T. Nengkhogin luang muh in om
Lamka Sept 3: Mr. T. Nengkhogin (65) F/o. T. Nengthang, VLW, SDO/Thanlon of Rengkai apaisa August 28, 2007 a inn apan pawtkhia inn a tunkiiklouh ziak a hun bangtan hiam zon ahihnung in tuni’n sisa’n aluang Tuithalui ah muhkhiat in om hi.
Thukiza dan in tuzing dak 9:00 vel in Tuithapi naupang school kai dia kuante’n Tuitha in siluang a taih mu in pawlpi tuamtuam toh kithuah in a inkuante’n delhjui ngal uhi. Saidan Lei kiang leh Tollen khua ah ah siluang tui in a taih mu ua, himahleh tui hatluat ziak in lakkhe theilou uhi. Hunsawt kawmtak buaipih ahihnung in sunnung dak 2:20 vel in Minjang khua tuitha lei ah lakkhiat ahihnung in siluang pen Mr. T. Nengkhogin ahihlam chet a om in Lamka Damdawi Inn Morgue ah Post mortem ahihnung in a innkuanpihte kiangah piakkhiat in om hi.
Misi bel aman ni a thah hiding a gintak hi a a taklam khutngawng tansak ahihbanah a a ngawng a heeklup hidan in Postmortem bawltu doctor in gen hi. Mr.T. Nengkhogin bel Teacher Pensioner hi a Pensionerte lemlak ding toh kisai a a tenna khua Leizangphai a pan hongzin hi a Rengkai a atapa inn a kinga ahi. Amah lungsim vengchiahlou hi a August 28, 2007 zing annekzoh dak 9 vel a azi toh Hmarveng a Pastor Thachuoilo te inn a hoh dia pawt uh hi a ahohnate uh toh a zi kihoulium kal a na pawt khia khia inn tungkiiknawnlou hidan in atapa T. Nengthang in gen hi. Hichibang a puteek/mi upa banah lungsim a mibangloute tung a huhamtak a gamtatna omsek in mitamtak lungphawng sak hi. Siluang bel than in pumtuam in a taksa mun tamtam nesia hi’n leng thutut kingah hi.
ZRF in KNO toh kizopna sutkhia
Lamka Sept 3: Zomi Re-Unification Front (ZRF) a C-in-C PS Hangsing in suai akaih Press Release kimu in ataklat dan in September 2, 2007 apan in ZRF pen Kuki National Organisation/Kuki National Army toh kipawl/kizom nawnlou ahihdan leh ZRF in amau maban ding kingaihtuah ding ahihdan taklang hi.
Thusuak in a taklatna ah, mimal hi’n pawlpi hitaleh kuamah ZRF sungthu ah kigolhlou ding a theisak kawm in Mediate’n ZRF toh kisai ZRF C-in-C theihpihlouhte pomlou ding in theisak hi.
Revenue Rs. 1,18,029 mu
Lamka Sept 3: District Transport Office/CCpur in apaisa August 2007 kha sung in Revenue/Tax tuamtuam amuhkhiat uh gawmkhawm in Rs. 1,18,029 pha hi. Huaibanah August 2007 sung in DTO/CCpur ah gari tuamtuam gawmkhawm 26 in Registration bawl ua, tuate bel Truck 1, Jeep 1, Car 2, Bike 4, Scooter 1 leh Moped (activa/ kinetic etc.) 17 ahi. April 2007-August 2007 kikal sung a a Revenue muh teng uh gawmkhawm in Rs. 8,37,389/- phazou hi.
Guta 1 mat in om
Lamka Sept 3: Lamka Damdawi Inn a OPD Building kibawlthak apan CI Pipe/tuilawng 5.6” asau 2 gutu Mr. Thangliankham (23) S/o.(L) Vanlalringliana of Vengnuam New Lamka apaisa September 1, 2007 zing dak 6:00 vel in Damdawi inn a Watchman Duty te’n mankhia uhi.
Hiai guta Lamka Police khut ah mat ahihni mah in piakkhiat in om a Police in zan in Magistrate ma ah dinsak in om a, Magistrate in ni 5 sung Police Custody a omding in thutankhum hi.
Staff Meeting nei
Lamka Sept 3: District Agriculture Officer/CCpur makaih in tuni sunma dak 11:00 in a Office uah Monthly staff meeting nei uhi. Hiai meeting zoh in Staff teng in Khuga Dam pha in etkhiatna nei ua huaizoh in Rengkai ah annekkhawmna nei uhi.
Damlou tamtak ki-ensak
Lamka Sept 3: Lamka Damdawi Inn ah apaisa August 2007 sung in natna tuamtuam nei damlou 6427 in Out Patient Department ah ticket la in ki-ensak uhi. Huailou in Casualty ah natna tuamtuam nei 450 vel ki-ensak ua huiabanah Casualty tungtawn in damlou 746 te August 2007 sung in Lamka Damdawi Inn ah admit in om uhi.
TO kaailouh ziak in tamtak buai
Lamka Sept 3: Finance Department in semtute’n August 2007 khaloh/pensioner loh laktheih ding order a suahkhittak dungjui in tuni’n Treasury Officer/Ccpur in DDO 4 pay bill passed sak hi. Pensioner 100 vel Bill leng passed sak hi. Treasury Officer/Ccpur bel Tuibuang a Office kailou a innpansan a nna asep ziak in loh ladingte’n haksatna lianpi tuak uhi.
Malaria vei 19 mukhia
Lamka Sept 3: District Malaria Office/CCpur a Malaria Clinic ah August 2007 khasung in damlou tuamtuam sisan lakkhawm /Blood Slide Collection uh 329 phazou hi. Hiaite etchetna aneihna uah mi 19 te sisan ah Malaria om ahihdan musuah ua, huaite bel PF 15leh PV 4 hidan in mukhia uhi.
Teacher Award sang ding
Lamka Sept 3: September 5, 2007 chiang in gamsung a mun tuamtuam ah Teachers day lopna neih hiding hi. Imphal a GM Hall ah leng State Level in Teachers day lopna neih hiding a huai ah State level a teachers award tuamtuam hawmkhiatna neih hiding hi.
Thutut kingah dan in, Mrs. K. Lalbiakthuami, Headmistress, Vungzagen Government High School, Mata leng State Level Secondary Teacher Award sang ding telkhiat in om hi. Amah bel CCpur District apan award sangding a teelkhiat omsun ahi.
Painting leh Slogan Competition
Lamka Sept 3: District Blindness Control Society/CCpur saina in ‘Eye Donation’ chih thupi a zang in student te ading in painting leh slogan gelh kidemna omding hi.
Thusuak in a taklatna ah, Painting Competition ah 1st Prize Rs. 1200/-, 2nd Prize Rs. 1000/- 3rd Prize 800/- leh Consolation in mi 3 kiangah Rs. 250/- chiat piak hiding a, Slogan writing Competition ah ah 1st Prize Rs.1000/-, 2nd Prize Rs. 800/-, 3rd Prize 600/- leh Consolation in mi 3 kiangah Rs. 200/- chiat paik hiding uhi. Hiai toh kisai a lunglutte’n mahni kaina school thuneite tungtawn in CMO/CCpur kiangah September 8, 2007 tan in piakliut theih ding hi.
Suunna: Mr. Pauminthang (35) s/o K Gouzagin of Mission Road tuni’n TB ziak in si a, zingchiang in Lamka hanmual ah vui hiding hi.
Zeliangrong leh IRB te kinawktuah
Dimapur, Sept 3(NNN): Zeliangrong mipite leh IRB kal ah kitheihsiamlouhna liantak piang in, huai ah IRB te gari zat khat suksiat in om a, huai ban ah, mi 5 in liamna tuak uh hi’n kigen hi. Thusuak kingah dan in, Dimapur a Dhansari Par mun ah Zeliangrong mite leh IRB pawl kal ah kitheihsiamlouhna liantak piang a, huai ah IRB Personnel te’n leng mipi thangpai khemdaai zoulou in amau mah in thuakloh mai mah hi’n kigen hi. August 28 2007 ni in Zeliangrong mite tenna mun NSCN (IM) pawl in va luh in tenna Inn 30 val va haltum ua, huai thu sousang touzel in tuni in Zeliangrong mipi 10,000 val in lampi zuihna nei ua, NSCN-IM Camp Hebron tan paitung sawm ua, IRB pawl in nan theihtawp in va nang uhi. Paren District sung a Jalukiezandi village a thiltung in NSCN IM sung tanpha su poiding in kilang hi.
Zeliangrong Baudi (Hoho) makaih in tuni in mi pi sangtamtak in lamlian zui uh a, NSCN-IM Headquarters ah lut a, memorandum khat piaklut ding in lemsa uhi. Buaina thupitak a pianding patauhna ziak in DC in IRB te kiang ah mohpuakna pia in, lamlian zuite hawlzaak ding in theisak hi. Camp Hebron tunma deuh a Km 12 a gamla a om Dhansari Par mun ah Zeliangrong mipite leh IRB pawl naktak in kinawktuah uh a, IRB pawl in tear gas leh blank fire bawl khum ziahziah uh hi’n kigen hi. Zeliangrong Baudi makaih a lamlian zui mipite’n IRB pawl kigolh lou ding in ngen mahle uh, buaina thupi sem a pianding lauh ziak in, IRB pawl in kalsuan nawnlou ding in hasuan ua, huai ah kinawktuahna piang in, IRB te gari zatlel khat sawnpuuk leh halsiat in om a, IRB 5 in liamna tuak uh hi’n kigen hi.
Ukhrul District ah mi 10 kaplup in om
Imphal, Sept 3(NNN): Ukhrul district sung munkhat ah tuni in singtangmi helpawl nih kikaptuah uh a, huai ah mi 10 in sihna tuak uh hi’n kigen hi. Thusuak kingah dan in, Ukhrul District sung a mun poimoh mahmah leh khualzinmite ann nekna mun Litan Police station apan Km 30 lel a gamla Tangkhul Hundung village ah zinglam dak 7 a.m apan kikaptuahna om a, kua pawl leh pawl hiam chih bangmah chet om kei mahleh, singtangmi helpawl tuak hidanin bel kigen hi. Police in bel misi zah genchian chiah kei mahleh, thudang khat kiza dan in helpawl 10 in sihna tuak hi’n kigen hi. Thauging leh thiltung te zak ahih toh kiton in Police leh media person tamtak in buaina mun va delh mah le uh menchim om ziak in bangmah tan kal va suan zoulou uh hihtuak hi. Police thusuak dangkhat in agenna ah, singtangmi helpawl khat in passenger gari khat a pimang utoh kiton in singtangmi helpawl dangkhat in va delh in kikaptuahna piang a, huai ah mi 10 in sihna tuahloh uh hi’n kigen hi.
Menchim ziak in Mizoram buai
Aizawl, Sept 3(NNN): Mizoram state sung ah tulai in vuahzu a nasat luat ziak in National Highway 54 main road leng khaktan in om hial a, huai in state mipite su buai mahmah in Aizawl khopi ah leng vanman khang hulhul hi’n kigen hi. Vairengte mun ngial ah menchim thupi mahmah a, mihing thahatna a hon ding vual hilou hi’n kigen hi. Tuabanah, Bilkhawthlir leh Chhimluang kikal ah vuah naktak a azuk ziak in menchim mun 20 val ah om hi’n kigen hi. National Highway 54 khak a om ziak in Aizawl to Silchar road kikawmtuahna buai vek a, Border Road Task Force pawl tamsem sawl lut in om a, JCB leng 20 sawl lut in om hi. Saihapui luipi leng naktak in khang a, tuilou acre 300 a suksiat ban ah, ngakul 50 leng tui in tum a, nga teng tuah mang vek hi’n thusuak in gen hi. Phainuam village ngial ah tuilou buh chih ding om nawnlou khop in tui leet in buh teng taimang hi. Vairengte State Veng ah leng menchip ziak in Inn bangzah hiam suksiat khak in om hi.
MLA tamtak in NCP ticket ngen
Shillong, Sept 3(NNN): Nationalist Congress party (NCP) in February, 2008 election ding toh kisai a party candidate a samlaite min puangkhe ut mahleh, tulel a MLA hilel bangzah hiam in NCP ticket a nget phutziak un hawmkhe theinailou uh chih thusuak om hi. NCP State President Dr.W.Kharlukhi in tuni in Newmai News Network dotna adawnna ah, NCP ticket ngentu tam mahmah a, tulel a mi poimoh leh MLA hilel bangzah hiam in NCP ticket adeih tinten ziak un, NCP ading in buaihuai mahmah a, khanawn vel in amin uh puankhiak hiding a, tulel in puankhiak theih mawk hinailou ahi chi hi. MLA 3 vei hial hita, P.M.Syiem in leng NCP ticket ngen a, Jaintia Hills autonomous District council (JHADC) Chairman lui Moon light Pariat leh midang tamtak in NCP ticket ngen in buai mahmah uh hi’n kigen hi. Alehlam ah, Meghalaya Congress Pary in AICC headquarter kiang ah Congress ticket ngen mi 120 te min pelut khinta uh ahihdan puang leuleu uhi.
KSO leh ZU in ngen
Imphal, Sept 3 (NNN) : Kuki Students Organisation, Sardar Hills leh Zeliangrong Union Tamei Zone pawl in Government ah phutna nei in, Imphal Tamenglong Road lampi puahhoih ding in phu ua, menchim ziak a mipite buaina ngaihven kinding in zasak uhi. IT Road a om Turibari area, Thonglang Akutpa leh Thonglang Atongba ah menchim thupitak a om ziak in ni 4 paisa apan gari tainai lou hi.
Guv leh CM apat message
IMPHAL SEPT 3: Krishna pianni Sept 4, Janmastami ahih toh kituak in, Manipur Governor Dr. SS. Sidhu leh Chief Minister O. Ibobi Singh ten Manipur mipi kiang ah Krishna Janmastami thupuak khak uhi. Hiai thusuak tegel in ataklat dan in, khovel pumpi a thil hoihlou omte khovel thak bawlna dia justice, equality leh fair play omsak ding chihte Lord Krishna sinsakna ahihdan taklang uhi. Hiai ni zat ahih toh kituak in, khovel haksatak lak a muanna, kituahna lemna om ding deih thu leng taklang uhi.
Panchayat election ding husa om panpan ta
IMPHAL SEPT 3: Manipur phaizang bial a Panchayat election Sept 19 a om ding toh kisai in,candidate ten' mun tuamtuam ah tulai in vote zon kisan mahmah ta a, mun tuamtuam ah, inlut a vote zonna leh poster takna hah bawl mahmah uhi.
Hiai election ding bel, State Election Commission nuai a neih hiding chih a, Panchayat/Zilla Parishad 61 telna ding ah, Imphal West 15, Imphal East 19, Bishnupur 11 leh Thoubal ah 16 ahi. Hiai a candidate 327 omte lak ah, numei 125 leh pasal 202 pha hi.
Pradhan/Gram Sabha 122 teelna ding ah, Imphal East(I) ah 25 (II) 25, Imphal West 28, Bishnupur 12, Thoubal 27 leh Kakching ah 15 ding a, hiai adingin candidate 558 phazou a, tuate lak ah numei 168 leh pasal 390 ahi.
Huailou in, member 1815 leng tel hidinga, tuate bel, IE ah 490, IW 490, Thoubal 484 leh Bishnupur 219 ding ahi. Tutung phaijang bial a Panchyat election neihna ding ah Chandel district sunga khua 10 vel atelkhak jiakin KSO leh ANSAM in, tua khuate a hichibang election omtheilou dingin thupuan bawlta ua, huailou in, Sadar hills sung mun khenkhat ah leng hichibang election neihna ding mun telkha om a, hichibangte autonomous district council om ahihman hitheilou ding chih leng pawl tuamtuam in thupuan bawlta uhi.
Gorkha Welfare Union thusuah lungkim lou
IMPHAL SEPT 3: Kuki Youth Federation, GHQ a President, CS Khongsai in tuni a thusuah abawlna ah, apaisa August 25, 2007 a Sangai Express daily a Manipur Gorkha Welfare Union in thusuah abawl ngaikhawk mahmah ahihdan taklang hi.
Hiai KYF thusuak dan in, Manipur Gorkha Welfare Union in thusuah media tungtawn a abawlna uah, 'Manipur govt. in Sadar Hills sunga Panchayati Raj system introduce abawl kipahhuai asak dan uhleh nomenclature 10-Kanglatongbi Zilla Parisahd pen 10-Kalapahar Zilla Parisad dingin leng govt. ngen uh chih ahi.
State govt. in local self government nih om dia thupuan abawl, Sadar Hills mite’n a deihlouh lai ua, Gorkha Union in hichibang a thusuah a bawl KYF in vangtah huai asakdan leng thusuak ah taklat in om hi.Govt. in Sadar Hills sunga communal kal a kitheih siamlouhna piansak sawm hiam chih leng KYF in dotna bawl hi. KYF thusuak in ataklatjelna ah, Imphal West district sunga election neih ding dalna omkei mahleh Sadar Hills a District council administrative system omsa ahihman hiai sunga neih bel hitheilou ding chih ahi. Hichibang kal ah, Gorkha Welfare Union thusuah pen dan dungzui in leng thudik hithei ngeilou ding hi. Panchayati Raj system toh kisai a Gorkha Welfare Union dinmun pen Sadar hills sunga Kuki namte chouna hidan in leng KYF in la hi. Nepali te MLA dia teelching ahih theihna uh omsun leng Sadar Hills sung hilou hiam chih leng KYF in dotna bawl hi. Hiai tan dinmun ahihna ah GWU in a dinmun uh zukkik ding uh, ahihkei leh pawl nih kal a, a sia-a-pha atun leh amoh GWU in apuak ding uh hidan in leng KYF thusuak in taklang hi.
Mun 4 ah transport survey zou
IMPHAL SEPT 3: Planning Commission of India thupiak dungzui a, Manipur govt. nuai a Planning department in, Manipur a check post 5 a total transport survey bawl hiding achih dungzui in, mun 4, Kwakeithel near Tedim ground, Kakwa bazaar, Lamlong leh Tera bazaar munte ah August 31 apat zan tan in zoh hita chih Planning Director thusuak om hi.
Himahleh, Mantripukhri check post ah bel, Senapati district sunga student organisation te indefinite bandh omziakin transport survey zoutheih nailouh in om hi. Hiai mun a survey na dia ahun kisuan pen, September 6, zinglam dak 6 apat Sept. 8, zinglam dak 6 tan dakkal 48 sung neih dingin bikhiah thak ahi.
Kum 9 govt. nasep nungin tawpsak om
IMPHAL SEPT 3: KSO GHQ in tuni a thusuah abawl na uah, tuni a hiai pawl in Information centre, Haokip Venga emergency meeting a neihna uah, Miss Achong Haokip Rural Labour Inspector in, asepna apat govt. in August 27, 2007 a relieved bawl, tawpsak ahihdan complaint abawl toh kisai genkhomna nei uhi.
Hiai thusuak taklat dan in, Miss Achong Haokip in 28th September, 1998 kum in DPC tungtawn in hiai sepna ngah a, Govt. appoitment order, notification No.Lab/48/83(CA)Vol.IV Dated, the 14th Oct. 1998 chih ahi.
Hichibang a kum 9 bang govt. nasepna neih nunga tawpsak chih KSO GHQ in nopsak louh thu taklang in, bang jiaka amah toh recruitment process a teldang tawpsak omlou a amah tawpsak hiam chih dotna leng govt. ah bawl uhi.
Hichibang thilhih in, khentuam nei leh thil niin govt. sunga om chih kichian hidan in leng KSO thusuak in taklang hi.Official recruitment norms teng zoh nunga semtu dia lak leh kum 9 bang semsa hichibang a paikhiak chih thil omthei hiam chih leng KSO in dotna nei hi. Hiai toh kisai a kigolh Commissioner (Labour) in Miss Achong Haokip asepna paikhkhiak ahih revoke thak ding leh akisaipih dangte tunga action ladingin theisak uhi. Miss Achong paikhiakna dia kuate hiam kithukim uh hiding in leng KSO in muangmoh hi. Thudik kichiantak kintak a latsak ahihkei leh KSO dai dide lou ding hidan in leng KSO a Information and Publicity Wing thusuak in taklang hi.
Thudangkhat ah, KSO GHQ in apaisa Aug 31, 2007 ni a MACS a Project Director Dr. T.R. Kom In Langol a phaijang helpawl khenkhat in granade a vapiak uh mohpaih kawm in, a kigolh helpawlten a jiak a hilhchetna bawl dingin leng ngetna nei uhi.
Workshop a teldin zin
IMPHAL SEPT 3: Kolkata a Mahanirban Research Group te saina nuai ah, Kolkata mun ah, September 3-6 sung 'Internal Displacement in India' chih toh kisai Workshop om ding hi. Manipur a displacement toh kisai hiai hun a paper present dia chial ahihbangin, Imphal Free Press apat Thingbaijam Dhamen in tuni'n Kolkata zuan in zin hi.
Thutut kilngahdan in, hichibang workshop bel India a thumvei omna ding hilel hi’n leng kigen hi.
www.zogam.com
Lamka Sept 3: Mr. T. Nengkhogin (65) F/o. T. Nengthang, VLW, SDO/Thanlon of Rengkai apaisa August 28, 2007 a inn apan pawtkhia inn a tunkiiklouh ziak a hun bangtan hiam zon ahihnung in tuni’n sisa’n aluang Tuithalui ah muhkhiat in om hi.
Thukiza dan in tuzing dak 9:00 vel in Tuithapi naupang school kai dia kuante’n Tuitha in siluang a taih mu in pawlpi tuamtuam toh kithuah in a inkuante’n delhjui ngal uhi. Saidan Lei kiang leh Tollen khua ah ah siluang tui in a taih mu ua, himahleh tui hatluat ziak in lakkhe theilou uhi. Hunsawt kawmtak buaipih ahihnung in sunnung dak 2:20 vel in Minjang khua tuitha lei ah lakkhiat ahihnung in siluang pen Mr. T. Nengkhogin ahihlam chet a om in Lamka Damdawi Inn Morgue ah Post mortem ahihnung in a innkuanpihte kiangah piakkhiat in om hi.
Misi bel aman ni a thah hiding a gintak hi a a taklam khutngawng tansak ahihbanah a a ngawng a heeklup hidan in Postmortem bawltu doctor in gen hi. Mr.T. Nengkhogin bel Teacher Pensioner hi a Pensionerte lemlak ding toh kisai a a tenna khua Leizangphai a pan hongzin hi a Rengkai a atapa inn a kinga ahi. Amah lungsim vengchiahlou hi a August 28, 2007 zing annekzoh dak 9 vel a azi toh Hmarveng a Pastor Thachuoilo te inn a hoh dia pawt uh hi a ahohnate uh toh a zi kihoulium kal a na pawt khia khia inn tungkiiknawnlou hidan in atapa T. Nengthang in gen hi. Hichibang a puteek/mi upa banah lungsim a mibangloute tung a huhamtak a gamtatna omsek in mitamtak lungphawng sak hi. Siluang bel than in pumtuam in a taksa mun tamtam nesia hi’n leng thutut kingah hi.
ZRF in KNO toh kizopna sutkhia
Lamka Sept 3: Zomi Re-Unification Front (ZRF) a C-in-C PS Hangsing in suai akaih Press Release kimu in ataklat dan in September 2, 2007 apan in ZRF pen Kuki National Organisation/Kuki National Army toh kipawl/kizom nawnlou ahihdan leh ZRF in amau maban ding kingaihtuah ding ahihdan taklang hi.
Thusuak in a taklatna ah, mimal hi’n pawlpi hitaleh kuamah ZRF sungthu ah kigolhlou ding a theisak kawm in Mediate’n ZRF toh kisai ZRF C-in-C theihpihlouhte pomlou ding in theisak hi.
Revenue Rs. 1,18,029 mu
Lamka Sept 3: District Transport Office/CCpur in apaisa August 2007 kha sung in Revenue/Tax tuamtuam amuhkhiat uh gawmkhawm in Rs. 1,18,029 pha hi. Huaibanah August 2007 sung in DTO/CCpur ah gari tuamtuam gawmkhawm 26 in Registration bawl ua, tuate bel Truck 1, Jeep 1, Car 2, Bike 4, Scooter 1 leh Moped (activa/ kinetic etc.) 17 ahi. April 2007-August 2007 kikal sung a a Revenue muh teng uh gawmkhawm in Rs. 8,37,389/- phazou hi.
Guta 1 mat in om
Lamka Sept 3: Lamka Damdawi Inn a OPD Building kibawlthak apan CI Pipe/tuilawng 5.6” asau 2 gutu Mr. Thangliankham (23) S/o.(L) Vanlalringliana of Vengnuam New Lamka apaisa September 1, 2007 zing dak 6:00 vel in Damdawi inn a Watchman Duty te’n mankhia uhi.
Hiai guta Lamka Police khut ah mat ahihni mah in piakkhiat in om a Police in zan in Magistrate ma ah dinsak in om a, Magistrate in ni 5 sung Police Custody a omding in thutankhum hi.
Staff Meeting nei
Lamka Sept 3: District Agriculture Officer/CCpur makaih in tuni sunma dak 11:00 in a Office uah Monthly staff meeting nei uhi. Hiai meeting zoh in Staff teng in Khuga Dam pha in etkhiatna nei ua huaizoh in Rengkai ah annekkhawmna nei uhi.
Damlou tamtak ki-ensak
Lamka Sept 3: Lamka Damdawi Inn ah apaisa August 2007 sung in natna tuamtuam nei damlou 6427 in Out Patient Department ah ticket la in ki-ensak uhi. Huailou in Casualty ah natna tuamtuam nei 450 vel ki-ensak ua huiabanah Casualty tungtawn in damlou 746 te August 2007 sung in Lamka Damdawi Inn ah admit in om uhi.
TO kaailouh ziak in tamtak buai
Lamka Sept 3: Finance Department in semtute’n August 2007 khaloh/pensioner loh laktheih ding order a suahkhittak dungjui in tuni’n Treasury Officer/Ccpur in DDO 4 pay bill passed sak hi. Pensioner 100 vel Bill leng passed sak hi. Treasury Officer/Ccpur bel Tuibuang a Office kailou a innpansan a nna asep ziak in loh ladingte’n haksatna lianpi tuak uhi.
Malaria vei 19 mukhia
Lamka Sept 3: District Malaria Office/CCpur a Malaria Clinic ah August 2007 khasung in damlou tuamtuam sisan lakkhawm /Blood Slide Collection uh 329 phazou hi. Hiaite etchetna aneihna uah mi 19 te sisan ah Malaria om ahihdan musuah ua, huaite bel PF 15leh PV 4 hidan in mukhia uhi.
Teacher Award sang ding
Lamka Sept 3: September 5, 2007 chiang in gamsung a mun tuamtuam ah Teachers day lopna neih hiding hi. Imphal a GM Hall ah leng State Level in Teachers day lopna neih hiding a huai ah State level a teachers award tuamtuam hawmkhiatna neih hiding hi.
Thutut kingah dan in, Mrs. K. Lalbiakthuami, Headmistress, Vungzagen Government High School, Mata leng State Level Secondary Teacher Award sang ding telkhiat in om hi. Amah bel CCpur District apan award sangding a teelkhiat omsun ahi.
Painting leh Slogan Competition
Lamka Sept 3: District Blindness Control Society/CCpur saina in ‘Eye Donation’ chih thupi a zang in student te ading in painting leh slogan gelh kidemna omding hi.
Thusuak in a taklatna ah, Painting Competition ah 1st Prize Rs. 1200/-, 2nd Prize Rs. 1000/- 3rd Prize 800/- leh Consolation in mi 3 kiangah Rs. 250/- chiat piak hiding a, Slogan writing Competition ah ah 1st Prize Rs.1000/-, 2nd Prize Rs. 800/-, 3rd Prize 600/- leh Consolation in mi 3 kiangah Rs. 200/- chiat paik hiding uhi. Hiai toh kisai a lunglutte’n mahni kaina school thuneite tungtawn in CMO/CCpur kiangah September 8, 2007 tan in piakliut theih ding hi.
Suunna: Mr. Pauminthang (35) s/o K Gouzagin of Mission Road tuni’n TB ziak in si a, zingchiang in Lamka hanmual ah vui hiding hi.
Zeliangrong leh IRB te kinawktuah
Dimapur, Sept 3(NNN): Zeliangrong mipite leh IRB kal ah kitheihsiamlouhna liantak piang in, huai ah IRB te gari zat khat suksiat in om a, huai ban ah, mi 5 in liamna tuak uh hi’n kigen hi. Thusuak kingah dan in, Dimapur a Dhansari Par mun ah Zeliangrong mite leh IRB pawl kal ah kitheihsiamlouhna liantak piang a, huai ah IRB Personnel te’n leng mipi thangpai khemdaai zoulou in amau mah in thuakloh mai mah hi’n kigen hi. August 28 2007 ni in Zeliangrong mite tenna mun NSCN (IM) pawl in va luh in tenna Inn 30 val va haltum ua, huai thu sousang touzel in tuni in Zeliangrong mipi 10,000 val in lampi zuihna nei ua, NSCN-IM Camp Hebron tan paitung sawm ua, IRB pawl in nan theihtawp in va nang uhi. Paren District sung a Jalukiezandi village a thiltung in NSCN IM sung tanpha su poiding in kilang hi.
Zeliangrong Baudi (Hoho) makaih in tuni in mi pi sangtamtak in lamlian zui uh a, NSCN-IM Headquarters ah lut a, memorandum khat piaklut ding in lemsa uhi. Buaina thupitak a pianding patauhna ziak in DC in IRB te kiang ah mohpuakna pia in, lamlian zuite hawlzaak ding in theisak hi. Camp Hebron tunma deuh a Km 12 a gamla a om Dhansari Par mun ah Zeliangrong mipite leh IRB pawl naktak in kinawktuah uh a, IRB pawl in tear gas leh blank fire bawl khum ziahziah uh hi’n kigen hi. Zeliangrong Baudi makaih a lamlian zui mipite’n IRB pawl kigolh lou ding in ngen mahle uh, buaina thupi sem a pianding lauh ziak in, IRB pawl in kalsuan nawnlou ding in hasuan ua, huai ah kinawktuahna piang in, IRB te gari zatlel khat sawnpuuk leh halsiat in om a, IRB 5 in liamna tuak uh hi’n kigen hi.
Ukhrul District ah mi 10 kaplup in om
Imphal, Sept 3(NNN): Ukhrul district sung munkhat ah tuni in singtangmi helpawl nih kikaptuah uh a, huai ah mi 10 in sihna tuak uh hi’n kigen hi. Thusuak kingah dan in, Ukhrul District sung a mun poimoh mahmah leh khualzinmite ann nekna mun Litan Police station apan Km 30 lel a gamla Tangkhul Hundung village ah zinglam dak 7 a.m apan kikaptuahna om a, kua pawl leh pawl hiam chih bangmah chet om kei mahleh, singtangmi helpawl tuak hidanin bel kigen hi. Police in bel misi zah genchian chiah kei mahleh, thudang khat kiza dan in helpawl 10 in sihna tuak hi’n kigen hi. Thauging leh thiltung te zak ahih toh kiton in Police leh media person tamtak in buaina mun va delh mah le uh menchim om ziak in bangmah tan kal va suan zoulou uh hihtuak hi. Police thusuak dangkhat in agenna ah, singtangmi helpawl khat in passenger gari khat a pimang utoh kiton in singtangmi helpawl dangkhat in va delh in kikaptuahna piang a, huai ah mi 10 in sihna tuahloh uh hi’n kigen hi.
Menchim ziak in Mizoram buai
Aizawl, Sept 3(NNN): Mizoram state sung ah tulai in vuahzu a nasat luat ziak in National Highway 54 main road leng khaktan in om hial a, huai in state mipite su buai mahmah in Aizawl khopi ah leng vanman khang hulhul hi’n kigen hi. Vairengte mun ngial ah menchim thupi mahmah a, mihing thahatna a hon ding vual hilou hi’n kigen hi. Tuabanah, Bilkhawthlir leh Chhimluang kikal ah vuah naktak a azuk ziak in menchim mun 20 val ah om hi’n kigen hi. National Highway 54 khak a om ziak in Aizawl to Silchar road kikawmtuahna buai vek a, Border Road Task Force pawl tamsem sawl lut in om a, JCB leng 20 sawl lut in om hi. Saihapui luipi leng naktak in khang a, tuilou acre 300 a suksiat ban ah, ngakul 50 leng tui in tum a, nga teng tuah mang vek hi’n thusuak in gen hi. Phainuam village ngial ah tuilou buh chih ding om nawnlou khop in tui leet in buh teng taimang hi. Vairengte State Veng ah leng menchip ziak in Inn bangzah hiam suksiat khak in om hi.
MLA tamtak in NCP ticket ngen
Shillong, Sept 3(NNN): Nationalist Congress party (NCP) in February, 2008 election ding toh kisai a party candidate a samlaite min puangkhe ut mahleh, tulel a MLA hilel bangzah hiam in NCP ticket a nget phutziak un hawmkhe theinailou uh chih thusuak om hi. NCP State President Dr.W.Kharlukhi in tuni in Newmai News Network dotna adawnna ah, NCP ticket ngentu tam mahmah a, tulel a mi poimoh leh MLA hilel bangzah hiam in NCP ticket adeih tinten ziak un, NCP ading in buaihuai mahmah a, khanawn vel in amin uh puankhiak hiding a, tulel in puankhiak theih mawk hinailou ahi chi hi. MLA 3 vei hial hita, P.M.Syiem in leng NCP ticket ngen a, Jaintia Hills autonomous District council (JHADC) Chairman lui Moon light Pariat leh midang tamtak in NCP ticket ngen in buai mahmah uh hi’n kigen hi. Alehlam ah, Meghalaya Congress Pary in AICC headquarter kiang ah Congress ticket ngen mi 120 te min pelut khinta uh ahihdan puang leuleu uhi.
KSO leh ZU in ngen
Imphal, Sept 3 (NNN) : Kuki Students Organisation, Sardar Hills leh Zeliangrong Union Tamei Zone pawl in Government ah phutna nei in, Imphal Tamenglong Road lampi puahhoih ding in phu ua, menchim ziak a mipite buaina ngaihven kinding in zasak uhi. IT Road a om Turibari area, Thonglang Akutpa leh Thonglang Atongba ah menchim thupitak a om ziak in ni 4 paisa apan gari tainai lou hi.
Guv leh CM apat message
IMPHAL SEPT 3: Krishna pianni Sept 4, Janmastami ahih toh kituak in, Manipur Governor Dr. SS. Sidhu leh Chief Minister O. Ibobi Singh ten Manipur mipi kiang ah Krishna Janmastami thupuak khak uhi. Hiai thusuak tegel in ataklat dan in, khovel pumpi a thil hoihlou omte khovel thak bawlna dia justice, equality leh fair play omsak ding chihte Lord Krishna sinsakna ahihdan taklang uhi. Hiai ni zat ahih toh kituak in, khovel haksatak lak a muanna, kituahna lemna om ding deih thu leng taklang uhi.
Panchayat election ding husa om panpan ta
IMPHAL SEPT 3: Manipur phaizang bial a Panchayat election Sept 19 a om ding toh kisai in,candidate ten' mun tuamtuam ah tulai in vote zon kisan mahmah ta a, mun tuamtuam ah, inlut a vote zonna leh poster takna hah bawl mahmah uhi.
Hiai election ding bel, State Election Commission nuai a neih hiding chih a, Panchayat/Zilla Parishad 61 telna ding ah, Imphal West 15, Imphal East 19, Bishnupur 11 leh Thoubal ah 16 ahi. Hiai a candidate 327 omte lak ah, numei 125 leh pasal 202 pha hi.
Pradhan/Gram Sabha 122 teelna ding ah, Imphal East(I) ah 25 (II) 25, Imphal West 28, Bishnupur 12, Thoubal 27 leh Kakching ah 15 ding a, hiai adingin candidate 558 phazou a, tuate lak ah numei 168 leh pasal 390 ahi.
Huailou in, member 1815 leng tel hidinga, tuate bel, IE ah 490, IW 490, Thoubal 484 leh Bishnupur 219 ding ahi. Tutung phaijang bial a Panchyat election neihna ding ah Chandel district sunga khua 10 vel atelkhak jiakin KSO leh ANSAM in, tua khuate a hichibang election omtheilou dingin thupuan bawlta ua, huailou in, Sadar hills sung mun khenkhat ah leng hichibang election neihna ding mun telkha om a, hichibangte autonomous district council om ahihman hitheilou ding chih leng pawl tuamtuam in thupuan bawlta uhi.
Gorkha Welfare Union thusuah lungkim lou
IMPHAL SEPT 3: Kuki Youth Federation, GHQ a President, CS Khongsai in tuni a thusuah abawlna ah, apaisa August 25, 2007 a Sangai Express daily a Manipur Gorkha Welfare Union in thusuah abawl ngaikhawk mahmah ahihdan taklang hi.
Hiai KYF thusuak dan in, Manipur Gorkha Welfare Union in thusuah media tungtawn a abawlna uah, 'Manipur govt. in Sadar Hills sunga Panchayati Raj system introduce abawl kipahhuai asak dan uhleh nomenclature 10-Kanglatongbi Zilla Parisahd pen 10-Kalapahar Zilla Parisad dingin leng govt. ngen uh chih ahi.
State govt. in local self government nih om dia thupuan abawl, Sadar Hills mite’n a deihlouh lai ua, Gorkha Union in hichibang a thusuah a bawl KYF in vangtah huai asakdan leng thusuak ah taklat in om hi.Govt. in Sadar Hills sunga communal kal a kitheih siamlouhna piansak sawm hiam chih leng KYF in dotna bawl hi. KYF thusuak in ataklatjelna ah, Imphal West district sunga election neih ding dalna omkei mahleh Sadar Hills a District council administrative system omsa ahihman hiai sunga neih bel hitheilou ding chih ahi. Hichibang kal ah, Gorkha Welfare Union thusuah pen dan dungzui in leng thudik hithei ngeilou ding hi. Panchayati Raj system toh kisai a Gorkha Welfare Union dinmun pen Sadar hills sunga Kuki namte chouna hidan in leng KYF in la hi. Nepali te MLA dia teelching ahih theihna uh omsun leng Sadar Hills sung hilou hiam chih leng KYF in dotna bawl hi. Hiai tan dinmun ahihna ah GWU in a dinmun uh zukkik ding uh, ahihkei leh pawl nih kal a, a sia-a-pha atun leh amoh GWU in apuak ding uh hidan in leng KYF thusuak in taklang hi.
Mun 4 ah transport survey zou
IMPHAL SEPT 3: Planning Commission of India thupiak dungzui a, Manipur govt. nuai a Planning department in, Manipur a check post 5 a total transport survey bawl hiding achih dungzui in, mun 4, Kwakeithel near Tedim ground, Kakwa bazaar, Lamlong leh Tera bazaar munte ah August 31 apat zan tan in zoh hita chih Planning Director thusuak om hi.
Himahleh, Mantripukhri check post ah bel, Senapati district sunga student organisation te indefinite bandh omziakin transport survey zoutheih nailouh in om hi. Hiai mun a survey na dia ahun kisuan pen, September 6, zinglam dak 6 apat Sept. 8, zinglam dak 6 tan dakkal 48 sung neih dingin bikhiah thak ahi.
Kum 9 govt. nasep nungin tawpsak om
IMPHAL SEPT 3: KSO GHQ in tuni a thusuah abawl na uah, tuni a hiai pawl in Information centre, Haokip Venga emergency meeting a neihna uah, Miss Achong Haokip Rural Labour Inspector in, asepna apat govt. in August 27, 2007 a relieved bawl, tawpsak ahihdan complaint abawl toh kisai genkhomna nei uhi.
Hiai thusuak taklat dan in, Miss Achong Haokip in 28th September, 1998 kum in DPC tungtawn in hiai sepna ngah a, Govt. appoitment order, notification No.Lab/48/83(CA)Vol.IV Dated, the 14th Oct. 1998 chih ahi.
Hichibang a kum 9 bang govt. nasepna neih nunga tawpsak chih KSO GHQ in nopsak louh thu taklang in, bang jiaka amah toh recruitment process a teldang tawpsak omlou a amah tawpsak hiam chih dotna leng govt. ah bawl uhi.
Hichibang thilhih in, khentuam nei leh thil niin govt. sunga om chih kichian hidan in leng KSO thusuak in taklang hi.Official recruitment norms teng zoh nunga semtu dia lak leh kum 9 bang semsa hichibang a paikhiak chih thil omthei hiam chih leng KSO in dotna nei hi. Hiai toh kisai a kigolh Commissioner (Labour) in Miss Achong Haokip asepna paikhkhiak ahih revoke thak ding leh akisaipih dangte tunga action ladingin theisak uhi. Miss Achong paikhiakna dia kuate hiam kithukim uh hiding in leng KSO in muangmoh hi. Thudik kichiantak kintak a latsak ahihkei leh KSO dai dide lou ding hidan in leng KSO a Information and Publicity Wing thusuak in taklang hi.
Thudangkhat ah, KSO GHQ in apaisa Aug 31, 2007 ni a MACS a Project Director Dr. T.R. Kom In Langol a phaijang helpawl khenkhat in granade a vapiak uh mohpaih kawm in, a kigolh helpawlten a jiak a hilhchetna bawl dingin leng ngetna nei uhi.
Workshop a teldin zin
IMPHAL SEPT 3: Kolkata a Mahanirban Research Group te saina nuai ah, Kolkata mun ah, September 3-6 sung 'Internal Displacement in India' chih toh kisai Workshop om ding hi. Manipur a displacement toh kisai hiai hun a paper present dia chial ahihbangin, Imphal Free Press apat Thingbaijam Dhamen in tuni'n Kolkata zuan in zin hi.
Thutut kilngahdan in, hichibang workshop bel India a thumvei omna ding hilel hi’n leng kigen hi.
www.zogam.com
