Thupi: Zawlnei takloute lak ah pilvang un; huaite tuh belam vun silh in na kiang uah a hong pai nak ua; a sung lam uah lah nge duhgawlpipi a hingal ua. - Matthai 7:15
Mihing a sumdawnna, human trafficking kichi khovel mun tuamtuam, a diak in gam khangtou lellelte a uang mahmah hi. India leng gam khangtou lellel khat ahihna ah human trafficking case tamtak buaipihta a, a tangpi in numei kum chingloute sumdawnna zatna hideuh hi. Mihing a sumdawngte’n khemna zang in kum chinglou naupangte (numei kia hilou in pasal leng) ahihkeileh a nu-le-pate uh thuzoh in sumdawnna di’n zang sek uhi. A khen chiang in, khosakna a haksatluat ziak bang in nu-le-pate nasan in leng a tate uh zuak mai sek uhi. Hiai bang a mihing a sumdawnna kichi i lak uah leng i phawklouh kal un ana om tham hi. Manipur apat thu a ngah dungzui un Dimapur Police team in Chummukedima Check Gate a Manipur apat hong kipan bus a dapna uah mihing a sumdawng hidia muanmoh Manipur mi 1 mankhia ua, pasal naupang khat tel in numei naupang 17 hunkhia uhi. Hiai naupangte Manipur mi ngen ahih banuah numei 3 leh 4 velte kum 18 leh a tunglam ching ding ua gintak hi a, himahleh, a dang teng bel kum chinglou ngen hi uhi. Mat a omte gendan in, Manipur a agent khat in Chennai khopi a ‘factory/industry’ a sepna piak ding a chiam dungzui a Chennai zuan hi uhi. Hiai naupangte pitu kiang a police-te’n thil omdan a dot chiang un police-te lungtunna tan ding dawnna pe theilou a, phetlou in, hiai naupangte sepna mun ding ‘factory/industry’ om taktak hina ahi chih chetna lehkha poimoh leng bangmah posuah theilou hi. Hiai tungtang Manipur leh Chennai tanpha ah Dimapur police-te’n leng hoihtak in kansui mahle uh a ngaihmuanna ding khop uh dawnna koimah a mulou ahihman un naupangte tengteng Dimapur Police women cell khut ah pekhe ngal uhi. Hampha petmah ahi ua, Dimapur Police-te’n hiai tungtang Manipur sorkar leh NGO-te theisak ngal ua, Sepnawnni a Mao Gate chiang hong kha in Manipur official-te, NGO-te, Mao Public Organization leh pawlpi tuamtuam khut ah pekhia uhi.
Hiai bang thiltung pen a khatveina ahikei a, tumalam in leng Nagaland police-te mah in Manipur mi numei hon bangzah hiam ana hunkhe ngeita uhi. I khosakna uh a niam mahmah ziak leh sepna muh a haksat mahmah ziak in sum 1000, 2000 loh theihna ahihnakleh, chih ngaihdan nei tampi petmah i om uhi. Khopi a sepna awng om chih dandeuh newspaper ahihkeileh koilak hiam a ‘advertisement’ a om chiang in i kithalawp thei mahmah ua, i kithalawpna uh bel a hoihlou hizenzenlou in leh sepna zon a zon maimah ding mah ahi a, himahleh, bangchibang nna ahia? Bang company ahia? Company om taktak mah ahi hia? Company min kiphuaktawm zual khat houh ahi hia? chihte bang pilvangtak a theihchet masak tuak mahmah ahi. Company hoihtak leh piching mahmah bang ana himahleh ‘recruiting agent’ pen huai company toh kizom taktak mah ahi hia? Tuma a Johnson Enterprise bawlte’n Lamka mipi tamtak a hong khem hai dandeuh bang lel a kibawl tawm ‘recruiting agent’ ahikha diam chih pilvanhuai mahmah hi. Mihing kipummat a kipuakmang chih thil haksapi hiding ahihna ah, mihing a sumdawngte’n leng i khem nop ding dan thei mahmah ua, i lunglutna, i ut ding zawng mah a hon khem ding hi uhi. Khemna ngen ahi chih vek theih mawk kei mahleh, houchik a i ngaihtuah leh, mihing sahna mahmah Vaigam a company-te’n a ‘factory/industry’ ua semtu a taksap uh gintak haksa mahmah hi. Huai banah, hiai tungtang pen Vaigam a sepna zonna toh kisai kia ahikei hi. Tumalam in leng mi inn nasem ding dan in numei khat in Imphal lam ah numei naupang khat zawlkhe ngei hi. Himahleh, vangphathuaitak in hiai numei naupang pen hutkhiak man in om a, galvan tawi pawl khat in Lamka a ‘agent’ numeinu pen leng mankhia uhi. Sepna i deihluatnalam a i ta leh naute ‘nohchi zuakna inn’ ahihkeileh mi bawlduhdah leh mi suak-le-sal ding lel a omsak khak ding pilvan ngai mahmah ahi.
Source: http://zogam.com/index.php?option=com_content&task=view&id=4479&ac=0&Itemid=2
Mihing a sumdawnna, human trafficking kichi khovel mun tuamtuam, a diak in gam khangtou lellelte a uang mahmah hi. India leng gam khangtou lellel khat ahihna ah human trafficking case tamtak buaipihta a, a tangpi in numei kum chingloute sumdawnna zatna hideuh hi. Mihing a sumdawngte’n khemna zang in kum chinglou naupangte (numei kia hilou in pasal leng) ahihkeileh a nu-le-pate uh thuzoh in sumdawnna di’n zang sek uhi. A khen chiang in, khosakna a haksatluat ziak bang in nu-le-pate nasan in leng a tate uh zuak mai sek uhi. Hiai bang a mihing a sumdawnna kichi i lak uah leng i phawklouh kal un ana om tham hi. Manipur apat thu a ngah dungzui un Dimapur Police team in Chummukedima Check Gate a Manipur apat hong kipan bus a dapna uah mihing a sumdawng hidia muanmoh Manipur mi 1 mankhia ua, pasal naupang khat tel in numei naupang 17 hunkhia uhi. Hiai naupangte Manipur mi ngen ahih banuah numei 3 leh 4 velte kum 18 leh a tunglam ching ding ua gintak hi a, himahleh, a dang teng bel kum chinglou ngen hi uhi. Mat a omte gendan in, Manipur a agent khat in Chennai khopi a ‘factory/industry’ a sepna piak ding a chiam dungzui a Chennai zuan hi uhi. Hiai naupangte pitu kiang a police-te’n thil omdan a dot chiang un police-te lungtunna tan ding dawnna pe theilou a, phetlou in, hiai naupangte sepna mun ding ‘factory/industry’ om taktak hina ahi chih chetna lehkha poimoh leng bangmah posuah theilou hi. Hiai tungtang Manipur leh Chennai tanpha ah Dimapur police-te’n leng hoihtak in kansui mahle uh a ngaihmuanna ding khop uh dawnna koimah a mulou ahihman un naupangte tengteng Dimapur Police women cell khut ah pekhe ngal uhi. Hampha petmah ahi ua, Dimapur Police-te’n hiai tungtang Manipur sorkar leh NGO-te theisak ngal ua, Sepnawnni a Mao Gate chiang hong kha in Manipur official-te, NGO-te, Mao Public Organization leh pawlpi tuamtuam khut ah pekhia uhi.
Hiai bang thiltung pen a khatveina ahikei a, tumalam in leng Nagaland police-te mah in Manipur mi numei hon bangzah hiam ana hunkhe ngeita uhi. I khosakna uh a niam mahmah ziak leh sepna muh a haksat mahmah ziak in sum 1000, 2000 loh theihna ahihnakleh, chih ngaihdan nei tampi petmah i om uhi. Khopi a sepna awng om chih dandeuh newspaper ahihkeileh koilak hiam a ‘advertisement’ a om chiang in i kithalawp thei mahmah ua, i kithalawpna uh bel a hoihlou hizenzenlou in leh sepna zon a zon maimah ding mah ahi a, himahleh, bangchibang nna ahia? Bang company ahia? Company om taktak mah ahi hia? Company min kiphuaktawm zual khat houh ahi hia? chihte bang pilvangtak a theihchet masak tuak mahmah ahi. Company hoihtak leh piching mahmah bang ana himahleh ‘recruiting agent’ pen huai company toh kizom taktak mah ahi hia? Tuma a Johnson Enterprise bawlte’n Lamka mipi tamtak a hong khem hai dandeuh bang lel a kibawl tawm ‘recruiting agent’ ahikha diam chih pilvanhuai mahmah hi. Mihing kipummat a kipuakmang chih thil haksapi hiding ahihna ah, mihing a sumdawngte’n leng i khem nop ding dan thei mahmah ua, i lunglutna, i ut ding zawng mah a hon khem ding hi uhi. Khemna ngen ahi chih vek theih mawk kei mahleh, houchik a i ngaihtuah leh, mihing sahna mahmah Vaigam a company-te’n a ‘factory/industry’ ua semtu a taksap uh gintak haksa mahmah hi. Huai banah, hiai tungtang pen Vaigam a sepna zonna toh kisai kia ahikei hi. Tumalam in leng mi inn nasem ding dan in numei khat in Imphal lam ah numei naupang khat zawlkhe ngei hi. Himahleh, vangphathuaitak in hiai numei naupang pen hutkhiak man in om a, galvan tawi pawl khat in Lamka a ‘agent’ numeinu pen leng mankhia uhi. Sepna i deihluatnalam a i ta leh naute ‘nohchi zuakna inn’ ahihkeileh mi bawlduhdah leh mi suak-le-sal ding lel a omsak khak ding pilvan ngai mahmah ahi.
Source: http://zogam.com/index.php?option=com_content&task=view&id=4479&ac=0&Itemid=2
No comments:
Post a Comment