SSPP Diamond Jubilee Grand Finale
Lamka, Dec 12: Siamsinpawlpi Diamond Jubilee Grand Finale Count Down Program tuni in thupitak in Churachandpur Government College ah zang uh a, huai ah Chief Guest dia Chial T Phungzathang Minister hoh theikei mah leh aman pawlpi panpihna ding in Rs 50,000 khak hi. Guest of Honour Sumant Singh IAS DC/CCpur in agenna ah, HIV/AIDS toh kisai in pan lak taktak ngaita ahihdan gen in, Rehabillation Building bawlna dia panla ding ahihdan gen hi. Hiai hun ah Chief Host in Rev Vung D Tombing SSPP Patron pang hi. Siamsinpawlpi Life Member te’n Dakpi (Gong) 60 vei tum na nei uhi.
Grace Donnemching in Ph. D ngahthak
Lamka, Dec 12: Miss Grace Donnemching D/o (L) Thangkhanpau Guite of New Delhi in zanzek in Jawaharal Nehru University, Delhi apan in " Marriage rituals among the Paite and Meitei" chih thesis tungtawn in Doctor of Philosophy Degree ngah hi. Dr Grace Donnemching Guite ahihleh, tulel in Delhi Univeristy ah Lecturer hi a, tua banah, Siamsinpawlpi Delhi Joint Headquarters ah President hihna lenlel hi.
NCYCF Sports Meet leh Youth Day zatna om
Lamka, Dec 12: Tuibuang Peace Ground ah tuni in NCYCF Sports Meet 5 veina leh Natinal Youth Day zatna om a, huai ah N Biren Singh YAS/IFCD Minister in Chief Guest hihna toh uap in, TN Haokip Minister PHED in Functional President hihna len hi. Chief Guest in athugenna ah, Kimawlmite’n gamsung su minthang ahihdan gen kawm in, tuailaite’n kimawlna hah bawl ding in hanthawn a, tuabanah, NLCPR Fund tungtawn in Rs 18 Cr bei in Tuibuang ah Full Set Sports Complex bawl hiding in gen hi. Aman agenbehna ah, helpawlte’n leng kimawlna tungtawn a lampi dik tawn chiat ding in ngen a, Churachandpur- Sugnu-Chandel Road State highway a bawl hiding in gen hi. Tuabanah, Functional President TN Haokip in agenna ah, kimawlna toh kisai in mimal kithununna poimoh dan uangtak in gen a, CCpur-Singngat-Singjawl NH 150 A a bawl theih hiding hiam chih Government in enkhe ding ahihdan gen hi. Hiai sports Meet ah team tuamtuam 34 val tel in Football leh Volley ball kimawlna nei uhi. Minister te’n Lamka khopi a nawtsiat ma un Khuga Dam Canal “L&R’ etkhiakna va nei malam uhi.
Lion Club of Greater CCpur honkhiakna om
Lamka, Dec 12: Synod Hall, IB Road ah tuni in Lion Club of Greater Churachanpur kichi honkhiakna Mr Lion MP Agarwal, MJF Distrct Convenor, Lion Club International District 322-D in honkhiakna nei a, Member te kichiamsakna nei zui ngal hi. Hiai hun ah 2008-’09 sung vaipaw ding in N Lhungdim IRS 9(Rtd) President ding in guang uh a, Vice President ding in Dr LF Tusing, T Gouzadou Ex Minister leh Rev Khen P Tombing banah, Secretary ding in Prof LS Gangte, Joint Secretary ding in, Ms Lalroutpui Pachhuau guang ua, Treasurer ding in Inderpal Singh, Joint Treasurer Elder Songlianthanga leh Chairman Public Relationship ding in Vanlallien Haokip guang uhi.
Gypsy accident ah mi 1 si
Lamka, Dec 12: Tuni sunma dak 10:30 vel ding in Tuima a pan gamla lou Thuangtam phakma ah Gypsy gari khat in tuahsiatna tuak in, huai ah Mr Kamsonlian (23) S/o Mr Chinkhanzam Valte of Bungmual, New Lane in sihna tuak hi. Thusuak in ataklatna ah, hiai Gypsy ah mi 6 tuang uh a, Tuima lui nihna atun un lampi khang Feet 120 ah lengkhe suk in, gari leng 7 vei val kilep hi’n kigen hi. Hiai hun ah midang 4 in leng liamna tuak uh a, amaute ahihleh, Mr Ginkhansiam (20) S/o Paukhothang of Khazang Village, Mr Sangmuan (21) S/o Thangchinlal of Sumtuh Village, Mr Lianzangam (24) S/o Vungkhosiam of Sinjawl Village leh Lamlunmang (20) of Gangpimual te’n liamna tuak in Lamka Damdawi Inn ah etkol in om lel uhi. Sihna tuak Mr Kamsonlian luang zingchiang in Bungmual Hanmual ah vuiliam hiding hi.
HEADLINES:
North East ah Human Rights bohsiatna thupitak om
Guwahati, Jan 12: Khovel in Human Rights kichi a buai pih mahmah lai in, India gamsung North Eastern state te leh Jammu and Kashmir ah Human Rights kichi buaipih in ana om saam a, Dan leh Thupiak enkol dia bawl a om Indian security Forces te’n leng Human Rights naktak in ana bohsia uh chih chiang mahmah hi. India ki ukna nuai ah Security Forces toh kisai in Unified Command kichi oma, huai nuai ah forces tuamtuam ana om sawn in, amaute galmuanlouhna mun te ah thuneihna sangtak piak ahih dungzui un, ut leh dah in ana gamtang sek uh a, Armed Forces Special Power Act kichi Jammu and Kashmir banah Northeastern state te ah zat in om a, a biiktak in Manipur in AFSPA 1958 kichi naktak in buaipih in om lel hi.
Thusuak in ataklatna ah, India malsuah bial te ah Human Rights bohsiatna uang deuhdeuh in, mipite kiphinna leng chi tuam hiaihiai hi’n kigen hi. India gamsung ah Security Forces te’n Human Rights a bohsiatna u toh kisai in 1994 apan tuni tan in case 1,318 registered in om a, huai lakah, India Malsuah bial a biiktak in Manipur, Assam leh Nagaland ah case 384 kibaang zou hidan in kigen hi. Sepaihte tung ah ngohna tuamtuam tam mahmah in, himahleh, sepaih te’n hiai case te ginatakin enzui lou uh hi’n kigen a, Jammu and Kashmir ah case 903 lel enzui in, North East ah Case 366 lel enzui uh hi’n kigen hi.
Hiai toh kisai in thil lamdang mahmah khat piang a, sepaih te’n Human Rights nasatak a a bohsiatna uah case 2000 phial kibulh mah leh, case 54 lel thudik ahi chi’n pom uhi. Huai bel, 4.26 per cent lel tungpha chih na suak hi. Tuni in National Human Rights Commission leh Assam State Human Rights Commission te saina in Guwahati ah National Seminar thupitak khat neih in om a, huai ah “ Social Justice, Human Rights and 21st Century” chih thupi a zat in om a, India sepaihte’ sik le tang in Brigadier Arun Gupta in huai hun poimoh va uap hi. Ni 2 daihding seminar ahihleh, NHRC Chairman PC Sharma in honkhiakna nei a, zingchiang in ‘Security forces and human rights’ chih thupi zangin houlimna omlai ding hi’n kigen hi.
Brig Gupta in agenna ah, maban ah Sepaihte’n Human Rights a bohsiat lai ngeingei ua leh, kuapeuh in HR cell ah tun pahpah dingin leng ngetna bawl hi. Army in ahihleh, Human Rights bohsiatna ziak in, Jammu and Kashmir ah tuni tan in, a sepaihte uh, 113 gawtna peta ua, minautang tung a hiamgam lou dia kithu hilhna leng amau sung ah neih hilel hi’n kigen hi.
EDITORIAL:
Ibobi bangtan detdou zouding hiam?
Manipur Politics I chih thil lamdang tak hi a, Journalist tamtakte’n Manipur toh kisai nalh pipi in gelh ua, thamlou in, nidang hun in Cartoonist te’n State paper te ah chiamnuih bawlna ding in zangsek uhi.
Kumlui 2007 in Manipur State Assembly Election I nei naihnaih a, Singtang gam apan MLA 20 telkhia in, Phaizang gam apan 40 I tel khia hi. Amaute’n March 2007 in kichiamna hon nei ua, tua zoh in Congress makaih in Secular Progressive Front kichi minvuah in Government bawlkhiak in hong om hi. Government March kha apan tunding khiak himahleh, June/July kha vel apan buaina neuhneuh hong tuak tou ngal in, September 2007 lak in sukveng in hong om hi.
Huai hun lai in, Manipur Pradesh Congress Committee President Gaikhangam makaih kiphinna (revolt) khat hong om chih Newspaper te leh mipite theih dan ahi. Himahleh, bangchi hiam hiam in hong ki khem lungdam ua, MPCC Chief in Congress sungthu ah buaina bangmah omlou in, Media te report khelh hidan peuh ngoh sawm maimah in hong om kha hi. Sapte thupil in, a vom chuh avom ahi a, angoupen leng angou mah ahi tawn tung hi a chih pian deuh in, November kha apan Manpur Government buai chih tak in hong buai nawn hi.
Congress makaih SPF Government ah Gaikhangam in Cabinet Minister tanpha hon len man mahleh, Congress High Command deihna bang in chih ziak in Minister dinmun pe’n nawtsiat sak in hong om a, MPCC Chief letsak in hong om hi. Gaikhangam in lungkimlouhna neiden hia ahih kei leh, bang chi dan hiam chih theih louh ding in tutung in iim vualnawn louh in Congress MLA te lak ah dissident chih bang hong om in, New Delhi tanpha ah ki camp uh a, Mipite’ dia bil doh louh theihlouh khat in hong om hi.
Nidang hun enkik zual ta le hang, Veteran Congress Leader leh tulel la Rajya Sabha MP Rishang Keising chauh Opposition ah atut khak hun hong om ngei a, huai hun in Radhabinod Koijam in Chief Minister hihna a hon leen hi. MLA 60 om na lak ah MLA 59 te Ruling ah om a, Opposition bench ah MLA khat lel a tut ding chih mihing te ngaihtuahna ah thil haihuai tak ahi a, khovel theih in thil mak taka hi nawn hi. Huai in bang gen ut hiam I chih leh, Manipur Politician te gilkialna, Power hungry ziak ahi chih a chian sak na in, sakol a langlang a tai mah bang in, thuneih ut na leh Minister utna ziak in dinmun kip neilou in hong om ua, himahleh, Rishang bel principle neitak in a tutphah nawnse lou in party ading in ana om hi.
Hun hong paitou zel in, Manipur Politics ah thil lamdang taktak ahong tungtou zel a, kum tamtak paisa apan I na chiindan uh tu in I lak ah ahongtung nawnta hi. Ahihziakin, Parliament in Act hoihtak khat hon passed in, MLA/MP kuamah in telching a a om na party uh nawsia in party dang zomthei nawnlou ding uh a chih utoh kiton in, State tamtak te ading in buaina ahi a, Manipur ading in buaina biik ahi I chi hi. Hiai Act leh Dan pen bawl hikei leh, Manipur ah Government ding lai puuk mun mahmah ding a, ahih kei leh, President Rule om mun mahmah ding in kilang hi. Tuateng banah, Minister dinmun len ding toh kisai in Parliament in Cabinet Minister leh State Minister om thei dingzah bikhiah chetchet uhi. Hiai in a tup ahihleh, State khantouhna ding ahi hi.
Manipur State ading in hiai Act leh Dan om te thubuai huaitak hiding in I ngiahsun hi. Tu in Congress in MLA 31 nei mah le uh a sungthu uh abuai nasat luat ziak in, CM Ibobi hita leh, a taikhe pawl hita leh, lungmuan huai hetlouh khat in om hi. Mipite haksatna leh a biiktak in a bial mipite uh haksatna theih pih mahmah lou in thuneih utna ziak in, Delhi tualpi kidenna in Congress High Command ah va kunkun uhi. AICC in leng enkhetu (Observer) hon sawl hial mahleh tuni tan in Manipur Politics ah kikhekna bangmah om tuanlou hi. Dissident te pawl in O Ibobi koihkhiak sawm in kiphinnna nei mah le uh, AICC in Ibobi ah muanna liantak nei lai adiam chih theih in om a, CM dia a guanbawl uh, Th Debendra Jiribam MLA (Minister) lah mi thuzohthei lua mi hikhollou ahihna toh Ibobi tung mah ah Centre muanna kinga ding in kilang hi. Huai ziak in Congress Ministry in thuneihna a kituh tuh sung un mipite’n bangzah ta in I na thuak loh a chih te ngaihsut tham ching mahmah ta a, Ibobi bangtan detdou zouding hiam chih leng gen haksa mahmah a, Delhi a ki camp te leng zahlak tak in Innlum hongtung thei ua, tuamah bang in, AICC in Ibobi hum kichi mah le u leng, Ibobi leng pukthei lou ding chihna om tuanlou ahihna ah thuneih kituh-te lak ah mipite a vangtah kha suak zaw bang in kilang thei mawk hi.
www.zogam.com
Lamka, Dec 12: Siamsinpawlpi Diamond Jubilee Grand Finale Count Down Program tuni in thupitak in Churachandpur Government College ah zang uh a, huai ah Chief Guest dia Chial T Phungzathang Minister hoh theikei mah leh aman pawlpi panpihna ding in Rs 50,000 khak hi. Guest of Honour Sumant Singh IAS DC/CCpur in agenna ah, HIV/AIDS toh kisai in pan lak taktak ngaita ahihdan gen in, Rehabillation Building bawlna dia panla ding ahihdan gen hi. Hiai hun ah Chief Host in Rev Vung D Tombing SSPP Patron pang hi. Siamsinpawlpi Life Member te’n Dakpi (Gong) 60 vei tum na nei uhi.
Grace Donnemching in Ph. D ngahthak
Lamka, Dec 12: Miss Grace Donnemching D/o (L) Thangkhanpau Guite of New Delhi in zanzek in Jawaharal Nehru University, Delhi apan in " Marriage rituals among the Paite and Meitei" chih thesis tungtawn in Doctor of Philosophy Degree ngah hi. Dr Grace Donnemching Guite ahihleh, tulel in Delhi Univeristy ah Lecturer hi a, tua banah, Siamsinpawlpi Delhi Joint Headquarters ah President hihna lenlel hi.
NCYCF Sports Meet leh Youth Day zatna om
Lamka, Dec 12: Tuibuang Peace Ground ah tuni in NCYCF Sports Meet 5 veina leh Natinal Youth Day zatna om a, huai ah N Biren Singh YAS/IFCD Minister in Chief Guest hihna toh uap in, TN Haokip Minister PHED in Functional President hihna len hi. Chief Guest in athugenna ah, Kimawlmite’n gamsung su minthang ahihdan gen kawm in, tuailaite’n kimawlna hah bawl ding in hanthawn a, tuabanah, NLCPR Fund tungtawn in Rs 18 Cr bei in Tuibuang ah Full Set Sports Complex bawl hiding in gen hi. Aman agenbehna ah, helpawlte’n leng kimawlna tungtawn a lampi dik tawn chiat ding in ngen a, Churachandpur- Sugnu-Chandel Road State highway a bawl hiding in gen hi. Tuabanah, Functional President TN Haokip in agenna ah, kimawlna toh kisai in mimal kithununna poimoh dan uangtak in gen a, CCpur-Singngat-Singjawl NH 150 A a bawl theih hiding hiam chih Government in enkhe ding ahihdan gen hi. Hiai sports Meet ah team tuamtuam 34 val tel in Football leh Volley ball kimawlna nei uhi. Minister te’n Lamka khopi a nawtsiat ma un Khuga Dam Canal “L&R’ etkhiakna va nei malam uhi.
Lion Club of Greater CCpur honkhiakna om
Lamka, Dec 12: Synod Hall, IB Road ah tuni in Lion Club of Greater Churachanpur kichi honkhiakna Mr Lion MP Agarwal, MJF Distrct Convenor, Lion Club International District 322-D in honkhiakna nei a, Member te kichiamsakna nei zui ngal hi. Hiai hun ah 2008-’09 sung vaipaw ding in N Lhungdim IRS 9(Rtd) President ding in guang uh a, Vice President ding in Dr LF Tusing, T Gouzadou Ex Minister leh Rev Khen P Tombing banah, Secretary ding in Prof LS Gangte, Joint Secretary ding in, Ms Lalroutpui Pachhuau guang ua, Treasurer ding in Inderpal Singh, Joint Treasurer Elder Songlianthanga leh Chairman Public Relationship ding in Vanlallien Haokip guang uhi.
Gypsy accident ah mi 1 si
Lamka, Dec 12: Tuni sunma dak 10:30 vel ding in Tuima a pan gamla lou Thuangtam phakma ah Gypsy gari khat in tuahsiatna tuak in, huai ah Mr Kamsonlian (23) S/o Mr Chinkhanzam Valte of Bungmual, New Lane in sihna tuak hi. Thusuak in ataklatna ah, hiai Gypsy ah mi 6 tuang uh a, Tuima lui nihna atun un lampi khang Feet 120 ah lengkhe suk in, gari leng 7 vei val kilep hi’n kigen hi. Hiai hun ah midang 4 in leng liamna tuak uh a, amaute ahihleh, Mr Ginkhansiam (20) S/o Paukhothang of Khazang Village, Mr Sangmuan (21) S/o Thangchinlal of Sumtuh Village, Mr Lianzangam (24) S/o Vungkhosiam of Sinjawl Village leh Lamlunmang (20) of Gangpimual te’n liamna tuak in Lamka Damdawi Inn ah etkol in om lel uhi. Sihna tuak Mr Kamsonlian luang zingchiang in Bungmual Hanmual ah vuiliam hiding hi.
HEADLINES:
North East ah Human Rights bohsiatna thupitak om
Guwahati, Jan 12: Khovel in Human Rights kichi a buai pih mahmah lai in, India gamsung North Eastern state te leh Jammu and Kashmir ah Human Rights kichi buaipih in ana om saam a, Dan leh Thupiak enkol dia bawl a om Indian security Forces te’n leng Human Rights naktak in ana bohsia uh chih chiang mahmah hi. India ki ukna nuai ah Security Forces toh kisai in Unified Command kichi oma, huai nuai ah forces tuamtuam ana om sawn in, amaute galmuanlouhna mun te ah thuneihna sangtak piak ahih dungzui un, ut leh dah in ana gamtang sek uh a, Armed Forces Special Power Act kichi Jammu and Kashmir banah Northeastern state te ah zat in om a, a biiktak in Manipur in AFSPA 1958 kichi naktak in buaipih in om lel hi.
Thusuak in ataklatna ah, India malsuah bial te ah Human Rights bohsiatna uang deuhdeuh in, mipite kiphinna leng chi tuam hiaihiai hi’n kigen hi. India gamsung ah Security Forces te’n Human Rights a bohsiatna u toh kisai in 1994 apan tuni tan in case 1,318 registered in om a, huai lakah, India Malsuah bial a biiktak in Manipur, Assam leh Nagaland ah case 384 kibaang zou hidan in kigen hi. Sepaihte tung ah ngohna tuamtuam tam mahmah in, himahleh, sepaih te’n hiai case te ginatakin enzui lou uh hi’n kigen a, Jammu and Kashmir ah case 903 lel enzui in, North East ah Case 366 lel enzui uh hi’n kigen hi.
Hiai toh kisai in thil lamdang mahmah khat piang a, sepaih te’n Human Rights nasatak a a bohsiatna uah case 2000 phial kibulh mah leh, case 54 lel thudik ahi chi’n pom uhi. Huai bel, 4.26 per cent lel tungpha chih na suak hi. Tuni in National Human Rights Commission leh Assam State Human Rights Commission te saina in Guwahati ah National Seminar thupitak khat neih in om a, huai ah “ Social Justice, Human Rights and 21st Century” chih thupi a zat in om a, India sepaihte’ sik le tang in Brigadier Arun Gupta in huai hun poimoh va uap hi. Ni 2 daihding seminar ahihleh, NHRC Chairman PC Sharma in honkhiakna nei a, zingchiang in ‘Security forces and human rights’ chih thupi zangin houlimna omlai ding hi’n kigen hi.
Brig Gupta in agenna ah, maban ah Sepaihte’n Human Rights a bohsiat lai ngeingei ua leh, kuapeuh in HR cell ah tun pahpah dingin leng ngetna bawl hi. Army in ahihleh, Human Rights bohsiatna ziak in, Jammu and Kashmir ah tuni tan in, a sepaihte uh, 113 gawtna peta ua, minautang tung a hiamgam lou dia kithu hilhna leng amau sung ah neih hilel hi’n kigen hi.
EDITORIAL:
Ibobi bangtan detdou zouding hiam?
Manipur Politics I chih thil lamdang tak hi a, Journalist tamtakte’n Manipur toh kisai nalh pipi in gelh ua, thamlou in, nidang hun in Cartoonist te’n State paper te ah chiamnuih bawlna ding in zangsek uhi.
Kumlui 2007 in Manipur State Assembly Election I nei naihnaih a, Singtang gam apan MLA 20 telkhia in, Phaizang gam apan 40 I tel khia hi. Amaute’n March 2007 in kichiamna hon nei ua, tua zoh in Congress makaih in Secular Progressive Front kichi minvuah in Government bawlkhiak in hong om hi. Government March kha apan tunding khiak himahleh, June/July kha vel apan buaina neuhneuh hong tuak tou ngal in, September 2007 lak in sukveng in hong om hi.
Huai hun lai in, Manipur Pradesh Congress Committee President Gaikhangam makaih kiphinna (revolt) khat hong om chih Newspaper te leh mipite theih dan ahi. Himahleh, bangchi hiam hiam in hong ki khem lungdam ua, MPCC Chief in Congress sungthu ah buaina bangmah omlou in, Media te report khelh hidan peuh ngoh sawm maimah in hong om kha hi. Sapte thupil in, a vom chuh avom ahi a, angoupen leng angou mah ahi tawn tung hi a chih pian deuh in, November kha apan Manpur Government buai chih tak in hong buai nawn hi.
Congress makaih SPF Government ah Gaikhangam in Cabinet Minister tanpha hon len man mahleh, Congress High Command deihna bang in chih ziak in Minister dinmun pe’n nawtsiat sak in hong om a, MPCC Chief letsak in hong om hi. Gaikhangam in lungkimlouhna neiden hia ahih kei leh, bang chi dan hiam chih theih louh ding in tutung in iim vualnawn louh in Congress MLA te lak ah dissident chih bang hong om in, New Delhi tanpha ah ki camp uh a, Mipite’ dia bil doh louh theihlouh khat in hong om hi.
Nidang hun enkik zual ta le hang, Veteran Congress Leader leh tulel la Rajya Sabha MP Rishang Keising chauh Opposition ah atut khak hun hong om ngei a, huai hun in Radhabinod Koijam in Chief Minister hihna a hon leen hi. MLA 60 om na lak ah MLA 59 te Ruling ah om a, Opposition bench ah MLA khat lel a tut ding chih mihing te ngaihtuahna ah thil haihuai tak ahi a, khovel theih in thil mak taka hi nawn hi. Huai in bang gen ut hiam I chih leh, Manipur Politician te gilkialna, Power hungry ziak ahi chih a chian sak na in, sakol a langlang a tai mah bang in, thuneih ut na leh Minister utna ziak in dinmun kip neilou in hong om ua, himahleh, Rishang bel principle neitak in a tutphah nawnse lou in party ading in ana om hi.
Hun hong paitou zel in, Manipur Politics ah thil lamdang taktak ahong tungtou zel a, kum tamtak paisa apan I na chiindan uh tu in I lak ah ahongtung nawnta hi. Ahihziakin, Parliament in Act hoihtak khat hon passed in, MLA/MP kuamah in telching a a om na party uh nawsia in party dang zomthei nawnlou ding uh a chih utoh kiton in, State tamtak te ading in buaina ahi a, Manipur ading in buaina biik ahi I chi hi. Hiai Act leh Dan pen bawl hikei leh, Manipur ah Government ding lai puuk mun mahmah ding a, ahih kei leh, President Rule om mun mahmah ding in kilang hi. Tuateng banah, Minister dinmun len ding toh kisai in Parliament in Cabinet Minister leh State Minister om thei dingzah bikhiah chetchet uhi. Hiai in a tup ahihleh, State khantouhna ding ahi hi.
Manipur State ading in hiai Act leh Dan om te thubuai huaitak hiding in I ngiahsun hi. Tu in Congress in MLA 31 nei mah le uh a sungthu uh abuai nasat luat ziak in, CM Ibobi hita leh, a taikhe pawl hita leh, lungmuan huai hetlouh khat in om hi. Mipite haksatna leh a biiktak in a bial mipite uh haksatna theih pih mahmah lou in thuneih utna ziak in, Delhi tualpi kidenna in Congress High Command ah va kunkun uhi. AICC in leng enkhetu (Observer) hon sawl hial mahleh tuni tan in Manipur Politics ah kikhekna bangmah om tuanlou hi. Dissident te pawl in O Ibobi koihkhiak sawm in kiphinnna nei mah le uh, AICC in Ibobi ah muanna liantak nei lai adiam chih theih in om a, CM dia a guanbawl uh, Th Debendra Jiribam MLA (Minister) lah mi thuzohthei lua mi hikhollou ahihna toh Ibobi tung mah ah Centre muanna kinga ding in kilang hi. Huai ziak in Congress Ministry in thuneihna a kituh tuh sung un mipite’n bangzah ta in I na thuak loh a chih te ngaihsut tham ching mahmah ta a, Ibobi bangtan detdou zouding hiam chih leng gen haksa mahmah a, Delhi a ki camp te leng zahlak tak in Innlum hongtung thei ua, tuamah bang in, AICC in Ibobi hum kichi mah le u leng, Ibobi leng pukthei lou ding chihna om tuanlou ahihna ah thuneih kituh-te lak ah mipite a vangtah kha suak zaw bang in kilang thei mawk hi.
www.zogam.com
No comments:
Post a Comment