Friday, March 28, 2008

Tuimang khua numei nou te vai

Suankhup

Hih numei no 11 te vai a genkhia masapen kei mah ka hi hi. Tuimang innkuan thuki zakna ah ka khahkhiat leh lawmte khat in zonet ah hong fw ciang in tangpi tawh akikumkha ih hi a, lungkham mahmah laitak in, thuhoih tampi hong ki advice na te hang in zongh lungdam ung. A thu dan tawh kisai pen, akician zawdeuh in hong genbeh ning:

Naupang te sangkahsak nuam or manglai sinsaknuam na omvua leh cih Sm Lamcing in hong gentak ciang in, a thusia ding peuhmah kisa lo in, khuapih te in naupang numei 11 a khutsung vuah na ap hi. Naupang nu leh pa te honkhat in, apai madeuh un pawlpi upa leh pastor te khiangah thu hong ngetsak un ci in, pawlpi upa leh sia te in bel thapia khollo dan in thu kiza hi. Ahi zong in, naupang te khantohna ding a hih leh ci in nu leh pa ten bel a neih sunsun uh tawh a hanciam dan uh ahi hi. Mikhat ciang in Rs. 800 sm tungah pia uh a, a lamsap uh pen a tuam a hi hi.
Hihpen Xmas leh kumthak kikal hi a, sm nu leh nihvei paipih dan hih tuak hi. Thusia ding peuh mah in kua mah kingaihsun lo in, zong kilamen kha lo hi.

February 19 nipawl ciang in, a thudan hoihkhol ding a, a ummawh Mizogam pan in Tuimang mi te khat mah in, ih naupang te vai vakan to limlim sinvua, numei naupang bekbek cih pen athu hoihkhol kei ve aw, pasalno tawh ki helh hi leh thutuam cih thuteng leh naupang kizuak/kilei vai buaina a omngei tawh cihdan in khua pih te a genciang in, Pa Tuanzadal leh Pa Ginkhankap (confuse with Pa Thangdeihsut), te nih Nagaland ah naupang te vai kanin February last week in pai uh to uh hi.

Naupang te pen a mau upmawhna dan na hi lo in, mi khat Rs 5000, 8000, 9000 cih peuh tawh na kilei mawk in, a kikhawng nailo nih, a kilei khinsa khat Rs. 5000 tankik thei uh hi. Apai minih te in Ah! en ih naupang te ih zuak hi zenzen lo pi ci in, thum a muh kik uh ciangin lah nuam in, a muh nailoh uh 8 te hang in nakpi tak in dah uh hi. A muhkhiat uh pen innkuan khat a lei hi a, bang hang a lei hiam cih thu ih theihpih kei hi. Ih theihpih thu in a hihleh mi 11 sungpan a telkhiat khatbek deih hi cih ih tel pih hi. Tua 8 te pen tuni dong koi ah om cih mukhia zo nailo lai uh hi. A kikansan laitak ahi hi.

Zani tak in, Keifang, Mizoram ah Pa Govumdeng tawh ka ki ho kha a, ama nau te khat zongh a kihel kha ahi hi. Amah pen, a paneu (Thangdopau) Mizogam ah om a hih man in huhna ngending a pai ahi hi. Anau uh tankhia kik nuam uh a, a hi zong in sumhaksa lua ahih man in mizo gam ah huhna or sum leitawi ding in apai ahi hi.

Hih tawh kisai pen kilung hi mawh mahmah a, ahi zong in Tuimang khua tawh ki contact na pen (ph line) kingah zo lo ban ah, naupang te nu leh pa te in bangciciang thu ngaihsutna nei uh hiam cih tudong kua mah in ki theihpih nai lo hi. En international network pan thu ih kankhiak leh ih thu kizakna zongh a nuleh pa te un tamtel mel lo zongh hi kha mai lai ding in ka ummawh hi. Bang teng hi leh hih thu tawh kisai in, a pan pih zo Nagaland panin eimi kipawlna or denomination or any bible students' fellowship, etc. khat peuh in thu nong kankhiat hamtang na ding un naupang te nulehpa aitang in kong thuum hi.

A hizong in, galvai or savai bang a ih ngaihsutnai lohna ding in kidawm laiphot ni, gtn., ZRA or galvan tawi te tawh kizop nailoh phot ding in kong thuum nuam hi, bang hang hiam cih leh syama nu pen tuabang thupiang tel taktak leh kisik mahmah ding aa, a mawhna pen Topa in a maisak lai ding ka um hi. Athupi pen ah naupang teng cidam kim in innlam hong zuat dign uh ih thungetna ahi hi. Tuaban ah, hih naupang te tawh kisai pen, responsible apua ki omlo in, aki lung hihmawh pihtek hiphot a, ih hih theihna ciatciat pan in ih panpih ding Zeisu min tawh ken kong thuum nuam sawn hi.

Thupuak,

Sia Suankhup
Korea


A zakhin na omkha phial uh zong in, kei a ding in thuthak leh lamdang ka sakmahmah thu khat hong zasak nuam ing. Luangel khuami Suandeihsiam' nau (Luancing or Lamcing) nu Nagaland ah LST sangkah nu in ih Tuimangkhua ah hih bang in thu na gen hi. "Naupang numeino (kum 18 nuaisiah), manglai sinsak nuam na om vua leh kong huh thei ding hi, amun dingpen Dimapur, Nagaland hi ci uh hi. Mikhat pen Rs 800 kongla ding hi ci hi. Tua leh hih a nuai a teng in a naupang te uh ap uh a, hihthupen X'mas leh kumthak kikkal thupiang a hi hi.
>1. Cindeihpiang tanu: Man muanhuai (tan ngading kum kua)
>2. Cinkhanlian & Nianghlamsiang te tanu nih:
>Dimngainsanm (18 kum), Niangsawmcing (14 kum, tan 8)
>3. Ginkhankap &Cingngaihnuam te tanu:
>Nianglamkim (14 tan 8)
>4. Nangngaigcin & Niangngaiglun te tau:
>Cingnuamsiang (tan ng a kum9)
>5. Gozadal & U Dim te tanu:
>Niangkaplun (tan 8, 14)
>6. Thangdeihcin & Ningngaigkhawm te tanu:
>Nianglamdim (tan 8, 15)
>7. Khamdopiang & Zenmangai te nau nih:
>Nianglamman (18 tan 10) anau, Dimsiansan ( tan 2 kum 8)
>8. Tuanzadal &Cingkhansiang te tanu:
>Ninglian (tan 5, kum 10)
>9. Thangdeihkhen & Dimkhawlvung te tanu:
>Dimnemkim (tan 5, kum 10)
>
>A tunga mi sawm le khat te pen a kum uh bel approzimately bek hi in, a tanzah uh pen man lian in teh. Hih thu pen, Nianglianthang (Thangtawng) zi ding Keifang, Mizoram ah lading in meltheih te apai uh ciang in, Sanggampa U Nangtawng khiang ah gen uh a, tua ciang in U Nangtawng in a thupai zia hoihsa lo nakpi taka lungkham huai a hih zia khuapih mola te a ciah uh ciang in zasak pah hi. Naupang kizuak/ki lei tawh business om tawmvei sung zongh Saiha, Mizoram lam ah thang ngei in kumpi in nasia tak a, a kham khat hih ngei tuak hi.
>
>Lungkhamhuai thu ahih lam khuapih te in a theih uh ciang in, a thudan kan ding in a hi thei zah honkhat Dimapur ah vapai to pah uh a, naupang te Nagalan pastor te tawh kop in a zonzon uh ciang in, U Ginkhankap leh Khamdopiang te tanu nih a khot nai loh uh mu kik uh hi. Tua te pen bang mah zongh semsak khol lo, inn nawtsak zel hih tuak hi. Amau pen a kum tamsim pian uh ahih ciang vua khawng pak zolo dan hih tuak hi. A khotsa te pen, mi khat Rs 5000, 8000, 9000 cih bang in khawng uh a, Tuanzadal ta nu pen a lei te khut sungpan in 5000 in tankhia kik zo in tu in khua ah ciahpih kik hi. Adang te pen koi teng tung hiam cih kithei zonai lo lai hi. Hih thu pen ka zakphet in lamdang ka sa mahmah a, Suandeihsiam nau nu zongh haisa in lamdang kasa hi.
>
>A thu omzia te pen bangci dan ciang ding hiam a kikansan laitak ahi hi. Thungetna ah phawk ni.
>Hih thu te pen, U Nangtawng leh U Lun (Kamdothangzi) tung pan in zani a kazak a hi hi.
>
>Thupuak,
>
>Sia Suankhup
>Korea
>Khamlian
>Kualumpur
>Malaysia


Source: http://groups.yahoo.com/group/zomi

No comments:

Post a Comment