Album Thar A Chuak Leh Dawn !
‘Thank You Zoram’
Mizoram thalaite zingah chuan a hawizau zualte chauh hian kan la hre chauh awm e. Manipur Zo-khawpui Churachanpur atanga India hmarchhak tlangmite zingah hriat hlawh tak Evangelical College of Theology (ECT) zirlai nula pathumte inthu rualin an College hming chawia Trio an din hian NE India thalaite hriat hlawh hle ni tawh mahse Mizoram-ah hriat an la hlawh lohna avang hian kan bangbo deuh pawh a ni ang.
Tun hnaiah an College chawlh laite a nih avangin Mizoram-ah chawlhkar khat vel an rawn zin khawthawnga, ECT Principal Rev Dr Kh Khaizakham-a hoin Mizoram hi an rawn tlawh a ni. Tum tum an rawn zin chhan hi kumin kum tawp October thla laihawl vel hian an programme anga an awm chuan Aizawl-ah an album 4-na tur chu release an tuma, ruahmanna an rawn siam chhin a ni ber a, Lelte Office pawh rawn tlawh zawkin, Lelte-in an chanchin kan zawh atanga kan thil hriat theihte tun tum Artiste Huang-ah hian kan rawn thai lang a, a bengvar thlak hawp mai -
Khawi Lam Product Nge?
An awm mawi zia leh tihtak zeta zai an nih avang hian an hmel i hmuh hmasak loh chuan i lo ngaihsak vak lo pawh a ni thei, Mizo-in zai kan tih piah lamah hian an zai a ni bera, zaithiam thehkhat mittui luang zawih zawih leh maimichhing a an zai ang kha a ni lo, hmel hlim sang, hmuhnawm taka Pathian fakna hla sa an ni.
An ni pathum zingah unau an awma, Kimpi leh Muanting te hi unau an nia, Sangi hi Manipur lam product niin, Kimpi leh Muanting -te hi Falam lam product an ni thung. An ni pathum hian Churachanpur khawpuia Evangelical College of Theolocy (ECT)-ah B.Th final year tun August thla tir atang khan an zawm tan a, College student an nih avanga mipui hma-ah an pathum hian zai tan ve mai an ni. Amaherawh chu, an pathum hian naupan lai atang rawn zai chho tawh an ni. Mizoram-ah ATC Male Voice kan tih ang deuhin, Churachanpur lamah chuan ECT Trio tiin an ni pathum hian hriat an hlawh ve em em mai.
Engtia Zai Nge An Ni ?
Zai ngaina ta chu College function nikhua-ah zai hmatawngah tangin, an ni pathum hi an zai ho fo a, chuta tanga ECT Trio din hi an ni a, an Pricipal Rev Dr Kh Khaizakham hi Pathian thu duh tak, hmun hrang hranga rawngbawlna nei deuh reng a ni a, ECT Trio pawh hian heng rawngbawlna hrang hrangah hian an Principal hi an tawiawm thina, an han zai an han zai chuan Pathianin an zaite mal a sawmin, demand a rawn tam ta tual tual a ni. Pathian fakna a Biakin leh thil tihna hrang hranga an zai dawn hian chaw an ngeia, an tawngtai hmasa ziah thin a, hei hian an zaina-ah pawh inpekna thinlung tak tak a neih tir avangin, an zai ngaithlatute pawhin an zai atangin thlarau lam malsawmna an dawng fo thin tih hriat a ni.
Album Chungchang ?
Manipur lama kan Zo unaute hian album an siam reng rengin Music Video nen thlap an buatsaih nghal thin a, audio hi an copy tlem tawh zawka, Music Video nena tihchhuah ngei ngei turah an ngai nghet tlat mai. Chutiang bawkin ECT Trio hian an Music Video album hmasa ber chu 2005 khan buatsaihin ‘The Best of ECT Trio’ tih a ni a, he Music Video-ah hian Zo-hnahthlak hnam hrang hrang Paite, Gangte, Thahdo/Kuki, Hmar, Lusei, Pawi leh Meitei Gospel hla an sa a, eng hla mai pawh an hneh em em mai bakah, an zai lai hlim tak chuan an zai a tihmuhnawm zual a ni. Tin Music Video hi a buatsaih dan a tha hle a, Video Camera man an nei tha hle bawk. He album hi an Kohhran Evangelical Congragational Church of India lo hruaitu hmasa-te hriatrengna puala an buatsaih a ni a, an Kohhran hruaitu lo ni tawhte an thlalak te pawh an lan tir hmasa a, Burma lama Pastor lar tak Rev Lalthanliana thlalakte pawh tihlan a ni nghe nghe. 2006-ah an album Vol II ‘The Best of ECT Trio Vol II’ chu tihchuah leh a ni a, he Music Video-ah hian Vol I ang thoin Zohnahthlak hla hrang hrang an sa leh a, R.Vanlalzauva leh Well Born Manner-a hlate pawh a tel nawk mai. He album hi an Kohhran hnuaia zirtirna hna lo thawk tawh boral ta te pualin an dedicate ve thung a ni.
ECT Trio album Vol III an buatsaih leh a, he album pawh hi Zohnahthlak hla hrang hrang an sa leh a, Mizorama kan lo hriat lar tawhte Rev HP Runremthang, C.Lalzarmawia, Upa F.Laltuaia etc hmingte pawh a kat ta nuk mai. He album-ah hian hla chi hrang hrang 14 zet awm a, he album hi ECT Trio promoter leh ECT-a Principal thawk lai Rev Dr Khaizakham-in March ni 12, 2008 a kum 60 a tlin lawmpui nan leh Pathian hnena lawmthusawi nan an dedicate ve leh thung a ni.
Album Thar chu ‘Thank You Zoram’:
ECT Trio album Vol IV hi ‘Agape Hmangiah Pathian’ tih a ni a, hla zawng zawng hi Lusei (Mizo) hla veka sak a ni thung. An buatsaihna chhan ber chu Manipur a Kristiante hian Chanchintha an dawnna hi kum 2010 AD hian kum 100 a tlinna tur a ni a, Gospel thu hi Mizoram-a Kristian hmasaten Manipur-ah an put luh a ni. Manipur tlang rama Gospel Centenary a lo tlin lawmna pawh ruahmanna a awm mek a, hei vang hian Mizo mipuite hnenah Gospel rawn thlentu an niha vanga lawmthu sawina ‘Thank You Zoram’ tih chu he album-ah hian an thupui tur a nih chu. A release hun tak erawh la sawi theih a ni lova, ruahman chhin dan chuan kumin September chawlhkar thumna bawr vel tin zawn a ni.
Tunah hian abum hi audio lam peih fel a ni tawh a, Music Video erawh an la zo lo deuh. Album pathum ngawt an lo tihchhuah tawh ai khan an uluk zawk thu erawh an sawi.
Hun rei vak lovah Aizawl Doordarshan leh local channel velah ECT Trio zai hi tihchhuah theih beisei a ni a, ngaihven chi tak a ni ang.
Source: http://lelte.net/index.php?option=com_content&view=article&id=561:the-ect-trio&catid=13:artist-huang&Itemid=117
‘Thank You Zoram’
Mizoram thalaite zingah chuan a hawizau zualte chauh hian kan la hre chauh awm e. Manipur Zo-khawpui Churachanpur atanga India hmarchhak tlangmite zingah hriat hlawh tak Evangelical College of Theology (ECT) zirlai nula pathumte inthu rualin an College hming chawia Trio an din hian NE India thalaite hriat hlawh hle ni tawh mahse Mizoram-ah hriat an la hlawh lohna avang hian kan bangbo deuh pawh a ni ang.
Tun hnaiah an College chawlh laite a nih avangin Mizoram-ah chawlhkar khat vel an rawn zin khawthawnga, ECT Principal Rev Dr Kh Khaizakham-a hoin Mizoram hi an rawn tlawh a ni. Tum tum an rawn zin chhan hi kumin kum tawp October thla laihawl vel hian an programme anga an awm chuan Aizawl-ah an album 4-na tur chu release an tuma, ruahmanna an rawn siam chhin a ni ber a, Lelte Office pawh rawn tlawh zawkin, Lelte-in an chanchin kan zawh atanga kan thil hriat theihte tun tum Artiste Huang-ah hian kan rawn thai lang a, a bengvar thlak hawp mai -
Khawi Lam Product Nge?
An awm mawi zia leh tihtak zeta zai an nih avang hian an hmel i hmuh hmasak loh chuan i lo ngaihsak vak lo pawh a ni thei, Mizo-in zai kan tih piah lamah hian an zai a ni bera, zaithiam thehkhat mittui luang zawih zawih leh maimichhing a an zai ang kha a ni lo, hmel hlim sang, hmuhnawm taka Pathian fakna hla sa an ni.
An ni pathum zingah unau an awma, Kimpi leh Muanting te hi unau an nia, Sangi hi Manipur lam product niin, Kimpi leh Muanting -te hi Falam lam product an ni thung. An ni pathum hian Churachanpur khawpuia Evangelical College of Theolocy (ECT)-ah B.Th final year tun August thla tir atang khan an zawm tan a, College student an nih avanga mipui hma-ah an pathum hian zai tan ve mai an ni. Amaherawh chu, an pathum hian naupan lai atang rawn zai chho tawh an ni. Mizoram-ah ATC Male Voice kan tih ang deuhin, Churachanpur lamah chuan ECT Trio tiin an ni pathum hian hriat an hlawh ve em em mai.
Engtia Zai Nge An Ni ?
Zai ngaina ta chu College function nikhua-ah zai hmatawngah tangin, an ni pathum hi an zai ho fo a, chuta tanga ECT Trio din hi an ni a, an Pricipal Rev Dr Kh Khaizakham hi Pathian thu duh tak, hmun hrang hranga rawngbawlna nei deuh reng a ni a, ECT Trio pawh hian heng rawngbawlna hrang hrangah hian an Principal hi an tawiawm thina, an han zai an han zai chuan Pathianin an zaite mal a sawmin, demand a rawn tam ta tual tual a ni. Pathian fakna a Biakin leh thil tihna hrang hranga an zai dawn hian chaw an ngeia, an tawngtai hmasa ziah thin a, hei hian an zaina-ah pawh inpekna thinlung tak tak a neih tir avangin, an zai ngaithlatute pawhin an zai atangin thlarau lam malsawmna an dawng fo thin tih hriat a ni.
Album Chungchang ?
Manipur lama kan Zo unaute hian album an siam reng rengin Music Video nen thlap an buatsaih nghal thin a, audio hi an copy tlem tawh zawka, Music Video nena tihchhuah ngei ngei turah an ngai nghet tlat mai. Chutiang bawkin ECT Trio hian an Music Video album hmasa ber chu 2005 khan buatsaihin ‘The Best of ECT Trio’ tih a ni a, he Music Video-ah hian Zo-hnahthlak hnam hrang hrang Paite, Gangte, Thahdo/Kuki, Hmar, Lusei, Pawi leh Meitei Gospel hla an sa a, eng hla mai pawh an hneh em em mai bakah, an zai lai hlim tak chuan an zai a tihmuhnawm zual a ni. Tin Music Video hi a buatsaih dan a tha hle a, Video Camera man an nei tha hle bawk. He album hi an Kohhran Evangelical Congragational Church of India lo hruaitu hmasa-te hriatrengna puala an buatsaih a ni a, an Kohhran hruaitu lo ni tawhte an thlalak te pawh an lan tir hmasa a, Burma lama Pastor lar tak Rev Lalthanliana thlalakte pawh tihlan a ni nghe nghe. 2006-ah an album Vol II ‘The Best of ECT Trio Vol II’ chu tihchuah leh a ni a, he Music Video-ah hian Vol I ang thoin Zohnahthlak hla hrang hrang an sa leh a, R.Vanlalzauva leh Well Born Manner-a hlate pawh a tel nawk mai. He album hi an Kohhran hnuaia zirtirna hna lo thawk tawh boral ta te pualin an dedicate ve thung a ni.
ECT Trio album Vol III an buatsaih leh a, he album pawh hi Zohnahthlak hla hrang hrang an sa leh a, Mizorama kan lo hriat lar tawhte Rev HP Runremthang, C.Lalzarmawia, Upa F.Laltuaia etc hmingte pawh a kat ta nuk mai. He album-ah hian hla chi hrang hrang 14 zet awm a, he album hi ECT Trio promoter leh ECT-a Principal thawk lai Rev Dr Khaizakham-in March ni 12, 2008 a kum 60 a tlin lawmpui nan leh Pathian hnena lawmthusawi nan an dedicate ve leh thung a ni.
Album Thar chu ‘Thank You Zoram’:
ECT Trio album Vol IV hi ‘Agape Hmangiah Pathian’ tih a ni a, hla zawng zawng hi Lusei (Mizo) hla veka sak a ni thung. An buatsaihna chhan ber chu Manipur a Kristiante hian Chanchintha an dawnna hi kum 2010 AD hian kum 100 a tlinna tur a ni a, Gospel thu hi Mizoram-a Kristian hmasaten Manipur-ah an put luh a ni. Manipur tlang rama Gospel Centenary a lo tlin lawmna pawh ruahmanna a awm mek a, hei vang hian Mizo mipuite hnenah Gospel rawn thlentu an niha vanga lawmthu sawina ‘Thank You Zoram’ tih chu he album-ah hian an thupui tur a nih chu. A release hun tak erawh la sawi theih a ni lova, ruahman chhin dan chuan kumin September chawlhkar thumna bawr vel tin zawn a ni.
Tunah hian abum hi audio lam peih fel a ni tawh a, Music Video erawh an la zo lo deuh. Album pathum ngawt an lo tihchhuah tawh ai khan an uluk zawk thu erawh an sawi.
Hun rei vak lovah Aizawl Doordarshan leh local channel velah ECT Trio zai hi tihchhuah theih beisei a ni a, ngaihven chi tak a ni ang.
Source: http://lelte.net/index.php?option=com_content&view=article&id=561:the-ect-trio&catid=13:artist-huang&Itemid=117
No comments:
Post a Comment