Student pawlpi tuamtuam in Joint Statement suahkhia - Manipur Government kiang ah sinlaite’n thutawp pia uh
Lamka, Aug 14: Churachandpur District adia khuampi poimoh mahmah , Churachandpur District Students’ Union, Kuki Students Organisation, Zomi Students Federation, Hmar Students’ Association leh Mizo Zirlai Pawl in tuni in Joint Statement poimoh mahmah suahkhia in, August 11 2007 nitak dak 6:45 a Police Station kong Teddim Road a bomb paihpuakte mohpaihna sangpen in mohpaih uh ahihdan taklang uhi.
Sinlai pawlpi tuamtuam te thusuah in ataklatdan in, minautang Umesh of Bihar in hiai Bomb puak ah sihna tuak a, mi nautang dang 4, Mrs Khamnu, Singkholen, Bijay Kumar leh Raj Kumar Pandit in liamna tuak uh ahihdan taklang uhi. Lamka khopi in Phaizang helpawl te apat 2003,2004 leh 2005 te in New Year gift ngah sek a, hun dangdang ah leng ngah mun mahmah uh ahihdan taklang ua, 2005 apan Phaizang helpawlte’n Singtang bial a bomb thang a kamte uleh, T Phaizol banah, Tipaimukh bial a numei a sualluihte uh District mipite lungsim ah hing gige ahihdan student pawlpi 4 te’n taklang uhi.
Tuabanah, minautang hinna la a, kipak mahmah helpawlte bangziak a Gam leh Nam it, mihingsan chi a saptheih ding uhiam chih dongkawm in, amaute’n nautang itlou a, huham tak a gamtat sunzom ding uh ahihleh, mipite’n I bitna ding uh ngaihtuah kisam hita lou hiam chi’n leng Student te’n ngetna leh theihsakna bawl hial uhi.
Tuabangkalah, Student pawlpi 4 te’n DC CCpur tungtawn in Memorandum khat pelut uh a, huai ah ataklatdan un, Manipur a Nam tampen te’n Singtangmite a bawl gentheih luat uh theihsiam haksa sa mahmah uh ahihdan taklang ua, Manipur Government in singtangmite humbitna ding in vai tuamtuam satsek mah le uh tangtun bangmah omlou ahihdan taklang kawm in, Phaizang helpawlte khut ah singtangmi bangzah bawlgen theih a om a, bangzah in hinna tanta hiam chih CM ah dotna pia uhi. Manipur singtangmite’n Manipur a om bit kisa nawnlou uh ahihdan taklang kawm in, Manipur Government in kintak a panla ding in ngen ua, August 17 tan a Churachandpur District apan Phaizang helpawlte samkhe ding in theisak ua, huaitan a bangmah muhtheih a panlak ahihkei a, banghiam thiltung a om leh State Government in mohpaw ding hi’n theihsakna pia uhi.
Letkholun thahna ding in C Doungel in Rs 15 Lakh pia: KLA in Aug 15 tan a surrender di’n theisak
Lamka, Aug 14: Kuki Liberation Army thusuak kingah dan in, KLA in a Commander In Chief uh Letkholun@Lenin that tu zonsuahna neizom zel uh a, huai thu a kigolhkha Mr Kingson@ Jangthang Touthang August 1 2007 in capital Punishment pia uh ahihthu puang uhi. KLA thusuak in agenbehna ah, Mr Thunder Kuki@Paolen Doungel makaih in Kingson leh mi bangzah hiam in KLA camp luh in C-in-C va kaplum uh hidan in gen ua, Mr Kingson thah ahih ma in KLA in thudotna hoihtak nei ahihdan gen uhi.
Mr Kingson kipuanna dungzui in C-In-C thahna ding in, Aigijang Hausa Paolet Touthang, Zordanphai Hausa Janglun Touthang leh H Jangnom Hausa Zilthang Touthang te leng kigolhkha uh ahihdan KLA in theisuah a, Mr C Doungel (Ex-MLA) in C-In-C thahna ding in Kingson tungtawn in Lakh 15 pia hi’n KLA in gen uhi. Commander In Chief thahna toh kisai in Amstrong Kuki@ Goulen Doungel leh Ngambom @ Kenedy @ Kamlal Touthang te leng naktak a kigolh ahihdan uh suikhiak vek hi’n KLA in gen hi. KLA Commander In Chief thahna toh kisai a kigolhkha tengteng August 15 ma ngei a KLA kiang ah ki surrender ding in KLA thusuak in theihsakna bawl hi. Tuabanah, Thunder nungzui Mr Paominlal of KNA/KNO leng KLA te’n mankhia in himahleh, KSO/Kuki Inpi Manipur theihpihna toh khahkhia uh hidanin KLA thusuak in taklang hi.
KLA thusuak in agenzelna ah, KLA sung ah kilepthakna hoihtak om ahihdan taklang ua, Timothy Kuki tung ah Dy C-In-C hihna piak ahihdan puang kawm in, Finance toh kisai himhim Arjun Kuki min chauh a paita ding ahihdan leng taklang uhi. KLA sung buaina ziak a ana taaizaak, KLA Cadre leh Civil department a om kha tengteng August 20 2007 ma ngei a, General Headquarters ah ki report chiat ding in leng theihsak in om uhi.
Freshers Meet 2007 nei ding
Lamka Aug 14: CCpur.Government College in hongtung ding August 22, 2007 sunma dak 11:00 in a College uah ‘42nd Freshers Meet 2007’ nei ding uhi. Hiai hun ah Education Minister Pu L. Jeyantakumar in Chief Guest hihna toh uap ding a, MANIREDA Chairman T. Manga Vaiphei in Functional President hihna toh uap ding hi.
Epedemic Survey bawl
Lamka Aug 14: District Malaria Officer/CCpur Dr. F. Thienkhogin makaih in Medical Team khat in apaisa August 10- 13, 2007 sung in Henglep Sub-Division sung a N. Saikot, Damzawl, Kawlhen leh Henglep Hq. pha in huai khuate ah Medical Camp-cum-Epidemic Survey nei uhi.
Hiai hunsung in N. Saikot khua ah damlou 23, Damzawl khua ah damlou 25, Kawlhen khua ah damlou 12 leh Henglep Hq. ah damlou 288 en uhi. Hiai Medical teamte zan in Lamk hongtung nawn uhi.
Pasal 1 khetliam in om
Lamka Aug 14: Mr. Siesiem (18) S/o. Zoma of Santing apaisa August 10, 2007 sunnung dak 4:30 vel in akhua uah mi toh kiselbuai in a lu kuva tang khehna in satsak ziakin Lamka Damdawi Inn ah etkol in omlel hi.
Accident ah liamkha
Lamka Aug 14: Jotsoma By-Pass Road a zan nitaklam dak 3:30 a Tourist Bus accident ah Lamka mi Rev. Ginzamang (55) S/o. (L) Nangkhotuan of Beaulahlane a tanu Ms. Rebec Chiinhoih (25) D/o. Rev Ginzamang of Beaulahlane te liamkha ua tu’n Lamka Damdawi Inn ah etkol in omlel uhi. Rev. Ginzamang bel ataklam ngal mun 2 a liam banah atal keh a, Ms. Rebec Chiinhoih bel aveilam mittung a liam banah a veilam khetul limlang in atkeh kha hi.
DI khat kisuan
Lamka Aug 14: ZEO/CCpur nuai a Dy. Inspector of School banh SSA a Com. Mob. lenlel Mr. Priyo Kumar pen ZEO/Thoubal nuai a DI mah sem ding in apaisa August 10, 2007 in order suak hi. Amah mun a sem ding in ZEO/Thoubal apan in Mr. Kh. Amuba Singh, DI hongpai ding hi.
Suspend a om revoke
Lamka Aug 14: ZEO/CCpur nuai a Bill Clerk sem Mr. J. Thangzaliand hun bangtan hiam paisa apan suspended a om pen apaisa August 10, 2007 in Government in order suah in suspended ahihna apan sutkheta hi.
Cerificate piaklut ngai
Lamka Aug 14: ZEO/CCpur nuai a School omteng in Duty Certificate leh Electricity Department apan No Due Certificate (NDC) piaklut chiat ngai hi. Hiai certificate peloute pay bill bawlsak hilou ding hi.
Commissioner (Relief) ah thon ding
Lamka Aug 14: Natural Calamity Relief toh kisai a District Level Committee in Sub Division tuamtuam apan proposal amuhte uh etchetna aneih nung un Commissioner (Relief) kiang ah approval ding a thot ding in lemsa uhi.
Tu a Relief ngetna amuh dan uh bel Singngat Sub Division apan in kho 24 a inkuan 328 te louma 485 hactare alian kum 2005-2007 kikal sung a khokheeng, meikang, Gialpi leh menchim ziak a louma a lohsamte panpihna dia Rs. 6,43,500 ngetna leh Henglep Sub Division a kho 23 a inkuan 664 te louma 783 hactare alian kum 2004-2006 kikal sung a khokheeng, pingpei, Gialpi leh zusa ziak a louma a lohsamte panpihna dia Rs. 8,22,000 ngetna banah Thanlon Sub Division a kho 3 a inkuan 22 te louma 260 hactare alian kum 2004-2005 kikal sung a Gialpi leh khokheeng ziak a louma a lohsamte panpihna dia Rs. 3,99,000 ngetna ahi.
Muzeeko Award 2007 hawm
Lamka Aug 14: Laijon Digest Monthly Magazine saina in D. Phailien Community Hall ah zan in Miss Manipur 2007 Ms. Lamneikim Baite in Laijon Digest Muzeeko Award 2007 hawmkhiatna nei hi. Award sangte bel Best Pop Singer Gena Thangpu Touthang, Best Gospel Singer Jeff Akai Haokip, Best Lyricist Ncy Doungel, Best Music Video Artist (Female) Rita Haokip leh Best Music Video Artist (Male) ah Max Seiboi te hi’n kigen hi.
Public ground ah I-Day lop hiding
Lamka Aug 14: India in Bristish khut apan kivaihawmtuamna a ngahni uh zingchiang 15 August in Lamka mawltual ah District Level in thupitak in lawp hiding a, DC/CCpur Shri Sumant Singh, IAS in Salute la ding ding hi.
Hiai hun lawpna ah March Past ah Contigent tuamtuam 38 kihel ding a, hiai toh kisai kisakkholhna thil bangkim mansiangta hi.
Hiai hun zatna ah, District sung a government nasem hoih leh khotang a dia phattham chingte mi 104te kiang ah ‘Certificate of Appreciation’ piakkhiak hiding a, hausa 13 leh Ex. Servicemen/Social workers mi 4te kiang ah Red Blanket piakkhiak hiding hi.
Tuabanah, hiai ni mah sunnung dak 3.30 in DC’s Bungalow ah Headquarter veng ah Garden Party DC makaih in neih hi nawn ding a, hiai hun ah District sung a mipoimoh tuamtuam paikhawm ding uhi.
News Suty ding
Lamka, Aug. 14: Zingchiang Independence Day ahih toh kiton in India a om National paper office teng kikhak ding a, tua toh kiton in MHJU nuai a newspaper tel in Manipur a newspaper office kikhak vek ding hi.
Costumes & Traditional celebration
Imphal Aug. 14: Manipur a pawl tuamtuam sagih kigawm in tuni'n Imphal a G. M. Hall ah “Costumes is the bridge between Hills and Plains” chih thupi pansan in 2nd Costumes & Traditional celebration, 2007 zang ua, tua ah Meitei, Naga leh Kuki namte apat lam lahna om hi.
Hiai hun ah khuallian leh President in, E. Kunjeshwor MLA leh Dr. U. Deben MLA te pang uhi.
Damdawi aman sanga tamzaw a zuakte tunga action lak hiding - Ph.Parijat
Imphal Aug.14: Manipur a helpawlte sum demand ziaka damdawi company tuamtuam in Manipur a damdawi hon polut nawnlou chih ziak leh damdawi zuakna mun tamtak a damdawi poimohte kimunawn lou chih leh August 20, 2007 nung chia damdawi lei ding vang mahmah tading hidan a kigen toh kisai in, tuni nitak dak 6 in Health & Family Welfare Minister Ph. Parijat in thuthak saimite ama office chamber Old Secretariat ah kimuhpih hi. Hiai hun a Health Minister in agenna ah, newspaper report ah damdawi poimohte kimulou hidan a report kigelh ommahleh govt. theihdan in damdawi ngeina banga pharmacy tuamtuam a kimulai ahihdan gen hi.Aban agenna ah, hichibang a damdawi muh haksa chih paulam a pharmacy khenkhat in ngeina sanga damdawi aman tamzaw a zuaktu theih ahihleh, essential commodities act nuai a action lak hidingin leng taklang hi.
Health Minister in aban agen behna ah, life saving damdawi poimoh taktak Manipur polam apat hon polut company te tunga helpawl in demand tamtak abawl un, buaina hon tun thei ahihman in hichibang thilchin hihlou dingin Minister in helpawlte kiang ah ngetna nei a, hiai adia kuapeuh in kithuahpihna peding in leng ngetna nei hi.
Tulel a Manipur a damdawi stock dinmun hoih mahmah lai ahihdan leng gen in, kuamah patau lou dingin leng Minister in ngen hi. HIV positive te damdawi nek ART kimulou chih toh kisai a Minister in agenna ah, Manipur a ART centre guk omte, RIMS, JN hospital, district hospital CCpur, Ukhrul, Chandel leh Thoubal ah hiai damdawi kitasam lou in om a, himahleh RIMS ah bel tuma in hiai damdawi kidaihlou in omkha hi. Hiai toh kisai a Minister in agenchet dan in, RIMS a ten indent abawl lai un ART box khat a tang 30 om himahleh tang 60 omdan a chiamteh (wrong calculation) abawl khak jiak uh hidan in gen hi. Himahleh,RIMS adingin District hospital tuamtuam apat kaihkhom ahihdan leng gen hi.
Bird Flu toh kisai a Action Plan phase masa zoh hita
Imphal Aug.14: Manipur a Bird Flu (Avian Influenza) om chih July 25, 2007 a official a theihchet ahih ziaka Manipur govt. nuai a Vety. and AH in, Bird Flu kipatna chih a gen a om Chingmeirong apat 5km kimkot a Ak leh Vatot mass culling aneih ban ua, mopping leh cleaning chihte Aug 12, 2007 in zouta hi.
Hiai toh kiton in Vety. & AH a Director Dr. Th. Dorendra Singh in Aug 12, 2007 a Certificate asuahna ah, Action Plan dungzui in area of operation sung ah culling zoh hita a, tua toh kiton in action plan dang post operative operation leng pat hita dan in taklang hi.
Hichibang kal ah, tuni’n Sanjenthong a Vety. & AH office complex ah Vety. a Secretary KK.Chhetry tel in official tamtak leh mi tuamtuam in 5km polam apat hong kipolut Aksa ne khom uhi. Hiai Aksa bel hotel minthang tak OK hotel te huan hidan in leng kigen hi. Chingmeirong apat 5km kimkot sunga Poultry farm omte govt. in seal bawl a, hiaite a tompen a kha thum sung khak hilai ding chih ahi. Huailou in, Post operation surveillance leng tuni apat kipanta hidan in kigen hi. 5km polam ah leng Ak te sisan sample te etkhiak dinga laktouh jel hiding hi. Hichibang a apaitouh jel leh, Imphal ah leng tuban kha thum zoh November kha in bel ngeina bangin Aksa zuak hita ding hi.
Manipur a Bird Flu toh kisai a action plan sepsuah dan enkhia a hongzin, Central a department of Vety. and AH a Joint Secretary Ms. Upma Choudhury leh Joint Secretary, Union Ministry of Health apat Vineet Chowdhury ten, Manipur a Bird Flu toh kisai a department nasep dan leh pawl tuamtuam kithuahpihdan phat huai sa mahmah uh hidan in leng kigen hi. Bangteng hileh, Manipur a Bird Flu natna koi apat hongkipan hiam chih bel tunitan in akisaipih department in leng theikhe nailou hidan a gen ahi. Huailou in, hiai natna in mihing alohsawn chih leng zak om tadih lou.
Vety. Secretary in thusuah bawl
Imphal Aug.14: Manipur govt. nuai a Secretary Vety. KK.Chhetry in tuni a memorandum a suahna ah, Poultry birds, poultry feeds leh aktui te puak leh zuakna toh kisai a zuih ding thupuan bawl hi.
Tua thusuak dungzui in, live poultry birds leh poultry feeds te chingmeirong apat km 5 huamsung ah koih phal hilou ding a, himahleh aksa leh aktui bel laklut theih hita ding hi. Post operative surveillance plan leng tuni apat seppat hingal chih ahi.
Independence ding toh kisai message
Imphal Aug.14: August 15, 2007 60th Independence Day ding toh kisai in Manipur Governor Dr. SS. Sidhu leh Chief Minister O. Ibobi Singh te’n Manipur mipi adingin thupuak bawl uhi.
Hiai thupuak in ataklat dan in, India in zalenna angah theihna salpha mihing theih leh theilouh asang sang a simten, hinna ana tan uh zahtakna pia uhi. Britist te apat zalenna piak hilou in, hinna mantam pi a lei ahihdan leng taklang uhi.
India khangthu adia mang theilou kigawm hatna kikhen pukna chih hiai Independence day toh kituak a kuapeuh in phawk thak dingin leng ngetna nei uhi.
NEWMAI & REGIONAL NEWS:
Moreh Bata: RS.100/=kyats 3150/
HTC in ambush omlou ahi chi
Moreh, Aug 14: Hill Tribals' Council Moreh, Chandel District in thusuah abawl uh Press akimu in ataklatdan in, 7th August 2007 ni in Minister team te Lokchao(Tuipi Village) ah ambush in om uh chi a Daily paper a kisuahte thuzuau vek ahihdan taklang ua, Khudengthabi( K.Sibong Village) leh Lokchao kikal ah sepaih ROP pai gige a, kho mi tamtak in huai mun tak ah gua sak sek ua, ambush kichi himhim omlou ahihdan gen uhi. HTC Moreh thusuak in agenbehna ah, Minister team te escort te’n Moreh a pawtsan ma un zu khamvek khin uh ahihdan taklang uh a, Sakhi tai maimai mule uleng mihing sa ding uh ahihdan taklang ua, ambush a om uh ahihleh, Minister teamte khat beek liamkha thei ahihdan genkawm in, agari uleng bangmah chilou a, bangziak a ambush om chi thei uhiam chi’n dotna bawl uhi. Security te’n ambush bawlte mi 7 / 8 vel kaplum dan a report apiak uleng lamdang mahmah leh kikhemna dia le haihuai mahmah ahi chi’n HTC Moreh thusuak in taklang hi.
Kohima ah pawlkhat in thaukaap
Kohima, Aug 14(NNN): Nagaland khopi Kohima ah mi bangzah hiam in zingkal dak 9:45 in thau pawng kaap uh a, huai ah mi 2 in liamna tuahloh hidanin thusuak kingah hi. Thusuak in agendan in, zinglam dak 9:45 vel ding in mibang zah hiam Car khat ah tuang in Phoolbari area a tun un mi 1 kap in lohsam ua, huai zoh in a thau uh pawng khah in Pangermeren Pongen leh Yanemo Rengma city bus conductor te’n liamna tuah loh uh hi’n thusuak in gen hi. Police te’n thiltun na mun kintak in delhpah mah le uh muanmoh matkhiak kuamah neilou ua, liamna tuak mi 2 te leng damdawi inn ah etkol in om lel uh hi’n kigen hi.
NSCN (K) leh Government kihou
Kohima, Aug 14(NNN): Kohima khopi ah zan in National Socialist Council of Nagaland (Khaplang Group) leh India Government in kihouna nei ua, huai ah Cease Fire ground rule toh kisai hoihtak in velkhopna aneih banuah, designated camp kizatdan toh kisai leng ngenteltak in enkhawm uhi. Thusuak in agendan in, NSCN (K) leh India Government in Circuit House, Kohima ah kihouna nei in, huai ah thupukna tuamtuam leh kitheihsiamna khenkhat bawl uhi. Thusuak in agendan in, pawl nihte’n helpawl thautawi te mipi lak ah zalentak a vaak lou ding in kilemna bawl uh a, tuabang kalah, NSCN (K) in designated camp mun 3 om te Government in theihpihna pe ding in phuut uhi. Designated Camp toh kisai ahihleh, pawlnih te’n hun dang a genkhop ding in limsiit tadih uhi. Gaonburas (GBs) leh Dobashis (DBs) Joint Forum pawl in Nagaland sung ah lemna leh muanna om na dia NSCN (K), IM leh FGN pawl ah kilemna tunding sawm a na asep utoh kisai Cease Fire Monitoring Group (CFMG) in kipahpih mahmah in, NSCN-K palaite kiang ah Joint Forum te nasep lemsakpihna peding in leng ngen uhi. Hiai meeting ah ahihleh, Government lam ai-oh in, CFMG Chairman Lt. Gen. (Retd.) R. V. Kulkarni, Nagaland Commissioner & Addl. Chief Secretary, T N Mannen, Director General of Police J. Chankija, IGAR K S Sethi leh DIG CRPF te tel uh a, NSCN-K lam ahihleh, Dy Kilonser (Home) Wanthing Konyak, Nitovi Cabinet Secretary leh Hukato Central Council Member te’n ai-oh uhi..
Kum 40 nung in Innlum tungding
Guwahati, Aug 14(NNN): Kum 40 paisa a sihna ana tuak Mahendra Nath Phukan luang August 11 ni in Army te’n mukhia uh a, huai toh kiton in, a Innlum uh puaktung hiding in kigen hi. Thusuak kingah dan in, Phukan ahihleh, Army nuai a 715 TPT a Mechanical Wing a sem hi a, Kum 40 paisa in si hi. Phukan ahihleh, Gunaram Phukan tapate lak a a 3 na hi a, Assam state sung a Sibsagar District a Deodhai Deuri Chuk khomi hi’n kigen a, February 7 1968 in Metre 6264 a sang, Chandrabhaga Peak, Himachal Pradesh ah lenna kia in si a, midang 100 in leng sihna tuak uhi.
Army te’n hun bangtan hiam siluang te a zon nung un mu lah mahmah in, August 11 in vangphat huaitak in si luang 3 te mukhe nawn uhi. Siluang te sapum kichi om nawnlou in guhvuak in om a, vuuk khal toh kimeek mat gai a, himahleh, puanthem kawm khat a a Identity Card uh a siatnai louh ziak in huai tungtawn in ahihna uh theihkhiak a om ahi hi. Aamguri police station Officer In Charge kiang ah Army pawl in thil omdan a zaaksak utoh kiton in, misi sungkuante zonkhiakna pan ngal uh hi’n kigen hi. Phukan te unau ahihleh, pasal nga hi ua, amah ahihleh, a thumna hi a, kum 40 paisa in siluang vuina program a sungkuante’n aneihsa uh ahi hi. Misi luang ahihleh, Haryana Sani Mandir Central ArmyHospital ah koih in om a, a sungkuante’n chetna abawl zoh chiang un, Assam state puaktung hiding in kigen hi.
NSCN (IM) in Independence Day lawm
Kohima, August 14(NNN): National Socialist Council of Nagalim (NSCN-IM) in tuni in Naga Independence Day 61 veina zatna nei ua, huai ah Chairman Isak Chisih Swu in message a gelh AK Lungalang, Speaker Tatar Hoho in simkhiakna nei hi. Isak in agenna ah, Nagate khangthu chituamna Government in pompih mah leh kilemna chituam a om kei leh, Unique History kichi in om zia neilou ding ahi chi hi. NSCN-IM in ahihleh, tuni in 61st Naga Independence Day kichi Angami-Rengma-VP Battalion combined te saina nuai ah lopna nei uh a, huai ah mi poimoh tamtak paikhawm uhi. Kohima apan Km 45 a gamla, Chiephobozou Sub Division sung a Tsiemekhuma khua a Independence Day zatna hun ah, NSCN-IM Chairman hoh theikei mahleh, Parliament Speaker AK Lungalang va kihel thei in Chairman thuchah simkhiakna va nei hi.
South Asia adia suahtakna sualna toh kisai a upa pen NSCN IM hidanin Isak in a message ah taklang a, Government of India (GOI) tung ah mohpuakna liantak om ahihdan taklang kawm in, gamdangte muh a India in bangzah vei zahlakna a tuah poimohlai hiam chih dotna leng Isak in bawl hi. Kum 60 paisa a Nagate sisan a na luangkhe te zahtak mahmah ahihdan taklang kawm in, Nagate’n mailam ah atawptan paitung ding uh ahihdan leng Isak in gen hi. Hiai hun ah, Kohima apan lasa siam tuamtuam tamkhop atel banuah, Nam lam lahna tel in mipi sang tamtak paikhawm uh hi’n thusuak in gen hi.
NSCN IM Commander In Chief lui General (Retd.) V. S. Atem, Emissary in agenna ah, India Army leh Burma Army te douding in Naga Army te sithuailou ahihdan gen kawm in, hangsanna tungtawn in gam luahkik hiding in gen a, August 14, 1947 in India in Zalenna mukhinta ahihdan gen hi. NSCN-IM in India Constitution pom theilou ding a, himahleh, India Sum (currency) bel ahi dandan in pom theiding ua, himahleh, India khua leh tui hihna pen pom theilou himhim ding uh ahihdn taklang hi. Pathian in Nagate gam ana pia a, himahleh, India in laksak leh opkhum thuah a, huaiziak in, Nagate’n a gam uh atankik nawn pen uh khovel a thil siangthou pen te lak a telban ding ahi chi hi.
-----------------------------------
Source: http://www.zogam.com/index.php?option=com_content&task=view&id=1475&Itemid=1
Lamka, Aug 14: Churachandpur District adia khuampi poimoh mahmah , Churachandpur District Students’ Union, Kuki Students Organisation, Zomi Students Federation, Hmar Students’ Association leh Mizo Zirlai Pawl in tuni in Joint Statement poimoh mahmah suahkhia in, August 11 2007 nitak dak 6:45 a Police Station kong Teddim Road a bomb paihpuakte mohpaihna sangpen in mohpaih uh ahihdan taklang uhi.
Sinlai pawlpi tuamtuam te thusuah in ataklatdan in, minautang Umesh of Bihar in hiai Bomb puak ah sihna tuak a, mi nautang dang 4, Mrs Khamnu, Singkholen, Bijay Kumar leh Raj Kumar Pandit in liamna tuak uh ahihdan taklang uhi. Lamka khopi in Phaizang helpawl te apat 2003,2004 leh 2005 te in New Year gift ngah sek a, hun dangdang ah leng ngah mun mahmah uh ahihdan taklang ua, 2005 apan Phaizang helpawlte’n Singtang bial a bomb thang a kamte uleh, T Phaizol banah, Tipaimukh bial a numei a sualluihte uh District mipite lungsim ah hing gige ahihdan student pawlpi 4 te’n taklang uhi.
Tuabanah, minautang hinna la a, kipak mahmah helpawlte bangziak a Gam leh Nam it, mihingsan chi a saptheih ding uhiam chih dongkawm in, amaute’n nautang itlou a, huham tak a gamtat sunzom ding uh ahihleh, mipite’n I bitna ding uh ngaihtuah kisam hita lou hiam chi’n leng Student te’n ngetna leh theihsakna bawl hial uhi.
Tuabangkalah, Student pawlpi 4 te’n DC CCpur tungtawn in Memorandum khat pelut uh a, huai ah ataklatdan un, Manipur a Nam tampen te’n Singtangmite a bawl gentheih luat uh theihsiam haksa sa mahmah uh ahihdan taklang ua, Manipur Government in singtangmite humbitna ding in vai tuamtuam satsek mah le uh tangtun bangmah omlou ahihdan taklang kawm in, Phaizang helpawlte khut ah singtangmi bangzah bawlgen theih a om a, bangzah in hinna tanta hiam chih CM ah dotna pia uhi. Manipur singtangmite’n Manipur a om bit kisa nawnlou uh ahihdan taklang kawm in, Manipur Government in kintak a panla ding in ngen ua, August 17 tan a Churachandpur District apan Phaizang helpawlte samkhe ding in theisak ua, huaitan a bangmah muhtheih a panlak ahihkei a, banghiam thiltung a om leh State Government in mohpaw ding hi’n theihsakna pia uhi.
Letkholun thahna ding in C Doungel in Rs 15 Lakh pia: KLA in Aug 15 tan a surrender di’n theisak
Lamka, Aug 14: Kuki Liberation Army thusuak kingah dan in, KLA in a Commander In Chief uh Letkholun@Lenin that tu zonsuahna neizom zel uh a, huai thu a kigolhkha Mr Kingson@ Jangthang Touthang August 1 2007 in capital Punishment pia uh ahihthu puang uhi. KLA thusuak in agenbehna ah, Mr Thunder Kuki@Paolen Doungel makaih in Kingson leh mi bangzah hiam in KLA camp luh in C-in-C va kaplum uh hidan in gen ua, Mr Kingson thah ahih ma in KLA in thudotna hoihtak nei ahihdan gen uhi.
Mr Kingson kipuanna dungzui in C-In-C thahna ding in, Aigijang Hausa Paolet Touthang, Zordanphai Hausa Janglun Touthang leh H Jangnom Hausa Zilthang Touthang te leng kigolhkha uh ahihdan KLA in theisuah a, Mr C Doungel (Ex-MLA) in C-In-C thahna ding in Kingson tungtawn in Lakh 15 pia hi’n KLA in gen uhi. Commander In Chief thahna toh kisai in Amstrong Kuki@ Goulen Doungel leh Ngambom @ Kenedy @ Kamlal Touthang te leng naktak a kigolh ahihdan uh suikhiak vek hi’n KLA in gen hi. KLA Commander In Chief thahna toh kisai a kigolhkha tengteng August 15 ma ngei a KLA kiang ah ki surrender ding in KLA thusuak in theihsakna bawl hi. Tuabanah, Thunder nungzui Mr Paominlal of KNA/KNO leng KLA te’n mankhia in himahleh, KSO/Kuki Inpi Manipur theihpihna toh khahkhia uh hidanin KLA thusuak in taklang hi.
KLA thusuak in agenzelna ah, KLA sung ah kilepthakna hoihtak om ahihdan taklang ua, Timothy Kuki tung ah Dy C-In-C hihna piak ahihdan puang kawm in, Finance toh kisai himhim Arjun Kuki min chauh a paita ding ahihdan leng taklang uhi. KLA sung buaina ziak a ana taaizaak, KLA Cadre leh Civil department a om kha tengteng August 20 2007 ma ngei a, General Headquarters ah ki report chiat ding in leng theihsak in om uhi.
Freshers Meet 2007 nei ding
Lamka Aug 14: CCpur.Government College in hongtung ding August 22, 2007 sunma dak 11:00 in a College uah ‘42nd Freshers Meet 2007’ nei ding uhi. Hiai hun ah Education Minister Pu L. Jeyantakumar in Chief Guest hihna toh uap ding a, MANIREDA Chairman T. Manga Vaiphei in Functional President hihna toh uap ding hi.
Epedemic Survey bawl
Lamka Aug 14: District Malaria Officer/CCpur Dr. F. Thienkhogin makaih in Medical Team khat in apaisa August 10- 13, 2007 sung in Henglep Sub-Division sung a N. Saikot, Damzawl, Kawlhen leh Henglep Hq. pha in huai khuate ah Medical Camp-cum-Epidemic Survey nei uhi.
Hiai hunsung in N. Saikot khua ah damlou 23, Damzawl khua ah damlou 25, Kawlhen khua ah damlou 12 leh Henglep Hq. ah damlou 288 en uhi. Hiai Medical teamte zan in Lamk hongtung nawn uhi.
Pasal 1 khetliam in om
Lamka Aug 14: Mr. Siesiem (18) S/o. Zoma of Santing apaisa August 10, 2007 sunnung dak 4:30 vel in akhua uah mi toh kiselbuai in a lu kuva tang khehna in satsak ziakin Lamka Damdawi Inn ah etkol in omlel hi.
Accident ah liamkha
Lamka Aug 14: Jotsoma By-Pass Road a zan nitaklam dak 3:30 a Tourist Bus accident ah Lamka mi Rev. Ginzamang (55) S/o. (L) Nangkhotuan of Beaulahlane a tanu Ms. Rebec Chiinhoih (25) D/o. Rev Ginzamang of Beaulahlane te liamkha ua tu’n Lamka Damdawi Inn ah etkol in omlel uhi. Rev. Ginzamang bel ataklam ngal mun 2 a liam banah atal keh a, Ms. Rebec Chiinhoih bel aveilam mittung a liam banah a veilam khetul limlang in atkeh kha hi.
DI khat kisuan
Lamka Aug 14: ZEO/CCpur nuai a Dy. Inspector of School banh SSA a Com. Mob. lenlel Mr. Priyo Kumar pen ZEO/Thoubal nuai a DI mah sem ding in apaisa August 10, 2007 in order suak hi. Amah mun a sem ding in ZEO/Thoubal apan in Mr. Kh. Amuba Singh, DI hongpai ding hi.
Suspend a om revoke
Lamka Aug 14: ZEO/CCpur nuai a Bill Clerk sem Mr. J. Thangzaliand hun bangtan hiam paisa apan suspended a om pen apaisa August 10, 2007 in Government in order suah in suspended ahihna apan sutkheta hi.
Cerificate piaklut ngai
Lamka Aug 14: ZEO/CCpur nuai a School omteng in Duty Certificate leh Electricity Department apan No Due Certificate (NDC) piaklut chiat ngai hi. Hiai certificate peloute pay bill bawlsak hilou ding hi.
Commissioner (Relief) ah thon ding
Lamka Aug 14: Natural Calamity Relief toh kisai a District Level Committee in Sub Division tuamtuam apan proposal amuhte uh etchetna aneih nung un Commissioner (Relief) kiang ah approval ding a thot ding in lemsa uhi.
Tu a Relief ngetna amuh dan uh bel Singngat Sub Division apan in kho 24 a inkuan 328 te louma 485 hactare alian kum 2005-2007 kikal sung a khokheeng, meikang, Gialpi leh menchim ziak a louma a lohsamte panpihna dia Rs. 6,43,500 ngetna leh Henglep Sub Division a kho 23 a inkuan 664 te louma 783 hactare alian kum 2004-2006 kikal sung a khokheeng, pingpei, Gialpi leh zusa ziak a louma a lohsamte panpihna dia Rs. 8,22,000 ngetna banah Thanlon Sub Division a kho 3 a inkuan 22 te louma 260 hactare alian kum 2004-2005 kikal sung a Gialpi leh khokheeng ziak a louma a lohsamte panpihna dia Rs. 3,99,000 ngetna ahi.
Muzeeko Award 2007 hawm
Lamka Aug 14: Laijon Digest Monthly Magazine saina in D. Phailien Community Hall ah zan in Miss Manipur 2007 Ms. Lamneikim Baite in Laijon Digest Muzeeko Award 2007 hawmkhiatna nei hi. Award sangte bel Best Pop Singer Gena Thangpu Touthang, Best Gospel Singer Jeff Akai Haokip, Best Lyricist Ncy Doungel, Best Music Video Artist (Female) Rita Haokip leh Best Music Video Artist (Male) ah Max Seiboi te hi’n kigen hi.
Public ground ah I-Day lop hiding
Lamka Aug 14: India in Bristish khut apan kivaihawmtuamna a ngahni uh zingchiang 15 August in Lamka mawltual ah District Level in thupitak in lawp hiding a, DC/CCpur Shri Sumant Singh, IAS in Salute la ding ding hi.
Hiai hun lawpna ah March Past ah Contigent tuamtuam 38 kihel ding a, hiai toh kisai kisakkholhna thil bangkim mansiangta hi.
Hiai hun zatna ah, District sung a government nasem hoih leh khotang a dia phattham chingte mi 104te kiang ah ‘Certificate of Appreciation’ piakkhiak hiding a, hausa 13 leh Ex. Servicemen/Social workers mi 4te kiang ah Red Blanket piakkhiak hiding hi.
Tuabanah, hiai ni mah sunnung dak 3.30 in DC’s Bungalow ah Headquarter veng ah Garden Party DC makaih in neih hi nawn ding a, hiai hun ah District sung a mipoimoh tuamtuam paikhawm ding uhi.
News Suty ding
Lamka, Aug. 14: Zingchiang Independence Day ahih toh kiton in India a om National paper office teng kikhak ding a, tua toh kiton in MHJU nuai a newspaper tel in Manipur a newspaper office kikhak vek ding hi.
Costumes & Traditional celebration
Imphal Aug. 14: Manipur a pawl tuamtuam sagih kigawm in tuni'n Imphal a G. M. Hall ah “Costumes is the bridge between Hills and Plains” chih thupi pansan in 2nd Costumes & Traditional celebration, 2007 zang ua, tua ah Meitei, Naga leh Kuki namte apat lam lahna om hi.
Hiai hun ah khuallian leh President in, E. Kunjeshwor MLA leh Dr. U. Deben MLA te pang uhi.
Damdawi aman sanga tamzaw a zuakte tunga action lak hiding - Ph.Parijat
Imphal Aug.14: Manipur a helpawlte sum demand ziaka damdawi company tuamtuam in Manipur a damdawi hon polut nawnlou chih ziak leh damdawi zuakna mun tamtak a damdawi poimohte kimunawn lou chih leh August 20, 2007 nung chia damdawi lei ding vang mahmah tading hidan a kigen toh kisai in, tuni nitak dak 6 in Health & Family Welfare Minister Ph. Parijat in thuthak saimite ama office chamber Old Secretariat ah kimuhpih hi. Hiai hun a Health Minister in agenna ah, newspaper report ah damdawi poimohte kimulou hidan a report kigelh ommahleh govt. theihdan in damdawi ngeina banga pharmacy tuamtuam a kimulai ahihdan gen hi.Aban agenna ah, hichibang a damdawi muh haksa chih paulam a pharmacy khenkhat in ngeina sanga damdawi aman tamzaw a zuaktu theih ahihleh, essential commodities act nuai a action lak hidingin leng taklang hi.
Health Minister in aban agen behna ah, life saving damdawi poimoh taktak Manipur polam apat hon polut company te tunga helpawl in demand tamtak abawl un, buaina hon tun thei ahihman in hichibang thilchin hihlou dingin Minister in helpawlte kiang ah ngetna nei a, hiai adia kuapeuh in kithuahpihna peding in leng ngetna nei hi.
Tulel a Manipur a damdawi stock dinmun hoih mahmah lai ahihdan leng gen in, kuamah patau lou dingin leng Minister in ngen hi. HIV positive te damdawi nek ART kimulou chih toh kisai a Minister in agenna ah, Manipur a ART centre guk omte, RIMS, JN hospital, district hospital CCpur, Ukhrul, Chandel leh Thoubal ah hiai damdawi kitasam lou in om a, himahleh RIMS ah bel tuma in hiai damdawi kidaihlou in omkha hi. Hiai toh kisai a Minister in agenchet dan in, RIMS a ten indent abawl lai un ART box khat a tang 30 om himahleh tang 60 omdan a chiamteh (wrong calculation) abawl khak jiak uh hidan in gen hi. Himahleh,RIMS adingin District hospital tuamtuam apat kaihkhom ahihdan leng gen hi.
Bird Flu toh kisai a Action Plan phase masa zoh hita
Imphal Aug.14: Manipur a Bird Flu (Avian Influenza) om chih July 25, 2007 a official a theihchet ahih ziaka Manipur govt. nuai a Vety. and AH in, Bird Flu kipatna chih a gen a om Chingmeirong apat 5km kimkot a Ak leh Vatot mass culling aneih ban ua, mopping leh cleaning chihte Aug 12, 2007 in zouta hi.
Hiai toh kiton in Vety. & AH a Director Dr. Th. Dorendra Singh in Aug 12, 2007 a Certificate asuahna ah, Action Plan dungzui in area of operation sung ah culling zoh hita a, tua toh kiton in action plan dang post operative operation leng pat hita dan in taklang hi.
Hichibang kal ah, tuni’n Sanjenthong a Vety. & AH office complex ah Vety. a Secretary KK.Chhetry tel in official tamtak leh mi tuamtuam in 5km polam apat hong kipolut Aksa ne khom uhi. Hiai Aksa bel hotel minthang tak OK hotel te huan hidan in leng kigen hi. Chingmeirong apat 5km kimkot sunga Poultry farm omte govt. in seal bawl a, hiaite a tompen a kha thum sung khak hilai ding chih ahi. Huailou in, Post operation surveillance leng tuni apat kipanta hidan in kigen hi. 5km polam ah leng Ak te sisan sample te etkhiak dinga laktouh jel hiding hi. Hichibang a apaitouh jel leh, Imphal ah leng tuban kha thum zoh November kha in bel ngeina bangin Aksa zuak hita ding hi.
Manipur a Bird Flu toh kisai a action plan sepsuah dan enkhia a hongzin, Central a department of Vety. and AH a Joint Secretary Ms. Upma Choudhury leh Joint Secretary, Union Ministry of Health apat Vineet Chowdhury ten, Manipur a Bird Flu toh kisai a department nasep dan leh pawl tuamtuam kithuahpihdan phat huai sa mahmah uh hidan in leng kigen hi. Bangteng hileh, Manipur a Bird Flu natna koi apat hongkipan hiam chih bel tunitan in akisaipih department in leng theikhe nailou hidan a gen ahi. Huailou in, hiai natna in mihing alohsawn chih leng zak om tadih lou.
Vety. Secretary in thusuah bawl
Imphal Aug.14: Manipur govt. nuai a Secretary Vety. KK.Chhetry in tuni a memorandum a suahna ah, Poultry birds, poultry feeds leh aktui te puak leh zuakna toh kisai a zuih ding thupuan bawl hi.
Tua thusuak dungzui in, live poultry birds leh poultry feeds te chingmeirong apat km 5 huamsung ah koih phal hilou ding a, himahleh aksa leh aktui bel laklut theih hita ding hi. Post operative surveillance plan leng tuni apat seppat hingal chih ahi.
Independence ding toh kisai message
Imphal Aug.14: August 15, 2007 60th Independence Day ding toh kisai in Manipur Governor Dr. SS. Sidhu leh Chief Minister O. Ibobi Singh te’n Manipur mipi adingin thupuak bawl uhi.
Hiai thupuak in ataklat dan in, India in zalenna angah theihna salpha mihing theih leh theilouh asang sang a simten, hinna ana tan uh zahtakna pia uhi. Britist te apat zalenna piak hilou in, hinna mantam pi a lei ahihdan leng taklang uhi.
India khangthu adia mang theilou kigawm hatna kikhen pukna chih hiai Independence day toh kituak a kuapeuh in phawk thak dingin leng ngetna nei uhi.
NEWMAI & REGIONAL NEWS:
Moreh Bata: RS.100/=kyats 3150/
HTC in ambush omlou ahi chi
Moreh, Aug 14: Hill Tribals' Council Moreh, Chandel District in thusuah abawl uh Press akimu in ataklatdan in, 7th August 2007 ni in Minister team te Lokchao(Tuipi Village) ah ambush in om uh chi a Daily paper a kisuahte thuzuau vek ahihdan taklang ua, Khudengthabi( K.Sibong Village) leh Lokchao kikal ah sepaih ROP pai gige a, kho mi tamtak in huai mun tak ah gua sak sek ua, ambush kichi himhim omlou ahihdan gen uhi. HTC Moreh thusuak in agenbehna ah, Minister team te escort te’n Moreh a pawtsan ma un zu khamvek khin uh ahihdan taklang uh a, Sakhi tai maimai mule uleng mihing sa ding uh ahihdan taklang ua, ambush a om uh ahihleh, Minister teamte khat beek liamkha thei ahihdan genkawm in, agari uleng bangmah chilou a, bangziak a ambush om chi thei uhiam chi’n dotna bawl uhi. Security te’n ambush bawlte mi 7 / 8 vel kaplum dan a report apiak uleng lamdang mahmah leh kikhemna dia le haihuai mahmah ahi chi’n HTC Moreh thusuak in taklang hi.
Kohima ah pawlkhat in thaukaap
Kohima, Aug 14(NNN): Nagaland khopi Kohima ah mi bangzah hiam in zingkal dak 9:45 in thau pawng kaap uh a, huai ah mi 2 in liamna tuahloh hidanin thusuak kingah hi. Thusuak in agendan in, zinglam dak 9:45 vel ding in mibang zah hiam Car khat ah tuang in Phoolbari area a tun un mi 1 kap in lohsam ua, huai zoh in a thau uh pawng khah in Pangermeren Pongen leh Yanemo Rengma city bus conductor te’n liamna tuah loh uh hi’n thusuak in gen hi. Police te’n thiltun na mun kintak in delhpah mah le uh muanmoh matkhiak kuamah neilou ua, liamna tuak mi 2 te leng damdawi inn ah etkol in om lel uh hi’n kigen hi.
NSCN (K) leh Government kihou
Kohima, Aug 14(NNN): Kohima khopi ah zan in National Socialist Council of Nagaland (Khaplang Group) leh India Government in kihouna nei ua, huai ah Cease Fire ground rule toh kisai hoihtak in velkhopna aneih banuah, designated camp kizatdan toh kisai leng ngenteltak in enkhawm uhi. Thusuak in agendan in, NSCN (K) leh India Government in Circuit House, Kohima ah kihouna nei in, huai ah thupukna tuamtuam leh kitheihsiamna khenkhat bawl uhi. Thusuak in agendan in, pawl nihte’n helpawl thautawi te mipi lak ah zalentak a vaak lou ding in kilemna bawl uh a, tuabang kalah, NSCN (K) in designated camp mun 3 om te Government in theihpihna pe ding in phuut uhi. Designated Camp toh kisai ahihleh, pawlnih te’n hun dang a genkhop ding in limsiit tadih uhi. Gaonburas (GBs) leh Dobashis (DBs) Joint Forum pawl in Nagaland sung ah lemna leh muanna om na dia NSCN (K), IM leh FGN pawl ah kilemna tunding sawm a na asep utoh kisai Cease Fire Monitoring Group (CFMG) in kipahpih mahmah in, NSCN-K palaite kiang ah Joint Forum te nasep lemsakpihna peding in leng ngen uhi. Hiai meeting ah ahihleh, Government lam ai-oh in, CFMG Chairman Lt. Gen. (Retd.) R. V. Kulkarni, Nagaland Commissioner & Addl. Chief Secretary, T N Mannen, Director General of Police J. Chankija, IGAR K S Sethi leh DIG CRPF te tel uh a, NSCN-K lam ahihleh, Dy Kilonser (Home) Wanthing Konyak, Nitovi Cabinet Secretary leh Hukato Central Council Member te’n ai-oh uhi..
Kum 40 nung in Innlum tungding
Guwahati, Aug 14(NNN): Kum 40 paisa a sihna ana tuak Mahendra Nath Phukan luang August 11 ni in Army te’n mukhia uh a, huai toh kiton in, a Innlum uh puaktung hiding in kigen hi. Thusuak kingah dan in, Phukan ahihleh, Army nuai a 715 TPT a Mechanical Wing a sem hi a, Kum 40 paisa in si hi. Phukan ahihleh, Gunaram Phukan tapate lak a a 3 na hi a, Assam state sung a Sibsagar District a Deodhai Deuri Chuk khomi hi’n kigen a, February 7 1968 in Metre 6264 a sang, Chandrabhaga Peak, Himachal Pradesh ah lenna kia in si a, midang 100 in leng sihna tuak uhi.
Army te’n hun bangtan hiam siluang te a zon nung un mu lah mahmah in, August 11 in vangphat huaitak in si luang 3 te mukhe nawn uhi. Siluang te sapum kichi om nawnlou in guhvuak in om a, vuuk khal toh kimeek mat gai a, himahleh, puanthem kawm khat a a Identity Card uh a siatnai louh ziak in huai tungtawn in ahihna uh theihkhiak a om ahi hi. Aamguri police station Officer In Charge kiang ah Army pawl in thil omdan a zaaksak utoh kiton in, misi sungkuante zonkhiakna pan ngal uh hi’n kigen hi. Phukan te unau ahihleh, pasal nga hi ua, amah ahihleh, a thumna hi a, kum 40 paisa in siluang vuina program a sungkuante’n aneihsa uh ahi hi. Misi luang ahihleh, Haryana Sani Mandir Central ArmyHospital ah koih in om a, a sungkuante’n chetna abawl zoh chiang un, Assam state puaktung hiding in kigen hi.
NSCN (IM) in Independence Day lawm
Kohima, August 14(NNN): National Socialist Council of Nagalim (NSCN-IM) in tuni in Naga Independence Day 61 veina zatna nei ua, huai ah Chairman Isak Chisih Swu in message a gelh AK Lungalang, Speaker Tatar Hoho in simkhiakna nei hi. Isak in agenna ah, Nagate khangthu chituamna Government in pompih mah leh kilemna chituam a om kei leh, Unique History kichi in om zia neilou ding ahi chi hi. NSCN-IM in ahihleh, tuni in 61st Naga Independence Day kichi Angami-Rengma-VP Battalion combined te saina nuai ah lopna nei uh a, huai ah mi poimoh tamtak paikhawm uhi. Kohima apan Km 45 a gamla, Chiephobozou Sub Division sung a Tsiemekhuma khua a Independence Day zatna hun ah, NSCN-IM Chairman hoh theikei mahleh, Parliament Speaker AK Lungalang va kihel thei in Chairman thuchah simkhiakna va nei hi.
South Asia adia suahtakna sualna toh kisai a upa pen NSCN IM hidanin Isak in a message ah taklang a, Government of India (GOI) tung ah mohpuakna liantak om ahihdan taklang kawm in, gamdangte muh a India in bangzah vei zahlakna a tuah poimohlai hiam chih dotna leng Isak in bawl hi. Kum 60 paisa a Nagate sisan a na luangkhe te zahtak mahmah ahihdan taklang kawm in, Nagate’n mailam ah atawptan paitung ding uh ahihdan leng Isak in gen hi. Hiai hun ah, Kohima apan lasa siam tuamtuam tamkhop atel banuah, Nam lam lahna tel in mipi sang tamtak paikhawm uh hi’n thusuak in gen hi.
NSCN IM Commander In Chief lui General (Retd.) V. S. Atem, Emissary in agenna ah, India Army leh Burma Army te douding in Naga Army te sithuailou ahihdan gen kawm in, hangsanna tungtawn in gam luahkik hiding in gen a, August 14, 1947 in India in Zalenna mukhinta ahihdan gen hi. NSCN-IM in India Constitution pom theilou ding a, himahleh, India Sum (currency) bel ahi dandan in pom theiding ua, himahleh, India khua leh tui hihna pen pom theilou himhim ding uh ahihdn taklang hi. Pathian in Nagate gam ana pia a, himahleh, India in laksak leh opkhum thuah a, huaiziak in, Nagate’n a gam uh atankik nawn pen uh khovel a thil siangthou pen te lak a telban ding ahi chi hi.
-----------------------------------
Source: http://www.zogam.com/index.php?option=com_content&task=view&id=1475&Itemid=1
