ZOLENGTHE NEWS | 04.03.2017

*Quote of the Day:* _“Now people have started knowing the purpose of elections. Voters are very much concerned about it. I am sure that this elections will bring about a real change in Manipur,”_ veteran politican O Joy Singh

*MLA Election, 84% turnout:* 11th Manipur Legislative Assembly election phase 1 tuni'n seat 38 ading vote khietna um a, vote nei 84% vel in vote khia. Manipur CEO Vivek Kumar Dewangan in CCpur leh Kangpokpi a buoina neuneu chilou mun dang tengah peaceful tah a vote khiet a um ahidan puong. Imphal East district a vote nei 87% te'n vote khia ua, Imphal West ah 86.9% leh Bishnupur district ah 87.8%. Kangpokpi 80%.

*CCpur ah 70.95% in vote khia:* 11th MLA Election phase 1 vote khietna Churachandpur district ah buoina khawsia umlou in zaw hita. Nitahlang nai 3 tan in 55/ Tipaimukh ah 73.76% in vote khia, 56/Thanlon ah 69.05%, 57/Henglep ah 82.8%, 58/CCP ah 72%, 59/Saikot ah 61.92% leh 60/Singhat ah 71.75%. Total percentage 71.95% tungpha hidan in thutut kimu. Singngat A/C sunga khuo khen khat ah candidate dang vote khesah lou chi thutut kimu, Thanlon A/C zong mipite lungkim lou chi thusuo kimu. Saikot A/C sunga Ngurte polling station ah buoina um ahidan thusuo khen khat in gen.

*CCpur INC Candidate thusuo:* 58-CCpur (ST) A/C a INC candidate Pu Haukhanthang apat thu kija dan in, election nitan a Phungzathang Tongsing tawsot a ding ahi chi'a mun khenkhat a lai kitah nalai pen lamdang leh poi asah thu gen a, tam bang a dihtatna aki tangkoupi zing lai a a mi muon mama te'n zuauthu a ana ki goppi uh pomsiem hamsa asah dan thutut kimu.

*Saitu AC Election update:* Ngamthang Haokip chief agent Thanglenmang Haokip of Salem Village helpawlte'n a vuazaw un Gamnom polling booth apat puimang uh chi thusuo kimu. Saitu, Sipijang leh Songlung polling booth ah mi kidel chithu social media apat mu thei in um.

*Imphal East & West Dist:* Imphal East district sunga A/C 10 umte ah vote khietna thawveng tah a zaw in um. IE sunga A/C 10 umte ah voter 114038 te'n vote khia. Imphal West ah A/C 13 um a tuanah voter 353705 ten vote khietna nei uh. Peoples’ Resurgence and Justice Alliances (PRJA) ticket toh Thangmeiband A/C a contest Erendro Leichombam ahileh tun'n a lang lamte'n ana ziar ek uh.

*ECI orders FIR:* Election Commission (EC) in election advertisement toh kisai RP Act palsie chi in Manipur unit BJP office bearers leh Sangai Express (Manipuri & English editions), Poknapham, People’s Chronicle, Naharolgi, Thoudang, Imphal Free Press, Echel Express leh Huiyen Lanpao te tunga Section 188 of IPC tungtawn a FIR bawl dingin Chief Electoral Officer of Manipur theisahna bawl.

*Nitin Gadkari in Imphal hing pha:* Union Minister Road Transport and Highways Nitin Gadkari in tuni'n Imphal hingpha a, thusuo mite kungah India solkal in Manipur connectivity toh kisai special category a koi ahiman ah, Manipur sunga NHte puophatna di'a India solkal in Rs 22,000 crore sanction jouta ahidan tahlang a, Barak leh Makru bridge bawlna dinga zong Rs 141 cr approved hita ahidan zong gen.

*LYF Lamka Division thusuo:* Manipur Evangelical Lutheran Church (MELC) khanglai pawl Lutheran Youth Fellowship (LYF) Ghq Diamond Jubilee dingtoh kisai a *Lasah Kidemna (Diamond Voice)* preliminary round Division chin in asai toh kisai jing chiengin LYF Lamka Division te'n MELC Hq Church, Zomi Colony ah 1pm apat in 2nd & Final round nei ding uh hi'n LYF thusuo in gen.

*I candidate te zong gim gawp tava uh, na inn chiet vuah pei unla, nop tah in imutna di hun pephot vai* 

*ZOLENGTHE*

*Connecting the Zo people*

ZOLENGTHE EDITORIAL | 03.03.2017

*Election Complaint No: Call or whatsapp your complaint by lodging in the form of photo, audio and video documents to 9436021798* *ZOLENGTHE in singphung chin a heipi kikoi ahita, dihlou tah a booth capture sawm chivel report lou in a um sih ding*

*Sil bangkim mansa diam akoi hita:* 11th Manipur Legislative Assembly election phase 1 jinga um ding toh kisai sil bangkim mansa diam a koi hita ahidan CEO Manipur in puong. Imphal East, Imphal West, Bishnupur, CCpur, Pherzawl leh Kangpokpi distte ah mi 1902562 (Pasal 928573 leh Numei 973989) te'n candidate numei 7 tel in mi 168 te adi'n Assembly Constituency 38 ah vote khietna nei ding. Candidate tamna pen A/C ahileh 46-Saikul (ST) ah 11 pha. Polling booth umteng lah a Sensitive 529 um, Hyper Sensitive 837 tah um. *Vote khietna 7AM-3PM sung um ding.* CCpur dist a vote kikhietna ding a/c te ahileh 55-Tipaimukh, 56-Thanlon, 57-Henglep, 58-CCpur, 59-Saikot & 60-Singngat ahi.

*60-Singngat(ST) A/C update:* Tunita in Party khat Volunteer mi 60 vel Geltam khuo va lut ua, Party dang volunteerte toh ki buoi sim man uh hidan in thutut kimu. Tuana Police Commando te'n athu thei in dellut ngal ua, volunteer umteng gamlah a taimang uh chithu kija. Commando te'n Opreation bawl ua, khosung a vote nei teng inn sung khat a khum khom in, vote neilou teng thudoh na nei uh chi thu ki mu.

*Singngat Village Authority thupuon: Singngat Villages Authority. leh ZYA Singngat unitte'n thupuon a bawlna uah, jing vote khiet hun sunga Singngat Polling booth A, B leh C sunga vote neilou kichi lutphal hilou dingin thupuon bawl uh.

*DEO/DC CCpur Appeal:* District Election Office/Deputy Commissioner Churachandpur R. Sudhan in CCpur mipite kungah vote nei tapou in lung himawhna bangma neilou a vote khe dinga hing kisa chiet dingin chielna bawl. Polling booth chin a camera kikoi suoh ahiman in jauna ding bangma umlou chi'n gen.

*Election Fever:* Senapati dist sunga 47-Karong A/C a candidate 2 te'n azah lai uh gari BJP candidate zah Bolero, Tata Sumo leh LJP candidate zahlai Tata Sumo, Alto car haltum in um.

*Indo-Myanmar Gate khah in um:* A pulang apat buoina um thei dingte venna in tuni'a pat Moreh a India-Myanmar boder gate khah in um. March 8 tan border trade um lou meithei ahi.

*Paupu Auto lun mama:* Election ding zieh a govt in gari tam tah a mat zieh in Imphal leh Lamka kikal a gari tai ding vang mama ahiman in Paupu Diesel Auto te ah Rs 200 pieh in kitai ziah ziah lel!

*JING A ZOSUONTE OPKHUMNA A/C VOTE KHIETNA DINGTE*

46-SAIKUL (ST) A/C

1. Chungkhosei Doungel - NCP - Clock
2. Horngam Keishing - AITC - Flower&Grass
3. Mangvung Thangboi Haokip - NPF - Cock
4. Paolet Touthang - BJP - Lotus
5. Yamthong Haokip - INC - Hand
6. Ch. Ajang Khongsai - NPP - Book
7. Doukhomang Khongsai - NEIDP - WalkingStick
8. Letjam Singson - MNDF - Pot
9. L Samuel Kom - RPI(A) - SewingMachine
10. Thangjamang Haokip - LJP - Bungalow
11. Kenn Raikhan - IND - Ring

50-KANGPOKPI A/C

1. Nemcha Kipgen - BJP - Lotus
2. Soshim Keishing - NCP - Clock
3. Athikho Solomon Enah - NPF - Cock
4. Kharga Tamang - IND - Truck

51-SAITU (ST) A/C

1. Haokholet Kipgen - BJP - Lotus
2. Ngamthang Haokip - INC - Hand
3. Sehpu Haokip - NPF - Cock

55-TIPAIMUKH (ST) A/C

1. Dr Chaltonlien Amo - INC - Hand
2. Dr Lallukhum Fimate - BJP - Lotus
3. Ngursanglut Sanate - NPP - Book
4. Ngurrivung - IND - Mike
5. Thangthatling Sinate - IND - RoadRoller

57-HENGLEP (ST) A/C

1. Dr Jainson Haokip - AITC - Flower&Grass
2. T. Manga Vaiphei - INC - Hand
3. T. Thangzalam Haokip - BJP - Lotus
4. Thongjamlian Haokip - NPF - Cock
5. Mangcha Gangte - MNDF - Pot
6. Letzamang Haokip - NPP - Book

58-CHURACHANDPUR (ST) A/C

1. V Hangkhanlian - BJP - Lotus
2. Haukhanthang - INC - Hand
3. Paukhansuan Khuptong - NEIDP - WalkingStick
4. Phungzathang Tonsing - NPP - Book
5. Thangbiaklian Hangzo - RPI(A) - Trumpet
6. Dr D.K. Mang - IND - Autorikshaw
7. Chintwahlian Guite - IND - Hat

59-SAIKOT (ST) A/C

1. TN Haokip - INC - Hand
2. Paokholal Haokip - BJP - Lotus
3. Holkholun Lhungdim - LJP - Bungalow

60-SINGHAT (ST) A/C

1. Chinlunthang - BJP - Lotus
2. Ginsuanhau - INC - Hand
3. Henlianthang Thanglet - NPP - Book

*ZOLENGTHE*

*Connecting the Zo people*

ZOLENGTHE NEWS | 02.03.2017

*Quote of the Day:* "CT Lian non telching ileh sum leh pai neiloute leng I gam ah MLA chin theih ahita chih puongkhetu ihi ding uhi" ~ CT Lian

*Phase 1 campaign hun beita:* 11th Manipur Legislative Assembly Election 1st phase polling March 4 chienga umding toh kisai in Election Campaign hun tuni nitahlam nai 3 apat beita, public rallies, public meetings leh loud speakers zah phal hinawnlou. Assembly constituency 38 adi'n numei 6 tel in candidate 168 um. 1st phase election ahileh Imphal East, Imphal West, Bishnupur, Churachandpur, Kangpokpi leh Pherzawl districts ah um ding. March 4 chiengin in mi 1,119,271 (numei 5,75,221) te'n polling station 1,487 ah vote khe ding.

*Government in suty puong:* State government in vote neiteng in vote khiet chiet ding deina in March 4 ni Schools, colleges, University, government offices, banks leh financial institutions, private sector undertaking offices  

*Rajnath in Lamka pha:* Union Home Minister Shri Rajnath Singh in Tribal Salphate tungthu a poi asathu gen a, a poimaw leh CBI khut a suichetna nna pieh hiding gen. Centre govt in Kuki-Zomi te adi'a political solution bawlsah tum ahidan tahlang. Congress in divisive politics play zing hi in ngoh a, congress vaihawmna nuoi a corruption langtang tah a muthei a um ahidan zong tahlang.

*KSA te'n kiphinna sunzom:* Kangleipak Students' Assn (KSA) te'n Fake Encounter a shite tunga thudih puonkhiet kin dei in tuni'n Imphal ah CM Ibobi Singh, Manipur police chief lui Y Joykumar leh senior SP AK Jhalajit te lim halna nei uh.

*Bomb puoh, 8 Liam:* Phungyar assembly seat tusawm Naga People Front (NPF) candidate K Leishiyo tenna Langol ah tuni'n bomb hattah puohza in mi 8 te'n liamna tuah. Wangkhei Angom Leikai a BJP candidate inn ah meltheilou te'n thau vakap ua a shi leh liam umlou.

*CEO Thusuo:* Ng. Uttam Singh, State Nodal Officer (Observer & Media/Communication), CEO, Manipur Office said that the display of advertisements in print and electronic media is prohibited in and around the polling area, poll analysis or exit poll is not allowed untill 5 pm of March 8, 2017. Pre-poll Analysis or Opinion Poll is also prohibited before 48-hours of first phase of election. Any kind of advertisements on Print media or on e-paper is prohibited without pre-media certification from State/District level MCMC. 

*Editorial..............* 

Election Campaign hun beita, tunita leh jing sun, nita tan in na inn ah bang chih a zong hing lut ngeilou leh hing lut sawmlou, na melthei mihing in jangkhang nuoi ah kot hing kiu keuh keuh dinga, kamdam awnem tah leh thunuoilut tah in a'ng houpi ding uhi.

Kot na hon inlen a gen nuom uh bang ahia chi'n ana ngaikhia in. Sum a lomlom in na mai ah ahing luikhe ding ua, na vote manpha hing pia in, nna i sem khawm ding uh ang chi thimthiam ding uhi.

Mi chingkam leh dignity neitah nahileh tua sumte zieh in na mi hina nana kizuo sih dinga, nana selphou zawsop ding hi. Hinanleh numei kizuote banga na mi hina zuo zong khaw salou nahileh a'ng sumtawi uh manlang tah in nana sang ding a, man a leina na hi ta ding hi.

Tuabang a man a leisa mihing khat in maban ah kam zong na ke ngam nawnsih ding a, na inn leh gamlei hing ki phungkal sah ding dinmun ah ding nan lechin na lungsim ah na vote juo hing kilou van in ui meikhup bang in na dihna gen ngamlou in na umta ding hi.

Tua hunching in na vote leipa'n kang leisa, na gen ding bang ma umsih ang chikhum nalai ding a, a ut a thei a a gamtat ni'n zong na kam na keh ngam tasih ding hi.

*Aw nang mihing, lunggel nei, dangka a ki zuoh mei ding maw? Ki ngaisun in!* 

*:* Delhi NE Nodal Officer IGP Robin Hibu IPS mobile number tha 08130099015. Delhi leh NCR a umte'n ki save vuau! - Whatsapp/ Sms - 08130099015 (official only). Personal/ whatsapp /Sms - 9810083486 leh Email - helpinghands2016th@gmail.com

*ZOLENGTHE*

*Connecting the Zo people*

ZOLENGTHE NEWS | 01.03.2017

*Quote of the Day:* Bangtan Khuga Dam tui galmuh kawm a dangtak tak a omlai ding ihia? ~ Paukhansuan Khuptong, 58-CCpur (ST) A/C (1983 a ana kipan, 12 Nov 2010 nia Manipur Cong Govt in Sonia Gandhi a honsah uh)

*ECI in order suo:* Election Commission of India in tuni'n state govt officialte'n election bei masang Minister, political executives leh MLA apat ki kangkoi dingin order suo khum. 

*JACAATB Thupuon:* Aug 31, 2015 nia Anti Tribal Bills i chi uh Manipur govt in ana pass uh, March 3 chiengin ni 550 chingta ding. March 3 nita chia salpha 9te jatatna leh i rights uh kepbitna dinga mansa um zing ihi dan uh etsahna di'a 6pm apat eima inmai chiet a candle de dingin JACAATB in chielna bawl. 4th March chia pilvang kiukiau a vote khe chiet dingin zong chielna bawl uh. 

*ZYO Muollum thupuon:* Zou Youth Orgn, Muollum unit in tunia thupuon a bawlna uah 4th March chia thoveng tah a vote khiet adeithu uh gen ua, tuani a Muollum polling booth a vote neilou pouma koima va kitahla lou ding in theisahna bawl ua, thupuon jatatlou a umleh a tunga siltung bangbang maw akipuoh ding chi uhi. 

*Cong leh BJP Office bulu in um:* Manipur a Fake Encounter a shite tunga thudih suikhiet kin ding deina a kiphin Kangleipak Students’ Association (KSA) te'n tuni'n Imphal a Congress leh BJP office bulu ua, BJP office nasatah in susia uh.

*Manipur Dry Day:* March 4 leh 8 nipen vote khietni ding ahiman in Dry Day hiding. State chief secretary O Nabakishore in Nagaland leh state dangte kungah kithuopi dingin ngetna bawl. 

*KRA/KNO thupuon:* KNO nuoi a um Kuki Revolutionary Army in Kangpokpi dist a voter te kungah free and fair voting culture um theina dingin hansan leh lunglinglau lou di'n mipi chielna bawl.

*Biren SIngh interview:* Reuters (roiters) Manipur BJP Spokesperson N Biren Singh interview abawlna ah BJP in 34 out of 60 seat tang dia kinem ahidan gen. Bang di'a voter te'n Cong taisan ding chia dohna adawnna ah Cong in communal card play, mipite'n ningta, Manipur pen kihawmza man dehtah toh kibang dinmun a ding ahita chi'n gen.

*Polling teamte kipankhia:* Election duty ding in tuni'n Polling Team 55-Tipaimukh Sector 1 to Sector 5 (1-20, 23-25, 27, 21, 22, 26 & 28-38,), 56-Thanlon Sector 8 and Sector 9 (1-6, 16-24, 28-33) and 57-Henglep Sector 12 (1-6, 6, 16-18) te Tuibuong peace ground apat kipankhia uh. 

*Labour Commission thupuon:* Deputy Labour Commission, Manipur in Representation of the People Act, 1951 tungtawn in vote khiet ni chia govt/pvt a nasemte vote khe dia suty pieh ding leh tuamini full wages zong um veve dingin thusuo bawl.

*Door to Door Campaign:* BJP National President Amit Shah in tuni'n Wangkhei a MLA ki candidate Y Irabot adi'n door to door campain neipi. Tuaban ah, constituency chin ah candidate leh supporter te'n sun-jan chilou in innchin totna leh vote suina nasatah in neichiet uh.

*Indo-Naga Framework Agreement:* India solkal in NSCN-IM toh Aug 3, 2015 ni'n Framework Agreement ana bawl manan uleh tunitan a final accord suoi kaina bawl nailou ahidan uh tuni'n hilchetna bawl uh chithu kija. Parliamentary Standing Committee on Ministry of Home Affairs a official khat in Naga group leh concerned State governments of Manipur, Arunachal Pradesh leh Assam thukupna nei phot ding chi zieh a suoi kaina umnailou hidan in gen.

*VOTE JUO NA HILEH NA DIGNITY JUO NAHI A, NUMEI KIJUO SANGIN NA THUPI ZAW TUON SIH CHINA AHI. VOTE LEI NA HILEH MIPI DEILOU LAMKAI NAHI LELTAH HI* 

*ZOLENGTHE*

*Connecting the Zo people*

ZOLENGTHE NEWS | 28.02.2017

*Home Minister in Lamka hingpha ding:* Union Home Minister, Rajnath Singh in BJP Candidate a di’a election campaign nei ding in March 2, 2017 chieng in Lamka hing pha ding a, Ngahthal Public Ground ah zingmawng nai 10 chieng in Public Campaign nei ding. Tam hun ah Hemanta Biswa Sarma, Assam Minister, Biswajit Daimary MP (Rajya Sabha) Assam, Ram Madhav General Secretary & IC NE, BJP leh Zoramthanga, President, MNF te’n zong uap ding hi. Tami vaiguon ding toh kisai in Hemanta Biswa leh Daimary te’n Lamka a V. Hangkhanlian inn ni vei phata uhi.

*Rahul Gandhi in Imphal hingpha:* Indian National Congress V/Prez Rahul Gandhi in tuni'n Imphal ah vote campaign hing bawl. A thugenna ah, tunitan a Indo-Naga accord 'Framework Agreement' sunga umte mipi muthei dinga talat ahilou zieh in Modi mawpai thu gen a, RSS in Manipur ah a sakhuo ginna uh zah ding ngaisun uh ahi chi'n tangkoupi a, BJP in Manipur history leh na ham-le-pau uh su mangthai nuom ahi uh chi'n gen.

*BJP Prez in Manipur hingpha:* BJP President Amit Shah in tuni'n Kangpokpi leh Moirang hingpha a BJP candidate a dingin vote campaign hing bawl. Shah in a genna ah, Mnpur CM in project kim khat kijoute zong hong gawpgawp chin gen a, State Cong govt in central fundte dihlou tah a zang in ngohna bawl.

*Tembaw tumkuon Captain:* BJP National spokesperson Syed Shahnawaz Hussain in zong Manipur hingpha in Khurai ah vote campaign bawl. A thugenna ah Rahul Gandhi ahileh Long (Tembawh) tum ding kuon mama captain toh tekahna bawl.

*UNC in Cong dalding:* United Naga Council in Congress party nang ding leh NPF support bawl ding ahidan uh talatna nei uh.

*Protest & Demand:* AMSU lamkai in tuni'n Tedim road ah Indo-Naga framework agreement detail tahkhe phutna in human chain sau tah bawl uh. A langkhat ah,  Extrajudicial Execution Victims Families Association Manipur (EEVFAM) lamkai in Sekmaijing area ah extra judicial killing a shite justice peding a phutna um jel.

*Election Thupuon:* M.Songgel Village Authority leh M.Songgel Youth Club te'n vote khietni chia a khuo a vote neiloute ki lulah lou ding in thupuon bawl uh. Tuabang ma in Panglian Village Authority in zong thupuon bawl uh.

*Kpi Dist CSOs thupuon:* Kangpokpi district civil society orgn - KWU, TWA, KSO, TSA te'n Kangpokpi district sunga Manipur police commando koilut lou himhim dingin thutanna bawl uh. Alang khat ah KSO Ghq in Indo-Naga framework tungtawn a Prime Minister leh Union Ministerte thugen ki kumkal ahina ah lungdon huoi asah thu puong uh.

*Singngat A/C sungthu:* Thutut kimu dan in 60-Singngat A/C sung mun tuomtuom ah candidate supporter khenkhat in candidate dang supporter te lut phallou chi thutut kimu a, tuabang a siltung lethuhna dan in mun dang ah candidate dang supporter te'n zong bawl uh chithutut kimu. *TUABANG GAMTAT HOILOU AKOI AKOI IN PATSE DA LEI DAMNA HI DING AHIMAN IN I LUNG GELTHA KIA VAI*

*Myanmar buoina khawhsem:* Myanmar Shan state sungah army leh helpawlte buoina khawhsem in i nua ha apat mi 160 ten ahinna uh tan a, mi 20000 valte galtai in um uh.  Hinna taan 74 soldiers, 15 police, 13 govt militia fighters leh 13 civilians.

*Class X & XII Exam:* BSEM leh COHSEM final exam March 17 chi'a kipan ding ahita man in, sangnaupang te'n election thu leh social media te koikhiet hunta.

*CCPur Dist Voters:*  CCpur district sunga A/C 6 ah voter 1,93,838 um. Pasal 94,966 leh numei 98,872. Pasal sangin numei voter 3906 in tamzaw. Voter teng lah ah govt service 3178 um. 55-Tipaimukh A/C a voter 17,749. 56-Thanlon A/C ah 17,885. 57-Henglep A/C ah 29,164, 58-CCpur A/C ah 53,126. 59-Saikot A/C ah voter 49,899. 60-Singngat A/C ah 26,015 um a, pasal 12,887, numei 13,128 leh govt 545 um hi.

*Eco Blockade:* Tuni'n Jiribam apat truck ne-le-ta puo 282 te'n Imphal lam sepai venbitna toh hing juon.

*SUUNNA:*  L. Semol haosa Pu Haothong Lhungdim kum 85+; Singtom aum Pu Kamhau Zou leh Pu H. Zamsuan s/o H. Kamchinkhup of Rengkai Bethlehem veng  te'n tuni'n hing muolliam san uh.

*ZOLENGTHE*

*Connecting the Zo people*