Leitungah minamkim phial in minam ki melcina, gam khat ki meelcina lim (Emblems) khat ciet ana ki nei ngimngiama USA te aki meicina in muvanlai lim ahihi. Kawlte minam kimelcina in Utong lim ahihi. Ei Zomi te in vaphual ih zangh vuh hi. Tami vangphual pen vanam te lah pan in gol pen, meel lawm pen cina lam a nakila hilouzaw in Mihing te banga tahpanna leh muan huai na lung tang aneizieh ahizawhi. Tami vaphual te in zi leh ta neina vai aha pendang mama vuha ettehuai ahihi. Tungleeng vanam dang te tawh kibang lou in mihing te mabang in lawm kingai thei-in mou aki lathei vuh hi. Twazieh in Khangluite in tambang in sannemla ana phual vuh hi.
(a) Phualva moukou hing leeng e vanlaizawl ah ngainou eima mabang dei lungta macieng suan lawm aw ee.
(b) Mual ni thum sun donlei lenvuikai ta nata vang ngai na tong dam san namaw'ng lawm aw ee.
Tambang dan tawh vaphual te in vasa kim lai ki it kingaina, kinunna leh mou ana kilah thei na te ban ah, Tahpanna leh Muanhuaina lung tang tawh kisipi ngam na cieng dong ki it na anei zieh vun ih Pu ih Pa' te in ana thupi sim mama vuh hi. Ei Zomit te zongh a thuman zuau leh nal agen ngailou te thuman leh Dihtatna a pom te ih hi zieh in, ih minam melcina ding in Vaphual lim tam bang dan a na ki pom ahi hi.
Ciem aitui na kidawn hi
Ih Pu te Ih Pa te in Zuau leh nal kici mawngmawng pen akam pan un ana gen ngai sih vuh a midang te zong ana sol ngai sih vuh hi. Bangkhat pou a zuau thu gen khat aop cieng in Aituidawn a kiciemna, Thaulawng sung ah tuidawn a kiciemna, gunlilai ah suang kaang tang lahna tawh kiciemna, Suangpeta kiciem na te ana bawl vuh hi. Aituidawn a kiciem ih ci tah cieng in Kazuau leh kanalthu ka gen tah leh ci-in siempu te mai ah ana kiciem zaw cieng un aphuisamsa ciemaitui na ki dawn sah hi. Ciemaitui kici pen siempu te'n ana phuiisam sa, vompi hatang humpi hatang, kamkei hatang, ngal hatang te tui a kidie pen gen nuam ahihi. Kazuauthu kanal thu ka gen tah leh tambang sapi te khat penpen in ei mumu na ah ei pet ta hin len galhang sahang ah kalou ngam hi cia aki ciem ngam zaw cieng vun ciem ai tui na ki dawn sah pan hi. Zuau leh nal thu agen te in silaw tah pi vuh hi. Tam bang dan tawh khang lui lai a aitui dawn na leh suangkaang peta ki ciem na pen atangtung ana kisawng va lon ahi hi.
Revd. Job Thawngno in alai gial na khat ah tuhun lai ih Zomi te hin khua ah Tahpanna leh muanhuaina te ei Zomi te sung ah om nawn lou hi. Tapidaw thu ih zui masang lai a ih nei vuh dihtatna ahi ih Zomi hina pen Tapidaw ih sua zaw cieng a ei te in mansua kia ding ci pen zum huai da huai lua diong hi anci pen khua ngai huai mama kasa hi.
vaphual ih elngat ta vuh hi
Vaphual lim vuh ih elngat kha ta vuh amah?
Tulai cieng in inn lam sum hah ding te Pastor te leh kapiengtha hi acinuam zaw deuh te ei kipuasah ngam nawn lou hi. A jieh pen Dihtatna ih nei lou zieh ahi hi. Christian thuzui mi te kim lai sum-le-pai lam ah gensiet abaang mi ki tam mama ta hi. Minam leh Pawlpi makai ding te ih hi vuh a hinanlezongh Gambling tawh sumsuina te phamaw ih sa vateh nawn sih vuh hi. Zukham ankham sa in Biehinn akai zongh ki om takon hi. Lungtom thangpai sapi'n pulpit siengthou ah thu ih gen thei va giap lai vuh hi. Pasien sum ahi "Tithe" Sawm ah khat ih pie tasih vuh hi. Tep-le-muam lam ah ih ki hungla doh vuha, zi leh ta tung ah it na leh thumanna anei mi ki tawm mama ta hi. Ih Pawlpi dan banga ih kalsuan zoulou na te, kum cin khawmpi thu passed om banga, ih zui zoulou na te leh khua cin ih satan Target (sum) ih khieh lou na te leh tambang thute ang pien theina pen Zomi te lai ah Dihtatna, Tahpanna leh Muanhuaina te ih nei lou zieh ahi hi. Zo gam Pawlpi khat-le-khat ih kikal ah ih kithupi simna te vuh tawm seng ta luo kasa hi. Ih Vaphual lim vuh ih elngat kha ta vuh amah? Dihtatna om lou Tapidaw hinkhua pen agammang ih hi khinkhien vuh hi. Tapidaw hinkhua amansuo ih hi vuh hi.
Ih minam ih Pawlpi ei zieh in mai zum ding hi. Bang hilezong mihing ih hi cieng in kikhiel thei hi ci ta vai. Khielna bawlbelap nawn sih vai. Khat-le-khat khial kingai dam theivai. Jesu ih ci-in Thutah ahia Dihtatna tawh kizom ahi bou hi. "Kei lampi leh Thutah leh Hinna khu ka hi". John (14:6) ana ci hi. Ama a um leh agingta ei te in athutah na leh a Dihtatna ih hinpi ton ding vuh ahibou hi.
Ih cinlana te leh ih Dihtat lana atuamtuam te tami kumlui (2007) tawh mualliem sah ciet ta vai. Ang tung ding (2008) kumtha sung ah ih lungsim te vuh beela zu bang in kipua pha ciet a Dihtatna te ih duang ah puan bang a silh piengpan lunlai Zomi te ei kici na ding in hanlung sial ciet vai. Pasien in a thu gualzaw ta heh.. Amen..
By: Revd. Ai Lien Mang
www.pu-zo.com
(a) Phualva moukou hing leeng e vanlaizawl ah ngainou eima mabang dei lungta macieng suan lawm aw ee.
(b) Mual ni thum sun donlei lenvuikai ta nata vang ngai na tong dam san namaw'ng lawm aw ee.
Tambang dan tawh vaphual te in vasa kim lai ki it kingaina, kinunna leh mou ana kilah thei na te ban ah, Tahpanna leh Muanhuaina lung tang tawh kisipi ngam na cieng dong ki it na anei zieh vun ih Pu ih Pa' te in ana thupi sim mama vuh hi. Ei Zomit te zongh a thuman zuau leh nal agen ngailou te thuman leh Dihtatna a pom te ih hi zieh in, ih minam melcina ding in Vaphual lim tam bang dan a na ki pom ahi hi.
Ciem aitui na kidawn hi
Ih Pu te Ih Pa te in Zuau leh nal kici mawngmawng pen akam pan un ana gen ngai sih vuh a midang te zong ana sol ngai sih vuh hi. Bangkhat pou a zuau thu gen khat aop cieng in Aituidawn a kiciemna, Thaulawng sung ah tuidawn a kiciemna, gunlilai ah suang kaang tang lahna tawh kiciemna, Suangpeta kiciem na te ana bawl vuh hi. Aituidawn a kiciem ih ci tah cieng in Kazuau leh kanalthu ka gen tah leh ci-in siempu te mai ah ana kiciem zaw cieng un aphuisamsa ciemaitui na ki dawn sah hi. Ciemaitui kici pen siempu te'n ana phuiisam sa, vompi hatang humpi hatang, kamkei hatang, ngal hatang te tui a kidie pen gen nuam ahihi. Kazuauthu kanal thu ka gen tah leh tambang sapi te khat penpen in ei mumu na ah ei pet ta hin len galhang sahang ah kalou ngam hi cia aki ciem ngam zaw cieng vun ciem ai tui na ki dawn sah pan hi. Zuau leh nal thu agen te in silaw tah pi vuh hi. Tam bang dan tawh khang lui lai a aitui dawn na leh suangkaang peta ki ciem na pen atangtung ana kisawng va lon ahi hi.
Revd. Job Thawngno in alai gial na khat ah tuhun lai ih Zomi te hin khua ah Tahpanna leh muanhuaina te ei Zomi te sung ah om nawn lou hi. Tapidaw thu ih zui masang lai a ih nei vuh dihtatna ahi ih Zomi hina pen Tapidaw ih sua zaw cieng a ei te in mansua kia ding ci pen zum huai da huai lua diong hi anci pen khua ngai huai mama kasa hi.
vaphual ih elngat ta vuh hi
Vaphual lim vuh ih elngat kha ta vuh amah?
Tulai cieng in inn lam sum hah ding te Pastor te leh kapiengtha hi acinuam zaw deuh te ei kipuasah ngam nawn lou hi. A jieh pen Dihtatna ih nei lou zieh ahi hi. Christian thuzui mi te kim lai sum-le-pai lam ah gensiet abaang mi ki tam mama ta hi. Minam leh Pawlpi makai ding te ih hi vuh a hinanlezongh Gambling tawh sumsuina te phamaw ih sa vateh nawn sih vuh hi. Zukham ankham sa in Biehinn akai zongh ki om takon hi. Lungtom thangpai sapi'n pulpit siengthou ah thu ih gen thei va giap lai vuh hi. Pasien sum ahi "Tithe" Sawm ah khat ih pie tasih vuh hi. Tep-le-muam lam ah ih ki hungla doh vuha, zi leh ta tung ah it na leh thumanna anei mi ki tawm mama ta hi. Ih Pawlpi dan banga ih kalsuan zoulou na te, kum cin khawmpi thu passed om banga, ih zui zoulou na te leh khua cin ih satan Target (sum) ih khieh lou na te leh tambang thute ang pien theina pen Zomi te lai ah Dihtatna, Tahpanna leh Muanhuaina te ih nei lou zieh ahi hi. Zo gam Pawlpi khat-le-khat ih kikal ah ih kithupi simna te vuh tawm seng ta luo kasa hi. Ih Vaphual lim vuh ih elngat kha ta vuh amah? Dihtatna om lou Tapidaw hinkhua pen agammang ih hi khinkhien vuh hi. Tapidaw hinkhua amansuo ih hi vuh hi.
Ih minam ih Pawlpi ei zieh in mai zum ding hi. Bang hilezong mihing ih hi cieng in kikhiel thei hi ci ta vai. Khielna bawlbelap nawn sih vai. Khat-le-khat khial kingai dam theivai. Jesu ih ci-in Thutah ahia Dihtatna tawh kizom ahi bou hi. "Kei lampi leh Thutah leh Hinna khu ka hi". John (14:6) ana ci hi. Ama a um leh agingta ei te in athutah na leh a Dihtatna ih hinpi ton ding vuh ahibou hi.
Ih cinlana te leh ih Dihtat lana atuamtuam te tami kumlui (2007) tawh mualliem sah ciet ta vai. Ang tung ding (2008) kumtha sung ah ih lungsim te vuh beela zu bang in kipua pha ciet a Dihtatna te ih duang ah puan bang a silh piengpan lunlai Zomi te ei kici na ding in hanlung sial ciet vai. Pasien in a thu gualzaw ta heh.. Amen..
By: Revd. Ai Lien Mang
www.pu-zo.com
No comments:
Post a Comment