World AIDS Day 2007 zat in om
Lamka Dec 01: District AIDS Committee (DAC)/CCpur saina in New Lamka YPA Hall ah tuni zing dak 7:30 in ‘STOP AIDS KEEP THE PROMISE-LEADERSHIP’ chih thupi a zang in World AIDS Day (WAD)-2007 zatna om hi.
Hiai World AIDS Day zatna ah NGO tuamtuam tamtak kihel ua, amaute’n amau office/centre chiat apan in Banners leh Placards chituamtuam tawikawm a lampi zui in World AIDS Day zatna mun New Lamka YPA Hall ah paikhawm uhi.Hiai WAD 2007 zatna ah Mr. Sumant Singh, IAS, DC/CCpur in Chief Guest hihna toh uap a, Dr. Lalzakung Tusing, Consultant, SHALOM in Guest of Honour hihna toh uap in Mr. Joseph Lalrothang, ZEO/CCpur in Function President hihna toh uap hi. Chief Guest makaih in World AIDS Day Lamp/Candle detna makai tuamtuamte’n nei ua, SHALOM Director makaih in AIDS ziak a sisate sunna hunzat in om a Rev. Dr. S. Langzakham, Pricipal, GBC makaih in Litancy for World AIDS Day 2007 simkhiatna om hi. Special Couple Show neih in om a huai ah HIV/AIDS vei nupa Kop 6 lahkhiat in om hi. Function President Mr. Joseph Lalrothang, ZEO/CCpur in a thugenna hun ah HIV/AIDS doudalna toh kisai a mipi lam apan panlakna/response hoih mahmah ahihdan gen in tu a dan a ahoihtouzel leh i gamsung ah hiai natna kiampah ding ahihdan gen hi. Chief Guest Mr. Sumant Singh, IAS in a thugenna ah HIV/AIDS doudalna ah Government in deihbang a panla zoulou ahihdan gen in District sung a MSF Holland te hong om uh hamphathuai mahmah a amaute (MSF) Governmental institution te sang a leng zattheihzaw uh ahihdan gen hi. HIV/AIDS natna veite kepbit/humbitna piakngai uh ahihdan leh natna douna ah ginna leh hoihlam-etna (faith & optimism) in poimohna lianpi nei ahihdan gen in hiai natna tung a vualzohna dia pankhawm a sepkhawm poimoh ahihdan gen hi. Guest of Honour hihna toh uap Dr. Lalzakung Tusing, Consultant, SHALOM in athugenna ah HIV/AIDS veilou dia mahni leh koppihte kikep siangthou damdawi hoihpen ahihdan gen hi. Hiai World AIDS Day 2007 zatna ah NGO tuamtuam apan in lemchiin tuamtuam lahna leng om a, SHALOM leh SAHARA te kiangah Best NGO Award piakkhiat in om hi. Hiai World AIDS Day 2007 toh kisai a Essay, Painting, Slogan leh Quiz kidemnate a Khatna apan Thumna tan late kiangah Chief Guest in Certificate leh sum piakna nei a huaibanah World AIDS Day 2007 zatna uap NGO teng kiangah ah leng Certificate leh sum piakna nei hi.
NE adia IIM Centre masapen honkhiak in om
Shillong, Dec 1(NNN): Union Minister of Human Resources Development Arjun Singh in tuni in North East adia B School masapen ding in Shillong khopi ah IIM Centre khat honkhiakna nei hi. Shillong khopi a Indian Institute of Management (IIM) centre kihong ahihleh, IIM khangthu ading leh India khangthu ading in a mun 8 na hipan lel a, IIM centre hoihpen a kigen IIM- A(Ahmedabad) compete thei ding hial in hiai centre puahphat hiding in kigen hi.
Union minister in agenna ah, 8th IIM centre kichi hongkhe theidia a om na ah kipahhuai asakdan gen in, North East mun poimoh tak ahihdan taklang kawm in, North East khansakna ding in B School poimoh mahmah a, Agriculture, Education leh power sector banah communication ah North East khang tou hiaihiai ahihdan taklang hi.
Arjun Singh in agenbehna ah, Centre Government in chiklaipeuh in NE state te mit nauta bang a en ahihdan gen in, siamna kong ah kuapeuh in kithuahpihna poimoh ding ahihdan uangtak in gen hi. Union Tribal Affairs Minister P.R.Kyndiah leh Meghalya Chief Minister D.D.Lapang in Arjun Singh phat huai asak dan uh gen tuaktuak ua, amah ziak liauliau a NE in hamphatna ngah ahihdan gen ua, IIM kichi Business school sangpen NE in takkha ahihna ah, hamphatna leh vualzawlna thupitak ahihdan taklang uhi.
Union HRD Minister Arjun Singh in tuni mah in, North Eastern Hill University (NEHU)complex vehna nei in, huai ah University in ataksap om teng Centre in ngaihtuah pih ding ahihdan gen in, 11th plan sung ngei in NEHU naktak a dopkang hiding in hancham hi. Tuni tan in NEHU in minsiatna tuak nailou in, Fund a paipeuh mah leng chi taktak in ana zangsek ua, huai mah tuni tan in paipih lai uh hi’n leng thusuak in taklang hi.
Govt. semtute khaloh tuni apat laktheihta
IMPHAL DEC 1: Manipur Govt. nuai a Under Secretary (FC) in tuni a thusuaha bawlna ah, govt. semtute November kha loh leh adangdangte tuni apat laktheih hita dan in taklang hi. Hiai thusuak dan in, govt. semtute November kha loh leh pensions, arrears leh retirement benefit tel in, ration money, medical advances leh re-imbursements, ex-gratia leh relief payments, GPF, Honorarium of ICDS staff leh adang dang tamtak tel hi.
Langva hawmkhiakna Power Minister in uap ding
Lamka Dec 1: Manipur Chief Minister. O. Ibobi Singh leh IFCD Minister lui banah, tulel a Power Minister hihna len lel Pu T. Phungzathang leh Govt. Official tamtak in MLA term masa July 24, 2006 a Lamjang khua a vaphak hun ua Khuga Dam in a suksiat khuate kiang a piak dia a chiam dungzui in hong tung ding Dec 3, 2007 zinglam dak 9:30 in innkuan 720 te kiang ah langva piakkhiat hita ding uhi.
Hiai hawmkhiakna Khuga Project mun ah om ding a, Power Minister Pu T. Phungzathang in Chief hihna toh a kisaipihte kiang ah langva pekhe ding a, Pu N. Biren Singh, Minister, IFCD in Functional President hihna toh uap ding hi. Tuabanah, Pu T.N. Haokip, Minister PHED , Pu K. Ranjit, Minister, Works leh Pu Md. Alauddin Khan, Minister, MOBC ten Guest of Honour hihna toh uap chiat ding uhi.
Power Minister in Guest House Suangphum ding
Lamka Dec 1: Power Mister Pu T. Phungzathang in hong tung ding December 3, 2007 sun dak 12 DC/CCpur quarter sak a Guest House kibawl ding sungphum Chief Guest hikawm in hong ding hi.
Hiai hun zatna ah Works Minister Pu K. Ranjit Singh in Functional President hihna toh uap ding a, tuabanah, PHED Minister Pu T.N. Haokip leh IFCD Minister Pu N. Biren Singh ten Guest of Honour hihna toh uap ding uhi. Hiai Guest House bel ACA 2007-2008 fund tungtawn a bawl hiding hi’n leng thutut kingah hi.
Mung leh Ching kiteng ding
Lamka Dec 1: Mr. Ginkhenmung Guite of Bungmual Miss Niangsaanching d/o Ginthawn on Vengnuam New Lamka, hong tung ding December 13, 2007 zinglam dak 10 in EBCC Buangmual Biakinn ah kiteng ding uhi.
Golden Jubilee lawm ding
Lamka Dec 1: Evangelical Organization Church (EOC) in hong tung ding Dec 12-16, 2007 sung Mata khua ah EOC kum 50 chin, Golden Jubilee lawpna nei ding uhi. Hiai hun ah Rev. James Ehraman(USA), Rev. Lucy Dimnu, Rev. Kh. Khaizakham, Rev. Joel Kime (USA), Dr. Th. Lambawi leh Rev. S. Lalpi Vaiphei ten tanchinhoih gen ding uhi.
NSIC nuai ah loan nget theih
Lamka Dec 01: National Small Industries Corporation (NSIC) in hong tung ding December 4, 2007 sunma dak 11 in YPA Headquarter hall, Upper Lamka ah Awareness Campaign nei ding uhi. Hiai hun ah, loan a piak theih dan uh lam tuamtuam leh mipite theih ding a poimohte Guwahati apan a mipoimoh hong paite’n gen ding ua, amau nuai a loan la nuamte’n hiai hun pelhlouh hoih ding hi. Amaute’n Lamka khopi sung ah mi tamloute kiang ah loan peta ua, Lamka Post print na offiset leng amau piak ahi.
DC in NREGS nasepdan enkhia
Lamka Dec 01: National Rural Employment Guarantee Scheme tungtawn a nasepna mun (worksite) khenkhat tuni’n DC/CCpur Mr. Sumant Singh, IAS etkhiatna nei hi. Tuni sun dak 12:00 in DC in Nehru Marg te nasepna mun etkhiatna nei a huaizoh in Zenhang Lamka te nasepna mun ah a nasep dan uh etkhiatna nei hi. Hiai mun ah DC in NREGS tungtawn a nasepna toh kisai in nupi naunawiteplai neite’n nasepna mun ah a naute uh tonpih thei ding ua, anaute uh enkol/dontu ding khat VA Chairman in sepkhia in naupang bangzah hiam mikhat in don ding a huai naudontu nitha/loh leng NREGS sum apan in piak hiding ahihdan gen hi. Sunnung dak 2:00 vel in Molnom khua a NREGS nasepna mun etkhiatna leng DC/CCpur in nei hi
Lei chim in delhkha
Lamka Dec 01: Mrs. Lhaikhohoi (35) W/o. Haokam of Seitual Khothah zan zing dak 10:00 vel in a khua ua lui a piaunel khuatlai leibang kichim in delhkha in ataklam pheipi guh kitan a Lamka Damdawi Inn ah etkol in omlel hi.
Ambush ah AR 1 si, 1liam
Lamka Dec 01: Lamka Police apan kizadan in Singngat Sub-Division sunga Zoukhonuam khua ah zan nitak dak 7:15 vel in 9Bn. Assam Rifles pawlkhat Patrolling pailai phaijang helpawl hidai gintak pawlkhat in ana lamtan/ambush ua huai ah AR jawan 1 si in 1 liam hi. Kaplup a om bel Rfn. K. Manao Zou (21) S/o. K. Nemniang Zou of Loksijang, Chandel District hi a tuni nitaklam in aluang Lamka Damdawi Inn Morgue puaktun in om a zingchiang in Post mortem bawl hiding hi. Kapliam a om bel Rfn. Mohammed Rafi (26) hi a thautang in aveilam khe khaliam zek a, a Unit Hospital uah etkol in omlel hi.
World Disable day 2007 zang ding
Lamka Dec 01: SSA/CCpur saina in hongtung ding December 3, 2007 zing dak 10:00 apan in New Lamka YPA Hall ah ‘World Disable Day 2007’ zatna omding hi. Hiai hun ah Mr. Joseph Lalrothang, ZEO/DMC, SSA,CCpur in Chief Guest hihna toh uap ding a Mr. H. Damzakam, ADMC/SSA,CCpur in Functional President hihna toh uap ding hi. Hiai hun ah ‘Early Detection & Care of Person with Disabilities (PWD) at home level’ chih thupi azang in Dr. VC Pau in thugen ding a, ‘Details of PWD Act.1995 and Facilities available under SSA’ chih thupi azang in Ms. Boboi Gangte in thugen ding hi.
3 (NH) AR in WAD zatna nei
Lamka Dec 01: Khovel pumpi a mun tuamtuam a World AIDS Day zatna neih ahihtoh kiton in HQ Veng pansan aom 3(Naga Hils) Assam Rifles in leng a Battalion HQ uah tuni’n World AIDS Day 2007-cum-AIDS Awareness Programme zang ua, Col. Koj Tari, Commandant, 3 AR in leng uap hi.
Hiai hun ah AIDS natna toh kisai leh a kiven dingdan sinsakna Captain Tabu Maling, RMO in nei a, AIDS toh kisai theihsiamlouh aneihte uh hilhchetna leng nei hi. Hiai hun ah exhibition tuamtuam a neih banuah pamphlets leh poster tuamtuam hawmna leng nei ua, sepaih tamtak atel banah a zi leh tate uh tamtak leng tel uhi.
HIV/AIDS Awareness
Lamka Dec 01: District Police, CCpur saina in hongtung ding December 4, 2007 zing dak 10:00 apan in IB Road a Synod Hall ah Police leh IRB Personnelte ading in ‘One Day Awareness Programme on HIV/AIDS and STI’ neih hiding hi. Hiai Awareness Programme bel SHALOM sponsor a neih hiding hi.
Refresher Course
Lamka Dec 01: Grace Bible College saina nuai a HIV/AIDS Home Based Care Project in hong tung ding December 3-5, 2007 sung GBC mun ah Refresher Course Training Programme sai ding uhi. Hiai hun pen December 3, zinglam dak 6:30 in kipan ding a, programme a tel dingte’n chiamteh a a hun a tung ding Porject Coordinator in theisak hi.
Gospel Tour
Lamka Dec 01: EBCC Central Lamka Local Pastor H. Jamkhanpau makaih in tuni’n Sinjawl leh Songtal khua veh ding in Town bus zang in kuankhia ua, December 3 in hong tungkik ding uhi.
NPF Solkar nawsia MLA 2 om nawn
Kohima, Dec 1(NNN): Nagaland People's Front (NPF) makaih Democratic Alliance of Nagaland (DAN) Government in in tuni in gimthuakna chikhat tuak nawn ding in kisa ua, DAN nuai a Minister lenlel khat leh Senior Parliamentary Secretary khat in kitawpna pia in, DAN Government ah muanzohna neinawn lou uh ahihdan puang uhi. 10th Nagaland Legislative Assembly (NLA) nuai ah DAN apan MLA tamtak ki awngsut ta ua, kum nawn February election pen nuam mahmah ding suak hi. Thusuak in ataklatna ah, Minister for Information & Publication Relations (IPR) and Forest, Kheto Sumi leh Parliamentary Secretary for Social Welfare, Hollohon te’n tuni in MLA ahihna uapan kitawpna pelut uh ahihdan gen uhi. Kal khat lel paisa sung in CM Neiphiu Rio makaih DAN Governmetn apan Minister nih leh Parliamentary secretary 2 in kitawpna apiaklutna uh hita hi.
Hornbill Festival zatna pailel
Kohima, Dec 1(NNN): Ni 7 sung daihding Hornbill Festival kichi tuni in Kisama mun ah pat in om a, Nagaland Governor K. Sankaranayaranan in honkhiakna nei in, Sangtam Naga tribe apan heutu tuamtuam in vualzawlna hun ngen uhi. Hiai hornbill festival leh Nagaland Statehood Day kituak kha geih a, huai in state Government su kipak diak bang hi. Governor in agenna ah, Hornbill kichi vaphual hi a, hiai vaphual in thil hih theihna thupitak nei ahihdan gen in, vaphual in a asang gam leh a laizom te a it bang a, Nagate leng ki it tuah ding in hasuan hi. Tuni chiang in, Nagate’n tumlam gamte paidan zui hiaihiai in khantouhna leh khanlohna chi khat om in, Nagaland ading in lam tuamtuam ah hamphatna Central Government apan hongpai ahihdan gen hi. Nagaland Chief Minister, Neiphiu Rio in agenna ah, Nagaland gam etlah huaitak a om ahihdan gen in, khualzinmite adia mun ngaihnat huai leh khiaklah theih vungvung ahihdan genkawm in, tourism lam suk hatna dia kuapeuh pang ding in hasuan hi.
Manipur a HIV positive vei 27,961 lak ah numei 7106 om Manipur State Aids policy 1996 bawlthak ngaita - CM
IMPHAL DEC 1: Tuni 20th World Aids Day ahihtoh kiton in, 'Stop Aids, keep the promise-leadership' chih thupi zangin, Manipur ah pawl tuamtuam saina in tuni’m mun tamtak ah World Aids Day zat in om hi.
Manipur State Aids Control Society (MACS) saina in, Thangmeiband Athletic Ground (THAU) ah State level function om a, tua hun ah khuallian in Manipur Governor Dr. SS. Sidhu, President in Chief Minister O. Ibobi Singh leh Guest of Honour in Assembly Speaker Dr. S. Budhichandra Singh te pang uhi.
Hiai hun a khuallian apang Governor in agenna ah, nam thupi khat hihna ding leh hinkhua nuamtak a khosak ahihtheihna dia kuapeuh in chidamna poimoh mahmah ahihdan gen hi. Hiai adia media ten poimohna liantak nei ahihdan uhleng Governor in gen hi. Media tungtawn a kisinsakna leh awareness tampi suahkhiak theih hidan in leng taklang hi. Medical Science khan zel toh kiton a AIDS natna leng naktak a sukkiam hidan inleng gen a, himahleh suk bei chih bel om tadih zou nailou hidan in leng gen a, kuapeuh pangkhom a 'Aids free society' hihsak sawm dingin leng Governor in ngen hi.
Chief Minister O. Ibobi Singh in agenna ah, Manipur a Aids natna tam mahmah ahihdan gen in, tukum September khatan a HIV positive case 27,961 lak a numei 7106 om ahihdan gen a, AIDS natna vei 294 ahihban ah sihna tuaksa 90 bang omta dan inleng CM in gen hi. Hichibang ahihman in, AIDS control na dia programme omte phatuam thei bangpen a zat kul a sak dan leng gen hi. Aban agenna ah, HIV/AIDS doudalna dia India a State policy bawl masapen Manipur hidan inleng CM in gen hi. Hiai adia Manipur State Aids Policy 1996 a kibawl ahihdan gen hi.
Hiai toh kisai a health and family welfare, education, youth affairs and sports leh social welfare a akisaipih minister te hiai policy hoihtak a zang dia theihsak hidan un leng CM in gen a, 1996 a kibawl policy pen bawlthak kulta hidan inleng CM in gen hi.
CM in a genzelna ah, tumazek a kibawl thak Manipur Legislature forum on HIV/AIDS, Zilla parishad leh district council forum te tungtawn a MLA teng in, amau constituency chiat a MLA local area development fund zanga hiai natna deihhuailou sukbeina dia panlak hidan in leng gen hi. Tuni a hiai hunzatna ah, Minister tuamtuam leh MLA te ban ah, govt. departmenttuamtuam a officer leh official tamtak leng kihel uhi.
Psycho-social rehabilitation toh kisai in seminar om
IMPHAL DEC 1: Regional Institute of Medical Sciences leh Manipur AIDS Control Society saina in tuni’n, RIMS mini auditorium ah, One day Seminar on 'Psycho-social rehabilitation of HIV positive people' chih om hi.
RIMS Director Prof. L.Fimate in agenna ah, kuapeuh in war footing a AIDS dou dingin chialna bawl a, khovel pumpi a hiai natna ngaihkhawk mahmah ahihlai in punlam nawttou zel hidan in gen hi. RIMS Director in agen behna ah, culture of drug, gun, extortion chihte kuapeuh in dou dingin chialna leng nei hi.
Hiai hun a Prof.T.Y.Babu in agenna ah, Manipur a HIV positive 27,960 lak a numei 7106 ompha a, numei naupai 1.4% leng HIV positive nei ahihdan uh gen hi. Prof. N.Heramani in agenna ah, khovel pumpi a 65 million te AIDS natna nei ahihlai in November 2007 tan in India ah 2.5 million ten hiai natna nei uh chi hi. Hiai seminar ah paper tuamtuam guk simkhiak in om hi.
Ganja 272 kgs pua Jeep leh mi 2 mankhawm
IMPHAL DEC 1: Narcotic and Affairs of Borders (NAB) ten zan nitak dak 7.30 vel dingin, Mongsangei mayai leikai a CRPF campus kiang ah, Ganja 272 kgs pua Mahindra Jeep MN 06/L 0151 leh mi 2 mankhawm uhi. Hiai a matkhiakte tuni’n SP NAB, S. Amilal Sharma in thuthak saimite lak ah pulak hi.
Mat a om mi nihte bel, Anil Bista (32) s/o Ratan Bahadur of Uyumpok Maning leikai, Lamlai PS leh Ratan Chawan (38) s/o Bal Bahadur of Purun Khul, Lamlai PS hidan un SP NAB in gen hi. Hiai a mat a om Ganja 272 kgs te Manipur polam a zuak hileh Rs 8 lakh man hidingin leng SP in gen hi.Mat a om mi nihten, gari registration no. plate leng thum zang ua, tuate bel, MN 06/L 0151, AS 01/A 1158 leh WB 34A/3985; gari registration certificate (RC book) leng thum mah zang uhi. Himahleh, gari Chassis no. te bel kibang vek in, CDRDX-20283 leng ahi. Ganja puakna dingin Jeep sung bawl lamdang ahihban ah, Ganja te adoklou a pua uh hidan in leng SP in genbeh hi.
AMADA in CM kiang ah memorandum pelut
IMPHAL DEC 1: Tuni World Aids day ahihtoh kiton in, Imphal ah leng NGO leh pawl tuamtuam in mun tamtak ah hiai hun zatna nei uhi. AMADA in amau office Keishampat ah zang ua, tua ah khuallian in Education minister L. Jeyantakumar pang hi. AMADA in minister tungtawn in CM kiang ah memorandum khat tuni’n pelut ua, tua ah, HIV/AIDS doudalna nasep tuasang a naktak a govt. in panla ding ngetna nei uhi. Memorandum a kitaklang point 13 te lak a khenkhat bel, Female doctors of STI & Obstetrics/Gyneacology units te mobilezed bawl ding, Long term adia ART a damdawi poimohte omsak gige ding, Civil society leh NGO tuamtuam HIV/AIDS toh kisai a nasep neite etkaina dia monitoring body bawlkhiak ding, PLHA te adia ART centre a clinical investigation a thawn a omsak ding chihte ahi. World Vision te saina in Imphal a Kuki In ah World aids day zatna om a, tua ah khuallian in Dr. Ng. Bijoy MLA pang hi. MNP+ te saina in leng Manipur Dramatic Union Hall ah hun zatna om a, tuabanah, CRPF Group Centre, Langjing, DC office IE, Assembly Secretariat chihte ah leng hiai hun zatna om hi. Tuni a hiai hun zat toh kiton in Imphal khopi sung ah pawl tuamtuam in cycle rally leng nei uhi.
Lamka Dec 01: District AIDS Committee (DAC)/CCpur saina in New Lamka YPA Hall ah tuni zing dak 7:30 in ‘STOP AIDS KEEP THE PROMISE-LEADERSHIP’ chih thupi a zang in World AIDS Day (WAD)-2007 zatna om hi.
Hiai World AIDS Day zatna ah NGO tuamtuam tamtak kihel ua, amaute’n amau office/centre chiat apan in Banners leh Placards chituamtuam tawikawm a lampi zui in World AIDS Day zatna mun New Lamka YPA Hall ah paikhawm uhi.Hiai WAD 2007 zatna ah Mr. Sumant Singh, IAS, DC/CCpur in Chief Guest hihna toh uap a, Dr. Lalzakung Tusing, Consultant, SHALOM in Guest of Honour hihna toh uap in Mr. Joseph Lalrothang, ZEO/CCpur in Function President hihna toh uap hi. Chief Guest makaih in World AIDS Day Lamp/Candle detna makai tuamtuamte’n nei ua, SHALOM Director makaih in AIDS ziak a sisate sunna hunzat in om a Rev. Dr. S. Langzakham, Pricipal, GBC makaih in Litancy for World AIDS Day 2007 simkhiatna om hi. Special Couple Show neih in om a huai ah HIV/AIDS vei nupa Kop 6 lahkhiat in om hi. Function President Mr. Joseph Lalrothang, ZEO/CCpur in a thugenna hun ah HIV/AIDS doudalna toh kisai a mipi lam apan panlakna/response hoih mahmah ahihdan gen in tu a dan a ahoihtouzel leh i gamsung ah hiai natna kiampah ding ahihdan gen hi. Chief Guest Mr. Sumant Singh, IAS in a thugenna ah HIV/AIDS doudalna ah Government in deihbang a panla zoulou ahihdan gen in District sung a MSF Holland te hong om uh hamphathuai mahmah a amaute (MSF) Governmental institution te sang a leng zattheihzaw uh ahihdan gen hi. HIV/AIDS natna veite kepbit/humbitna piakngai uh ahihdan leh natna douna ah ginna leh hoihlam-etna (faith & optimism) in poimohna lianpi nei ahihdan gen in hiai natna tung a vualzohna dia pankhawm a sepkhawm poimoh ahihdan gen hi. Guest of Honour hihna toh uap Dr. Lalzakung Tusing, Consultant, SHALOM in athugenna ah HIV/AIDS veilou dia mahni leh koppihte kikep siangthou damdawi hoihpen ahihdan gen hi. Hiai World AIDS Day 2007 zatna ah NGO tuamtuam apan in lemchiin tuamtuam lahna leng om a, SHALOM leh SAHARA te kiangah Best NGO Award piakkhiat in om hi. Hiai World AIDS Day 2007 toh kisai a Essay, Painting, Slogan leh Quiz kidemnate a Khatna apan Thumna tan late kiangah Chief Guest in Certificate leh sum piakna nei a huaibanah World AIDS Day 2007 zatna uap NGO teng kiangah ah leng Certificate leh sum piakna nei hi.
NE adia IIM Centre masapen honkhiak in om
Shillong, Dec 1(NNN): Union Minister of Human Resources Development Arjun Singh in tuni in North East adia B School masapen ding in Shillong khopi ah IIM Centre khat honkhiakna nei hi. Shillong khopi a Indian Institute of Management (IIM) centre kihong ahihleh, IIM khangthu ading leh India khangthu ading in a mun 8 na hipan lel a, IIM centre hoihpen a kigen IIM- A(Ahmedabad) compete thei ding hial in hiai centre puahphat hiding in kigen hi.
Union minister in agenna ah, 8th IIM centre kichi hongkhe theidia a om na ah kipahhuai asakdan gen in, North East mun poimoh tak ahihdan taklang kawm in, North East khansakna ding in B School poimoh mahmah a, Agriculture, Education leh power sector banah communication ah North East khang tou hiaihiai ahihdan taklang hi.
Arjun Singh in agenbehna ah, Centre Government in chiklaipeuh in NE state te mit nauta bang a en ahihdan gen in, siamna kong ah kuapeuh in kithuahpihna poimoh ding ahihdan uangtak in gen hi. Union Tribal Affairs Minister P.R.Kyndiah leh Meghalya Chief Minister D.D.Lapang in Arjun Singh phat huai asak dan uh gen tuaktuak ua, amah ziak liauliau a NE in hamphatna ngah ahihdan gen ua, IIM kichi Business school sangpen NE in takkha ahihna ah, hamphatna leh vualzawlna thupitak ahihdan taklang uhi.
Union HRD Minister Arjun Singh in tuni mah in, North Eastern Hill University (NEHU)complex vehna nei in, huai ah University in ataksap om teng Centre in ngaihtuah pih ding ahihdan gen in, 11th plan sung ngei in NEHU naktak a dopkang hiding in hancham hi. Tuni tan in NEHU in minsiatna tuak nailou in, Fund a paipeuh mah leng chi taktak in ana zangsek ua, huai mah tuni tan in paipih lai uh hi’n leng thusuak in taklang hi.
Govt. semtute khaloh tuni apat laktheihta
IMPHAL DEC 1: Manipur Govt. nuai a Under Secretary (FC) in tuni a thusuaha bawlna ah, govt. semtute November kha loh leh adangdangte tuni apat laktheih hita dan in taklang hi. Hiai thusuak dan in, govt. semtute November kha loh leh pensions, arrears leh retirement benefit tel in, ration money, medical advances leh re-imbursements, ex-gratia leh relief payments, GPF, Honorarium of ICDS staff leh adang dang tamtak tel hi.
Langva hawmkhiakna Power Minister in uap ding
Lamka Dec 1: Manipur Chief Minister. O. Ibobi Singh leh IFCD Minister lui banah, tulel a Power Minister hihna len lel Pu T. Phungzathang leh Govt. Official tamtak in MLA term masa July 24, 2006 a Lamjang khua a vaphak hun ua Khuga Dam in a suksiat khuate kiang a piak dia a chiam dungzui in hong tung ding Dec 3, 2007 zinglam dak 9:30 in innkuan 720 te kiang ah langva piakkhiat hita ding uhi.
Hiai hawmkhiakna Khuga Project mun ah om ding a, Power Minister Pu T. Phungzathang in Chief hihna toh a kisaipihte kiang ah langva pekhe ding a, Pu N. Biren Singh, Minister, IFCD in Functional President hihna toh uap ding hi. Tuabanah, Pu T.N. Haokip, Minister PHED , Pu K. Ranjit, Minister, Works leh Pu Md. Alauddin Khan, Minister, MOBC ten Guest of Honour hihna toh uap chiat ding uhi.
Power Minister in Guest House Suangphum ding
Lamka Dec 1: Power Mister Pu T. Phungzathang in hong tung ding December 3, 2007 sun dak 12 DC/CCpur quarter sak a Guest House kibawl ding sungphum Chief Guest hikawm in hong ding hi.
Hiai hun zatna ah Works Minister Pu K. Ranjit Singh in Functional President hihna toh uap ding a, tuabanah, PHED Minister Pu T.N. Haokip leh IFCD Minister Pu N. Biren Singh ten Guest of Honour hihna toh uap ding uhi. Hiai Guest House bel ACA 2007-2008 fund tungtawn a bawl hiding hi’n leng thutut kingah hi.
Mung leh Ching kiteng ding
Lamka Dec 1: Mr. Ginkhenmung Guite of Bungmual Miss Niangsaanching d/o Ginthawn on Vengnuam New Lamka, hong tung ding December 13, 2007 zinglam dak 10 in EBCC Buangmual Biakinn ah kiteng ding uhi.
Golden Jubilee lawm ding
Lamka Dec 1: Evangelical Organization Church (EOC) in hong tung ding Dec 12-16, 2007 sung Mata khua ah EOC kum 50 chin, Golden Jubilee lawpna nei ding uhi. Hiai hun ah Rev. James Ehraman(USA), Rev. Lucy Dimnu, Rev. Kh. Khaizakham, Rev. Joel Kime (USA), Dr. Th. Lambawi leh Rev. S. Lalpi Vaiphei ten tanchinhoih gen ding uhi.
NSIC nuai ah loan nget theih
Lamka Dec 01: National Small Industries Corporation (NSIC) in hong tung ding December 4, 2007 sunma dak 11 in YPA Headquarter hall, Upper Lamka ah Awareness Campaign nei ding uhi. Hiai hun ah, loan a piak theih dan uh lam tuamtuam leh mipite theih ding a poimohte Guwahati apan a mipoimoh hong paite’n gen ding ua, amau nuai a loan la nuamte’n hiai hun pelhlouh hoih ding hi. Amaute’n Lamka khopi sung ah mi tamloute kiang ah loan peta ua, Lamka Post print na offiset leng amau piak ahi.
DC in NREGS nasepdan enkhia
Lamka Dec 01: National Rural Employment Guarantee Scheme tungtawn a nasepna mun (worksite) khenkhat tuni’n DC/CCpur Mr. Sumant Singh, IAS etkhiatna nei hi. Tuni sun dak 12:00 in DC in Nehru Marg te nasepna mun etkhiatna nei a huaizoh in Zenhang Lamka te nasepna mun ah a nasep dan uh etkhiatna nei hi. Hiai mun ah DC in NREGS tungtawn a nasepna toh kisai in nupi naunawiteplai neite’n nasepna mun ah a naute uh tonpih thei ding ua, anaute uh enkol/dontu ding khat VA Chairman in sepkhia in naupang bangzah hiam mikhat in don ding a huai naudontu nitha/loh leng NREGS sum apan in piak hiding ahihdan gen hi. Sunnung dak 2:00 vel in Molnom khua a NREGS nasepna mun etkhiatna leng DC/CCpur in nei hi
Lei chim in delhkha
Lamka Dec 01: Mrs. Lhaikhohoi (35) W/o. Haokam of Seitual Khothah zan zing dak 10:00 vel in a khua ua lui a piaunel khuatlai leibang kichim in delhkha in ataklam pheipi guh kitan a Lamka Damdawi Inn ah etkol in omlel hi.
Ambush ah AR 1 si, 1liam
Lamka Dec 01: Lamka Police apan kizadan in Singngat Sub-Division sunga Zoukhonuam khua ah zan nitak dak 7:15 vel in 9Bn. Assam Rifles pawlkhat Patrolling pailai phaijang helpawl hidai gintak pawlkhat in ana lamtan/ambush ua huai ah AR jawan 1 si in 1 liam hi. Kaplup a om bel Rfn. K. Manao Zou (21) S/o. K. Nemniang Zou of Loksijang, Chandel District hi a tuni nitaklam in aluang Lamka Damdawi Inn Morgue puaktun in om a zingchiang in Post mortem bawl hiding hi. Kapliam a om bel Rfn. Mohammed Rafi (26) hi a thautang in aveilam khe khaliam zek a, a Unit Hospital uah etkol in omlel hi.
World Disable day 2007 zang ding
Lamka Dec 01: SSA/CCpur saina in hongtung ding December 3, 2007 zing dak 10:00 apan in New Lamka YPA Hall ah ‘World Disable Day 2007’ zatna omding hi. Hiai hun ah Mr. Joseph Lalrothang, ZEO/DMC, SSA,CCpur in Chief Guest hihna toh uap ding a Mr. H. Damzakam, ADMC/SSA,CCpur in Functional President hihna toh uap ding hi. Hiai hun ah ‘Early Detection & Care of Person with Disabilities (PWD) at home level’ chih thupi azang in Dr. VC Pau in thugen ding a, ‘Details of PWD Act.1995 and Facilities available under SSA’ chih thupi azang in Ms. Boboi Gangte in thugen ding hi.
3 (NH) AR in WAD zatna nei
Lamka Dec 01: Khovel pumpi a mun tuamtuam a World AIDS Day zatna neih ahihtoh kiton in HQ Veng pansan aom 3(Naga Hils) Assam Rifles in leng a Battalion HQ uah tuni’n World AIDS Day 2007-cum-AIDS Awareness Programme zang ua, Col. Koj Tari, Commandant, 3 AR in leng uap hi.
Hiai hun ah AIDS natna toh kisai leh a kiven dingdan sinsakna Captain Tabu Maling, RMO in nei a, AIDS toh kisai theihsiamlouh aneihte uh hilhchetna leng nei hi. Hiai hun ah exhibition tuamtuam a neih banuah pamphlets leh poster tuamtuam hawmna leng nei ua, sepaih tamtak atel banah a zi leh tate uh tamtak leng tel uhi.
HIV/AIDS Awareness
Lamka Dec 01: District Police, CCpur saina in hongtung ding December 4, 2007 zing dak 10:00 apan in IB Road a Synod Hall ah Police leh IRB Personnelte ading in ‘One Day Awareness Programme on HIV/AIDS and STI’ neih hiding hi. Hiai Awareness Programme bel SHALOM sponsor a neih hiding hi.
Refresher Course
Lamka Dec 01: Grace Bible College saina nuai a HIV/AIDS Home Based Care Project in hong tung ding December 3-5, 2007 sung GBC mun ah Refresher Course Training Programme sai ding uhi. Hiai hun pen December 3, zinglam dak 6:30 in kipan ding a, programme a tel dingte’n chiamteh a a hun a tung ding Porject Coordinator in theisak hi.
Gospel Tour
Lamka Dec 01: EBCC Central Lamka Local Pastor H. Jamkhanpau makaih in tuni’n Sinjawl leh Songtal khua veh ding in Town bus zang in kuankhia ua, December 3 in hong tungkik ding uhi.
NPF Solkar nawsia MLA 2 om nawn
Kohima, Dec 1(NNN): Nagaland People's Front (NPF) makaih Democratic Alliance of Nagaland (DAN) Government in in tuni in gimthuakna chikhat tuak nawn ding in kisa ua, DAN nuai a Minister lenlel khat leh Senior Parliamentary Secretary khat in kitawpna pia in, DAN Government ah muanzohna neinawn lou uh ahihdan puang uhi. 10th Nagaland Legislative Assembly (NLA) nuai ah DAN apan MLA tamtak ki awngsut ta ua, kum nawn February election pen nuam mahmah ding suak hi. Thusuak in ataklatna ah, Minister for Information & Publication Relations (IPR) and Forest, Kheto Sumi leh Parliamentary Secretary for Social Welfare, Hollohon te’n tuni in MLA ahihna uapan kitawpna pelut uh ahihdan gen uhi. Kal khat lel paisa sung in CM Neiphiu Rio makaih DAN Governmetn apan Minister nih leh Parliamentary secretary 2 in kitawpna apiaklutna uh hita hi.
Hornbill Festival zatna pailel
Kohima, Dec 1(NNN): Ni 7 sung daihding Hornbill Festival kichi tuni in Kisama mun ah pat in om a, Nagaland Governor K. Sankaranayaranan in honkhiakna nei in, Sangtam Naga tribe apan heutu tuamtuam in vualzawlna hun ngen uhi. Hiai hornbill festival leh Nagaland Statehood Day kituak kha geih a, huai in state Government su kipak diak bang hi. Governor in agenna ah, Hornbill kichi vaphual hi a, hiai vaphual in thil hih theihna thupitak nei ahihdan gen in, vaphual in a asang gam leh a laizom te a it bang a, Nagate leng ki it tuah ding in hasuan hi. Tuni chiang in, Nagate’n tumlam gamte paidan zui hiaihiai in khantouhna leh khanlohna chi khat om in, Nagaland ading in lam tuamtuam ah hamphatna Central Government apan hongpai ahihdan gen hi. Nagaland Chief Minister, Neiphiu Rio in agenna ah, Nagaland gam etlah huaitak a om ahihdan gen in, khualzinmite adia mun ngaihnat huai leh khiaklah theih vungvung ahihdan genkawm in, tourism lam suk hatna dia kuapeuh pang ding in hasuan hi.
Manipur a HIV positive vei 27,961 lak ah numei 7106 om Manipur State Aids policy 1996 bawlthak ngaita - CM
IMPHAL DEC 1: Tuni 20th World Aids Day ahihtoh kiton in, 'Stop Aids, keep the promise-leadership' chih thupi zangin, Manipur ah pawl tuamtuam saina in tuni’m mun tamtak ah World Aids Day zat in om hi.
Manipur State Aids Control Society (MACS) saina in, Thangmeiband Athletic Ground (THAU) ah State level function om a, tua hun ah khuallian in Manipur Governor Dr. SS. Sidhu, President in Chief Minister O. Ibobi Singh leh Guest of Honour in Assembly Speaker Dr. S. Budhichandra Singh te pang uhi.
Hiai hun a khuallian apang Governor in agenna ah, nam thupi khat hihna ding leh hinkhua nuamtak a khosak ahihtheihna dia kuapeuh in chidamna poimoh mahmah ahihdan gen hi. Hiai adia media ten poimohna liantak nei ahihdan uhleng Governor in gen hi. Media tungtawn a kisinsakna leh awareness tampi suahkhiak theih hidan in leng taklang hi. Medical Science khan zel toh kiton a AIDS natna leng naktak a sukkiam hidan inleng gen a, himahleh suk bei chih bel om tadih zou nailou hidan in leng gen a, kuapeuh pangkhom a 'Aids free society' hihsak sawm dingin leng Governor in ngen hi.
Chief Minister O. Ibobi Singh in agenna ah, Manipur a Aids natna tam mahmah ahihdan gen in, tukum September khatan a HIV positive case 27,961 lak a numei 7106 om ahihdan gen a, AIDS natna vei 294 ahihban ah sihna tuaksa 90 bang omta dan inleng CM in gen hi. Hichibang ahihman in, AIDS control na dia programme omte phatuam thei bangpen a zat kul a sak dan leng gen hi. Aban agenna ah, HIV/AIDS doudalna dia India a State policy bawl masapen Manipur hidan inleng CM in gen hi. Hiai adia Manipur State Aids Policy 1996 a kibawl ahihdan gen hi.
Hiai toh kisai a health and family welfare, education, youth affairs and sports leh social welfare a akisaipih minister te hiai policy hoihtak a zang dia theihsak hidan un leng CM in gen a, 1996 a kibawl policy pen bawlthak kulta hidan inleng CM in gen hi.
CM in a genzelna ah, tumazek a kibawl thak Manipur Legislature forum on HIV/AIDS, Zilla parishad leh district council forum te tungtawn a MLA teng in, amau constituency chiat a MLA local area development fund zanga hiai natna deihhuailou sukbeina dia panlak hidan in leng gen hi. Tuni a hiai hunzatna ah, Minister tuamtuam leh MLA te ban ah, govt. departmenttuamtuam a officer leh official tamtak leng kihel uhi.
Psycho-social rehabilitation toh kisai in seminar om
IMPHAL DEC 1: Regional Institute of Medical Sciences leh Manipur AIDS Control Society saina in tuni’n, RIMS mini auditorium ah, One day Seminar on 'Psycho-social rehabilitation of HIV positive people' chih om hi.
RIMS Director Prof. L.Fimate in agenna ah, kuapeuh in war footing a AIDS dou dingin chialna bawl a, khovel pumpi a hiai natna ngaihkhawk mahmah ahihlai in punlam nawttou zel hidan in gen hi. RIMS Director in agen behna ah, culture of drug, gun, extortion chihte kuapeuh in dou dingin chialna leng nei hi.
Hiai hun a Prof.T.Y.Babu in agenna ah, Manipur a HIV positive 27,960 lak a numei 7106 ompha a, numei naupai 1.4% leng HIV positive nei ahihdan uh gen hi. Prof. N.Heramani in agenna ah, khovel pumpi a 65 million te AIDS natna nei ahihlai in November 2007 tan in India ah 2.5 million ten hiai natna nei uh chi hi. Hiai seminar ah paper tuamtuam guk simkhiak in om hi.
Ganja 272 kgs pua Jeep leh mi 2 mankhawm
IMPHAL DEC 1: Narcotic and Affairs of Borders (NAB) ten zan nitak dak 7.30 vel dingin, Mongsangei mayai leikai a CRPF campus kiang ah, Ganja 272 kgs pua Mahindra Jeep MN 06/L 0151 leh mi 2 mankhawm uhi. Hiai a matkhiakte tuni’n SP NAB, S. Amilal Sharma in thuthak saimite lak ah pulak hi.
Mat a om mi nihte bel, Anil Bista (32) s/o Ratan Bahadur of Uyumpok Maning leikai, Lamlai PS leh Ratan Chawan (38) s/o Bal Bahadur of Purun Khul, Lamlai PS hidan un SP NAB in gen hi. Hiai a mat a om Ganja 272 kgs te Manipur polam a zuak hileh Rs 8 lakh man hidingin leng SP in gen hi.Mat a om mi nihten, gari registration no. plate leng thum zang ua, tuate bel, MN 06/L 0151, AS 01/A 1158 leh WB 34A/3985; gari registration certificate (RC book) leng thum mah zang uhi. Himahleh, gari Chassis no. te bel kibang vek in, CDRDX-20283 leng ahi. Ganja puakna dingin Jeep sung bawl lamdang ahihban ah, Ganja te adoklou a pua uh hidan in leng SP in genbeh hi.
AMADA in CM kiang ah memorandum pelut
IMPHAL DEC 1: Tuni World Aids day ahihtoh kiton in, Imphal ah leng NGO leh pawl tuamtuam in mun tamtak ah hiai hun zatna nei uhi. AMADA in amau office Keishampat ah zang ua, tua ah khuallian in Education minister L. Jeyantakumar pang hi. AMADA in minister tungtawn in CM kiang ah memorandum khat tuni’n pelut ua, tua ah, HIV/AIDS doudalna nasep tuasang a naktak a govt. in panla ding ngetna nei uhi. Memorandum a kitaklang point 13 te lak a khenkhat bel, Female doctors of STI & Obstetrics/Gyneacology units te mobilezed bawl ding, Long term adia ART a damdawi poimohte omsak gige ding, Civil society leh NGO tuamtuam HIV/AIDS toh kisai a nasep neite etkaina dia monitoring body bawlkhiak ding, PLHA te adia ART centre a clinical investigation a thawn a omsak ding chihte ahi. World Vision te saina in Imphal a Kuki In ah World aids day zatna om a, tua ah khuallian in Dr. Ng. Bijoy MLA pang hi. MNP+ te saina in leng Manipur Dramatic Union Hall ah hun zatna om a, tuabanah, CRPF Group Centre, Langjing, DC office IE, Assembly Secretariat chihte ah leng hiai hun zatna om hi. Tuni a hiai hun zat toh kiton in Imphal khopi sung ah pawl tuamtuam in cycle rally leng nei uhi.
wwww.zogam.com
No comments:
Post a Comment