Canaan gam i cih ciangin Lai Siangtho sungah Moses in Israel minamte a ciahpih kikna gam, 'khuaizu leh nawitui luanna gam' ciin i thei pah hi. Pasian in a tenna ding gam uh a sehsa gam zong kici thei dinga, a tangtawng a omna ding gam uh zong kici thei ding hi. A langlam pan en kik leng Faro khutsunga haksat namcin thuaka a omna gam uh pan nopsakna gam a zuat pen uh zong kici thei ding hi.
Tua bang hita leh Zomi te adingin 'Canaan gam' koi sung hi ding hiam?
Zogam ciin i tu laitak a i tenna pen ahi diam? Zogam thak a piangding, i tentenna gam eima Canaan ahi ta mai diam? Khuaizu leh nawitui a luang hiam?
Tu laitak a i tenna Zogam i cih pen Zomi te Canaan hi ci ding hi lehang a dik pen diam? I kipatna hi i cih Sengam pen Zomi te adingin Egypt gam i hi sak ding hiam? Ahih kei leh tu laitak i tenna pen Faro gam hi a, Zomi te Canaan gam pen a piang nailo, a zuanzuan lai, a tung nailo, a paipai lai hi hang i ci zaw diam? I khualzinna lampi ah a thaamlai hi hang, i 'tangtawng gam ding' a tungnailo hi hang i ci thei diam?
Zomi cih pen Zhou Dynasty (21 BC pawl) hunlai a Zhou pan akila ahih takpi leh tua san pen minam banga i pianna hi a, tua san i bulpi hi dinga, aban gamdang, mundangah i pem khiat, i pai khiat, i vakkhiat pen nek tawm zonga khualzin i hi dinga, i tenna mun ding munkip leh gam a nusia pak hi ding hi hang.
Zomi hi hang cih i kiphawk, i piangthakna pen leitung pilna leh Civilization in hong nawkkhak a, lai leh pau i ciamteh theiha, i sim theih ciang, leitung leh gam thupiang kithei a, khuaphawkna leh khuamuhna kinei in, minam bangin ikihuai thei ta hi. Tua i tuahna mun pen Zomi te Canaan i ci zaw ding hiam? Tua i phawk pen kum 100 val deuh bek hi pan a, tua i phawk laitak in a piangvat minam i hi kei a, a piangsa minam a akiciamteh nailo minam pen min kician leh ngeina kician nei in a kiciamteh ahi zaw hi. Tua pen Zomi te adingin Canaan i ci ding hiam?
Tua pen Zomi te pian khiatna leh leitung bei donga a tenna ding gam uh, Zomi te Canaan hi i cih kei leh i khualzinna ah gam leh lei nei in i kikhual man ding hiam? Kikhual kei leeng i mangthang kik ding hiam?
Ahih kei leh i tuntawpna ding gam, ultimate destiny, ahih kei leh dreamland, lametna gam a tung nailo, a paipai lai i hi zaw hiam?
Tuni i tenna ah Khuaizu leh Bawngnawi khamkhop ding i nei hiam? Koi ah Zomi te adingin tuate kingah ding hiam? Koi ah tuate kimu dinga, tua kimuhna gam, khua leh mun pen Zomi te adingin Zomi Canaan ici thei diam?
Australia ah, USA ah, Europe ah, New Zealand ah, etc cih bangin Khuaizu leh Bawngnawi deih zahzah i ne a, i dawn a, moh leh niangtui tawh i meh a, gilkial i lauh nawn lohna mun pen Zomi te adingin Canaan hi i ci diam? Tua gamte tung leng 'The land of no return' (Kik nawnloh na gam) atung ciin ikingaihsun diam? I ngeina, i nuntakzia, i upna, i biakna leh i minam hihna khempeuh suahkhia in mothak bangin ikipumpiak ta mai diam?
A nuamna lam delh i kizui diam, a haksa na lam ah ikizol zaw diam? Koi zaw Zomi te adingin Canaan gam hi ding hiam?
Inn sanga nuamzaw mun omlo hi kici a, There is no place like hom, Home sweet home, ahi zongin tua inn pen koi gam ah lam ding i hi hiam? A gam nuam ah lam ding maw, kenlak, suanglak leh huipi mutmutna mun ah lam ding maw? Tomcik i nuntak sung haksatna kiguan guan ding maw, nopna lampi zongin kalsuan zaw ding maw?
Koi san hiam i lunggulh, koisan hiam nop i sakna pen?
Naupangte sanginn lam zuanin pai uh a, inn lam zuanin tai uh hi (Children goes to school, but they run home) akicih mah bangin a nuamna lam delh in Zomi te i kalsuan, i kidelh hethaat laitak in koisung i tung hiam? Tua a nuamna gam leh mun leh khua pen Zomi te Canaan hi ici thei diam?
Zomi te Canaan koi lai hiam? Koi gam ah om hiam? Bangci pai leng tung thei ding i hi hiam? Kua in hong makaih dinga, kua in hong lamlak ding hiam? Zomi te Moses kua hi a, San Tuipi (Red Sea) i kantan ding bang hiam?
Kum bangzah, ni bangzah, Kilometer bangzah pai kisam lai hiam? Bangtan in gamla lai hiam? Tuni i tunna pan Moses bangin i gal et baan ta hiam? Ahih kei leh Egypt gam ah i omlai hiam? San Tuipi i kaan ta hiam? Sehnel gam ah i khedap te a paat hiam?
Zomi te Canaan tunma teng in pai ni. Zomi te Canaan koi lai hiam? Bangtan in gamla lai hiam? Tua lam zuan in i pai hiam? Makaite in hong lamlak hiam? Tui duh dangtak gilkial in i om kha hiam? I nawkna gam mite tawh i kisu kha hiam? I paina ding lampi a kisialsa ahi hiam?
Zomi te ading Khuaizu leh Nawitui luanna gam koi lai hi hiam?
Hau Za Cin
Phuitong Liim
Tua bang hita leh Zomi te adingin 'Canaan gam' koi sung hi ding hiam?
Zogam ciin i tu laitak a i tenna pen ahi diam? Zogam thak a piangding, i tentenna gam eima Canaan ahi ta mai diam? Khuaizu leh nawitui a luang hiam?
Tu laitak a i tenna Zogam i cih pen Zomi te Canaan hi ci ding hi lehang a dik pen diam? I kipatna hi i cih Sengam pen Zomi te adingin Egypt gam i hi sak ding hiam? Ahih kei leh tu laitak i tenna pen Faro gam hi a, Zomi te Canaan gam pen a piang nailo, a zuanzuan lai, a tung nailo, a paipai lai hi hang i ci zaw diam? I khualzinna lampi ah a thaamlai hi hang, i 'tangtawng gam ding' a tungnailo hi hang i ci thei diam?
Zomi cih pen Zhou Dynasty (21 BC pawl) hunlai a Zhou pan akila ahih takpi leh tua san pen minam banga i pianna hi a, tua san i bulpi hi dinga, aban gamdang, mundangah i pem khiat, i pai khiat, i vakkhiat pen nek tawm zonga khualzin i hi dinga, i tenna mun ding munkip leh gam a nusia pak hi ding hi hang.
Zomi hi hang cih i kiphawk, i piangthakna pen leitung pilna leh Civilization in hong nawkkhak a, lai leh pau i ciamteh theiha, i sim theih ciang, leitung leh gam thupiang kithei a, khuaphawkna leh khuamuhna kinei in, minam bangin ikihuai thei ta hi. Tua i tuahna mun pen Zomi te Canaan i ci zaw ding hiam? Tua i phawk pen kum 100 val deuh bek hi pan a, tua i phawk laitak in a piangvat minam i hi kei a, a piangsa minam a akiciamteh nailo minam pen min kician leh ngeina kician nei in a kiciamteh ahi zaw hi. Tua pen Zomi te adingin Canaan i ci ding hiam?
Tua pen Zomi te pian khiatna leh leitung bei donga a tenna ding gam uh, Zomi te Canaan hi i cih kei leh i khualzinna ah gam leh lei nei in i kikhual man ding hiam? Kikhual kei leeng i mangthang kik ding hiam?
Ahih kei leh i tuntawpna ding gam, ultimate destiny, ahih kei leh dreamland, lametna gam a tung nailo, a paipai lai i hi zaw hiam?
Tuni i tenna ah Khuaizu leh Bawngnawi khamkhop ding i nei hiam? Koi ah Zomi te adingin tuate kingah ding hiam? Koi ah tuate kimu dinga, tua kimuhna gam, khua leh mun pen Zomi te adingin Zomi Canaan ici thei diam?
Australia ah, USA ah, Europe ah, New Zealand ah, etc cih bangin Khuaizu leh Bawngnawi deih zahzah i ne a, i dawn a, moh leh niangtui tawh i meh a, gilkial i lauh nawn lohna mun pen Zomi te adingin Canaan hi i ci diam? Tua gamte tung leng 'The land of no return' (Kik nawnloh na gam) atung ciin ikingaihsun diam? I ngeina, i nuntakzia, i upna, i biakna leh i minam hihna khempeuh suahkhia in mothak bangin ikipumpiak ta mai diam?
A nuamna lam delh i kizui diam, a haksa na lam ah ikizol zaw diam? Koi zaw Zomi te adingin Canaan gam hi ding hiam?
Inn sanga nuamzaw mun omlo hi kici a, There is no place like hom, Home sweet home, ahi zongin tua inn pen koi gam ah lam ding i hi hiam? A gam nuam ah lam ding maw, kenlak, suanglak leh huipi mutmutna mun ah lam ding maw? Tomcik i nuntak sung haksatna kiguan guan ding maw, nopna lampi zongin kalsuan zaw ding maw?
Koi san hiam i lunggulh, koisan hiam nop i sakna pen?
Naupangte sanginn lam zuanin pai uh a, inn lam zuanin tai uh hi (Children goes to school, but they run home) akicih mah bangin a nuamna lam delh in Zomi te i kalsuan, i kidelh hethaat laitak in koisung i tung hiam? Tua a nuamna gam leh mun leh khua pen Zomi te Canaan hi ici thei diam?
Zomi te Canaan koi lai hiam? Koi gam ah om hiam? Bangci pai leng tung thei ding i hi hiam? Kua in hong makaih dinga, kua in hong lamlak ding hiam? Zomi te Moses kua hi a, San Tuipi (Red Sea) i kantan ding bang hiam?
Kum bangzah, ni bangzah, Kilometer bangzah pai kisam lai hiam? Bangtan in gamla lai hiam? Tuni i tunna pan Moses bangin i gal et baan ta hiam? Ahih kei leh Egypt gam ah i omlai hiam? San Tuipi i kaan ta hiam? Sehnel gam ah i khedap te a paat hiam?
Zomi te Canaan tunma teng in pai ni. Zomi te Canaan koi lai hiam? Bangtan in gamla lai hiam? Tua lam zuan in i pai hiam? Makaite in hong lamlak hiam? Tui duh dangtak gilkial in i om kha hiam? I nawkna gam mite tawh i kisu kha hiam? I paina ding lampi a kisialsa ahi hiam?
Zomi te ading Khuaizu leh Nawitui luanna gam koi lai hi hiam?
Hau Za Cin
Phuitong Liim
No comments:
Post a Comment