USRA in thusuah bawl
Lamka Dec 03: United Socialist Revolutionary Army (USRA) thusuah a bawl press a kimu in a taklat dan in USRA suk minsiat sawm a kipei mi 2/3 a om uh chih chiantak a theih hi a, amaute December 5, 2007 ma ngei a USRA khut a kipekhe ding in theisak uhi.
Thusuak in a taklatna ah, USRA pen singtangmi dangte toh Vaiphei chate kichimat zawksemna ding ngimna a kibawlkhia ahihman in, hiai thupiak a ngaihsak kei ua leh a tan ding ua kilawm gawtna piak hiding uh hi’n taklang uhi.
NIT toh kisai a JAC palaiten Sonia kimuhpih DEC 8 in General Strike om ding
IMPHAL DEC 3: Manipur govt. in National Institute of Technology (NIT) bawl khiakna dia, mun a sehna uh mi tenna sa, 91-Meitei Langol, Lamphelpat A a patta land leh Residential ahihman in, hiai NIT govt. in Manipur a bawl khiak a sawm pen in buaina tuamtuam piangsak thei ding suak hi.
Hiai NIT bawlna dia govt. gam in a sehna mun a bawl hitheilou ding chih toh kisai a kibawl khia, Joint Action Committee for Prevention of 91-Meitei Langol, Pattaland Residential area ten tuni sunnung dak 2 in, Mojorkhul a Manipur Press Club ah thuthak saimite kimuhpih ua, tua hun a JAC General Secretary C.S. Khongsai in agenna ah, govt. in NIT bawlna mun dia a sehsa December 7 tan a, a tawpkik kei leh, JAC in hongtung ding December 7 zankim apat December 8 zankim tan Manipur a General Strike puang ding uh hidan in thupuan bawl hi.
Tuni a thuthak saite kimupihna hun ah, JAC palaite ban ah, Kuki Mothers Union leh Thadou Students Association apat palaite leng kihel uhi. JAC Secretary in aban agenna ah, Govt. in NIT bawl a sawmna mun, kum tamtak paita apan mi tenna gam ahihman in, hiai mun a govt. in NIT bawl theilou ding chih toh kisai a JAC palaiten tuni a, Delhi a UPA Chairperson Sonia Gandhi kimuhpihna nei leh kigolh dia chialna bawl uh hidan in gen hi. Tuni a Sonia Gandhi kimuhpih a telte bel, Kim Gangte, Lalrothang leh Kamlianthang Guite hidan un leng JAC Secretary in gen hi. Akimuhpihna hun ua, Sonia Gandhi in leng angetna uh enkai ding leh akisaipihte kianga theisak ding hidan a thuchiam bawl ahihdan leng JAC Secretary in genbeh hi.
NIT bawl ding deihlouh ziakin hun paisa ah helna tuamtuam bangzah hiam omta a, govt. in maban a sawn zel leh buaina liantak piangthei dinga leng gingtak ahi. Hichibangkal ah, NIT bawlna dia CDSU in govt. kiang a, Churachandpur a gam kawkmuh leh ngen ngeita uh chih ahi.
MLA in Tenglei hong ding
Lamka Dec 03: Singngat Sub Division sung a Behiang Khua leh L. Kanan kikal a Tuivai lui tung a Tenglei (Suspension Bridge) kibawlthak honkhiatna zingchiang in Bialtu MLA Pu T.Hangkhanpau in nei ding hi.
Power Minister in Guest House leh PT Sports Complex suangphum hong
Lamka Dec 03: Power Minister Pu T. Phungzathang makaih Ministerial Team in tuni’n Lamka hongpha in Guest House leh PT Sports bawl patna ding suangphum hong khia hi. Tunni zinglam dak 10 in Minister team Lamka hong tung in DC office sak a Guest House kibawl ding suangphum Power Minister Pu T. Phungzathang in Chief Guest hikawm in honna nei ngal a, hiai hun ah Works Minister Pu K. Ranjit chief Functional President hihna toh uap a, PHED Minister Pu T.N. Haokip leh IFCD Minister Pu N. Biren singh ten guest of honour hihna toh upa uhi.
Chief Guest a pang Pu T. Phungzathang in a genna ah, hiai bang a hong pian theihna dia pan hon lakpih Works Minister tung ah kipahthu gen a, hiai a contractor dia piak a om Pu T. Pauminlian in leng sum dawnna mai a zanglou a set tham ching a bawl ding in ngen hi. Minister in a genzelna ah, hiai mun pen security toh kisai a leng lemchang leh a naihtu ding mite a ding a munlemchangtak mai DC/CCpur in proposed a bawl ziak inleng kipahthu gen hi. Tuabanah, Lamka 2nd town of Manipur chih min vuah himahleh VIP te a hong zin chiang ua leng kingakna mun ding omlou ahihna ah hiai guest house pen poimoh mahmah a, mipite’n leng subuailou a a bawltute kithuahpihna pezaw ding in ngen hi.
Funcational President a pang Pu K. Ranjit in a genna ah, hiai building pen ACA nuai a kibawl ding ahihman in 31st March 2008 ma zohsiang ahihkei leh a fund lapse thei ding ahihman in contractor inleng naktak a panla ding a ngen kawm in fund leng a poimoh dan a release pah ding ahihdan gen hi.
IFCD Minister Pu N. Biren Singh in a genna ah, SPF government in phaijang leh singtang khentuamlou a, kong bangkim a kilualtak a nasep ngaipoimoh ahihdan gen a,
PHED Minister Pu T.N. Haokip in a genna ah, hiai bang nasep patna ding a suangphum hon theih a ompen kipahhuai mahmah a, tua toh kiton a Sinjawl khua a guest house bawl ding pen leng Christmas ma ngei a hon khiak a deih thu gen hi.
Hiai Guest House bel Special Plan Assistance tungtawn a Rs. 99.99 Lacs bei a bawl hiding hi a, Financial year (March 31, 2008) sunga zohsiang ding ahi.
Tuabanah, tuni sunnung dak 2 in Pu T. Phungzathang makaih ministerial team in Khominthang, New Lamka a om a New Lamka cup pailel Semi final kimawlpatna uap kawm in PT Sports Complex bawl patna suangphum Pu T. Phungzathang, in khuallian hikawm in hong khia a, Youth & Sports Minister Pu N. Biren singh in Functional President hihna toh a uap banah, Pu T.N. Haokip leh Pu K. Ranjit Singh ten guest of honour hihna toh uap uhi.
Hiai PT Sports Complex bel Additional Central Asstance tungtawn a Rs. 2.5 crores bei a Manipur Police Hosing Corporation ten a bawl ding uh ahi.
Ministerial Team in Khuga dam pha, Langva hawm
Lamka Dec 03: Manipur Chief Minister O. Ibobi Singh leh IFCD Minister lui banah, tulel a Power Minister hihna len lel Pu T. Phungzathang leh Govt. Official tamtak in MLA term masa July 24, 2006 a Lamjang khua a vaphak hun ua Khuga Dam in a suksiat khuate kiang piak dia a chiam dungzui un tuni Dec 3, 2007 zinglam dak 11 in innkuan 720 te kiang ah langva piakna hun zang uhi.
Hiai Langvate bel Department of Rural Development tungtawn a hongpai, Khuga Dam Affected Area mipite kianga Langva hawmkhiatna hunzat IFCD Godown, Khuga Dam ah neih in om a huai ah Power Minister T. Phungzathang in Chief Guest hihna toh uap hi. Tuabanah, IFCD Minister Pu N. Biren Singh in Function President hihna toh a uap banah, PHED Minister Pu TN Haokip leh Works Minister Pu K. Ranjit Singh ten Guest of Honours hihna toh uhi.
Power Minister in a thugenna hun ah Khuga dam kibawl pen Bible a Solomon Temple kibawl bang ahi a, amah hun in zoukei mahleh IFCD Minister N Biren hunsung a zohsiang hi ngei ding ahihdan gen hi. CE/PHED toh a kihouna ua tukum December sung ngei a Khuga Dam apan Lamka khopi tuidawn ding piaksawm ahihdan gen hi. Government in mipi laka a thilchiamte zuausanlou a hih pichin teitei a, himahleh mipite a thuchiam uah a gin om kei uh chi’n gen hi. Aban a gen zelna ah, hiai langva leh Dam bawlna a sum kizangte sum omsa ahikei a, a omsa teng zat bei khit ahihnung a SPF government in phualpi solkal kiang a a nget ziak a hiai bang om thei ahihdan gen hi. Works Minister K. Ranjit Singh in athugenna hun ah Government in khantouhna ding ngimna in sepding tuamtuam guang in semsek mahleh Project Officer/subuaitu a tam theihluat ziak a nnasep nawngkai leh ze-ol ahihdan gen in ACA tungtawn in Singngat-Likhai kikal Rs.4 Crores zang a bawllel ahihdan gen hi. Singngat-Sinzawl kikal Rs.100 Crores zang a bawldi toh kisai in BRO/BRTF khut a mipi deihna bang a piakkhiat ding in Cabinet in thupukna bawl mahleh BRO lam in semtu kidaihlouh ziak a bawltheilou ding achihziak un PWD in huai nnasep pan ahihdan leh hiai nasepna ding ah leng project Officer 15 bang kigolh ut ahihdan gen hi. Singtang gam a lampite Lawi (buffaloes) zawi sanga ahoihzawkna tamlou a lawite’n leng zui utlou phial ding khop a sia ahihna ah zumhuai tuntun ahihdan leh huchibang lampi neih vangtahhuai ahihdan gen in hiai lampite puahphatna nasep pen kuamah in subuailou a ahitheitan a kithuahpih ding a ngetna neikawm in quality ginalou/hoihlou chik a sep ahihding mipi’n aneitu hihna toh enkai ding in ngen hi. Huai banah kumnawn sung a Rs.1 crore zang a Lamka-Sugnu kikal lampi puahphat hiding ahihdan leng Works Minister K. Ranjit in gen hi.
IFCD Minister N. Biren in athugenna hun ah khantouhna i chih khosung a inn hoih leh lampi hoih kia hilou in lungsim a khantouhna leh khohei-gamtat kilawm leng poimoh ahihdan gen in Khuga Dam Affected Area a teeng mipite kipumpiakna ziak a hichibang Dam bawltheih ahihman in pahtakhuai asakthu gen in nidang chiang a a zalzou ding amaute mah ahihdan gen in nasepna subuailou a kithuahpihzaw ding inleng ngen hi.
World Disable Day 2007 zat in om
Lamka Dec 03: SSA/CCpur saina in tuni zing dak 10:00 apan in New Lamka YPA Hall ah ‘ World Disable Day 2007’ zatna om hi. Hiai hun ah Mr. Joseph Lalrothang, ZEO/DMC, SSA,CCpur in Chief Guest hihna toh uap a, Mr. H. Damzakam, ADMC/SSA,CCpur in Functional President hihna toh uap hi. Hiai hun ah ‘Early Detection & Care of Person with Disabilities (PWD) at home level’ chih thupi azang in Dr. VC Pau in sinsakna nei a, ‘Details of PWD Act.1995 and Facilities available under SSA’ chih thupi azang in Ms. Boboi Gangte in sinsakna nei hi.
SSPP in Kipahpihthu puang
Lamka Dec 03: Siamsinpawlpi Lamka Block in All India Karate Federation (AIKF) saina a Tamil Nadu khopi Chennai a Jayalalitha Indoor Stadium ah apaisa November 15-18, 2007 sung 21st Karate National Championship a 50-60 Kg Weight Category a Individual Kumite leh Team Kumite a Gold Medal 1 tuak Ms. Lynda Biaklun D/o.L. Tualzanang of Lanva in alak toh kisai in Kipahpih Thupuan bawl uhi.
Hiai kipahpih thupuan in ataklat dan in Siamsinpawlpi Lamka Block Asst. Secretary (Sports) lenlal Ms. Lynda Biaklun in hunpaisa ah Asian Level ah Medal 4, National Level ah Medal 17 leh State Level ah Medal 23 ana sangta a maban a 54th National Games 2008 om ding ah leng Manipur ai-oh a a telding banah South Asian Federation Games (SAFG) a Selection Camp a telding inleng telkhiat in om hi. Hichibang lohchinna angahna ah SSPP L/B in kipahpihthu puang in maban ah leng a lohchin zel deihsakna laan uhi.
Manipur Express suaklou ding
Lamka Dec 03: Lamka khopi pansan a kisuahkhia daily newspaper Manipur Express in lemchanlouhna khenkhat a neih ziakin zingchiang December 4, 2007 issue suahlou ding ua, ngainatute’n theisiam ding in editor in ngen hi.
NSIC nuai ah loan nget theih
Lamka Dec 03: Govt. of India nuai a National Small Industries Corporation (NSIC) in hong tung ding December 4, 2007 sunma dak 11 in YPA Headquarter hall, Upper Lamka ah Awareness Campaign nei ding uhi.
Hiai hun ah, loan a piak theih dan uh lam tuamtuam leh mipite theih ding a poimohte Guwahati apan a mipoimoh hong paite’n gen ding ua, amau nuai a loan la nuamte’n hiai hun pelhlouh hoih ding hi. Amaute’n Lamka khopi sung ah mi tamloute kiang ah loan peta ua, Lamka Post print na offiset leng amau piak ahi.
HIV/AIDS Awareness
Lamka Dec 03: District Police, CCpur saina in hongtung ding zingchiang December 4, 2007 zing dak 10:00IB Road a Synod Hall ah Police leh IRB Personnelte ading in ‘One Day Awareness Programme on HIV/AIDS and STI’ neih hiding hi. apan in
Henry in Award ngah
Lamka Dec 03: Ambedkar Stadium a Durand Cup Tournament 2007 pailel ah Tata Football Academy a captain Mr. Henry s/o Khupkholun Gangte of Hill Town in “Most Promising Young Player Award ngah hi’n muanhuaitak apan thutut kingah hi.
KNF in Cadre 2 tawp sak
Lamka Dec 03: Kuki National Front (KNF) in thusuah a bawl press a kimu in a taklat dan in KNF a sem Mr. Letkholien @ Lelen Tuisomjang of Sadar Hill Army No. 304 leh Mr. Paominsang @Rcy Army No. 340 of Khenjang village te insung buaina tuamtuam ziakin ahihna ua pan khawlsak uhi.
Thusuak in a taklat zelna ah, KNF a apan sung ua hihkhelh bawlkhelh a neihte uh mipite ngaidam ding inleng ngetsak uh hi’n taklang uhi.
AMADA in Boxing sai ding
IMPHAL DEC 3: All Manipur Anti Drugs Association (AMADA) in 2nd Foundation Day Dec 4, 2007 toh kituak in, 1st Open State Level Invitation Boxing Championship for Men & Women sai ding uhi. Hiai hun honkhiakna Dec 4, zinglam dak 10.30 in Tera bazar a Ideal Club ground ah om dinga, tuahun ah khuallian in, YAS minister N.Biren pang ding hi. Hiai championship ah category tuamtuam 12 ah kimawl mi 82 kihel ding uhi. Hiai championship a thupi dia AMADA in aguan ahihleh, 'kimawlna in khamtheih apan hon gamla sak dia taksa damtheihna hontun ding' chih leng ahi.
RBI Governor hong ding
IMPHAL DEC 3: Reserve Bank of India a Governor Dr.YV Reddy hongtung ding Dec 14 chiangin, Kolkata apat Imphal hong tung ding hi. Aman Imphal a Bank tuamtuam a palaite kimuhpih dinga, Dec 14 nitak dak 6 in 1st Manipur Rifle banquet hall ah Cultural programme etna nei in, Dec 15 in Manipur Governor Dr. SS. Sidhu leh Chief Minister O. Ibobi Singh te kimuhpihna nei dinga, tuazoh in Aizawl zuan in lenna in lengkhe nawn ding chih ahi.
Gauhati High Court ah written exam
IMPHAL DEC 3: Gauhati High Court Imphal Bench ah MJS I & II lakna dia written examination om ding a, MJS I a dingin Dec 4 & 5 leh MJS II adingin Dec 12 & 13 hiding hi. Hiai exam na dia Admit card Dec 10 - 12 office hour sungin laktheih ding hi.
Telching thakte Reception bawl
IMPHAL DEC 3: Democratic Students' Alliance of Manipur (DESAM) in tuni’n Kangla hall ah, tuma a College tuamtuam a Students union a Secretary, 2007-08 dia telching thakte vaidawn na nei uhi. Hiai hun ah khuallian in Principal Secretary govt. of Manipur P. Saratchandra Singh, President in DESAM President incharge P.C.Newton leh Guest of honour in Prof. N. Lokendro Registrar Manipur University te pang uhi.
Food Processing toh kisai training
IMPHAL DEC 3: Directorate of Commerce and Industries te saina a, Manipur a singtang gam district 5 teng a 15-Day Training on Food Processing Industries chih neih suak dia bikhiah ahih dungzui in, 2nd training Ukhrul district ah, Nov 19 akipan tuni Dec 3 in zoh hita hi. Hiai training ah trainee 27 paikhom ua, amau food product khat chiat posuah uhi. Tuni a hunkhakna ah, certificate hawm khiakna leng om a, tua hun ah Commerce & Industries a Director Dhiraj Yumnam, DIC Ukhrul a General Manager Avai Horam, G. Nandalal Sharma President, President, Association of Food Scientists & Technologists (India), Manipur chapter te Chief Guest, President leh Guest of Honour in pang uhi. Aban a 15-Days training ding bel, Senapati district ah Dec 12 in kipan nawn ding hi.
Zan dak 10 tan dawr kihong ding
Imphal, Dec 3 NNN: Tukum Christmas hong tung dek toh kisai in kuapeuhmah kisakkhol kipanta mahle uh, Manipur a Senapati district ah, kisakkholhna thupipen lai ding in thusuak in taklang hi.
Karong-Senapati Town Committee in ‘official’ in, Karong apat Senapati kal a dawr nei teng in, Christmas bouruak a om theihna dia a dawr tung ua aksi lem tak chiat ding leh a dawr uh chei chiat ding in district sung kilchih ah theihsakna bawl uhi.
Huai kia hilou in, singtang khomipite’n kumtawn a nna gimtak a a semkhit nung ua, a nuam theipen leh a thoveng thei pen a hun zat ahihtheihna di’n, Town Committee in, dawr neite tengteng kiang ah, December 5 apat thuthak a omnawn ma, dawr leng zan dak 10 tan hong ding in theisak uhi.
YMA in Mautaam kial panpihna dawng ding
Aizawl, Dec 3 NNN: Champhai Joint Young Mizo Association (YMA) Executive Committee meeting in tun’n Mautaam kial thuakte panpihna dia anntang dawng ding in thupuk uhi.
Champhai Joint YMA Executive Committee in a thupukna dungzui un, Christmas ma ngei a hawmkhiak theih dia, December 13 ma ngei a, Champhai khosung a anntang dawng pat ding leh, a anntang a petheiloute’n leng sum-le-pai hiam, silh-le-ten hiam ana piak theih ding in thupuk uhi.
Champhai YMA ahihleh, a veng dan in branch in kikhen tiltel ua, branch 17 kisuah in, Champhai Joint YMA nuai ah khat in ding khawm uhi.
Khotang a media mohpuakna genkhawm
Aizawl Dec 3NNN: Media in khotang bawlhoihna dia a mohpuakna neih toh kisai genkhawmna hun, Student Christian Movement of India (SCMI) saina in, ‘two-day workshop’ tuni’n I & PR auditorium ah Mizoram Journalists Association President K. Sapdanga in hongkhia hi.
Workshop on Christian Youth Initiative to Re-read Media hun zatna ah, honorary secretary, SCMI NE India hihna len leh Baptist Church of Mizoram’ Academy of Integrated Christrian Studies a Lecturer semlel, Rev. Rodinmawia Ralte thugenpi in pang hi. Rodinmawia in a genna ah, print hi’n electronic media hitaleh, temta hiamtak bangmai, a zatna dik a i zat leh phatuam mahmah, himahleh, i zatkhelh leh siatna thupitak hon tun thei ahihdan gen hi.
Sapdanga in, bang pen poimoh ngaih ding ahi a chih toh kisai, leh thei kelkul a, kikheng theiloute i hi uh chih a genna ah, ‘ei leh ei, i khalam dinmun ki-enloupi a, Biakinn nei hoihzaw hih khong i kidem un Christian hoih i hih leh hihlouh uh gen chiang mahmah ahi,’ chi hi. Christian tuailaite a thuhilhna ah, Chistian hoihlua hileh kilawm napi a, pawlpi min suanlam a, mimal leh sumdawnna innte apat sum nget ding kia ngaihtuah pen Mizo Christian khotang hinkhua a dia zumhuailua ahihdan gen kawm in, tulai a, Mizoram a politiciante nangawn inleng, election a chin nang ahihphot leh, dikloutak a thil hih leng khawksa nawnlou uh ahihdan gen hi.
Aizawl Theological College a lecturer, Rev. B. Lalnunzira in “Re-reading media through the eyes-ears of the Christian youth” chih pansan in hun zang a, huai zoh in print media toh kisai kikupkhawmna nei uhi. Zingchiang in leng electronic media toh kisai, a diak in, Youth Icon, Mizo Idol leh advertisement bawl dan toh kisai genkhawm hiding hi.
Student Christian Movement of India ahihleh, Sweden a 1895 kum a kiphutkhia, World Student Christian Federation kahiang khat hi a, India ah ahihleh, India leh Ceylon (Sri Lanka) a Inter-collegiate Young Men’s Christian Association (YMCA) te’n 1912 kum a, Serampore a All India Student Conference a neih hun ua, phuhkhiak a om ahi.
Bangalore pansan in, SCMI in India ah region 13 nei a, North East leng region khat in om hi. SCMI North East in ahihleh, tulel in, Aizawl Theological College, Academy of Integrated Christian Studies leh Government Serchhip College ah unit nei hi.
PREPAK cadre 1 si, KLA cadre 1 man
Imphal, Dec 3 NNN: Thusuak kingah in a taklatdan in, tuni’n mun tuamtuam apat People Revolutionary Party of Kangleipak (PREPAK) cadre 1 kaplup ahihbanah Kuki Liberation Army (KLA) cadre 1 mat in om a, khamtheih zuaktu khat leng mat in om hi.
Official thusuak dungzui in, zannitak dak 11 vel in Imphal West district sung a Khuman Lampak Dingku Road ah Imphal West police commando te’n PREPAK cadre 1, Singjamei police station huamsung a Kakwa Salungba a teng, Thoudam Momo @ Romen (24) s/o T. Rashi kichi kaplum uhi.
Thusuak dungzui in, kaplum a om, Romen leh a lawmte nih in police commando-te patrolling pailai grenade paihkhum ua, grenade pen puaklou in, police commando te’n a kapthuk tak ua Romen pen kaplum khak a om ahihdan leh a lawm mi nihte suakta uh hidan in taklang hi. Huai banah, Police thusuak in, kaplup a om Romen taksa tung apat China bawl grenade muhkhiak a om ahihdan taklang hi. Momo @ Romen sungkuante apat thutut in a taklatdan in, Romen in kum 3 paisa apat in PREPAK zom a, inn leng pha vang mahmah hi’n gen hi.
Imphal East district police SP apat thusuak in a taklatdan in, zan sun dak 12:15 vel ding a Imphal East Police Commando te’n New Checkon a mi a checkna uah KLA member, Thangjalen Singsit @ Lelen @ Boilen @ Jamkholet (38) s/o (L) Paolun of Churachandpur Molenphai village mankhia uhi. Police-te gendan in,Thangjalen in Oct 2007 in, KLA finance deptt. a Thangboi tungtawn in KLA ana zom a, tulel a Imphal area a KLA Chief of Finance, Ngambom Kuki nuai a sem ahihdan taklang hi.
Huai banah, Narcotic and Affairs of Border (NAB) te’n zannitaklam dak 4:30 vel ding in, thuguk a muh dungzui un, Imphal West district a Langthabal Mayai Lep Leikai apat Seram Jilangamba Meetei (35) s/o S. Lukhoi of Langthabal, Imphal West, Heroin gram 5 toh mahkhia uhi.
www.zogam.com
Lamka Dec 03: United Socialist Revolutionary Army (USRA) thusuah a bawl press a kimu in a taklat dan in USRA suk minsiat sawm a kipei mi 2/3 a om uh chih chiantak a theih hi a, amaute December 5, 2007 ma ngei a USRA khut a kipekhe ding in theisak uhi.
Thusuak in a taklatna ah, USRA pen singtangmi dangte toh Vaiphei chate kichimat zawksemna ding ngimna a kibawlkhia ahihman in, hiai thupiak a ngaihsak kei ua leh a tan ding ua kilawm gawtna piak hiding uh hi’n taklang uhi.
NIT toh kisai a JAC palaiten Sonia kimuhpih DEC 8 in General Strike om ding
IMPHAL DEC 3: Manipur govt. in National Institute of Technology (NIT) bawl khiakna dia, mun a sehna uh mi tenna sa, 91-Meitei Langol, Lamphelpat A a patta land leh Residential ahihman in, hiai NIT govt. in Manipur a bawl khiak a sawm pen in buaina tuamtuam piangsak thei ding suak hi.
Hiai NIT bawlna dia govt. gam in a sehna mun a bawl hitheilou ding chih toh kisai a kibawl khia, Joint Action Committee for Prevention of 91-Meitei Langol, Pattaland Residential area ten tuni sunnung dak 2 in, Mojorkhul a Manipur Press Club ah thuthak saimite kimuhpih ua, tua hun a JAC General Secretary C.S. Khongsai in agenna ah, govt. in NIT bawlna mun dia a sehsa December 7 tan a, a tawpkik kei leh, JAC in hongtung ding December 7 zankim apat December 8 zankim tan Manipur a General Strike puang ding uh hidan in thupuan bawl hi.
Tuni a thuthak saite kimupihna hun ah, JAC palaite ban ah, Kuki Mothers Union leh Thadou Students Association apat palaite leng kihel uhi. JAC Secretary in aban agenna ah, Govt. in NIT bawl a sawmna mun, kum tamtak paita apan mi tenna gam ahihman in, hiai mun a govt. in NIT bawl theilou ding chih toh kisai a JAC palaiten tuni a, Delhi a UPA Chairperson Sonia Gandhi kimuhpihna nei leh kigolh dia chialna bawl uh hidan in gen hi. Tuni a Sonia Gandhi kimuhpih a telte bel, Kim Gangte, Lalrothang leh Kamlianthang Guite hidan un leng JAC Secretary in gen hi. Akimuhpihna hun ua, Sonia Gandhi in leng angetna uh enkai ding leh akisaipihte kianga theisak ding hidan a thuchiam bawl ahihdan leng JAC Secretary in genbeh hi.
NIT bawl ding deihlouh ziakin hun paisa ah helna tuamtuam bangzah hiam omta a, govt. in maban a sawn zel leh buaina liantak piangthei dinga leng gingtak ahi. Hichibangkal ah, NIT bawlna dia CDSU in govt. kiang a, Churachandpur a gam kawkmuh leh ngen ngeita uh chih ahi.
MLA in Tenglei hong ding
Lamka Dec 03: Singngat Sub Division sung a Behiang Khua leh L. Kanan kikal a Tuivai lui tung a Tenglei (Suspension Bridge) kibawlthak honkhiatna zingchiang in Bialtu MLA Pu T.Hangkhanpau in nei ding hi.
Power Minister in Guest House leh PT Sports Complex suangphum hong
Lamka Dec 03: Power Minister Pu T. Phungzathang makaih Ministerial Team in tuni’n Lamka hongpha in Guest House leh PT Sports bawl patna ding suangphum hong khia hi. Tunni zinglam dak 10 in Minister team Lamka hong tung in DC office sak a Guest House kibawl ding suangphum Power Minister Pu T. Phungzathang in Chief Guest hikawm in honna nei ngal a, hiai hun ah Works Minister Pu K. Ranjit chief Functional President hihna toh uap a, PHED Minister Pu T.N. Haokip leh IFCD Minister Pu N. Biren singh ten guest of honour hihna toh upa uhi.
Chief Guest a pang Pu T. Phungzathang in a genna ah, hiai bang a hong pian theihna dia pan hon lakpih Works Minister tung ah kipahthu gen a, hiai a contractor dia piak a om Pu T. Pauminlian in leng sum dawnna mai a zanglou a set tham ching a bawl ding in ngen hi. Minister in a genzelna ah, hiai mun pen security toh kisai a leng lemchang leh a naihtu ding mite a ding a munlemchangtak mai DC/CCpur in proposed a bawl ziak inleng kipahthu gen hi. Tuabanah, Lamka 2nd town of Manipur chih min vuah himahleh VIP te a hong zin chiang ua leng kingakna mun ding omlou ahihna ah hiai guest house pen poimoh mahmah a, mipite’n leng subuailou a a bawltute kithuahpihna pezaw ding in ngen hi.
Funcational President a pang Pu K. Ranjit in a genna ah, hiai building pen ACA nuai a kibawl ding ahihman in 31st March 2008 ma zohsiang ahihkei leh a fund lapse thei ding ahihman in contractor inleng naktak a panla ding a ngen kawm in fund leng a poimoh dan a release pah ding ahihdan gen hi.
IFCD Minister Pu N. Biren Singh in a genna ah, SPF government in phaijang leh singtang khentuamlou a, kong bangkim a kilualtak a nasep ngaipoimoh ahihdan gen a,
PHED Minister Pu T.N. Haokip in a genna ah, hiai bang nasep patna ding a suangphum hon theih a ompen kipahhuai mahmah a, tua toh kiton a Sinjawl khua a guest house bawl ding pen leng Christmas ma ngei a hon khiak a deih thu gen hi.
Hiai Guest House bel Special Plan Assistance tungtawn a Rs. 99.99 Lacs bei a bawl hiding hi a, Financial year (March 31, 2008) sunga zohsiang ding ahi.
Tuabanah, tuni sunnung dak 2 in Pu T. Phungzathang makaih ministerial team in Khominthang, New Lamka a om a New Lamka cup pailel Semi final kimawlpatna uap kawm in PT Sports Complex bawl patna suangphum Pu T. Phungzathang, in khuallian hikawm in hong khia a, Youth & Sports Minister Pu N. Biren singh in Functional President hihna toh a uap banah, Pu T.N. Haokip leh Pu K. Ranjit Singh ten guest of honour hihna toh uap uhi.
Hiai PT Sports Complex bel Additional Central Asstance tungtawn a Rs. 2.5 crores bei a Manipur Police Hosing Corporation ten a bawl ding uh ahi.
Ministerial Team in Khuga dam pha, Langva hawm
Lamka Dec 03: Manipur Chief Minister O. Ibobi Singh leh IFCD Minister lui banah, tulel a Power Minister hihna len lel Pu T. Phungzathang leh Govt. Official tamtak in MLA term masa July 24, 2006 a Lamjang khua a vaphak hun ua Khuga Dam in a suksiat khuate kiang piak dia a chiam dungzui un tuni Dec 3, 2007 zinglam dak 11 in innkuan 720 te kiang ah langva piakna hun zang uhi.
Hiai Langvate bel Department of Rural Development tungtawn a hongpai, Khuga Dam Affected Area mipite kianga Langva hawmkhiatna hunzat IFCD Godown, Khuga Dam ah neih in om a huai ah Power Minister T. Phungzathang in Chief Guest hihna toh uap hi. Tuabanah, IFCD Minister Pu N. Biren Singh in Function President hihna toh a uap banah, PHED Minister Pu TN Haokip leh Works Minister Pu K. Ranjit Singh ten Guest of Honours hihna toh uhi.
Power Minister in a thugenna hun ah Khuga dam kibawl pen Bible a Solomon Temple kibawl bang ahi a, amah hun in zoukei mahleh IFCD Minister N Biren hunsung a zohsiang hi ngei ding ahihdan gen hi. CE/PHED toh a kihouna ua tukum December sung ngei a Khuga Dam apan Lamka khopi tuidawn ding piaksawm ahihdan gen hi. Government in mipi laka a thilchiamte zuausanlou a hih pichin teitei a, himahleh mipite a thuchiam uah a gin om kei uh chi’n gen hi. Aban a gen zelna ah, hiai langva leh Dam bawlna a sum kizangte sum omsa ahikei a, a omsa teng zat bei khit ahihnung a SPF government in phualpi solkal kiang a a nget ziak a hiai bang om thei ahihdan gen hi. Works Minister K. Ranjit Singh in athugenna hun ah Government in khantouhna ding ngimna in sepding tuamtuam guang in semsek mahleh Project Officer/subuaitu a tam theihluat ziak a nnasep nawngkai leh ze-ol ahihdan gen in ACA tungtawn in Singngat-Likhai kikal Rs.4 Crores zang a bawllel ahihdan gen hi. Singngat-Sinzawl kikal Rs.100 Crores zang a bawldi toh kisai in BRO/BRTF khut a mipi deihna bang a piakkhiat ding in Cabinet in thupukna bawl mahleh BRO lam in semtu kidaihlouh ziak a bawltheilou ding achihziak un PWD in huai nnasep pan ahihdan leh hiai nasepna ding ah leng project Officer 15 bang kigolh ut ahihdan gen hi. Singtang gam a lampite Lawi (buffaloes) zawi sanga ahoihzawkna tamlou a lawite’n leng zui utlou phial ding khop a sia ahihna ah zumhuai tuntun ahihdan leh huchibang lampi neih vangtahhuai ahihdan gen in hiai lampite puahphatna nasep pen kuamah in subuailou a ahitheitan a kithuahpih ding a ngetna neikawm in quality ginalou/hoihlou chik a sep ahihding mipi’n aneitu hihna toh enkai ding in ngen hi. Huai banah kumnawn sung a Rs.1 crore zang a Lamka-Sugnu kikal lampi puahphat hiding ahihdan leng Works Minister K. Ranjit in gen hi.
IFCD Minister N. Biren in athugenna hun ah khantouhna i chih khosung a inn hoih leh lampi hoih kia hilou in lungsim a khantouhna leh khohei-gamtat kilawm leng poimoh ahihdan gen in Khuga Dam Affected Area a teeng mipite kipumpiakna ziak a hichibang Dam bawltheih ahihman in pahtakhuai asakthu gen in nidang chiang a a zalzou ding amaute mah ahihdan gen in nasepna subuailou a kithuahpihzaw ding inleng ngen hi.
World Disable Day 2007 zat in om
Lamka Dec 03: SSA/CCpur saina in tuni zing dak 10:00 apan in New Lamka YPA Hall ah ‘ World Disable Day 2007’ zatna om hi. Hiai hun ah Mr. Joseph Lalrothang, ZEO/DMC, SSA,CCpur in Chief Guest hihna toh uap a, Mr. H. Damzakam, ADMC/SSA,CCpur in Functional President hihna toh uap hi. Hiai hun ah ‘Early Detection & Care of Person with Disabilities (PWD) at home level’ chih thupi azang in Dr. VC Pau in sinsakna nei a, ‘Details of PWD Act.1995 and Facilities available under SSA’ chih thupi azang in Ms. Boboi Gangte in sinsakna nei hi.
SSPP in Kipahpihthu puang
Lamka Dec 03: Siamsinpawlpi Lamka Block in All India Karate Federation (AIKF) saina a Tamil Nadu khopi Chennai a Jayalalitha Indoor Stadium ah apaisa November 15-18, 2007 sung 21st Karate National Championship a 50-60 Kg Weight Category a Individual Kumite leh Team Kumite a Gold Medal 1 tuak Ms. Lynda Biaklun D/o.L. Tualzanang of Lanva in alak toh kisai in Kipahpih Thupuan bawl uhi.
Hiai kipahpih thupuan in ataklat dan in Siamsinpawlpi Lamka Block Asst. Secretary (Sports) lenlal Ms. Lynda Biaklun in hunpaisa ah Asian Level ah Medal 4, National Level ah Medal 17 leh State Level ah Medal 23 ana sangta a maban a 54th National Games 2008 om ding ah leng Manipur ai-oh a a telding banah South Asian Federation Games (SAFG) a Selection Camp a telding inleng telkhiat in om hi. Hichibang lohchinna angahna ah SSPP L/B in kipahpihthu puang in maban ah leng a lohchin zel deihsakna laan uhi.
Manipur Express suaklou ding
Lamka Dec 03: Lamka khopi pansan a kisuahkhia daily newspaper Manipur Express in lemchanlouhna khenkhat a neih ziakin zingchiang December 4, 2007 issue suahlou ding ua, ngainatute’n theisiam ding in editor in ngen hi.
NSIC nuai ah loan nget theih
Lamka Dec 03: Govt. of India nuai a National Small Industries Corporation (NSIC) in hong tung ding December 4, 2007 sunma dak 11 in YPA Headquarter hall, Upper Lamka ah Awareness Campaign nei ding uhi.
Hiai hun ah, loan a piak theih dan uh lam tuamtuam leh mipite theih ding a poimohte Guwahati apan a mipoimoh hong paite’n gen ding ua, amau nuai a loan la nuamte’n hiai hun pelhlouh hoih ding hi. Amaute’n Lamka khopi sung ah mi tamloute kiang ah loan peta ua, Lamka Post print na offiset leng amau piak ahi.
HIV/AIDS Awareness
Lamka Dec 03: District Police, CCpur saina in hongtung ding zingchiang December 4, 2007 zing dak 10:00IB Road a Synod Hall ah Police leh IRB Personnelte ading in ‘One Day Awareness Programme on HIV/AIDS and STI’ neih hiding hi. apan in
Henry in Award ngah
Lamka Dec 03: Ambedkar Stadium a Durand Cup Tournament 2007 pailel ah Tata Football Academy a captain Mr. Henry s/o Khupkholun Gangte of Hill Town in “Most Promising Young Player Award ngah hi’n muanhuaitak apan thutut kingah hi.
KNF in Cadre 2 tawp sak
Lamka Dec 03: Kuki National Front (KNF) in thusuah a bawl press a kimu in a taklat dan in KNF a sem Mr. Letkholien @ Lelen Tuisomjang of Sadar Hill Army No. 304 leh Mr. Paominsang @Rcy Army No. 340 of Khenjang village te insung buaina tuamtuam ziakin ahihna ua pan khawlsak uhi.
Thusuak in a taklat zelna ah, KNF a apan sung ua hihkhelh bawlkhelh a neihte uh mipite ngaidam ding inleng ngetsak uh hi’n taklang uhi.
AMADA in Boxing sai ding
IMPHAL DEC 3: All Manipur Anti Drugs Association (AMADA) in 2nd Foundation Day Dec 4, 2007 toh kituak in, 1st Open State Level Invitation Boxing Championship for Men & Women sai ding uhi. Hiai hun honkhiakna Dec 4, zinglam dak 10.30 in Tera bazar a Ideal Club ground ah om dinga, tuahun ah khuallian in, YAS minister N.Biren pang ding hi. Hiai championship ah category tuamtuam 12 ah kimawl mi 82 kihel ding uhi. Hiai championship a thupi dia AMADA in aguan ahihleh, 'kimawlna in khamtheih apan hon gamla sak dia taksa damtheihna hontun ding' chih leng ahi.
RBI Governor hong ding
IMPHAL DEC 3: Reserve Bank of India a Governor Dr.YV Reddy hongtung ding Dec 14 chiangin, Kolkata apat Imphal hong tung ding hi. Aman Imphal a Bank tuamtuam a palaite kimuhpih dinga, Dec 14 nitak dak 6 in 1st Manipur Rifle banquet hall ah Cultural programme etna nei in, Dec 15 in Manipur Governor Dr. SS. Sidhu leh Chief Minister O. Ibobi Singh te kimuhpihna nei dinga, tuazoh in Aizawl zuan in lenna in lengkhe nawn ding chih ahi.
Gauhati High Court ah written exam
IMPHAL DEC 3: Gauhati High Court Imphal Bench ah MJS I & II lakna dia written examination om ding a, MJS I a dingin Dec 4 & 5 leh MJS II adingin Dec 12 & 13 hiding hi. Hiai exam na dia Admit card Dec 10 - 12 office hour sungin laktheih ding hi.
Telching thakte Reception bawl
IMPHAL DEC 3: Democratic Students' Alliance of Manipur (DESAM) in tuni’n Kangla hall ah, tuma a College tuamtuam a Students union a Secretary, 2007-08 dia telching thakte vaidawn na nei uhi. Hiai hun ah khuallian in Principal Secretary govt. of Manipur P. Saratchandra Singh, President in DESAM President incharge P.C.Newton leh Guest of honour in Prof. N. Lokendro Registrar Manipur University te pang uhi.
Food Processing toh kisai training
IMPHAL DEC 3: Directorate of Commerce and Industries te saina a, Manipur a singtang gam district 5 teng a 15-Day Training on Food Processing Industries chih neih suak dia bikhiah ahih dungzui in, 2nd training Ukhrul district ah, Nov 19 akipan tuni Dec 3 in zoh hita hi. Hiai training ah trainee 27 paikhom ua, amau food product khat chiat posuah uhi. Tuni a hunkhakna ah, certificate hawm khiakna leng om a, tua hun ah Commerce & Industries a Director Dhiraj Yumnam, DIC Ukhrul a General Manager Avai Horam, G. Nandalal Sharma President, President, Association of Food Scientists & Technologists (India), Manipur chapter te Chief Guest, President leh Guest of Honour in pang uhi. Aban a 15-Days training ding bel, Senapati district ah Dec 12 in kipan nawn ding hi.
Zan dak 10 tan dawr kihong ding
Imphal, Dec 3 NNN: Tukum Christmas hong tung dek toh kisai in kuapeuhmah kisakkhol kipanta mahle uh, Manipur a Senapati district ah, kisakkholhna thupipen lai ding in thusuak in taklang hi.
Karong-Senapati Town Committee in ‘official’ in, Karong apat Senapati kal a dawr nei teng in, Christmas bouruak a om theihna dia a dawr tung ua aksi lem tak chiat ding leh a dawr uh chei chiat ding in district sung kilchih ah theihsakna bawl uhi.
Huai kia hilou in, singtang khomipite’n kumtawn a nna gimtak a a semkhit nung ua, a nuam theipen leh a thoveng thei pen a hun zat ahihtheihna di’n, Town Committee in, dawr neite tengteng kiang ah, December 5 apat thuthak a omnawn ma, dawr leng zan dak 10 tan hong ding in theisak uhi.
YMA in Mautaam kial panpihna dawng ding
Aizawl, Dec 3 NNN: Champhai Joint Young Mizo Association (YMA) Executive Committee meeting in tun’n Mautaam kial thuakte panpihna dia anntang dawng ding in thupuk uhi.
Champhai Joint YMA Executive Committee in a thupukna dungzui un, Christmas ma ngei a hawmkhiak theih dia, December 13 ma ngei a, Champhai khosung a anntang dawng pat ding leh, a anntang a petheiloute’n leng sum-le-pai hiam, silh-le-ten hiam ana piak theih ding in thupuk uhi.
Champhai YMA ahihleh, a veng dan in branch in kikhen tiltel ua, branch 17 kisuah in, Champhai Joint YMA nuai ah khat in ding khawm uhi.
Khotang a media mohpuakna genkhawm
Aizawl Dec 3NNN: Media in khotang bawlhoihna dia a mohpuakna neih toh kisai genkhawmna hun, Student Christian Movement of India (SCMI) saina in, ‘two-day workshop’ tuni’n I & PR auditorium ah Mizoram Journalists Association President K. Sapdanga in hongkhia hi.
Workshop on Christian Youth Initiative to Re-read Media hun zatna ah, honorary secretary, SCMI NE India hihna len leh Baptist Church of Mizoram’ Academy of Integrated Christrian Studies a Lecturer semlel, Rev. Rodinmawia Ralte thugenpi in pang hi. Rodinmawia in a genna ah, print hi’n electronic media hitaleh, temta hiamtak bangmai, a zatna dik a i zat leh phatuam mahmah, himahleh, i zatkhelh leh siatna thupitak hon tun thei ahihdan gen hi.
Sapdanga in, bang pen poimoh ngaih ding ahi a chih toh kisai, leh thei kelkul a, kikheng theiloute i hi uh chih a genna ah, ‘ei leh ei, i khalam dinmun ki-enloupi a, Biakinn nei hoihzaw hih khong i kidem un Christian hoih i hih leh hihlouh uh gen chiang mahmah ahi,’ chi hi. Christian tuailaite a thuhilhna ah, Chistian hoihlua hileh kilawm napi a, pawlpi min suanlam a, mimal leh sumdawnna innte apat sum nget ding kia ngaihtuah pen Mizo Christian khotang hinkhua a dia zumhuailua ahihdan gen kawm in, tulai a, Mizoram a politiciante nangawn inleng, election a chin nang ahihphot leh, dikloutak a thil hih leng khawksa nawnlou uh ahihdan gen hi.
Aizawl Theological College a lecturer, Rev. B. Lalnunzira in “Re-reading media through the eyes-ears of the Christian youth” chih pansan in hun zang a, huai zoh in print media toh kisai kikupkhawmna nei uhi. Zingchiang in leng electronic media toh kisai, a diak in, Youth Icon, Mizo Idol leh advertisement bawl dan toh kisai genkhawm hiding hi.
Student Christian Movement of India ahihleh, Sweden a 1895 kum a kiphutkhia, World Student Christian Federation kahiang khat hi a, India ah ahihleh, India leh Ceylon (Sri Lanka) a Inter-collegiate Young Men’s Christian Association (YMCA) te’n 1912 kum a, Serampore a All India Student Conference a neih hun ua, phuhkhiak a om ahi.
Bangalore pansan in, SCMI in India ah region 13 nei a, North East leng region khat in om hi. SCMI North East in ahihleh, tulel in, Aizawl Theological College, Academy of Integrated Christian Studies leh Government Serchhip College ah unit nei hi.
PREPAK cadre 1 si, KLA cadre 1 man
Imphal, Dec 3 NNN: Thusuak kingah in a taklatdan in, tuni’n mun tuamtuam apat People Revolutionary Party of Kangleipak (PREPAK) cadre 1 kaplup ahihbanah Kuki Liberation Army (KLA) cadre 1 mat in om a, khamtheih zuaktu khat leng mat in om hi.
Official thusuak dungzui in, zannitak dak 11 vel in Imphal West district sung a Khuman Lampak Dingku Road ah Imphal West police commando te’n PREPAK cadre 1, Singjamei police station huamsung a Kakwa Salungba a teng, Thoudam Momo @ Romen (24) s/o T. Rashi kichi kaplum uhi.
Thusuak dungzui in, kaplum a om, Romen leh a lawmte nih in police commando-te patrolling pailai grenade paihkhum ua, grenade pen puaklou in, police commando te’n a kapthuk tak ua Romen pen kaplum khak a om ahihdan leh a lawm mi nihte suakta uh hidan in taklang hi. Huai banah, Police thusuak in, kaplup a om Romen taksa tung apat China bawl grenade muhkhiak a om ahihdan taklang hi. Momo @ Romen sungkuante apat thutut in a taklatdan in, Romen in kum 3 paisa apat in PREPAK zom a, inn leng pha vang mahmah hi’n gen hi.
Imphal East district police SP apat thusuak in a taklatdan in, zan sun dak 12:15 vel ding a Imphal East Police Commando te’n New Checkon a mi a checkna uah KLA member, Thangjalen Singsit @ Lelen @ Boilen @ Jamkholet (38) s/o (L) Paolun of Churachandpur Molenphai village mankhia uhi. Police-te gendan in,Thangjalen in Oct 2007 in, KLA finance deptt. a Thangboi tungtawn in KLA ana zom a, tulel a Imphal area a KLA Chief of Finance, Ngambom Kuki nuai a sem ahihdan taklang hi.
Huai banah, Narcotic and Affairs of Border (NAB) te’n zannitaklam dak 4:30 vel ding in, thuguk a muh dungzui un, Imphal West district a Langthabal Mayai Lep Leikai apat Seram Jilangamba Meetei (35) s/o S. Lukhoi of Langthabal, Imphal West, Heroin gram 5 toh mahkhia uhi.
www.zogam.com
No comments:
Post a Comment