By; K.C. Lalliana
President MICLUN Gen. Hqrs.
President MICLUN Gen. Hqrs.
Tun hma Mizorama vai lo len hma chuan Mizote hi Lalte awpna hnuaiah mahni ro inrelin an awm vek a. Kum 1890-ah British sawrkar in sipai chakna hmangin an rawn la ta a, tang ngial mah ila, an hneh zo ta lo a ni. Lunglei bial chu Bengal Province Chittagong Commissioner hnuaiah dah a ni a. Aizawl bial erawh chu Assam Chief Commissioner hnuaiah dah a ni thung. Heng hunlai hian Mizote hi an zalenin khawtlang nun a hahdam hle a, mirethei leh hausa kar a awm lova, tlawmngaihnaah te, dikna, huaisenna, tumruhnaah te an chhuanawm hle a ni, chu chu an in elna ber pakhat pawh a ni.
Hun a lo kal zel a, Vairam te Sapramte thlengin kan dai zau tial tial a, khawvel ram zau zawk thlengin kan in zar pharh chho ve ta a. India ram state ah pawh ziak leh chhiar thiam tam ber state pahnihna (88.8% literacy) kan ni pha hial ta mai. Kristiannaah pawh Kristian 100 a 100 ti a in chhal kan ni a, amaherawhchu, tunah zet chuan kan hnam nawlpui thlirin chhanchhuah ngai khawpin mirethei leh hausa kar a zau ta a ni! Tlawmngaihnate chu a dal tial tial a, zonunmawi tak tak te chu hmuh tur a vang ta. Uluk takin Research bei ta ila India ram state zingah "Corruption" ah pawh kan chungchuang larh in ka ring. Hengte hi siam tha turin engtinnge kan tih ang tih hi zawhna lian tak a ni a, a chhanna tawi te te in han siam ila.
Chhungkua atangin : Chhungkua hi khawtlang, ram leh hnam in tanna a ni. Chhungkua a chhiat leh a that hian hnam pum nun a nghawng thin. Mizorama heti taka sualna leh, hlemhletna (Corruption) te a pungchak ta mai hi chhungtinte kan in enkawl that tawk loh rah chhuah dik tak a ni. Chhungtinte hian, Pathian tihna te, Tlawmngaihna te, aia upa zah te, dikna, huaisenna leh tumruhnate hi kan in zirtir tam tawk lo niin a lang. Mizote hi hemi kawngah hian kan hniam hle ni pawhin a hmuh theih. Nupui pasal kan in zawng uluk lo tial tial a, inthen leh pawh kan tam bawk. Mi tam ber te hian chhungkaw pawimawhzia kan hre lo lutuk hi siamthat a ngai a ni. Kan Kristianna hi chhungkuaa lakluh a tuh ngheh a ngai a ni.
Kohhran atangin : Kohhrante rawngbawlna hian kan hun tawng mekah rah a chhuah tlem hle a, Pathian thu tam tak kan sawi leh kan ngaihthlak te hi nunah kan hmang tam lo hle niin a lang. Camping kan ti, Crusade te pawh kan uar khawp mai, piangthar pawh kan tam, nuna hmuh tur a vang leh si a ni. Chuvangin Camping, Crusade, a phur zawnga piantharna tlo lo tak mai hi bansan ila, tun atang chuan "Pathian thu zawma Pianthar" hi tum ila kan ram chuan a thatpui ngei ang. Pathian thu sang tak tak kan khel a, Pathiana inchhal hial pawh kan awm ta a nih hi. Kohhran te hian huaisenna lamah pawh zirtirna kan tlachham hle a, kan khawtlang ruihtheih thil leh sualnain min tihbuai nasatzia te, AIDS vei tam dan te, Corruption tamzia te hi kan hre duh lo nge, huaisenna kan nei lo. Kan khawtlang nun hi a tha zawnga a inthlak danglamna thlentir thei turin Kohhrante hian huaisenna neih a va hun tawh em! Hlemhle tak leh a eiru nasa te Biakin tlar hmaa zak lo taka an la thut ngam chhung hi chuan kan rawngbawlna te, kan tawngtaina te hi Pathian tan pawh chhan ngam a harsa khawp ang. Tun anga Kohhrante hi a kal zel chuan ram thenkhat ang maiin Biakina inkhawm tur te hi kan la hmu lo ang a, kan Biakin ropui tak takte hi kan la hralh vel mai mai ang tih a hlauhawm a ni.
Politician te leh sawrkar hnathawkte atangin : Politician te leh sawrkar hnathawkte hi inzawm tlat thil hran ve ve si, hnathawk dun tlat an ni thung. Mizoramah hian Dt. 23/1/2007-a Economics & Satistics buatsaih Mizoram sawrkar hnathawk tarlannaa a lan danin Mizoramah Sawrkar Hnathawk nghet 40,603 an awm a, MR leh Workcharge nen an vai in 51,070 an awm a. Mizoram sawrkar hnuaiah Permanent Post 43,453 an awm a, Post hnawhkhah 40,603 awmin Post 2850 chu hnawh khah loh a ni. Sawrkar hnathawk hi Group 'A' ah Post 3,131 awmin Mipa 2,369 leh Hmeichhia 579 an awm a, Post ruak 183 a awm. Group 'B' ah Post 1093 awmin Mipa 677 leh Hmeichhia 314 an awm Post ruak 102 a awm. Group 'B' ah Post 9,104 awmin Mipa 5,655 leh Hmeichhia 2,929 an awm a, Post ruak 520 a awm. Group 'C' Post 21,290 awmin Mipa 15,134 Hmeichhia 4,633 an awm a, Post ruak 1523 a awm. Group 'D' ah Post 8,835 awmin Mipa 6,684 leh Hmeichhia 1629 an awm Post ruak 522 an awm.MR ah Mipa 7427 leh Hmeichhia 1097 an awm. Workcharge ah Mipa 1619 leh Hmeichhia 324 an awm bawk, a pumpuiah sawrkar chu Mipa 39,565 leh Hmeichhia 11,505 an ni.
Sawrkar hnathawk tam tak te chuan an hna tur dik takah pawh an hlawkna engemaw tal chan tur an neih loh chuan an kut atanga sum dawn a harsa hle a ni. Kuthnathawktu leh Loneitute chanvo leh mirethei te chan tur takngial pawh mahni hlawkna tur a nih chuan chhuhsak zelin duham takin an khawsa zel a nih hi. Kan hlawh leh kan in leh lo te hi a inmil lo hle a, kan fate vairam mai pawh duh tawk lovin sapram thlengin sikul ah te pawh kan kal tir thei zel a nih hi. Motor chhuak thar ber berte an tel lei hmak hmak thei a, hei hi kan hlawh atang chuan thil theih loh tawp a ni, kan eiruk nasat zia a lang chiang hle. Hna reng reng hi intih lalna tur chi a nilova, mipui rawngbawlna hna a ni tih hi hrechiang ila sawrkar hna thawk tha te pawh hi mipui te pawh hian chawimawi i tum ang u.
Politician te pawh kan sawrkar loh laiin ram kan hmangaih em em a, kan han sawrkar meuh chuan mahni pumpui leh chhung leh khatte tan chauh kan MLA a kan Minister a nih hi, MLA ni tawh, Minister ni tawh, ni mek te pawh kan in leh lo kan thlam te thlengin building te pawh kan sa duh zel te hian, mirethei kan hmangaih lohzia a ti lang a ni. Party tin te hian kan thuneihna zawng zawng te chu mahni hmasialna hmanrua atan hman tur a niin kan ngai tlat a ni. Politics dik lo siam that hi kan ram dinchhuahna tura tih makmawh a ni. Hetiang khawpa Mizoten Politics hi kan hriatsual avangin corrupt lo zia kan ni lo.
A tawp berah chuan Corruption hi kan ram leh hnam eichhetu 'Tur' chak ber te zinga mi a ni. Corruption hian hnam inpumkhatna thlengin a nghawng tan mek a, Transparency International Corruption Perception Index 2004 (CPI) chuan Corruption chu hetiang hian a hrilhfiah a. “Sawrkar leh vantlang thil mimal hlawkna tur bik atana hman dik lohna" tiin a hrilhfiah a. Hei hi tunlai khawvela Corruption an hrilhfiahna lar ber pawh a ni awm e. Tun thlenga kan ram infrastructure mumal awm lova a kal ta reng mai te hi kan inenfiah a tul tawh tak zet a ni. Corruption hian kan ram hnam Culture dik leh tha thlengin a eichhe mek a. Mizo nunmawi dik leh tha zawm kawngah pawh kan tlakchhiat avangin, mipui nawlpui moral a tlak chhiat tawh chuan engtin nge kan ram hi a than theih ang.
Corruption in a thlen zinga a tuar bertute chu mirethei sum direct-a tawk pha ve lo, minaran Kuthnathawktu leh Loneitute an ni. Hlemhletna leh Corruption avang hian retheihna bawiah kan ram a lut mek a, mirethei leh hausa kar a zau tual tual a, tun anga kan ram a kal zel chuan, a hausa an hausa tulh tulh ang a, mirethei tan chuan dam khawchhuahna tur a harsa hle ang a, a rethei hi kan rethei tlawk tlawk mai dawn a ni. Kan thalai te beidawng an tam tial tial bawk ang. Chuvang chuan, "Corruption hi kan do ang a, kan ti bo bawk tur a ni", tih chu MICLUN in an thupui leh a tum ber a ni. Pathian rinchhan chung a, dikna, huaisenna, rinawmna, taimakna, Pathian tihna nen kan beih phawt chuan kan ram harsatna hi a bo ngei ang “Zoram Mipuite Harh a hun ta”.
Hun a lo kal zel a, Vairam te Sapramte thlengin kan dai zau tial tial a, khawvel ram zau zawk thlengin kan in zar pharh chho ve ta a. India ram state ah pawh ziak leh chhiar thiam tam ber state pahnihna (88.8% literacy) kan ni pha hial ta mai. Kristiannaah pawh Kristian 100 a 100 ti a in chhal kan ni a, amaherawhchu, tunah zet chuan kan hnam nawlpui thlirin chhanchhuah ngai khawpin mirethei leh hausa kar a zau ta a ni! Tlawmngaihnate chu a dal tial tial a, zonunmawi tak tak te chu hmuh tur a vang ta. Uluk takin Research bei ta ila India ram state zingah "Corruption" ah pawh kan chungchuang larh in ka ring. Hengte hi siam tha turin engtinnge kan tih ang tih hi zawhna lian tak a ni a, a chhanna tawi te te in han siam ila.
Chhungkua atangin : Chhungkua hi khawtlang, ram leh hnam in tanna a ni. Chhungkua a chhiat leh a that hian hnam pum nun a nghawng thin. Mizorama heti taka sualna leh, hlemhletna (Corruption) te a pungchak ta mai hi chhungtinte kan in enkawl that tawk loh rah chhuah dik tak a ni. Chhungtinte hian, Pathian tihna te, Tlawmngaihna te, aia upa zah te, dikna, huaisenna leh tumruhnate hi kan in zirtir tam tawk lo niin a lang. Mizote hi hemi kawngah hian kan hniam hle ni pawhin a hmuh theih. Nupui pasal kan in zawng uluk lo tial tial a, inthen leh pawh kan tam bawk. Mi tam ber te hian chhungkaw pawimawhzia kan hre lo lutuk hi siamthat a ngai a ni. Kan Kristianna hi chhungkuaa lakluh a tuh ngheh a ngai a ni.
Kohhran atangin : Kohhrante rawngbawlna hian kan hun tawng mekah rah a chhuah tlem hle a, Pathian thu tam tak kan sawi leh kan ngaihthlak te hi nunah kan hmang tam lo hle niin a lang. Camping kan ti, Crusade te pawh kan uar khawp mai, piangthar pawh kan tam, nuna hmuh tur a vang leh si a ni. Chuvangin Camping, Crusade, a phur zawnga piantharna tlo lo tak mai hi bansan ila, tun atang chuan "Pathian thu zawma Pianthar" hi tum ila kan ram chuan a thatpui ngei ang. Pathian thu sang tak tak kan khel a, Pathiana inchhal hial pawh kan awm ta a nih hi. Kohhran te hian huaisenna lamah pawh zirtirna kan tlachham hle a, kan khawtlang ruihtheih thil leh sualnain min tihbuai nasatzia te, AIDS vei tam dan te, Corruption tamzia te hi kan hre duh lo nge, huaisenna kan nei lo. Kan khawtlang nun hi a tha zawnga a inthlak danglamna thlentir thei turin Kohhrante hian huaisenna neih a va hun tawh em! Hlemhle tak leh a eiru nasa te Biakin tlar hmaa zak lo taka an la thut ngam chhung hi chuan kan rawngbawlna te, kan tawngtaina te hi Pathian tan pawh chhan ngam a harsa khawp ang. Tun anga Kohhrante hi a kal zel chuan ram thenkhat ang maiin Biakina inkhawm tur te hi kan la hmu lo ang a, kan Biakin ropui tak takte hi kan la hralh vel mai mai ang tih a hlauhawm a ni.
Politician te leh sawrkar hnathawkte atangin : Politician te leh sawrkar hnathawkte hi inzawm tlat thil hran ve ve si, hnathawk dun tlat an ni thung. Mizoramah hian Dt. 23/1/2007-a Economics & Satistics buatsaih Mizoram sawrkar hnathawk tarlannaa a lan danin Mizoramah Sawrkar Hnathawk nghet 40,603 an awm a, MR leh Workcharge nen an vai in 51,070 an awm a. Mizoram sawrkar hnuaiah Permanent Post 43,453 an awm a, Post hnawhkhah 40,603 awmin Post 2850 chu hnawh khah loh a ni. Sawrkar hnathawk hi Group 'A' ah Post 3,131 awmin Mipa 2,369 leh Hmeichhia 579 an awm a, Post ruak 183 a awm. Group 'B' ah Post 1093 awmin Mipa 677 leh Hmeichhia 314 an awm Post ruak 102 a awm. Group 'B' ah Post 9,104 awmin Mipa 5,655 leh Hmeichhia 2,929 an awm a, Post ruak 520 a awm. Group 'C' Post 21,290 awmin Mipa 15,134 Hmeichhia 4,633 an awm a, Post ruak 1523 a awm. Group 'D' ah Post 8,835 awmin Mipa 6,684 leh Hmeichhia 1629 an awm Post ruak 522 an awm.MR ah Mipa 7427 leh Hmeichhia 1097 an awm. Workcharge ah Mipa 1619 leh Hmeichhia 324 an awm bawk, a pumpuiah sawrkar chu Mipa 39,565 leh Hmeichhia 11,505 an ni.
Sawrkar hnathawk tam tak te chuan an hna tur dik takah pawh an hlawkna engemaw tal chan tur an neih loh chuan an kut atanga sum dawn a harsa hle a ni. Kuthnathawktu leh Loneitute chanvo leh mirethei te chan tur takngial pawh mahni hlawkna tur a nih chuan chhuhsak zelin duham takin an khawsa zel a nih hi. Kan hlawh leh kan in leh lo te hi a inmil lo hle a, kan fate vairam mai pawh duh tawk lovin sapram thlengin sikul ah te pawh kan kal tir thei zel a nih hi. Motor chhuak thar ber berte an tel lei hmak hmak thei a, hei hi kan hlawh atang chuan thil theih loh tawp a ni, kan eiruk nasat zia a lang chiang hle. Hna reng reng hi intih lalna tur chi a nilova, mipui rawngbawlna hna a ni tih hi hrechiang ila sawrkar hna thawk tha te pawh hi mipui te pawh hian chawimawi i tum ang u.
Politician te pawh kan sawrkar loh laiin ram kan hmangaih em em a, kan han sawrkar meuh chuan mahni pumpui leh chhung leh khatte tan chauh kan MLA a kan Minister a nih hi, MLA ni tawh, Minister ni tawh, ni mek te pawh kan in leh lo kan thlam te thlengin building te pawh kan sa duh zel te hian, mirethei kan hmangaih lohzia a ti lang a ni. Party tin te hian kan thuneihna zawng zawng te chu mahni hmasialna hmanrua atan hman tur a niin kan ngai tlat a ni. Politics dik lo siam that hi kan ram dinchhuahna tura tih makmawh a ni. Hetiang khawpa Mizoten Politics hi kan hriatsual avangin corrupt lo zia kan ni lo.
A tawp berah chuan Corruption hi kan ram leh hnam eichhetu 'Tur' chak ber te zinga mi a ni. Corruption hian hnam inpumkhatna thlengin a nghawng tan mek a, Transparency International Corruption Perception Index 2004 (CPI) chuan Corruption chu hetiang hian a hrilhfiah a. “Sawrkar leh vantlang thil mimal hlawkna tur bik atana hman dik lohna" tiin a hrilhfiah a. Hei hi tunlai khawvela Corruption an hrilhfiahna lar ber pawh a ni awm e. Tun thlenga kan ram infrastructure mumal awm lova a kal ta reng mai te hi kan inenfiah a tul tawh tak zet a ni. Corruption hian kan ram hnam Culture dik leh tha thlengin a eichhe mek a. Mizo nunmawi dik leh tha zawm kawngah pawh kan tlakchhiat avangin, mipui nawlpui moral a tlak chhiat tawh chuan engtin nge kan ram hi a than theih ang.
Corruption in a thlen zinga a tuar bertute chu mirethei sum direct-a tawk pha ve lo, minaran Kuthnathawktu leh Loneitute an ni. Hlemhletna leh Corruption avang hian retheihna bawiah kan ram a lut mek a, mirethei leh hausa kar a zau tual tual a, tun anga kan ram a kal zel chuan, a hausa an hausa tulh tulh ang a, mirethei tan chuan dam khawchhuahna tur a harsa hle ang a, a rethei hi kan rethei tlawk tlawk mai dawn a ni. Kan thalai te beidawng an tam tial tial bawk ang. Chuvang chuan, "Corruption hi kan do ang a, kan ti bo bawk tur a ni", tih chu MICLUN in an thupui leh a tum ber a ni. Pathian rinchhan chung a, dikna, huaisenna, rinawmna, taimakna, Pathian tihna nen kan beih phawt chuan kan ram harsatna hi a bo ngei ang “Zoram Mipuite Harh a hun ta”.
No comments:
Post a Comment