Tual Khan Suan
I mimal nuntakna sung hita leh, mite tawh kipawlna sungah hita leh, gamsung thu ah hita leh khatvei vei buaina/thubuai problems/conflicts) tawh kipelh theilo i hih bangin tua buainate pen koi pan suutin bangci vensak ding cih i theih loh zah dong dingin kikai-awk thubuai (complicated issues) tawh kiphu kha thei hi. Tua a kikai-awk thubuai i phut khak ciangin a piang thute leh a piangsak thute khentel lo pi'n i vensak sawm leh buaina pen thuk tektek zaw hi. A piang thute leh a piangsak thute i theih khit ciang bek in sep masak ding leh sep nunung ding zong i thei pan hi.
Tulai tak a, i Kawlgam sunga thubuai a venna ding kideih tek a, tua bang buaina khempeuh vengin kilemna leh daihna a om ding kihan ciam tek hi. A hizongin tua buainate vensakna ding i zuih lampi leh i heelzia kibang lo hi. Thuneihna ngah galkap kumpi in zong buaina deihlo ci'n awngawng uh hi. Gengen uhhi. Ahizongin a mau hanciamna (a vensak sawm dan uh) pen a piangsak thute enlo uh a, a piang thute bek vengsak ding hanciam uh hi. A piang thute bek en uh a hi manin " Ko, (galkapte) om kei le ung, kawlgam kiphel kham ding a, gamsung ah kumpi neilo gam ( anarchy) suak in mi gilo te'n gam uk ding hi" cih a hizongin " Ko pen thuneihna deih hi kei ung, gam sung kisap man a, leh gam sungah kilemna leh daihna a bawl khia ding a thuneihna a la pak hi ung," cih leh " gam sungah kilemna leh daihna a om khit teh gambup thuneihna mipi tungah ap kik ding hi ung" cih bangin kam mal hoih nono zangin gen zel uh hi.A piang thubuaite vengsakna ding a mau hanciamna tawh a mau sep ding a
kilawmlo pi nasep a hi thu khunpi ( constitution ) gelh lai uh hi.
Galkap kumpi deihlo in mipi deihna tawh vaihawm ding a deih pawlte in zong gam sungah kilemna leh daihna a om ding deihna tawh nasep leh kampau tampi na nei khin zo uhhi. A mau ( galkap kumpi deihlo pawl) te in Kawlgam sunga thubuai pen tu tawm a kipan hilo a hih manin a piang thute vensak tawmtawm na bek tawh tawntung kilemna ngah zolo ding a hih manin a piangsak thute vensak ding kisam hi ci uh hi. A piangsak thute vengsakna pen a piang thute vensakna ding kipatna hoih pen a hihi. Gamsung buaina a piangsak thute in mipi deihloh galkap te in kumpi a sepna, mipi te pianken suahtakna a omlohna hi a, tuate vensakna pen a piang thute vengsakna a hihi. Tua hi a, Democracy paizia tawh kituak in mipi deih palai te in kumpi sem in mihing te pianken suahtakna a kipsak thu khunpi gelhna pen tua buaina khempeuh venna ding lampi om sun a hihi.
Mihing hamphatnate khuavannuai tangkona ( Universal Declaration of Human Rights) article (21)(c ) na sungah " Gam uk kumpi te thuneihna pen gamsung mipi te tung pan kipan hi hen" cih thu Kawlgam in zong thukimna a neihsa hi na pi, tulai tak galkap kumpi te thuneihna pen mipi te tung pan kipan hi lo a, thau lawng mong pan kipan a hihi.Gam khat peuhpeuh a tua gam nei mite pen tua gamsung mipi te hi a, tua gamsung mite in a mau neihsa gam sungah a mau deihna tawh kituakin na a kisep ding leh vai a kihawm ding lunggulh uh hi.Galkap kumpite pen gam uk theihna ding phalna ( mandate) mipi tung pan a ngah uh hi hetlo a hih manin a thu manlo kumpi ( de facto government) a hihi. Tua a hih manin mipi te neihsa gamsung vaihawmna ding zia thu khunpi ( constitution) gelh theihna ding phalna/thu neihna nei lo uhhi. Zopau sungah "Galkap" cih kammal pen " gal a om leh kap ding leh mipi te galte do sak ding" cih hi a, mipi te bawlsia ding leh mipi te vai hawmsak ding cih hi hetlo hi.
Galkap kumpi in a mau nasep ding a kilawm hetlo a hi, mipi te neihsa gam sung ukna ding thu khunpi gelh ding in 1993 kum pan National Convention ci'n kipan uh hi. Tua Natioanal Convention ah a kah ding in mipi deihna dong lo in a mau deih mite bek en in " kengkeng a citengla lo uh a, kukkuk a ci teng la" uh hi. A mau nasep loh ding pi sem uh ahih manin a thu manlo pi'n nasem suak uhhi. Mipi neihsa tunga nasem hina pi mipi thukim lo a hih manin thu manlo zaw kan lai hi. Tua a thuman lo nasepna pan a gah zong thu man tuanlo hi. Tua a thu manlo nasepna sunga kihel mivom hi in, mikang hita leh a thu manlo nasem a hi uh hi.
Mipi neihsa gamsung vaihawm zia ding leh ki-uk zia ding a geel ding pen mipi te deih/teel mite bek hi ding hi. Mipi te deih/teel palaite ngahna dingin Democracy paizia tawh thuman leh suakta tak in (free and fair) tawh kitelna pan kila ding hi. Tua kitelna pan a mipi deih pen palaite in gamsung vaihawmzia ding thukhunpi gelh theihna ding phalna nei pan bek hi. Tua a hih manin Democracy paizai mantak tawh kitelna kinei masa ding a tua kitelna pan gambup mipi palai te in thu khunpi (constitution) gelh pan ding hi. A piang thute en a buaina vensak ding hanciamna tawh buaina veng ngeilo ding a, a piangsak thute en a buaina venna ding hanciamna bek tawh kilemna leh daihna gamsung ah kingah taktak pan ding hi.
Zonet
I mimal nuntakna sung hita leh, mite tawh kipawlna sungah hita leh, gamsung thu ah hita leh khatvei vei buaina/thubuai problems/conflicts) tawh kipelh theilo i hih bangin tua buainate pen koi pan suutin bangci vensak ding cih i theih loh zah dong dingin kikai-awk thubuai (complicated issues) tawh kiphu kha thei hi. Tua a kikai-awk thubuai i phut khak ciangin a piang thute leh a piangsak thute khentel lo pi'n i vensak sawm leh buaina pen thuk tektek zaw hi. A piang thute leh a piangsak thute i theih khit ciang bek in sep masak ding leh sep nunung ding zong i thei pan hi.
Tulai tak a, i Kawlgam sunga thubuai a venna ding kideih tek a, tua bang buaina khempeuh vengin kilemna leh daihna a om ding kihan ciam tek hi. A hizongin tua buainate vensakna ding i zuih lampi leh i heelzia kibang lo hi. Thuneihna ngah galkap kumpi in zong buaina deihlo ci'n awngawng uh hi. Gengen uhhi. Ahizongin a mau hanciamna (a vensak sawm dan uh) pen a piangsak thute enlo uh a, a piang thute bek vengsak ding hanciam uh hi. A piang thute bek en uh a hi manin " Ko, (galkapte) om kei le ung, kawlgam kiphel kham ding a, gamsung ah kumpi neilo gam ( anarchy) suak in mi gilo te'n gam uk ding hi" cih a hizongin " Ko pen thuneihna deih hi kei ung, gam sung kisap man a, leh gam sungah kilemna leh daihna a bawl khia ding a thuneihna a la pak hi ung," cih leh " gam sungah kilemna leh daihna a om khit teh gambup thuneihna mipi tungah ap kik ding hi ung" cih bangin kam mal hoih nono zangin gen zel uh hi.A piang thubuaite vengsakna ding a mau hanciamna tawh a mau sep ding a
kilawmlo pi nasep a hi thu khunpi ( constitution ) gelh lai uh hi.
Galkap kumpi deihlo in mipi deihna tawh vaihawm ding a deih pawlte in zong gam sungah kilemna leh daihna a om ding deihna tawh nasep leh kampau tampi na nei khin zo uhhi. A mau ( galkap kumpi deihlo pawl) te in Kawlgam sunga thubuai pen tu tawm a kipan hilo a hih manin a piang thute vensak tawmtawm na bek tawh tawntung kilemna ngah zolo ding a hih manin a piangsak thute vensak ding kisam hi ci uh hi. A piangsak thute vengsakna pen a piang thute vensakna ding kipatna hoih pen a hihi. Gamsung buaina a piangsak thute in mipi deihloh galkap te in kumpi a sepna, mipi te pianken suahtakna a omlohna hi a, tuate vensakna pen a piang thute vengsakna a hihi. Tua hi a, Democracy paizia tawh kituak in mipi deih palai te in kumpi sem in mihing te pianken suahtakna a kipsak thu khunpi gelhna pen tua buaina khempeuh venna ding lampi om sun a hihi.
Mihing hamphatnate khuavannuai tangkona ( Universal Declaration of Human Rights) article (21)(c ) na sungah " Gam uk kumpi te thuneihna pen gamsung mipi te tung pan kipan hi hen" cih thu Kawlgam in zong thukimna a neihsa hi na pi, tulai tak galkap kumpi te thuneihna pen mipi te tung pan kipan hi lo a, thau lawng mong pan kipan a hihi.Gam khat peuhpeuh a tua gam nei mite pen tua gamsung mipi te hi a, tua gamsung mite in a mau neihsa gam sungah a mau deihna tawh kituakin na a kisep ding leh vai a kihawm ding lunggulh uh hi.Galkap kumpite pen gam uk theihna ding phalna ( mandate) mipi tung pan a ngah uh hi hetlo a hih manin a thu manlo kumpi ( de facto government) a hihi. Tua a hih manin mipi te neihsa gamsung vaihawmna ding zia thu khunpi ( constitution) gelh theihna ding phalna/thu neihna nei lo uhhi. Zopau sungah "Galkap" cih kammal pen " gal a om leh kap ding leh mipi te galte do sak ding" cih hi a, mipi te bawlsia ding leh mipi te vai hawmsak ding cih hi hetlo hi.
Galkap kumpi in a mau nasep ding a kilawm hetlo a hi, mipi te neihsa gam sung ukna ding thu khunpi gelh ding in 1993 kum pan National Convention ci'n kipan uh hi. Tua Natioanal Convention ah a kah ding in mipi deihna dong lo in a mau deih mite bek en in " kengkeng a citengla lo uh a, kukkuk a ci teng la" uh hi. A mau nasep loh ding pi sem uh ahih manin a thu manlo pi'n nasem suak uhhi. Mipi neihsa tunga nasem hina pi mipi thukim lo a hih manin thu manlo zaw kan lai hi. Tua a thuman lo nasepna pan a gah zong thu man tuanlo hi. Tua a thu manlo nasepna sunga kihel mivom hi in, mikang hita leh a thu manlo nasem a hi uh hi.
Mipi neihsa gamsung vaihawm zia ding leh ki-uk zia ding a geel ding pen mipi te deih/teel mite bek hi ding hi. Mipi te deih/teel palaite ngahna dingin Democracy paizia tawh thuman leh suakta tak in (free and fair) tawh kitelna pan kila ding hi. Tua kitelna pan a mipi deih pen palaite in gamsung vaihawmzia ding thukhunpi gelh theihna ding phalna nei pan bek hi. Tua a hih manin Democracy paizai mantak tawh kitelna kinei masa ding a tua kitelna pan gambup mipi palai te in thu khunpi (constitution) gelh pan ding hi. A piang thute en a buaina vensak ding hanciamna tawh buaina veng ngeilo ding a, a piangsak thute en a buaina venna ding hanciamna bek tawh kilemna leh daihna gamsung ah kingah taktak pan ding hi.
Zonet
No comments:
Post a Comment