ZOLENGTHE NEWS | 11.02.2017

*UNC outlaw din ngen:* Manipur CM O Ibobi Singh in India Prime Minister Narendra Modi lai a thotna (DO No. 2/2/2017-CM dated 11-02-2017) ah Congress Legislative Party in Feb 11, 2017 ni'a meeting a neina ua United Naga Council (UNC) pen Un-lawful organisation chi'a phuonkhiet di'a thutanna bawl uh ahidan hil in apoimaw bang a enkai tou dingin ngetna bawl. 

*NEIDP ticket la:* Paukhansuan Khuptong, Intending Candidate 58-Ccpur A/C in 11th Manipur Legislative Assembly ah NEIDP (North East India Development Party) min a ding di'n Party Ticket tuni'n la.

*Wireless set kham:* District Magistrate, CCPur dist in election toh kisai in wireless handset/VHF/HF te zah ding khap.

*NPP Party zom:* Congress president leh minister ana hingei Phungzathang in Congress taisan in National People's Party (NPP) zom a, tuni'a a thugenna ah Manipur a Change tuntu hiding leh CCpur dinmun leh mipite deina banga NPP zop hidan in gen. Congress te chitun in tuni'n CLP emergency meeting um top.

*Congress lenggam bei:* Arunachal Pradesh ah Panchayati institution umteng in tuni'n BJP zom ua, Congress vaihawmna bei kilkel ta.

*UKLF Lamkai mat in um:* UKLF lamkai khat Thangboi Haokip @ Jacob Thadou s/o O Seijamang Haokip of Pheijang village, Chandel district tuni'n Imphal Airport ah thautang 4 apuokha ziehin CISF te'n man ua, Singjamei police pekhia uh. Hun tomkhat nua a hakhiet a umkia chi thutut in gen. (IT) 

*NSCN-IM in Manipur:* India-NSCN(IM) ceasefire in official a Manipur huomlou hinanleh tuni'n NSCN(IM) te'n Kangkum khuo, Kasom Khulen sub-division ah Phungtha Battalion kichi hong tha uh ahidan Imphal Times in gen. 

*Election monitoring:* Manipur a election umding toh kisai Election Expenditure monitoring team te'n Feb 10, 2017 tan a a sil matte uh - Gold Rs 11310 value, sum Rs 8,13,000 leh ju chi tuomtuom a gawm in litre 34,173.09 a sum a tuot in Rs 4,600,014.5 tung jou a, case 579 register in um. Sum liausah a gawm in 6,18,000 tungta. Khamthei chi tuomtuom mat a umte a sum a tuot in Rs 21431900 tungpha. Opium (poppy) chiinna gam 181 acre a lien suhsiet in umta.

*Election clash:* Jannita nai 9 vel in Imphal west, Mayang Imphal ah Congress supporter leh BJP supporter te ana ki ziar ua, congress mi 2 liam in inn 5 haltum in ana um.

*KNF(D) min heng:* Kuki National Front (D) in tuni'n a pawl min uh National Democratic Front of Kukiland (NDFK) in heng uh chithu kija. Pawl min kibang, bracket a kikhen tamtah a um zieh in theikhelna bailam a, tua zieh a hen hidan in thu kija. NDFK in Naga People’s Front (NPF) ticket a dinsawm Kuki mite kungah a kinlam a ki jutkhe dingin thupia.

*ZOLENGTHE*

*Connecting the Zo people*

ZOLENGTHE NEWS | 10.02.2017

*Safe Zogam Mobile Concert:* Feb 11-12 in SAVE ZOGAM TEAM te'n SAVE ZOGAM chi thupi jang Mobile Concert nei ding uh. Tamhun ah Lawrence Zou, PK Lian, Roslyn Kimbuang, KS Thang, TK Lien, Biehlien Zou, Liankhanlal Leh adang dang community tuam apat zong tel in Singngat, Panglian, Muallum leh Behiang ah lasahna leh thugenna um ding.

*Congress taisanta:* Kum 2015 lai apat 3 Controversial Bills zieh a MLA ahina pat kitawp dinga tribalte'n naw chitah a ana naw lai un ana pang geetguut nanleh tuni, Feb 10 in MPCC President kungah Pu Phungzathang Tongsing in MPCC primary membership ahina apat kitawpna lai pia. A ki resign na lai ah a kitawpna zieh bangma gen neilou.

*Election Office honna:* 57 Henglep A/C a BJP candidate T. Thangzalam Haokip in tuni'n Chiengkonpang a inn mun ah *Election Office-Cum-Installation of Centre Election Committee* vaiguon nei. *Save Henglep* chi slogan a nei hidi'n puondohna nei uh. Tunita nai 9 vel in Pu Mangcha Thangzawm, 57-Henglep (ST) a/c a Intending Candidate MNDF (Manipur National Democratic Front) in Inmun ah Reception Program zang.

*Jiri apat truck 300:* Tuni'n sepai venna nuai ah Jiribam apat vanpuo truck 300 in Imphal hing juon. 23 petrol tanker, 41 Diesel tanker, 35 LPG trucks, 1 ATF tanker, 1 Chemical truck, 1 Oxygen cylinders trucks, 88 FCI trucks, 24 cement trucks leh a dangdang truck 88.

*Nomination File:* Tuni'n Manipur pumpi ah election candidate mi 20te'n nomination paper submit uh. 46-Saikul A/C adi'n Doukhomang Khongsai (NEIDP), Chungkhokai Doungel (NCP), Yamthong Haokip (INC) ten file uh. 55-Tipaimukh adi'n Ngurrivung (Ind) leh Chaltonlien Amo (INC) ten file. 56-Thanlon adi'n Vungzagin Valte (BJP) leh 57-Henglep adi'n T. Manga Vaiphei (INC) te'n file.

*No more tripartite talks:* India solkal in UNC toh kihouna 2vei kinei nanleh lawsam ahiman in UNC in economic blockade alakhiet lou leh ki houna umkia lou thei ahi chi'n gen. 

*NPP zong kipanta:* National People’s Party (NPP) national president Conrad A Sangma in Parliament a Manipur a um Economic Blockade ka gen ngongtah vangin tuana MP umte khat in zong hing panpi lou chi'n gen.

*Congress Ticket:* CCpur a/c a dia INC Ticket pieh a um Pu Phungzathang Tongsing in INC Primary Membership apat kitawpna lai apeih zieh in INC ticket pen a awng tobang ahita man in, INC ticket del Pu Haukhanthang leh Pu DK Mang te koipen pieh a hing um ding chi thei chet hinailou.

*ELECTION ANG NAI LEH, MANIPUR AH FACEBOOK LUN DEUDEU, GROUP CHIN A MI PUNG HULHUL, MEDIA ZAHDAN SIAM SIAM IN HAMPHAT PI DING* 

*ZOLENGTHE*

*Connecting the Zo people*

*ZOLENGTHE NEWS | 09.02.2017*

*JCILPS warns Congress:* Joint Committee of Inner Line Permit System pawl in Kongpokpi a Nepali khat -  Gadga Bahadur Tamang kichi pa ticket pieh ahizieh in non-local te ticket napie uh chi'n Congress giihna bawl uh.

*Election Campaign:* BJP in NPF toh kizoplou ding chi'n gen nanleh Congress te'n tuni'n BJP leh NPF pen khut-le-khut kitu a pangkhawm ahi uh chi'n ngohna bawl uh. Nationalist Congress Party (NCP) te'n ha 3 sunga zong eco blockade lakhe joulou chi'n Cong leh BJP mawpai kia ta leuleu. UNCte eco block zieh in election campaign nasatah in nawnkaisah, hun dang bang jou nawnlou. BJP in lah Ibobi hun sunga fake encounter zieha mi 1528 te'n hinna a taan uh Ibobi in ngaidam a nget ding ahi chi'n phut uh.

*KSO Thupuon:* KSO Bungpi Block, Saikul Sub-Division, Kangpokpi District te'n tutung Naga People's Front (NPF) ticket toh election dinsawm Kuki miteng tungah boycott puonkhum. NPF tuppi pen ahileh Naga gam teng kaimat ding, kivaihawmna khat nuoi a um ding chi a tup uh ahi chi'n gen. NPF Central committee in Manipur NPF President, Solomon Veino ticket apieh lou zieh in party apat ki resign.

*UNC Office bearers:* High Court of Manipur in Economic Blockade bawl a lamkai United Naga Council a Office Bearer mi 8te thudohna nei di'n Feb 16 chia court a ki report dingin theisahna bawl. Court in Manipur DGP LM Khaute athudohna ah, DGP in lampi hoilou zieh kal khat sung a oil tanker 400 ki puitung theilou ahidan hilchien. 

*Ibobi election trick:* Manipur CM ibobi in hun dang a ana bawl ngei ma bang in election campaign na in India leh Naga Framework Agreement (FA) hing zang kiata. FA in Manipur a suhkha leh suhkha lou puongdoh hen chi'n party candidate khat campaign na ah ana gen.

*NEIDP:* North East India Development Party te'n tuni'n party candidate ding mi 10 min puonkhietna nei. Eimi telkha umsun ahileh Saikul a/c a di'n ex-MLA Doukhomang Khongsai ahi.

*KNO Thupuon:* Stephen Kuki, Under Secy, Info & Pub, KNO in thupuon a bawlna ah KNO in UPF toh political party support bawl ding thu a ki thukimna bang ma neikha lou ahidan uh hilchetna nei.

*Nomination Filed:* CEO Manipur thusuo kimu in agenna ah 1st Phase adi'n tuni'n political party tuomtuom apat mi 16 te'n concern Returning Officer kungah nomination paper filed bawlta uh ahidan gen. Hill district apat khat zong um nailou.

*LYF Diamond Jubilee:* LYF Diamond Jubilee ding toh kisai qualifying match division chin a sai ding toh kisai in Lamka division in Feb 13 apat Sielmat Field ah 9.30am in pan ding uh. LYF Diamond Jubilee Sports Committee(DJSC) thupieh dungjui in Feb hasunga zaw ding chi uhi.

*SBI PO:* State Bank of India (SBI) has invited applications for the recruitment of 2313 Probationary Officer (PO) vacancies. For detail, visit facebook.com/groups/zolengthejobcentre/ 

*ZOLENGTHE*

*Connecting the Zo people*

ZOLENGTHE NEWS | 08.02.2017

*LJP Candidates:* Lok Janshakti Party in tuni'n 11th Manipur Assembly Election a candidate 1st list mi 11 a puonna uah, eimi candidate Thanlon A/C adi'n Pu Thangkhangin leh Saikot a/c adi'n Pu Holkholun te tel.

*MPCC in complain:* Manipur Pradesh Congress Committee (MPCC) in chief electoral officer kungah BJP national Gen Secy Ram Madhav hehna bawl uh. A hehna un agendan in "Madhav in dankal in mimal min lou in state CM a sumuolphou" chi'n hehna bawl uh.

*SoO pawl vote:* Chief Electoral Officer (CEO) Manipur in tuni'n Election Commission of India kungah SoO thukham nuoi a um helpawl 25 (2181 cadres), camp 13 a umte'n a camp chiet ua vote a khiettheina ding uh chi in  postal ballot facilities ngetna bawl.

*Kim Gangte:* BJP Manipur Pradesh spokesperson Kim Gangte in tuni'n state sunga nam kal a kimudana haichi a tu zieh ua hills leh valley kal a kikhenna tung ahi chi'n Congress govt ziar chitah in ziar. Valley ah Meitei leh Metei Pangal kal ah buoina pieng a, dist 7te zieh in hills leh valley ah kikhenna liantah pieng chi'n gen.

*BJP CM Candidate:* BJP State Election Mgmt Comm. Convenor Th Chaoba in BJP Chief Ministerial candidate ding sawtlou a puonkhiet hi meithei ding chi'n puong. CM candidate a puong kal uh ngala huai e! 

*KIM apat ki resign:* Kuki Inpi Manipur in thupuon abawlna ah Dr. Chinkholal Thangsing in 56-Thanlon ST AC a election ding di ahiman a a panmun Vice President apat ki tawpta ahidan puong ua, a'ng lawchin ngei adeisah thu uh gen uh.

*December 19:* Kuki Inpi Manipur (KIM) leh KSO GHQ  te'n CM Ibobi kungah Anglo-Kuki War (1917-19) theizingna di'a Dec 19 pen general holiday a puong dingin ngetna bawl uh.

*Prime Minister in Manipur:* BJP Lamkai Chaoba in a gedan in Manipur a election campaign rally neidi'n PM chiel a, PM in lemsahpi hidan in gen. Kal kia velchia hing haw ding a, Imphal leh Lamka a campaign nei ding hidan in gen. 

*Demonetization:* RBI thusuo in March 13 apat savings account apat cash withdrawal limit umlou ding, Feb 20 apat kal khat in Rs 50000 lakhiet thei ta ding. 

*Irom Sharmila:* Mi gum, Irom Sharmila in tumasang in Khurai leh Thoubal a/c te a nomination file ding chima nanleh CM pa chu chou mama hiva, tu'n CM pa lenggam Thoubal meimei a contest tading in panla.

*CDDU in vaidawn:* CCpur Dist Disabled Union (CDDU) president Sianmunthang Tungnung leh GS Nemboi Zou te lamkai in tuni'n SDDU member te'n Lamka DC tha Pu R Sudhan IAS vaidawnna leh nampuon awsahna nei uh. 

*MELC Zumpi apat:* MELC zumpi apat thu kimu dan in Sunday School laibu tuomtuom office ah mutheita. Lamka Division LYF apat thusuo kimu in a gendan in LYF Ghq Diamond Jubilee dingtoh kisai a Diamond Voice a pang utte'n Feb 15 masang minkhumna bawl thei ding. Thuchien 7308069293 ah kanthei.

*Nomination Form:* CCpur district A/C 6 a intending candidate nomination form late:

*55-Tipaimukh A/C*

1) Dr. Chaltonlien Amo INC

2) Ngursanglur

3) Dr. Lallukhum Fimate,BJP

4) Ngurivung

*56-Thanlon A/C*

1) Vungzagin Valte, BJP

2) Thangkhangin, LJP

3) Dr. Chinkholal Thangsing, INC

*57-Henglep A/C*

1) Mangcha Thangjom

2) T. Manga Vaiphei, INC

3) T.T Haokip, BJP

*59-Saikot A/C*

1) T.N Haokip, INC

*58-Churachandpur A/C*

1) C T Lian Guite, IND

2) Dr. D K Mang

3) T. Phungzathang, INC

4) V. Hangkhanlian, BJP

5) Khamminthang

*60-Singngat A/C*

1) Chinlunthang Zou, BJP

2) Ginsuanhau @G. S. Haupu, INC

3) Henlianthang Thanglet

*NIESBUD vaiguon:* National Institute for Entrepreneurship and Small Business Development (NIESBUD), Ministry of Skill Development & Entrepreneurship (MSDE) Govt. of India, in collaboration with NEISDF announce Entrepreneurship Development Program. For more details, please contact 8732097895, E-mail: infoneisdf@gmail.com, Vabawl teitei uai.

*ZOLENGTHE*

*Connecting the Zo people*

ZOLENGTHE NEWS | 07.02.2017

*ZOLENGTHE in hun sawtpi apat ana tangkoupi, election toh kisai ki candidate te'n ki gensiet chinglou in sep-le-bawl di'a i tupte toh mipi thuzaw sawm ding leh nautangte'n zong candidate khat gensiet sanga i support pa plus point i thei teng toh mi thuzaw sawm lei uthuai mama hi. Fair deu in election campaign bawl chiet lei chi dei ahi*

UNC-No Roll-back:* Janni masa a CM Ibobi in Tuesday chia economic blockade honkhiet hita ding chia agen vangin UNC Presidential Council emergency meeting tuni'n Senapati ah um a, a sil phut uh Dist 7te, adieh in Jiribam leh Kangpokpi gel thulkia ding leh mat a um UNC laikai gel hakhiet ahilou leh EB tawpsan lou ding ahidan uh thupuon bawl uh.

*Total Shutdown:* Election toh kisai govt staff ki golkhate training um ding toh kisai in tuni'n Naga Area, adieh in Senapati ah 9.30am apat 1pm tan govt office teng khasah in um. Training bawl theilou uh.

*CEO Thupuon:* Manipur ah election vai kipan tahtah ta. Tuni'n election notification suo a, March 4 chiengin seat 38 ading vote khietna um dinga, Feb 14 tan in nomination file thei dinga, Feb. 16 chiah Scrutiny, Feb 18 tan in withdraw thei ding. Tamna ST a/c telkha te - 60 SInghat, 59-Saikot, 58-CCpur, 57-Henglep, 56-Thanlon, 55-Tipaimukh leh 51-Saitu.

*LDFM Candidates:* CPI (M), CPI, MNDF, JD(U) leh NCP kigawmna Left & Democratic Front Manipur (LDFM) te'n tuni'n cadidate mi 29te list puonkhietna nei uh. Eimi telkha te - Saikul ah Letzamang (MNDF), Tengnoupal ah Lien Gangte (MNDF).

*Pre-Recruitment:* CCpur Assam Rifles Battalion te'n 15 Feb apat in Tuibuong ah Army lunglute adi'n pre-recruitment rally sai ding uh. Lunglutna neite'n 8413942990 ah kan thei ding.

*CS Clarify & Appeal:* Manipur Govt Cheif Secy O Nabakishore Singh in tuni thupuon a bawlna ah UNCte sil demand toh kisai State Govt in pan alah dungjui in Feb 3 ni'n Delhi a kihouna um a, tuana dist tha 7te tungtang tripartite talks umkia chia genkhawm di'a kithukim uh ahidan gen a, economic blockade toh kisai la khiet/lou ding thu ettha ding chima uleh tuni'a lakhelou ding chia thupuon a bawl uh dahuai asah thu puong in a thutanna uh entha dingin ngetna bawl.

*Info Centre honna:* 55-Tipaimuk A/C a MLA Candidates Dr Cholton Amo (INC) leh Dr Lallukhum (BJP)  tuni'n Rengkai ah Party Office & Information centre honna neituah uh.

*Kipahpina:* Pa P. Thongkhanthang s/o P. Hauchinthang le Nu Ngaijahat, Kamdou veng tunai in JNU apat Doctor of Philosophy degree pieh in um. A topic ahileh "Utilization of maternal and child health care services in rural Manipur" chi ahi. Kalaisai!

*Kipahpina:* Pu Ginkhochinthang Seldou s/o Pu (L) S. Thangchingou & Pi (L) Hatluan, New Delhi a um in asepna, Ministry of Defence, Govt. of India nuai ah Assistant Section Officer apat "Section Officer" in kaisang.

*ZOLENGTHE*
*Connecting the Zo people*

ZOLENGTHE NEWS | 06.02.2017

*Zogam Sakol:* ZORO Northern Zone General Secy ana hi, Zogam Sakol chia Zosuonte'n a thei, hou nuam leh namchin chichin toh luongkhawm thei - Pu Aloysius T. Nehkhojang in a'ng muolliam san kum 1 chinni (Feb 7, 2017) in ama i geldoh uh ahi.

*Tripartite Talk:* Jing, Feb. 7 chiengin Imphal ah GoI, GoM leh UNC in kihouna neikia ding uh. Addl Chief Secy (Home), GoM, Dr Suresh Babu in Delhi a kihouna et in jing a kihou zaw chieng in Eco Blockade pen lakhiet hita di'a a gingtat thu gen. Lets wait & see!

*Election News:* Imphal east, Keirao A/C condidate L. Rameshwor supporter te vote sui a akizawt lai un congress worker te'n ana lamching ua, BJPte 5 liam.

*Makru lei chim:* UNC Eco Blockade buoi a akibuoi laitah in Jiri-Imp road a lei poimaw mama Makru Bridge chim (collapse) nalai. Kichai!

*PTC New Lamka:* PTC Ghq in JACAATB apat palai asawl 3te lakhe ma nanleh PTC New Lamka block in Tribal Martyrte tungtawng genfel leh vaihawmna kichien a um mateng Tribal Movement support ding uh ahidan thupuon bawl uh.

*NPF Candidates:* Naga People's Front, Manipur state unit in tuni'n Manipur assembly kitelna candidate ding mi 15 min puonkhietna nei uh. Eimi tamna, a contest sawmna munte uh ahileh Jiribam, Chandel, Tengnoupal, Saikul - M. Thangboi Haokip, Kangpokpi - LK Chongloi, Saitu - Sehpu Haokip leh Henglep - Thongjamlen Haokip. Amau zong ticket hawmdan lungkim lou zieh in office a kitom toh, file teng paithang toh, a ki resign toh kiteh zenzung uh.

*Player Transfer:* Manipur CM ana hikha Radhabinod Koijam in tuni'n BJP zom. Saikul A/C a BJP ticket kinem, hinanleh a lawsam MLA ana hingei Doukhomang Khongsai zong janni'n BJP apat ki resign. 

*Imp-Jiri Road:* Imphal - Jiribam road enkol ding in Central solkal in BRO apat National Highway Infrastructure Development Corporation Limited (NHIDCL) khut ah pekhia. Project Pushpak chia minvaw in NHIDCL in nasep panta.

*Mobile-Aadhaar link:* Supreme Court in kum khat sunga India pumpi a Mobile (prepaid+postpaid) crore 100 val umte Aadhaar number toh link(zopmat) dingin thupia. 

*Nagaland thuthang:* India pumpi'n numei dop sangna di'a women reservation a buoipi lai in Nagaland ah numei a dia 33% reservation umsa deilou in Nagaland pumpi kiliing. Nagaland Tribes Action Committee, NTAC in Naga tribal customary law toh kikial chi'n nual. Tuni'n Nagaland govt Cabinet in tuami umna Part IX A of the Indian Constitution amendment bawldi'n thutanna bawl uh. 

*MASTEC Award:* Manipur Science & Technology Council saina nuai ah *State Science Communicator Award 2017* hawmna umding. Tam toh kisai communication lam a tungtuong te'n MASTEC Office ah apply bawl thei ding. 

*Congress Ngohna:* BJP in tuni'n Okram Ibobi Singh lamkai Congress solkal tungah ngohna khau tah mei - '10 points charge-sheet' booklet hongkhia uh. Extra judicial killing ban ah, corruption leh adang dang, WikiLeaks report in Ibobi khu "Mr Ten Percent" chia a chiemte dan tanpha tuong.

*Transfer/Posting:* CCpur DC lui, Pu Lunminthang Haokip in Special Secretary (TA & Hills) post tuta ding, Pi Limneikim Singson, IAS in Special Secretary (Finance) & Commissioner (Excise/Taxation) post tuding.

*ZOLENGTHE*

*Connecting the Zo people*

ZOLENGTHE NEWS | 05.02.2017

*Tulai iki heina lamlam pen Election thu ngen kigen, news zong election thu ngen a dim*

*Worker's Meet:* Singngat A/C a di’a MLA Candidate Chinlunthang Zou in janni'n M. Lunmual Community Hall ah Worker’s Meet nei. Tam hun ah  M Tanglian, Hiangdung, M. Lunmual, MT. Geltam, S. Munhoi, S. Geltui, Buangbal, Panglian, Kullian apat workerte tel. Worker leh voterte kungah Langva politics, Solar Politics, Culvert politics ichite solkal in program a aneisa ahi na ah, tuate mei a huntawh hinawnlou a issue based politics ahitah zieh in mipite’n lunggel siem vengveng ding in ngetna bawl.

*Election Campaign:* Tuni'n CM Ibobi tel sih nanleh a supporter te'n a bial Thoubal A./C ah ama adingin inchin ah vote campaign bawlna ana panta uh. A langkhat ah, BJP National Gen Secy & North East incharge Ram Madhav in CM Ibobi khu Mr 10% ahi chi'n Pakisatan leader Asif Ali Zardari toh tekhen. CM Ibobi khu CM lah a nehgu hatpen chi a, India a state khangtoulou pente lah a Manipur khu a 3na ahi chi'n gen. Congress in kum 15 kizom in vaihawmna tu nanleh education line se sem, sepna neilou tam sem, devp work teng lah pending, tuineh lah ki ningching lou chin dem chitah in dem.

*State Integrity:* Tuni'n BJP National Gen Secy & North East incharge Ram Madhav in Manipur teritorial integrity toh kisai BJP in NPF toh kizopna nei ding chi'a thuthang um pen kizop ngeingei lou ding ahidan leh Manipur gamgi bitna ding pen BJP agenda hi gige ahidan hilchetna nei. BJP i solkal a form leh Manipur pen Bandh leh Blockade free hising chi ei!

*ICHAM Thupuon:*  Information Centre for Hill Areas Manipur (ICHAM) in in thupuon a bawldan in tam bang petrol hah laitah in state a petrol hing tungte % meimei mipi lah a hawm in um a, solkal zah dinga 49% koikhiet ahidan puong a, ECI a complain bawl hiding chi'n gen uh.

*Irom Sharmila Party:* Anngawl a galdounu Irom Sharmila lamkaina nuai a siemkhiet People’s Resurgence and Justice Alliance (PRJA) in symbol dingin *Whistle* ECI in phalpiata. PRJA in tutung candidate 10 vel file phot ding.

*CEO Thupuon:* Chief Electoral Officer, Manipur thupuon in election hun sung a sum Rs 50000 sanga tamzaw puo matkhiet ahileh thudohna nei hiding in order suo. Sum neitu, sum lahna bulpi, atunna ding mun, azieh doh hiding a a detail document lah ngai ding. A lakh tel a sim na puo ang kimat leh Income Tax office tut na hi ngai ding.

*Cash Transaction Limit:* April 1, 2017 apat in sum zahna Rs 3 lakh sanga tamzaw mat ahileh liausah hiding. Etsahna di'n Rs 4 lakh cash transaction na bawl a ang kimat leh Rs 4 lakh ma na liau ding. A liau dingtu khu a sum la penpen hinalai di.

*Assembly Elections:* Janni'n Goa leh Punjab ah State Assembly Election um a, Goa ah 83% tah vote khiet in um a, Punjab ah 78.6% tungpha. Punjab assembly seat ahileh 117 tah hi a, Goa ahileh neu kiukeu nanleh seat 40 tah nei ahi.

*Mimang Suina:* Ningzaching (60) d/o (L) Kampum, P. Kamdou Veng part 1 a um, Feb 4, 2017 jingkal a innkote thaw masang a pawt tutan inn tung nailou, a mukhate'n 9612033613 ah theisah vai. 

*Lungdampina:* Delhi a tuntou ha 4 vel hipan, Nh. Nianthianmawi @ Mawi Hangluah d/o H. Ginkap & Nu Chingngaihniang of Simveng in Air Asia ah Cabin crew sepna muthah. Kalaisai!

*Election hing nai hiai hiai, innsah-innhang bukhing-mekhing kikhol tua hing tawm hiai hiai ding, tam pen khawk kei, a khatveina le hikei ichi thei uh ngai*

*ZOLENGTHE*

*Connecting the Zo people*