-S. Mung
Delhi tualpi’n hing dol non louin, akimvel Gurgoan, Noida leh mun tuom tuom ah Zou tate iletkhe sau-sau ta ua, tamtan hing puitung Pa Pasian in thupina pahtoina tang tahen.
Khaile Delhi leh akimvel a um jeel-juul I hitah man un deibang tah in khat le khat kikawmtua theilou, thamlou in kitheitua mang lou in i um jei-jai ta ua, thei khah lou leh mel leh puang mu ngai lou lah Zou ta hingal tam pi I um uhi. I gam leh imi isa tam louna mun Delhi leh akim vel a Zou tate kikhaikhawm/kaihuaiding, shini-manni, lusuunni leh kipah ni’a i sih- le-tang a ding ding in Zou Organization Delhi (ZOD) welfare lamtoh kisai in inei ua, Zou tate hing donjang khaitu poimo tah sua hi.
Tualeh sangnaupang lamtawh kisai deu nasem ding leh bawl ding in Zomi Sangnaupang Pawlpi, Delhi Branch (ZSP, DB) inei kia uhi. Adieh in Delhi University nuoi a registration, course tuom-tuom bawl nuomte leh siamsinna sangjaw jil nuomte nahpitah in naki thuapi a sangnaupangte a di’n khuam dettah suah hi.
ZOD leh ZSP(DB) lamkaite kumchin in kiheng nanleh amaute hatna leh vaihawm siemna jieh liu-liau a tamtan tungtou ta ihi man un lamkaite tung a nuamthu mipite’n itut jing ding uh kul leh poimaw sa ing. Hinanleh,…… “Zou lamkaite’n jong hing thei kha sih, hing ve nai sih uh; sumdon ding chiang chauh in a meel uh mu in um giap” chite lamkaite talpang se na’n kinei jing hi. Adih hi, dih taluo ZOD hi’n ZSP(DB) hitaleh Delhi leh akimvel a um Zoutate kumkhat a khat vei jong a vekhalou leh aphah joulou na mun u jong um tham ding a, a um ma hi. Tuo ahitah leh koima theilou kal in mipite dohna(question) tamlou kidong juai va ui i aw…!
1. Lamkai ten mipite a veng veng a avena ding sum ipawlpi leh mipite’n kining ching iguon jou uai?
2. Lamkai te law(salary) ipieh uh ama; Law bei a nang leh kei a ding a sem ?
3. Lamkaite’n bawl ding nei ngellou ahi uai; Nang le kei ma bang a buoi ?
4. Lamkaite sep le bawl a nang le ken iki thuopi di’a iteel uh amah; itouna jaang a igen siet ding ua iteel uh ?
Lamkai dia iteel te uh pen ei mipite ma bang a Govt./privt. nasem ngen ahi lou leh student leh kaam/job sui a laisim a buai ngen ahi uh chi thei masah kul le poimaw kasa hi. Lamkaite pen law/salary pieh malah ah asep abawl sunsun te uh jong i soisel pieh te ahi uhi. Aman hun sunsun un khatvei nihvei tou na inn a a’ng leng lut juoi pen manpha mama a, nang le ken ina phun san ding hilou hi. Tuote ban ah namdang Org. or Assn. tuom tuom te bang a sum le pai nei setsut jou lou ihi man un lamkaite’n amau pocket a pat atam jaw sohkhie a hing kalsuon jel uh ahi chi thei kul leh poimo mama mai a, singpi(tea) a buong ina donsah jou sih le jong a san(red tea) beh mipiten ina tul kul le poimo tajen sang e..!
A tam jawte’n lamkaite suikhieh ngah in itun/i um na munmun uah khawphaw lou in i um ua, thamlou in Delhi hingtung thah te jong a tun naten lamkai te tawh kitheituo sah dan jong thei va ia lou in i um milmel mawh uhi. Khenkhat in ‘hing kisui doh na ve un’ chia dap um ahilou leh ‘sum-le-pai ma hing kidong put van..’ chia jau a kibu simsim lamkaite’n phone abawl sunsun chieng a - ‘ash ! umlou ding hiveng oh, ka umna jong kisuon dih ka chi hia’, chipou a lamkai te sol/khem ding leh dawng ding hilou hi. Kei le nang Delhi a itun ding imin, ikhuo leh ibe iphung lamkai ten vision a ana mu masat hilou hi. I innkuonte tawh umlou na mun Delhi tan itung thei sam leh lungsim khat nei kisam hi. Oh! Tanah bangkhat chi moh taleng chi beh lung geel nei kisam hi. Tuojieh in lamkaite hing sui doh ngah va dep non sih vai in enjong lamkai te leh imi isate suidan kisin jaw vai. Ajieh pen ipoimaw ni ihasatni, shini leh manni chieng a sum le pai tha le jung a hing panpi ding leh hingki thuo pi ding i pawlpi neisun uh ZOD leh ZSP(DB) ahi hi. ZOD leh ZSP(D) min a sum le pai, membership fee, fresher’s meet bawl nang, emergency fund a ding siki-makhai, teng sawm-sawmni, jakhat-jani hing ki dolte nei na pi a, penuom lou leh deh kankan pei nalai te ihi khah ding jau huoi mama hi.
ZOD leh ZSP(D) hat hen ichi chiet uleh pen mipite’n tha-le-jung, sum-le-pai a i phung vuh uh poimaw mama hi. Lamkai te jatat dan leh athu uh jui siem poimaw a, khat-le-khat kinou toi tuo leh kigensietna bei kei a lungkhat a luon khawm kul le poimaw taluo hi. Suongneute suong pi’n a theh hijaw lou in, suongpi pen suongneu te’n atheh hijaw hi. ZOD leh ZSP (D) hat hen ichi leh mo, nang le ken sum-le-pai, tha-le-jung a i theh poimaw leh kuul ta jen hi.
Delhi tualpi’n hing dol non louin, akimvel Gurgoan, Noida leh mun tuom tuom ah Zou tate iletkhe sau-sau ta ua, tamtan hing puitung Pa Pasian in thupina pahtoina tang tahen.
Khaile Delhi leh akimvel a um jeel-juul I hitah man un deibang tah in khat le khat kikawmtua theilou, thamlou in kitheitua mang lou in i um jei-jai ta ua, thei khah lou leh mel leh puang mu ngai lou lah Zou ta hingal tam pi I um uhi. I gam leh imi isa tam louna mun Delhi leh akim vel a Zou tate kikhaikhawm/kaihuaiding, shini-manni, lusuunni leh kipah ni’a i sih- le-tang a ding ding in Zou Organization Delhi (ZOD) welfare lamtoh kisai in inei ua, Zou tate hing donjang khaitu poimo tah sua hi.
Tualeh sangnaupang lamtawh kisai deu nasem ding leh bawl ding in Zomi Sangnaupang Pawlpi, Delhi Branch (ZSP, DB) inei kia uhi. Adieh in Delhi University nuoi a registration, course tuom-tuom bawl nuomte leh siamsinna sangjaw jil nuomte nahpitah in naki thuapi a sangnaupangte a di’n khuam dettah suah hi.
ZOD leh ZSP(DB) lamkaite kumchin in kiheng nanleh amaute hatna leh vaihawm siemna jieh liu-liau a tamtan tungtou ta ihi man un lamkaite tung a nuamthu mipite’n itut jing ding uh kul leh poimaw sa ing. Hinanleh,…… “Zou lamkaite’n jong hing thei kha sih, hing ve nai sih uh; sumdon ding chiang chauh in a meel uh mu in um giap” chite lamkaite talpang se na’n kinei jing hi. Adih hi, dih taluo ZOD hi’n ZSP(DB) hitaleh Delhi leh akimvel a um Zoutate kumkhat a khat vei jong a vekhalou leh aphah joulou na mun u jong um tham ding a, a um ma hi. Tuo ahitah leh koima theilou kal in mipite dohna(question) tamlou kidong juai va ui i aw…!
1. Lamkai ten mipite a veng veng a avena ding sum ipawlpi leh mipite’n kining ching iguon jou uai?
2. Lamkai te law(salary) ipieh uh ama; Law bei a nang leh kei a ding a sem ?
3. Lamkaite’n bawl ding nei ngellou ahi uai; Nang le kei ma bang a buoi ?
4. Lamkaite sep le bawl a nang le ken iki thuopi di’a iteel uh amah; itouna jaang a igen siet ding ua iteel uh ?
Lamkai dia iteel te uh pen ei mipite ma bang a Govt./privt. nasem ngen ahi lou leh student leh kaam/job sui a laisim a buai ngen ahi uh chi thei masah kul le poimaw kasa hi. Lamkaite pen law/salary pieh malah ah asep abawl sunsun te uh jong i soisel pieh te ahi uhi. Aman hun sunsun un khatvei nihvei tou na inn a a’ng leng lut juoi pen manpha mama a, nang le ken ina phun san ding hilou hi. Tuote ban ah namdang Org. or Assn. tuom tuom te bang a sum le pai nei setsut jou lou ihi man un lamkaite’n amau pocket a pat atam jaw sohkhie a hing kalsuon jel uh ahi chi thei kul leh poimo mama mai a, singpi(tea) a buong ina donsah jou sih le jong a san(red tea) beh mipiten ina tul kul le poimo tajen sang e..!
A tam jawte’n lamkaite suikhieh ngah in itun/i um na munmun uah khawphaw lou in i um ua, thamlou in Delhi hingtung thah te jong a tun naten lamkai te tawh kitheituo sah dan jong thei va ia lou in i um milmel mawh uhi. Khenkhat in ‘hing kisui doh na ve un’ chia dap um ahilou leh ‘sum-le-pai ma hing kidong put van..’ chia jau a kibu simsim lamkaite’n phone abawl sunsun chieng a - ‘ash ! umlou ding hiveng oh, ka umna jong kisuon dih ka chi hia’, chipou a lamkai te sol/khem ding leh dawng ding hilou hi. Kei le nang Delhi a itun ding imin, ikhuo leh ibe iphung lamkai ten vision a ana mu masat hilou hi. I innkuonte tawh umlou na mun Delhi tan itung thei sam leh lungsim khat nei kisam hi. Oh! Tanah bangkhat chi moh taleng chi beh lung geel nei kisam hi. Tuojieh in lamkaite hing sui doh ngah va dep non sih vai in enjong lamkai te leh imi isate suidan kisin jaw vai. Ajieh pen ipoimaw ni ihasatni, shini leh manni chieng a sum le pai tha le jung a hing panpi ding leh hingki thuo pi ding i pawlpi neisun uh ZOD leh ZSP(DB) ahi hi. ZOD leh ZSP(D) min a sum le pai, membership fee, fresher’s meet bawl nang, emergency fund a ding siki-makhai, teng sawm-sawmni, jakhat-jani hing ki dolte nei na pi a, penuom lou leh deh kankan pei nalai te ihi khah ding jau huoi mama hi.
ZOD leh ZSP(D) hat hen ichi chiet uleh pen mipite’n tha-le-jung, sum-le-pai a i phung vuh uh poimaw mama hi. Lamkai te jatat dan leh athu uh jui siem poimaw a, khat-le-khat kinou toi tuo leh kigensietna bei kei a lungkhat a luon khawm kul le poimaw taluo hi. Suongneute suong pi’n a theh hijaw lou in, suongpi pen suongneu te’n atheh hijaw hi. ZOD leh ZSP (D) hat hen ichi leh mo, nang le ken sum-le-pai, tha-le-jung a i theh poimaw leh kuul ta jen hi.
No comments:
Post a Comment