DC in Press/Media te kimuh pih.
Tuni sun nung dak 2 in Sumant Singh IAS, Deputy Commissioner/CCpur in DC office conference hall ah Lamka khawsunga, Press/Media te kimuhpih na nei hi. DC in athugen na ah Mautaam kialpi thuakdiak Thanlon, Tipaimukh leh Vangai Range ah NREGS ni 100 ading sum sanction hita a, ni 40 nitha ading sum Village Authority te’n DSO Bank Account ah antang lei nang in deposit zouta ua, process pailel ahihdan gen hi.
Aman agen zelna ah sum ki deposit te in Imphal ah antang lei hidinga, AAY angtang kg khat ah Rs.3.37, BPL antang kg khat ah Rs.6.11 leh APL antang kg khat ah Rs.8.56 in lei hiding hi’n gen hi. Innkuan khat in Kg 35 chiat tangbaan dinguh ahihdan leng DC in gen hi. Imphal apat Lamka tan apuak manteng Government in sengvek ding a, Lamka apat Block tuamtuam ate Village Authority te’n mohpaw ding ua, Govt.in reimbursement ding ahihdan leng gen hi. Vangai Range ading te Jiribam ahihkei leh Silchar apat apuak lut hi ding in gen hi.
Press te’ dotna te DC in a dawnna ah, Government in PDS tungtawn in Minister/MLA te’ ading antang special quota piak bangmah nei loua, himahleh Kerosine Oil ah bel kha khat in litres 3000 pia ahihdan gen hi. PDS ah Minister/MLA nominee system hun sawt pi apat in cancelled hita a, nominee kuamah awm nawnlou ahihdan leng gen hi. NREGS fund ki divert bangmah omloua, Government in fund ahon release teng DC office apat cut bangmah omloua, sanction vek ahihdan gen hi. DC in Additional antang 8000 quintals a nget teng, Govt.in kg khat ah Rs.15.97 in honlei sak deka, mipi ading ahaksa law ding leh Kial leh tak lai adinga, a rate sanglua ahihman in DC in la utlou ahihdan leng gen hi.
Deputy Commissioner Churachandpur Sumant Singh IAS in agenbehna ah, NREGS guideline DC office ah bu tamlou om a, kua peuh a en utte’n DC phalna la in enthei dinga, adeihte’n Photostat leng bawl thei ding hi’n leng gen hi. Chief Secretary order dungzui in NREGS fund zanga antang leina ding tawh kisai in, DC leh BDO teng mawhpuakna pia a, antang leh sum hawmkhiak tanpha ah mawhpuakna la ding in theisak hi. NGREG nasepna thaman hawmkhiakna ding ah, Thanlon,Tipaimukh leh Vangai Range ading in ni 100 hi a, Singngat leh Henglep ading ni 45 leh Block dangte ading a ni 25 ading Chief Secretary order dungzuia ki sanction ahihdan leh NREGS fund atam thei pen Mautaam Kialpi thuak te adinga sanction ahihdan leng DC in gen hi. Govt.in fund ahon release nawn ding bel ahun kithei lou phot ahihdan leng genna nei hi
Misi guh vuak vui in om
Tuni nitaklam dak 3:30 in K.Kabib IPS, SDPO/CCpur makaih in Police, IRB leh Dr.P.Nengzadou District TB officer te’n STC/BSF te’ gamsung guamthukpi sung ah mihing guhvuak va mukhia ua, Mualkoi haanmual ah vui uhi. Misi baan guh ah Hindu te’n athuah sek uh, taau chikhat kithuah a, singtang mi hilou ding in gingta uhi. Loupa leh khaugui in guamkuak a zaamkhum vektak ziak in, hunsawt pi paisa a thil tung hiding in gin thu kigen hi.
Ganja tamtak kihaal tum
Lamka to Aizawl Motor’s Service Co-operative Society leh Lamka Drivers’ Union te’n March 13, 2008 in Tata Sumo Aizawl apai dek apat in antang bag sung apan in Ganja kg.11 ½ bag khat akikoih man khia uhi.Tuni zingkal dak 7:30 in Sumo Counter Hmuia Veng ah mei in haltumvek uhi. Aki haltum teng Market value in Rs.1 lakh valman ding in gen uhi. Government thil khaam himhim kuaman pawlut lou ding inleng mipi te kiang ah LAMSCS in ngetna nei hi.
NEEPCO makai te’n Tipaimukh pha ding
Tipaimukh Hydro Electrict Power Project bawlkhiak nang tawh kisai enkhe kawm ding in Executive Director (P-II&THEP)makaih in NEEPCO makai te Helicopter zang in Tipaimukh khua March 16, 2008 sunnung dak 12:30 in vapha ding uhi. Huai ah telding in Dalzamang Gangte DFO/CCpur in tuni’n Lamka nusia in,Tipaimukh zuan hi.
DI &AI te’n School enkhia
Kaikhanlian Guite DI leh Kapneithang AI/Churachandpur te’n tuni zinglam dak 10 in Tuibuang Govt.Jr.High School etkhiak na va nei uhi. School hoihtak a a function ban ah Student te school ah ta zoulou hial uh hi’n kigen hi.
SSA Monitoring team in hong en khia uh.
Churachandpur District sunga SSA nasep tawh kisai in tuni zinglam dak 11:30 in Imphal apat in SSA Monitoring team, Lalrem Singh Head of Dept. MU, Leban Serto Ph.D.Co-ordinator Centre for Peace Education te’ makaih in mi 4 in Lamka hawng pha uhi. Amau ZEO office ah SSA nasep dan tangpi te etkhiak na nei uhi.
3 Assam Rifle te Cable gui kigu mang
Zan nitak in 3 Assam Rifle te’ Jelly Fibre Cable Tuibuang Oil Pump leh Forest gate kikal ah metres 400 vel asau guta pawl khat in gumang uhi. Hiai tawh kisai in tuni’n Police te kiang ah report bawl uhi. Tuma lam in leng 3/4 ana kiguk sak ngei ta hi.
Medical team Parbung ate hongtung.
Parbung area ah natna hii leeng om hiam chih thei chian kawm ding in Dr.F.Thienkhogin DMO leh Dr.Ginthianlal MO/Parbung makaih in Medical team in March 10 in Parbung area zuan ua, March 13, 2008 in Lamka hongtung uhi. Amau Rovakot, Sitan, Tinsuong leh Damdiai khua te ah damlou tamtak va en uhi. Natna hiileng gending lua bangmah omlou a, sungkhawh, naupang hitaang, luna, awmna bel hun khop om hi’n gen uhi.
Tedim Road lampi thuapthawh uh
Police Station apan Tuibuang lam manawh Tedim Road mun tamtak ah kisia in nuamlou petmah hi. Lampi siatna te March 13, 2008 apat in National Highway, PWD-Division III (Imphal) te’n Alkatara zang in lampi siatna teng athuap in thuap thoh ua, azia om tuan mahmah ta hi.
Minister leh MLA Lamka ah.
Power Minister T.Phungzathang leh MLA T.Manga Vaiphei te’n hihding poimawh aneih ziak un, tuni’n Lamka hongpha uhi. T.Phungzathang in New Lamka a, PT Sport Complex kibawl lel etna leng nei a, Lamka ah giak hi.
Multi-Media Campaign zouta ding.
DIPR/CCpur te sai na a, Synod hall IB Road ah Three Day Multi-Media Information Campaign paitou lel zingchiang in hunkhak na omta ding hi. Sunnung dak 1:30 in Closing function hun zat hiding a, Chief Guest in H.Rupachandra Singh, ADC pang ding a, Functional President in Dongzakai Gangte Chairman Chief Council pang ding hi.
DDT kapdan training uh
National Vector Borne Disease Control Society te’ saina in tuni zinglam dak 11 apat in
District Malaria office ah DDT kapdan tawh kisai training om hi. Huai ah Male Health Superviser, Male Health Worker leh Spraymen te tel ua, Dr.F.Thienkhogin DMO leh H.L Khai, Male Health Superviser te’n sinsak na nei uhi.
ZMA in naupang mi 6 laksawm
Zomi Mothers’ Association in Michael Job Centre Tamil Nadu ah koih ding numei naupang tagah kemtu ding neilou kum 3-5 kikal mi 6 laksawm ua, lunglutna neite’n March 16 mangei in Grace Zamnu Secy. ZMA kiang ah thuchian kan theih ding hi.
Pay Bill 43 passed
Treasury Office/CCpur te’n March 1-14 sungin Govt Deptt tuamtuam 43 te paybill passed ta ua, Bank ah advice in thon vek uhi.
Naupang Lalhrietzing liam
Lalhrietzing kum 5 d/o Lalnghaklien of Saidan tuni sun ah a lawmte tawh kimawl lai kipuk in a dek tatkha in tun Hospital ah etkawl in omlel.
District Hospital sunset chimkhia
District Hospital Medicine Ward building kong mai a Sunset hun sawttak puahlouh a a om ziak in tu in kise gawp a, tuni nitak lam dak 3 vel in a plaster na te chimkhe zeng zung hi. Vangphat huaitak in kuamah sukkhak neilou hi. Thuneitu te’n a etkai kin uh poihmoh sakthu tamtak in gen uhi. Tuaban ah, feet 60 vel a sau sunset leng kileng gai in, a chipzaak a mi a sukkhak ding lauhuaitak in om lel hi.
IMPHAL NEWS:
CM makaih in Prime Minister mu
New Delhi, March 14: Chief Minister O Ibobi makaih a New Delhi a zinkhia CM team leh MUTSU palaite’n tuni zinglam dak 11 in Union HRD Minister Arjun Singh kimuhpihna nei ua, huai ah Union Minister in MUTSU demand te etzui sak pahding ahihdan ana chiam a, sunnung dak 12:30 in Prime Minister Dr Manmohan Singh kimuhpihna neinawn uhi. CM team leh MUTSU team thusuak in agenna ah, Prime Minister apan dawnna kipahhuai tak ngah uh ahihdan gen uhi.
Thudang khat kizadan in, Tangkhul Students Union (TKS) in Pettigrew College infrastructure hoihtak peding a Government nawhna a kiphinna aneih uh, Education Minister L Jayeenta Kumar in etkai sak ding a thuchiam aneih ziak in, a kiphinna uh ni 5 sung khahkol uhi.
ASO apan SO ah mi 6 kaisang
Imphal, March 14: Manipur Government nuai a Departmental Promotion Committee in July 27 2007 a meeting a neih uh thupukna dungzui in, ASO apan SO ah mi 6 promotion ding in recommend bawl uhi. ASO apan SO a promotion piakte pay scale ahihleh, Rs 6500-Rs 10500 hiding in kigen hi. Promotion ngahte, L Sumati Devi, O Keinahanbi Devi, H Tomba Sham, Th Meinou Singh. Ningkhokim Lhangvom (ST) leh Vanlalfel (ST) te hidan in kigen a, amau kum 2 sung probation period zang ding uhi.
SI/Jamedar Viva voice om ding
Imphal, March 14: Manipur Police Department nuai a Sub Inspector leh Jamedar lakna ding ah Written test a lawhchinna ngahte’n March 17 2008 apan Kangla Officer Mess ah viva voice neiding uhi. Police Department thusuak dungzui in, March 17 apan panding ua, huai ni in Imphal West apan candidate te’n neiding ua, March 18 in Thoubal leh Imphal East, March 19 in, Bishnupur leh Churachandpur, March 20 in Chandel, Senapati, Tamenglong leh Ukhrul in nei ding hi’n kigen hi. Zinglam dak 9 in DPC tupan ding a, huai hun ah candidate te’n original certificate, educational documents leh certificate poimawh dangdangte ava lah uh ngaiding hi.
Child labour tawh kisai kikhawm ding
Imphal, March 14: Zingchiang March 15 zinglam dak 11 in Manipur state Guest house, Imphal ah Manipur Government nuai a Labourt Department te saina in Sate Level campaign against child labour kichi om ding a, huai ah Chief Guest in Labour , employment and FHW Minister Ph Parijat Singh pangding hi. AR Khan Labour Commissioner in Functional President in pang ding a, Guest of Honour in, RK Sukumar Singh MCS, Project Director, State Mission Authority, Anne Mangsatabam Chairperson, Child Welfare Committee, Manipur leh L Suchin Kumar Singh General Secretary, All India Trade Union Council, Manipur state council committee pang ding hi.
UNLF member 2 mankhia
Imphal, March 14: Zan nitak dak 8 vel ding in Imphal East Police Commando te’n Thambalkhong kiim lak operation va neiphut uh a, huai ah UNLF member poimawh mahmah Md Brokhauddin @ Rajen (27) of Lilong Hangamthabi Haorong mankhia uh a, ama kipuanna apan in UNLF member dang khat Md Abdulmilshah (38) of Thoubal Wangkhem Muslim mankhia uhi. Mr Abdulmilshah ahihleh, tulel in Hatta central Masjid Road, Imphal ah khawsa lel hi. Mr Brokhauddin kipuanna apan October 2007 a Abdulmilshah tungtawn a UNLF ana lutkha ahihdan leng gen hi.
MJA in MHJU vaidawn
Aizawl, March 14: Mizoram veh a zinlel Manipur Hills Journalist Union member te tuni in Mizoram Journalist Association te’n Press Club, Aizawl ah vaidawnna program neihpih uh a, huai ah Manipur Express Editor leh MHJU President hihna pawkhawm L Chinkhanlian in thugenna nei in, MJA tung ah kipahthugenna leng nei hi. Program zawh in MHJU member te’n IPR apan a ngah uh gari nih zang in khawpi sung leh pua mun poimawh deuhdeuh vehna nei uhi. Zingchiang March 15 in MHJU President leh Chief Secretary Haukhum Haujel in zinglam 10 in thu poimawh tuamtuam genkhawmna nei ding uhi.
Talent Search ah Prize mu ding
Imphal, March 14: State Level National Talent Search examination 2007 kichi kumlui November 8 in neih in om a, Imphal centre tungtawn in mi 51 telkhiak in om a, amaute’n award sangvek ding uh hi’n kigen hi. Thusuak kingah dan in, Class VII, VIII leh X apan mi 17 chiat telkhiak in om uh a, Selected/Merit/Journal Consolation prize chih dan category bikhiah in om hi. Merit award ah Class VII leh VIII te’n a sum tang in Rs 2500 chiat sang ding ua, Class X te’n Rs 3,000 sang ding uhi. Journalal leh Consolation prize hawmkhiakna leng om ngal ding hi. Churachandpur apan in Class VII ah Rahul Meitei of JNV/CCpur in Merit award sangding a, Class VIII ah Lidya Mangou of Jiribam Model School in sang ding a, T Khaiminlal of St Mary High School, Tuiboung, CCpur in leng award ngah ding hi. Class X best 5 merit ah ML Paocha Haokip of Sainik School in award ngahding a, Consolation ahihleh, W Koireng JNV/CCpur in prize kilawm hun tawk ngah ding in thusuak kingah hi.
EDITORIAL:
Tuni Thupi: “TOUPAN hih ding a hon piak ngal leh bangchiin na om kinken thei dia? Askelon leh tipi gei tunga gamtang ding in, a hon seh ngal aleh.” Jeremia, 47:7
State hampha : Mizoram
India state te’ lak a ‘most peace state’ leh ‘highest literacy rate’ award tanpha ana ngah Mizoram state bangziak a hi chi khan touh lawmlawm hiam chih ngaihsut thamching a, state hampha ahi uh chih kanlouh bang a i gentheih chi le hang a khial saulua i hikei ding hi.
Mizo National Front makaih in Zosuante’n India apan suahtakna ding ana sual ua, sisan naisan tamtak ana seeng uhi. MNF demand pe’n piak hikei mahleh, Indian Constitution nuai ah Assam state apan heekkhia in, Mizoram Union Territory piak in ana om a, 1986 kum in statehood piching piak in ana om uhi. India state te lak a anaupang pawl himahleh, naktak in khangtou a, a khantouhna uh thuguuk bang hi hiam chih leng et tuak mahmah hi.
Mizoram state sung ah Christian 99% bang hizou ding in i tuat a, Christian ahihna ziak mah ua, vualzawlna thupitak luanglut adiam chi le hang lah, Chrisitan state khenkhat bah mahmah pawl om zel hi. Ahi a, Mizoram in a pii bawl mahmah ahihleh, DIKTATNA kichi ahi hi. Vaihawmtu ki khengzel in, Party tuamtuam in ministry bawlkhe zel mah le uh, mipi palai dia telkhiakte lak ah hangsantak a ki kawkna om ngam hi. Manipur Assembly session leh Mizoram Assembly session tehkak zualta le hang, Manipur ah O Joy MPP dik tat leh hangsan chi in mi tmatka in thei a, aman diklou a sakte peuhmah hangsantak in house ah puangkhe ngam hi. Huchi lou corruption vai ah hangsantak a paukam MLA/Minister i nei naikei uh chih theih phial in om hi. Himahleh, Mizoram ah bel, a party a le ki chi zezen lou in, hiai pa/hiai nu leh helpawlte kizom chih hiam, ahih kei leh, hiai pa’n hiai fund sum tamtak negu, na sum neekgukte in inn na lam chih peuh in guh lang zeen in ki chi ziahziah uhi. Huaiziak mah in, Mizoram ah neekguk/taak gukna kiam deuh adiam chih theih in om hi.
I ngaihtuah leh, Mizoram state ah Centre apan fund leh scheme ban ah project tuamtuam tamtak lut a, Government in leng 100% diktat tak in semkhe kei mah le uh, 70% bang in sem mahmah ding un gintak huai hi. A tenna mun uleh leitang et in, gam selak, kawllak hi a, himahleh, North East adia khawpi etlawm pen a suahtheih mawk uh thil maktak ahi. Mizoram khawpi Aizawl nuai a luiluang apan in Aizawl khawpi ading electric thahatna zang in tui kaap touh hi a, ei a tawh kikhai peuh mah hi. Ei abel, i saklam apan tui hongluang suk leng kai zoulou hi a, amau a anuai lam a om tui touhluan sak uh chihna ahi hi.
I Laisiangthou ah Agam leh Adiktatna zong masa un, a chih pe’n thudik ahi ngut ding a, Mizoram in diktat tak a na anasep na gah uh louta in, tulel dinmun et in nuam sa mahmah uhi. Tuaban ah, bangziak lawmlawm a Centre Government nah Mizoram hi chi thulut tel adi chih le ngaituah tham ahi hi. Centre apan loan alak himhim te uh Mizoram Government in diktat tak in dinkik zel uh chih thu om a, huai ziak mah in Centre in Mizoram state ah muanna liantak ngah adiam chih theih in om hi.
Mizoram tour a pailel Manipur Hill Journalist Union team leh Governor Lt Gen L M Lakher a kimuhna hun uah, Governor in Manipur hihna tak ana geen pih a, zum huai sim mahmah hi. Manipur ah neekguukna uang law mahmaha, contractor tamtak in bangmah semkhe lou in, a seplouhna sa uh bill ¾ vei la mawk uh chi’n Lakher in gen a, hawn thei chian mahmah hita e chih theih in om hi. Chief Secretary Haukhum Hauzel IAS in mautaam tawh kisai agenbang i ngaihtuah chiang in, kum 4/5 paisa apan kisa khol khin uh ahihdan chiang mahmah a, Centre Government apan Rs 125 crore ngahta uh ahihdan gen a, Manipur bang ah huai zah zouzai sum hong lut hita leh, ana chilphur thei official tamna tel in chia. Central Young Mizo Association (CYMA), MUP, MHIP, MCO leh Mizoram state Art and Culture Department te saina a kizang sek Chapchar Kut kichi Mautaam kialpi ding ziak in zanglou dek ua, sum-le-pai sehkhiak a om tengteng kial panpihna dia piak khiak vek hiding in gen uhi.
Mizoram state bangbang a i khantouh semna ding in ei lawilak ah leng diktatna kisam petmah a, diktatna lou in khantouhna om theilou a, a diktat te mah khangtou hi uhi. Huai ziak in, Manipur state Government in Mizoram te nasep dan, khantouhdan leh kivaipuakdan te a mun mahmah ah ava study ua, a thil muhsuah dan ua Manipur ahon paipih kei ualeh, ni khat tei state pump i ki bai buliik khong ding uh lauhuai mahmah hi.
MAIN ARTICLE:
AUTONOMOUS DISTRICT COUNCIL, BILL
: Esther' pa
Manipur Assembly ah Dated 11-03-2008 in Autonomous District Council Bill, 2008 kiluikhia hi. Assembly House a Bill pen discuss om man lou in, Speaker in adiklouhna (technical errors and flaws) aom ziak chih suanlam a, House Select Committee ah bawllem dia apiak banah, Assembly hiai dia March 19 tan extend thu ah lungkimlou in Thanlon A/c MLA V.Hangkhanlian in “Bill ki-introduce pen Manipur Hill Area Committee in leng hoihtaka aveel nung a ki introduce ahihman in, Select Committee ah refer ngeina hilou ahi, Speaker in dan pai ngeina peel a thil hih ahih man in, tuni mahmah in a schedule bang in Assembly Floor ah discuss hi hen”” achih Speaker in angeingaih louhziak in Assembly Hall pawtsan a, Manipur Hill MLAs 14 dangte’n leng juipawt ngal uhi. Hiai hun in singtangmi MLAs/Ministers 18 tel ua (Congress President Gaikhanngam leh Independent MLA Thangkholun absent ziak in), himahleh TD Minister DD Thaisi, PHED Minister T.N.Haokip leh Power Minister Phungzathang Tonsing bel Assembly pawtsan lou – (Sangai Express (March 12, 2008 issue)
Thei khial lawmlawm ding in zaw ka ki gingta kei, himahleh adiklouhna a om zenzen leh Tribal interest awlmohna ziak a gen dan in hon ngai mai unla, Assembly House a Business paidan tangpi, hiai bang hisek hi veh aw : Assembly sitting a om ding chiang in, tua Assembly a om sung a discuss ding atangpi teng – Speaker chair na nuai ah House Business Advisory Committee, tukhawm masa in Advance a zeekkhawm in, abik in, bill pentak bang a ma a House Business Advisory Committee in ageelkhawm nung a Assembly a ki-introduced theipan hi zaw hi. Bill gen taklouh, starred question bang zah om a, kua pen in Assembly a dawng ding hiam? chih tanpha gelfelsa a advance notification kihawm tang pi hi.
News item pen achiang khin kei na a, Tribalte benefit ding leh Tribal interest kepbitna (Tribals’ Benefit & Interest Safeguard) ding ahih tuak hi - District Council Bill ahih nak leh, tua House Business Advisory Committee in leng a Bill pen, Manipur Hill Area Committee a nouneel tak a genkhawm nung a, amau phasakna toh House a gen khawm dia akipuaklut nung in, House Selection Committee dang va phuan a veel na ding san leng a om bawk kei. Indian Constitution Article 371(C) dungjui in, Manipur Hill Area Committee Act, 1971 ah President V.V.Giri ahih lai in amah mah Signature a Order kisuah ah, Manipur Tribal Interest hiam / Tribal toh kisai a Manipur Assembly in dan-le-duun (Money Bill lousiah) a introduce ding chiang in, Manipur Hill Area Committee Level ah nou neeltak a veel khawm ahih zohchiang in, Assembly ah introduce thei pan ding ahi chih hi zaw mah veh aw. Hill Area Committee pen constitutional and statutory body in, hoihtak a aveel nungin Tribal interest diversion or dilution tupna a, House Selection Committee leltak a suanlam nei a Speaker in a refer pen thil diklou, constitution or democratic norms nullified leh power misappropriation ahi.
Tua thil om dan igeel sauchiang in, Manipur Hill Area a District Council election om ding chi a hong kigen pen, Tribal louta ta leh Hill Area a akisaipih louta ta in, awlmoh zaw ahong bang maw? Delaying tactic hih tuak ve aw maw? Singtangmi MLA te’n ahon hih hoih mah mah ve ua. Bang teng hileh, hiai hun a Tribal Development Minister leh adang dang te’n leng awlmohna ahon neih uh zaw adeihhuai ve, Minister tutphah nuam tawk le leng. Hiai situation ah ahon teeltute interest et zaw hoih hi na veh aw maw? Appreciate commendable job done by 15 Tribal MLAs. WELL DONE, KEEP IT UP.
www.manipurexpress.com
Tuni sun nung dak 2 in Sumant Singh IAS, Deputy Commissioner/CCpur in DC office conference hall ah Lamka khawsunga, Press/Media te kimuhpih na nei hi. DC in athugen na ah Mautaam kialpi thuakdiak Thanlon, Tipaimukh leh Vangai Range ah NREGS ni 100 ading sum sanction hita a, ni 40 nitha ading sum Village Authority te’n DSO Bank Account ah antang lei nang in deposit zouta ua, process pailel ahihdan gen hi.
Aman agen zelna ah sum ki deposit te in Imphal ah antang lei hidinga, AAY angtang kg khat ah Rs.3.37, BPL antang kg khat ah Rs.6.11 leh APL antang kg khat ah Rs.8.56 in lei hiding hi’n gen hi. Innkuan khat in Kg 35 chiat tangbaan dinguh ahihdan leng DC in gen hi. Imphal apat Lamka tan apuak manteng Government in sengvek ding a, Lamka apat Block tuamtuam ate Village Authority te’n mohpaw ding ua, Govt.in reimbursement ding ahihdan leng gen hi. Vangai Range ading te Jiribam ahihkei leh Silchar apat apuak lut hi ding in gen hi.
Press te’ dotna te DC in a dawnna ah, Government in PDS tungtawn in Minister/MLA te’ ading antang special quota piak bangmah nei loua, himahleh Kerosine Oil ah bel kha khat in litres 3000 pia ahihdan gen hi. PDS ah Minister/MLA nominee system hun sawt pi apat in cancelled hita a, nominee kuamah awm nawnlou ahihdan leng gen hi. NREGS fund ki divert bangmah omloua, Government in fund ahon release teng DC office apat cut bangmah omloua, sanction vek ahihdan gen hi. DC in Additional antang 8000 quintals a nget teng, Govt.in kg khat ah Rs.15.97 in honlei sak deka, mipi ading ahaksa law ding leh Kial leh tak lai adinga, a rate sanglua ahihman in DC in la utlou ahihdan leng gen hi.
Deputy Commissioner Churachandpur Sumant Singh IAS in agenbehna ah, NREGS guideline DC office ah bu tamlou om a, kua peuh a en utte’n DC phalna la in enthei dinga, adeihte’n Photostat leng bawl thei ding hi’n leng gen hi. Chief Secretary order dungzui in NREGS fund zanga antang leina ding tawh kisai in, DC leh BDO teng mawhpuakna pia a, antang leh sum hawmkhiak tanpha ah mawhpuakna la ding in theisak hi. NGREG nasepna thaman hawmkhiakna ding ah, Thanlon,Tipaimukh leh Vangai Range ading in ni 100 hi a, Singngat leh Henglep ading ni 45 leh Block dangte ading a ni 25 ading Chief Secretary order dungzuia ki sanction ahihdan leh NREGS fund atam thei pen Mautaam Kialpi thuak te adinga sanction ahihdan leng DC in gen hi. Govt.in fund ahon release nawn ding bel ahun kithei lou phot ahihdan leng genna nei hi
Misi guh vuak vui in om
Tuni nitaklam dak 3:30 in K.Kabib IPS, SDPO/CCpur makaih in Police, IRB leh Dr.P.Nengzadou District TB officer te’n STC/BSF te’ gamsung guamthukpi sung ah mihing guhvuak va mukhia ua, Mualkoi haanmual ah vui uhi. Misi baan guh ah Hindu te’n athuah sek uh, taau chikhat kithuah a, singtang mi hilou ding in gingta uhi. Loupa leh khaugui in guamkuak a zaamkhum vektak ziak in, hunsawt pi paisa a thil tung hiding in gin thu kigen hi.
Ganja tamtak kihaal tum
Lamka to Aizawl Motor’s Service Co-operative Society leh Lamka Drivers’ Union te’n March 13, 2008 in Tata Sumo Aizawl apai dek apat in antang bag sung apan in Ganja kg.11 ½ bag khat akikoih man khia uhi.Tuni zingkal dak 7:30 in Sumo Counter Hmuia Veng ah mei in haltumvek uhi. Aki haltum teng Market value in Rs.1 lakh valman ding in gen uhi. Government thil khaam himhim kuaman pawlut lou ding inleng mipi te kiang ah LAMSCS in ngetna nei hi.
NEEPCO makai te’n Tipaimukh pha ding
Tipaimukh Hydro Electrict Power Project bawlkhiak nang tawh kisai enkhe kawm ding in Executive Director (P-II&THEP)makaih in NEEPCO makai te Helicopter zang in Tipaimukh khua March 16, 2008 sunnung dak 12:30 in vapha ding uhi. Huai ah telding in Dalzamang Gangte DFO/CCpur in tuni’n Lamka nusia in,Tipaimukh zuan hi.
DI &AI te’n School enkhia
Kaikhanlian Guite DI leh Kapneithang AI/Churachandpur te’n tuni zinglam dak 10 in Tuibuang Govt.Jr.High School etkhiak na va nei uhi. School hoihtak a a function ban ah Student te school ah ta zoulou hial uh hi’n kigen hi.
SSA Monitoring team in hong en khia uh.
Churachandpur District sunga SSA nasep tawh kisai in tuni zinglam dak 11:30 in Imphal apat in SSA Monitoring team, Lalrem Singh Head of Dept. MU, Leban Serto Ph.D.Co-ordinator Centre for Peace Education te’ makaih in mi 4 in Lamka hawng pha uhi. Amau ZEO office ah SSA nasep dan tangpi te etkhiak na nei uhi.
3 Assam Rifle te Cable gui kigu mang
Zan nitak in 3 Assam Rifle te’ Jelly Fibre Cable Tuibuang Oil Pump leh Forest gate kikal ah metres 400 vel asau guta pawl khat in gumang uhi. Hiai tawh kisai in tuni’n Police te kiang ah report bawl uhi. Tuma lam in leng 3/4 ana kiguk sak ngei ta hi.
Medical team Parbung ate hongtung.
Parbung area ah natna hii leeng om hiam chih thei chian kawm ding in Dr.F.Thienkhogin DMO leh Dr.Ginthianlal MO/Parbung makaih in Medical team in March 10 in Parbung area zuan ua, March 13, 2008 in Lamka hongtung uhi. Amau Rovakot, Sitan, Tinsuong leh Damdiai khua te ah damlou tamtak va en uhi. Natna hiileng gending lua bangmah omlou a, sungkhawh, naupang hitaang, luna, awmna bel hun khop om hi’n gen uhi.
Tedim Road lampi thuapthawh uh
Police Station apan Tuibuang lam manawh Tedim Road mun tamtak ah kisia in nuamlou petmah hi. Lampi siatna te March 13, 2008 apat in National Highway, PWD-Division III (Imphal) te’n Alkatara zang in lampi siatna teng athuap in thuap thoh ua, azia om tuan mahmah ta hi.
Minister leh MLA Lamka ah.
Power Minister T.Phungzathang leh MLA T.Manga Vaiphei te’n hihding poimawh aneih ziak un, tuni’n Lamka hongpha uhi. T.Phungzathang in New Lamka a, PT Sport Complex kibawl lel etna leng nei a, Lamka ah giak hi.
Multi-Media Campaign zouta ding.
DIPR/CCpur te sai na a, Synod hall IB Road ah Three Day Multi-Media Information Campaign paitou lel zingchiang in hunkhak na omta ding hi. Sunnung dak 1:30 in Closing function hun zat hiding a, Chief Guest in H.Rupachandra Singh, ADC pang ding a, Functional President in Dongzakai Gangte Chairman Chief Council pang ding hi.
DDT kapdan training uh
National Vector Borne Disease Control Society te’ saina in tuni zinglam dak 11 apat in
District Malaria office ah DDT kapdan tawh kisai training om hi. Huai ah Male Health Superviser, Male Health Worker leh Spraymen te tel ua, Dr.F.Thienkhogin DMO leh H.L Khai, Male Health Superviser te’n sinsak na nei uhi.
ZMA in naupang mi 6 laksawm
Zomi Mothers’ Association in Michael Job Centre Tamil Nadu ah koih ding numei naupang tagah kemtu ding neilou kum 3-5 kikal mi 6 laksawm ua, lunglutna neite’n March 16 mangei in Grace Zamnu Secy. ZMA kiang ah thuchian kan theih ding hi.
Pay Bill 43 passed
Treasury Office/CCpur te’n March 1-14 sungin Govt Deptt tuamtuam 43 te paybill passed ta ua, Bank ah advice in thon vek uhi.
Naupang Lalhrietzing liam
Lalhrietzing kum 5 d/o Lalnghaklien of Saidan tuni sun ah a lawmte tawh kimawl lai kipuk in a dek tatkha in tun Hospital ah etkawl in omlel.
District Hospital sunset chimkhia
District Hospital Medicine Ward building kong mai a Sunset hun sawttak puahlouh a a om ziak in tu in kise gawp a, tuni nitak lam dak 3 vel in a plaster na te chimkhe zeng zung hi. Vangphat huaitak in kuamah sukkhak neilou hi. Thuneitu te’n a etkai kin uh poihmoh sakthu tamtak in gen uhi. Tuaban ah, feet 60 vel a sau sunset leng kileng gai in, a chipzaak a mi a sukkhak ding lauhuaitak in om lel hi.
IMPHAL NEWS:
CM makaih in Prime Minister mu
New Delhi, March 14: Chief Minister O Ibobi makaih a New Delhi a zinkhia CM team leh MUTSU palaite’n tuni zinglam dak 11 in Union HRD Minister Arjun Singh kimuhpihna nei ua, huai ah Union Minister in MUTSU demand te etzui sak pahding ahihdan ana chiam a, sunnung dak 12:30 in Prime Minister Dr Manmohan Singh kimuhpihna neinawn uhi. CM team leh MUTSU team thusuak in agenna ah, Prime Minister apan dawnna kipahhuai tak ngah uh ahihdan gen uhi.
Thudang khat kizadan in, Tangkhul Students Union (TKS) in Pettigrew College infrastructure hoihtak peding a Government nawhna a kiphinna aneih uh, Education Minister L Jayeenta Kumar in etkai sak ding a thuchiam aneih ziak in, a kiphinna uh ni 5 sung khahkol uhi.
ASO apan SO ah mi 6 kaisang
Imphal, March 14: Manipur Government nuai a Departmental Promotion Committee in July 27 2007 a meeting a neih uh thupukna dungzui in, ASO apan SO ah mi 6 promotion ding in recommend bawl uhi. ASO apan SO a promotion piakte pay scale ahihleh, Rs 6500-Rs 10500 hiding in kigen hi. Promotion ngahte, L Sumati Devi, O Keinahanbi Devi, H Tomba Sham, Th Meinou Singh. Ningkhokim Lhangvom (ST) leh Vanlalfel (ST) te hidan in kigen a, amau kum 2 sung probation period zang ding uhi.
SI/Jamedar Viva voice om ding
Imphal, March 14: Manipur Police Department nuai a Sub Inspector leh Jamedar lakna ding ah Written test a lawhchinna ngahte’n March 17 2008 apan Kangla Officer Mess ah viva voice neiding uhi. Police Department thusuak dungzui in, March 17 apan panding ua, huai ni in Imphal West apan candidate te’n neiding ua, March 18 in Thoubal leh Imphal East, March 19 in, Bishnupur leh Churachandpur, March 20 in Chandel, Senapati, Tamenglong leh Ukhrul in nei ding hi’n kigen hi. Zinglam dak 9 in DPC tupan ding a, huai hun ah candidate te’n original certificate, educational documents leh certificate poimawh dangdangte ava lah uh ngaiding hi.
Child labour tawh kisai kikhawm ding
Imphal, March 14: Zingchiang March 15 zinglam dak 11 in Manipur state Guest house, Imphal ah Manipur Government nuai a Labourt Department te saina in Sate Level campaign against child labour kichi om ding a, huai ah Chief Guest in Labour , employment and FHW Minister Ph Parijat Singh pangding hi. AR Khan Labour Commissioner in Functional President in pang ding a, Guest of Honour in, RK Sukumar Singh MCS, Project Director, State Mission Authority, Anne Mangsatabam Chairperson, Child Welfare Committee, Manipur leh L Suchin Kumar Singh General Secretary, All India Trade Union Council, Manipur state council committee pang ding hi.
UNLF member 2 mankhia
Imphal, March 14: Zan nitak dak 8 vel ding in Imphal East Police Commando te’n Thambalkhong kiim lak operation va neiphut uh a, huai ah UNLF member poimawh mahmah Md Brokhauddin @ Rajen (27) of Lilong Hangamthabi Haorong mankhia uh a, ama kipuanna apan in UNLF member dang khat Md Abdulmilshah (38) of Thoubal Wangkhem Muslim mankhia uhi. Mr Abdulmilshah ahihleh, tulel in Hatta central Masjid Road, Imphal ah khawsa lel hi. Mr Brokhauddin kipuanna apan October 2007 a Abdulmilshah tungtawn a UNLF ana lutkha ahihdan leng gen hi.
MJA in MHJU vaidawn
Aizawl, March 14: Mizoram veh a zinlel Manipur Hills Journalist Union member te tuni in Mizoram Journalist Association te’n Press Club, Aizawl ah vaidawnna program neihpih uh a, huai ah Manipur Express Editor leh MHJU President hihna pawkhawm L Chinkhanlian in thugenna nei in, MJA tung ah kipahthugenna leng nei hi. Program zawh in MHJU member te’n IPR apan a ngah uh gari nih zang in khawpi sung leh pua mun poimawh deuhdeuh vehna nei uhi. Zingchiang March 15 in MHJU President leh Chief Secretary Haukhum Haujel in zinglam 10 in thu poimawh tuamtuam genkhawmna nei ding uhi.
Talent Search ah Prize mu ding
Imphal, March 14: State Level National Talent Search examination 2007 kichi kumlui November 8 in neih in om a, Imphal centre tungtawn in mi 51 telkhiak in om a, amaute’n award sangvek ding uh hi’n kigen hi. Thusuak kingah dan in, Class VII, VIII leh X apan mi 17 chiat telkhiak in om uh a, Selected/Merit/Journal Consolation prize chih dan category bikhiah in om hi. Merit award ah Class VII leh VIII te’n a sum tang in Rs 2500 chiat sang ding ua, Class X te’n Rs 3,000 sang ding uhi. Journalal leh Consolation prize hawmkhiakna leng om ngal ding hi. Churachandpur apan in Class VII ah Rahul Meitei of JNV/CCpur in Merit award sangding a, Class VIII ah Lidya Mangou of Jiribam Model School in sang ding a, T Khaiminlal of St Mary High School, Tuiboung, CCpur in leng award ngah ding hi. Class X best 5 merit ah ML Paocha Haokip of Sainik School in award ngahding a, Consolation ahihleh, W Koireng JNV/CCpur in prize kilawm hun tawk ngah ding in thusuak kingah hi.
EDITORIAL:
Tuni Thupi: “TOUPAN hih ding a hon piak ngal leh bangchiin na om kinken thei dia? Askelon leh tipi gei tunga gamtang ding in, a hon seh ngal aleh.” Jeremia, 47:7
State hampha : Mizoram
India state te’ lak a ‘most peace state’ leh ‘highest literacy rate’ award tanpha ana ngah Mizoram state bangziak a hi chi khan touh lawmlawm hiam chih ngaihsut thamching a, state hampha ahi uh chih kanlouh bang a i gentheih chi le hang a khial saulua i hikei ding hi.
Mizo National Front makaih in Zosuante’n India apan suahtakna ding ana sual ua, sisan naisan tamtak ana seeng uhi. MNF demand pe’n piak hikei mahleh, Indian Constitution nuai ah Assam state apan heekkhia in, Mizoram Union Territory piak in ana om a, 1986 kum in statehood piching piak in ana om uhi. India state te lak a anaupang pawl himahleh, naktak in khangtou a, a khantouhna uh thuguuk bang hi hiam chih leng et tuak mahmah hi.
Mizoram state sung ah Christian 99% bang hizou ding in i tuat a, Christian ahihna ziak mah ua, vualzawlna thupitak luanglut adiam chi le hang lah, Chrisitan state khenkhat bah mahmah pawl om zel hi. Ahi a, Mizoram in a pii bawl mahmah ahihleh, DIKTATNA kichi ahi hi. Vaihawmtu ki khengzel in, Party tuamtuam in ministry bawlkhe zel mah le uh, mipi palai dia telkhiakte lak ah hangsantak a ki kawkna om ngam hi. Manipur Assembly session leh Mizoram Assembly session tehkak zualta le hang, Manipur ah O Joy MPP dik tat leh hangsan chi in mi tmatka in thei a, aman diklou a sakte peuhmah hangsantak in house ah puangkhe ngam hi. Huchi lou corruption vai ah hangsantak a paukam MLA/Minister i nei naikei uh chih theih phial in om hi. Himahleh, Mizoram ah bel, a party a le ki chi zezen lou in, hiai pa/hiai nu leh helpawlte kizom chih hiam, ahih kei leh, hiai pa’n hiai fund sum tamtak negu, na sum neekgukte in inn na lam chih peuh in guh lang zeen in ki chi ziahziah uhi. Huaiziak mah in, Mizoram ah neekguk/taak gukna kiam deuh adiam chih theih in om hi.
I ngaihtuah leh, Mizoram state ah Centre apan fund leh scheme ban ah project tuamtuam tamtak lut a, Government in leng 100% diktat tak in semkhe kei mah le uh, 70% bang in sem mahmah ding un gintak huai hi. A tenna mun uleh leitang et in, gam selak, kawllak hi a, himahleh, North East adia khawpi etlawm pen a suahtheih mawk uh thil maktak ahi. Mizoram khawpi Aizawl nuai a luiluang apan in Aizawl khawpi ading electric thahatna zang in tui kaap touh hi a, ei a tawh kikhai peuh mah hi. Ei abel, i saklam apan tui hongluang suk leng kai zoulou hi a, amau a anuai lam a om tui touhluan sak uh chihna ahi hi.
I Laisiangthou ah Agam leh Adiktatna zong masa un, a chih pe’n thudik ahi ngut ding a, Mizoram in diktat tak a na anasep na gah uh louta in, tulel dinmun et in nuam sa mahmah uhi. Tuaban ah, bangziak lawmlawm a Centre Government nah Mizoram hi chi thulut tel adi chih le ngaituah tham ahi hi. Centre apan loan alak himhim te uh Mizoram Government in diktat tak in dinkik zel uh chih thu om a, huai ziak mah in Centre in Mizoram state ah muanna liantak ngah adiam chih theih in om hi.
Mizoram tour a pailel Manipur Hill Journalist Union team leh Governor Lt Gen L M Lakher a kimuhna hun uah, Governor in Manipur hihna tak ana geen pih a, zum huai sim mahmah hi. Manipur ah neekguukna uang law mahmaha, contractor tamtak in bangmah semkhe lou in, a seplouhna sa uh bill ¾ vei la mawk uh chi’n Lakher in gen a, hawn thei chian mahmah hita e chih theih in om hi. Chief Secretary Haukhum Hauzel IAS in mautaam tawh kisai agenbang i ngaihtuah chiang in, kum 4/5 paisa apan kisa khol khin uh ahihdan chiang mahmah a, Centre Government apan Rs 125 crore ngahta uh ahihdan gen a, Manipur bang ah huai zah zouzai sum hong lut hita leh, ana chilphur thei official tamna tel in chia. Central Young Mizo Association (CYMA), MUP, MHIP, MCO leh Mizoram state Art and Culture Department te saina a kizang sek Chapchar Kut kichi Mautaam kialpi ding ziak in zanglou dek ua, sum-le-pai sehkhiak a om tengteng kial panpihna dia piak khiak vek hiding in gen uhi.
Mizoram state bangbang a i khantouh semna ding in ei lawilak ah leng diktatna kisam petmah a, diktatna lou in khantouhna om theilou a, a diktat te mah khangtou hi uhi. Huai ziak in, Manipur state Government in Mizoram te nasep dan, khantouhdan leh kivaipuakdan te a mun mahmah ah ava study ua, a thil muhsuah dan ua Manipur ahon paipih kei ualeh, ni khat tei state pump i ki bai buliik khong ding uh lauhuai mahmah hi.
MAIN ARTICLE:
AUTONOMOUS DISTRICT COUNCIL, BILL
: Esther' pa
Manipur Assembly ah Dated 11-03-2008 in Autonomous District Council Bill, 2008 kiluikhia hi. Assembly House a Bill pen discuss om man lou in, Speaker in adiklouhna (technical errors and flaws) aom ziak chih suanlam a, House Select Committee ah bawllem dia apiak banah, Assembly hiai dia March 19 tan extend thu ah lungkimlou in Thanlon A/c MLA V.Hangkhanlian in “Bill ki-introduce pen Manipur Hill Area Committee in leng hoihtaka aveel nung a ki introduce ahihman in, Select Committee ah refer ngeina hilou ahi, Speaker in dan pai ngeina peel a thil hih ahih man in, tuni mahmah in a schedule bang in Assembly Floor ah discuss hi hen”” achih Speaker in angeingaih louhziak in Assembly Hall pawtsan a, Manipur Hill MLAs 14 dangte’n leng juipawt ngal uhi. Hiai hun in singtangmi MLAs/Ministers 18 tel ua (Congress President Gaikhanngam leh Independent MLA Thangkholun absent ziak in), himahleh TD Minister DD Thaisi, PHED Minister T.N.Haokip leh Power Minister Phungzathang Tonsing bel Assembly pawtsan lou – (Sangai Express (March 12, 2008 issue)
Thei khial lawmlawm ding in zaw ka ki gingta kei, himahleh adiklouhna a om zenzen leh Tribal interest awlmohna ziak a gen dan in hon ngai mai unla, Assembly House a Business paidan tangpi, hiai bang hisek hi veh aw : Assembly sitting a om ding chiang in, tua Assembly a om sung a discuss ding atangpi teng – Speaker chair na nuai ah House Business Advisory Committee, tukhawm masa in Advance a zeekkhawm in, abik in, bill pentak bang a ma a House Business Advisory Committee in ageelkhawm nung a Assembly a ki-introduced theipan hi zaw hi. Bill gen taklouh, starred question bang zah om a, kua pen in Assembly a dawng ding hiam? chih tanpha gelfelsa a advance notification kihawm tang pi hi.
News item pen achiang khin kei na a, Tribalte benefit ding leh Tribal interest kepbitna (Tribals’ Benefit & Interest Safeguard) ding ahih tuak hi - District Council Bill ahih nak leh, tua House Business Advisory Committee in leng a Bill pen, Manipur Hill Area Committee a nouneel tak a genkhawm nung a, amau phasakna toh House a gen khawm dia akipuaklut nung in, House Selection Committee dang va phuan a veel na ding san leng a om bawk kei. Indian Constitution Article 371(C) dungjui in, Manipur Hill Area Committee Act, 1971 ah President V.V.Giri ahih lai in amah mah Signature a Order kisuah ah, Manipur Tribal Interest hiam / Tribal toh kisai a Manipur Assembly in dan-le-duun (Money Bill lousiah) a introduce ding chiang in, Manipur Hill Area Committee Level ah nou neeltak a veel khawm ahih zohchiang in, Assembly ah introduce thei pan ding ahi chih hi zaw mah veh aw. Hill Area Committee pen constitutional and statutory body in, hoihtak a aveel nungin Tribal interest diversion or dilution tupna a, House Selection Committee leltak a suanlam nei a Speaker in a refer pen thil diklou, constitution or democratic norms nullified leh power misappropriation ahi.
Tua thil om dan igeel sauchiang in, Manipur Hill Area a District Council election om ding chi a hong kigen pen, Tribal louta ta leh Hill Area a akisaipih louta ta in, awlmoh zaw ahong bang maw? Delaying tactic hih tuak ve aw maw? Singtangmi MLA te’n ahon hih hoih mah mah ve ua. Bang teng hileh, hiai hun a Tribal Development Minister leh adang dang te’n leng awlmohna ahon neih uh zaw adeihhuai ve, Minister tutphah nuam tawk le leng. Hiai situation ah ahon teeltute interest et zaw hoih hi na veh aw maw? Appreciate commendable job done by 15 Tribal MLAs. WELL DONE, KEEP IT UP.
www.manipurexpress.com
No comments:
Post a Comment