Monday, November 06, 2017

*ZOLENGTHE NEWs | 06.11.2017*


*ZOU GAL Volleyball Final:*
Jing, Nov. 7, 11am chiengin Zou Gal Centenary Open Volleyball Tournament Final Match vaiguon kipan ding. Zin-Gun in Pu Lallhrilien, Exe.Member, ADCC pang dinga, Chief Host in Pi Grace Zamnu, Member ADCC pang ding. Vaiguon zahna um dinga, tuazaw chiengin Volleyball Final Match kipan ding hi. UZO, ZYO, ZSP, ZLS, ZAU, ZGCCC Dept teng ban ah Hattuom lamkaite'n zong uap kim sipsep dingin ZGCCC Chairman Pu Thangzamang in chielna bawl.

VAIGUON
Ani: Nov. 7, 2017
Amun: ZYO Plot, OK Veng, Lamka
Ahun: 11AM

= UZO Lapi sahna: Zou Artists Union
= Zou Salphate Sunna: Nengchinlam, Chairman, Zou Gal Centenary Sports Comm.
= Welcome Address: Lianzagou, Secy, ZGCOVT
= Speech: Chief Host
= Speech: Chief Guest
= Vote of thanks: H. Kapneithang, Chairman, ZGCOVT
= Blessing Prayer: Rev. Dr. SK Manlun

FINAL MATCH
Numei: Tumtai Team v/s CDSA
Pasal: Shining Star v/s Rongmei Athletic Club.

*ZGCCC THUSUO*
Zou Gal Centenary lopna ding toh kisai in Upa Kamlianthang Ex.President Gunpang Block UZO in antang half-bag 10, Singngat hausa Pu Haokholian in bawng 1, Belpuon Hausa Pu Samuel Kapboi leh Likhai hausa Pu Zamkhanthang te' bawng 1 tuohding uh. Maukot hausa Pu Lamgen leh Suohzahau khuo hausa Pu P. Donglam te'n zong apoimaw bang a pang dinguh ahidan uh theisahna bawl uh. Tualeh Upa Khamchinlam Inpi of Zomi Colony in Zou Gal ana sat, a phung a taang, a innsung mi kitheilou Pu Thanglang muolsuong adi'n Rs 5000 tuni'n vapia. Thangthianmang of Tangpizol in Pu Suohkham Samte adi'n donate, Pu Kamchinkhup of Tangpizol in Apu Khupkai Samte di'n tuni'n Rs 5000 chiet va peta uh.

*ZSP IMPHAL MEET*

Zou Sangnaupang Pawlpi Imphal Block te'n 11 Nov chieng in Tribal Research Institute Hall, Chingmeirong ah Freshers' Meet 2017 nei ding uh. Pu Letpao Haokip, Minister (Water Resources and YAS), Pu G. S. Haopu Zou, MLA & Chairman MANIREDA, Pu M. Sesei Zou, Chairman ADCC Chandel te'n Chief Guests, Functional President leh Chief Host hina toh uap ding ua, zaidei oisiem Bliss Lhingboi, James Arjun, John Piang, Ginsum Sianpiahthang te'n zong uap ding.
 
*Job Card Rally Um*

Pherzawl District sung a um Rawvakawt khuo ah kho mipite'n Job Card toh kisai sum mudan tungtang a lungkimlou etsahna in a khuo vuah HSA leh HYA panpina toh lampi juina nei uh. Village Authority leh Hausa kungah akinlam a saifel dingin hunchiem pia uh. _Nang na mudan na lungkim nai? Solkal apat antang, thautui, chini chite vel amantawm zong chida vai, na mu ngei himhim ei? Lamka Godown apat vang antang ki pawkhe jel sam ahi_.

*Tedim Road Repair Ding*

Chief Engineer of National Highway and Buildings, PWD, Government of Manipur in agendan in Sangai Festival tunma zaw ding Tedim Road asietna munte Nov 15 apat siemphat hi ding chi'n gen. Moirang tan a hing hijel diai maw? Lamka tan be hoita a bawl suo dingin demand khat ana bawl lei hoiven.

*PDS Antang Guh toh kisai*

Maoist Communist Party, Manipur in PDS antang thelthang toh kisai PDS Minister leh a party LJP tungah Social Boycott puong ua, kal khat sunga LJP tawpsan chiet dingin thutawp pia uh.

*Naga Political Issue*

Nagaland Chief Minister T. R. Zeliang leh Cabinet member leh Lok Sabha Member Neiphiu Rio te'n tuni'n Union Minister of State (Ind Charge) for Devp of NER & Minister of State (Prime Minister’s Office) Dr Jitendra Singh kimupi ua kimkia Nagaland Assembly election masang a Indo-Naga kihouna toh kisai thutanna khat bawl dingin ngetna bawl uh.

*Editorial: Be a Citizen Reporter*

Manipur CM Biren in guatui kia a'ng beibei chia lampi bawl hing kipan di achi dungjui in mun tuomtuom ah lampi bawlna pat hita ahidan muthei um. Kum dang nidang banga ahidan dan toh lungkim mialmual chite hinawnlou in, lampi kibawl a quality ahoi ei, a hoi sih ei chi mipite'n them khat enkai theilei uthuai mama tahi. Lampi leivui tunga suongsi neen toh alkatara ki juut tou suhgawp, gari gih ataileh a kenga kibet sieng, phawipi hip a hip mangthei chite toh lungkim hun hinawn lou ahi. Tam toh kisai philanthropic organisation, numei pawl, naupang pawl kithutuo a, i gam hoina dinga pankhawm poimaw hi. Nam bing a kipawlna sang in Area/Cluster wise a federation lam i ha bawl ding uh poimaw ahi. Mobile phone inei chietta uh, lampi kibawlte lim kap chitah a kap di himei maw!

*MPSC ASST PROF RESULT*

Manipur Public Service Commission saina Higher Education Dept, Manipur nuai a Govt College a sem di'a Assistant Professor kilahna lawching Zo suonte.

Anthro - Esther Lalremkim

Botany:
Kambiakkim
Ruth Laldinthar
Dominic Thanglinlen Haokip

Chemistry ah
Kimneihchawi
Henry N Pangamte

Defence Studies ah
David Soineithang Lengen
Economics ah
Kamchinhau

Education ah
Chinglianmawi
Grace Kim Khaute
Chinneihoi Haokip
Tinkholhing Guite
Thenkhogin Haokip

English ah
Mary Seineilam Buansing
Lhingchingthieng Haokip
Lily Suanlunching Chothe
Janice T. Jingsol
Chingbiakmawi
Paoginthang Lhouvum
Manlunkim

Geaography ah
Khaiminthang TOuthang
P. Lienzapau Gante
Vungngaihlun
T. Songminlun Gangte
Khupminthang Khongsai

History ah
Khaimilian
Nengneivah Eva Haokip

Home Science ah
Elmuonzo
Shishi Khawlneikim

Manipuri ah
Hatneilam Touthang
Dimneikim Singson

Mizo ah
K. Jenny Zohmingliani
Zothanga
Lalchhanhimi

Philosophy ah
Bonnie Neihsial
Henkhosat Kipgen
P Mawite Gange
T Joshua

Political Science ah
T Chongboi Haokip
Nengneithem Kipgen
Thangkhanlal Ngaihte
Ngamtinlun Touthang
Letkhohao Haokip
Lily Lalnunmawi
Pausuanmang Vaiphei
Haupu Gangte
HS Kaiminlun
m Thanmung

Sociology ah
Jangdeilhing Misao

Zoology ah
Grace Lhaineikim
Sharon Gangte

*ZOLENGTHE*
Connecting the Zo people

Thursday, September 07, 2017

ZOLENGTHE NEWS | September 7, 2017


*SUUNNA:* Zogam a Hattuom Upa muanhuai tah Upa Khamzathong, Chairman, Local Church Committee, Hq Church, Manipur Evangelical Lutheran Church in tunita (Sept 7) nai 7 vel in a tenna inn uh Zomi Colony, Lamka ah a it a ngai teng nuosie in vankhopi tuolnuam ei na zotsan ta.

- Nu Kangnu w/o Manglianthang, Sugnu in zong tunita Guwahti ah hing na mualliam san tahi.

Lusuun a um a innsung mite Pasian in hamuonna peta hen!

*TWITTER CHAT:* Tunita Manipur CM leh Admin Zolengthe twitter a akihouna uapat thei tua khen khat: CM pu'n Imphal area a Flyover leh Ring Road bawl ding plan nei ahidan gen a, guotui kia a khawl lam chia state sunga lampi kichaisa dildel toh kisai nasep pat sawm ahidan thu mu in um.

*PAN CARD:* Bank Account nei nailoute'n account na hong ding uleh PAN Card nei teitei ngaita. PAN Card umlou in Bank A/C kihong thei nawnlou.

*MIHING A KIVEI:* Addl. SP (L&O), CCpur Dist leh Chairman Special Investigation Team (SIT) apat thusuo kimu in agendan in Lamka a Human Trafficking toh kisai masang a mi 4 mat ahiban ah mi ni mat be in um a, Tamu, Myanmar apat mi 3 hutkhiet in um kia.

*ZOU HISTORY:* Tuni'n Zogal Hall, Zoveng ah Zou History - with special reference to Zogal/Anglo-Zo War (1917-19) toh kisai Seminar leh Workshop um. Tukum ahileh Zogal kum 100 chinna ahiman in thupitah a lawm dingin UZO ki singsa.

*MUSICAL GIGS:* Zoheisa Football Club leh Zou Artist Assn. kithuo in Sept 9 chiah Zogal Hall, Zoveng ah Musical Gigs vaiguon nei ding uh.

*ZO NAMPI PA:* Pu Zamkholian in aphuo, Zo Nampi Pa - Pu T. Gougin theizingna dinga kibawl na ngai nuom leh hia link click lechin https://youtu.be/RlJRQRyFMFg

*ZOLENGTHE*
*Connecting the Zo people*

Monday, April 17, 2017

ZOLENGTHE NEWS | 17.04.2017

60-Singngat (ST) Assembly Constituency Congress MLA Ginsuanhau Zou being felicitated on joining BJP
*Congress MLA in BJP zom:* 60-Singngat (ST) A/C apat Congres MLA Pu Ginsuanhau Zou in tuni'n BJP zomta. Chandel district apat Congress ADC (Autonomous District Council) members 14 te'n zong tuni'n BJP zom. Thutut kimu dan in Congress MLA 11 te'n zong BJP zom ding a mansa a um uh hidan in gen.

*Jayanta Kitawpna suhfel hita:* NPP MLA L Jayentakumar in Health and Family Welfare Minister apat kitawpna lai apieh tunita in suhfel hita chi'n CM in gen. CM in a gendan in misunderstanding and communication gap umzieh a buoina neukhat um kha zual ahi chi'n gen. 

*Contract Nasepna Enkhia:* IFC Minister Pu Letpao Haokip leh Social Welfare and Cooperation Minister Pi Nemcha Kipgen te'n tuni'n Kangpokpi ah drainage system hoiloudan leh luidung a retaining wall apoimaw dan va enkhia uh. IFC Minister in apoimaw bang a nasepna bawl sawm ahidan mipite kungah gen.

*Lamka khopi Black Topping:* Cabinet Minister Pu V. Hangkhanlian panlahna toh PWD te'n IB Road ah janni'n black topping panta uh. Maban ah Tuinom leh Lamka Press Club tan black topping bawl hiding.

*Champaran Satyagraha kum 100 chingta:* India a Satyagraha leh National Freedom Movement hing kipatna chithei phiel a chiemte, Pupu Mahatma Gandhi in Bihar state sunga Champaran khuo a Champaran Satyagraha ana pat kum 100 chinna tuni'n za in um.

Source of photo: http://eastchamparan.bih.nic.in/photogallery.htm


*ZOLENGTHE*
*Connecting the Zo people*

Wednesday, April 12, 2017

ZOLENGTHE NEWS | 12.04.2017

*HAC Chairman:* Manipur Legislative Assembly a Hill Area Committee chairman di'n tuni'n Henglep A/C apat BJP MLA Pu T Thangzalam Haokip telching in um. India Danbu Bung 371C, khil 1 & 2 tungtawn a HAC Chairman pu'n singtang mite interest ang kepbit ding i deisah thu i tun ahi. 

*Manipur hing pha kia ding:* Prime Minister Narendra Modi in Parliament Session bei chiengin National Sports University foundation stone hong di'n Manipur hingpha kia ding.

*JACAATB toh kisai update:* Thu kija dan in JACAATB in tuni'n meeting nei, ni 600 chinna vaiguon ding genkhawm ua, maban a panlah didan zong gen khawm uh. A lang khat lam ah CM N Biren in DD News, New Delhi interview na ah Manipur pen Mini India ahizieh in khat favour leh khat pampai a thutanna bawl thei hilou chi a, JACAATB toh kihouna zong sawtlou a suhfel hipei tading chi'n gen.

*JACAATB Charter of Demand:* Manipur solkal leh JACAATB in Charter of Demand a bawlte puonkhiet hisih nanleh tam bangte hidinga gingtat ahi. “Constitutional safeguard of the tribal territory, restoration of the MLR and LR Act of 1960 to its original status and roll back of previous government’s order regarding creation of new districts. Justice for the “martyrs” and injured with compensation of Rs 10 lakh each to the families of the deceased and Rs two lakh to the injured ones.

*Recruitment umsate etkai hiding:* Manipur CM in Congress govt hun sunga recruitment bawl a umsate toh kisai enkai di committee siem hiding a, appointments involving irregularities mukhiet ahileh cancel hidi'n gen.

*Highway Protection Force:* Manipur a Highway Protection Force kichi IRB battalion siemkhietna dinga Union home minister Rajnath Singh in approve bawlta ahidan tuni'n CM in gen. 

*China gam newspaper thusuo:* "India in thagum a vai ahawm khum zieh in Southern Tibet (China te'n Arunachal Pradesh khu souther tibet a chi uh ahi) mipite'n hamsatna tampi tuah, China a kilekia ding lunggulna anei uh" chi'n kigial hauh. 

*Utter Pradesh siltung melsia:* UP a Hindu Yuvavahini Bajrang  Dal pawlte'n Christian Pastor khat a sam phallang khat heukiau sah un, sabiltung a tungsah in kholai dungah kai lele uh. Palm Sunday ni'a siltung dan ahi. 

*Good Friday:* Christmas Ni khu Good Dovernance Day chi'a a'ng koi hawmthaw a diai mah, tu'n Modi BJP solkal in Good Friday nikhu India Digital Day a zah di'n thutanna hing bawl kiata. Meghalaya solkal in India Sakhuo Zalenna suhbua na di'a India solkal thutanna juilou ding chi'n gen.  
*Janni News Update:* Ibobi ava hawlai a thautang toh ana vaidawnna uh - Ukhrul ah janni'n Manipur CM N Biren Singh leh a council of minister te vaidawnna thupitah ana bawl uh. Ukhrul a tunma, kho tuomtuom mun 6 vel ah vaidawnna thupitah tah ana um. 


*ZOLENGTHE*
*Connecting the Zo people*

Monday, April 10, 2017

ZOLENGTHE NEWS | 10.04.2017

*2nd Round of Talks:* CCpur JACAATB leh Manipur govt in tuni'n kihouna neikia ua, Impact TV in a gendan in, kihouna lawching senglou chi'n gen. JACAATB in Bill 3te meimei hinawnlou district thate tanpha toh kisai a genkha zieh un thutanna bangma um theilou chi'n gen.

*HAC Chairman telna um ding:* April 12 chiengin Manipur govt in Hill Area Committee (HAC) chaiman ding telna nei ding ua, tuami sai dingin Pu V Hangkhalian zong member khat a guon in um. ST MLA 20 (Congress 9, BJP 5, NPF 4, NPP 2) te'n HAC Chairman telna nei ding uh.

*Valley-Hills Civil Society Meeting:* Tuni'n Kangpokpi ah phaijang civil society UCM, AMUCO leh CCSK tel in Kuki Inpi Sadar Hills leh a unit teng, JAC Sadar Hills, KWU, KSO, KTC, KWWO leh KYU te'n meeting nei uh. Velly leh Hills kal a kitanauna khansah sem ding khantouna kibang tunsah ahitheina dia panla chiet dingin ki hanthawn tua uh.

*Ju leh Khamthei, Lagau mat in um:* Lamka police te'n tuni'n Lamka khopi Bus Parking kiim ah ju leh khamthei zuana munte operation bawl ua, tamtah man in a mun ma ah haltum uh. Lagau kimawlna tampi mat sah uh. 

*ATM Booth khat kibe ding:* Lamka dist hospital huong sungah United Bank of India in ATM khat hong ding in ki sa bemset uh. 

*US-Korea Relationship:* North Korea in short range leh US tan kap tung thei ding Nuclear bomb siemkhiet a sawm zieh in US solkal in Pasianni'n Korea gam tuipi kuol ah galkap longpi tawllut, US Ppesident Trump in North Korea nuclear bawl suhtawpna di'a a lampi um thei chinteng suikhe dingin a siamangte thupia.

*ISIS te gamtatna:* Egypt khopi Tanta leh Alexandria ah Palm Sunday ni'n ISIS te'n Palm Sunday zang mipi biehinn a kikhawmte bomb kapkhum ua, mi 45 shi, 119 liem. Egyptian president Abdel Fattah al-Sisi in ha 3 sung State of Emergency puong.

*US-Russia Relationship:* Syria solkal in chemical bomb toh mi nautang 70 that chi'a ngoh in US in Syria galkap vanleng phuolpi ziar chitah in ana ziar. Syria lawmhoi Russia PM  Dmitry Medvedev in Russia toh ki kaptua na ding kal khat meimei a ki gamla ahi chi'n gen.


*ZOLENGTHE*
*Connecting the Zo people*

Sunday, April 09, 2017

ZOLENGTHE NEWS | 09.04.2017



*The cost of bandh, strike:* Latest survey khat in atalat dan in Manipur ah  2016 sungin in bandh, strike ni 116 um a, economic blockade ni 103 pha a, kum 2017 sungin bandh leh strike ni 11 days ban ah economic blockade ni 76 umta hi gen. Tamte zieh in Manipur in kum 2016 sungin Rs 1,672.9 crore leh 2017 March 31 tan in Rs 943.33 crore, a gawm in Rs 2,616.23 crore tungpha chi'n gen.

*Mi Nautang NI:* Manipur CM N Biren Singh in ha khat sunga ni 15na khu mipite toh kimuna ding chi'n ‘Meeyamgi Numit’ (People’s Day) chi'n bikhiet. Tuami ni chiengin chief minister, ministers, commissioners, secretaries, deputy commissioners leh district SPs te kimupi thei dinga, a poimaw thute kikupna zah hiding chi'n phuong.

*CM in Ukhrul pha ding:* Congress CM lut ding kiphallouna, Ukhrul ah jing chiengin CM Biren haw ding. Thupi tah a vaidawn di'n kisa uh, kum 15 sunga Manipur CM a vaidawn na satna pen uh hinalai. CM in development works umte enkai ding.

*ZOLENGTHE*
*Connecting the Zo people*

Saturday, April 08, 2017

ZOLENGTHE NEWS | 08.04.2017


*I hundampa Mangpa Jesu guoljou leh thupi tah a Jerusalem a lutni thei zingna mang dingte jousia na unpi un Chibai! "Hosanna, Mangpa min a hing peite a hampha hi" (Mark 11.9), "Tungnung pen ah, Hosanna" (Mark 11:10), "David tapa, Hosanna" (Matt 21:9)* 

*:* Pherzawl District Development Committee te'n tuni'n Chief Minister Mr N. Biren Singh kimupi ua, district tha toh kisai a pichinnna ding nasep balpia dingin ngetna bawl uh. CM in new dist gamgi siemtuohna pen stakeholder te toh genkhawm hi ding a, tua chia hithei tan a panla ding ahidan gen.

*Govt theipi me/thei man:* As on 7/4/2017 (Rs/Kg)
Grapes - Rs 300/kg
Apple - 120
Orange - 80
Mango -180
Tomato - 40
Brinjal - 35
Cabbage - 25
Green Chillies - 50
Cauliflower - 35
Green Pea - 80

Tam sanga man tam a juote khu, a dihlou deu akhuh!

*ZOLENGTHE*
*Connecting the Zo people*

Friday, April 07, 2017

ZOLENGTHE NEWS | 07.04.2017

*Nasepna toh kisai sun-jan chi umlou aki buai vengvung leh news zong kisim man nawnlou dan hita e.* 

*JACAATB leh State Solkal kihouna um:* Tuni'n Manipur CM lamkai in Manipur govt leh Joint Action Committee Against Anti Tribal Bills (JACAATB) leh tribe  lamkai tamtah te'n CM secretariat ah kihouna nei ua, kihouna in hoilam nawt chithu kija. April 10 chiengin kihouna neikia dinguh. CM in a genna ah, martyr  a shi innkuonte lunggel bang jatah a opkai ding tethei hilou hi, khovel ah buoina umlouna gam khat zong umlou, tuate ahileh kihou a gen veng thei ngen ahi. Mishi luong pen i vuikhiet kin uh poimaw sa kahi chi'n gen a, a poimaw dandan a kihouna nei di'a a solkal mansa ahi chi talang.

*Cong MLA khuolzinte hing tung:* Manipur election zaw toh kituo a India pulang a khuolzin Congress MLA 15te tuni'n Imphal hing tung kiata uh. BJP tailut khava uh chi jauna zieh a a zin a sawl a um uh hiva chi ngaidan tuomtuom um.

*Singngat MLA in nasep sunzom:* Singngat MLA Pu Ginsuanhau Zou in March 5 ni'n media tungtawn in _election beita, kidem tawpsan hun hita, a biel mipite a di'a nasep kipan tha kia ding hita ahidan tahlang a, ama vote leh vote loute zong khentuom lou ding ahidan phuong_. Tualeh Sangaikot biel lampi bawlna dingtoh kisai Delhi apat sanction order lakhe jouta ahidan zong gen. A biel a huipi-le-guopi'n a suhsiet inn 39te bawna ding in SDO Singngat tungtawn in piehna nei.

*Gospel VDO Motion Album tha:* Nh. Roslyn Kimbuang Zou in abawl, Gospel video motion album "Mangpa Hoi Hi" Vol-1 pen CD kizuohna munte ah muthei hita. Imphal a deite'n Pupu Zou kunga kan thei.

*Manipur CM in bielfang:* Valley leh Hills kikal a awngvang lientah um suhbing ding chi a tangkoupi dungjui in Manipur CM Nongthonbam Biren Singh in tuni'n Kangpokpi dist a um Indira Gandhi National Tribal University (IGNTU) vehna va nei panta. April 11 chiengin Ukhrul vehna neikia ding.

*Gau Rakshaks Dal:* Supreme Court in Centre govt leh state govt 6 kungah self-style 'Gau Rakshaks Dal' kichi 'bawng humbit pawl' chia kiminvaw leh buoina bawlte bang dinga mawpai lou a um ding ahiai chi hilchetna bawl dingin kal 3 sung thupia.

*Khovel Bildaw:* US President lawmhoi Russia President kichi himaleh Syria thu zieh in ki khau hou simsimta uh. Syria president Bashar al-Assad in mi nautang tunga chemical azah ngaithei lou in US in warning piehna dan in Tomahawk missile khat kaplut cheuh ua, hinanleh Russia in tami Chemical zahna pen Assad maw ngoh pawngsan thei hilou ahi chi'n genmai sawm paupau.

*LYF DJ Highlights:* Lutheran Youth Fellowship te'n April 21-23 sung Zomi Cilony ah Diamond Jubilee thupitah a lopna nei ding uh. Tam toh kisai jing apat Competition tuomtuom:
Apr 8: Bible quest, ELWA Jubilee Hall
Apr 9: Diamond Voice (2nd Round), MELC Simveng
Apr 15: Fasting Prayer, MELC Tuibuang
Apr 17: Football leh volleyball final, Singngat
Apr 18: DJ Meeting, ELWA Jubilee Hall
Apr: 21-23: Diamong Jubilee Pgm
Apr 21: Diamond Voice final
Apr 22: Seminar Paper by Pupu Zou & Suanlyan Tungnung
Apr 23: LYF Industries Fair, DJ Stone unveiling, Worship Service

*ZOLENGTHE*
*Connecting the Zo people*

Saturday, April 01, 2017

ZOLENGTHE NEWS | 01.04.2017


*Financial Kumlui beite i nun nopna teng toh, nua chieng hing heikia lou ding!* 

*CCpur Dist Hospital 1 step ahead:* R. Sudhan IAS, DC/CCpur in tuni'n District Hospital, CCpur ah "Computerized OPD Ticketing System" honna neita.

*Road Accidents Inquire Ordered:* Manipur CM in tuni'n tulah teng a accident um zeng zungte a zieh suikhe dingin Chief Secretary thupia. Traffic sign tuomtuom hing kibawl ding, gas horn zah hing kikhawm didan ahi.

*State solkal order khau:* Manipur Principal Secretary (Planning) Shri Vineet Joshi tuni'n Additional Chief Secretaries, Principal Secretaries, Commissioners, Secretaries leh heads of Departments teng kungah order khat tah mei suokhia. Kum 2016-17 sunga Rs 50 lakh & above lutna development work teng progress report detail teng State Planning Department website a upload dinga thupia in um uh. Lim (photo) in a support sese ding chi hinalai. 

*Order khat dang khat:* Chief Secretary, O Nabakishore in order a suo khat - Govt officer/administrative secretaries kichi tapou in a table a ni 1 sanga tamzaw file pending a koi theilou ding. Dept chin a di'a biomatric attendance koi hiding, officer jousia puntual ding chi order suo khiet in ana um.

*CCTV installation scam inquiry:* Manipur solkal in Rs 8 cr val lut a kibawl CCTV installation scam enquiry bawl dingin order suo khia. Enquiry Committee Chairman in ADGP Promod Ashthana leh Sumant Singh Secretary (RD&PR) ban ah Clay Khongsei IGP te member a guon in um uh. Rs 80154775 bei a bawl CCTV Scam enquire report ni 15 sunga submit di hi chat meidan ahi.

*SBI new rules & regulations:* Ha 1 a thumvei tan deposit free, aban Rs 50 charge pieh ngai. Metro citiy a minimum balance Rs 5000, city/town ah Rs 3000, semi urban ah Rs 2000, village branch ah Rs 1000; Minimum balance maintain loute'n niteng a Rs 200 lieu hiding; SBI ATM ha khat a 5 vei free a zah thei, aban teng Rs 100 ki cut jel ding;   

*Myanmar thuthang tamlou:* Military Junta in kum 50 vai ahawm jou in Aung San Suu Kyi lamkaina National League for Democracy te'n solkal form ua, kum khat chingta. Khen khat in Junta toh ki chimat seng chipawl umta ahi man in, tuni'a Rangoon a 19 seats kitelna umpen in Suu Kyi vaihawm dan mipi a lungtun leh tunlou kilang sah dingin gingtat huai.

*KSO Gunpi Block thuphuon:*  Dec. 31, 2016 jan a Kangvai, CCpur a M Jamchinthang Zou leh Jangkholam Guite te KNLF/KNO te'n soisah leh thautoh ana kapliem natunga tutan State Govt. a ngaisah lou zieh in April 3 apat kiphinna pat hiding chi uh.

*ZYO Moreh Block in mawpai:* March 29 nia meltheilou te'n Pu Manglamthang inn a bomb a puoja sah utoh kisai Moreh block ZYO in mawpaina sangpen bawl uh. Govt in a kinlam a ngaiven dingin phutna bawl uh. 


*ZOLENGTHE*
*Connecting the Zo people*

Thursday, March 30, 2017

ZOLENGTHE NEWS | 30.03.2017

Twelve Headman's of Tangkhul Community called on Hon'ble CM at CM office on .30.3.2017.
*Manipur ah Gari tuasia umzing:* Tuni'n Manipur ah gari accident mun thum ah um a, mi 3 in hinna taan, mi 6 huoise deu a liam. I lampite ulah a kuo keukou dim, a ki tousia dim, a neu a neu thei nalai, gari tawlte lah vivi vava chia tai ngen. Pilvang vai ei!

*KIM Vaipaw thate:* Kuki Inpi Manipur in tuni'n kitelna nei. President (Kumpi) - Pu Thangkhosei Haokip, Semang - Dr S. Chongloi, Pachong - Pu Khanlienkhup Lianzaw, Lhangsam - Pu L Asong, Thumop - Pu A. Lienthang.

*Tangkhul Naga Wungnao Long:* Ukhrul district sung a Tangkhul khuo Headman (vaihawm) 12 "Tangkhul Naga Wungnao Long, Ukhrul" min in tuni'n CM Biren kipapina vaiguon a zumpi ah va nai uh. CM pu'n singtang gam puophatna ding a Ministers, secretaries, directors leh engineer te a mun mama ua nasem dia sawl a um di ahidan ana gen.

*Kawlphe in mi khat that:* Tuni'n Manipur leh NE state teng ah guo nasatah in ju, Jiribam ah kawlphe in Nilakanta Das (45) hinna lasah. Tamenglong district sung NH-37 ah memchim in gari tailete buai. T Laijang leh K Sinam lampi menchim zieh in tan, Jiri-Imp lampi nemchim zieh in gari liente tailou. Imphal khopi sung Uripok, Singjamei, Keishamthong, Sagolband leh Lamphel lah lampite tui in tum.

*Zou Gospel Motion Album tha:* Ahing tung ding April 2 apat Roslyn Kimbuang Zou in abawl *MANGPA HOI HI - Vol 1* chi Gospel Motion Album Lamka khopi sung CD zuohna munte ah muthei hita ding.


*ZOLENGTHE*
*Connecting the Zo people*

Wednesday, March 29, 2017

ZOLENGTHE NEWS | 29.03.2017

The Healing Touch: Hon'ble CM Shri N. Biren Sing give a healing touch to the injured persons at RIMS, Sjija Hospital, Raj medicity & JNIMS on 29.3.2017.
A Kham Sempei Loute Kitawp Hen!: Singtang lam a govt sangsia, na sempeilou a mi guoisawnte toh kisai state solkal in thusuo bawl. Govt skul chin ah sangsiate lim, min, khuo, chitna flex a tadoh chiet dingin order suo. Tuachia sangnaupang te'n ka sangsia nu/pa ki mu ngeisih na e a'ng chini uh hing um ding dan ahi. _Student Orgns te'n tam bangte etkai in nei in, khau peipi sim mama lei hoi didan hia..._.

CM in Bus Accidentte ve: CM Biren in Delhi a'ng tun tun in Imp-Dimapur road a tuasie a liemte RIMS, SHIJA, Raj Medicity leh JNIMS ah vehna va nei a, Doctorte kawmu dungjui in a liem huoise deute Rs 50,000 leh a ha liam sengloute Rs 30,000 in sietvat. Shina tuate Rs 2lakh chiet toh sietvat ding.

*Moreh ah Temple attack in um:* Moreh a Shiva Temple ah bomb hattah puohza, koite khut nua ahi chi thei hinailou. I nua Pasianni'n zong Tamu ah Nepali temple khat ah bomb ana puahza.

*JACAATB in Solkal kihoupi ding:*  Joint Action Committee Against Anti Tribal Bill (JACAATB) in public consultation anei uh tungtawn in Manipur solkal toh kihouna nei dingin ki thukim ua, CCpur dist a 6th Scheduled koi di'a phut ding lemsa uh chi'n thutut kimu. 

*Manipur CM Interview na:* 

Q1: _Economic blockade ladoh toh kisai hamsa na sa vangut amah?_
CM: Mipite dei-le-ngai govt in a theipi a, i buoina iki ngaikhiet pi chia sil apieng maw umlou ahi. Govt luipen ah tuabang ana um lou, tuazieh a ka nuosie ahi.

Q2: _UNC in EB a koikia louna ding leh Meiteite lungkim sahna di'n bang plan na nei ei?_
CM: Valley leh hills mipite ki kal a awngvang lienpi um, tuami suh bing ahitheina dingin Hill dist teng leh valley district teng a khantou dan kibang a um ngai. Tuami na dinga pan nasa tah a la kahi.

Q3: _Centre apat bang support na ki nem ei?_
CM: State capital leh remotest area ki kawmna lampi bawlna ding leh damlouna toh kisai a zah le ding helicopter Ambulance 2 a masa pen in ka lam en.

Q4: _Emotional Integration poimaw na chi kha a, na kitua lou utoh bang na chi gasuo sawm ei?_
CM: Valley mite ahileh Hindu kana hi ua, reservation ka nei uh. Naga leh Kuki te ahileh Christian ana hi ua, free society ahi uh. Majority community hina dawl a kipia doh masah ngai, cabinet meeting zong hills a tam tah nei hiding, ka thupi ahileh Hill Dists masuon jel in chi ahi. Mipite dei-le-ngai kikuppi dingin field work ha bawl ding chi'n ka minister te zong ha hiljouta. (_ET_)

*ZOLENGTHE*
*Connecting the Zo people*

Tuesday, March 28, 2017

ZOLENGTHE NEWS | 28.03.2017

Manipur Chief Minister N. Biren Singh meets Union Minister of State (Independent Charge) for Development of North Eastern Region (DoNER) Dr Jitendra Singh on March 28, 2017
*ZYO GHQ in Chielna Bawl:* Nu Niangkhanching, kum 60 vel, New Lamka College huong a teng, lungsim veng chiah lou, March 27, 2017 jinglam nai 8 vel a pawt, inn tung kia nonlou in um. Janni leh tuni'n ZYO GHQ leh YPA Elim Veng Unit pangkhawm in suina nei ua, mujou lou uhi. Jingchieng in asuina sutzop hikia ding ahiziehin ZYOte a tam thei bang kuon chiet ding in Info & Publicity, ZYO GHQ in theisahna bawl. *Ki ngakhawmna mun ding - Zogal Hall leh Nu Niangkhanching te Inn, New Lamka College huong; Ahun - 09.00AM.*

*Zou Gaal Kum 100 Chingta:* Suongkhai-thaang, Savum Pumlawng, Awgawchieng, teipi chite vel toh Pu Goulun, Pu Langzagin, Pu Lagou, Pu Tonghau, Pu Henkham, Pu Vungdam, Pu Suohgou, Pu Helthang, Pu Lampum, Pu Suohkham, Pu Salet leh adang dangte'n British te hangsan tah a ana douna uh (1917-1919) tukum in kum 100 chingta.

*Manipur Leengpa Security Guard Pieh:* Manipur solkal koima dang in ana bawl ngei vate lou, BJP Solkal in Manipur Leengpa khanggui kepbitna dingin tuni'n titular king Leishemba Sanajaoba security guard pie uh.

*Meitei Kum Tha:* Meiteite kum tha "Sajibu Nongma Panba Cheiraoba" (Lunar New Year) jing chieng hita. State Holiday ahi.

*Old Age Pension:* March 30 apat April 12 sung in District Social Welfare Office, CCpur, Chiengkawnpang ah Old Age Pension - Red & Blue Card neite kungah April - Aug 2015 (ha 5) ading hawm hiding. _Tehsete sum commission lah lou ding!_ 

*JACAATB Consultation Report:* JACAATB lamkaina in tuni'n Lamka ah Public Consultation um. Manipur Govt toh kihouna nei ding leh Charter of Demand submit ding ban ah, Pawl tuomtuom in JACAATB nungthuop zing ahidan uh talat in um.

*Manipur CM meets DoNER Minister:* CM N. Biren Singh in tuni'n Union Minister of State (Independent Charge) for Development of North Eastern Region (DoNER) Dr Jitendra Singh toh Sports University tungtang genkhawm uh. DoNER minister in Khuman Lamkap hokey stadium a flood lights bawlna di'n Rs.48 crore donate di'n chiem a, District chin a Women Market bawlna dinga zong kithupi ding ahidan gen. "Air-dispensary-cum-ambulance" helicopter service zong bawjui tou ding in chiem.

*MP teng kunga futbol pie hiding:* India in October chia FIFA U-17 Football World Cup a host ding toh kisai Football Culture promote na di'n jing chiah Union Sports Minister Shri Vijay vaiguonna toh Lok Sabha Speaker Smt. Sumitra Mahajan in MP teng kungah Football piehna nei ding chi hitazang ei!


*ZOLENGTHE*
*Connecting the Zo people*

Monday, March 27, 2017

ZOLENGTHE NEWS | 27.03.2017

Manipur Chief Minister N. Biren Singh calls on the Prime Minister Narendra Modi on March 27, 2017 (DIPR)
Biren leh Modi kimuna gasuo: Manipur CM N. Biren Singin in Delhi a um a boss pa Pu Modi va kimupi. CMpu'n Manipur a di'a development work poimaw tamtah PM kunga luikhia. Centre in Rs 140-150 crore grant di'n chiem. Manipur a Central Sponsored Scheme umte 90:10 pattern peipi di'n phasa ua,  National Highway 2 gel ah 4 Lane nasep pat hipei tading, April 1 apat NH-37 ah nasep pat hiding. Mini Secretariat bawlna ding zong DoNER tungtawn hiding a, District chin a  Women’s Market bawlna ding pen DoNER tungtawn a NLCPR funding bawl hiding. 60 bedded Mental hospital bawlna ding zong proposal thot hiding a, Flood lighting of Khuman Lampak Sports Complex pen Ministry of Sports leh Ministry of Power in enkai dinga, Smart City Project tung tawn a Flyover apoimaw na mun a bawl hiding.

Manipur Tragic Day bang top: Tuni Manipur mun tuomtuom mun 3 ah gari tuasia in mi 21 shi, 33 val in liamna tua. Accident masa Senapati dist sung, Imp-Dmp road, Makan leh Chakhumai kikal ah Bus khat tuasia in mi 12 shi a, mi 25 liam. A 2na - Imphal Jiribam road ah winger khat tuasia a mi 8 amun a shi kichi. A 3na -  Imphal Dimapur rd ma Lairou a truck in tuasia, a driver pa shi ngal.

Gari Tuosiete sietvena: Chief Minister in a shi innkuonte kungah ex-gratia of Rs.2.00 lakhs, a liem nasadeute kungah Rs.50,000/- leh a liem nasa deuloute kungah Rs.30,000 chiet sietvena bawl hiding chi'n gen.

Aadhaar Card: Supreme Court in govt welfare schemes muna dia Aadhaar Card pen mandatory hi theilou ding chi, ahivang in tulai scheme teng bang teng lah Aadhaar Card ngai teitei jel. A buai huai khat vang chu hi maw!

*Law Sanghun hitaleh kilawm:* Finance Department, Govt. of Manipur in Employment leh pensioners pay bill pass theina ding a Treasury Office, CCpur in "Green Signal" muta chi muonhuai tah apat thutut kimu.

*Electrict Fee Khang Ding:* Manipur State Power Distribution Company Limited (MSPDCL) thusuo in April 1 apat electrict fee neu khat khang ding chi uh. Prepaid meter daily rental charge pen khanglou in energy charge khang ding.

*ZOLENGTHE*
*Connecting the Zo people*

Sunday, March 26, 2017

ZOLENGTHE NEWS | 26.03.2017

Manipur Chief Minister N. Biren Singh just before leaving for Delhi at Imphal Airport
*Phin hawm chia zong phallou:* Manipur CM N. Biren Singh in Indo-Naga Framework Agreement toh kisai tuni'n Manipur gamgi phin hawm chie suhkha di zong phal hilou ding chi'n gen. Tam Framework Agreement toh kisai Prime Minister in hilchetna abawl ban ah Union Home Minister in zong hilchetna bawlta ahiman in Manipur mipite buoilou dingin chielna bawl a, "_Manipur Territorial Integrity khu keima hinna sanga it huaizaw ahi_" chi talawm ei.

*Manipur CM Delhi zin:* CM Biren leh PWD minister Th Biswajit te'n tunita in Delhi juon ua, President, Prime Minister, Union home minister, National BJP President Amit Shah leh lamkai dangdang kimupi ding ua, March 28 a hing kile kia ding ua gingtat ahi.  

*MNRF in Th Muivah dem:* Manipur Naga Revolutionary Front (MNRF) in tuni'a thusuo abawlna uah Th Muivah in NE Nagate gawmkhawm ding hita ahipen juau pumlum leh Manipur Naga te lung-awpkai sahna ding meimei ahi chi'n gen uh. 

*Gujarat ah Hindu leh Muslim buai:* Prime Minister Modi hing kipatna state Gujarat, Patan dist sunga Vadavali khuo ah janita in Muslim leh Hindu school naupang ni kibuoi zieh in mipi tanpha buoina tunga, Hindu mi 5000 vel in Muslim te inn leh gari tampi haltum sah ua, Muslimte'n zong ana thuh uh. Sepaite' thahatna toh buoina suhveng a um ahidan K. K. Nirala, district top administrative official in gen.

*JACAATB Consultation Meeting:* Manipur Govt in chielna a pieh dungjui in JACAATB in March 28, 2017 - 11am chiengin YPA GHQ Hall, Hiangtam Lamka ah Public Consultation nei ding ua, JACAATB in michin chiel. A mun a teltheilou dingte'n March 27 tan a ngaidan jac.tribals@gmail.com a thot di'n chiel uh. 

*Samaritan Poimaw:* _Miss Andy Chiinngaihlian Simte d/o (L) H. Tunzamang of Dumsau Village, Delhi apat innlam zuon lai Dimapur ah damlou gimsia in,  Dimapur Civil Hospital Emergency Ward a um, va kan thei di eimi a um leh kidei kin. Nagaland police Lucy in ana pui dan ahi. Lucy No.07005201018.


*ZOLENGTHE*
*Connecting the Zo people*

Saturday, March 25, 2017

ZOLENGTHE NEWS | 25.03.2017

Twin Bandh in Manipur:* BJP lamkaina coalition govt kipat nunga bandh um masa pen - DESAM in Jiribam apat Muslim MLA AhabUddin panmun pieh ahizieh in tujan kim apat jing 5pm tan bandh puong ua, United Muslim Organisation in nasatah in DESAMte nasepna dem. Manipur Muslim Welfare Association in zong Indo-Naga Framework toh kisai thuchien puongkhe di'a phutna in tujan kim apat 24hrs bandh puong jel uh. Muicah in janni'a "Centre has agreed to Naga land integration" achi zieh a tam bang hing pieng ahi.

*Assam zong buoi vawt uh:* NSCN-IM leader Muivah in Naga gam teng ki gawmna di'n Centre in lemsata chi'a a thugen ziehin Assam solkal zong kiliing. Assam CM Sarbanand Sonawal in Assam gam kepbitna ding toh kisai thukhun bawl hidin chiem. Opp party Congress in white paper demand.

*Manipur Chief Secy Thupuon:* Manipur Chief Secretary O. Nabakishore Singh in tuni'a thupuon abawlna ah DESAM lamkaite toh kihouna nei dinga chiel uh hima leh DESAMte va ki langlou. Supreme Court leh Manipur High Court in Bandh leh Blockade pen illegal a puonsa ma bang ua, tuabang bawlte etthaw meimei hinawnlou ding chi'n puong.

*Pu Vungzagin Valte:* Manipur Tribal Development Corporation Ltd. Chairman dingin Pu Vungzagin Valte janni'n guon in um.

*Singngat Electrict Line Buai:* Tuni huipi a hat zieh in CCPur dist sunga T. Champhai kholai a HT Line kizan pen a post khat kipua, meigui tamtah sia. Imphal ah inn tampi musia, Khurai a 4 wheeler gari khat lamgei ah mutkhia. Uripok leh Bishnupur ah inn lampi mutsia.

*Illegal Immigration in US:* United States in a gam ua India mi illegal immigrants 271 umte hing nuosawl kia ding uh chi ahiman in India in tuote details ngen. Eimi koikoi ang ki nuasawl kia ta diai le?

*Anti-Corruption Cell:* DIPR, Government of Manipur thusuo in a talat dan in, Manipur Cabinet in March 24 ni'a Anti-Corruption Cell siemkhiet ding chi thutanna a bawl dungjui in tuni'n P. Gojendra Singh MCS leh Hemanta Singh MPS te mawpuohna lading in namdetna solkal in bawl.

Tam officer nite'n mipite apat complain lutte enkai ding ua, register ah complain bawl a umte toh kisai a chieng theitawp in khumlut jel ding uhi. Tuaban ah complain bawltu contact detail zong khum lut in um jel ding chi'n thusuo in gen.

Tam officer gel in Secretary to the CM kungah report bawl jel dingua, tuachin Secy pun CM kungah tuttou jel ding hi.

Complain bawltu toh kisai ahina phuolsel hiding ahidan zong tahlat in um. Complain lutteng screening committee etkai dinga koi hiding. Screening Committee ah Chief Secretary ahileh Chairman hiding a, Additional Chief Secretaries leh Administrative Secretary (DP) te ahileh member hi ding uhi.

Screening Committee meeting ahileh hateng in ni 1 leh 16 teng in toukhawm zing ding uhi. Tam anti-corruption cell WhatsApp tungtawn a thutut theina number ahileh 9402150000 ahi.


*ZOLENGTHE*
*Connecting the Zo people*

Friday, March 24, 2017

*ZOLENGTHE NEWS | 24.03.2017*

*Manipur Council of Ministers:* Manipur CM Biren Singh in Council of Ministers 12te tanvou hawmna nei. Tanvou hawm dan tam anei a bang ahi:

*Chief Minister* - Home, Legislative Affairs, General Administrative (GAD) & Tourism, Departments of Personnel, Planning, Vigilance Transport, Minor Irrigation CADA, Sericulture Labor and Employment, Minority & OBC, Information Technology ban ah CoM dangte'n a tangkha louteng utoh.

*Deputy Chief Minister Y Joykumar* - Finance, Excise, Taxation, Science & Technology, Economic & Statistic ban ah Civil Aviation.

*Th Biswajit* - public works department, rural development and panchayati raj, commerce and industry, power, administrative reforms and training, information and public relations.

*L Jayantakumar* - health and family welfare, law and arts & culture.

*Letpao Haokip* - IFCD, youth affairs & sports 


*N Kayisii* - Tribal & hill areas development leh fisheries

*Losii Dikho* - PHED, printing and stationary.

*Karam Shyam* - PDS and consumer affairs along with weights and measures.

*Th Shyamkumar* - MAHUD, town planning, forest & environment, horticulture and soil conservation.

*Nemcha Kipgen* - social welfare and cooperation

*Th Radheshyam* - Education, revenue and rehabilitation

*V Hangkhalian* - agriculture, veterinary & animal husbandry.

*JACAATB Man Nailou:* Manipur govt in Anti-Tribal Bills 3te zieh a kiphinna nei JACAATB lamkaite March 25 chia kihouna nei dingin chielna bawl, hinanleh JACAATB in Tribal lamkaite toh kang kihou phot nalai dinguh chi'n theisahna bawl uh.

*Manipur Bandh:* BJP led govt in Bandh & Blockade free Manipur chima uleh a solkal sunga Jiribam apat Ind a telching MLA Ashab Uddin pen parliamentary secretary tanvou pieh ahizieh in Democratic Students’ Alliance of Manipur (DESAM) in Manipur mi hilou tanvou pieh hitheilou ding chi'n March 25 jankim apat 26 nita 5pm tan Manipur pumpi bandh puong uh.

*Anti-Corruption Special Cell:* Tuni'n Manipur govt in Anti-Corruption Special Cell khat CM Secretariat a siemkhiet dingin kithukim ua, mi nautangte'n corruption toh kisai VDO/Audio thot theina di'n 9402150000 tahlang uh.  

*Recruitment Cancel:* Cong solkal in department tuomtuom a junior level posts (grade-III & IV) lahna di'a sepna ana hat uh, written exam jou, interview meimei in kivatta teng sutzop hinawnlou ding chi'n thutanna bawl uh. Kham leina di'a sum ana sungsate ka hepi top! 

*2% Dearness Relief:* 7th Pay Central Commission, Gvt of India in Civilian Central Government Pensioners/ Family Pensioners, Armed Forces Pensioners, Defence Service Estimates apat Civilian Pensioners, All India Service Pensioners leh railway Pensioners /Family Pensioners teng 01-07- 2016 apat 2% Dearness Relief peding.

*ZOLENGTHE*
*Connecting the Zo people*

Wednesday, March 22, 2017

ZOLENGTHE NEWS | 22.03.2017

*JACAATB Kungah Palai Sawl:* UNA thusuo in a gendan in BJP lamkai coalition govt in August 31, 2015 apat kum 1, ha 6, kal 3 leh ni 1 (ni 569) chinni March 22, 2017 ni'n a minthang Anti Tribal Bills chi'a i minvaw uh - Protection of Manipur People Bill, 2015; The Manipur Land Revenue & Land Reforms (Seventh Amendment) Bill, 2015 leh Manipur Shops & Establishment (Second Amendment) Bill 2015 toh kisai a buoina genveng sawm in JACAATB lamkaite toh kimu dingin palai hing sawl.

*Disqualification of INC MLA demanded:* Manipur Assembly opposition party in Congress MLA, BJP solkal zompa Th Shyamkumar disqualify na dinga bangma bawllou chi'n Speaker Y Khemchand dem panta uh.

*AR te'n Mi 2 vua chitah in vua uh:* UNA thusuo in agendan in civil dress a kivon 38 Assam Rifles sepaite'n janita in Kangpokpi apat mi 2 man ua Yaikongpao UJB School nunga mitkan in election hunlai a BJP candidate Nemcha Kipgen adi'a vote sui leh force bawl hi uteh chi'n zial ua, tu'n amaugel CHC, Kangpokpi ah etkol in um uh.

*Job Card Sum Hing Tung:* MGNREGS 2016-17 3rd Phase a Job Card neite a di'n Ni 3 thaman DRDA/CCpur account ah lut a, sawtlou in concerned BDO/block ah lut ding chi'n DRDA lam apat report in gen hi.

VODAFONE SuperNet 4G - customerte adi'a special offers INR 999 a 22GB data muthei ding, Governor of Manipur Dr. A Najma Heptullah in tuni'n Sangai Hall, Hotel Imphal Classic ah honna nei.

*Manipur Assembly Session Update:* 11th Manipur Legislative Assembly - 1st Session, ni 2 ni'n Inpi in 45 Supplementary Grants (Financial year kipat ma zahna ding poimaw huhbitna ding) pomna nei uh. Tualeh Financial year kipat ma sum zah zual di'n (Vote on Account, 2017) Rs. 3828,31,90,667 pomna zong nei uhi. Session in The Manipur Appropriation (No. 1) Bill, 2017 leh The Manipur Appropriation (No.2) Bill, 2017 pulahna nei uhi.

*45 Demand of Suplementary Grants Teng:*

Demand No. 1 State Legislature - Rs.4,32,39,000;
Demand No. 3 Secretariat - Rs. 6,30,42,000;
Demand No. 4 Land Revenue, Stamps and Registration and District Administration - Rs. 4,23,97,000;
Demand No. 5 Finance Department - Rs. 1,55,28,18,000;
Demand No. 6 Transport - Rs. 1,20,00,000; 
Demand No. 7 Police - Rs. 1,36,18,64,000;
Demand No. 8 Public Works Department - Rs. 413,55,19,000;
Demand No. 9 Information and Publicity - Rs. 2,20,13,000; 
Demand No. 10 Education - Rs.65,26,62,000; 
Demand No. 11 Medical Health and Family Welfare Services - Rs. 148,13,10,000; 
Demand No. 12 Municipal Administration, Housing and Urban Development - Rs.181,06,30,000; 
Demand No. 13 Labour and Employment - Rs. 2,67,98,000;
Demand No. 14 Department of Tribal Affairs, Hills and Scheduled Caste Development - Rs. 63,34,28,000; 
Demand No. 15 Consumer Affairs, Food and Public Distribution - Rs. 6,16,69,000; 
Demand No.16 Co-operation - Rs. 87,94,000; 
Demand No. 17 Agriculture - Rs. 8,98,73,000; 
Demand No. 18 Animal Husbandry and Veterinary including Diary Farming - Rs. 20,12,19,000;
Demand No. 19 Environment and Forest - Rs. 2,00,00,000; 
Demand No. 20 Community and Rural Development - Rs. 473,98,89,000; 
Demand No. 21 Commerce and Industries - Rs. 13,80,29,000; 
Demand No. 22 Public Health Engineering - Rs. 104,89,55,000; 
Demand No. 23 Power - Rs. 221,20,37,000; 
Demand No. 24 Vigilance Department - Rs. 22,27,000; 
Demand No. 25 Youth Affairs and Sports Department - Rs. 7,30,83,000; 
Demand No. 26 Administration of Justice - Rs. 3,57,34,000; 
Demand No. 27 Election - Rs. 13,77,72,000; 
Demand No. 28 State Excise - Rs. 3,58,32,000; 
Demand No. 31 Fire Protection and Control - Rs. 1,79,42,000; 
Demand No. 32 Jails - Rs. 1,69,30,000; 
Demand No. 34 Rehabilitation - Rs. 11,76,65,000;\
Demand No. 35 Stationery and Printing - Rs. 6000; 
Demand No. 36 Minor Irrigation - Rs. 29,03,61,000; 
Demand No. 37 Fisheries - Rs. 1,83,22,000; 
Demand No. 38 Panchayat - Rs. 1,59,51,000; 
Demand No. 39 Sericulture - Rs. 10,43,000; 
Demand No. 40 Irrigation and Flood Control Department - Rs. 52,85,91,000; 
Demand No. 41 Art and Culture - Rs. 22,85,86,000; 
Demand No. 42 State Academy of Training - Rs. 22,70,000;
Demand No. 44 Social Welfare Department - Rs. 46,10,47,000; 
Demand No. 45 Tourism - Rs.23,12,53,000; 
Demand No. 46 Science and Technology - Rs. 2,01,06,000; 
Demand No. 47 Minorities, Other Backward Classes Department - Rs. 25,98,80,000; 
Demand No. 48 Relief and Disaster management - Rs. 53,60,27,000; 
Demand No. 49 Economics and Statistics - Rs. 3,21,34,000
Demand No. 50 Information Technology - Rs. 19,51,50,000.

*To Promote the habit of savings:* Directorate of Small Savings, Government of Manipur in sum neu khat khat a saving bawl theina ding tupna toh a thu-le-la kichien mutheina dingin tuni'n website khat dssmanipur.in kichi hong khia.

*Governor in State Assembly Session Address:* Manipur Governor Dr Najma Heptulla in Manipur assembly session address abawlna ah, bandh leh blockade free Manipur ahina dinga panlah ding, Act East Policy tungtawn a hamphatna um thei chinteng kaidoh ding, unemployment issue solve na dinga skill leh capacity building ha bawl ding, planning leh finance toh kisai Rs 525527 crore siam ding, regional imbalance suh bei ding, Dist capital chin road conectivity hoipen bawl ding, heal, school, drinking water chite BADP tungtawn a bawl ding chite gentel.


*ZOLENGTHE*
*Connecting the Zo people*

Monday, March 20, 2017

ZOLENGTHE NEWS | 20.03.2017

Manipur chief minister N Biren Singh after taking the oath of office in Imphal on Wednesday. (PTI)

*Manipur CM Biren thugen:* Tuni, March 20 ni'n Manipur Chief Minister Nongthombam Biren Singh in BJP solkal 1st Assembly Session ah mipite pankhawmna toh ha 4 lam national highways a economic blockade pen lakhiet in umta. A ban a sepkhiet kia dinga a tup ahileh Bill 3te zieh a hinna taan tunitan vuilou a umte tungthu genveng hiding ahi chi'n assembly ah puong. 

*Manipur Assembly Trust Vote:* Manipur vaihawmna Inpi ah tuni'n Biren in majority ahina tahlang. 60-seat Assembly a speaker tellou MLA 32 support nei ahidan voice vote in tahlang. 20 BJP, 4 NPP, 4 NPF, 1 LJP, 1 AITC, 1 independent leh 1 INC.

*Manipur Assembly Speaker:* 11th Manipur Legislative Assembly Speaker dingin Imphal West dist, Singjamei A/C apat BJP legislator Yumnam Khemchand Singh telching in um. YK Singh in House sunga gup/pai tuom neilou a vaihawm ding ahidan tahlang.

*District Creation Issue Still Alive:* Tuni local court apat UNC President Gaidon Kamei leh publicity secretary Shangkhel Stephen te hakhiet in um uh. Stephen in district siemkhiet a umte issue hing nalai chi'n gen. 

*Bial in hakhia uh:* Lamzang kidnaped case toh kisai a mat a um mi 6 te tuni'n CCpur Police te'n Court ah produced ua, Court in bail a pawt ding in phalsah.

*MSPCL Staff 2 Kidnap:* Police apat thu kimu in a gendan in Kholmun khuo a MSPCL nuai a nasem mi 2 (Kol khat leh Meitei khat) meltheiloute'n puimang uh. CCPur station in case register.

*NSCN-K 38th Republic Day:* S.S.Khaplang lamkaina nuoi a um NSCN(K) te'n jing chiah 38th Republic Day zahna vaiguon nei ding uh.



*ZOLENGTHE*
*Connecting the Zo people*

Sunday, March 19, 2017

ZOLENGTHE NEWS | 19.03.2017



*Tripartite Talks Update:* Tuni'n Senapati ah India solkal, Manipur solkal leh UNC te Economic Blockade toh kisai kihou ua, tu jankim apat Economic Blockade lakhiet hiding a, UNC lamkai thonginn taangte thunuo-thuma umlou di'n hakhiet hiding ua, solkal in UNCte kiphinna pen theipi in a athulai suiding leh kihouna neikia dingun kithukim uh. 

*INC/BJP MLA Camps:* Jing, March 20 chia Assembly a strength show nei tuah ding ahiman un Congress leh BJP lamkaite'n a MLAte uh lawital chinga ching thaw dan uh hileh kilawm. BJP MLA 17 Guwahati a va ki camp te tuni'n hing tung ua, mun bitzaw a chingtup hiding ahidan thutut in gen. Tualeh Congress MLA 27te zong Imphal a mun khat a ki lawital ching top dan uh hi in thutut in gen. 

*Manipur Cabinet Meeting:* Manipur Cabinet meeting janni'n um a, March 11 chi'a luikhiet ding 2017-18 budget estimate pomna nei ua, Cabinet in hills leh remote area a govt employee te transfer policy frame tha di'n phasahna bawl uh.  Th. Biswajit Singh pen solkal spokesperson di'n guong uh.

*CoHSEM Exam Kipan Ding:* Jing chiah Council of Higher Sec Edn Manipur saina in class XII exam kipang ding. Mi 26440 in laivuonna nei ding uh. 

*MLAte'n Kichiemna Nei:* Protem Speaker Pu V Hangkhanlian in tutung a telching a um MLA tha teng kichiemna tuni'n neisah. 

*Miss Mizoram 2017:* Miss Mizoram 2017 Rody H Vanlalhriatpuii in Miss India Grand Finale Mumbai a teltheina dingin Fbb Femina Miss North East States audition ah lawchinna ana tangte.

*Team ZOLENGTHE wishes Best of the Best to all the Class X & XII candidates*


*ZOLENGTHE*
*Connecting the Zo people*

Saturday, March 18, 2017

ZOLENGTHE NEWS | 18.03.2017

*Pu V. Hangkhanlian - Protem Speaker:* Governor of Mani Dr. Najma Heptulla in Assembly Speaker ding khat telkhiet ahi masang telching a um MLAte kichiemna neisah dingin Pu V. Hangkhanlian appoint bawl. Tua dungjui in Secy, to the Guv of Manipur Th Chittaranjan Singh in jing mama chia Gov apat kichiemna la dingin Pu Hangkhanlian theisahna bawl.

*Suspend & Revoke:* Andro A/C apat Congress ticket a telching, March 12 nia BJP a kilut hiau in Cabinet post kipe hiau Thounaojam Shyamkumar Singh khu Congress in March 15 ni'a kum 6 adia suspension order asuo lakhe kia un, ni 15 sung Show Cause Notice pieh a um kia chithu kija.

*PTC in CM Kipahpi:* Paite Tribe Council, General Headquarters lamkaite'n janni March 17 in Chief Minister office ah Manipur Chief Minister Pu N Biren Singh kipahpina in Paite Puandum va silsah uh. 

*BJP Lamkaite Imphal ah:* Thutut kimu dan in Delhi apat BJP lamkai 2 tuni'n Imphal ah hing zin uh, Govt siemtupna toh kisai a pan hing lahpi ding ua gintat ahi. Amaute ahileh Shri Prahlad Singh Patel, MP and BJP Manipur in-charge leh Shri Satyendra Garg, Joint Secy. MHA (north east in-charge) te ahi uh. Tripartite Talks um didan hileh kilawm.

*Economic Blockade beita meithei:* Sadar Hills Dist Demand na NH 123 sanga sauzaw - record break UNC EcoBlockade ni 130 jing chiengin beita meithei. Manipur govt in jing, March 19 chia Senapati DC office a Tripartite Talks nei dinga lemsa ahidan thusuo in gen. UNC in dist 7 te phelkhiet kia ding dei, phelkia hileh dist 7 kiphin kia ding. BJP solkal dinmun hing kichien bep ding hipan hi.

*Foreigner in his own state?:* Democratic Students’ Alliance of Manipur (DESAM) ban ah Joint Committee on Inner Line Permit System (JCILPS) te'n Jiribam A/C apat IND a telching Ashab Uddin pen "Non-Local" ahizieh in political party a zom thei sih ding chi'n boycott ana bawl uh. Jiribam CSO tuomtuom All Manipur Bengali Students' Association Jiribam, All Manipur Linguistic Minority People's Organisation leh All Manipur Muslim Organisation Co-ordinating Committee te'n naikal 24 sunga a thukhun uh lakhe dingin DESAM te thupia uh. Ashab in 1906 a a innkuonte Manipur a ana tengta uh ahidan thupuon bawl. 

-----------------------------



*Diamond Jubilee Football:* Lutheran Youth Fellowship in April 21-23, 2017 sung Zomi Colony a Diamond Jubilee a zah ding utoh kisai Diamond Jubilee Sprorts Committee saina nuai a division chin apat Football selection match umpen zaw in umta a, Quarter final apat final tan match fixture tam bang ahi.

*Quarter Finals | 29.03.'17*
Amun: Sielmat Playground
1. Tonjang LYF v/s Sumchinvum LYF
2. Tuining LYF v/s Zomunnuam LYF
3. Bethel Chapel LYF v/s Sangaikot LYF
4. HQ Church LYF v/s Muallum LYF

*Semi Finals | 03.04.'17*
Amun: Sielmat Playground
1. Winner Q.F. 1 v/s Winner Q.F. 2
2. Winner Q.F. 3 v/s Winner Q.F. 4

*Final: 17.04.2017*
Amun: Singngat
Winner S.Final 1 v/s Winner S.Final 2

-------------------------------

*LETTER TO DC, CCPUR*

Pu DC, CCpur,
Imphal ah Petroleum products kichi himhim Black Market a juote police te'n nasatah in control ua, tuchieng in ahileh petrol pumpte ah i dei bangin ki mu theita hi. Nang zong Lamka khopi a black market teng na khabing sah a hoi hilou amah? Lungdam ing. 
~ Pupu Zou


*ZOLENGTHE*
*Connecting the Zo people*

Friday, March 17, 2017

ZOLENGTHE NEWS | 17.03.2017



*Sajiwa Jail Tangte Pawtta:* Election zaw a Lamka buoina zieh a mat a um, Imphal Sajiwa jail tan tung mi 27te tuni'n hing pawtta uh chithu kija.


*Ukhrul Dist CSOte'n Minister Demand:* Ukhrul District sunga Civil Society Orgn tuomtuom te'n tuni'n India BJP President kungah Ukhrul dist te'n Minister na neilouna uh kum 15 val ahita, tutung a ka nei ding uh ahi chi'n ngetna bawl uh.

*Govt leh UNC Kihouna Umding:* Manipur Govt leh UNC te'n Economic Blockade toh kisai in March 19 chiengin kihouna nei ding uh. Amun ding chieng nailou.

*1st Assembly Session:* March 20 apat in State Assembly Session nei dingin tuni'n State Cabinet in thupuon bawl. 2017-18 state budget luikhiet hiding. Manipur Governor Najma Heptulla in Congress apat Sanasam Bira Singh pen protem speaker di'n guong.

*Manipur CM in Ngetna Bawl:* Manipur CM Biren in tuni'n Royal Palace ah titular king of Manipur, Leishemba Sanajaoba kimupina nei. Tam hun ah CM in tuni'a pat Manipur a teeng tengin 'Ka' chi sanga 'Ei' chi kamteng zang tamzaw ding leh leh nam tuomtuom tengkhawmte kal a ki tanauna supung dingin chielna bawl. Hill devp zong a govt top priority ahi dungjui in govt scheme mudingte zong amun mama a dept toh selection bawl hijel ding chi'n gen. Tua ban ah, centre govt in zong hill area devp umna ding a financial assistant lemsata ahidan puong.

*BJP MLAte Ghy ah Ki Camp:*  The Telegraph thusuo kimu in a gendan in BJP MLA khen khat janta in Guwahati ah tungtou ua, Hotel Lily ah room 20 lam book ua, a vat teng mun dangah tung uh chi'n gen. Hotel staffte kunga a umna room uleh a detail genkhe lou dia theisah a um uh ahidan uh thusuo in gen. Minister tang joulou di chi lungkia a Congress zopsawm pawl um hidi'a gingtat ahi.

*HSLC Exam Kipan:* BSEM saina toh High School Leaving Certificate Examination tuni'n Manipur pumpi ah kipan. Sangnaupang 35613 te'n centre 93 ah laivuonna nei uh.


*ZOLENGTHE*
*Connecting the Zo people*

Thursday, March 16, 2017

ZOLENGTHE NEWS | 16.03.2017


*Manipur Cabinet Portfolio:* N. Biren lamkaina BJP solkal siemkhiet ahinuo ni khat beikiata nanleh ama toh kihahsielna neikhawm teng panmun ding official a phuonkhietna um nailou. NPP in March 12 ni'a kihouna jatat ahilou leh coalition govt apat ki jutkhe dinguh hi'n NPP president Thangmilien Kipgen in gen. PP te'n ana demand home department for deputy chief minister Y Joykumar, health & family welfare department for L Jayentakumar, Public Works Department for N Kysii leh Rural Development and Panchayats Department for L. Haokip ahi. A lang khat lam ah, NPF te zong Cabinet berth gen a dingkip chet. N. Biren buai!

*Economic Blockade toh kisai:* CM N. Biren in EB lakhe dinga a ngetna a bawl vangin UNC in kihouna leh kithukimna a um masia lakhiet hilou ding chi tentun uh. Modi in a campaign na BJP in solkal a form leh naikal 48 sunga EB lakhiet hiding chi lawsam ta. Tam toh kisai tuni'n CM lamkai in MLAte'n special meeting nei ua, EB lakhietna di'a athi theina bang a panlah ding in kithukim uh.

*N. Biren Cabinet ah CCpurte tellou:* Manipur solkal siemtha a umtoh kisai Cabinet Minister touna luodi'n BJP MLA 2, National People’s Party ah 4, LJP 1, Congress 1 leh Naga People’s Party apat 1 te'n kichiemna nei ua, CCPur dist apat khat zong tellou. Mi 3 guonthei nalai, koikoi hing hiding genhei hinailou.

*Muonmaw gari mat in um:* Lamzang mi Thangmuansang leh Thangsuanmung puimang leh soisa tute'n a zah ding ua gintat Bolero (Black Colour) MN02A-2149 leh No. Plate umlou Gypsy (White Colour) tuni'n CCpur Police te'n man uh.

*Chief Secretary Office apat:* Manipur Chief Secretary Shri O. Nabakishore Singh in tuni'n High Level Govt Officers meeting neipi a, govt tha khu corruption umlou ding leh transparency umding hiding ahidan tahlang. Administrative head teng kungah punctuality maintain ding in thupia. Tuaban ah, Hills Development zong govt priority khat ahiman in kal khat sunga detail project report pelut chiet dingin theisahna bawl. 

Tami in a etsah ahileh Pu N. Biren in zong Pu Modi dan a personal tah a nasepna monitoring bawlsawm ahidan kilang.

*Anglo-Thadou War toh kisai:* Anglo-Kuki War or Kuki War of Independence chia chiemte a umpen Anglo-Thadou War Celebration Committee panlahna nuai a Anglo-Thadou War min toh kum 100 chin lopna ding toh kisai Haokip Peoples' Council, Indo-Myanmar leh Doungel Inpi Ghq in poi asah thu gen ua, tam vaiguon a Haokip tate min tahlang lou dingin ngetna bawl uh.

*Congress apat BJP zom:* Tuni'n Chandel leh Tengnoupal District sunga ADC member mi 4 te'n Indian National Congress apan BJP zom uh chithu kimu. Amaute ahileh 1.Ch Ngamthang Mate, 2. Seithang Haokip, 3. Ngamlal Baite, 4. Limkhojam ahi.


*Ning kitelhuai nasah leh hing gen inla, hoi nasah leh na lawmte kungah recommend in*

*ZOLENGTHE*
*Connecting the Zo people*

Tuesday, March 14, 2017

ZOLENGTHE NEWS | 14.03.2017

*Lamka Post editor Vellore ah:* Pu Thangzalian damlou kizensah in Vellore ah um. Vellore Christian Medical College ah March 8 in ana tung a, medical examination bawl charchar in tuni'n a treatment poimaw teng theikhiet in umta chithu kija. Thumna a geldoh di'n iki chiel ahi.

*Govt form khongkhong ding:* Jing, March 15, 2017 - 1pm chiengin 12th chief minister of Manipur dingin BJP leader Nongthonbam Biren Singh in Manipur Governor Dr Najma Heptulla apat kichiemna nei ding. Tam kichiemna vaiguon ah BJP national president Amit Shah ban ah Assam, Nagaland, Arunachal Pradesh leh Sikkim state te a Chief Minister te zong hing tel ding.

*Protem Speaker:* Congress ticket apat telching Sanasam Bira Singh zong CM in kichiemna anei zawzaw chiengin Manipur Assembly a Protem Speaker (tomkhat sung a ding) in kichiemna nei kia ding. Ama'n kichiemna a nei zaw chiengin newly elected member te kungah kichiemna Protem Speaker in neisah kia leuleu ding hi. 

*NPF te dinmun:* Naga People's Front te'n BJP ka support uh chi'n Governor mai ah mellahna anei utoh kijui in BJP in solkal formta ding ahiman in NPF te dinga tanvou tambang hiding hi. L. Dikho, MLA 48 Mao (ST) A/C Cabinet Minister hiding, Awangbow Newmai, MLA 52 Tamai (ST) A/C Parliamentary Secretary, Hills and Tribal Development, Minor Irrigation, Works, Khashim Vashum, 45 Chingai (ST) A/C Parliamentary Secretary, Planning, Public Health Engineering (PHED) leh K. Laishiyo, 43 Phungyar (ST) A/C Irrigation & Flood Control, Rural Development hiding.

*Dist Hospital Monthly Report:* CCpur District Hospital in Feb 2017 sung monthly report abawlna uah OPD a ki ensah mi 7731 pha, naungeh 200 pieng (niteng a mi 7/8 ki belap china ahi), zatou in sunga mi 14 in shina tua, Children Ward ah naupang 242 admit in um.  Surgical Ward mi 131 admit in um, Ortho ah 74, Medicine Ward ah mi 233 admit in um. Blood Bank ah sisan unit 134 kaikhawm in um a, unit 101 zah in um a, 

*Chingpi gemte tuosia:* Assam Kamrup dist sunga Baihata mun ah tujingkal in car khat in Bus phukha, car a tou amun a shidente Lamminlal leh Jakab Luwanga kichi. A car sunga Chingpi Ki, thautang leh brown sugar mukhia uh. News report in agel dan in Laminlal kichi. 

*Manipur Cabinet Minister Portfolio gingtat dan* 

1. Name: N. Biren Singh
Portfolio: DP, Finance, Power, MAHUD, HAC
Party: BJP
Community: Meitei
Post: CM

Sunday, March 12, 2017

ZOLENGTHE NEWS | 12.03.2017 - New Government of Manipur

*Manipur New Government:* Muonhuai tah apat thu kija dan in BJP leh NPP, NPF, LJP leh IND kigawm in Manipur Government form di'n kisa ua, tunita in Governor kunga theisahna bawl ta uh hidan in thutut kimu.

*Independent MLA kituna um:* NJP leh Congress te Jiribam apat Independent a telching Md. Ashabuddin kitu uh. Tuni Imphal Airport a'ng tun ngah in Congress leh BJP Airport mai ah ana um ua, vanleng a ang kumkhiet tah in CISF te'n pui ua, BJPte khut a pekhia uh chithu kija. BJP te'n zong special flight toh Guwahati a lesawl kia uh chi hinalai. I lawipa a BP sangin buoivawt!

*Lamkai tha dingte:* Thutut kimu dan in BJP lamkaina Manipur govt hing ding diing ah, 2-Heigang A/C a telching Nongthombam Biren Singh pen Chief Minister hing hiding a, 5-Thongju A/C apat telching Thongam Biswajit Singh ahileh Dy CM
 ban ah 10-Uripok apat NPP telching Yumnam Joykumar Singh pen Home Minister hiding a gingtat, hinanleh dih ngei dinga koi ahita hi.

*Cong apat BJP lut:* Muanhuai tah apat thu kija dan in 7-Andro A/C apat telching Congress MLA Thounaojam Shyamkumar in tuni'n BJP zom chithu kija. Confirm vang hinailou, hinanleh muonhuai tah apat thuja dan in tunita in Congress MLA 13 te'n a pawlpi uh nuosie uh chithu zong kija.

*Ibobi in resignation pia:* Kum 15 vingveng Manipur a solkal ana enkol, a mel a Congress kilang top Pu Ibobi Singh in tunita in Manipur CM apat ki tawpna lai peta. 

THE NEW CHIEF MINISTER OF MANIPUR


Nongthombam Biren is a national level footballer turned journalist turned politician from Manipur, India. In 2002, he was elected to the Legislative Assembly of Manipur, as the Democratic Revolutionary Peoples Party candidate in the constituency Heingang. He later joined the Indian National Congress (INC). In May 2003 he was appointed Minister of State of Vigilance in the Manipur state government. In 2007 he retained his Assembly seat, contesting on behalf of the Indian National Congress. He was later appointed as the Minister of Irrigation & Flood Control and Youth Affairs & Sports in the State Government.In 2012 he again retained his Assembly seat for the third consecutive term. On 13 September 2015, Biren stated that the recently passed bill in the Manipur Legislative Assembly to protect indigenous peoples would not harm any community in the state.

In October 2016, Biren resigned from the Manipur Legislative Assembly and the Manipur Pradesh Congress Committee, this came after revolt against Chief Ministers of Manipur Okram Ibobi Singh. N.Biren formally joined the BJP on October 17, 2016 and later became the Spokesperson and Co-convener of the Election Management Committee of BJP Manipur Pradesh. He will be contesting the 2017 Manipur Legislative Assembly Election as a candidate of the BJP from Heingang Assembly Constituency and is regarded as a strong contender of the top post in the State Assembly if the BJP come to power in Manipur after the 2017 Election. (Source: Wikipedia

*ZOLENGTHE*
*Connecting the Zo people*