Thangkhanlal Ngaihte
I gam segawp ahi ichihsek uh adiksim pi ahi. Bangziak a segawp chih kidong leng aziak tampi igenthei di uh. Hilele, a thuuktak a et in bel Jesu Khrist nungzui, Christian ikichih uh I khotang leh mimal hinna a akilat khiak louha, ikiim-ikiang a impact ineihlouh ziak uh hi in ka thei.
December khasung Lamka ah ka om a, peih liai hileng Saptuamte khawmpi leh khotaang vai a kikhopna te atel a Inn a nikhat le om manlou a hun zatbei theihdi ahi. Saptuam ah local, area, division leh headquarters in iki vaipuak ua, huai level chiat ah khawmpi kinei zel hi. Huan, huai level chiat ah Naupangpawl, Tuailai pawl, Numei pawl etc. aki neisawn lai a, hiai ten amau adi tuam deuh khawmpi/kikhopna ahon sai lai uh. Huan, saptuam vai a nasep–social work, kiteenna program, advance Christmas, Winter meet etc om zoulai hi. Hiaiteng chauh le hilou in khotang vai a kikhop, YPA, SSPP, Youth club, Music concert, beh khawmpi etc te omlai…Agal deuh apan a et in hichibang ihih neng nungte an-end-in-themselves suak bangta a, atel te le lunglut taktak ziak sangmah in kisuanlah ziak, social compulsion ziak khawng ahi. I lam pam singsat zelzul ua, a etkik leh zilkhiak chih lam ki ngaihtuah saulou hi.
Hichi zelzul a, leivui khu vitvit lak a kipelh zetzet nalak a, mobile phone ki pibawl mahmah lai. Landline kizang nawn vetlou hi. Zang ut lele agui tamzaw ki attan, ki gumang; a gutute matkhiak chih om ngeilou. Leivui khu petmah himai (Delhi a pan a apai, kisiangthou sak hi hetlou, khu tatak!). Khopi sung lampi atamzaw suanghum leh leitaak kisung, huchia ki nuse vengveng ahi. Minister leh gamnuai vaihawm pawlte deihsakna tangdeuh teng ‘contract’ na kihawm. Bangchi dan a mi tengteng–newsmen te nasan–in contract na saithei mawk uh a, chih ka dot leh amau min hilou a, government a registered contractor te min a nasem ua, a cut pezel uh ahi, honchi uhi. I editor khat uh gendan inchu contractor te thunei gawp unchin, New Lamka-Mata road bangle tutan akizoh louh ziak district-in-charge Minister in a contractor pa kiang na nasep deih bang lou ahi achih leh contractor pa heh a nuak ahi, chih hitel dan ahi.
Tuailai te lak ah khamtheih damdawi/damdawilou hihna in masawn touzel ahi ngei ding. Tulel a thang penpen ‘correcting fluid’ chidan uh ahi. Gutate le maimai tuanlou. EBC kumsim khawmpi lian a nitak khat, thugen lai in generator ahong mitmawk a, ava etchet uleh kuate hiam in atui teng ana khaihkhia uh himaimah…
Bible in gilou chiteng bul achih–Sum–deihna mahmah thupi lua hi. December 13 in Phungzathang Tonsing Sports Complex, New Lamka ah function leh kimawl na a om a, keile kava telkha hi. Hiaihun uap a honghoh MP Mani Cheranemai kiang Manipur Hills Journalists Union in Mautaam kial report abawl uh copy leh Memorandum pia ua, kenle kitheisa chidan in kava introduce hi. Ka kihou lai un MP pa’n den a nalawmte uh khat in advance Christmas di toh kisai hong gen ahi achi a, achihlai mah in lawite khat ahong pai mah ngei a, sum ana ngen hidi hiveen, huai dais mai ah Reporters leh Journalists te’ advance Christmas zatna di chiin Rs 1000 tuak ahon pekhe ta maizen a..gen di tamnawn lou a paikhiak maimah in a om. Mimal khat khawng in hiaidan a advantage la gegeih zel dan hileh kilawm. Zialzial geuh…
Voice of New Lamka (Dec 9) ah hiai PT Sports Complex bawl nadia sum ki sanction te genchet na thu om a, hoihtak a etzui tuak ahihdan kigelh. ‘Zanlam deuh a Tedim Road leh Khominthang kikal km 10 suahsuk a, km 1 a Lac 1 gegeih ana lakhia , na lah sem hetlou te dan ahih nawnlouh ding ahi’. Ka dot leh ei Zomi sung a voluntary organization suanhuai mahmah a heutute khawng mah hih ana hi–hiai thu newspaper a question akibawl leh huai heutu pamah in dawngsuk pah in, hiai thu gelhtu in gendi dang naneih keileh ana dai maimai in, chia dawngsuk giapgiap. End of story.
Hiaibang kal ah Graduate teacher (contract basis) te loh hong kihawm. Imphal a MR Ground a vala uh Khathum a ding 3x4000=Rs 12000 didan ahi. Amau pawl bel school building le neilou, asepna mun uale omlou, om le ule sepdi le omtuanlou ahi uh. A cut tuamtuam hiai anuai ate kiang khenkhiak ngai hi: Teacher’s Assn, asum hawmtute/ATSUM, sepna School, ZEO Office, Kho hausate. Hiaiteng kiang akigawm in Rs 4000 vel lutzou hi. Imphal a hawm ahihziak a gamnuai mite kigolh loudeuh chihdan ahilai ahi. Sawm a khat piak didan khawng lemchi hetlou….
Thugen zaak tamluat in ki ngeinaseh na tun adia aw chih bang ki ngaihtuah hi. EBC khawmpi a thugentu Rev. Geoff Pound (Australia) thugen nihvei ka ngaikha a, huai teng bang ana zangzek thei chiat le adang tamlua genngai nawndi’n kaging kei. Nitak khat Samari mihoih tangthu agen a, ei adi mahmah ahi chih in om hi. Ei Paite te bangle I dinmun hon thei mahmah abang. ‘Nou Paite te mi buai, Pathian nasep hahbawl, insung leh tate ngaihsak manloute nahi uh’ honchi hi. Don’t look at people; look at each person. Slow down..slow down achi a, Pathian min suang a niteng a Biak inn nakai gige sang in na zi, na ta, na invengte it in ahaksat na uh theihpih inla, dawn zangkhai sawm in, chih lam pang ahi. Atung a igen a pawlaang a Christian hihna, Biak inn adim, mimal leh khotang a impact omlou igen toh hong ki miil mahmah. Ngaihtuah a, absorb nadi hun neizek chiatle zaw chih in a omlua.
[Siamsin Bulletin New Year Special Issue 2008] [www.zogam.com]
I gam segawp ahi ichihsek uh adiksim pi ahi. Bangziak a segawp chih kidong leng aziak tampi igenthei di uh. Hilele, a thuuktak a et in bel Jesu Khrist nungzui, Christian ikichih uh I khotang leh mimal hinna a akilat khiak louha, ikiim-ikiang a impact ineihlouh ziak uh hi in ka thei.
December khasung Lamka ah ka om a, peih liai hileng Saptuamte khawmpi leh khotaang vai a kikhopna te atel a Inn a nikhat le om manlou a hun zatbei theihdi ahi. Saptuam ah local, area, division leh headquarters in iki vaipuak ua, huai level chiat ah khawmpi kinei zel hi. Huan, huai level chiat ah Naupangpawl, Tuailai pawl, Numei pawl etc. aki neisawn lai a, hiai ten amau adi tuam deuh khawmpi/kikhopna ahon sai lai uh. Huan, saptuam vai a nasep–social work, kiteenna program, advance Christmas, Winter meet etc om zoulai hi. Hiaiteng chauh le hilou in khotang vai a kikhop, YPA, SSPP, Youth club, Music concert, beh khawmpi etc te omlai…Agal deuh apan a et in hichibang ihih neng nungte an-end-in-themselves suak bangta a, atel te le lunglut taktak ziak sangmah in kisuanlah ziak, social compulsion ziak khawng ahi. I lam pam singsat zelzul ua, a etkik leh zilkhiak chih lam ki ngaihtuah saulou hi.
Hichi zelzul a, leivui khu vitvit lak a kipelh zetzet nalak a, mobile phone ki pibawl mahmah lai. Landline kizang nawn vetlou hi. Zang ut lele agui tamzaw ki attan, ki gumang; a gutute matkhiak chih om ngeilou. Leivui khu petmah himai (Delhi a pan a apai, kisiangthou sak hi hetlou, khu tatak!). Khopi sung lampi atamzaw suanghum leh leitaak kisung, huchia ki nuse vengveng ahi. Minister leh gamnuai vaihawm pawlte deihsakna tangdeuh teng ‘contract’ na kihawm. Bangchi dan a mi tengteng–newsmen te nasan–in contract na saithei mawk uh a, chih ka dot leh amau min hilou a, government a registered contractor te min a nasem ua, a cut pezel uh ahi, honchi uhi. I editor khat uh gendan inchu contractor te thunei gawp unchin, New Lamka-Mata road bangle tutan akizoh louh ziak district-in-charge Minister in a contractor pa kiang na nasep deih bang lou ahi achih leh contractor pa heh a nuak ahi, chih hitel dan ahi.
Tuailai te lak ah khamtheih damdawi/damdawilou hihna in masawn touzel ahi ngei ding. Tulel a thang penpen ‘correcting fluid’ chidan uh ahi. Gutate le maimai tuanlou. EBC kumsim khawmpi lian a nitak khat, thugen lai in generator ahong mitmawk a, ava etchet uleh kuate hiam in atui teng ana khaihkhia uh himaimah…
Bible in gilou chiteng bul achih–Sum–deihna mahmah thupi lua hi. December 13 in Phungzathang Tonsing Sports Complex, New Lamka ah function leh kimawl na a om a, keile kava telkha hi. Hiaihun uap a honghoh MP Mani Cheranemai kiang Manipur Hills Journalists Union in Mautaam kial report abawl uh copy leh Memorandum pia ua, kenle kitheisa chidan in kava introduce hi. Ka kihou lai un MP pa’n den a nalawmte uh khat in advance Christmas di toh kisai hong gen ahi achi a, achihlai mah in lawite khat ahong pai mah ngei a, sum ana ngen hidi hiveen, huai dais mai ah Reporters leh Journalists te’ advance Christmas zatna di chiin Rs 1000 tuak ahon pekhe ta maizen a..gen di tamnawn lou a paikhiak maimah in a om. Mimal khat khawng in hiaidan a advantage la gegeih zel dan hileh kilawm. Zialzial geuh…
Voice of New Lamka (Dec 9) ah hiai PT Sports Complex bawl nadia sum ki sanction te genchet na thu om a, hoihtak a etzui tuak ahihdan kigelh. ‘Zanlam deuh a Tedim Road leh Khominthang kikal km 10 suahsuk a, km 1 a Lac 1 gegeih ana lakhia , na lah sem hetlou te dan ahih nawnlouh ding ahi’. Ka dot leh ei Zomi sung a voluntary organization suanhuai mahmah a heutute khawng mah hih ana hi–hiai thu newspaper a question akibawl leh huai heutu pamah in dawngsuk pah in, hiai thu gelhtu in gendi dang naneih keileh ana dai maimai in, chia dawngsuk giapgiap. End of story.
Hiaibang kal ah Graduate teacher (contract basis) te loh hong kihawm. Imphal a MR Ground a vala uh Khathum a ding 3x4000=Rs 12000 didan ahi. Amau pawl bel school building le neilou, asepna mun uale omlou, om le ule sepdi le omtuanlou ahi uh. A cut tuamtuam hiai anuai ate kiang khenkhiak ngai hi: Teacher’s Assn, asum hawmtute/ATSUM, sepna School, ZEO Office, Kho hausate. Hiaiteng kiang akigawm in Rs 4000 vel lutzou hi. Imphal a hawm ahihziak a gamnuai mite kigolh loudeuh chihdan ahilai ahi. Sawm a khat piak didan khawng lemchi hetlou….
Thugen zaak tamluat in ki ngeinaseh na tun adia aw chih bang ki ngaihtuah hi. EBC khawmpi a thugentu Rev. Geoff Pound (Australia) thugen nihvei ka ngaikha a, huai teng bang ana zangzek thei chiat le adang tamlua genngai nawndi’n kaging kei. Nitak khat Samari mihoih tangthu agen a, ei adi mahmah ahi chih in om hi. Ei Paite te bangle I dinmun hon thei mahmah abang. ‘Nou Paite te mi buai, Pathian nasep hahbawl, insung leh tate ngaihsak manloute nahi uh’ honchi hi. Don’t look at people; look at each person. Slow down..slow down achi a, Pathian min suang a niteng a Biak inn nakai gige sang in na zi, na ta, na invengte it in ahaksat na uh theihpih inla, dawn zangkhai sawm in, chih lam pang ahi. Atung a igen a pawlaang a Christian hihna, Biak inn adim, mimal leh khotang a impact omlou igen toh hong ki miil mahmah. Ngaihtuah a, absorb nadi hun neizek chiatle zaw chih in a omlua.
[Siamsin Bulletin New Year Special Issue 2008] [www.zogam.com]
No comments:
Post a Comment