ZoMang
Thuzui mite sungah tam THUPHA cile TAVUON ( MAW PUOHNAA ) kicigelpen akithei ciet tei hangin, sannaa ah kibang kim lo aa, gennaa atam zaw ah THUPHA citawh kisai kigenmun zawdeuh le zong thungaai ten tha-nga zawdueh cidan in omhi.Adeuhdeuh in kawlgam sung-aa om thuzi mite sung hizawdeuh leh kilawm hi.Thupha cipen hamnamtui ahi banah, muthei nate, leitung sum leh pai neinaa, hausat naa nganaa cidan dan ahzong kinga ahiban ah kawlgam sung hamsat tawh zong kituoh zawdeuh cizong hithei khamai ding hi.
Pasien in mihingte thupha apiek ciengin, motpieklo aa, thupha apieh leh tua thupha tawh kizui-in tavuon ( maw puohnaa ) tawh pethuo denhi. Tua leh tunii thuzui ten tam thupha cile tavuon citawh kisai atuomtuoh aa koihthei ahilo dan le, thupha inga leh tavuon zong aneih ihi lam uh laisiengtho mun pawlkhat ette theidingin sut vavui.
Khatnaa-ah: Pasien in leitung le vantung abawlzaw ciengin amameel sun mihing te eibawl aa, tua abawlsa mihingte om nadingin atuom vilvel cithei dingin Eden huon nasiem in tua sungah na-om sah hi.Tuabangaa a omsah na-ah tavuon ( maw puohnaa ) khat ahi " tamsungaa singga zisie andeih bangbangun nanethei dinguoa, ahihang alaizangaa singkung khat ii gapen nanethei sihding uhhi" Piencil.2:17. Pasien in mihingte akimuthei thupha apiek na le tavuon ( maw puohnaa) apiek masah pen hi. Tua tavuon (maw puohnaa ) angzaw lo gel ziekin leitung mizosie mawnei kisuoh hi.Tamin thupha sungaa om tavuon zaw lo-naa pan hing pieng thu hi.
Ninaa-ah: Pasien in Abraham pen Siempi za hingpie in mizosie aai-in siempi tau uop sah hi. Nikhat mawmai nading sagawnaa le maitam siemnaa-ah sate maitam tungah koi-in tho in abop lonading in Pasien tavuon pie hi. Abraham in tuo tavuon zolo in asapho te tho in bawmsah kha ahiziekin Isreal mite,n kum tampi tah saltan law hi. Abraham tung aa kipie thupha le tavuon ( mawpuohnaa)sungpanh tavuon zawlo ziekaa apieng thu hi.
Thumnaa-ah: Pasien in Siempi Eli pen thupha pie in Siempi mun ah koi-aa, Siempi mun tawh kituoh tavuon / maw puohnaa zong pie hi.Ahihangin Siempi Eli in Siempi ahidung zui-aa, asepding tavuon te hing zolo in atate,n mawmai na dia biekinn aa kipie nate tungle biekinn aa nasem numei te tung ah angkhiel tah ziekin, ta hillo, tasam lo, innsung enkol zolo dinmun ah hingtungin atate mawnaa ziekin, Pasien in na hlah nasuon sungah akumtam aa vuoi omlo dingaa, namitmu in Isreal mite tungaa kapiek gimnaa namuding hi. Khangno in na si ding uoa, nata tegel nikhat thu in asi dinghi.Khutdaw in navak ding hi, e.tc. ci-in samsietnaa pie hi. 1Samuel.2:30-36.Tamin Siempi Eli in anga thupha tungtawn aa tavuon azawlo naa pan apieng thu hi.
Liinaa-ah: Thuzui mi akici tapo in athei kim ahi kumpi minthang le tucing minthang David kumpi pen Pasien in tuucing pan in Kumpi dongah thupha hing pie hi.Kumpi tua dungzui-in kumpi tawh kituoh asepding abawl ding azuiding tavuon tezong hing pie thuo hi.Ahihang David in amawpuohnaa, atavuon te khatvei beh hilo in hing palsan aa, aseplo ding te nangawn hingsem ahiziekin, a it mama atapan hing langdo aa, ait mama ata gamsungah si gilo pen in hingsi hi. 2Samuel. 24:13 pan enleih, " nagamah kumthum vivel kielpi tun ding, na gaal te in hlathum sung vilvel aleisui-in natai kawikawi ding, cile nagam ah nithum sung natnaa gilo atun ding ci, tam "namthum sung ah nadeih pen teel in" ci-in Pasien in samsietnaa namthum teel sah hi.David thu tawh kisai-in akiciet lonaa adang tampitah om lai, a inn sung azolo khat zong hia, amaziekin ama te tungah gimnaa tung hi.Agalkap mangpa zii amawpinaa thu ah zong thukia naa tampitah nga hi. Pasien in apiek thupha tungtawn aa asep ding aseplo le aseploding asepnaa hangin a inn sungbeh hilo in agamsung amipi te tungah samsietnaa tung hi. Tam pen Kumpi David in anga thupha tungtawn aa atavuon azaw lo na hi.
Atungaa tengpen laisiengtho lui sungaa thupha nga pawlkhat civavui. A tamzaw pen akimuthei leitung thupha ici hausat nale thunei vanglet naa mama Pasien in anapie in kimu thei hi.O.T le N.T sung thu-omzie aphawk huoi gige khatpen O.T sungah leitung thupha, leitung vanglietnaa, thuneihnaa cite napie in, N.T sung leuleu ciengleh leitung thupha, cile leitung vanglet thunei naa tawh kisai gen luot inzong ananeih lo aa, tua leh mah in leitung vanglet thuneina te le leitung hausatnaa ten thuzui mite alampielsah ding ahina thu natamgen zaw mek hi. Sawltahte khang enleih sawltahte koipen in leitung thupha akici hausatnaa te nga in nuomsa in omhi ci laisiengtho sung munkhat mama ahzong imusih uoa, hausat leh mahin an ngawl gilkiel dangta le bawlsietnaa tampitah kawmkal ah Pasien nasepnaa citah tah in anasem uoa, atawpnaa ah tha naa dong anathuok lai uhhi.
Amaute minthan napen " Sawltah Paul in Rome khuopi laizangah Tai-inn ( building ) bangza naneih in, Rome gam sumkhol naa Bank ah sum bangza nakoih zo" cile leitung zaletnaa bangza nanei uh cilam hilo in, hlamangthang bangza naman uh, thuzui pawlpi munbangza ah na phut zo-uh cileh Pasien aa dingin bangza gentheinaa nathuoh uh in aununtat na-uh napie-uh ci lam in minthang uh hizaw hi. Pawlpi naphut uh ci mun ahzong Pasien thuzui sa, pawlpi khat aa, hlamuong aa Pasien bie te, bang khat tawh ahieai ciel aa, pawlpitha khat sungaa hlei kia cidan pawlpi phudan te na hilo hi.Rev. Job Thawngno in "ipa ip lang khat aa sum peknga lakhie in a-ip lang khat ah koih pieh kia leih ipa alungdam tuom tamama dieai mah? Zeisu in ngakui sung aa a-omsa nga te man kia le ngakui dang aa hlei kia dingin eisawl lo hi" ciin gen ngai hi. Bangbang leh Pasien cipen akicing Pasien hia,Vantung beh akhuol hilo le asiemsa leitung mama zong akhuol Pasien ahi ziekin tuhun in zong Vantung thupha beh hilo in leitung tungpha mama zong eipiethei Pasien ahi dungzui-in tuhun aa thuzui miten igengen uhleh ilungdampi uh ithupha cici te uh Pasien kungpan ma-aa hingpei thu pha ahe? awleh Satan kungpan aa inga thupha ahei? ci itheithei nadingun inga thupha tungtawn aa itavuon-uh bangcieng itun-uh ci tungah kikhen thei ding hi.Tuatawh kisai ahithei za khat cieng isut kia ding uhhi.
Amasa in Pasien in thupha apeik mite, ama nasem dinga ateel mite in thupha tawh akipieton tavuon asep lo uh, azaw lo-uh, ahisihleh akipeilo tavuon te asep uh ziekin ama beh, a innkuon pi cieng beh hilo in, ahlah asuon, aminam, amipi, agam dongin thuoh law hi cithu atungah igen zo hi. Pasien nasem, Pasien thuphasang akici te in ama-aai dingbeh in tavuon nei hilo aa, a innkuon, aminam, amipi le, agam tungah sepding tavuon neih hi ci phawk ding uh kisam hi.Tua ziekin thupha ideih le tam tavuon te zong ideih dinguh kisam aa, thupha sang ikici uhle tam tavuon te zong isep ding uh ahihi. Pasien thupha sang pa/ sangnu, kahi, ahi, ikici, te'n inga thupha tawh akituom koih theilo tavuon, mawpuohnaa izaw ding uh kisam hi.
Satan i aneih leitung thupha tawh Topa Zeisu ana ze-et naa, Mt. 4:1-11
1.A gilkiel na tungtawn ah "tam suongte moh suoh sah inlen" ci-in neh leh dawn tawh ze-et masa hi. Thuzui mi ten nek leh dawn sil le tan bangza in ihamsa zongin Pasien thu ah kiptah aa, dingtan ding ci ei phawk sah hi. "Humsungah tu ni an kiva ding hi ve aw" citawh kikhop ding poh nuosie, ipawlpi po nuosie cidan te aa kipanh in "Sie tua pan apwlpi mi asuoh te sum tuoza tawh huding cive aw, tuo pieding, tuo bawlpieh ding cive aw" cite poh tawh apawlpi nuosie talotlot cite haw apat dinmun kipding kisam hi.satan in leitung nek le dawn sil le ten kisap naa tungtawn in leitung mihing te ma khutzah aa angneih ding ahilam thei gige ding kisam hi.
2.Pasien nalamdang bawlthei naa, vanglet naa ahi, Pasien ta tahtah nahileh "tam muolsang tungpanh hing leeng vawi-in", Vantung mite'n nakeng tuoltawh akithu lo nadingin hing na dom ding uhhi-ciin laisiengtho sungah om hilo amah"? ci-in Pasien vangletnaa sihsan in hing ze-et kia hi.Pasien nalamdang bawlthei naa, vanggolnaa, pen ahilo mun-ah zahsah sawm in, muolsang tung pan aa leeng in sawl hi.Tulai-in zong piengtha naa tawh kizui-in Pasien nalamdang bawl theinaa kanei hi ciin, nalamdang bawlthei pa ciin amin thang, ahisih leh amin thangsah ki-om hi.A bawlthei tahpi a-op leh zong, amun dingma-aa bawl ahi silleh, tua pen Pasien kungpanh hingpei ma hi ci dingin Topa Zeisu'n ananiel na enleih ngaihsut huoi hi.Tam vanglet naa, citawh kisai in zai mama-aa, Topa Zeisu'n avangletnaa, nalamdang abawl na te enkia uhlei, tua bang nalamdang abawl na-ah mipiengtha kibelap hi ci-in gen den hi.Ci nop na-ah Topa Zeisu le Sawltah ten nalamdang abwl na uoah thuzui mi kibelap hi ci-in nazom den hi. Thu zuimi kibelap lo nadingin na-sem lo uhhi zong kici thei. Na lam dang bawlnaa apien leh thuzui mi kibelap naa ahiding kisam hi. Na lamdang bawlthei maimai cipen dawimangpa satan mama inzong anabawl thei luo ahithu thei gige huoi hi.
3.Topa Zeisu in leitung hausat na tetawh satan in aze-et na tungtawn ah, "tam leitung hausat naa te pen, nang neisih teh" naci lo-in nasanglo/ naniel hi.Tam pen i gengen uh hausat naa thu tahtah hita hi.Leitung hausat naa le vanglet naa pen satan in anei ahilam tah niel lo-in, tua ban ah leitung hausat na le vanglet na te, adeih huoi ahi zui-in thuzui mi aa dingin bang cieng ei tun thei cithu Topa Zeisu'n N.T sung hoihtah in en kia uhleih, Lk. 12:16-34, 16:1-13,19-22, Mk.10:23-25cite ah, leitung hausat natawh kisai, "mihaukhat vantunggam atun ding siang sangawngsau khat phin bilvang sung aa ihen ding baih zawding hi, na sum te uh, tam leitung ah khol sih un, ahau mimaw pa-aw, Mihau pa le Lazazuh, mi hau te in ahauhna sung uoah alungsim uh om-aa," ci-in adang mun tampi tah ah zong thugente naa tampi tah ei nagen hi.
Tunle ithupha cici te uhleh thuphanga ikicici te uh Pasien kungpan aa, hingpei thupha ma hieai, ka nga hieai / hisih ei ci igencien imu cien thei nadingun inga uh thupha tawh ei kipie ton tavuon ( mawpuo ) na-ah tulai tah idinmun uh, isan dan uhle, isep zie uh amaan bangin isut kia ding uhhi. Aban zom kia ding .....
Thuzui mite sungah tam THUPHA cile TAVUON ( MAW PUOHNAA ) kicigelpen akithei ciet tei hangin, sannaa ah kibang kim lo aa, gennaa atam zaw ah THUPHA citawh kisai kigenmun zawdeuh le zong thungaai ten tha-nga zawdueh cidan in omhi.Adeuhdeuh in kawlgam sung-aa om thuzi mite sung hizawdeuh leh kilawm hi.Thupha cipen hamnamtui ahi banah, muthei nate, leitung sum leh pai neinaa, hausat naa nganaa cidan dan ahzong kinga ahiban ah kawlgam sung hamsat tawh zong kituoh zawdeuh cizong hithei khamai ding hi.
Pasien in mihingte thupha apiek ciengin, motpieklo aa, thupha apieh leh tua thupha tawh kizui-in tavuon ( maw puohnaa ) tawh pethuo denhi. Tua leh tunii thuzui ten tam thupha cile tavuon citawh kisai atuomtuoh aa koihthei ahilo dan le, thupha inga leh tavuon zong aneih ihi lam uh laisiengtho mun pawlkhat ette theidingin sut vavui.
Khatnaa-ah: Pasien in leitung le vantung abawlzaw ciengin amameel sun mihing te eibawl aa, tua abawlsa mihingte om nadingin atuom vilvel cithei dingin Eden huon nasiem in tua sungah na-om sah hi.Tuabangaa a omsah na-ah tavuon ( maw puohnaa ) khat ahi " tamsungaa singga zisie andeih bangbangun nanethei dinguoa, ahihang alaizangaa singkung khat ii gapen nanethei sihding uhhi" Piencil.2:17. Pasien in mihingte akimuthei thupha apiek na le tavuon ( maw puohnaa) apiek masah pen hi. Tua tavuon (maw puohnaa ) angzaw lo gel ziekin leitung mizosie mawnei kisuoh hi.Tamin thupha sungaa om tavuon zaw lo-naa pan hing pieng thu hi.
Ninaa-ah: Pasien in Abraham pen Siempi za hingpie in mizosie aai-in siempi tau uop sah hi. Nikhat mawmai nading sagawnaa le maitam siemnaa-ah sate maitam tungah koi-in tho in abop lonading in Pasien tavuon pie hi. Abraham in tuo tavuon zolo in asapho te tho in bawmsah kha ahiziekin Isreal mite,n kum tampi tah saltan law hi. Abraham tung aa kipie thupha le tavuon ( mawpuohnaa)sungpanh tavuon zawlo ziekaa apieng thu hi.
Thumnaa-ah: Pasien in Siempi Eli pen thupha pie in Siempi mun ah koi-aa, Siempi mun tawh kituoh tavuon / maw puohnaa zong pie hi.Ahihangin Siempi Eli in Siempi ahidung zui-aa, asepding tavuon te hing zolo in atate,n mawmai na dia biekinn aa kipie nate tungle biekinn aa nasem numei te tung ah angkhiel tah ziekin, ta hillo, tasam lo, innsung enkol zolo dinmun ah hingtungin atate mawnaa ziekin, Pasien in na hlah nasuon sungah akumtam aa vuoi omlo dingaa, namitmu in Isreal mite tungaa kapiek gimnaa namuding hi. Khangno in na si ding uoa, nata tegel nikhat thu in asi dinghi.Khutdaw in navak ding hi, e.tc. ci-in samsietnaa pie hi. 1Samuel.2:30-36.Tamin Siempi Eli in anga thupha tungtawn aa tavuon azawlo naa pan apieng thu hi.
Liinaa-ah: Thuzui mi akici tapo in athei kim ahi kumpi minthang le tucing minthang David kumpi pen Pasien in tuucing pan in Kumpi dongah thupha hing pie hi.Kumpi tua dungzui-in kumpi tawh kituoh asepding abawl ding azuiding tavuon tezong hing pie thuo hi.Ahihang David in amawpuohnaa, atavuon te khatvei beh hilo in hing palsan aa, aseplo ding te nangawn hingsem ahiziekin, a it mama atapan hing langdo aa, ait mama ata gamsungah si gilo pen in hingsi hi. 2Samuel. 24:13 pan enleih, " nagamah kumthum vivel kielpi tun ding, na gaal te in hlathum sung vilvel aleisui-in natai kawikawi ding, cile nagam ah nithum sung natnaa gilo atun ding ci, tam "namthum sung ah nadeih pen teel in" ci-in Pasien in samsietnaa namthum teel sah hi.David thu tawh kisai-in akiciet lonaa adang tampitah om lai, a inn sung azolo khat zong hia, amaziekin ama te tungah gimnaa tung hi.Agalkap mangpa zii amawpinaa thu ah zong thukia naa tampitah nga hi. Pasien in apiek thupha tungtawn aa asep ding aseplo le aseploding asepnaa hangin a inn sungbeh hilo in agamsung amipi te tungah samsietnaa tung hi. Tam pen Kumpi David in anga thupha tungtawn aa atavuon azaw lo na hi.
Atungaa tengpen laisiengtho lui sungaa thupha nga pawlkhat civavui. A tamzaw pen akimuthei leitung thupha ici hausat nale thunei vanglet naa mama Pasien in anapie in kimu thei hi.O.T le N.T sung thu-omzie aphawk huoi gige khatpen O.T sungah leitung thupha, leitung vanglietnaa, thuneihnaa cite napie in, N.T sung leuleu ciengleh leitung thupha, cile leitung vanglet thunei naa tawh kisai gen luot inzong ananeih lo aa, tua leh mah in leitung vanglet thuneina te le leitung hausatnaa ten thuzui mite alampielsah ding ahina thu natamgen zaw mek hi. Sawltahte khang enleih sawltahte koipen in leitung thupha akici hausatnaa te nga in nuomsa in omhi ci laisiengtho sung munkhat mama ahzong imusih uoa, hausat leh mahin an ngawl gilkiel dangta le bawlsietnaa tampitah kawmkal ah Pasien nasepnaa citah tah in anasem uoa, atawpnaa ah tha naa dong anathuok lai uhhi.
Amaute minthan napen " Sawltah Paul in Rome khuopi laizangah Tai-inn ( building ) bangza naneih in, Rome gam sumkhol naa Bank ah sum bangza nakoih zo" cile leitung zaletnaa bangza nanei uh cilam hilo in, hlamangthang bangza naman uh, thuzui pawlpi munbangza ah na phut zo-uh cileh Pasien aa dingin bangza gentheinaa nathuoh uh in aununtat na-uh napie-uh ci lam in minthang uh hizaw hi. Pawlpi naphut uh ci mun ahzong Pasien thuzui sa, pawlpi khat aa, hlamuong aa Pasien bie te, bang khat tawh ahieai ciel aa, pawlpitha khat sungaa hlei kia cidan pawlpi phudan te na hilo hi.Rev. Job Thawngno in "ipa ip lang khat aa sum peknga lakhie in a-ip lang khat ah koih pieh kia leih ipa alungdam tuom tamama dieai mah? Zeisu in ngakui sung aa a-omsa nga te man kia le ngakui dang aa hlei kia dingin eisawl lo hi" ciin gen ngai hi. Bangbang leh Pasien cipen akicing Pasien hia,Vantung beh akhuol hilo le asiemsa leitung mama zong akhuol Pasien ahi ziekin tuhun in zong Vantung thupha beh hilo in leitung tungpha mama zong eipiethei Pasien ahi dungzui-in tuhun aa thuzui miten igengen uhleh ilungdampi uh ithupha cici te uh Pasien kungpan ma-aa hingpei thu pha ahe? awleh Satan kungpan aa inga thupha ahei? ci itheithei nadingun inga thupha tungtawn aa itavuon-uh bangcieng itun-uh ci tungah kikhen thei ding hi.Tuatawh kisai ahithei za khat cieng isut kia ding uhhi.
Amasa in Pasien in thupha apeik mite, ama nasem dinga ateel mite in thupha tawh akipieton tavuon asep lo uh, azaw lo-uh, ahisihleh akipeilo tavuon te asep uh ziekin ama beh, a innkuon pi cieng beh hilo in, ahlah asuon, aminam, amipi, agam dongin thuoh law hi cithu atungah igen zo hi. Pasien nasem, Pasien thuphasang akici te in ama-aai dingbeh in tavuon nei hilo aa, a innkuon, aminam, amipi le, agam tungah sepding tavuon neih hi ci phawk ding uh kisam hi.Tua ziekin thupha ideih le tam tavuon te zong ideih dinguh kisam aa, thupha sang ikici uhle tam tavuon te zong isep ding uh ahihi. Pasien thupha sang pa/ sangnu, kahi, ahi, ikici, te'n inga thupha tawh akituom koih theilo tavuon, mawpuohnaa izaw ding uh kisam hi.
Satan i aneih leitung thupha tawh Topa Zeisu ana ze-et naa, Mt. 4:1-11
1.A gilkiel na tungtawn ah "tam suongte moh suoh sah inlen" ci-in neh leh dawn tawh ze-et masa hi. Thuzui mi ten nek leh dawn sil le tan bangza in ihamsa zongin Pasien thu ah kiptah aa, dingtan ding ci ei phawk sah hi. "Humsungah tu ni an kiva ding hi ve aw" citawh kikhop ding poh nuosie, ipawlpi po nuosie cidan te aa kipanh in "Sie tua pan apwlpi mi asuoh te sum tuoza tawh huding cive aw, tuo pieding, tuo bawlpieh ding cive aw" cite poh tawh apawlpi nuosie talotlot cite haw apat dinmun kipding kisam hi.satan in leitung nek le dawn sil le ten kisap naa tungtawn in leitung mihing te ma khutzah aa angneih ding ahilam thei gige ding kisam hi.
2.Pasien nalamdang bawlthei naa, vanglet naa ahi, Pasien ta tahtah nahileh "tam muolsang tungpanh hing leeng vawi-in", Vantung mite'n nakeng tuoltawh akithu lo nadingin hing na dom ding uhhi-ciin laisiengtho sungah om hilo amah"? ci-in Pasien vangletnaa sihsan in hing ze-et kia hi.Pasien nalamdang bawlthei naa, vanggolnaa, pen ahilo mun-ah zahsah sawm in, muolsang tung pan aa leeng in sawl hi.Tulai-in zong piengtha naa tawh kizui-in Pasien nalamdang bawl theinaa kanei hi ciin, nalamdang bawlthei pa ciin amin thang, ahisih leh amin thangsah ki-om hi.A bawlthei tahpi a-op leh zong, amun dingma-aa bawl ahi silleh, tua pen Pasien kungpanh hingpei ma hi ci dingin Topa Zeisu'n ananiel na enleih ngaihsut huoi hi.Tam vanglet naa, citawh kisai in zai mama-aa, Topa Zeisu'n avangletnaa, nalamdang abawl na te enkia uhlei, tua bang nalamdang abawl na-ah mipiengtha kibelap hi ci-in gen den hi.Ci nop na-ah Topa Zeisu le Sawltah ten nalamdang abwl na uoah thuzui mi kibelap hi ci-in nazom den hi. Thu zuimi kibelap lo nadingin na-sem lo uhhi zong kici thei. Na lam dang bawlnaa apien leh thuzui mi kibelap naa ahiding kisam hi. Na lamdang bawlthei maimai cipen dawimangpa satan mama inzong anabawl thei luo ahithu thei gige huoi hi.
3.Topa Zeisu in leitung hausat na tetawh satan in aze-et na tungtawn ah, "tam leitung hausat naa te pen, nang neisih teh" naci lo-in nasanglo/ naniel hi.Tam pen i gengen uh hausat naa thu tahtah hita hi.Leitung hausat naa le vanglet naa pen satan in anei ahilam tah niel lo-in, tua ban ah leitung hausat na le vanglet na te, adeih huoi ahi zui-in thuzui mi aa dingin bang cieng ei tun thei cithu Topa Zeisu'n N.T sung hoihtah in en kia uhleih, Lk. 12:16-34, 16:1-13,19-22, Mk.10:23-25cite ah, leitung hausat natawh kisai, "mihaukhat vantunggam atun ding siang sangawngsau khat phin bilvang sung aa ihen ding baih zawding hi, na sum te uh, tam leitung ah khol sih un, ahau mimaw pa-aw, Mihau pa le Lazazuh, mi hau te in ahauhna sung uoah alungsim uh om-aa," ci-in adang mun tampi tah ah zong thugente naa tampi tah ei nagen hi.
Tunle ithupha cici te uhleh thuphanga ikicici te uh Pasien kungpan aa, hingpei thupha ma hieai, ka nga hieai / hisih ei ci igencien imu cien thei nadingun inga uh thupha tawh ei kipie ton tavuon ( mawpuo ) na-ah tulai tah idinmun uh, isan dan uhle, isep zie uh amaan bangin isut kia ding uhhi. Aban zom kia ding .....
