" Topa aw, ka mawh na te uh ciam the le cin kua in thuak zo ding hiam, Topa aw ( Ps. 130: 3 )".
Topa aw, Kawlgam a piang mi khempeuh te mawh na hong mai sak in la, nang mah in " Na gam uh thupha kong pia ding hi ( 2 Chr. 7 : 14 )", nong cih mah bangin, ka Kawlgam uh a thak in thupha hong piak sak ta in!.
"Topa aw, bang tan vei kong thuum na te uh hong dawng lo in, ka gam uh ah buaina tuam tuam tawh hong ki dim dak lai ding na hi hiam ( Habakkuk 1:2-3 )".
Topa aw, nang mah in mi zawng mi ci-mawh gen thei te, lungkham, sinkham mite, a dah a kap te i a muan uh Topa, mi zawng te, mei gong dai pam te, cimawh dong tuak te a heh pih thei Topa aw, " Nang mah in kei nong sap uh leh kong dawng ding hi ( Jer 33 :3 )" , nong cih na thu hi ta leh, " No te i lungkham na kuampi pen lam-et na kongpi kong suaksak ding hi ( Hosea 2 : 15 )" , nong kam ciam thu te ka um uh hi.
Hehpih siam Topa aw, Kawlgam a om mi khempeuh leh Kawlgam a piang mi khempeuh te tung ah, pumpi cidam na, lungsim cidam na, kha cidam na te hong piak sak ta in. Tua tham lo in lau huai na tuam tuam tawh a mau te na ki pelh sak in, mi khempeuh te tung ah a ki sam inn leh lo, neek leh dawn, silh leh ten, pil na siam na te a ki cing in hong piak sak ta in.
Topa aw, Nang mah in, " Khitui tawh khaici a vawh te in lungdam in buhlom a at ding uh hi ( Ps. 126 : 6 )", ah nong cih mah bangin, khitui naptui tawh Kawlgam a ding a, leitung bup i kong thuum kong tau na te uh a mawk na hong suak sak kei ta in.
Kawlgam leh a mite a ding a, a nun tak na pia khia a, sih-na man-na a thuak te khempeuh, bawlsiat na a thuak te khempeuh, kimat na a thuak khempeuh te,a inn-lum a lo-lum zuan ngam nawn lo a, a tai a bucip khempeuh te tung ah, Nang mah in " Vangik pua a gim mi khempeuh aw, ka kiang ah hong pai un- tawldam na kong pia ding hi ( Mt. 11 : 28 )', nong cih mah bangin, tua mi khempeuh te tung ah Nang ma' i Vantung thupha, Leitung thupha, Vandai tui thupha tuam tuam te a mau i kisap na zui in na piak sak ta in la, a mau te a tha-man uh na sang sak ta in.
Topa aw, hih ka om na mun pan in ka Kawlgam leh gam sung a om khempeuh te Nang ma' min tawh THUPHA ka pia hi Topa aw! Hih Kawlgam a ding a, Kawlgam mi a hi lo a, thu a nget sak, khempeuh teugn ah zong na thupha na tung sak lai ta in.
Topa aw, hun khat lai in Nekbukhaneya kumpi pa in Jerusalem khua pi gal a na sim a, sal or ( sila ) a, a mat Israel mi nam tampi te pen BC 539 kum in Persia ( Iran ) kumpi Cyrus i hot khiat na tawh, sila saltan na pan in lungdam tak in a gam a lei uh ah ciah kik thei in, " Jerusalem khua pi leh Biak inn pi a lam kik uh hi ( Neh 2:17 )".
Tua mah bangin Toppa aw, Kawlgam ah zong leitung mi a kici peuh mah bang mah lau na om lo a, zin ngam, vaak ngam leh kua ma peuh lung muang tak a, a om thei kik na ding un, ka lam kiat na Kawlgam Na THUPHA hong pia sak ta in ci-in sih na pan a tho kik na Tapa Jesu min suang in upna leh muan na lian pi tawh thu kong ngen hi Topa aw, Amen.
Gam a ding vei na leh it na tawh,
Father Go Lian
Tawm vei, PHILIPPINES.
Topa aw, Kawlgam a piang mi khempeuh te mawh na hong mai sak in la, nang mah in " Na gam uh thupha kong pia ding hi ( 2 Chr. 7 : 14 )", nong cih mah bangin, ka Kawlgam uh a thak in thupha hong piak sak ta in!.
"Topa aw, bang tan vei kong thuum na te uh hong dawng lo in, ka gam uh ah buaina tuam tuam tawh hong ki dim dak lai ding na hi hiam ( Habakkuk 1:2-3 )".
Topa aw, nang mah in mi zawng mi ci-mawh gen thei te, lungkham, sinkham mite, a dah a kap te i a muan uh Topa, mi zawng te, mei gong dai pam te, cimawh dong tuak te a heh pih thei Topa aw, " Nang mah in kei nong sap uh leh kong dawng ding hi ( Jer 33 :3 )" , nong cih na thu hi ta leh, " No te i lungkham na kuampi pen lam-et na kongpi kong suaksak ding hi ( Hosea 2 : 15 )" , nong kam ciam thu te ka um uh hi.
Hehpih siam Topa aw, Kawlgam a om mi khempeuh leh Kawlgam a piang mi khempeuh te tung ah, pumpi cidam na, lungsim cidam na, kha cidam na te hong piak sak ta in. Tua tham lo in lau huai na tuam tuam tawh a mau te na ki pelh sak in, mi khempeuh te tung ah a ki sam inn leh lo, neek leh dawn, silh leh ten, pil na siam na te a ki cing in hong piak sak ta in.
Topa aw, Nang mah in, " Khitui tawh khaici a vawh te in lungdam in buhlom a at ding uh hi ( Ps. 126 : 6 )", ah nong cih mah bangin, khitui naptui tawh Kawlgam a ding a, leitung bup i kong thuum kong tau na te uh a mawk na hong suak sak kei ta in.
Kawlgam leh a mite a ding a, a nun tak na pia khia a, sih-na man-na a thuak te khempeuh, bawlsiat na a thuak te khempeuh, kimat na a thuak khempeuh te,a inn-lum a lo-lum zuan ngam nawn lo a, a tai a bucip khempeuh te tung ah, Nang mah in " Vangik pua a gim mi khempeuh aw, ka kiang ah hong pai un- tawldam na kong pia ding hi ( Mt. 11 : 28 )', nong cih mah bangin, tua mi khempeuh te tung ah Nang ma' i Vantung thupha, Leitung thupha, Vandai tui thupha tuam tuam te a mau i kisap na zui in na piak sak ta in la, a mau te a tha-man uh na sang sak ta in.
Topa aw, hih ka om na mun pan in ka Kawlgam leh gam sung a om khempeuh te Nang ma' min tawh THUPHA ka pia hi Topa aw! Hih Kawlgam a ding a, Kawlgam mi a hi lo a, thu a nget sak, khempeuh teugn ah zong na thupha na tung sak lai ta in.
Topa aw, hun khat lai in Nekbukhaneya kumpi pa in Jerusalem khua pi gal a na sim a, sal or ( sila ) a, a mat Israel mi nam tampi te pen BC 539 kum in Persia ( Iran ) kumpi Cyrus i hot khiat na tawh, sila saltan na pan in lungdam tak in a gam a lei uh ah ciah kik thei in, " Jerusalem khua pi leh Biak inn pi a lam kik uh hi ( Neh 2:17 )".
Tua mah bangin Toppa aw, Kawlgam ah zong leitung mi a kici peuh mah bang mah lau na om lo a, zin ngam, vaak ngam leh kua ma peuh lung muang tak a, a om thei kik na ding un, ka lam kiat na Kawlgam Na THUPHA hong pia sak ta in ci-in sih na pan a tho kik na Tapa Jesu min suang in upna leh muan na lian pi tawh thu kong ngen hi Topa aw, Amen.
Gam a ding vei na leh it na tawh,
Father Go Lian
Tawm vei, PHILIPPINES.
No comments:
Post a Comment