Zou Critical & Creative Workshop
2007 sung a Manipur in Bandh culture a taisan zou leh, kumlui sang in economic growth hat zaw (7% tan beh) a mu ding lamet huai hi. Nagaland in 2006 sung a 9% growth rate a neithei leh, en zong bang dia nei thei lou ding? Nagaland leh Manipur ah violence level kibang phial a, hinanleh koiman ei Manipur mite bang in niteng in Bandh bawl ngai lou hi. 2006 sung a mit a muthei development thupi pen ahileh mobile telephone ahi. Nidang in mobile phone pen mihausa tawp te maimai in nei zou giap a, tun private competition Airtel leh Aircel te ziah in BSNL ten zong a "rate" uh niamsah ta uhi.
Tuaziah in mitangpi (middle class) ten zong mobile neithei ahing suah hi. Maban kum 10 sung vel sung in, michin in computer leh Broadband internet a neithei hun hing tung din i lamen hi. Tuami din economic growth rate 7% tanbeh kumteng a nei ngai hi. Tu dinmun ah ei adia Development's enemy No. 1 ahileh Bandh culture, No. 2 ahileh Corruption, No. 3 pen Gun culture and extortion ahi.
Kumlui 2006 Review tamlou i bawl ding hi. Manipur in Thangthuam IPS luang toh 2006 a lamdawn a, Phaizang helte leh Zomi group te kitanauna kisesah deudeu hi. Kaal ni zou vel in, 16 January ni'n, Meitei helten Lungthulien khua ah Hmar numei 21 a pawng sual (rape) leuleu ua, Hmar helte leh Lamka a Meitei mipite kikal ah tualgaal a lengsah dehtah hi. Alangkhat lam ah, tami 2006 a incident tegal in Zomi leh Hmar mite kitheisiamna tha a pia a, maban pankhawm poimo sahna a piangsah hi. Singtangmi leh Meitei kitanauna a siat vang in, Lamka khopi ah mizousia in "economic interest" kibang nei ahi chi 11 August 2006 ni a Empty Pot Mass Rally ah kitahlang hi. Tami Rally pen chibing-nambing toh kisai kihou a, ZEPADA te panlahna toh numei thahatna zang a Official Corruption doudalna ahi. Kuki Women Union, Hmar Women Association, Zomi Mothers leh Meitei Society ten tami Rally ah makaihna a la uhi. Public Rally leh Bandh kibang lou hi. 2006 sung a Manipur a Bandh kibawl tengteng sang in tami 11 August 2006 Empty Pot Rally in khiatna thu zawh anei hi. It was the most innovative mode of protest that may even claim kinship with Gandhian ideals of empowerment.
Singngat bial adin zong 2006 in kinepna tha khenkhat a piangsah hi. Model Village phase I zoh ahi ta a, a tawptan zoh ahi ding lamet ahi. Alangkhat lam ah, 6 May a tami bial apat Zou kampau 21 Burma jail a tangte 30 October a hing pawt khiat dan in mipi gentheidan a tahlang hi. Bial MLA Tangsaw Baite in a mite a kilep mangsan dan leh a motbawl dan tami jail tangte tung mai hilou in, BADP development fund Rs. 3,51,33,000 a nehmang thu ah muthei ahi. Tun kumtha ah election nei ding i hia, dihtah a vote khiat theina din i Right shipi ngap zen a humbit hunta hi. Vote zuah leh poll capture chite Christian melma lian pen ahi uhi. Corruption ziah a Singngat lampi nelsia ding i puahnat thei lou leh, maban ah khantouna in hing pumpelh ding a, mautam kial kigengen pen 2007 sung in hing tangtung thei ding hi. Hinanleh lamkai dihtat i nei a, i lampi te siampha a, development nasep hoitah a apei leh, mautam kialpi (famine) chite zauhuai lou hi. Khovel a kialpi tunziah ahileh nehding tahsap ziah hilou in, solkar fel lou (bad governance) leh corruption ziah ahi gige hi. ZEPADA ngetna bang in i PDS antangte corruption umlou in Zodawng in tang thei gige hileh koima kial a shi ngai lou ding hi. Tuaziah in 11 August a Empty Pot Rally pen 2006 sung a siltung teng lah a thupi pen a ngaisut thei ahi. Bandh bawl in i development susia a, ei leh ei kigawtna ahi. Hinanleh Rally in mizawng nitha kilaw tawmte sukha lou a, development nasep zong dalpha lou hi.
Zou community ading zong 2006 pen chepte tham kum ahi. April ha in Zou Synod namdet ahia, USA apat degree mutha mi ni kibelap hi. Rev. Langthang Texas apat M. Div. nga a; Rev. Dongthawng in Tulsa apat D. Min. degree amu hi. Zou literature in masawn tou zel a, Zou MIL pen class XI leh XII tah a sim din Manipur solkar in phalna apia hi. Tualeh unaupa Philip Thanglienmang in "Zo Lahamtengte" (2006) chi Daman apat ahing sunkhia hi.
Tuaziah in mitangpi (middle class) ten zong mobile neithei ahing suah hi. Maban kum 10 sung vel sung in, michin in computer leh Broadband internet a neithei hun hing tung din i lamen hi. Tuami din economic growth rate 7% tanbeh kumteng a nei ngai hi. Tu dinmun ah ei adia Development's enemy No. 1 ahileh Bandh culture, No. 2 ahileh Corruption, No. 3 pen Gun culture and extortion ahi.
Kumlui 2006 Review tamlou i bawl ding hi. Manipur in Thangthuam IPS luang toh 2006 a lamdawn a, Phaizang helte leh Zomi group te kitanauna kisesah deudeu hi. Kaal ni zou vel in, 16 January ni'n, Meitei helten Lungthulien khua ah Hmar numei 21 a pawng sual (rape) leuleu ua, Hmar helte leh Lamka a Meitei mipite kikal ah tualgaal a lengsah dehtah hi. Alangkhat lam ah, tami 2006 a incident tegal in Zomi leh Hmar mite kitheisiamna tha a pia a, maban pankhawm poimo sahna a piangsah hi. Singtangmi leh Meitei kitanauna a siat vang in, Lamka khopi ah mizousia in "economic interest" kibang nei ahi chi 11 August 2006 ni a Empty Pot Mass Rally ah kitahlang hi. Tami Rally pen chibing-nambing toh kisai kihou a, ZEPADA te panlahna toh numei thahatna zang a Official Corruption doudalna ahi. Kuki Women Union, Hmar Women Association, Zomi Mothers leh Meitei Society ten tami Rally ah makaihna a la uhi. Public Rally leh Bandh kibang lou hi. 2006 sung a Manipur a Bandh kibawl tengteng sang in tami 11 August 2006 Empty Pot Rally in khiatna thu zawh anei hi. It was the most innovative mode of protest that may even claim kinship with Gandhian ideals of empowerment.
Singngat bial adin zong 2006 in kinepna tha khenkhat a piangsah hi. Model Village phase I zoh ahi ta a, a tawptan zoh ahi ding lamet ahi. Alangkhat lam ah, 6 May a tami bial apat Zou kampau 21 Burma jail a tangte 30 October a hing pawt khiat dan in mipi gentheidan a tahlang hi. Bial MLA Tangsaw Baite in a mite a kilep mangsan dan leh a motbawl dan tami jail tangte tung mai hilou in, BADP development fund Rs. 3,51,33,000 a nehmang thu ah muthei ahi. Tun kumtha ah election nei ding i hia, dihtah a vote khiat theina din i Right shipi ngap zen a humbit hunta hi. Vote zuah leh poll capture chite Christian melma lian pen ahi uhi. Corruption ziah a Singngat lampi nelsia ding i puahnat thei lou leh, maban ah khantouna in hing pumpelh ding a, mautam kial kigengen pen 2007 sung in hing tangtung thei ding hi. Hinanleh lamkai dihtat i nei a, i lampi te siampha a, development nasep hoitah a apei leh, mautam kialpi (famine) chite zauhuai lou hi. Khovel a kialpi tunziah ahileh nehding tahsap ziah hilou in, solkar fel lou (bad governance) leh corruption ziah ahi gige hi. ZEPADA ngetna bang in i PDS antangte corruption umlou in Zodawng in tang thei gige hileh koima kial a shi ngai lou ding hi. Tuaziah in 11 August a Empty Pot Rally pen 2006 sung a siltung teng lah a thupi pen a ngaisut thei ahi. Bandh bawl in i development susia a, ei leh ei kigawtna ahi. Hinanleh Rally in mizawng nitha kilaw tawmte sukha lou a, development nasep zong dalpha lou hi.
Zou community ading zong 2006 pen chepte tham kum ahi. April ha in Zou Synod namdet ahia, USA apat degree mutha mi ni kibelap hi. Rev. Langthang Texas apat M. Div. nga a; Rev. Dongthawng in Tulsa apat D. Min. degree amu hi. Zou literature in masawn tou zel a, Zou MIL pen class XI leh XII tah a sim din Manipur solkar in phalna apia hi. Tualeh unaupa Philip Thanglienmang in "Zo Lahamtengte" (2006) chi Daman apat ahing sunkhia hi.
Moderator, ZCW
No comments:
Post a Comment