppihna hoihtak bawlpih dinga ana hel zing uh America-te, nuclear tungtawna kizoptuahna hoihtak bawl ding a ut tak ua India lamte'n thupukna abawl zoh kei uleh maban ah US in India bangtanin akoih ta diai? chih zong ngaihsut tak mahmah khat ahizel hi.
123 Agreement' Maban Ding Bang Hita Ahia?
UPA solkal din zohna dinga apulam pana gupna pia, MP 61 nei, Left Party-te'n kizukkik ding tan a gikna abawl ziakun maban sawn thei louin adinkhawl ta hi. PM in apona mahmaha, gam-le-nam adia ahihtheih tana kipumpiak, zalenna sual laia a laisim lai taisan zen a zalenna ana sualte kipumpiak zaha kipumpiak ahihdan agen hi. Ama'n agen zel na ah 1991 a Economic Reform ana bawl hunlai in zong mi tamtakin ana doudal mahleh anunga gamsung khantouhna thupitak tuntu ahi chi hi. Maban a Election 2009 chianga Congress (I) tu sanga ahatzawkleh sukpichinga aom theih ding lamet ahi. Ahin angiamkiat zawk sem leh bang dinmun ah aom ta diai chih agen hak mahmah mai hi. Numei khat khutvikna nuai a om lel chia dem a om, Manmohan pen lohching leh min phatna ngah ding hinapi achihdan in apaithei ta kei hi. Election kik chiangin Congress hat kik talezong PM touna aluah zou nawn kei lai maithei ding hi. Bush in zong Iraq gala a minsiatna selkhuhna dinga theih tawpa pan alak nunga India lama thupukna bawlzohlouha aomin a lungkim louhna thu PM ana theisak ta hi. Kum 2008 a ahun bei ta ding, Bush pen `'US President teng laka India lawi bawl pen'' chih ahi. Amah hunsunga zoh ahihkeileh amah nung chiangin India tunga gakna khauh zaw sem dinga gintat ahi. Amah Party akiata Democrats bang ahat leh chu khauhzaw sem lai dingua, tawpsan in zong om thei phial ding hi.
India adinga kihehnep theihna omsun chu "China in zong kum 13 nunga 123 Agreement kilemtuahna suai ana kaih theih pan ahi" chih ahimai ta hi. Banghileh, Bush leh Manmohan adingin ihmut mohna khat ahi phot mai hi. - Bei tak tak ta -
(NB: KHALVONTAWI NEWS, SEPT-OCT 2007 ISSUE PAN KILAH AHI.- Khaalnou)
123 AGREEMENT LEH INDIA MABAN DING
- Tg. Mangneu Thangkhal
India leh US civilian nuclear kizoptuahna ding toh kisai ni khat thu a bawlkhiat sil ahi keia, zani a thupiang zong ahinawn kei hi. Kum nih val vingveng apana buaipih a ana om ahi ta hi. Mi tampi'n dakkal 300 zen buaipiha thukhun abawlte uh August 3,2007 in laibu in ahong suahkhia uhi. Pek 22 a sah Article 17 zen a sau ahihziakin i Khal Vontawi uah achian-atai in i sut zou kei ding hi. Ahin, anung-le-ma thu gen ding tampi mahmah a om hi. Gam nihte, (adiaka India) adinga supna leh lawkna kikal chauh hilou a, suahtatna leh saltanna kikal tanpha asukkhak ziaka alanglanga soiselna sangtak hong omkha ahi.
Hih kilemtuahna i theihsiamna dingin anuaia a kipia thute toh a chabi i hon masak angai ding hi.
1. Civilian Nuclear bang ahia?: Leinuai lama kimu sil (element); uranium, plutonium, thorium etc. sil dangte bangloutakin akihal chiangin seh tampi kisuah sawnin meikuang apekhia zungzung ua, hih pen nuclear reaction akichi hi. Galvan a aki bawl leh mi thahna dinga hat pen ahi a, ahoih lama akizakleh lah meivak pekhia dinga ahatpen ahizel hi. Uranium kg.1 toh coal(suang-meihol) kg. a 1000 asim hatdan kikim ahi tazen hi.
Nuclear power plant (munpi) a tui sousaktu in akizanga; tua tui asou chianga tuihu (steam) pawtte'n generator toh kizoptuah turbine apei chianga electric i chih hong piangkhia thei ana hi lel dan ahi.
Hichibanga nuclear electric lakna a kizangte ahi civilian nuclear i chihchihte...
2. IAEA: International Atomic Energy Agency kichi UN tosawnna toh 1957 kum a "Atoms for Peace" chih thupi a neia nuclear pen galvan bawlna hiloua ahoihlama zak ding chih tupna a ana kiphutkhia ahi. Kivaipuakna ah UN nuai ah om khalou hi.
3. NPT: Nuclear Non-Proliferation Treaty kichi 1968 kum a nuclear galvan thehthang louhna dinga kilemtuahna ahi. India simin 1967 masanga nuclear galvan ana nei manlou gamte nuclear galvan nei lezong a neilou — Non-Nuclear Weapon States(NNWS) — dana koihin om hi.
4. NSG: Nuclear Supplier Group kichi pen gam 45 kipawlkhawm, NPT suaikai lou, NNWS gamte'n nuclear vanzakte alei ding uleh IAEA thukhunte azuihna ding ua agakna dana 1974 kuma ana kiphutkhia ahi.
5. Hyde Act 2006: US Committee on International Relations a Chairman, Henry J. Hyde min pua a December 18, 2006 a US Congress in ana bawlkhiat ahi. Hih dan —pek 41 zena sah a kigelh— in India tungah gakna tampi bawlkhuma ngohin om hi.
123 Agreement Bang Himahmah Ahia?
India in NPT suai kailoua, 1974 kuma Rajasthan gamgaw Pokhran muna Nuclear bomb a test uh thukna in US Congress (Vaihawmna Innpi) in Atomic Energy Act, 1954 kuma ana bawl pen uh enthak in Nuclear Non-Proliferation Act, 1978 kum in a bawlkhia uhi. Section 123na a "Gamdangte toh kizoptuahna" chih thupi (title) omna ahi 123 Agreement chia i theih uh. Hih dan in India telin NPT suai kailou gamte toh nuclear lama kizoptuahna kichi mawngmawng bawllouh dingin akhaktan ta hi.
PM lui Atal Bihari in 2001 kuma US avaveh ziakin gam nihte ki tanauna khansak semin aom hi. Hua huna kilemtuahna suai ana kaih uh tampite lakah `Nuclear leh Space' lama kizoptuahna ding ahah gen pen uhi. PM Manmohan Singh in July 18, 2005 a US ava veh laia kilemtuahna suai a kaihte uh laka athupi pen hih `Nuclear Deal' ahi. President Bush in March 1-3, 2006 sunga India ahong vehin namdetin aom ta hi.
US in tutan in NPT suai kai khinsa gam 25 toh hichibang kilemtuahna ana bawl khin ta hi. Tutung Bush in NPT a suai kailou India toh kizoptuahna bawlna dinga pan ahong lak takin buaina tamtak ahong tuak tou hi. Ahin, US pen President-te sangtak thuneihna gam ahihziakin haksa talezong US Congress ah khatvei thupuk zohin a om ta hi. Lehlamah India pen Prime Minister-te thuneihna sangtak piak ahihlouh bana party tampi pangkhawm a solkal dinsuah a om ahihziakin vaihawmna tulel Congress Party in zong adeihna bangun thupukna abawl thei ta kei uhi. Thupukna bawlzoh ahih nunga NSG
leh IAEA toh atuam tuaka kilemtuahna bawl ngai nalai dep ding ahi.
Hih kilemtuahna thukhun tampite laka apoimoh penpente
1. US in India in a taksap mahmah uranium leh nuclear van zak tuamtuamte a leisak ding hi.
2. Uranium khatvei aki hal khit nunga zakkhaklouhte zakkik dinga bawl thakna(reprocessing) ah apanpih ding hi.
3. US in "India pen galvan lam leh ahoihlama nuclear zang thei dinga piching leh siamna nei, Permanent Member 5-te toh kikim ahita" chih
atheihpih ta ding hi. Nuclear power munpi 22 aneihte lakah 8-te military
dan in atheihpih ta dinga; adang 14, civilian a teng IAEA thunuai ah aom
ding hi.
4. Kum 33 sung nuclear a asaltanna pana suakta a, NSG gamte toh akisumsin tuah phalsak ahihna dingin US in agenpih ding hi.
5. Kum 40 sung daih dinga bawl ahia, kum 10 tan behlap touh theih ahiding hi. Hih hunsunga alanglangin kum khat sunga theihsakna pia masa in atawpsan thei ding uhi.
Tawpsana aom hunhun chiangin US in India aleisak vanzakte anung lakkik thei ding hi. Gamdangte toh kum 30 daih dinga akaih uh ahihziakin soiseltute'n apansik khat uh ahong suak hi.
Bangziaka Soisela Om Ahia?
Hih kilemtuahna thukhunte Bible tang khenkhat i deih dandan a i ki kaih uh bang dan deuhin India leh America ah lehkhiatdan leh lakdan tuamtuam aom hi. Gam nihte adia lawkna tuaktuak chi pawl, India-te huam seng chi pawl leh America-te phattuamna ding chauh ahi chi pawl in akikhen uhi.
America gama soiseltute'n apansik pipen uh ahihleh India pen nuclear galvan neinapi a NPT suai kailou ahihziak ahideuh hi. Amau un Bush pen thupukna setawpkhawk bawlkhia hin angoh uhi. Amau mohpaihna pen ahihleh tuni a US in India toh kizoptuahna abawl bang Pakistan in zong ngen
henla, Russia in Iran kiangah nuclear vanzakte zuakkhia ta leh tua hun chiangin leitunga lemna leh muanna pen dengdel mahmah ding ahi chi uhi.
Left Party-te lamkaiha asoisel pawlte'n India in ana kiletsakpih mahmah `'Independence of Foreign Policy'' pansan in akalh ua, US khutnuaia saltang ding ahi achi uhi. A ki soselna pipen ahihleh Hyde Act nuaia, India-te'n maban a nuclear test abawl kik uleh hih kilemtuahna tawpsan theih dinga thukhun khat omkhak ziak ahi. Hih pen India in NPT leh CTBT a suai ana kaih utlouh nunga India gakna dana ngai in a pomthei kei uhi. A sum a etin a meivak piakkhiatzah sanga sum kisengzah tamzaw ding, tualeh hih kizoptuahna ziaka India a nuclear in meivak apiak ding kum 2020 tana zong 7% chauh tungpha ding chih hi. BJP te abul pantu hinapi'n opposition party hihziak lelin amau hunlaia ana pat pen un galvan lama kizopna ding leh India koltanna ding bangmah
gen khalou chin pang uhi.
Lehlamah, UPA lamkaiha agum pawlte'n China in zong hih kilemtuahna suai ana kaih hangin US khutnuai ah om tuanlou chin pang uhi. Tualeh 2020 tana meivak 7% chauh pekhia zou ding hilezong hih kilemtuahna tungtawnin phattuamna tampi om ding hin gen uhi. Kilemtuahna khawlsan
ding thu ah 123 Agreement in gam nihte hoihtaka akihoutuahna ding uh thukhun bawl hin agen uhi.
India in Bangziaka Nuclear Deal a Poimoh Ahia?
India in nuclear tungtawna meivak lakna dinga kum 50 val vingveng pan ana lak nungin zong tunitan 3% chauh a pekhia zou giap hi. Hih pen nuclear meivak lakna dinga zang gam 30 laka za-laka-eta a 27na ahi nawp hi. US ah nuclear in meivak 50% apekhia zou a, atam zakpen gam France ah
77% tak apekhia zou hi. India in sawtpi apana uranium ana taksap ziakin nuclear power munpi 5 ana khak loh ta hi. Tulaitaka meivak lakna dinga ki tam zakpen coal (65%) in zong bei lam anawt ta a, mun khenkhat bang alak man toh a meivak piakkhiat zah man kikim phial in a om ta hi.
India' Maban Ding Suahtatna Maw Saltanna?
US in China dekna dinga Japan, S.Korea leh Australia toh kivenna lama pangkhawm dinga suai ana kaihkhit nungin, ningli (Quadrilateral) ahihna ding India chauh in asam ta hi. India a khazapnuaia kaihlut theihna dinga antah limchi aneih pen uh hih nuclear deal ahi. US in UN phalna
loua Iraq adou nungua India panpihna ana ngetlai un US khazapnuai hilou a UN nuai ahihke'h sepaih sawllut theilou ding chi'n ana nial ta hi. Tu paidan etin US in agal bawl mawk tawpsan lou ding in lang hi. Tu nung chiangin kua gam hiam khat dou sawmin India panpihna hong ngen
taleh, tua hun chiangin India in "NO! But thank you" achi thei diai? ahihke'h "Na galte uh ka gal uh ahi ding" achi ding uai? chih ahi dokna poimoh. Lehlamah, India PM masapen apana tunitana
kizoppihna hoihtak bawlpih dinga ana hel zing uh America-te, nuclear tungtawna kizoptuahna hoihtak bawl ding a ut tak ua India lamte'n thupukna abawl zoh kei uleh maban ah US in India bangtanin akoih ta diai? chih zong ngaihsut tak mahmah khat ahizel hi.
123 Agreement' Maban Ding Bang Hita Ahia?
UPA solkal din zohna dinga apulam pana gupna pia, MP 61 nei, Left Party-te'n kizukkik ding tan a gikna abawl ziakun maban sawn thei louin adinkhawl ta hi. PM in apona mahmaha, gam-le-nam adia ahihtheih tana kipumpiak, zalenna sual laia a laisim lai taisan zen a zalenna ana sualte kipumpiak zaha kipumpiak ahihdan agen hi. Ama'n agen zel na ah 1991 a Economic Reform ana bawl hunlai in zong mi tamtakin ana doudal mahleh anunga gamsung khantouhna thupitak tuntu ahi chi hi. Maban a Election 2009 chianga Congress (I) tu sanga ahatzawkleh sukpichinga aom theih ding lamet ahi. Ahin angiamkiat zawk sem leh bang dinmun ah aom ta diai chih agen hak mahmah mai hi. Numei khat khutvikna nuai a om lel chia dem a om, Manmohan pen lohching leh min phatna ngah ding hinapi achihdan in apaithei ta kei hi. Election kik chiangin Congress hat kik talezong PM touna aluah zou nawn kei lai maithei ding hi. Bush in zong Iraq gala a minsiatna selkhuhna dinga theih tawpa pan alak nunga India lama thupukna bawlzohlouha aomin a lungkim louhna thu PM ana theisak ta hi. Kum 2008 a ahun bei ta ding, Bush pen `'US President teng laka India lawi bawl pen'' chih ahi. Amah hunsunga zoh ahihkeileh amah nung chiangin India tunga gakna khauh zaw sem dinga gintat ahi. Amah Party akiata Democrats bang ahat leh chu khauhzaw sem lai dingua, tawpsan in zong om thei phial ding hi.
India adinga kihehnep theihna omsun chu "China in zong kum 13 nunga 123 Agreement kilemtuahna suai ana kaih theih pan ahi" chih ahimai ta hi. Banghileh, Bush leh Manmohan adingin ihmut mohna khat ahi phot mai hi. - Bei tak tak ta -
(NB: KHALVONTAWI NEWS, SEPT-OCT 2007 ISSUE PAN KILAH AHI.- Khaalnou)
No comments:
Post a Comment