ZOLENGTHE NEWS | 23.02.2017

*RIMS a refer in um:* Janni'a Behiang lam a accidentte tuni'n RIMS ah mi 2 refer in um ua, Behiang PHC incharge Dr Steve Minlun leh ZYO Ghq te panlahna toh sil bangkim arrange zaw in umta a, tu'n ZYO Imphal te'n a poimawhna bang a panla di'n ki singsa uh. Lamka damdawi inn ah accident a ki sukhate va sietve mi pung deudeu.

*CCpur Cong Office hong:* 58-CCpur A/C a Congress candidate Pu Haukhanthang in tuni'n a tenna inn, Zogam Road, New Lamka ah Information Centre honna nei. Ama ahileh Khianglam hausate Pu M. Haumang naupa ahi. Candidate pun agenna ah, Pasian in mipi palai di'a hing sawl ahi chi a, mipi palai umte'n mipi aw ngaisah nuamlou in ahina uh kiletsahpi uh chi'n gen. Congress na muda uleh zong Haukhanthang beh hing hepi unlen na vote manpha uh hing pia un chi'n chielna bawl. 

*PM visit boycott:* Manipur phaijang helpawlte kikhawikhawmna CORCOM in Feb 25 (Kiginni) chia election campaign di'a India Prime Minister in Manipur a'ng pha ding toh kisai boycott leh total shutdown puong uh. Suty! Prime Minister in Feb 25 chiengin Langjing Achouba Ground ah public meeting uap ding. Tam toh kisai in Special Protection Group (SPG) hing tung.

*MLA in oeration in naunei sah:* Mizoram MLA Dr. K. Beichhua in a constituency veh a a umlai in Siaha Civil Hospital a numei naunei ding khat incharge doctor umlou zieh a buoi chi jakha in amun del pei a, ama'n operation bawl a, a nu leh a ta damtah in koi.

*Election Fever:* Tuni'n 11am vel in Wangjing Thentha A/C ah CPI candidate supporter te toh MLA Paonam Brojen INC supporter te kal ah suong a kisep tua in buoina pieng a, INC lamte 1 leh police te khat liam.

*PRJA in masawn jel:* Irom Chanu Sharmila new political party Peoples’ Resurgence and Justice Alliance (PRJA) te'n masawn jel. Supporter te apat donation tunitan in Rs 20 lakh valta. Delhi CM in Rs 50000 a panpi, Punjab AAP ten zong panpi. Manipur pulang apat panpina lut tam mama hidan in thusuo in gen.

*Kikap tuana um:* Tuni'n Khoupam tangvum ah NSCN-IM leh 5/2 Gorkha Regiment kal ah kikap tuona pieng a, 5/2 GR te khat amun ah shipei a, Rongmei numei kum 50 khat zong amun ah kaplup in um kha. NDNC-IM te'n a shiluong uh Tamenglong lam a apuo lai un Golpijang ah ZUF te'n ana lamtan ua kikap tuana pieng kia a, NSCN-IM te 2 in liamna tua chi thutut in gen.

*CT Lian Guite:* 58-CCpur A/C Independent candidate Pu CT Lian Guite in 'na'ng telching uleh gam kizua nawnlou ding' chi'n gen a, khentuom neilou a abial mipite a di'a dinggam ding ahidan puongkhia.

*NEIDP Candidate points: 58-CCpur a/c NEIDP candidate Pu Paukhansuan in atangkoupi diah ahileh thutahna (truth), dihtatna (righteousness), thudih a vaihawmna (justice), lemna (peace), siengthouna (holiness), gam leh nam khantouna chite ahi.

*SoO Camp etkaina:* Pu L. Kailun, State Police Nodal Officer, SAE-2017, Manipur in SSP, CCP/PHZL/KPI/TPL/CDL kungah a SoO Camp checking report submit dingin theisahna bawl. CCpur ah SoO Camp 5, Pherzawl ah 2, Kangpokpi ah 4, Tengnoupal ah 1 leh Chandel ah 1 um.

*ZOLENGTHE*

*Connecting the Zo people*

ZOLENGTHE NEWS | 22.02.2017

BJP Candidate Office Honna:* 60-Singngat Assembly Constituency a Bharatiya Janata Party (BJP) candidate Pu Chinlunthang Zou Election Office honna leh Public Campaign tuni, Feb 22, 2017 in Singngat Zokhopi ah nei in um. MLA candidate pu thugen a nuailam ah muthei ding...

*Truck Accident:* Singngat a BJP Election office honna vaiguon uap dinga hing kuon Behiang langte vangsiet huai tah in a tuonna uh truck tuosia in hinna tan hial umsih nanleh mi 39 kisukha ua, tuate lah a mi 32 te District hospital puotung in um ua, mi 4 dressing zaw in discharge hita. Singngat MLA Pu Ginsuanhau in abial mi-le-sa tuosie tuote vehna va nei. Tuaban ah MLA Candidate Pu Chinlunthang in zong vena va nei a, Pu Owen Mang Munluo, Admin lamkai in Zolengthe tuonvaite'n ORS box khat leh hamuonna thu toh ZOLENGTHE min in vena va nei uh. ZYO in damdawi beiteng tua ding a, ne-le-ta giehna teng BJP candidate Pu Chinlunthang leh ZYO Kamdouveng kithuo in buoipi uh.

*Manipur Face Encounter:* July 23, 2009 ni'a Khwairambam keithel a senior te thupieh dungjui a mi kaplum kei kahi chia kiphuong khia Head constable Herojit CBI top officialte mai ah kilang. Thudih hing pawt khongkhong ding dan hita. Tuabang kal ah, CBI in November 1996 a Ghaziabad fake encounter a kihal sepai officer 4 tuni'n jail bang jutdin thutan khum.

*Rs 6 Lakh mankhia:* Tuni'n Election Surveillance Officials leh State Police te'n mi khat apat note thate ngen Rs 6 lakh mankhia ua, etkaina nna pei lel. 

*Sangnaupangte kiphinna kausem:* Union Home Minister Rajnath in Indo-Naga Framework Agreement ah Manipur min kilaw khahna khat zong umlou chinanleh AMSU leh pawl tuomtuom te'n a detail hing luikhia in chi'n Raj Bhavan mai ah kiphinna khausem bawl uh.

*Sanginn kikhah:* Pawl tuomtuom apat Monetary demand umzieh in Sadar Hills Pvt. School Assn (SHIPS) te'n hunchiem umlou in Pvt. School tengteng kha uh.

*Rengkai ah buoina pieng dehtah:* NEIDP candidate Pu Paukhansuan Khuptong, MLA candidate from 58 Ccpur a/c in nasa tah in masawn a, zan nita in Rengkai muolhoi area, Mata Mualtam etc ah open campaign nei a mipi peikhawm tam thei mama. Tuni nita a Rengkai field a nasa sem a open campaign a bawl sawm leh hausapu leh VA te'n block uh. Buaina um dehtah.  

ZOLENGTHE NEWS | 21.02.2017

*BJP Office honna um ding: Jing Feb. 22, 2017 - 11am chiengin Singngat Zokhopi ah 60-Singngat AC BJP candidate Pu Chinlunthang' Election Public Campaign leh Office honna um ding. Upa Vungzapau, Lunkhojang Haokip, Thanga Tonsing, K. Vungzalian leh Chinlunthang te'n thugenna nei ding.

*Dy. CM bukap in um:* Tuni 21/2/17 jingkal lam nai 8.30 vel a Thingkhongjang Village, Khoupum PS huom, Noney District ah Manipur Deputy Chief Minister Gaikhanngam Flag Hoisting bawl dinga a kuan masa sepaite helpawlte'n mun ni ah ana ambush uh. 3rd IRB a constable khat in liamna tua. 

*Kinepna dang na neina hi?:* Tu ma deu in Manipur Dy CM Gaikhanngam in 9 tribal martyrs teng helpawlte'n a hire ua shilaw ahi uh chi'n ana gen. Tu'n Manipur CM Okram Ibobi Singh in _I will oppose any solution worked out under the sixth schedule_ chi'n Time of India te'n a interview na vuah ana gen jel. Election kuon laitah a thu a tuachi gen vasuot mawh uh lamdang mama e!

*Manipur Fake Encounter:* July 23, 2009 ni'a fake encounter a shi Chungkham Shanjit tungthu CBI in suichetna atha a anei utoh kisai in thutha khat hing pieng jelta. Shanjit pa Chungkham Khelen in tuni'n a case a withdraw leh Rs 20 lakhs pieh ding a MLA Dr. NG Bijoy of Khurai Assembly Constituency toh kinai mama Kenedy kichi khat in vazawl ahidan genkhia. Tami thu in mi tampi hing huomkha ding dan in kilang.

*Jio Updates:* April 1, 2017 apat Jio in Data man charge ta ding. Jio call leh SMS free hinalai ding. Jio Prime membership neite di'a a bawn a free nalai di. JPM neina di'n 1st year ah Rs 99 pieh ngai ding a, kum 1 bei chiah Rs 303/month hita ding chi'n Mukesh Ambani in puong. 'My Jio apps' apat enroll bawl thei ding.

*Pu GS Haupu thugen:* Tuni'n 60-Singngat A/C Congress candidate leh sitting MLA Pu Ginsuanhau @ GS Haupu election office honna Singngat khuo ah um a, tuana a thugen tomkim kimu tam bang ahi.

Code of conduct in Gari jong tampi toh kuon lou ding, Neh khom na leh singpi jong awm lou ding office jong mun khat chou a hong ding ahing chi jiah in mipi hing tam ding jong ka gingta sih a tamjah kei ngai na na um nalai leh mani gari chiat a Nang kuon u thupi ka sa hi chi hi. Tua jiah in jong jing Sangaikot a office cum information Center hong di pen jong ki cancel ahi ta chi hi. 

Miten aluipa na ching sah uleh 3bills peitou suah ding ahi chin vote sui na in ahing jang ua Tuami te jong nop mo ka sa hi. Tambang thu a kei chou thu in 3bills ka nangthei sih, Singtangmi MLA teng ki pang khom le jong Meitei MLA te ja ki pha jou lou na lai hi. Tuajiah a MLA tha nei lei jong MLA khat chou Assembly a thu ki dal jou lou hi. Himananleh 3bills pen dal thei tan a dal vevo kahi chi. 

Tualeh Bill toh kisai hilchetna abolna ah, Bill toh kisai a ka suai kai khalou kahi chi a gen ban ah koiman juou leh nal thute gen gen nonlou ding in mipite chiel. Tualeh MLA apat a jong ki top masa pen ka hi a, kaki top na lekha Cabinet in hing pompiah ut lou in hichin ka sem tou kia mei hi. 

Zo Minam Ni ngaina ma2 khat kahi a, Zo Minam Ni khu kei kidemna a jat ahimaipen na kasa hi chi hi. Zo Minam Ni ading a Sum sielman hilou a, Sum tamtuo jingpen jong kahi, DELHI ZOMI NAMNI leh SUANGDOH ZOMI NAMNI a jong a tam tuah pen in ka pang hi. Tualeh Zogal Hall tungdohpa jong kahisam hi chi hi. 

Agenbena ah, tutung election pen chikim support kahi jie in ipangkhawm ding uo, na i semkhawm kieding uhi chi'n jong mipite chielna bawl a, koiman jong be-le-phung a vaaihawm louding injong ngetna bawl. 

Agenbe kiana ah, Congress in tuailai tamtahte sepna piehsawm a panla ahidan talang a, mipiten khatvei kia mawng mawng kithuopi kiedin jong chielna bawl hi.

. 

Tualeh aman Candidate dang te dem lou ding in amipite chial hi. (Report from Owen Mang)

*Rs 1000 note tha:* Indian Express in report abawl dan in RBI in Rs 1000 note tha introduce bawl kia ding chi'n gen. January a zahpat ding chi hinanleh Rs 500 note demand a sang seng man a Rs 1000 note pen delay a um hin gen.

*Numei Pawngsuoltu man:* Delhi police te'n Hauz Khas a Manipur nungah kum 24 a upa pawngsuoltu manta uh hidan in thutut in gen. Police te'n chitah deu a nasep a pat uleh matkhiet la um lou dan ahi.

*NWC te'n Dist thate tungthu genkhawmna nei:* Brief report of discussion on creation of 7 new districts held at TRI, organized by Naga Welfare Committee. Key-points on the creation of new 7districts:

1. Dist 7te HAC donglou a Revenue Dept nuoi a siemkhiet a um.

2. MLR and LR Act of 1960 implement hitaleh i gamte uh survey hing kibawl ding, Insung miza dungjui a gam hing kihawm ding, a valte govt gam Khash land hing suo ding.

3. Khash land nuoi a pata mu na di'a Cabinet thutanna ngai ding, tuahun chia eima gam a gam neilou kisuo ding.

5. India Danbupi nuoi a Article 371(c) tungtawn a tanvou ineite nelsia a hing um ding.

District thate revenue ahing hichia tam anei a i tanvou neita Act te bangma lou hing suo ding:

1. The manipur village Authorities Act, 1956

2. The Manipur Hill Areas (Aquisition of Chiefs' Rights) Act, 1967

3. The Manipur Forest Rules, 1971

4. The Manipur District Council Act, 1971

5. HAC of the Manipur Legislative Assembly

6. Loss of land rights as your customary land holding rights will be replaced by MLR and Land reforms Act, 1960. chite ahi. (Source: Virthli)

*ZOLENGTHE*

*Connecting the Zo people*

ZOLENGTHE NEWS | 20.02.2017

*Zo Minam Ni 2017:* Tuni'n Muollum khuo ah Zo Minam Ni a 69veina thupi tah a zah in um. Tuana bieltu MDC Pi Grace Zamnu in a thugenna ah UPF leh KNO in Zou suonte kikhawi khawmna UZO a it man ua candidate dang guonglou uh ahi man in kipahthu gen.

*Cong Office honna:* Jing Feb 21, 2017 - 11am chieng in Congress candidate Pu Ginsuanhau in Singngat hausapa inn ah election office honna leh public awareness campaign nei ding. 

*BJP Office honna um ding: Feb. 22, 2017 - 11am chiengin Singngat Zokhopi ah 60-Singngat AC BJP candidate Pu Chinlunthang' Election Public Campaign leh Office honna um ding. Upa Vungzapau, Lunkhojang Haokip, Thanga Tonsing, K. Vungzalian leh Chinlunthang te'n thugenna nei ding.

*Numei Pawngsual:* Kiginnita in Delhi Hauz Khas ah Manipur nungah kum 24 mi khat meltheilou pasal khat in Deer Park ah 11.30pm vel in ana pawngsuol, tuamun ma ah Nagaland nugnah kum 26 mi khat ma 01.00am vel in akimeltheipi pasal khat in suam a a van teng toh taimang. A case suijui in um.

*BJP in Moreh:* Feb 26 chiah Shri Kiran Jijuji, Union Home Minister, Govt. of India in BJP candidate adi'n election campaign nei ding. Pu T. Thangkholun Haokip, Chief Agent, BJP Election Centre Committee 42 Tengnoupal (ST) A/C in koipu pangchiet dingin chielna bawl. 

*Mzr leh AP statehood:* Mizoram leh Arunachal Pradesh te'n tuni'n ‘State Foundation Day’ lopna nei uh. AP ahileh 1987 in statehood pieh in um a, Mizoram ahileh 1972 in pieh in ana um.

*ATM limit kal:* Kal khat sunga ATM apat Rs 24000 lakhiet theipen tuni'a pat Rs 50000 hita dinga, March 13, 2017 apat ut jaja, nei tengteng zong ladoh thei ta ding ahidan RBI thusuo in gen.

*Nagaland CM tha:* Nagaland a Municipal kitelna numei reservation 30% deilouna zieh in kiphinna nasatah um a, CM TR Zeliang in kitawpna lai apieh toh kituoh in Nagaland National People’s Front President Shurhozelie Liezietsu pen CM tha dinga telching in umta.

*CM dinmun dengdel:* R. Chaturvedi, Dy. Secy. Director of VIP security, MHA in NSCN IM high commands in Manipur CM bukaap (attack) dinga thupia ahi chi'n Manipur Chief Secy kungah theisahna bawl. (EM) 

*EOC Council:* Evangelical Organisation Church (EOC) in Pengjang khuo ah 65th Annual Council vaiguon Feb. 16 apat nei ua, 2017-18 budget dingin Rs 2.7cr (Rs 2,79,99,616) luikhia uh.

*Indo-Naga Framework:* Union home minister Rajnath Singh in Indo-Naga Peace Talk a Framework Agreement in Manipur min zong genkha lou, Manipur gamgi sukha lou ding chi'n gen nanleh AMSU in a detail mipi mu dinga luikhe ding in phutna nasatah bawl. AMSU ban ah United Committee Manipur (UCM) leh Committee on Civil Society of Kangleipak (CCSK) te zong hing kipan kiata. India govt a di'a top confidential hinanleh election campaign nasatah a sukha ahiman in buoi huai mama ding.

*Candidate 168 kitet ding:* 11th Manipur Legislative Assembly election 2017 ahing tung ding March 4 & 8 chia umding ah candidate 268 te maban ding mipi  

*Hospital Siengthou:* North Eastern Indira Gandhi Regional Institute of Health and Medical Sciences (NEIGRIHMS) in India pumpi a Hospital siengthou kitenkhietna ah 2nd na pang in Rs 3 cr nuamman Centre’s Kaya Kalp programme for cleanliness of hospitals apat dong.

*ZOLENGTHE*

*Connecting the Zo people*

ZOLENGTHE NEWS | 19.02.2017

*UZO Consultation Meeting:* UZO Ghq Gen Secy Thangzamang apat thusuo kimu dan in jing, Feb 20, 7am chieng in Zogal Hall, Zoveng ah Gen. Secretary leh Home Secretary lamkaina in maban MLA election toh kisai a Singngat, Saikot, Churachandpur a panlah dingdan genkhawmna nei ding uh. GHQ office bearers leh BLOCK, UNITS presidents, secretaries te ban ah Hausate teng pellou a pangkim chiet ding in theisahna bawl.

*BJP Manipur Vision 2017:* BJP Manipur Pradesh in Vision Document 2017 a suokhietna uah Action Point a akoite uh khen khat ahileh 1. Manipur gamgi, tawndan leh a mipite humbit ding, 2. Innsuon a nasepna nei khat chiet um sam tum ding, 3. BPL te kunga Health Insurance pieh ding, 4. Innsuon a tuidawn ding pipe a luonlut sah ding, 5. Inn neiloute inn neisah ding, 6. Dist chin 4 lane road toh zop suo ding, 7. Numeite graduation tan a laisimna athawn a pieh ding, 8. Fake encounter leh corruption case suijui a, mawhna neite gawtna akituopi pieh ding, 9. Blockade free Manipur ahina dinga Highway Protection Force siemkhiet ding leh 10. Manipur khu India pumpi a dia Eco-tourism munpi a siemkhiet ding.

*JACAATB thupuon:* Manipur Dy.CM Gaikhanngam in Tribal Martyr 9te khu helpawlte khutzah ahizie ua shina tua ahi uh chi'a agen in JACAATB lungtang tohkuong tha in JACAATB in Helpawlte thumang a 3 Anti Tribal Bills passed tu ama govt ahi chi'n thusuo bawl. Ni 538 chingta, salphate vui hinailou hi.

*Hmar Film:* Hmar film tha "Hmangaina in ka na a nih" tuni'n Shillong ah honkhiet in um. A film moral ahileh Nungah khat khamthei hahkawl a taang tatkhietna dingin itna dihtah a poimaw chi ahi. Tami film ahileh Shillong leh a kimvel a bawl ahi.

*Zo Minam Ni 2017:* A 69veina Zo Minam Ni 2017 zahna vaiguon jing Feb 20 in Muollum khuo, Singngat div. sung ah um ding. Tuanah Save Zogam, Our Land, Our Culture chi thupi zang in Pu Chinlunthang President UZO Ghq Chief Guest in pang dinga, Guest of Honour in Pi Grace Zamnu, MDC Muollum pang ding. Functional President in Pu Hausuanthang, MDC Singngat leh Chief Host in Pu Giinthang, Home Secretary, UZO Ghq pang ding.

*Sugnu ah ZNN:* Sugnu Zokhopi ah 69th Zo Minam Ni zahna thupitah um ding. Tuanah Saannem lasah kidemna, Pupa tawndan suut kidemna, Zupi teep kidemna, lamtaang kaina leh item tuomtuom Zogam Leidi Pawpi saina in um ding.

*PM in hing pha ding:* Indian Prime Minister Shri Narendra Modi in Feb 25 chiengin Manipur hing pha ding a Langjing ah election rally address na nei ding chi thutut kimu.

*Tutung MLA candidate te'n corruption thu ha gen sim chiet un, maban CCpur dist pen limchi mama ei, atah suokhiet dingin hing hapan chiet uhen!*

*ZOLENGTHE*

*Connecting the Zo people*