*ZOLENGTHE NEWS | 04.02.2017*

*Christianity in Manipur:* Jing, Feb 5 ahileh Watkin Roberts in 5 February, 1910 (Kiginni) a Senvon ana phani ahi. Southern Manipur a Missionary hing lutna kum 107 chinna ahita hi. A jingni Feb 6, 2010 ni'a Southern Manipur a Laisiengthou kisim masapen ahileh St. John 3:6 - _Pasian in khovel a it sengseng man in atapa tangkhat neisun ahing pia hi............._ ahi. A lang khat lam ah Northern Manipur, Imphal a Missionary William Pettigrew hing tunni khu 6 January, 1894 ana hikia hi. Hindu Meiteite'n Pasian thu a nuolzieh ua Ukhrul sena kinei kha ahi.

*BJP Ticket mute:* BJP in tuni'n candidate list puonbena nei. Ticket pieh a umte ahileh: Singngat A/C ah Chinlunthang Zou, Saikot A/C ah Paokholal Haokip, CCpur A/C ah V. Hangkhanlian, Henglep ah TT Haokip, Thanglon ah Vungzagin Valte, Tipaimukh ah Dr L Fimate, Saitu ah Haokholet Kipgen, Kangpokpi ah Nemcha Kipgen, Saikul ah Paojalet Touthang. BJP in a list a suo masat 31 toh tu'n agawm in 58 phata. Bishnupur A/C leh Lamshang A/C puon hinailou.

*LYF Diamond Jubilee:* Manipur Evangelical Lutheran Church (MELC) khanglai pawl *Lutheran Youth Fellowship* in ahing tung ding April 21-23, 2017 chiengin Diamond Jubilee lopna thupitah nei dingin kisingsahna panta uh. Tam toh kisai Diamond Voice chi lasah kidemna nei ding ua, 26th Feb apat 5th March tan in mun tuomtuom ah audition nei ding uh ahidan lamkaite apat thu kimu. 

*Solar Lamp hawm:* CCpur dist a Assam Rifles, Singngat Battalion te'n electrict tunlouna mun khen khat Muallan, Behieng, Suanphu, Inpun leh Pangmuol ah Solar Lartern/Lamp 285 tah hawm uh.

*PTC in Vaidawn:* Paite Tribe Council Ghq lamkaite'n tuni'n CCpur DC tha R Sudhan vaidawnna leh Paite puondum piehna nei uh. 

*TKSU Gen Assembly:* Thadou-Kuki Students' Union (TKSU) Ghq Manipur in tuni'n Kuki Inpi CCpur complex ah 17th General Assembly nei uh.

*Zomi Nam Ni:* Feb. 20 chiengin Leijangphai khuo ah 69th Zomi Nam Ni 2017 lopna um ding. Tuanah Nampi Pa in Pu Thanglianpau, President ZRO pang dinga, Chief Guest in Pu Dongzalian Simte, Chairman Zomi Council pang ding.

*UPF/KRA-U Thupuon:* Tuni newspaper chinteng a tuong UPF/KRA-U in KNO/KRA-U zomta chithu toh kisai UPF/KRA-U bulbal neilou thusuo ahichi'n thupuon bawl.

*Tipaimukh A/C Intending Candidates:* Tu tan a candidate ding a kithei teng: 

1. Chaltonlien Amo

2. Dr Lallukhum 

3. Ngursanglur Sanate 

4. Ngurrivung

5. Thangthatling Sinate

*ZOLENGTHE*

*Connecting the Zo people*

*ZOLENGTHE NEWS | 03.02.2017*

*UZO USA:* United States of America a Zou mipite kipawlkhawmna United Zo Organization, USA pen United Nation Non-Governmental Organization Economic and Social Counsel (ECOSOC) in _Consultative_ status January 30, 2017 ni'n ana pia. Kalaisai!

*Tripartite Talks:* Tuni'n New Delhi ah Union Home Ministry panlahna toh UNC, GoI leh GoM te'n Manipur a economic blockade tungtang genkhawm uh. Home ministry a official khat in EB pen akin lam a lakhiet in um ding chi'n gen maleh thutanna tahtah um theinailou ahidan thuzah in um. Election code of conduct umta ahiman in bangma bawlthei hilou a, 25th March, 2017 chiengin toukhawm kia ding uh. Feb 7 chiengin UNC in general meeting neiding. Economic blockade beinailou ding,

*Hmar Inpui:* Hmar Inpur Ghq in tuni'n CCPur DC tha Pu R Sudhan IAS vaidawnna leh kipahpina a office mun ah va nei uh.

*Congress Candidates:* Indian National Congress Manipur in tuni'n Party candidate dingte puonkhietna neita, Zo suon congress ticket pieh a umte: Singngat A/C ah Pu Ginsuanhau, Saikot ah Pu TN Haokip, CCpur ah Pu Phungzathang, Henglep ah Pu T Manga Vaiphei, Thanlon ah Pu Chinkholal Thangsing, Tipaimukh ah Pu Chaltonlien, Saitu ah Pu Ngamthang, Saikul ah Pu Yamthong Haokip, Chandel ah Pu Chungjalen Haokip.

*Rs 2000 lem:* Tuni'n Champhai ah kol pasal ni in Rs 2000 fake note toh dawr a vanlei sawm pen mat in um uh. Pilvang ding.

*Kim Gangte:* Manipur state BJP Spokeperson dingin Former MP Kim Gangte mawpuohna pieh a aum ban ah, hill districts a election toh kisai incharge zong pieh in um. 

*Thautui:* Jing, 4/2/17 jinglam nai 10 apat M/s Niangchiin Service Station, Buallian oil pump ah petrol hawm ahi kia ding. 

Rs. 69.21 per litre ding ahi. By Manager.

*ZOLENGTHE*

*Connecting the Zo people*

ZOLENGTHE NEWS | 02.02.2017

*CCPur DC:* Order suo toh kituo in CCpur DC tha ding Shri R Sudhan, IAS tuni'n Lamka hing tung hiau. DC pu ahileh IAS, 2006 batch hi a, laisiemna ahileh B.E. (Electronics Communication) ahi. Ama ahileh Tamil Nadu apat ahi. Ukhrul dist a DC ahilai in nasem hoi chi'a ana chiemte ukhat zong ahi. Ama'n Food Security toh kisai in  Women Bread Winners’ Union (WBWU) chi'n Ukhrul ah numei pawl khat ana siem doh hi. DC lui, Pu Lunminthang Haokip IAS ahileh tunita tan in Lamka ah um nalai dinga, jing chiengin Imphal lam ah peitou ding chi thu kimu.

*Tripartite Talk:* India solkal, Manipur solkal leh UNC te kihouna jing chiah Delhi ah um tading. Manipur solkal ai-awh di'n Revenue commissioner K Radhakumar leh additional secretary home, Dr. Suresh Babu ban ah UNC ai-awh dingin judicial custody a um UNC president Gaidon Kamei leh Indo Secy Shangkhel Stephen te'n tun'n Delhi juon uh. UNC lah a silphut ua nuotawl lou di, Manipur govt in lah abawlsa phelkia lou di. Bang kilepna toh ang tung ta di uai le? A lampi umsun ahileh jing Zogam Today issue ana sim mei uah!

*Kuki Inpi thupuon:* Kuki Inpi, Haflong, Assam in Tripartite talks toh kisai ahileh Eco Blockade lakhiet ding thu meimei gen hilou a, Manipur gamgi sukha tanpha a kihouna ahileh Kuki leh Meitei tellou in bangma bawl in umda hen chi'n thupuon bawl uh.

*Kohima on fire:* Naga te'n zong eilam bawl dan copy adi uai mah, Dimapur a municipal office a haltum zaw nua un, tunita in a capital uh Kohima a um Municipal Office leh Old Secretariat Building thupitah haltum kia uh. Fire Brigade lut phallou, govt gari umteng haltum in um, a gei a bank zong bitlou.

*Human Traffic:* IGP Robin Hibu IPS apat thutut kimu in NE mite human traffic toh kisai pilvang mama dingin ngetna bawl. Janni mama a zong Arunachal Pradesh numei nou 2 hudoh a um ahidan hing gen. Gam pam a pawt dingte'n na mi kithu japi koi tobang ahia chi chipchil tah in kanjel un chi'n ngetna hing bawl.

*Cong to BJP:* H. Kappu President BJP, CK Mang Ngaihte Secy BJP 58 Thanlon A/C te'n thupuon a bawlna uah Feb 1 apat Thanlon Block Cong Committee, INC sub-ordinate units teng BJP a kiheilutta ahidan uh thupuon bawl uh.

*Election Boruak:* Manipur janggam ah election campaign huoise panpan ta. Tuni'n Thoubal ah Party 2 workerte kikal ah buoina pieng, Numei telin mi 5 nasatah in liam, gari 4 satsiet in um. Nupi 2 police in man. 

*Bomb Sekhum:* Helpawlte'n tuni'n Imphal-CCpur line a ROP suty 2nd JK Light Infantry sepaite gari ah hand granade paikhum ua, JCO Mohd Arshad in liamna tua.

*US Luttheilou ding:* President Donald Trump in Muslim gam Iraq, Syria, Iran, Sudan, Libya, Somalia leh Yemen gam apat mi khat poupou US lut theilou ding chi'n thutanna nei.

*Thautui tung:* Jiribam apat tuni'n 16 petrol tanker, 22 Diesel tanker, 4 ATF trucks, 42 FCI goods trucks, 4 medicine trucks , 49 cement trucks leh a dangdang pua truck 141 Imphal hing tung.

*Helpawl man:* 25 Assam Rifles te'n UTLA tangval hiding a muonmaw Koite khuo apat  T. Seiminlun (41 yrs)) S/O T.Sitlhou leh Lanchungmang Singson (22yrs) S/O Liankholun Singson man uh. Thutut in agen dan in amaugel apat 2 DBBL, 3,SBBL 35 live round of cartridges + one 9mm pistol along with 2 rounds, & M-16.live round 28 nos. mat in um chi'n gen.

*Thanlon A/C Intending Candidates: Mite genna bil in a ja, Thanlon A/C a MLA election din sawm a kithei khen khatte:

1. Vungzagin

2. Dr. Chinkholal

3. Khamsanglian

4. Nengzakham Tombing

*Ads:* Paupu Auto leh Line permit (B. Phaicham/Kananveng to Zion veng/ Vengnuam) kijuo, na deileh 8974472707 call thei.

*ZOLENGTHE*

*Connecting the Zo people*

*ZOLENGTHE NEWS | 01.02.2017*

*Transfer/Posting uuding:* ECI direction kimu in CCpur DC/DEO ban ah RO (58-CCpur & 29 Saikot AC) dingin *Shri R Sudhan, IAS (MD, MSPDCL & Commissioner of Excision and Excise* koi dingin thupia. Shri B John Tlangtinkhuma IAS ahileh DC/DEO Tamenglong hi ding a, Shri L Mangkhogin Haokip UPS ahileh SP Bishnupur hiding. Shri H Balkrishna, ahileh ADC/Kangpokpi, ERO/RO 50-Kangpokpi in pang ding a, Shri L Geet Chandra Singh MCS ahileh SDO/Saikul, ERO/RO, 46-Saikul in pang ding.

*Dist Hospital:* CCpur Dist hospital Naupang Ward apat thutut kimu dan in naupang damlou 100 lam phial um, a kap toh, sithaang toh kiteh, staff nurse 2 meimei duty, lungkham huai top ahidan amun apat report kimu. Thuneitute'n ngaiven deu a hoi hilou amah?

*2 Shi, 7 Liam:* Nagaland state sunga Urban Local Body kitelna ding toh kisai a Numeite adi'a 33% reservation deilouna zieh a election boycott bawl a kiphin mipite sepaite'n thau aha khum zieh un jannita in Dimapur ah mi 2 shi a, 7 in liamna tua. Dimapur leh Chumukedima ah curfew puong in um. Dist hq teng ah bandh puong in um. A deilouna zieh uh ahileh customary laws, Article 371A of the constitution toh kituo lou chi ahi. Mipi sousangte'n NPF Office haltum ua, NPF Prez pu in bulu uh. A mishi luong 2te uh Kohima a puotung sawm nalai uh.

*Anti Corruption:* India solkal in April 2017 apat sum zahna Rs 3 lakh sanga tamzaw (cash transaction) phal ninawnlou ding, Rs 3 lakh sanga tamzaw ahileh bank tungtawn a pie-le-zah hita dingin thutanna bawl. A muna kichien gen ngailou a donation a piethei Rs 20000 pen zong Rs 2000 in kiam suh ding.

*Incredible Manipur:* Singjamei Mayengbam Leikai a lampi (pucca road) ki bawlpen a alkatara pen phoipi/carpet bang a a phengpheng a ki hawkhe thei atazang veh! Ei lah a tambang development work ang kibawl chia mipite'n monitor bawl a, ahoilou leh sepsah lou bilbel hoizaw didan hi.

*Delhi zin:* Manipur CM leh T.N. Haokip te'n tuni'n party candidate list final bawl dingin Delhi juon uh chithu kija. The Hindu in a gendan in Constituency 60 apat 41 ah ticket ngen mi 1 chiet um hidan in thusuo in gen. Feb 4 vel chia puonkhiet a um dia gingtat ahi.

*Union Budget:* ECI in phalsih nanleh Supreme Court in aphal zieh in tuni'n Parliament ah Union Budget luikhiet in um. Kum khat a Rs 2.5 lakh tan lawhte'n income tax pieh ngailou, Rs 2.5 lakh apat Rs 5 lakh tan lawhte'n 5% pieh ding, Rs 5lakh apat 1 crore te 10%, a tunglang te 15%. India solkal in 2017-18 budget di'n Rs 21.47 lakh crore

*High Court Order:* UNC Eco Blockade zieh a PIL file a umtoh kisai Manipur High Court in direction order ana suo nanleh ngaisah ginat a ana umlou zieh in tuni'n order khau tah suokia. UNC Official teng case bulkhum hiding, Union ministry of defence, ministry of road transport and highways ban ah ministry of home affairs tel in Manipur government in apanlah dan uh detail report peding in ouder suo.

*BWWA Thupuon:* Bijang Women's Welfare Association (BWWA) in khosung a khamthei kham leh umdan kilawm lou a um mat a um leh action khautah lading ahidan uh thupuon bawl ua, koima'n mimal leh nam sil a lalou dingin theisahna bawl uh.

*Saikot A/C Intending Candidates* Koi teng kisa tahtah, koi teng kisa simsim, koi teng khawl sawm chipen awl a hing kithei ding, tuate ahileh mi nautang houlimna pat amin uh hing kilangte ahi.

1. TN Haokip

2. Joseph Lalrothang

3. Paokholal Haokip

4. Holkholun Lhungdim

5. TT Haokip

*ZOLENGTHE*

*Connecting the Zo people*

*ZOLENGTHE NEWS | 31.01.2017*

*Court in phalpia:* Kuki/Zomi leh Naga te chu ikikhe thou u chu oooo! UNC in ningkum Oct 31 jankim apat uh economic tudet tinten uh ahiman in Manipur govt zong centre govt thupieh tungtawn in Feb 3 chia Delhi mun a Tripartite Talk nei di hitop mei uh, tua kihouna lamkai dia judicial custody a um UNC President Gaidon Kamei leh publicity secy Shangkhel Stephen te zong telthei di'n court in phalsah nalai.

*US Juon:* US President Donald Trump in annkuong impi dia a chiel dungjui in Dr.H.T.Sangliana in tuni'n US juon. Feb 1-2 sung meeting neikhawm ding uh. Myanmar a Chin refugee te laithot laidal 3 dim jen zong pua ahidan thutut kimu.

*Singngat Tuineh:* Singngat water supply 2015 a bawlzawsa a umpen guta khen khat in pipe long 10 vel ana guhkhiat jiah ua hun sawtpi tui kailou a umpen tun niteng in MIPI toithei dia kaisah ahi tahi. 

Singngat MIPI te kipaah mama hi.

*RSS Manipur ah:* Hindustan Times in a gendan in Rashtriya Swayamsevak Sangh (RSS) te'n Manipur, Uttarakhand leh Goa lam nasatah a concentration pieh sawm uh ahidan gen. Phaijang a Hindu vote umte kaikhiet sawm a pan lading uh ahidan tahlang.

*Dimapur Bandh:* Nagaland a Municipality Election postponed abawl nua un CM pa constituency lam ah election a bawl sawm uleh JCC Joint Coordination Committee te'n lungkimlou etsahna in Dimapur bandh puong. Bus a zin le dite'n ngaiven poimaw ding.

*Inn phelsah in um:* Labour mi 3 kidnap leh ni shina toh kisai a telkha di'a muonmaw mi thumte - Doupao Kuki of Chingningpokpi village, Henlen @ Lalboy Vaiphei of Malcom village, Nehkam Kuki of Molnom village leh Demkhogil Kuki of Kamu village te tenna inn a bial mite'n phelsah ua, motor bike khat halsiet in um.

*Election kisahkholna:* Manipur a election ding toh kisai 118 Flying Squads, 111 Static Surveillance Teams, 59 Video Surveillance Teams, 55 Video Viewing Teams leh 59 Accounting Teams ban ah district chin ah Income Tax Surveillance Team koi in umta. Air Intelligence Team zong Imphal ah umta. Tutung election chia candidate te voting machine a alim uh tuong ding.

*UNC Economic Blockade zong BJP leh Congress te vote suina suo dohta ei!*

*CCpur A/C intending Candidate List:*

1. Dr. D. K. Mang

2. C.T. Lian Guite

3. K. Paukhansuan

4. Thangbiaklian Hangzo

5. V. Hangkhanlian 

6. Phungzathang

7. Haukhanthang

*THUMNA POIMAW:* P. Kamdouveng a Upa Mangsuanpau, tahsa damlou nazia Guwahati a ki enkol, jingg (1st February) chieh BBCI Guwahati a surgery/operation kibawl.

*ZOLENGTHE*

*Connecting the Zo people*

*ZOLENGTHE NEWS | 30.01.2017*

*ZPYF Diamond Jubilee:* Zou Presbyterian Youth Fellowship 60th Genral Conference leh Diamond Jubilee lopna tunita zaw in umta. A lim et-ut te'n ZOLENGTHE facebook group ah etthei.

*RBI Thupuon:* Reserve Bank of India in February 1 apat in ATM a sum lakhiet limit umpen um nawnlou di'n thupuon pawl, hinanleh kal khat a Rs 24000 lakhiet thei pen a ngeima hiding chi'n gen a, bank te'n amau deidan banga ni khat limit pen bawl thei ding uh chi'n gen.

*Moreh Hospital:* 50 beded Moreh Hospital in zatou (doctor) siam aneilou zieh in Nu Sennu w/o Kailiankhual Zou Moreh ward no 3 Phaicham veng ta nei hinna hundam joulou, ata apien zaw in numei nu Imphal lam ah hing sawl ua, lamkal ah ahinne bei manta. Nausen dam.

*Bouruak Sousang:* Jan 26 ni'a Ukhrul leh Senapati dist te'n a umkuol, Pupu Zou nasepna leh a manage na bial, Imphal dist huom sunga um Itham quary a nasem driver 3 kidnap a um, ni te'n ahinna a tanna tung uah Chaningpokpi khuo a teng, kidnap a kigol di'a muonmaw zieh in Doupao Khongsai inn phelsah in um a, a khuo vua pat tunita nawkhiet in umta. TSE in Kidnap bawlte KNF(N) hi'n gen a, KNA te'n ahutkhiet sawmna lam ua Ukhrul dist sung Moulsohoi khuo a ki kaptuona pieng hi'n gen. Tam area ahileh Maphou dam apat gamla lou ahi.

*ECI Thupuon:* Election Commission of India in Goa, Manipur, Punjab, Uttarakhand leh Uttar Pradesh a Assembly election um ding toh kisai Exit Poll ban bawl

*Vistara Airline:* IGP Robin Hibu IPS, Nodal Officer for North East People, Delhi panlahna jal in Indigo flight ban ah VISTARA Airline in tuni'n Delhi & NCR a NE mi mualliamte a thawn in i luong uh hing puosah ding uh.

*Wishers' Meet:* Tuni'n CCpur A/C intending candidate Pu Paukhansuan in a tenna Chingkangpa Avenue, Nehru Marg ah Well Wisher's Meet annkuong luina nei.

*Candidate List:* Tunita apat Assembly tuom tuom a intending candidate list thei dandan (a kisa chia bil in a ja te) in hing ki talang ding. Singngat A/C ah pan vai le:

1. Pu Chinlunthang

2. Pu Ginsuanhau

3. Pu Hangkhanpau

4. Pu Khamthang

5. Pu T. Gouzadou

6. Pu Henlianthang

Jing nita chiah, CCpur A/C a dingte.

*SUUNNA:* Janni, Jan 29 in Tungnung phungpi tulpipa - Pu Tongkhosoi ji, Pi Veijanem (1st Nurse among the Simte tribe) in cancer natna zieh in Dimapur ah hing na muolliam san a, tuni'n a tenna uh Hermon Veng, Tuibuang, Lamka ah vui in umta.

*ZOLENGTHE*

*Connecting the Zo people*