*ZOLENGTHE NEWS | 27.01.2017*

*Numei Pawngsual:* ZMA thupuan in a gendan in Janita in pasal khat, Mr Vumginmang kichi M. Lunmuol te khat in numei naupang kum 13, class 7 sim pan khat Bolero sungah pawngsual/suam chi'n tahlang. Thutut dang khat in misualpa ahileh Assam Regiment pension chi'n gen, a ji 3na toh khosa hi'n gen. ZMA thupuan, nitalang nai 4 a abawlpen un misual pa sui hilel chima nanleh thusuo vaigei khen khat in mat a umta chi'n gen jel.

*Pahtawina Saang:* Pu Lalthankunga Hmar, Superintendent, Customs, Central Excise & Service Tax, in nasepna chitah leh semhoi a thei ahi zieh in 27.01.2017 ni'n New Delhi ah Presidential Award of Appreciation Certificate for Specially Distinguished Record of Service ana saang.

*Bandh:* Angami Youth Organization te'n January 28, 2017 jinglam nai 9:00 apat nitalam nai 4:00 kikal Kohima leh Dimapur District bandh bawl ding uh.

*Van Kimu:* January 23 ni'a Singngat to Lamka lampi a um Laijang leh Sumchinvum khuo kikal ah Bora bag a puanlom hidi'a gingtat van khat mu in um. Tun Singngat khuo Hausa veng a um Upa Zamkhosuan te inn a ki koi. Anei tu in 8730981466 ah kan thei ding.

*Congress Ticket:* Manipur election ding toh kisai tunitan Congress ticket ngen, eilam i theipha khen khat - CCpur A/C apat Pu Haukhanthang of Khianglam, Pu Phungzathang leh Pu DK Mang; Singngat A/C apat Pu Ginsuanhau, Saikot A/C apat Pu TN Haokip, Henglep A/C apat Pu Manga Vaiphei, Thanlon A/C apat Dr Chinkholal Thangsing leh Pu T. NEngzakham, Tipaimukh apat Dr Chaltonlien Amo, Saitu ah Pu Ngamthang Haokip, Kangpokpi ah Pu Thangminlen leh Naga 1 ban ah Nepali 1, Saikul ah Pu Yamthang Haokip, Tengnoupal ah D Korungthang, Chandel ah Pu Lalpao Haokip, Pu Chingjalen Haokip leh Pu Jangkhopao Haokip,.

*ZPYF DJ:* Zou Presbyterian Youth Fellowship' Diamond Jubilee tunita in Zomi Colony, ZPCS huong ah kipan. Jan 28 nita chiengin Rev Owen Aneurin Zolawma in thugenna nei ding. A tanchin tomkim: Born at Durtlanga in 1956 to Rev. O W Owen (KTP founder) and Eluned Owen. One brother, Zomuanna, Gwilym Owen (b. 1953). Family returned to Wales 1957.

*Petrol & Diesel:* Jing, 28-1-2017 in Mizoram apat hing kipua Tuibuang Community Hall, CCPUR ah Petrol Rs 90 per litre banah Diesel Rs 80 per litre akihawm ding ahidan 'Moreh Alert' thusuo in tahlang.

Contact - Chung # 9077134340 and 7005251708.

*:* 60-SINGNGAT AC

Voters: 24251

Tribewise Breakup:

Zou-11982, 

Paite-6029, 

Thadou-4875, 

Vaiphei-1230,

Others-135. 

No. of Polling stations : 49.

*ZOLENGTHE*

*Connecting the Zo people*

*ZOLENGTHE NEWS | 26.01.2017*

*Diamond Jubilee:* Zou Presbyterian Youth Fellowship in akiphu apat kum 60 "Diamond Jubilee (1957-2017)" lopna jing Jan 27 apat 30 tan in ZPCS Office huong, Zomi Colony ah _Khanglai - Mangpa Lungdamna_ chi thupi zang in um ding. Tua hun ah Rev. Awnkhankhup Speaker in pang ding. Tam toh kisai in Jan 30 chiengin ZPYF kiphuna Daijang khuo apat khanglaite Marathon tai ding uh.

*Salpha Suuna:* Tuni'n Hiangtam Lamka ah ni 514 chin ni'n Tribal Martyr (salpha) te jatat piehna leh tribal movement toh kisai vaiguon thupi tah um. Nam chin a lamkai ban ah philanthropic orgn tam tah apat thugenna um a, tribal martyr te'n justice amu matan uh nuosie lou ding uh ahidan gen tangpi uh.

*Sena Medal Award:* Kamdou Veng a um Pa Thangkhanhang Zou leh Nu Ngaikhanman tapa Mr Thangkhanlam Zou @ Lamboi, 43AR/A COY a sem sawtlou in Kolkata ah "SENA MEDAL" sang dingin kuon ding. Sepai hangsante mei in a mu jel ahi.

*BoI Mgr:* Guwahati a umte adia thupha - Bank of India, Guwahati a dingin Pu Garden Rochunghnung Hmar, s/o Pu Lalchuoilo Sungte, Shillong pen Manager a promote hita.

*Appreciation:* Ms. Roslyn Lamneikim Zou leh Mr. Chinsianlam Taithul te'n Ccpur District dinga a na sephoite uh tungah CCpur district administration in Republic Day ni'n "Certificate Of Appreciation" pia.

*Bomb Bomb:* India in 68th Republic Day azah lai in North East states ah bomb mun 9 tah ah pawh zeng zung. Manipur ah 2, Assam ah 7. Mi ashi leh liam umlou.

*CDCG Lamkaite:* Churachandpur District Christian Goodwill Council 

Vaipodingte 2017-2019

President Rev Dr Lalhmouklien EAC 

Vice President Rev Vungminthang EBC

Secreatary Rev Vanmawia MPCS

Joint Secretary Rev Stephen Chinzathang ZPCS

Finance Secretary Rev LB Angam 

Treasure Rev Harry Muanlal EOC.

*Guest Editorial:* MLA Election 1980 Kum in Pu T. Gougin, Pu Thangkhanlal leh Pu Tanpu te Singngat A/C candidate in um uhi. Tuo hun in Zoute MLA tandia i umlai un Pu T. Gougin in Zoute a khuolna in a nungjuite kungah na vote uh Pu Thangkhanlal a napiah un a chijiah in Pu Thangkhanlal ahileh voters 230 in chinghi. Tutung candidatete'n a'ngchi theiding uai? Angchi thei uleh hoi mahmah ding in kamu hi. Ang chithei lou uleh aching thei ding khat i chi thei uh ngaiding in ka mu hi. Zoukhankhuol bang ngaidan? *~ Mang Samte*

*ZOLENGTHE*

*Connecting the Zo people*

*ZOLENGTHE NEWS | 24.01.2017*

*CCPur Dist:* North East India pumpi ah Churachandpur District in Solar Power Packs toh kisai in _Second Best District Award_, Ministry of New & Renewable Energy, Government of India apat in 24th January, 2017 ni'n Gulmohar Hall, India Habitat Centre, New Delhi ah saang. Pu Lunminthang Haokip, DC, CCPur in award va la.

*Rs 5000 liausah:* Singngat a um N. Kaiminthang in pupa khang apat gansa bengte i hi dungjui un gamlah apat mulukol (vulture) khat ana man, thutut kimu dan in Singngat PS in case register in DFO, SFD, CCpur in W(P)A, 1972 dungjui in Rs 5000 liau sah chithu kija. Ukil siemte thugenna apat Ngaisut khamching khen khat, judicial proceeding umlou a case ki file, State govt phalna tellou a DFO in Wild Life Warden thuneina zang thei amah? Wild Life Santuary zong umlou ahiban ah tuabang Act umlam zong theilou mi genthei Zodawnte tunga tuabang gamtatna pen pilhuai amah? chi ngaisutna hing pieng sah hi.

*NESO Meeting:* UNC Economic Blockade zieh in tuni'n North East Students' Orgn (NESO) in Guwahati ah meeting nei, tuanah All Assam Students Union, Garo Students Union, Mizo Zirlai Pawl, AMSU, NSF, Tripura Students Federation, All AP Students Union leh Khasi Students Union tel uh. India solkal in akinlam a pan alah ding, a ki golkha party teng toh a houlim ding, Union Home Minister leh Minister of State kimupi ding, ban ah Citizenship (Amendment) Bill, 2016 oppose ding in ki thukim uh.

*For Manipur:* Tuni'n sepai venbitna nuai ah truck vanpuo hun khop Imphal hing tung. Petrol tanker 42, Diesel tanker 67, ATF 3, LPG 31, Kerosene 9, FCI antang pua 40, zatui-zaha puo 2, ozygen 1, cement 72, adangdang 106.

*Martyrs Tribute:* Young Paite Assn (YPA) Ghq vaisaina toh Jan 26, 2017, 11am apat in Salpha Pumbuk, Hiangtam Lamka ah Tribal Martyrs Tribute vaiguon um ding toh kisai in JAC-AATB in koipou telchiet dingin chielna bawl. Tam hunah ZYO Ghq, CYA Ghq, KKL Ghq, SYO Ghq, YMA MGr, YVA Ghq, HYA Ghq te'n uap ding ua, MELC, CBA, PCI(R), YMA, ZPCS leh EBC hattuom apat lapawl um ding.

*Kpi Bandh beita:* Kangpokpi dist sung general strike um pen tualthattu mat ahita zieh in beita.

*Tripartite Talk:* UNC toh kihouna nei dingin Manipur govt in thutanna bawlta chi'n CM Ibobi in gen chi'n AIR 7:30pm Manipuri News in puong, hinanleh amun ding genchet hinailou chi.

*Talk Show:* Jing nita news zaw chiengin Hornbill Cable in coming election intending candidate khen khat toh live Talk Show nei ding.

*SUUNNA:* L. Ginlalven Ngaihte @ Veven (30) s/o (late) L. Ginkhanlian of JS Road, College Veng, New Lamka, 13-Assam Rifles, Jairampur, Arunachal a um, helpawlte ambush na shi, tuni'n Sepai dan a jatatna lienpen toh Lamka khopi ah hahkhietna nei hita.

ZOLENGTHE NEWS na WhatsApp a na subscribe ut leh na number leh min ban ah khuo toh 8974725001 a inbox thei zing ahi.

*ZOLENGTHE*

*Connecting the Zo people*

*ZOLENGTHE NEWS | 23.01.2017*

*Worker's Meet:* Tuni'n Singngat ah Pu Hangkhanpau, intending MLA candidate in worker's meet aneina uah Unit chin in elections committee members set up ding in phasah ua, unit in a jaw chia block mandal hiding a tuajaw chiang in Singngat a/c centre election committe bawl ding in lemsa uhi.

*Cong nuosia:* Kangpokpi a/c apat Congress MLAs Nemcha Kipgen leh leh Thanlon a/c apat MLA Vangzagin Vaite te'n tuni'n Cong Party apat kitawpna lai pia uh. BJP zom di'a gingtat hima uleh bangma comment bawl ut giellou uh.

*VDFte buai:* Village Defence Force (VDF) secy S Laltingen Vaiphei in VDF te election duty duty pawlou di'a thu umsa hinapi CEO Manipur in duty paw dia a guon kia na tungah lung awpkai huai asah dan gen a, a halaw uh Rs 5000 apat Rs 7000 a kal sah ding leh ration sum Rs 1000 hi sah dingin ngetna bawl.

*Kanggui Bandh:* 21 Jan'a N. Songlung kho gei a meltheilou Kamjang Haokip a thana utoh kisai in Kuki Inpi Kangpokpi District, KSO Kpi District le KWU Kpi District te'n tujan apat 24 hrs General Strike puong.

*Fake Note:* Manipur, Thoubal bazar ah tuni'n Rs 2000 fake note toh pasal khat kiman khia. A thapen bang chibang melpuo ahia chi hoita'n velchien tha vai.

*BJP Ticket:* BJP in Manipur a election um ding toh kisai in party candidate ding mi 31 min tuni'n official in puongta uh. Social Media a ki thethang Thanlon- Vungzagin Valte, Kangpokpi - Nemchah Kipgen, Singngat - Henlianthang, CCPur - V. Hangkhanlian te official um nailou. Tuni'n Imphal BJP Office ah mipi thangpai te'n BJP Ticket hawmna toh kisai golguhna um ahi chi'n kitom uh.

*You can now Whatsapp your Complaints related to ELection @ 9436021798. Tuaban ah election toh kisai a buoina Code of Conduct palsan leh hiam hei tawi a buoina siem na thei leh 25 Assam Rifles Post, Tuibuang a um Major Pankaj Giri-7085566993, Major Radha Krishan-7085609949 te kungah thutut bawl thei ding*

*ZOLENGTHE*

*Connecting the Zo people*