Damlou ensak dia kuan heart attack in si
Lamka, March-28: K.Thuamzamung( 35 ) s/o (late) K.Khupzakham of Zellang Veng tuni in anu neu Mrs Ngainou of Tipaimukh Road,Lamka damlou ensak ding a Imphal hawhpih sun dak 12 vel in hotel a an ne lai heart-attack in puksia a, RIMS Road a Imphal Hospital tut himahleh RIMS ah refer hi a, hileleng damzoulou in si hi. Aluang RIMS morgue a post mortem bawlzawh in hong kipua a, nitak dak 7.15 in Lamka hongtung hi. March 29 in Lamka hanmual ah kivui ding hi. K.Thuamzamung ahihleh CCpur Govt.College mai a Excel Diagnostic Centre neitu hi a, singtangmite lak a lawhching pente khat a gen phak in om hi.
Thau a kaplup siluang khat kimu
Lamka, March-28: Lamminthang Neihsial(30) s/o (late)Nekkhothang Neihsial of Gangpimual tuni zingsang baihtak in Simveng hanmual ah thau a kaplupsa in aluang kimukhia hi’n Police apan kiza hi. Siluang kimuhnung sawtlou in Police te’n vala uh a, District Hospital morque a koih in doctor-te tawh post mortem bawlkhit in a innkuante kiang ah pekhia uhi. Lamminthang bel a taltang(forehead) ah thautang lutna ma khat om hi’n police in gen uhi. Amah lungsim vengchiah lou hi’n kigen a, March 25, 2008 in Gangpimual hanmual ah numei naupang kum 6 lel a upa sualtu hidia gintakthu tamtak in gen uh a, hileleng amah that hi a kipuang kuamah om nailouh ziakin bangziaka kaplup hihiam chihthu chiantak bel kithei nailou hi. Hiai sihna thiltung ziakin Police te’n FIR no.28(3)08 U/S 400/302 IPC & 25(i.e)A.Act.registered uhi.
DC in antang pawte khahkhia
Lamka, March-28: Sumant Singh,IAS,DC/ CCpur in tuni sunnung in a tenna inn kong ah Thanlon area leh Tipaimukh area a ding antang pua gari-te khankhia(flag off ) a, huai antang pua gari-te ZEPADA leh CDSU makai te’n zui in makaih uhi. Thanlon area a NREGS Job card nei mi 3109 te ading in antang 1088.15 quintals hidinga, innkuan khat in antang kg.35 zelin tang ding uhi. Tipaimukh area a NREGS Job card nei mi 3018 te ading in antang 1056.30 quintals puakkhiak hi a, innkuan khat in antang kg.35 mah tang ding uhi. Antang leina ding in mipite’n NREGS nasepna nitha 40 ading sum DSO(FCS)/CCpur’ account tungtawn in Bank a deposit abawl ua pat DC&DSO te’n Imphal apan antang lei uh hi’n kigen hi. DC in a gendan in kha 8 tan mipi te’n sum deposit ua leh leizel hidin ge’n hi. NREGS fund mah a Vangai Range a Job card nei mi 2090 te ading Jiribam apan in antang 731 quintals puaklut hita a, tulel in mipit lakah kihawmkhia hi. Mautaam Kialpi thuakte ading in tulel a PDS quota kidaihlouh ziak in khatenga antang kingah zah banah antang 8000 quintal vel kialpi hunsung in govt in khatenga hongpiak gige ding in DC in Govt ah ngen mahleh Govt in antang kg.1 zel ah Rs.14/15 in leisak sawm a, huaileng khatvei kia hong piak a sawm zawkmah ziakun mipite’ adin leingaihna awmlou a, DC in huaizah rate in lak sawmlou ahihdan gen hi.
TFA apan Henry Gangte graduate
Lamka, March 28: Chiengkonpang a om S Lulun Gangte leh Biaksangi tapa S Henry Gangte in tuni in Jamshedpur a Tata Football Academy(TFA) apan Graduation ngah hi. Aman 2004 kum in TFA zom a, April 1 apan in India a club minthang pente laka khat Mohan Begun zom ding hi. Gangte ahihleh August 21 1986 in piang a, aneu apan kimawlna lunglut mahmah hi’n kigen hi. Mohan Begun Club tawh session 2 (kum 2) ading in contract signed uhi. Amah England, Wales, Japan, Bangladesh leh gam tuamtuam ah kimawl in kuankha a, Durand Cup, 2007 kimawl laiin TFA Captain hihna len a, “Most promising player award” leng sang hi.
CDCTA vaipawthak ding tel ding uh
Lamka, March-28: CCpur District Council Teachers’ Assn(CDCTA) pawl in March 29, 2009(Kiginni) dak 11.00 in IB Road a Synod Hall ah kum 2008-2010 sung vaipaw ding Office Bearer thak tel ding uhi. Election result puankhit in DI of Schools(HQ) in telching thakte kichiamsak ding hi. CDCTA member tengin service identity card tawikawm in election ah telchiat ding in Election Commissioner te’n kuapeuh theisak uhi.
NEWS LAKTOM:
DC leh SP zinkhe ding
Tipaimukh Hydro Electric Power Project tung ah March 31,2008 in Tipaimukh khua ah Public Hearing om ding ziakin DC/CCpur leh SP/CCpur in huai a tel ding in March 29, 2008 in Imphal-Aizawl flight in zinkhe ding uhi. SP/CCpur in Security lam mawhpua in enzui ding a,Lamka apan Police leh IRB teamte kuankhe ding uhi.
School va enkhia uh
March 22, 2008 ni’n huihpi hat tak in Lingsiphai khua a Immanuel Institute of Learning(Residential School) leh Lingsiphai Govt.High School mutse dimdem a, Joseph Lalrothang, ZEO leh Kaikhanlian Guite DI/CCpur in tuni sunnung in thil omdan va enkhia uhi.
IWDP training nei uh
H.Dalzamang Gangte, DFO/Southern Division makaih in tuni in a office ah Thanlon leh Singngat Division nuai a Self Help Group te’n Integrated Water Development Programme training nei uhi. Huai ah ADC/CCpur khuallian a pang in training hong a, H.Dalzamang, DFO; M.Ginzalian A.A.O; Dr.George Joute, Vety.Officer; Hoihnu Neihsial, H.D.O(Hort) leh S.Thanmang, Range Officer te’n sinsak uhi.
Text Book laktheih
CCpur Block nuai a Govt School te leh Government Aided School te ading in Vimala Raina School ah Text Book manbei in kihawm a, laktheih lel hi. Huailouin Kaikhanlian Guite, DI/CCpur in CCpur Block nuai a School hoihtak a function High School 9 leh Jr.High School 10 a Headmaster-te Super Headmaster- 2008 title pia hi.
Damdoi min kikheng
Manipur Express a kisuahsek damdoi kizang minthang khat “Stonil” kichi tunai chin in Company in amin khengthak in “Stoneze” chih minvuah uh a, huai akipan in “Stoneze” chih kia in company in damdoi bawl uh chihthu om hi.
Sunna:
T Khupzasuan (43) s/o T Nengchin of Lamphelpat, tu zingkal dak 6:30 in RIMS ah sungna in si a, nitaklam in Chingmeirong Christian Cemetery ah kivui hi. Amah ahihleh, PWD nuai a SE Office a Draftsman semlel ahi.
H Ginlang (75) f/o Khupkhanmang tu zingkal dak 4 in asthma leh lungtang na in si a, nitaklam in Lamka tung hanmual ah kivui hi.
Police station in Quarter thak neiding
Samananda IPS, Inspector General of Police (Manipur Housing Corporation Limited) in tuni in Lamka Police station hong pha in, Police station sung a quarter om te etna leh lemlakna hong nei hi. Aman agendan in, hiai building om te suksiat vek hiding a, a thak ngen tunding hiding in gen hi. Nitaklam in Imphal zuan in kiknawn hi.
IMPHAL NEWS:
Governor in Manipur Science Congress hong
Imphal, March-28: Manipur Governor Dr SS Sidhu in tuni zinglam dak 10.30 in Manipur University ah “the XI Manipur Science Congress” hong hi. Governor in a thugenna ah leitung pumpi ah kumteng in gammang 23 million hectares vel kisia in mangthang gige a, India gam ah leng hectares 1.5 million vel gammang kisia in mangthang gige a, panlak poimawh ahihdan gen hi. Huaiziakin social thila kipumkhat kawm leh quality of life puahna ding in panlakna ding thil plimawh tamtak om hi’n leng gen hi. Hibang panlakna a lawhching thei ding in science leh technology lam leng ngaih poimawh khat ahih ngai chi’n leng Governor in gen hi.
Misi luang 3 te haltum hita
Imphal, March 28: Thoubal District a om Heirok Part II ah Yaoshang lopna kawm a Thabal chongba omlai, March 24 nitak dak 10:30 vel a PREPAK te’n a kaplup uh Laishram Nirmala (16) d/o L Khambou of Heirok Mamang Leikai, Thokchom Promila (18) d/o Th Mohan of Heirok Part I, Heitum Pokpi leh Th Romesh te’ luang RIMS apan tuni in Gari 50 val in puakkhiak in om a, nitaklam in Heirok Part II ah haltum in om uhi. Thusuak in agendan in, hiai thu ziak in tuni in Thoubal lampi tel in, Heirok area teng total bandh puan in om a, kikawmtuahna su nawngkai zou mahmah hi’n kigen hi.
AMWJU in PULF (UF) gaakna phel
Imphal, March 28: All Manipur Working Journalist Union in Peoples United Liberation Front (Umar Farooq) tung a gaakna a bawl uh tuni in phelna nei uhi. Thusuak in agendan in, PULF (UF) in AMWJU tung ah ngohna tuamtuam bawl in, AMWJU President ngial naktak in su minsia uhi. Hiai tungtang ah PULF (UF) Chairman in ngaihdam ngetna a bawl ziak in, nitak lam in AMWJU emergency meeting sap in om a, huai ah hiai tungtang genkhawm ahih nung in, PULF (UF) te nasep himhim News a suahlouh ding a chih pen uh phelkhia in, ngeina bang a painawnta ding in thupukna la uh hi’n kigen hi.
Curfew nitak dak 9.00 in kipan
Imphal, March 28: Imphal leh akim lak a om Vaite mi 15 thah ahihziak a Home Department in Greater Imphal leh Phaizang bial district teng ah nitak dak 6.00 akipan azing nawn zingsang dak 5.00 kikal hunchiam omlou dia Curfew apuan uh ahun dakkal 3 sung tomsak uh a, huai dungzui in tuni akipan in nitak dak 9.00 in apan zinglam dak 5 tan curfew kikoih hi. Hiai tungtang ah tuni in Imphal East leh West District Magistrate te’n Order suah uh a, thurhak om masiah zat hiding hi.
March 30 in Viva Voce om nawn ding
Imphal, March 28: Manipur Police Department a Assistant Sub- Inspector(ASI) lakna ding in March 26-28, 2008 sung Viva voce om a, huai a telkha loute’ ading in last chance khatvei piak hi uhi. DPC Chairman W Meena Kumar in thusuak a bawl dungzui in March 30, 2008 in Kangla a Officers’ Mess ah Viva Voce omsa a tel khaloute ading in om ding a, huai ah candidate te’n document poimawh tuamtuamte tawi in vatel ding a theihsak hi uhi.
DM Campus a kaplup kitheichian
Imphal, March 28: Zan nitak in DM College campus sung a kaplup a om tuni in theihkhiak hi a, amah 2nd Manipur Rifles a Rifleman Meisnam Amuba (36) s/o M Nimai of Laikhong Khunou(Bishnupur District) hi’n thusuak in gen hi. Amuba zi Rebecca in a gendan in zan sunnung dak 1:15 vel ding in a pasal tawh medical check up ding in 2nd M/R Quarter apan Activa in kipawkhia uh a, DM College apan gamla lou A/R Unit omna mun kiang a tun un, alawmpa tawh kihou ua, huai zawh nung sawtlou in bullet proof gari a tuang Police commando pawlkhat in a pasal pikhia uh a, nitak nung in sisa a kimukhia hi’n gen hi.
“North-east bial ah sualna pung deuhdeuh” –Ministry of Home Affairs
MHA Report dungzui in Assam leh Manipur ah buaina uang pen
New Delhi, March 28: North Eastern Region (NER) ah sualna pung deuhdeuh in lemna leh muanna omna ding gamla hiaihiai chi’n tuni in Ministry of Home Affairs(MHA) thusuak in gen a, Centre Government in kintak in ngaihtuahsawm chi’n leng taklang hi. Centre Government in North East a buaina bawlte laka pideuhte ULFA, KLNLF leh DHD(J) te hi’n taklang uh a, Assam Government kiang ah state maban ding bang chih ding hiam chi’n MHA in dotna bawl hial uhi. Assam Chief Minister Tarun Gogoi in hiai thil tawh kisai in tuni in thupuan bawl a, Bangladesh a om ULFA makaite Government tawh kihouna neidia a samkhe zouzou Government in kithuahpih ding ahihdan gen hi. MHA in report apiak dan un kumlui 2007 in Assam state sung ah buaina chi tuamtuam 474 om a, Security Force 27 a sih ban uah civilian 300 phial leng si uh hi’n puang hi. Tukum in Assam ah helpawlte gamtatna ziak in Bihari 70 val thah hi uh a, civilian bangzah pha hiam chih suingam huailou khawp in tam chi’n MHA official thusuak in taklang hi. MHA report dan in, Manipur state leng ana duai tuanlou in, kum 2007 sung kia in buaina tuamtuam 584 om lak ah Security Force 39 thah in om a, mi nautang 130 in sihlawh ua, 2006 kum in buaina 498 om ahihdan gen uhi. Nagaland state ah buaina kiam mahmah in lu, 2007 in buaina tuamtuam 272 om lak ah mi nautang 44 thahkhak in om a, Security Force-te bel khoih in om khollou uh a, hileleng helpawl laka faction sung buai chih tak in buai chi uhi.
Meghalaya state ah leng buaina in kiamlam nawt mahmah in, kum 2007 in buaina mun 28 ah om a, Tripura state ah 94 om ahihdan Ministry of Home Affairs in taklang hi. Ministry of Home Affairs thusuak dungzui in Assam leh Manipur ah buaina sangpen in kithahna leh nautang hinna laksakna thupi mahmah a, UPA Government in hoihtak a a etkai uh ngai ding chi’n theisak uhi. MHA thusuak lamdang mahmah bel UPA Government ah crime report abawl zawh un Congress Government vaihawmna Assam leh Manipur ah buaina bangziak a hichi thupi lawmlawm hiam chih dong kawm in, Centre Government in Assam leh Manipur thuhilhna peding in theisak uhi. MHA thusuak in a genbehna ah Security Related Expenditure(SRE) Scheme kichi leng etthak ngai hi’n taklang uh a, helpawlte adia designated camp adia sum kizangte leng etthak ngai chi uhi. Tulel in Army leh helpawl tamtak in Suspension of Operations Agreement suai a kaih ziak un buaina adan omdeuh hizawmah chi’n MHA in taklang hi. SoO a suaikai helpawlte’n designated camp a bawlte ua sum bei deng SRE Scheme nuai ah a sum lehkik theih (reimbursable) ahihdan taklang uh a, cadre teng in leng khateng a stipend a ngah ngeingei ding uh ahi chi uhi. MHA in North-east biala a nasepna Ministry of DoNER in leng etkaipihta ding hi’n kigen hi.
EDITORIAL:
Tuni Thupi: “TOUPAN, mi thulimloute ading in muanna himhim a om kei’, a chi hi. -Isai 48:22
I gam zaw puah ngai taktak mah hi
Manipur Assembly Budget Session omlai February 22, 2008 in Tipaimukh bial MLA Ngursanglur in dotna abawlte akipan in etzui leh suizui tuak tamtak om ding in kilang hi. Rural Development & Panchayati Raj Minister Md.Alauddin Khan in huai hun a agendan in CCpur district sunga TD Block 10 a din District Planning Committee tungtawn in Annual district Plan 2007-08 dingin Rs 1360 lakh piak ahihdan gen a, fund piakte population leh backwardness dan zil a piak ahihdan puang hi.
BRGF guideline dungzui a sepsuah hihiam chih bel thei kholkhang, ahihziak in a guidelines dan in bel State level Committee a Chairman - Chief Secretary hi a, District level committee te ah bel Deputy Commissioner te’n Chairman hihna len uh hi’n kigen hi. Hiai sum hawmzakna leh allocation bawlna ah RD & PR Minister kigolhlou hi’n RD & PR Minister Allauddin in gen a, thuchian bel i theikei hi.
District ah sum tam lut mahmah ahi chih i theihna ding in, CCpur district sunga Block 10 a BRGF fund 2007-08 ding in Rs 1360 lakh honglut chih ahi. Tipaimukh TD Block in hiai hunsung in Rs 62.20 lakh, Vangai TD Block in Rs 44.00 lakh, Thanlon TD Block in Rs 87.60 lakh, Henglep TD Block in Rs 171.50 lakh, Lamka TD in Block Rs 332.90 lakh, Tuibuang TD Block in Rs 292.90 lakh, Samulamlan TD Block in Rs 98.50 lakh, Saikot TD Block in Rs. 65.60 lakh, Singngat TD Block in Rs 98.30 lakh leh Sangaikot TD Block in Rs 106.50 lakh ngah hidan in RD & PR Minister taklang a, sum kizatnate ahi bang a zat ahih ngei leng i lam-en hi. Huai teng kia i sak lai in, Capacity building and Training ading in leng sum Rs 100.00 lakh bang hong pai khin chih hi a, huai hileh BRGF nuai chauh ah leng CCpur district in Rs 1460.00 lakh ngah chihna ahi hi.
I gamlou lua i chih kawmkawm in, i lungsim a i koih ding thil tamtak om ding in kilang hi. Centre apan leh state apan huhna tamtak i ngah chih bel theihsa hi a, hiai huhna sum te’n State Capital Imphal tawn masa a, huai apan District tuamtuam ah hawmkhiak in om zel hi. Estimate, Plan, Proposal i chihte lawhching thei mahmah a, himahleh a sepkhiakna(execution) leh implementation lam ah taksapna om adiam chihtheih in om hi. Sum hongpaite himhim dikloutak a kizang ahi chi i hi kei a, sum hong paite khempeuh avekin a zatdan ding bangtaka zat sipsip hileh e gamdang tawh teh in ei gam a niam lawtuan dia hia chi ut i hizaw hi.
State Vigilance Commission in Education Department nuai ah fake appointment 186 mukhia uhi. Education Department nuai a sem employee 1010 te hihna chet ahih nung in, 186 te teacher lem hidanin mukhia uh chih hi. Education chauh ahi kei, Manipur Government nuai a Department 10 te Vigilance in remark bawl a, huai Department-te ah leng fake appointment om hiding in i ngaihsun thei hi. Tuma lam a Imphal newspaper-te a fake appointment list hong kitaklangte i et leh, Lamka mi tam petmah a, poi mahmah hi. Tuni in fake leh fake lou tungtang ah judgement piak sawm ihi zenzen kei hi. Fake in fake lou hitaleh Lamka zang ah teacher kichi tam petmah a, huchi kawmkawm in, singtanggam ah teacher kidaihlou chih hinawn hi. I gam puah taktak ni chi i hihleh, teacher-te ban ah Government employee himhim in a posting-na mun uh a zot ua, civil administration leng tunding teitei ahih poimawh hi.
A kigendan in District Council nuai ah Primary School teacher 3071 om a, District Council nuai a Primary school teacher dia sanctioned post 4803 hidanin kigen hi. District Council teacher 3071 te lak ah Lamka zang ah bangzah a telkha dia? Amaute a posting na mun uah pai hile ubel Lamka khawpi i khan kawmkawm in singtanglam leng khang hiaihiai ding a, balance & parallel development kichi om thei ding hi. Manipur Government hiam ahih keileh, Centre apan tuikang ngak a thil i ngak mawk leh dikthei lou ding ahihman in, i gam i puahna ding in michih in mawhpuakna i nei uhi.
Transfer/posting
1. P. Ibopishak Singh, MCS, Joint Secretary(Horticulture/CADA/Relief) as Additional Secretary (Horticulture / CADA / Relief).
2. R.K. Sukumar Singh,MCS, Joint Secretary(Education-Schools) & ex-officio Project Director,SSA as Additional Secretary (Education-Schools) & ex-officio Project Director,SSA.
3. M. Lakshmikumar Singh,MCS, Director(Settlement & Land Records) & ex-officio Joint Secretary(GAD/Sericulture) as Director(Settlement & Land Records) & ex-officio Additional Secretary(GAD/Sericulture).
4. K. Radhakumar Singh,MCS, Joint Secretary(Finance) & ex-officio Director(Small Savings) and Director(Local Fund & Audit) as Additional Secretary(Finance) & ex-officio Director(Small Savings) and Director(Local Fund & Audit).
5. H. Deleep Singh,MCS, Director(Institutional Finance) & ex-officio Managing Director/MSCB and Director(Treasury & Accounts) & Joint Secretary (Finance) as Director(Institutional Finance) & ex-officio Managing Director/MSCB and Director(Treasury & Accounts) & Additional Secretary(Finance).
6. Jason A. Shimray,MCS, Joint Secretary to the Governor, Raj Bhavan,Imphal as Additional Secretary to the Governor, Raj Bhavan,Imphal as
7. Th. Gopen Meitei,MCS, Joint Secretary(IFCD/Agriculture/Minor Irrigation) as Additional Secretary(IFCD/Agriculture/Minor Irrigation).
8. H. Gyan Prakash,MCS, Joint Secretary(DP/ACR/Edult Education/Home) as Additional Secretary(DP/ACR/Edult Education/Home).
M. Harekrishna,MCS, Joint Secretary(Education-Schools) & ex-officio Director(Education-Schools) as Additional Secretary(Education-Schools) & ex-officio Director(Education-Schools).
Employment News:
Staff Selection Commission in Directorate of Census Operations, Office of the Registrar General of India nuaia Group ‘C’, Non-Ministerial posts tuamtuam sem ding lakna ding in June 15, 2008 in state leh Union Terrirories capital tuamtuam ah examination conmduct ding uh a, Imphal(Code No. 441), Guwahati-Dispur(Code No. 421), Itanagar(Code No. 401), Shillong(Code No. 451),Aizawl(Code No. 461), Kohima(Code No. 475), Agartala(Code No. 481), Silchar(Code No. 431) leh Dibrugarh (Code No. 425) leng examination centre hiding hi.
1. Statistical Investigators(Grade-III): post 199
Reservation: ST 11/SC 28/50)
Pay: Rs. 5,000-8,000 per month
Age: 18-25 years(ST/SC upto 30 yrs)
Qualification: Master degree in Statistics/Mathematics/Economics from any
recognized University.
2. Compilers: post 761
Reservation: ST 40/SC 98/OBC 189
Pay: Rs. 4,000-6,000 per month
Age: 18-27 years(ST/SC upto 32 yrs)
Qualification: Bachelor degree with Economics or Statistics or Mathematics as
compulsory or elective subject from any recognized University. ‘O’
level certificate in Computer from an Institute recognized by
departments of Electronics, Govt of India is desireable.
Candidate dinga chitna nei a lunglut kuapeuh in application form omsa enton in paper A-4 size zangin ball-point pen zanga fill ngai a, application thonna envelop tung ah bold letter in “APPLICATION FOR THE POST OF STATISTICAL INVESTIGATORS GRADE-III & COMPILER EXAM., 2008” chih gelh ngai a, envelop veilam sik ah capital letter mah in Centre min, centre code leh category leng gelh ngai hi.
Application tawh thuahtel ngaite bel application form ah Central Recruitment fee stamps(CRFS) Rs. 100 man(ST/SC candidate-te adin ngailou) a, application form ah tunai chin a lak passport lemlak 1 belh ngai hi. Post card Rs. 6 mante tung ah “APPLICATION FOR THE POST OF STATISTICAL INVESTIGATORS GRADE-III & COMPILER EXAM., 2008” chih gelhsa leng atel ngai hi. Huailou in 12 cm x 25 cm size self addressed envelope tung ah postage stamp Rs. 5 belhsa leng ngai hi.
ST/SC/OBC hihna certificate, date of birth proff-na dingin Matriculate certificate akipan a tunglam certificate/year wise marksheet photocopies telkhawmsak ngai hi.
Application form kimtaka fill-up banah document poimawh tuamtuamte tel in April 17, 2008 nitaklam dak 5.00 tana tungman ding in anuai a address ah thon ngai hi.
- Regional Director(NER),
Staff Selection Commission,
Rukmini Nagar, PO Assam
Sachivalaya, Guwahati-781006
(Detal information, application format leh a poimawh teng Employment
www.manipurexpress.com
Lamka, March-28: K.Thuamzamung( 35 ) s/o (late) K.Khupzakham of Zellang Veng tuni in anu neu Mrs Ngainou of Tipaimukh Road,Lamka damlou ensak ding a Imphal hawhpih sun dak 12 vel in hotel a an ne lai heart-attack in puksia a, RIMS Road a Imphal Hospital tut himahleh RIMS ah refer hi a, hileleng damzoulou in si hi. Aluang RIMS morgue a post mortem bawlzawh in hong kipua a, nitak dak 7.15 in Lamka hongtung hi. March 29 in Lamka hanmual ah kivui ding hi. K.Thuamzamung ahihleh CCpur Govt.College mai a Excel Diagnostic Centre neitu hi a, singtangmite lak a lawhching pente khat a gen phak in om hi.
Thau a kaplup siluang khat kimu
Lamka, March-28: Lamminthang Neihsial(30) s/o (late)Nekkhothang Neihsial of Gangpimual tuni zingsang baihtak in Simveng hanmual ah thau a kaplupsa in aluang kimukhia hi’n Police apan kiza hi. Siluang kimuhnung sawtlou in Police te’n vala uh a, District Hospital morque a koih in doctor-te tawh post mortem bawlkhit in a innkuante kiang ah pekhia uhi. Lamminthang bel a taltang(forehead) ah thautang lutna ma khat om hi’n police in gen uhi. Amah lungsim vengchiah lou hi’n kigen a, March 25, 2008 in Gangpimual hanmual ah numei naupang kum 6 lel a upa sualtu hidia gintakthu tamtak in gen uh a, hileleng amah that hi a kipuang kuamah om nailouh ziakin bangziaka kaplup hihiam chihthu chiantak bel kithei nailou hi. Hiai sihna thiltung ziakin Police te’n FIR no.28(3)08 U/S 400/302 IPC & 25(i.e)A.Act.registered uhi.
DC in antang pawte khahkhia
Lamka, March-28: Sumant Singh,IAS,DC/ CCpur in tuni sunnung in a tenna inn kong ah Thanlon area leh Tipaimukh area a ding antang pua gari-te khankhia(flag off ) a, huai antang pua gari-te ZEPADA leh CDSU makai te’n zui in makaih uhi. Thanlon area a NREGS Job card nei mi 3109 te ading in antang 1088.15 quintals hidinga, innkuan khat in antang kg.35 zelin tang ding uhi. Tipaimukh area a NREGS Job card nei mi 3018 te ading in antang 1056.30 quintals puakkhiak hi a, innkuan khat in antang kg.35 mah tang ding uhi. Antang leina ding in mipite’n NREGS nasepna nitha 40 ading sum DSO(FCS)/CCpur’ account tungtawn in Bank a deposit abawl ua pat DC&DSO te’n Imphal apan antang lei uh hi’n kigen hi. DC in a gendan in kha 8 tan mipi te’n sum deposit ua leh leizel hidin ge’n hi. NREGS fund mah a Vangai Range a Job card nei mi 2090 te ading Jiribam apan in antang 731 quintals puaklut hita a, tulel in mipit lakah kihawmkhia hi. Mautaam Kialpi thuakte ading in tulel a PDS quota kidaihlouh ziak in khatenga antang kingah zah banah antang 8000 quintal vel kialpi hunsung in govt in khatenga hongpiak gige ding in DC in Govt ah ngen mahleh Govt in antang kg.1 zel ah Rs.14/15 in leisak sawm a, huaileng khatvei kia hong piak a sawm zawkmah ziakun mipite’ adin leingaihna awmlou a, DC in huaizah rate in lak sawmlou ahihdan gen hi.
TFA apan Henry Gangte graduate
Lamka, March 28: Chiengkonpang a om S Lulun Gangte leh Biaksangi tapa S Henry Gangte in tuni in Jamshedpur a Tata Football Academy(TFA) apan Graduation ngah hi. Aman 2004 kum in TFA zom a, April 1 apan in India a club minthang pente laka khat Mohan Begun zom ding hi. Gangte ahihleh August 21 1986 in piang a, aneu apan kimawlna lunglut mahmah hi’n kigen hi. Mohan Begun Club tawh session 2 (kum 2) ading in contract signed uhi. Amah England, Wales, Japan, Bangladesh leh gam tuamtuam ah kimawl in kuankha a, Durand Cup, 2007 kimawl laiin TFA Captain hihna len a, “Most promising player award” leng sang hi.
CDCTA vaipawthak ding tel ding uh
Lamka, March-28: CCpur District Council Teachers’ Assn(CDCTA) pawl in March 29, 2009(Kiginni) dak 11.00 in IB Road a Synod Hall ah kum 2008-2010 sung vaipaw ding Office Bearer thak tel ding uhi. Election result puankhit in DI of Schools(HQ) in telching thakte kichiamsak ding hi. CDCTA member tengin service identity card tawikawm in election ah telchiat ding in Election Commissioner te’n kuapeuh theisak uhi.
NEWS LAKTOM:
DC leh SP zinkhe ding
Tipaimukh Hydro Electric Power Project tung ah March 31,2008 in Tipaimukh khua ah Public Hearing om ding ziakin DC/CCpur leh SP/CCpur in huai a tel ding in March 29, 2008 in Imphal-Aizawl flight in zinkhe ding uhi. SP/CCpur in Security lam mawhpua in enzui ding a,Lamka apan Police leh IRB teamte kuankhe ding uhi.
School va enkhia uh
March 22, 2008 ni’n huihpi hat tak in Lingsiphai khua a Immanuel Institute of Learning(Residential School) leh Lingsiphai Govt.High School mutse dimdem a, Joseph Lalrothang, ZEO leh Kaikhanlian Guite DI/CCpur in tuni sunnung in thil omdan va enkhia uhi.
IWDP training nei uh
H.Dalzamang Gangte, DFO/Southern Division makaih in tuni in a office ah Thanlon leh Singngat Division nuai a Self Help Group te’n Integrated Water Development Programme training nei uhi. Huai ah ADC/CCpur khuallian a pang in training hong a, H.Dalzamang, DFO; M.Ginzalian A.A.O; Dr.George Joute, Vety.Officer; Hoihnu Neihsial, H.D.O(Hort) leh S.Thanmang, Range Officer te’n sinsak uhi.
Text Book laktheih
CCpur Block nuai a Govt School te leh Government Aided School te ading in Vimala Raina School ah Text Book manbei in kihawm a, laktheih lel hi. Huailouin Kaikhanlian Guite, DI/CCpur in CCpur Block nuai a School hoihtak a function High School 9 leh Jr.High School 10 a Headmaster-te Super Headmaster- 2008 title pia hi.
Damdoi min kikheng
Manipur Express a kisuahsek damdoi kizang minthang khat “Stonil” kichi tunai chin in Company in amin khengthak in “Stoneze” chih minvuah uh a, huai akipan in “Stoneze” chih kia in company in damdoi bawl uh chihthu om hi.
Sunna:
T Khupzasuan (43) s/o T Nengchin of Lamphelpat, tu zingkal dak 6:30 in RIMS ah sungna in si a, nitaklam in Chingmeirong Christian Cemetery ah kivui hi. Amah ahihleh, PWD nuai a SE Office a Draftsman semlel ahi.
H Ginlang (75) f/o Khupkhanmang tu zingkal dak 4 in asthma leh lungtang na in si a, nitaklam in Lamka tung hanmual ah kivui hi.
Police station in Quarter thak neiding
Samananda IPS, Inspector General of Police (Manipur Housing Corporation Limited) in tuni in Lamka Police station hong pha in, Police station sung a quarter om te etna leh lemlakna hong nei hi. Aman agendan in, hiai building om te suksiat vek hiding a, a thak ngen tunding hiding in gen hi. Nitaklam in Imphal zuan in kiknawn hi.
IMPHAL NEWS:
Governor in Manipur Science Congress hong
Imphal, March-28: Manipur Governor Dr SS Sidhu in tuni zinglam dak 10.30 in Manipur University ah “the XI Manipur Science Congress” hong hi. Governor in a thugenna ah leitung pumpi ah kumteng in gammang 23 million hectares vel kisia in mangthang gige a, India gam ah leng hectares 1.5 million vel gammang kisia in mangthang gige a, panlak poimawh ahihdan gen hi. Huaiziakin social thila kipumkhat kawm leh quality of life puahna ding in panlakna ding thil plimawh tamtak om hi’n leng gen hi. Hibang panlakna a lawhching thei ding in science leh technology lam leng ngaih poimawh khat ahih ngai chi’n leng Governor in gen hi.
Misi luang 3 te haltum hita
Imphal, March 28: Thoubal District a om Heirok Part II ah Yaoshang lopna kawm a Thabal chongba omlai, March 24 nitak dak 10:30 vel a PREPAK te’n a kaplup uh Laishram Nirmala (16) d/o L Khambou of Heirok Mamang Leikai, Thokchom Promila (18) d/o Th Mohan of Heirok Part I, Heitum Pokpi leh Th Romesh te’ luang RIMS apan tuni in Gari 50 val in puakkhiak in om a, nitaklam in Heirok Part II ah haltum in om uhi. Thusuak in agendan in, hiai thu ziak in tuni in Thoubal lampi tel in, Heirok area teng total bandh puan in om a, kikawmtuahna su nawngkai zou mahmah hi’n kigen hi.
AMWJU in PULF (UF) gaakna phel
Imphal, March 28: All Manipur Working Journalist Union in Peoples United Liberation Front (Umar Farooq) tung a gaakna a bawl uh tuni in phelna nei uhi. Thusuak in agendan in, PULF (UF) in AMWJU tung ah ngohna tuamtuam bawl in, AMWJU President ngial naktak in su minsia uhi. Hiai tungtang ah PULF (UF) Chairman in ngaihdam ngetna a bawl ziak in, nitak lam in AMWJU emergency meeting sap in om a, huai ah hiai tungtang genkhawm ahih nung in, PULF (UF) te nasep himhim News a suahlouh ding a chih pen uh phelkhia in, ngeina bang a painawnta ding in thupukna la uh hi’n kigen hi.
Curfew nitak dak 9.00 in kipan
Imphal, March 28: Imphal leh akim lak a om Vaite mi 15 thah ahihziak a Home Department in Greater Imphal leh Phaizang bial district teng ah nitak dak 6.00 akipan azing nawn zingsang dak 5.00 kikal hunchiam omlou dia Curfew apuan uh ahun dakkal 3 sung tomsak uh a, huai dungzui in tuni akipan in nitak dak 9.00 in apan zinglam dak 5 tan curfew kikoih hi. Hiai tungtang ah tuni in Imphal East leh West District Magistrate te’n Order suah uh a, thurhak om masiah zat hiding hi.
March 30 in Viva Voce om nawn ding
Imphal, March 28: Manipur Police Department a Assistant Sub- Inspector(ASI) lakna ding in March 26-28, 2008 sung Viva voce om a, huai a telkha loute’ ading in last chance khatvei piak hi uhi. DPC Chairman W Meena Kumar in thusuak a bawl dungzui in March 30, 2008 in Kangla a Officers’ Mess ah Viva Voce omsa a tel khaloute ading in om ding a, huai ah candidate te’n document poimawh tuamtuamte tawi in vatel ding a theihsak hi uhi.
DM Campus a kaplup kitheichian
Imphal, March 28: Zan nitak in DM College campus sung a kaplup a om tuni in theihkhiak hi a, amah 2nd Manipur Rifles a Rifleman Meisnam Amuba (36) s/o M Nimai of Laikhong Khunou(Bishnupur District) hi’n thusuak in gen hi. Amuba zi Rebecca in a gendan in zan sunnung dak 1:15 vel ding in a pasal tawh medical check up ding in 2nd M/R Quarter apan Activa in kipawkhia uh a, DM College apan gamla lou A/R Unit omna mun kiang a tun un, alawmpa tawh kihou ua, huai zawh nung sawtlou in bullet proof gari a tuang Police commando pawlkhat in a pasal pikhia uh a, nitak nung in sisa a kimukhia hi’n gen hi.
“North-east bial ah sualna pung deuhdeuh” –Ministry of Home Affairs
MHA Report dungzui in Assam leh Manipur ah buaina uang pen
New Delhi, March 28: North Eastern Region (NER) ah sualna pung deuhdeuh in lemna leh muanna omna ding gamla hiaihiai chi’n tuni in Ministry of Home Affairs(MHA) thusuak in gen a, Centre Government in kintak in ngaihtuahsawm chi’n leng taklang hi. Centre Government in North East a buaina bawlte laka pideuhte ULFA, KLNLF leh DHD(J) te hi’n taklang uh a, Assam Government kiang ah state maban ding bang chih ding hiam chi’n MHA in dotna bawl hial uhi. Assam Chief Minister Tarun Gogoi in hiai thil tawh kisai in tuni in thupuan bawl a, Bangladesh a om ULFA makaite Government tawh kihouna neidia a samkhe zouzou Government in kithuahpih ding ahihdan gen hi. MHA in report apiak dan un kumlui 2007 in Assam state sung ah buaina chi tuamtuam 474 om a, Security Force 27 a sih ban uah civilian 300 phial leng si uh hi’n puang hi. Tukum in Assam ah helpawlte gamtatna ziak in Bihari 70 val thah hi uh a, civilian bangzah pha hiam chih suingam huailou khawp in tam chi’n MHA official thusuak in taklang hi. MHA report dan in, Manipur state leng ana duai tuanlou in, kum 2007 sung kia in buaina tuamtuam 584 om lak ah Security Force 39 thah in om a, mi nautang 130 in sihlawh ua, 2006 kum in buaina 498 om ahihdan gen uhi. Nagaland state ah buaina kiam mahmah in lu, 2007 in buaina tuamtuam 272 om lak ah mi nautang 44 thahkhak in om a, Security Force-te bel khoih in om khollou uh a, hileleng helpawl laka faction sung buai chih tak in buai chi uhi.
Meghalaya state ah leng buaina in kiamlam nawt mahmah in, kum 2007 in buaina mun 28 ah om a, Tripura state ah 94 om ahihdan Ministry of Home Affairs in taklang hi. Ministry of Home Affairs thusuak dungzui in Assam leh Manipur ah buaina sangpen in kithahna leh nautang hinna laksakna thupi mahmah a, UPA Government in hoihtak a a etkai uh ngai ding chi’n theisak uhi. MHA thusuak lamdang mahmah bel UPA Government ah crime report abawl zawh un Congress Government vaihawmna Assam leh Manipur ah buaina bangziak a hichi thupi lawmlawm hiam chih dong kawm in, Centre Government in Assam leh Manipur thuhilhna peding in theisak uhi. MHA thusuak in a genbehna ah Security Related Expenditure(SRE) Scheme kichi leng etthak ngai hi’n taklang uh a, helpawlte adia designated camp adia sum kizangte leng etthak ngai chi uhi. Tulel in Army leh helpawl tamtak in Suspension of Operations Agreement suai a kaih ziak un buaina adan omdeuh hizawmah chi’n MHA in taklang hi. SoO a suaikai helpawlte’n designated camp a bawlte ua sum bei deng SRE Scheme nuai ah a sum lehkik theih (reimbursable) ahihdan taklang uh a, cadre teng in leng khateng a stipend a ngah ngeingei ding uh ahi chi uhi. MHA in North-east biala a nasepna Ministry of DoNER in leng etkaipihta ding hi’n kigen hi.
EDITORIAL:
Tuni Thupi: “TOUPAN, mi thulimloute ading in muanna himhim a om kei’, a chi hi. -Isai 48:22
I gam zaw puah ngai taktak mah hi
Manipur Assembly Budget Session omlai February 22, 2008 in Tipaimukh bial MLA Ngursanglur in dotna abawlte akipan in etzui leh suizui tuak tamtak om ding in kilang hi. Rural Development & Panchayati Raj Minister Md.Alauddin Khan in huai hun a agendan in CCpur district sunga TD Block 10 a din District Planning Committee tungtawn in Annual district Plan 2007-08 dingin Rs 1360 lakh piak ahihdan gen a, fund piakte population leh backwardness dan zil a piak ahihdan puang hi.
BRGF guideline dungzui a sepsuah hihiam chih bel thei kholkhang, ahihziak in a guidelines dan in bel State level Committee a Chairman - Chief Secretary hi a, District level committee te ah bel Deputy Commissioner te’n Chairman hihna len uh hi’n kigen hi. Hiai sum hawmzakna leh allocation bawlna ah RD & PR Minister kigolhlou hi’n RD & PR Minister Allauddin in gen a, thuchian bel i theikei hi.
District ah sum tam lut mahmah ahi chih i theihna ding in, CCpur district sunga Block 10 a BRGF fund 2007-08 ding in Rs 1360 lakh honglut chih ahi. Tipaimukh TD Block in hiai hunsung in Rs 62.20 lakh, Vangai TD Block in Rs 44.00 lakh, Thanlon TD Block in Rs 87.60 lakh, Henglep TD Block in Rs 171.50 lakh, Lamka TD in Block Rs 332.90 lakh, Tuibuang TD Block in Rs 292.90 lakh, Samulamlan TD Block in Rs 98.50 lakh, Saikot TD Block in Rs. 65.60 lakh, Singngat TD Block in Rs 98.30 lakh leh Sangaikot TD Block in Rs 106.50 lakh ngah hidan in RD & PR Minister taklang a, sum kizatnate ahi bang a zat ahih ngei leng i lam-en hi. Huai teng kia i sak lai in, Capacity building and Training ading in leng sum Rs 100.00 lakh bang hong pai khin chih hi a, huai hileh BRGF nuai chauh ah leng CCpur district in Rs 1460.00 lakh ngah chihna ahi hi.
I gamlou lua i chih kawmkawm in, i lungsim a i koih ding thil tamtak om ding in kilang hi. Centre apan leh state apan huhna tamtak i ngah chih bel theihsa hi a, hiai huhna sum te’n State Capital Imphal tawn masa a, huai apan District tuamtuam ah hawmkhiak in om zel hi. Estimate, Plan, Proposal i chihte lawhching thei mahmah a, himahleh a sepkhiakna(execution) leh implementation lam ah taksapna om adiam chihtheih in om hi. Sum hongpaite himhim dikloutak a kizang ahi chi i hi kei a, sum hong paite khempeuh avekin a zatdan ding bangtaka zat sipsip hileh e gamdang tawh teh in ei gam a niam lawtuan dia hia chi ut i hizaw hi.
State Vigilance Commission in Education Department nuai ah fake appointment 186 mukhia uhi. Education Department nuai a sem employee 1010 te hihna chet ahih nung in, 186 te teacher lem hidanin mukhia uh chih hi. Education chauh ahi kei, Manipur Government nuai a Department 10 te Vigilance in remark bawl a, huai Department-te ah leng fake appointment om hiding in i ngaihsun thei hi. Tuma lam a Imphal newspaper-te a fake appointment list hong kitaklangte i et leh, Lamka mi tam petmah a, poi mahmah hi. Tuni in fake leh fake lou tungtang ah judgement piak sawm ihi zenzen kei hi. Fake in fake lou hitaleh Lamka zang ah teacher kichi tam petmah a, huchi kawmkawm in, singtanggam ah teacher kidaihlou chih hinawn hi. I gam puah taktak ni chi i hihleh, teacher-te ban ah Government employee himhim in a posting-na mun uh a zot ua, civil administration leng tunding teitei ahih poimawh hi.
A kigendan in District Council nuai ah Primary School teacher 3071 om a, District Council nuai a Primary school teacher dia sanctioned post 4803 hidanin kigen hi. District Council teacher 3071 te lak ah Lamka zang ah bangzah a telkha dia? Amaute a posting na mun uah pai hile ubel Lamka khawpi i khan kawmkawm in singtanglam leng khang hiaihiai ding a, balance & parallel development kichi om thei ding hi. Manipur Government hiam ahih keileh, Centre apan tuikang ngak a thil i ngak mawk leh dikthei lou ding ahihman in, i gam i puahna ding in michih in mawhpuakna i nei uhi.
Transfer/posting
1. P. Ibopishak Singh, MCS, Joint Secretary(Horticulture/CADA/Relief) as Additional Secretary (Horticulture / CADA / Relief).
2. R.K. Sukumar Singh,MCS, Joint Secretary(Education-Schools) & ex-officio Project Director,SSA as Additional Secretary (Education-Schools) & ex-officio Project Director,SSA.
3. M. Lakshmikumar Singh,MCS, Director(Settlement & Land Records) & ex-officio Joint Secretary(GAD/Sericulture) as Director(Settlement & Land Records) & ex-officio Additional Secretary(GAD/Sericulture).
4. K. Radhakumar Singh,MCS, Joint Secretary(Finance) & ex-officio Director(Small Savings) and Director(Local Fund & Audit) as Additional Secretary(Finance) & ex-officio Director(Small Savings) and Director(Local Fund & Audit).
5. H. Deleep Singh,MCS, Director(Institutional Finance) & ex-officio Managing Director/MSCB and Director(Treasury & Accounts) & Joint Secretary (Finance) as Director(Institutional Finance) & ex-officio Managing Director/MSCB and Director(Treasury & Accounts) & Additional Secretary(Finance).
6. Jason A. Shimray,MCS, Joint Secretary to the Governor, Raj Bhavan,Imphal as Additional Secretary to the Governor, Raj Bhavan,Imphal as
7. Th. Gopen Meitei,MCS, Joint Secretary(IFCD/Agriculture/Minor Irrigation) as Additional Secretary(IFCD/Agriculture/Minor Irrigation).
8. H. Gyan Prakash,MCS, Joint Secretary(DP/ACR/Edult Education/Home) as Additional Secretary(DP/ACR/Edult Education/Home).
M. Harekrishna,MCS, Joint Secretary(Education-Schools) & ex-officio Director(Education-Schools) as Additional Secretary(Education-Schools) & ex-officio Director(Education-Schools).
Employment News:
Staff Selection Commission in Directorate of Census Operations, Office of the Registrar General of India nuaia Group ‘C’, Non-Ministerial posts tuamtuam sem ding lakna ding in June 15, 2008 in state leh Union Terrirories capital tuamtuam ah examination conmduct ding uh a, Imphal(Code No. 441), Guwahati-Dispur(Code No. 421), Itanagar(Code No. 401), Shillong(Code No. 451),Aizawl(Code No. 461), Kohima(Code No. 475), Agartala(Code No. 481), Silchar(Code No. 431) leh Dibrugarh (Code No. 425) leng examination centre hiding hi.
1. Statistical Investigators(Grade-III): post 199
Reservation: ST 11/SC 28/50)
Pay: Rs. 5,000-8,000 per month
Age: 18-25 years(ST/SC upto 30 yrs)
Qualification: Master degree in Statistics/Mathematics/Economics from any
recognized University.
2. Compilers: post 761
Reservation: ST 40/SC 98/OBC 189
Pay: Rs. 4,000-6,000 per month
Age: 18-27 years(ST/SC upto 32 yrs)
Qualification: Bachelor degree with Economics or Statistics or Mathematics as
compulsory or elective subject from any recognized University. ‘O’
level certificate in Computer from an Institute recognized by
departments of Electronics, Govt of India is desireable.
Candidate dinga chitna nei a lunglut kuapeuh in application form omsa enton in paper A-4 size zangin ball-point pen zanga fill ngai a, application thonna envelop tung ah bold letter in “APPLICATION FOR THE POST OF STATISTICAL INVESTIGATORS GRADE-III & COMPILER EXAM., 2008” chih gelh ngai a, envelop veilam sik ah capital letter mah in Centre min, centre code leh category leng gelh ngai hi.
Application tawh thuahtel ngaite bel application form ah Central Recruitment fee stamps(CRFS) Rs. 100 man(ST/SC candidate-te adin ngailou) a, application form ah tunai chin a lak passport lemlak 1 belh ngai hi. Post card Rs. 6 mante tung ah “APPLICATION FOR THE POST OF STATISTICAL INVESTIGATORS GRADE-III & COMPILER EXAM., 2008” chih gelhsa leng atel ngai hi. Huailou in 12 cm x 25 cm size self addressed envelope tung ah postage stamp Rs. 5 belhsa leng ngai hi.
ST/SC/OBC hihna certificate, date of birth proff-na dingin Matriculate certificate akipan a tunglam certificate/year wise marksheet photocopies telkhawmsak ngai hi.
Application form kimtaka fill-up banah document poimawh tuamtuamte tel in April 17, 2008 nitaklam dak 5.00 tana tungman ding in anuai a address ah thon ngai hi.
- Regional Director(NER),
Staff Selection Commission,
Rukmini Nagar, PO Assam
Sachivalaya, Guwahati-781006
(Detal information, application format leh a poimawh teng Employment
www.manipurexpress.com
No comments:
Post a Comment