Wednesday, August 15, 2007

ZSP UPDATES

ZOU SANGNAUPANG PAWLPI CHIA HEN IN UMTA

Singngat Community Hall a UZO 52nd General Assembly Resolution No. 1, dated April 3, 2007, UZO in ZSP Ghqtrs. a theisahna abawl Resolution No. 1, dated 19 May, 2007 leh ZSP Ghqtrs. letter to ZSP Delhi Branch dated February 3, 2007 dung zuui in Zomi Sangnaupang Pawlpi pen August 15, 2007 (Wednesday, Indian Independence Day) ni'n Zou Sangnaupang Pawlpi chia heng ahita hi.
-------------------------------------------------------

ZOD, ZSP JOINT MEETING

August 15, 2007 (Indian Independance Day), nitalang nai 02:00 in Tv. HangP inn, Munirka ah ZOD leh ZSP Joint Meeting poimawhtah um a, tam anei abang in thupuohna nei uhi.

01. Delhi Zou Directory: Directory pen ZSP in cencus akhop, zoukuon mama ahita man in akin lam a azaw siengtan ZSP in a'ng saifel diing chi ahi.

02. Zou Organisation Delhi in Project nei phasa ua, project diing in Zou puondum, Zou Necktie/Muffler, Zampi (Gong), 2008 Calendar leh Cultural troupe costume leibe diingte ahi.

03. ZOD in kum tenga Welfare Fund tam anei a banga don diing chi uhi. Family - Rs. 500, Private/Single Employee - Rs. 200 leh unemploy/student - Rs. 100. Tuoleh ZSP in kumteng a freshers' registration a Rs. 25 a la zeel pen peipi diing in lemsa uhi.

04. Ahing tung diing September ha sunga ZSp Sports Meet nei diing in zong ki thukim uhi.

-----------------------

ZOPATONG KUM 2 CHIN LOPNA

I ngah lah bang un I ZOPATONG uh kumni chinna lawching tah in Dated 11August 2007 1:Pm in Zou Synod office ah kinei jou hi. Chief Quest ding a i chiel uh PU T. Hangkhanpau MLA Singngat A/C Chiefminister pu In security jiehin a phal lou jieh in hing ho nuom mama leh jong hing pei thei lou hi. Ama tang in Pu P.Chinzakhuip UZO president hing solin aman MLA pu I Zopatong phung vuh na Zin pah Rs.5000/ tah eipie hi. tualeh Pi Mannuomching , DR Lachinkhai leh PU P.Chinakhupten jong dang ka 1000/ chiet eipia ua lawching tahin kijou hi. Tuanah ZOPAtong August issue jong ki hom ngal hi. Hing pang thei leh theiloute tung ah lungdam thu igena detailin I PAtong ah hing kisuona ding hi. Editor, Zopatong
--------------------------------------------------

CONGRATULATIONS

Sepna Mutha: ZSPDB ex. President Tv. M. Lalmuanlian Zou in Income Tax Dept. of India nuoi ah Tax Assistant sepna muta hi.

Admission Mu: Tv. S. Kammuanmung in JNU ah M. Phil (Russian & Central Assian Studies) zilna diing in admission mu hi.

USA Zuan Diing: ZCFD a khanglai lamkai ana hi ngei, Evan. Ginlun in Oral Roberts University, Tulsa a D. Min zil diing in September 2 chieng in Delhi pawtsan ta diing.

ZSP UPDATES

Lucky Draw Ruffles: ZSPDB in sum meet suina di'a Lucky Draw Ruffles abawl mi muonhuoi leh felte zuosah ahi uhi. Finance & Treasurer apat thu kimudan in tuo asaitute'n September 16 masang a amawpuohna chiet uh sufel diing in theisahna bawl hi.

Election Commissioners: Ajing tung pai diing Freshers' Meet chiengin lamkai diing telna um diinga, tuona feltah a sai diing in lamkaite'n Pu SK Mung leh Pu Lunminthang te guongta uhi. Tuo lamkai teltha a umte'n ahileh kum 2 sung vai apawta diing uhi.

Khawmpi Sum Dawlte: Delhi Zo khawmpi sum dawl di'n tam anei a bang in guotin um hi.
North - Tv. Hauzalian (Information Secretary)
Noida - Tv. S. Kamminthang, Joint Editor, Zokuomthawn
Gurgaon - Tv. T. Goulunmang & Siampi, Information Secretary.
South Ex. & Juliana Area - Tv. Thangminlun, Information Secretary,
Munirka & VV - Tv. Hausienmuon, Cultural Secretary
Bel Sarai, JNU & Ladu Sarai - Tv. Hangminlien, Information Secretary
Mahipalpur - Tv. Lianzagou, Games & Sports Secretary
Jarodha & Chhawla - Lamkaite
------------------------------------------------------------

SSPP JT. HQTRS. DELHI FRESHERS' MEET

Ahing tung diing August 18 chiengin SSPP te'n Freshers' Meet-cum-Seminar SSS-I Auditorium, JNU ah nei diing uhi. Tuonah Pu Biaklun Shoute, Pu N. T. Khankhup, Pi Grace D. Nemching, Pu T. Roumuan Paite leh Pu H. Kamsuanthang te'n thugenna nei diing ua, Zogam Salpha movie screening zong um diing hi. Lamkaite'n Zomi siemsinte zousie telkim chiet diingin chielna leh theisahna lai hawm uhi.
------------------------------------------------------------------

MUOLLUM PYF IN VIDEO ALBUM HONNA NEI DIING

August 12, sun nung nai 2 in Zou Synod Hall ah Muollum PYF in Pasian phatna lapawl abawl uh "Taangtawn Pasian Vol-I" honna Rev. Stephen T. Chinzathang in honna nei hi. Koizong adei i umleh ZPC office muloutongsaan apat in order thei diing hi.
-------------------------------------------------------

FRESH RECRUITMENT OF MCS, MPS & ALLIED SERVICES

The State Cabinet has approved conducting of fresh recruitment of MCS, MPS and allied services through an examination, to be conducted by the Manipur Public Service Commission, MPSC. Altogether 17 MCS, 22 MPS, 12 MFS, 12 SDC, and 24 MSS posts would be filled up through the MPSC, the sources disclosed. Of these the 24 MSS posts, all of section officer rank, will be newly created posts.

In the meantime, conceding a major demand of the All Tribal Students Union, Manipur, the Cabinet has decided that ST candidates who secured places in the general selection list on merit in the recently concluded MCS/MPS recruitment examination conducted by the MPSC would be accomodated in unreserved posts, provided that they did not avail of prescribed concessions for ST category for appearing in the examination. This is in accordance with a ruling of the Supreme Court of India, the sources indicated.
--------------------------------------------------------

ZOKUOM OPINION POLL RESULT

July apat “UZO, ZSP Hqtrs. Te’n Zomi pen Zou chi’n hengta uhi” chi thupi a zang in Zokuom Poll kibawl hi. Gintaat saangin ngaidan ki sung hoi mama hi. Tam anei a bang in ngaidan ki sung hi.

A unpi’n vote 44 ki khie hi. Tam ngaidan sungna ah Zomi apat Zou chie hun sawtpi’a I I na kikhaikhawmna uh henga umpe’n mipi te’n ngaisiem hahsa kisa hi. Mi chin in vote khesih nanleh tamna pat I mipite lung sim ngaisutna diing mu thei in um hi.

Dawnna khatna ahileh “Lamkaite'n hoiva chia abawl uleh ahi diingma ahi. I bulpi'n abawl leh a ka hiengte'n zong akin a bawl diing ahi.” Chi dawnna ah vote 44 kikhe lah a mi 15 in phasa a, 34% tung zou hi.

Dawnna nina ahileh “New Zomi hing um zieh a old Zomi min heng chipen pom siem thei sing.” Chi ahikia leuleu hi. Tamna I nam sung lunggel kilang in ka thei hi. Vote 44 kikhe lah a, mi 29 in tam dawnna peipi uh a, 66% tung zou hi.

Tam a tunga ngaidan sungnate ahileh koi kaapna leh koi mawpaina ki bawl ahisih a, nampi lamkaite nasepna ah mipite I lungtai na uai chi etna di’a ki bawl ahizaw hi. I lah ua silkhat akibawl chiengin a kawilam a lasiem pawl kitam ahiman in hilchetna toh kahing pie hi.
-----------------------------------------

LILY IN ISRAEL LAM HING ZOTSANTA DIING

I member pi uh Lily (Mekaly Hangshing, Moreh) in ahing tung diing August 29 chiengin Israel lam hing zotsanta diing chi thutut kingah hi. Ama ahileh a nu-le-pa toh pei diingua, ahithei leh Israel ah umden ta diing uhi.
-------------------------------------------
ZOMI CHIPEN ZOU A HEN AHITA
United Zomi Organisation Annual Assembly 52 veina, April 3, 2007 ni’n Singngat Community Hall ah ki nei a, tuona thupuosah theituoh khenkhatte tam anei ah I talang uhi:

01. United Zomi Organisation chi’a hun sawtpi I na kikhaikhawmna min uh United Zou Organisation a hen ahita hi.

02. UZO Zumpi, Zougaal Hall, Zougaal Cemetry leh Zou khosuon a Kumpi saanginnte etzui leh pichin suo diing in lemsah ahita hi.

03. UZO in kum 2006 sunga asum mud an tam bang ahi: Muna pumpi – Rs. 36405, Zahna pumpi – Rs. 36350, Tuoleh 2007 budget estimate tam bang a bawl ahi: Muna diing – Annual Fund (Zou Innsuon 3789x50) = Rs. 189450/- + Tuohkhawm (Donation) Rs. 500000/- (Total Rs. 689450/-).

UZO LEADERS FOR 2005-2009

Pu P. Chinzakhup President
Upa Suonkhanmang Vice President
Pu Liensuonkap General Secretary
Pu Thangzamang Joint Secretary
Upa S. Nengkhanmang Finance Secretary
Pu S. Khamchinthang Treasurer
Pu Khuplienpao Volunteer Commander
Upa Hauchinkap Member ZWC
Upa Thangkhanmang Member ZWC
Pu T. Nenglal Member ZWC
Pu Thangchinsuon Adviser
Upa Khaukhanhao Adviser
Pu S. Lienzakap Adviser
----------------------------------------------

NA THEI TAI

Tu laitah in website neilou na kichi kha diing, nei tham na hi. Article toh kisai na dei leh zong um, Burma lam toh kisai na dei lezong ki nei, Zokuomthawn Issue luite na etnuom lezong um nalai... tam teng khu www.zokuomthawn.tk linkte apat na sui doh ngap lou leh tam anei a linkte ah en zuoi in: Burma Lam Zo News l Article leh Manipur Daily News l Zokuomthawn Issue Archives
------------------------------------------------------

ZO KHAWMPI TOH KISAI THEI TUOHTE

ZSPDB Lamkaite apat thu kimu dan in Zo Khawmpi [ZSP Freshers’ Meet 2007] 2nd October (tentative) a zah diing chi uhi. Tuoleh tam anei abangin sum tuoh diingdan zong bikhietta uhi.

Innkuon (Family) – A: Rs. 1000/-
Innkuon (Family) – B: Rs. 600/-.
Single Employees
1. Rs. 10,000 & above lawte - Rs. 600/-
2. Rs. 5000 – Rs. 10,000 - Rs. 400/-
3. Rs. 5000 & below - Rs. 200/-
4. Students & Unemployed - Rs. 100/-