DSO/CCpur team Thanlon Bial veh hong tung; Singtang ah kialpi kipanta, MHJU in Thanlon, Singngat, Henglep leh Tipaimukh pha ding: DC in Rs. 30000/- Sanction
‘Pa’ hon chilou siah ka nek uh a ngai ding- Bukpi
Lamka Nov 05: District Supply Officer, CCpur Mr. Michael Ginzasuan leh Thanlon A/C MLA Nominee makaih a Thanlon A/C sung a FCS Fair Price Shop toh kisai a khualzin damtak in Lamka hong tung kikta uhi. DSO/CCpur in Thanlon bial a vehna uh toh kisai in zan Pathianni nitaklam dak 4 in ama teenna in ah Lamka pansan thuthaksaite kimuhpih in Thanlon A/C sung kho tuamtuam 13 ah Fair Price Shop hong khia hi.
DSO in a genna ah, Mautam kialpi chi kigen pen hong tung ding hinawn lou in, a taktak a hong tungta ahih dan a mit ngei a mu ahihdan gen hi. FCS tungtawn a antang piak ding leng kho sung pumpi BPL hivek mahle uh government record ah 40% khong lel in BPL card nei ua, a ding 60% APL antang ahihman in hawm rual dingdan haksa mahmah ahihdan gen hi a, gen kawm in BPL list naktak a hihsang ngai ahihdan uangtak in gen hi.
2007 sung a lounasemte sep gam 90% lohsam a, tuate pen Sazu ziak kia hilou in, biltep, bak, ngal leh a dangdang te leng uang mahmah in buhvui omsunte amaute kihawm gai pah zel uh ahihdan in louneitute’n DSO kiang ah lou mun mahmah a hohpih in ensak uhi. Mr. S. Paukhogin Chief of Dialkhai in buh tin 2 a tuhna ah tin 2 la zou hamham a, Bukpi khua a Village Authority Secrtary Pu Pumzalam ngial in ‘Nek ding kinei nawnlou, inn sung a ‘Pa’ hon chilou siah ka nek uh ngai ding ahi’ chin gen a, hiai thu in DSO lung tang dengsak mahmah ahihdan leng gen hi.
Thanlon A/C MLA nominee Pu Kampi in a genna ah, Thanlon khua a singlei (ginger) neitu Pu Thangvel in sing tamtak chiing a, himahleh a leinuai a Bui in a zung tengteng pettan vek in, siingte laktak ding omlou a, tuamahbang in Bal lei bawlte a leng hiai bang hithou dan in gen hi. Tu laitak in bel, lampi bawl ziakin Truck leng lut theilou a, lampi kibawl leng kial bawltu suak maimah hi’n leng Pu Kampi in gen hi.
Hiai kialpi toh kisai in, Manipur Hills Journalist Union (MHJU) in hiai kialpi toh kisai a mun mahmah a etchetna nei ding in thupukna la ngal ua, tua toh kisai hiai a MHJU in a poimoh bangbang a a zat ding in DC/CCpur Pu Sumant Singh, IAS in Rs. 30,000/- sanction ngal hi. MHJU in Singngat, Thanlon, Henglep leh Tipaimukh bial ngenteltak a etna ding in Rs. 60,000/- val poimoh a, hiai a ding in mi kiphal leh singtang a haksatak a khosate khualna a pe nuamte’n MHJU President/Secretary kiang ah Sintawpni tan in piaklut theih ding hi.
Spl. Contractor GS Haupu’n Press te kimuhpih
Lamka Nov 05: NEC nuai a Lamka Police Station apan Singngat kikal lampi kibawl pailel a Lamka khopi sung a gen-le-sak om neuhneuhte toh kisai in zan Nipi ni’n a bawltu G.S. Haupu, Special contractor in Press te kimuhpih hi.
Hiai ah GS Haupu in hiai toh kisai a haksatna tuamtuam a tuahte gen kawm in work specification toh kituak a bawl ahihdan gen a, a hoihlouhna khenkhat a om mai thei, huaite leng ka bawlhoih lai ding chi’n press te theisak hi. Nasepna etkai haksa mahmah ahihman in a hoihlouhnate kigensiat san mailou in, kitheisak pahzel le panlak dan a nuam mahmah ding chi’n gen hi.
Hiai toh kisai in hun remchang masapen ah contractor tel Press Team in Lamka Police Station apan khe in en suak vek ding in leng uhi.
Malaria vei 11 mukhia
Lamka Nov 05: District Malaria Office/CCpur a Malaria Clinic leh kho tuamtuam a FTD leh DDC apan October 2007 kha sung in damlou tuamtuam sisan lakkhawm /Blood Slide Collection uh 1532 phazou hi. Hiaite etchetna a neihna uah mi 11 te sisan ah Malaria om ahihdan musuah ua, huaite bel PF 10 leh PV 1 hidan in mukhia uhi.
Naupang tamtak natna dalna piak in om
Lamka Nov 05: District Immunization Office/CCpur ah National Child Survival & Safe Motherhood programme tungtawn in apaisa October 2007 sung in naupang tamtak nupi gailai natna tuamtuam dalna piak in om uhi. Kum 1 nuailam Pasal naupang 140 leh Numei naupang 159te BGC (TB dalna) piak in om ua, Pasal naupang 350 leh Numei naupang 372 te OPV (Zeng dalna) leh DPT (khuh hiip dalna) dalna piak in om uhi. Sensi/Measles dalna Pasal naupang 97 leh Numei naupang 107te piak ahihbanah Nupi naupaai 196 te Tetenus toxoid a kaap in om uhi.
TB vei 55 damsiang
Lamka Nov 05: District Tuberculosis Control Society/CCpur nuai a TB Clinic ah apaisa October 2007 khasung in Damlou 322 ki-ensak uhi. Huaiteng lakah mi 169te khaksuah etchetna nei ua huai ah mi 11in TB vei ahihdan uh musuah uhi. Hiai khasung mah in TB Damdawi nek zouta a damsiang mi 55 pha uhi.
Khawnvaktui toh kisai in meeting
Lamka Nov 05: CDSU makaih in tuni sunnung dak 3:00 in CDSU Office ah DSO/CCpur tel in District sung a MLA Nominee’ teng in District quota Khawnvaktui muh ginatlouh toh kisai kikupkhawmna nei uhi.
Thutut kingah dan in hiai toh kisai in in zingchiang sunnung dak 3:00 in YPA Hall, Upper Lamka ah CDSU makaihna mah in District sung a MLA Nominee’ teng banah SK Oil Agent teng in meeting nei nawn ding ua huai ah panlak dingdan genkhawm ding uhi.
NIT toh kisai Public meeting
Lamka Nov 05: CDSU leh JAC kithuah in zingchiang sunma dak 11:00 in YPA Hall, Upper Lamka ah NIT toh kisai in Public meeting neih hiding hi. Hiai hun ah phatuamngai pawl tuamtuam, Student Organisation leh Community leader/Public leader tuamtuamte banah mipi kuapeh lunglutna neite’n uap ding in chial uhi.
Deptt. 33 in loh la
Lamka Nov 05: Finance Department in Manipur solkal nasemtute October 2007 kha loh laktheih dia order a suah dungzui in Treasury Officer/CCpur in tuni tan in Pensioner 1000 vel te bill a passed sak banah Department/DDO 33 te Pay Bill leng passed sak hi.
Inter-school Tourney
Lamka Nov 05: State Level Inter-school Tournament-2007 hongtung ding November 6-8, 2007 sung Imphal a Khumanlampak Main stadium ah neih hiding hi. Hiai ah Athletics a tel ding in Lamka apan in kimawlmi 13 tuni’n kuan uhi.
NREGS toh kisai meeting ding
Lamka Nov 05: National Rural Employment Guarantee Scheme (NREGS) toh kisai in hongtung ding November 8, 2007 sunnung dak 2:00 in DC’s Office Conference Hall DC/CCpur makaih in DRDA Staff te leh BDO teng banah SBI/CCpur Manager leh UBI/CCpur Manager te meeting ding uhi.
Thudang kizadan in DRDA office pan in BDO te kiangah khochih a hawm ding in Job Card piakkhiatkhit hita hi. Himahleh veng/khua khenkhat ah tunitan in nasemtu dingte’n Job Card tang nailou lai uhi.
Muanhuaitak apan thukizadan in, hiai Job card te bel a neitu’n kikep ding chih himahleh khua khenkhat ah hiai Job Card-te hawmkhelou in khohausate’n kem uh hi’n thutut kingah hi.
Doctor 4 Released 1 in joined
Lamka Nov 05: Lamka Damdawi Inn a semlai mundang a sem ding a Government in a transfer dungzui in Medical Superintendent Dr. M. Lachinkhai in tuni’n Doctor 4te released hi.
Amaute bel PHC Behiang a semding Dr. Michael H Taithul, PHC Senvon a sem ding Dr. Phirthanglien Buhril, PHC Parbung a semding Dr. Jamthianlal Valte leh PHC Henglep a semding Dr. Paulunmang Vaiphei te hi uhi. Huailou in Dr. Chinthianding Tawmbing in Borobekra PHC pan in Lamka Damdawi inn a semding in tuni’n joining report pia hi.
NOAP Scheme pension hawm
Lamka Nov 05: CCpur District sung a National Old Age Pension (NOAP) scheme nuai a pensioner Red card neite ading in tuni apan in Lamka Police Station ah pension sum kihawm hi. Tuni apan in November 8 tan in CCpur Block ate ading in hawm hiding a, November 13&14 in Henglep Block ate ading in hawm hiding hi. November 15&16 in Singngat Block ate ading in hawm hiding a, November 17 in Samulamlan Block te ading in hawm hiding hi. November 19& 20 chiang in Thanlon Block ate ading in hawm hinawn ding hi.
Capacity Building training kipan
Lamka Nov 05: SSA/CCpur saina in Synod House, Hill Town ah ‘Capacity Building- 5 days Training for Block Personnels & District Programme Officers’ tuni’n kipan a, zing dak 10:00 in hiai training Programme honkhiatna DMC(SSA)/CCpur Mr. Joseph Lalrothang in nei hi. Hiai training ah Mr. Lulun Gangte, Mrs. Boboi Gangte, Ms. Binodhini leh Mr. N. Pakasana te’n thupi tuamtuam pansan in sinsak ding uhi.
Nupi 1 vuak in om
Lamka Nov 05: Mrs. Laxmi (35) W/o. Basanta of Tuiringphaisen apaisa November 3, 2007 nitaklam in a khua uah bawng hawllai pasal zukham 2 in a bawnghawlte a soisak ziak un va khou a, himahleh tawp naksang in ana kivuakhuan ua, tu’n Lamka damdawi inn ah etkol in omlel hi.
Source: www.zogam.com
‘Pa’ hon chilou siah ka nek uh a ngai ding- Bukpi
Lamka Nov 05: District Supply Officer, CCpur Mr. Michael Ginzasuan leh Thanlon A/C MLA Nominee makaih a Thanlon A/C sung a FCS Fair Price Shop toh kisai a khualzin damtak in Lamka hong tung kikta uhi. DSO/CCpur in Thanlon bial a vehna uh toh kisai in zan Pathianni nitaklam dak 4 in ama teenna in ah Lamka pansan thuthaksaite kimuhpih in Thanlon A/C sung kho tuamtuam 13 ah Fair Price Shop hong khia hi.
DSO in a genna ah, Mautam kialpi chi kigen pen hong tung ding hinawn lou in, a taktak a hong tungta ahih dan a mit ngei a mu ahihdan gen hi. FCS tungtawn a antang piak ding leng kho sung pumpi BPL hivek mahle uh government record ah 40% khong lel in BPL card nei ua, a ding 60% APL antang ahihman in hawm rual dingdan haksa mahmah ahihdan gen hi a, gen kawm in BPL list naktak a hihsang ngai ahihdan uangtak in gen hi.
2007 sung a lounasemte sep gam 90% lohsam a, tuate pen Sazu ziak kia hilou in, biltep, bak, ngal leh a dangdang te leng uang mahmah in buhvui omsunte amaute kihawm gai pah zel uh ahihdan in louneitute’n DSO kiang ah lou mun mahmah a hohpih in ensak uhi. Mr. S. Paukhogin Chief of Dialkhai in buh tin 2 a tuhna ah tin 2 la zou hamham a, Bukpi khua a Village Authority Secrtary Pu Pumzalam ngial in ‘Nek ding kinei nawnlou, inn sung a ‘Pa’ hon chilou siah ka nek uh ngai ding ahi’ chin gen a, hiai thu in DSO lung tang dengsak mahmah ahihdan leng gen hi.
Thanlon A/C MLA nominee Pu Kampi in a genna ah, Thanlon khua a singlei (ginger) neitu Pu Thangvel in sing tamtak chiing a, himahleh a leinuai a Bui in a zung tengteng pettan vek in, siingte laktak ding omlou a, tuamahbang in Bal lei bawlte a leng hiai bang hithou dan in gen hi. Tu laitak in bel, lampi bawl ziakin Truck leng lut theilou a, lampi kibawl leng kial bawltu suak maimah hi’n leng Pu Kampi in gen hi.
Hiai kialpi toh kisai in, Manipur Hills Journalist Union (MHJU) in hiai kialpi toh kisai a mun mahmah a etchetna nei ding in thupukna la ngal ua, tua toh kisai hiai a MHJU in a poimoh bangbang a a zat ding in DC/CCpur Pu Sumant Singh, IAS in Rs. 30,000/- sanction ngal hi. MHJU in Singngat, Thanlon, Henglep leh Tipaimukh bial ngenteltak a etna ding in Rs. 60,000/- val poimoh a, hiai a ding in mi kiphal leh singtang a haksatak a khosate khualna a pe nuamte’n MHJU President/Secretary kiang ah Sintawpni tan in piaklut theih ding hi.
Spl. Contractor GS Haupu’n Press te kimuhpih
Lamka Nov 05: NEC nuai a Lamka Police Station apan Singngat kikal lampi kibawl pailel a Lamka khopi sung a gen-le-sak om neuhneuhte toh kisai in zan Nipi ni’n a bawltu G.S. Haupu, Special contractor in Press te kimuhpih hi.
Hiai ah GS Haupu in hiai toh kisai a haksatna tuamtuam a tuahte gen kawm in work specification toh kituak a bawl ahihdan gen a, a hoihlouhna khenkhat a om mai thei, huaite leng ka bawlhoih lai ding chi’n press te theisak hi. Nasepna etkai haksa mahmah ahihman in a hoihlouhnate kigensiat san mailou in, kitheisak pahzel le panlak dan a nuam mahmah ding chi’n gen hi.
Hiai toh kisai in hun remchang masapen ah contractor tel Press Team in Lamka Police Station apan khe in en suak vek ding in leng uhi.
Malaria vei 11 mukhia
Lamka Nov 05: District Malaria Office/CCpur a Malaria Clinic leh kho tuamtuam a FTD leh DDC apan October 2007 kha sung in damlou tuamtuam sisan lakkhawm /Blood Slide Collection uh 1532 phazou hi. Hiaite etchetna a neihna uah mi 11 te sisan ah Malaria om ahihdan musuah ua, huaite bel PF 10 leh PV 1 hidan in mukhia uhi.
Naupang tamtak natna dalna piak in om
Lamka Nov 05: District Immunization Office/CCpur ah National Child Survival & Safe Motherhood programme tungtawn in apaisa October 2007 sung in naupang tamtak nupi gailai natna tuamtuam dalna piak in om uhi. Kum 1 nuailam Pasal naupang 140 leh Numei naupang 159te BGC (TB dalna) piak in om ua, Pasal naupang 350 leh Numei naupang 372 te OPV (Zeng dalna) leh DPT (khuh hiip dalna) dalna piak in om uhi. Sensi/Measles dalna Pasal naupang 97 leh Numei naupang 107te piak ahihbanah Nupi naupaai 196 te Tetenus toxoid a kaap in om uhi.
TB vei 55 damsiang
Lamka Nov 05: District Tuberculosis Control Society/CCpur nuai a TB Clinic ah apaisa October 2007 khasung in Damlou 322 ki-ensak uhi. Huaiteng lakah mi 169te khaksuah etchetna nei ua huai ah mi 11in TB vei ahihdan uh musuah uhi. Hiai khasung mah in TB Damdawi nek zouta a damsiang mi 55 pha uhi.
Khawnvaktui toh kisai in meeting
Lamka Nov 05: CDSU makaih in tuni sunnung dak 3:00 in CDSU Office ah DSO/CCpur tel in District sung a MLA Nominee’ teng in District quota Khawnvaktui muh ginatlouh toh kisai kikupkhawmna nei uhi.
Thutut kingah dan in hiai toh kisai in in zingchiang sunnung dak 3:00 in YPA Hall, Upper Lamka ah CDSU makaihna mah in District sung a MLA Nominee’ teng banah SK Oil Agent teng in meeting nei nawn ding ua huai ah panlak dingdan genkhawm ding uhi.
NIT toh kisai Public meeting
Lamka Nov 05: CDSU leh JAC kithuah in zingchiang sunma dak 11:00 in YPA Hall, Upper Lamka ah NIT toh kisai in Public meeting neih hiding hi. Hiai hun ah phatuamngai pawl tuamtuam, Student Organisation leh Community leader/Public leader tuamtuamte banah mipi kuapeh lunglutna neite’n uap ding in chial uhi.
Deptt. 33 in loh la
Lamka Nov 05: Finance Department in Manipur solkal nasemtute October 2007 kha loh laktheih dia order a suah dungzui in Treasury Officer/CCpur in tuni tan in Pensioner 1000 vel te bill a passed sak banah Department/DDO 33 te Pay Bill leng passed sak hi.
Inter-school Tourney
Lamka Nov 05: State Level Inter-school Tournament-2007 hongtung ding November 6-8, 2007 sung Imphal a Khumanlampak Main stadium ah neih hiding hi. Hiai ah Athletics a tel ding in Lamka apan in kimawlmi 13 tuni’n kuan uhi.
NREGS toh kisai meeting ding
Lamka Nov 05: National Rural Employment Guarantee Scheme (NREGS) toh kisai in hongtung ding November 8, 2007 sunnung dak 2:00 in DC’s Office Conference Hall DC/CCpur makaih in DRDA Staff te leh BDO teng banah SBI/CCpur Manager leh UBI/CCpur Manager te meeting ding uhi.
Thudang kizadan in DRDA office pan in BDO te kiangah khochih a hawm ding in Job Card piakkhiatkhit hita hi. Himahleh veng/khua khenkhat ah tunitan in nasemtu dingte’n Job Card tang nailou lai uhi.
Muanhuaitak apan thukizadan in, hiai Job card te bel a neitu’n kikep ding chih himahleh khua khenkhat ah hiai Job Card-te hawmkhelou in khohausate’n kem uh hi’n thutut kingah hi.
Doctor 4 Released 1 in joined
Lamka Nov 05: Lamka Damdawi Inn a semlai mundang a sem ding a Government in a transfer dungzui in Medical Superintendent Dr. M. Lachinkhai in tuni’n Doctor 4te released hi.
Amaute bel PHC Behiang a semding Dr. Michael H Taithul, PHC Senvon a sem ding Dr. Phirthanglien Buhril, PHC Parbung a semding Dr. Jamthianlal Valte leh PHC Henglep a semding Dr. Paulunmang Vaiphei te hi uhi. Huailou in Dr. Chinthianding Tawmbing in Borobekra PHC pan in Lamka Damdawi inn a semding in tuni’n joining report pia hi.
NOAP Scheme pension hawm
Lamka Nov 05: CCpur District sung a National Old Age Pension (NOAP) scheme nuai a pensioner Red card neite ading in tuni apan in Lamka Police Station ah pension sum kihawm hi. Tuni apan in November 8 tan in CCpur Block ate ading in hawm hiding a, November 13&14 in Henglep Block ate ading in hawm hiding hi. November 15&16 in Singngat Block ate ading in hawm hiding a, November 17 in Samulamlan Block te ading in hawm hiding hi. November 19& 20 chiang in Thanlon Block ate ading in hawm hinawn ding hi.
Capacity Building training kipan
Lamka Nov 05: SSA/CCpur saina in Synod House, Hill Town ah ‘Capacity Building- 5 days Training for Block Personnels & District Programme Officers’ tuni’n kipan a, zing dak 10:00 in hiai training Programme honkhiatna DMC(SSA)/CCpur Mr. Joseph Lalrothang in nei hi. Hiai training ah Mr. Lulun Gangte, Mrs. Boboi Gangte, Ms. Binodhini leh Mr. N. Pakasana te’n thupi tuamtuam pansan in sinsak ding uhi.
Nupi 1 vuak in om
Lamka Nov 05: Mrs. Laxmi (35) W/o. Basanta of Tuiringphaisen apaisa November 3, 2007 nitaklam in a khua uah bawng hawllai pasal zukham 2 in a bawnghawlte a soisak ziak un va khou a, himahleh tawp naksang in ana kivuakhuan ua, tu’n Lamka damdawi inn ah etkol in omlel hi.
Source: www.zogam.com
No comments:
Post a Comment