CJM in Media-te kimuhpih; Police Station enkhia
Lamka Oct 4: Chief Judicial Magistrate (CJM)/CCpur Mr.N.Rajnikanta Singh in tuni sun dak 12:00 in a Chamber ah Lamka khopi pansan Media-te kimuhpih a, tua ah SDPO/CCpur Mr. K. Kabib, IPS banah Advocate khenkhat leng tel uhi.
CJM in kuapeuh, mahni sepna ah chitaktak in semle’ng i gam/district mun nuamtak suahtheih ahihdan gen hi. Manipur a Dan-leh-Thupiak dinmun hoihlou a, Lamka ah leng hoihtuanlou a, Police leh mipi pangkhawm a bawlhoih ngai ahihdan gen in mipite Dan toh kisai sinsakna pe dia CCpur District Legal Service Authority man gige ahihdan leng gen hi. Sualdouna ah mipite’n Police kia ngansiah mailou a ahitheihtan a kithuahpih poimoh ahihdan leng gen hi. Bus Parking mulmallou in mipi a dia nawngkaina tamtak atut toh kisai in apaisa Sept. 1, 2007 in Section 283 IPC leh 201, M.V.Act, 1988 nuai a Traffic Rule bohsete gawtna piak ding a Order suah a SP/CCpur leh OC-CCpur PS kiang ah copy pekhinta ahihdan gen hi. SDPO thak Mr.K.Kabib, IPS in leng Dan-leh- Thupiak ahihtheitan a hoihtak a etkai sawm ahihdan gen in mipi kithuahpihna poimoh ahihdan leng gen hi. Sunnung dak 1:00 geih in CJM, CCpur District Bar Advocates President leh member khenkhat banah SDPO/CCpur leh Media/Press te’n Lamka Police station etkhiakna nei uhi. Magistrate in etkhiakna aneih hun ding OC-CCpur PS theisak mahleh, OC-CCpur PS ah ana omlou a bangtan hiam a ngak nung un hong kilang pan hi. CJM in Police Station a vehna ziak bel Police toh kithuzak a nna hoihtak a sepkhawm ding tupna ziak ahihdan gen hi.CCpur Police Station ah apaisa Kum 2006 sung in FIR 225 chiamteh in om a, huai kum sung mah in mi 44 man ua charge sheet 72 bawl in Case 59 a Final Report pia uhi. Tukum January apan in tuni tan in FIR 133 chiamteh in om a, mi 74 manta in, case 1 charge sheet in Case 4 a Final report peta uhi.
Police station a Lock-up 2 omte etkhiakna aneih ban uah a Langar uh leh Barrack banah Quarterte uh etkhiakna leng nei uhi. Manipur a second town chih a om Lamka khopi a District Police-te omna mun ginalou petmah hi. Barrack setak a police-te giak ua Barrack sang in Lock-up sung nuamzaw hial leh kilawm hi.SDPO Quarter leng SDPO Mr.K.Kabib in amah sum zang a rong a nuhthaksak (whitewashing) ziak in etsuak lel hi.Quarter khenkhat ngial a foundation teng kichim in akhuam khawng kikhai genggang a, khenkhat akhuam muat khin in, a khuam muatkhin hawm(hole) hukna ding in sai-ip sia peuh hen dim maimah uhi. Quarter khenkhat a abang buan a kizutte a bang pawlam teng tolh khia in a sung a gua kiphan/kalhte dawk seusuau a, suang kilemte asuang chimkhia in vang heuhou a, langva sia khawng in hu maimai uhi. Tawlet/window tamzaw a a limlang/glass gentaaklouh, a frame kisia in plastic sheet keek nimnem khawng khai maimah uhi. Manipur a khopi nihna a Dan leh Thupiak enkol dia koih a om Police-te omna/tenna innte khopi a slum tengte inn toh kikhe vaklou hi. Huai banah, Police-te zat ding gari leng kiningching piak hilou uhi. Tulel in Gypsy 5 hiam lel om a, District dang a Police-te gari zat/neihzah toh kikhe deuh hiau hi. Huailou in a mi mahmah leng akidaihlouh ban uah, vanzat ginatak leng neilou uhi.
Medical Team sawl ding
Lamka Oct 4: Henglep bial a Kuki Munpi area lak ah khosik tam chih thu KSO Henglep Block in CMO/CCpur ah report pia uhi. CMO/CCpur in leng hiai Kuki Munpi Area lak a damloute enkhe ding in Medical Team khat sawl ding hi.
Traffic Police nasep kipan
Lamka Oct 4: Traffic Control Police/CCpur a Officer-in-Charge ding in SI T. Kamzathang makaih in Traffice Control Police/CCpur in tuzing dak 8:30 akipan in khopi sung a traffic paidan etkaina nnasep panta uhi. Amau lamlian nehlua a vanzuakte a hawlkhiak ban uah lemtangloupi leh lampi dongkholh a Gari tuahna munpeuh a nga/park-te hawlkhia ua khopi sung a lamliante thoveng tuan mahmah hi.
Pasal 1 vuak in om
Lamka Oct 4: Mr.Shanti Kumar (24) S/o. Buddhichandra of Moirang zan nitaklam dak 4:30 vel in New Bazar a hotel khat a a zudawnna ah mi toh kiselbuai kha ua, a kiselpihte’n naktak in vua in muntamtak ah liam a, Lamka Damdawi Inn ah etkol in omlel hi. Mr.Shanti Kumar in khua phawk mahleh tutan a pautheih nailouh ziak in avawtute kitheilou hi.
Khophawklou in puk
Lamka Oct 4: Ms.Zezen (13) D/o. Lamkhomang of Gangte Veng tuzing dak 6:30 vel in a inn kong ua pailai khophawklou in puuk phut a khophawk nawn pah mahleh a nungjang lak na asak ziak in Lamka Damdawi Inn ah etkol in om hi.
DIAFEST khawmpi siim nuamte a ding
Lamka, Oct. 4: A hongtung ding 8th Nov. 2007 chiang in Siamsinpawlpi Delhi Jt. HQ. saina in Delhi khopi ah ‘DIAFEST’ neih hiding hi. Hiai khawmpi siim nuamte’n last phase ding in Oct. ni 6, 2007 tan a min leh detail bangkim SSPP Complex, Bungmual ah piaklut theih lai ding hidan in thutut kingah hi.
PYF khawmpi om ding
Lamka, Oct. 4: Zou Presbyterian Church Synod nuai a Presbyterian Youth Fellowship, Lentang District, MGP in 41veina ding in Kumptawp Khawmpi, Oct. 5-7, 2007 sung nei ding uh hidan in thutut kingah hi.
Thutut kingah dan in, “Hei a um Nahiei?†chih thupi a nei in khawmpi zat hiding a, hiai hun ah Zou Presbyterian Church Synod a Sr. Exe. Secy. Rev. Hangpi Manlun in thu gen ding hi.
NREGS Awareness Campaign ki-cancel
Lamka, Oct. 4: NREGS Awareness Campaign Oct ni 3 apat ni 10 sung neih ding chih himahleh, buaina khenkhat ziak in Oct. ni 3 leh ni 4 program chauh zat zoh ahih in Oct. 5 apat 10 tan a program bawlsa omte cancel phot in om hi.
S.O. Lamka T.D. Block in a taklat dan in, Oct. 5-10 sung adia program bawlsa a a omna khua chihte, tunung chiang in Village Authority-te kiang ah, a malmal in program om ding dan theihsak hidi’n taklang hi.
Direct Bus Keishampat khawlna kisuan
Lamka, Oct. 4: Keishampat Power House mai a Direct Bus Parking pen Keishampat a line bus te kingakna mun Lamka lam pang ah kisuan hidan in CCpur Direct Mini-Bus Assn. apat thutut kingah hi. Huai banah, CDMBA in tulai in Special Offer bawl uh a, huai dungzui in, kuapeuhmah, Direct Bus ticket lui 30 tawite khatvei lampai man (one way) awl ding uh hidan in leng CDMBA in taklang hi. Hiai bang nasepna ah passenger tamtak kipak mahmah uhi.
Ramthar Bazar
Lamka, Oct-4: Evangelical Free Church of India (EFCI) Numei pawl saina in hong tung ding Oct. 6, 2007 zinglam dak 8-4 pm kikal in Tedim Road, Light House Lane ah Pathian gam nasepna ding in Ramthar Bazar kichi bawl ding ua, Pathian min a van lei sak chiat ding in ngen uhi.
Lemlakna pailel
Lamka, Oct-4: Churachandpur Constituency nuai a om 58/38 Polling station a vote khete a ding in Beulahlane a om Mrs. Nelzavung inn ah lemlak hilel a, a kisaipihte’n ngaihpoimoh ngai ding hi’n thutut kingah hi.
One Day Community awareness Programme om ding
Lamka, Octo- 4: Manipur Mahila Kalyan Samiti leh Stepping Stone Home pawl saina in CCpur College Seminar Hall ah October 5, 2007 zinglam dak 11:30 in “One Day Community Awareness Programme on Child Right†chih neih sawm uhi. Hiai hun zatna ah NG Nongyai, Member Manipur Human Rights Comminssion Functional President in M.Purnimashi Devi President Manipur Mahila Kalyan Samiti leh Guest of Honour in LS Gangte Vice Principal CCpur College te pang ding uhi.
Antang zuak ding
Lamka, Octo- 4: 58th CCpur Assembly Constituency a Fair Price Shop(FPS) centre tuamtuam a BPL Card neite kiang a zuak ding Antang hun khawp tuni zingkal lam pan in Gari in nawn khia uhi. October 6, 2007 ni’n FPS Centre tuamtuam ah antang zuakna om ding hi.
IFCD Minister Final uap ding
Lamka, Octo- 4: Veteran Sports Association of CCpur pawl saina a Ist Dist. Veteran Football League- 2007 a neih uh hunkhakna leh Final Match October 6, 2007 sunnung dak 1:30 in Lamka Public Ground ah om ding hi. Hiai hun zatna ah N. Biren Singh Minister (IFCD & YAS) Chief Guest in pang ding a, M.Ginsuanhau Special Contractor pen Functional President in pang ding hi. Foot ball final match ah Rengkai Veteran Football Club (RVFC) leh Zodin Veteran Club (ZVC) kimawl ding uhi.
Telephone tamtak cut sak
Lamka, Octo- 4: BSNL nuai a Lane line Telephone la a Bill kha 2 tan bate Imphal apan in mun dang phone theih louh ding in cut sak ua, Lamka Telephone Exchange ah leng tamtak cut sak om in tulai in Telephone Office ah Bill muh louh ziak a bill a hun tak a pethei louten Duplicate bawl sak tam mahmah hi. Bill bat piak zawh chiang in pai sak nawn pah uhi.
DIO Office mun kisuan ding
Lamka, Octo- 4: Dist. Information Office(DIO)/CCpur Office Temporally a Hill Town a Town Office building Room khat luah a ompen Manipur Govt. in Tuibuang Dist Hq a Pukhri liantak kitou kiang a gam awng khat pekhia a, tunung chiang in hiai mun a DIO office kituah ding hi. Hiai toh kisai building bawlna ding thil bangkim leng fel vekta hi’n leng thutut kingah hi.
Source: www.zogam.com
Lamka Oct 4: Chief Judicial Magistrate (CJM)/CCpur Mr.N.Rajnikanta Singh in tuni sun dak 12:00 in a Chamber ah Lamka khopi pansan Media-te kimuhpih a, tua ah SDPO/CCpur Mr. K. Kabib, IPS banah Advocate khenkhat leng tel uhi.
CJM in kuapeuh, mahni sepna ah chitaktak in semle’ng i gam/district mun nuamtak suahtheih ahihdan gen hi. Manipur a Dan-leh-Thupiak dinmun hoihlou a, Lamka ah leng hoihtuanlou a, Police leh mipi pangkhawm a bawlhoih ngai ahihdan gen in mipite Dan toh kisai sinsakna pe dia CCpur District Legal Service Authority man gige ahihdan leng gen hi. Sualdouna ah mipite’n Police kia ngansiah mailou a ahitheihtan a kithuahpih poimoh ahihdan leng gen hi. Bus Parking mulmallou in mipi a dia nawngkaina tamtak atut toh kisai in apaisa Sept. 1, 2007 in Section 283 IPC leh 201, M.V.Act, 1988 nuai a Traffic Rule bohsete gawtna piak ding a Order suah a SP/CCpur leh OC-CCpur PS kiang ah copy pekhinta ahihdan gen hi. SDPO thak Mr.K.Kabib, IPS in leng Dan-leh- Thupiak ahihtheitan a hoihtak a etkai sawm ahihdan gen in mipi kithuahpihna poimoh ahihdan leng gen hi. Sunnung dak 1:00 geih in CJM, CCpur District Bar Advocates President leh member khenkhat banah SDPO/CCpur leh Media/Press te’n Lamka Police station etkhiakna nei uhi. Magistrate in etkhiakna aneih hun ding OC-CCpur PS theisak mahleh, OC-CCpur PS ah ana omlou a bangtan hiam a ngak nung un hong kilang pan hi. CJM in Police Station a vehna ziak bel Police toh kithuzak a nna hoihtak a sepkhawm ding tupna ziak ahihdan gen hi.CCpur Police Station ah apaisa Kum 2006 sung in FIR 225 chiamteh in om a, huai kum sung mah in mi 44 man ua charge sheet 72 bawl in Case 59 a Final Report pia uhi. Tukum January apan in tuni tan in FIR 133 chiamteh in om a, mi 74 manta in, case 1 charge sheet in Case 4 a Final report peta uhi.
Police station a Lock-up 2 omte etkhiakna aneih ban uah a Langar uh leh Barrack banah Quarterte uh etkhiakna leng nei uhi. Manipur a second town chih a om Lamka khopi a District Police-te omna mun ginalou petmah hi. Barrack setak a police-te giak ua Barrack sang in Lock-up sung nuamzaw hial leh kilawm hi.SDPO Quarter leng SDPO Mr.K.Kabib in amah sum zang a rong a nuhthaksak (whitewashing) ziak in etsuak lel hi.Quarter khenkhat ngial a foundation teng kichim in akhuam khawng kikhai genggang a, khenkhat akhuam muat khin in, a khuam muatkhin hawm(hole) hukna ding in sai-ip sia peuh hen dim maimah uhi. Quarter khenkhat a abang buan a kizutte a bang pawlam teng tolh khia in a sung a gua kiphan/kalhte dawk seusuau a, suang kilemte asuang chimkhia in vang heuhou a, langva sia khawng in hu maimai uhi. Tawlet/window tamzaw a a limlang/glass gentaaklouh, a frame kisia in plastic sheet keek nimnem khawng khai maimah uhi. Manipur a khopi nihna a Dan leh Thupiak enkol dia koih a om Police-te omna/tenna innte khopi a slum tengte inn toh kikhe vaklou hi. Huai banah, Police-te zat ding gari leng kiningching piak hilou uhi. Tulel in Gypsy 5 hiam lel om a, District dang a Police-te gari zat/neihzah toh kikhe deuh hiau hi. Huailou in a mi mahmah leng akidaihlouh ban uah, vanzat ginatak leng neilou uhi.
Medical Team sawl ding
Lamka Oct 4: Henglep bial a Kuki Munpi area lak ah khosik tam chih thu KSO Henglep Block in CMO/CCpur ah report pia uhi. CMO/CCpur in leng hiai Kuki Munpi Area lak a damloute enkhe ding in Medical Team khat sawl ding hi.
Traffic Police nasep kipan
Lamka Oct 4: Traffic Control Police/CCpur a Officer-in-Charge ding in SI T. Kamzathang makaih in Traffice Control Police/CCpur in tuzing dak 8:30 akipan in khopi sung a traffic paidan etkaina nnasep panta uhi. Amau lamlian nehlua a vanzuakte a hawlkhiak ban uah lemtangloupi leh lampi dongkholh a Gari tuahna munpeuh a nga/park-te hawlkhia ua khopi sung a lamliante thoveng tuan mahmah hi.
Pasal 1 vuak in om
Lamka Oct 4: Mr.Shanti Kumar (24) S/o. Buddhichandra of Moirang zan nitaklam dak 4:30 vel in New Bazar a hotel khat a a zudawnna ah mi toh kiselbuai kha ua, a kiselpihte’n naktak in vua in muntamtak ah liam a, Lamka Damdawi Inn ah etkol in omlel hi. Mr.Shanti Kumar in khua phawk mahleh tutan a pautheih nailouh ziak in avawtute kitheilou hi.
Khophawklou in puk
Lamka Oct 4: Ms.Zezen (13) D/o. Lamkhomang of Gangte Veng tuzing dak 6:30 vel in a inn kong ua pailai khophawklou in puuk phut a khophawk nawn pah mahleh a nungjang lak na asak ziak in Lamka Damdawi Inn ah etkol in om hi.
DIAFEST khawmpi siim nuamte a ding
Lamka, Oct. 4: A hongtung ding 8th Nov. 2007 chiang in Siamsinpawlpi Delhi Jt. HQ. saina in Delhi khopi ah ‘DIAFEST’ neih hiding hi. Hiai khawmpi siim nuamte’n last phase ding in Oct. ni 6, 2007 tan a min leh detail bangkim SSPP Complex, Bungmual ah piaklut theih lai ding hidan in thutut kingah hi.
PYF khawmpi om ding
Lamka, Oct. 4: Zou Presbyterian Church Synod nuai a Presbyterian Youth Fellowship, Lentang District, MGP in 41veina ding in Kumptawp Khawmpi, Oct. 5-7, 2007 sung nei ding uh hidan in thutut kingah hi.
Thutut kingah dan in, “Hei a um Nahiei?†chih thupi a nei in khawmpi zat hiding a, hiai hun ah Zou Presbyterian Church Synod a Sr. Exe. Secy. Rev. Hangpi Manlun in thu gen ding hi.
NREGS Awareness Campaign ki-cancel
Lamka, Oct. 4: NREGS Awareness Campaign Oct ni 3 apat ni 10 sung neih ding chih himahleh, buaina khenkhat ziak in Oct. ni 3 leh ni 4 program chauh zat zoh ahih in Oct. 5 apat 10 tan a program bawlsa omte cancel phot in om hi.
S.O. Lamka T.D. Block in a taklat dan in, Oct. 5-10 sung adia program bawlsa a a omna khua chihte, tunung chiang in Village Authority-te kiang ah, a malmal in program om ding dan theihsak hidi’n taklang hi.
Direct Bus Keishampat khawlna kisuan
Lamka, Oct. 4: Keishampat Power House mai a Direct Bus Parking pen Keishampat a line bus te kingakna mun Lamka lam pang ah kisuan hidan in CCpur Direct Mini-Bus Assn. apat thutut kingah hi. Huai banah, CDMBA in tulai in Special Offer bawl uh a, huai dungzui in, kuapeuhmah, Direct Bus ticket lui 30 tawite khatvei lampai man (one way) awl ding uh hidan in leng CDMBA in taklang hi. Hiai bang nasepna ah passenger tamtak kipak mahmah uhi.
Ramthar Bazar
Lamka, Oct-4: Evangelical Free Church of India (EFCI) Numei pawl saina in hong tung ding Oct. 6, 2007 zinglam dak 8-4 pm kikal in Tedim Road, Light House Lane ah Pathian gam nasepna ding in Ramthar Bazar kichi bawl ding ua, Pathian min a van lei sak chiat ding in ngen uhi.
Lemlakna pailel
Lamka, Oct-4: Churachandpur Constituency nuai a om 58/38 Polling station a vote khete a ding in Beulahlane a om Mrs. Nelzavung inn ah lemlak hilel a, a kisaipihte’n ngaihpoimoh ngai ding hi’n thutut kingah hi.
One Day Community awareness Programme om ding
Lamka, Octo- 4: Manipur Mahila Kalyan Samiti leh Stepping Stone Home pawl saina in CCpur College Seminar Hall ah October 5, 2007 zinglam dak 11:30 in “One Day Community Awareness Programme on Child Right†chih neih sawm uhi. Hiai hun zatna ah NG Nongyai, Member Manipur Human Rights Comminssion Functional President in M.Purnimashi Devi President Manipur Mahila Kalyan Samiti leh Guest of Honour in LS Gangte Vice Principal CCpur College te pang ding uhi.
Antang zuak ding
Lamka, Octo- 4: 58th CCpur Assembly Constituency a Fair Price Shop(FPS) centre tuamtuam a BPL Card neite kiang a zuak ding Antang hun khawp tuni zingkal lam pan in Gari in nawn khia uhi. October 6, 2007 ni’n FPS Centre tuamtuam ah antang zuakna om ding hi.
IFCD Minister Final uap ding
Lamka, Octo- 4: Veteran Sports Association of CCpur pawl saina a Ist Dist. Veteran Football League- 2007 a neih uh hunkhakna leh Final Match October 6, 2007 sunnung dak 1:30 in Lamka Public Ground ah om ding hi. Hiai hun zatna ah N. Biren Singh Minister (IFCD & YAS) Chief Guest in pang ding a, M.Ginsuanhau Special Contractor pen Functional President in pang ding hi. Foot ball final match ah Rengkai Veteran Football Club (RVFC) leh Zodin Veteran Club (ZVC) kimawl ding uhi.
Telephone tamtak cut sak
Lamka, Octo- 4: BSNL nuai a Lane line Telephone la a Bill kha 2 tan bate Imphal apan in mun dang phone theih louh ding in cut sak ua, Lamka Telephone Exchange ah leng tamtak cut sak om in tulai in Telephone Office ah Bill muh louh ziak a bill a hun tak a pethei louten Duplicate bawl sak tam mahmah hi. Bill bat piak zawh chiang in pai sak nawn pah uhi.
DIO Office mun kisuan ding
Lamka, Octo- 4: Dist. Information Office(DIO)/CCpur Office Temporally a Hill Town a Town Office building Room khat luah a ompen Manipur Govt. in Tuibuang Dist Hq a Pukhri liantak kitou kiang a gam awng khat pekhia a, tunung chiang in hiai mun a DIO office kituah ding hi. Hiai toh kisai building bawlna ding thil bangkim leng fel vekta hi’n leng thutut kingah hi.
Source: www.zogam.com
No comments:
Post a Comment