Xavier Nengkhanlam
Mang nei ngeilou koima umdingin iki gingta sih uhi.I Laisiengthou sungte ajong mang tawh kisai mun tampi ah kimu thei hi.Mang kichi mailam huna sil hing tung dingte mukholna hinuam mama hi.Hun peisa te jong mang ah hing kilang thei jel hi.
Mang a kinga leitung ah mi tampi um hi.Lamka ah Lottery aki thanlaidiah diah in mang kithupi sim diah hileh aki lawm hi.Keima ngeijong kamang khatin nga honpi kana mu a, lottery mang hiva chi'n lawite khat tawh Lamka kava phah tahleh, supchi tahin suplaw gawp ing.A Alpha leh Omega hi hen aw chi'n ka tawpsan hi.Ahin lah mang tawh kisai hi khol sih nanleh tunjong akal kal in Lottery ka card thei jel jel hi.Tomkhat sunga hausa nuamlou kihi lou sam ahi chia! Sakhua dangten jong mang tawh kisai gending nahau uh hileh akilawm hi.
Ei Khristian lah a biahna lamkai pawlkhat in mang thupi simlou uhi.Akim khat ta leu leu in mang ngaipoimaw uh a, mailam huna sil hing piangthei/tungthei dingte kilahna (Prophetic revelation) bangin geel uhi.
Mang kichi mangsia leh manghoi in kikhen thei hi.Koiman mangsia kiman nuamlou hi.Tuajiah ma ahi dinga,mihingte iki khen ding chiangun Mangpha pellou iki hah hi.I damlou chiang diah diah in mangsia kiman nuam mama hi.Ka neulai in kana khosih mun sim hi.Ka khosih ahuai siat chiengin ka mang ah Carrom Board tawh kibang a naal nleng phual chi dan deu kana mu jing hi.Tuami kimlai tah khat ah singbul (Roots and stem of a tree) ichi diai khat aki tung hi.Tuami kamu nah nah leh kaluo asuoh pai pai hi.Ka luo lou nadingin kanu kungah vut (Ash) in hing juut in nu aw kachi vanguut hi.Ang jut nuam ngei sih a, ka law tei tei hi.Atah injong ka lawkhia (Vomit) hi.Lua a kang khanlaw chiengin meivah tang kamu leh adan hing um thei jel hi.
Singngat ka nuasia nua kum 10 bang ching ding hita nanleh kamang chiengin Singngat kholai lah vel ah kaki vei vei nalai hi. Mang tawh kisai in misiam mipil ten i gamtat na nua tawh kisai ahipen hi chi uhi.Nanleh i gamtat nailou na tawh kisai jong ki mangmat thei jel jel hi.Mipilte genjong dih kimlou abang hi.
Mang tawh kisai ithei dan i sindan (Experience) gen gen vai chilei tam mama ding hi.Nanleh atom kimin kei mimal tawh kisai ka mang khietnate hing tahlang vang.
01.Suangtang,suanglian tawh ahing kise (Throw) leh sum muna lamdang aum nuam mama hi.Meithal tang diah diah ahi leh tamnuam deu hi.
02.Suanghum, saili tang leh meithal tang tawh mi kana se,kap leh sum paikhietna ding aum nuam in kathei hi.
03.Singkung dawn kana katou leh adiahin exam lai bang ahileh asang lam ah ka pass nuam deu hi.Akumsuh lam kahileh akeniam lam/fail kahi nuam mama hi.
04.Lei (Bridge), adiahin sialei kiveitheite (Suspension bridge) kana jui-a, akimkhat tan bang kana jui giap leh, lawsapna ahi nuam hi.Etsahna dingin interview navel ah ka lawsam nuam mama hi.
05.Tuisan (Flood) in hing nawhkha ahi lou leh luidung ah tuisan laitah in na omkha hita leng, ka china tei tei hi.
06.Tuisan napal ahilou leh tuisan lah a kibual mikhat kamu leh tuanu/tuapa china nuamdeu hileh akilawm hi.
07.Ha (Tooth) tawh kisai-in hatu tunglam,hatu neilam, hapi chivel ana kitol/kitawn leh aha umna mun tawh kituah in innsungmi/be-le-phung koi ahei khat sawt damlou deu hileh akilawm hi.
08.Numei/Pasal zunthahna leh dailenna silte (Chi mai vai e gending dan kan theising!) kana mu leh kamsiatna khattei in hing buah nuam mama hi.Ahoi lou pente laha pawl khat ahi hi.Tuoleh numei/pasal kipawl lai chibang ahi leh kamsiatna huaise nuam deu hileh akilawm hi.
09.Sisan, etsahna dingin gan sisan katung ah ahing kitaat/kiban khah leh lungthahna ding khattei aum nuam phuut hi.
10.Guazu kana thuah a, kana kawt leh hasiatna ding khat in hing ngah hinuam mama hi.
11.Singngat a ka bi-inn (Thatch house)langkhat/kimkhat huipi'n ana semsiat thamlou asemsiet laitah kana mu leh innsung tawh kisai buaina, adiah in kilemlouna aum nuam mama hi.Tuabangma in Singngat a ka innlui bang (Wall)ana kihawh leh jong midang in innsung hing buaisah kha nuamdeu hileh aki lawm hi.
12.Siangtah leh kichei tah/smart tah a um mikhat kana muleh tua minu/mipa a chi na nuamdeu hileh aki lawm hi.Tuabang ma in adiahin keima jong Zoupuan dum vel kana sil a,Zou puan ngawng aw vel kana aw leh ka chi ana nuam mama hi.
13.Ka innsung ah voh (Pig) ana kigaw a, aki semnen diah diah leh pellou adamlou ding khat um se hi.Mang zauhuai kasah pente laha khat ahi hi.
14.Ka innsung ah mei akisem kuang pempum le jong innsung buaina, adiahin kilemlouna leh kithei siamlouna um nuam mama hi.
15.Mihing eh (Stool) kana totmai khah leh ka maizumna ding khat aum tei tei hi.
16.Ka theingei Kham kichi min nei khat,etsahna dingin Khamkhanlam,Khamzalangpau chivel kana mu leh akikham bangin sum-le-pai kikhamna/senna ding aum tei tei hi.
17.Sumlom (Notes/bundles of currencies) kana nga,mikhat in ahing piah a kana san khah a kakep leh supna/paina lian nuam mama hi.
Tambang ahi banah ngaitua tua nalai leng hunkhop khat um nalai dingin kaki gingta hi.Dam a ahileh hundang ah jong jopkia ding uthuai kasa mama hi. Noute'n jong bang nachi khiet uai, jahnop huai veve hi.Sakhua vai,sakhualou vai ahita jongin atunga kagente banga hing tangtung tei tei silkhat aum jing manin kidang sahna tawh kahing giel ahi hi.
Courtesy: ZouWorkshop
Mang nei ngeilou koima umdingin iki gingta sih uhi.I Laisiengthou sungte ajong mang tawh kisai mun tampi ah kimu thei hi.Mang kichi mailam huna sil hing tung dingte mukholna hinuam mama hi.Hun peisa te jong mang ah hing kilang thei jel hi.
Mang a kinga leitung ah mi tampi um hi.Lamka ah Lottery aki thanlaidiah diah in mang kithupi sim diah hileh aki lawm hi.Keima ngeijong kamang khatin nga honpi kana mu a, lottery mang hiva chi'n lawite khat tawh Lamka kava phah tahleh, supchi tahin suplaw gawp ing.A Alpha leh Omega hi hen aw chi'n ka tawpsan hi.Ahin lah mang tawh kisai hi khol sih nanleh tunjong akal kal in Lottery ka card thei jel jel hi.Tomkhat sunga hausa nuamlou kihi lou sam ahi chia! Sakhua dangten jong mang tawh kisai gending nahau uh hileh akilawm hi.
Ei Khristian lah a biahna lamkai pawlkhat in mang thupi simlou uhi.Akim khat ta leu leu in mang ngaipoimaw uh a, mailam huna sil hing piangthei/tungthei dingte kilahna (Prophetic revelation) bangin geel uhi.
Mang kichi mangsia leh manghoi in kikhen thei hi.Koiman mangsia kiman nuamlou hi.Tuajiah ma ahi dinga,mihingte iki khen ding chiangun Mangpha pellou iki hah hi.I damlou chiang diah diah in mangsia kiman nuam mama hi.Ka neulai in kana khosih mun sim hi.Ka khosih ahuai siat chiengin ka mang ah Carrom Board tawh kibang a naal nleng phual chi dan deu kana mu jing hi.Tuami kimlai tah khat ah singbul (Roots and stem of a tree) ichi diai khat aki tung hi.Tuami kamu nah nah leh kaluo asuoh pai pai hi.Ka luo lou nadingin kanu kungah vut (Ash) in hing juut in nu aw kachi vanguut hi.Ang jut nuam ngei sih a, ka law tei tei hi.Atah injong ka lawkhia (Vomit) hi.Lua a kang khanlaw chiengin meivah tang kamu leh adan hing um thei jel hi.
Singngat ka nuasia nua kum 10 bang ching ding hita nanleh kamang chiengin Singngat kholai lah vel ah kaki vei vei nalai hi. Mang tawh kisai in misiam mipil ten i gamtat na nua tawh kisai ahipen hi chi uhi.Nanleh i gamtat nailou na tawh kisai jong ki mangmat thei jel jel hi.Mipilte genjong dih kimlou abang hi.
Mang tawh kisai ithei dan i sindan (Experience) gen gen vai chilei tam mama ding hi.Nanleh atom kimin kei mimal tawh kisai ka mang khietnate hing tahlang vang.
01.Suangtang,suanglian tawh ahing kise (Throw) leh sum muna lamdang aum nuam mama hi.Meithal tang diah diah ahi leh tamnuam deu hi.
02.Suanghum, saili tang leh meithal tang tawh mi kana se,kap leh sum paikhietna ding aum nuam in kathei hi.
03.Singkung dawn kana katou leh adiahin exam lai bang ahileh asang lam ah ka pass nuam deu hi.Akumsuh lam kahileh akeniam lam/fail kahi nuam mama hi.
04.Lei (Bridge), adiahin sialei kiveitheite (Suspension bridge) kana jui-a, akimkhat tan bang kana jui giap leh, lawsapna ahi nuam hi.Etsahna dingin interview navel ah ka lawsam nuam mama hi.
05.Tuisan (Flood) in hing nawhkha ahi lou leh luidung ah tuisan laitah in na omkha hita leng, ka china tei tei hi.
06.Tuisan napal ahilou leh tuisan lah a kibual mikhat kamu leh tuanu/tuapa china nuamdeu hileh akilawm hi.
07.Ha (Tooth) tawh kisai-in hatu tunglam,hatu neilam, hapi chivel ana kitol/kitawn leh aha umna mun tawh kituah in innsungmi/be-le-phung koi ahei khat sawt damlou deu hileh akilawm hi.
08.Numei/Pasal zunthahna leh dailenna silte (Chi mai vai e gending dan kan theising!) kana mu leh kamsiatna khattei in hing buah nuam mama hi.Ahoi lou pente laha pawl khat ahi hi.Tuoleh numei/pasal kipawl lai chibang ahi leh kamsiatna huaise nuam deu hileh akilawm hi.
09.Sisan, etsahna dingin gan sisan katung ah ahing kitaat/kiban khah leh lungthahna ding khattei aum nuam phuut hi.
10.Guazu kana thuah a, kana kawt leh hasiatna ding khat in hing ngah hinuam mama hi.
11.Singngat a ka bi-inn (Thatch house)langkhat/kimkhat huipi'n ana semsiat thamlou asemsiet laitah kana mu leh innsung tawh kisai buaina, adiah in kilemlouna aum nuam mama hi.Tuabangma in Singngat a ka innlui bang (Wall)ana kihawh leh jong midang in innsung hing buaisah kha nuamdeu hileh aki lawm hi.
12.Siangtah leh kichei tah/smart tah a um mikhat kana muleh tua minu/mipa a chi na nuamdeu hileh aki lawm hi.Tuabang ma in adiahin keima jong Zoupuan dum vel kana sil a,Zou puan ngawng aw vel kana aw leh ka chi ana nuam mama hi.
13.Ka innsung ah voh (Pig) ana kigaw a, aki semnen diah diah leh pellou adamlou ding khat um se hi.Mang zauhuai kasah pente laha khat ahi hi.
14.Ka innsung ah mei akisem kuang pempum le jong innsung buaina, adiahin kilemlouna leh kithei siamlouna um nuam mama hi.
15.Mihing eh (Stool) kana totmai khah leh ka maizumna ding khat aum tei tei hi.
16.Ka theingei Kham kichi min nei khat,etsahna dingin Khamkhanlam,Khamzalangpau chivel kana mu leh akikham bangin sum-le-pai kikhamna/senna ding aum tei tei hi.
17.Sumlom (Notes/bundles of currencies) kana nga,mikhat in ahing piah a kana san khah a kakep leh supna/paina lian nuam mama hi.
Tambang ahi banah ngaitua tua nalai leng hunkhop khat um nalai dingin kaki gingta hi.Dam a ahileh hundang ah jong jopkia ding uthuai kasa mama hi. Noute'n jong bang nachi khiet uai, jahnop huai veve hi.Sakhua vai,sakhualou vai ahita jongin atunga kagente banga hing tangtung tei tei silkhat aum jing manin kidang sahna tawh kahing giel ahi hi.
Courtesy: ZouWorkshop
No comments:
Post a Comment