*Naupang mang:* Paulaljohn s/o (L) Lianlalmuan, Lamka apat keng a Singngat tan pei tung, Pangmual a pei ding kahi chi. Tun ama ahi leh Singngat a um Lunlal in enkol. Jacket san sil, a ang a Miki House chi kigiel. 8729863330 ah kan thei ding.
*PTC & YPA Thupuon:* Paite Tribe Council (PTC) Ghq leh YPA Ghq te'n tuni'n thupuon tuomtuoh bawl uh. PTC Ghq in Zomi a kigawmna hatzawna ding leh UPF tungtawn a centre toh political talks a lamzan zawhna ding deina a UPF toh kihouna dungzui a JACAATB tungtang PTC in thupuohna a bawlte nam agenda ahidan theisiam lamkaite panlahna nungthuop zaw dingin PTC Ghq in theisahna bawl a, YPA Ghq leh SSPP Ghq te thusuo zieh a Paite nam mipite lung himaw lou dingin theisahna bawl uh. Young Paite Assn, (YPA) Ghq in thupuon a bawlna ah Nam chidamlou thei napi a PTC Ghq nasepna lamdang sa leh pomthei guol hilou chi'n gen a, PTC Ghq vaipuohna a muonna nei nawnlou ahidan talang. Tua PTC term peilel pen a YPA kihal nawnlou ding ahidan zong tahlang.
*BJP Candidate list:* Social media a BJP Candidate list chia mi 14 min ki thethang toh kisai L. Bashanta Sharma, Secretary (Media) BJP Manipur in thujuau ahidan hilchien. Jan 19/20 vel chia 1st Phase list um pan ding ahidan zong gen.
*Gari kiphu kha:* Tunita Imphal ah Car khat leh Paupu Auto te khat kiphu kha in mi 5 liam, hospital a puah in um hi.
*Eco Blockade:* UNC leh State Govt a ki dehtua zing lai un Union Home Minister Rajnath Singh in Eco blockade thu a kihouna nei dingin state solkal thupia, tua dungjui in state govt in UNC chielna bawl, UNC in tunitan dawnna bang ma pesih nanleh Jan 23 chia Delhi dia ahun bikhiah in um. Tam thu toh kisai in tuni'n Ibobi in Delhi juonta chithu kija.
*Copyright violation:* Niso Films Institute neitu Director leh Producer Letthang Doungel in tuni'n mediate mai ah i gam in copyright i jatatlou dan uh puongja. Henu Neingailou Hitam - 2 pen editing zaw hinailou himaleh ama theipina tellou a thethang a um ahidan gen. Tu'n ahileh editing zaw hita a hing kihawm khe ta ding chi hi.
*Diesel kihawm ding:* Jing 19/1/2017- 10am chieng in Niangchiin Service Station, Buallian ah Diesel hawm hi ding chi thutut ki mu. A thawn di hilou, litre ah Rs 57.53 man ding.
*Delhi NE mite di'n:* NE mite a ding in Special camp for voters identity cards 4th & 5th of Feb. 2017 chiengin Special Police Unit for North East people office,
Behind Gurudwara Moti Bagh, Near Post Office,
Nanakpura. New Delhi mun ah um ding. Time: 10 am to 6 pm. Tuani chiengin NE mite adi'n Cancer detection camp zong um ding a, NE Blood Bank a din zong drive um ding.
*D.Th. Degree:* ZPCS a pastor, Rev. Hangpi Manlun in Senate of Serampore College nuoi a United Theological College (UTC), Bangalore apat Doctor of Theology (D.Th) Degree muta chi thutut kimu.
*Carelessness:* ZEO CCpur apat schoolte Republic Day parade a pang di'a notice a serve na uah - "District Level Celebration of the Indian Independence Day 2017 is decided to be held at Peace Ground, Tuibuang on the 26th January 2017" kichi zaih!
*Racial Attack:* Tunai in Bangalore ah NE mi a gam neite'n belding neilou nausen bang in ana soisa ua, tuabang ma in Delhi ah zong Manipur mi khat a sepna a a boss pan dihlou tah a ngoh in mi ana vawsah jel.
*ZOLENGTHE*
*Connecting the Zo people*
No comments:
Post a Comment