3(NH) AR in KCP 1 man
Lamka Oct 24: Lamka Police apan thukizasan in 3 (NH) Bn. Assam Rifles pawl khat in zan zinglam dak 9:45 vel in Saikot Area lak ah helpawl om chih report amuh ziak un Operation bawl ua huai ah Phaijang helpawl Kangleipak Communist Party (KCP) a SS. Pvt. Sgt.Major Nongmaithem Dinesh Singh (24) S/o. N. Jugeshor Singh of Senjam Chirang, Imphal West mankhia uhi. Matkhiat a om Mr. Dinesh Singh pen tuni sunma dak 11:00 in Assam Rifles in Lamka Police khut ah pekhia uhi.
ASHA te’n Training ding
Lamka Oct 24: Malaria Department/CCpur saina in hongtung ding October 30, 2007 chiang in Santing PHSC ah Nungsai, Phaibawng leh Kawlhen area a ASHA te ading in Rapid Diagnostic Kit leh ACT+SP damdawi zatdan toh kisai Training om ding hi.Hiai hun ah Malaria Department a staff khenkhat in sinsak ding uhi.
Doctor 4 released
Lamka Oct 24: Director of Health Services, Manipur in order a suah dungzui in District Hospital a Medical Superintendent in District Hospital a sem Doctor 4 tuni’n released hi. Amaute bel Behiang PHC a ding in Dr. Micheal H. Taithul, Senvon PHC a ding in Dr. Phirthanglien Buhril, CHC Parbung a di’n Dr. Jamthianlal leh Henglep PHC ading in Dr. Paulunmang Vaiphei te hi uhi.
Numei student 2 chawm ding
Lamka Oct 24: Manipur Governor Dr. SS Sidhu in CCpur District sung a innkuan haksa apan numei laisiam pawl IX-XII kikal mi 2 chawm ding hi. Hiai chawmna ngah ding toh kisai in zingchiang sunnung dak 1:00 in ZEO/CCpur Office ah School 16 apan in Numei student bangzah hiam in interview nei ding ua, telkhiat a omte Governor in Lamka hongphak chiang in chawm na peding hi.
EGS Cnetre te enkhia
Lamka Oct 24: Lamka Block sung a SSA nuai a Education Guarantee Scheme (EGS) Centre 37 omte etkhiatna apaisa October 15, 2007 apan in DPO/EGS(SSA) makaih in Monitoring team te’n nei ua tunitan in centre 6 enkhinta uhi.
Amau EGS Centre te a Education Volunteer-te leh Studentte attendance register, Proceeding book, Inspection book, Stock register banah Cash & Accoint book etchetna nei uhi. EGS Centre hoihtak a semloute Centre phiatsak hiding a, Centre hoihtak a semte bel Central Government in Primary School tan a up-grade in regularize thei hi.
Dawr khat kiluh
Lamka Oct 24: Tipaimukh Road, Lamka Community Hall konglak a Ms. Nenem Dawr tuzingkal baihtak in guta(te)’n a mailam kongkhak kalhong in luh ua, asung a Mobile Handset (Samsung) 1 leh Nga Tin 4 banah Sum bangzah hiam gu uhi.
Phone gui tamtak kigu
Lamka Oct 24: Bharat Sanchar Nigam Limited (BSNL) CCpur Telephone Exchange apan a Subcriber te inn kikal a landline telephone zopna gui muntuamtuan ah tamtak gukmang in omnawn hidan in JTO/BSNL CCpur Exchange apan thutut kingah hi.
Tukal a sung a Telephone gui gukmang a omte bel Tedim Road Upper Lamka ah 20 pairs 50 Metres gukmang in om a, Thangjam Road ah 10 pairs 100 Metres gukmang in om hi. SA Road ah 5 pairs 50 Metres gukmang in om a, Nehru Marg ah 10 pairs 20 Metres gukmang in om hi. Bungmual ah 10 pairs 125 metres gukmang in om a, Dorcas Road ah 20 pairs 120 Metres leh 10 pairs 120 Metres gukmang in om nawn hi.
Telephone gui muntamtak ah sau khopkhop gukmang ahihsek ziak in BSNL in leng a gukmang a aomna munteng peh senglou ua huaibanah Cables stock a neihlouh ziak un buai thei mahmah uhi. Telephone gui gukmang ahihziak in mipi tamtak in telephone zattheihlouh himahleh rental piakngai thou thou a athawn in sum tampipi seng in suploh mahmah uhi. Tamveitak guk mang in om sek mahleh, police in a mat khia uh chih thu bangmah zak hinailou hi. Hichibang a guktatna uanglua pen van guk thilte (adiak in public property te) ana leitu ding omkei leh guk hilou ding ahihman in, a leitu leh a gutu akibang gawtna piak hileh guktakna kiamtuan mahmah ding hidan in tamtak apan thutut kingah hi.
IMFAL:
Interview/Viva voce om ding
IMPHAL OCT 24: Social Welfare department nuai a Grade IV post lakna dinga employment exchange a min khaksate’n Interview/Viva Voce a ding admit card October 25, 2007 tan in Directorate of Social Welfare office ah laktheih ding a, Interview/Viva voce leng October 29 apat November 6, 2007 sung zinglam dak 10 teng in, Social Welfare Directorate mun mah ah neih hiding hi. Interview neihni ding leh Roll no. hiai anuai abang ahi.
Oct 29, 1 - 416
Oct 30, 417 - 833
Oct 31, 834 - 1250
Nov 1, 1251 - 1667
Nov 2, 1668 - 2084
Nov 3, 2085 - 2501
Nov 4, 2502 - 2918
Nov 5, 2919 - 3335 leh
Nov 6, 3336 - 3737 ahi.
Huailou in, Manipur State Minorities Commission a Class III leh IV posts lakna dinga interview neih hiding a, Assistant-cum-Computer Operator Nov 3, 2007 11.30am leh Driver-cum-Peon Nov 5, 2007 11.30am ahi. Hiai post adia short listed candidates te min Office notice board ah Nov 2, 2007 in takkhiak hiding hi.
Chess kimawl dingin kuan
IMPHAL OCT 24: Manipur Chess Association in tuni a thusuah abawlna ah, October 28 - Nov 4, 2007 tan Jharkhand state sung Chakradharpur a, International Fide Rating Tournament a kihel dingin, Churachandpur District apat Chess player thum, G. Langchinkham, H.Jogendro Meetei leh K.Thangkhanpau ten tuni'n Imphal nusia uhi.
Huailou in, Manipur Chess Association a Half Yearly Special General Body meeting leng October 28, 2007 zinglam dak 11 in YVO huangsung (opposite MSRTC Yaiskul) Imphal ah om ding chih ahi.
BJP in party hatsemna di’n meeting nei
IMPHAL OCT 24: BJP Manipur Pradesh in apaisa October 22, 2007 in Head office, Nityaipat Chuthek ah District & Mandal Presidents' leh Secretaries level meeting poimohtak Party President Dr. H. Borobabu makaihna in nei uhi.
Hiai meeting neih ahihma in BJP a Vice President lui leh MP hingei (L) Jagadish Prasad Mathur suunna hun leng minute 2 nei uhi. BJP meeting ah, Party principles leh disciplines te District leh Mandal level a hoihtak a zuih ding leh, party hatsemna dia co-ordination hoihtak neih ding genkhom uhi.
Nasep subuai lou din ngen
IMPHAL OCT 24: Govt. of India in Jiri - Tupul railway connectivity neih dia agel Zeliangrong Union (Manipur, Nagaland, Assam) in kipahpih ahihdan uh puangkawm in, hiai nasepna kintak a pat adeih thu uhleng taklang uhi. ZU in ataklat dan in, govt. of India in remote gam dopsangna dia hichibang pan alak kuapeuh in subuailou leh kithuahpihna pezaw ding inleng ngen uhi.
Mi nih kaplum in om nawn; Operation om
IMPHAL OCT 24: Police apat thutut kingah dan in, zan nitak dak 10.30 vel dingin Imphal East district sung Lamlai Police station huamsung a Phaknung kichihna mun ah, Assam Rifle ten helpawl hidia muanmoh khat kaplum ua, ama taksa tunga pat 9mm pistol khat magazine khat leh a tang 5 leng musuah ua, siluang bel RIMS morgue a koih in om hi.
Huailou in, tuni zinglam dak 2 vel ding inleng, Singjamei Police station huamsung Kolou Loubuk kichihna mun ah meltheihlouhten pasal khat kaplum ua, non Manipuri hidia gintak ahi.
Hichibang kal ah, tusun in City Police ten Imphal bazar sung ah combing operation bawl ua, tua ah muanmoh numei 7 tel in mi 23 thudot dingin tonpih uhi. City Police a OC Munal gendan in, tuni a operation kibawl bel, khopi sunga sum buk khenkhat a helpawlte demand lai pia omdia gintak ahihban ah, ahun kibanga Police team group 12 a kikhente’n a neih uh ahi.
PHED employee te khahna din dharna
IMPHAL OCT 24: Helpawl khat in Rs One crore demand uh toh kisai in PHED semtu mi 3 Oct 12, 2007 a amat uh tunitan khah ahihlam theih hilou hi.
Hichibangkal ah, All Manipur PHED workers and employees Association in Khuyathong a PWD konga dharna aneih uh tunitan paitou lai a, PHED staff te khah ding phutna in mun tuamtuam ah leng tuni’n dharna om hi.
Kwakeithel bazar ah TRAU leh Meira Paibi kigawmte’n leng dharna nei ua, tua ah mat a omte a sungkuante uh leh a zi-a-tate uh khualna a kintak a khah dingin ngetna bawl uhi.
Cabinet meeting om; CM kimuhpih
IMPHAL OCT 24: Tuni nitaklam dak 4 vel in tutunga MPSC nuai a MCS/MPS/MFS leh SDC sem dia lathakte’n kimeltheih tuahna dingin, Manipur Chief Minister O. Ibobi Singh ama office ah kimuhpih uhi.
Tunitak mah in leng Cabinet meeting om a, tua ah NIT bawlna ding toh kisai a contract basis a semtute toh kisai genkhom uhi. Tulai in niteng phial in Manipur Cabinet meeting om gige hi’n leng thutut kingah hi.
Livestock census pat hita
IMPHAL OCT 24: India pumpi a kum nga dan jel a neih ahihbang in, Manipur ah leng 18th Quenquinnial Livestock census 2007 kichi October 15, 2007 apat Vety. and Animal Husbandary department in panta hi. Hiai census nuai ah, inn a ganvulhte, Vasate ban ah lou nasepna vanzat tuamtuamte huamsak hidinga, tualou in nga khawina toh kisai vanzatte leng huamding hi. Hichibang census hihna a Manipur mipiten kithuahpihna pedingin leng Vety & AH in ngetna bawl uhi.
JAC of AMTUC & AMGEO in Charter of demand pelut
IMPHAL OCT 24: JAC of AMTUC & AMGEO in, October 17 leh 20, 2007 a General Council meeting a neihna ua, thupukna alak dungzui un, apaisa October 22, 2007 in, Manipur Chief Minister kiang ah, Charter of Demands point 12 pelut uhi.
Charter of demand-te bel, “Merger of 50% DA/DR with Basic pay/pension be effected from 1/4/2004. Hichibang ahihkei leh, 6th Pay Commission report adopt bawlna dia technical defect omthei ding chih ahi; Arrears kibang omte piakkhiak ding. i) 4% DA/DR w.e.f 1/7/2003 to 30/6/2005 (24 months) ii) 5% DA/DR w.e.f 1/7/2006 to 30/9/2007 (15 months) iii) 6% DA/DR w.e.f 1/1/2007 to 30/9/2007 (9 months) iv) 6% DA/DR w.e.f 1/7/2007 leh DA/DR ahun zil a puanjel, Central govt. employees te atoh kibang; Pay Anomalies (ROP 1975 base year pansan) a bawlthak ding,ban ah classification of Posts by the Scale of Pay made equivalent to that of the scale of pay of the Central Govt. with a review of Office memorandum No.19/3/99 FD(PIC) dt. 28/12/2006; Die-in-harness scheme phiat ahihma a paidan zuih thak ding; Consumer Price Index 2007 pansan a Minimum wages fix bawl ding leh arrear omte CPI 2007 dungzui a piakkhiak ding; Allowance tuamtuam Duty allowance, messing allowance, T.A. etc. Home Guards of Manipur te kianga Delhi, Haryana, Goa etc toh kibang piakding; Manipur Home Guards kichi leng Border Wing Home Guards chi a khek ding; Adhoc employees, Casual, Muster Roll leh Work Chared employees te Service protect bawl a regularisation piak ding. Hiai adia Govt. of Manipur leh JAC in 26/6/2006 a MoU agelh dungzui a State Policy bawl ding; GPF lakkhiakna dia monthly ceiling limit koih aom lakkhiak ding; Central Govt. te toh kibanga Group A leh B te adia ACP omsak ding; Para Medical Staffs te adia Patient Care Allowance omsak ding; Manipur polam a medical treatment kul te grade khentuam lou a facility kibang piak ding chih leh Central Govt. employee te toh kibang dia service Age 59 apat 60 hihsak ding” chihte ahi.
Hiai charter of demand ah, K.Madhumangol Singh President, JAC of AMTUC & AMGEO in suaikai hi.
ZNC Day leh Pawi zatna om
Aizawl, Oct 24: Zangkong khua ah tuni’n ZNC kiphuhkhiak nung kum 19 chinna zatna om a, huai ah Zomi Re-Unification Organisation (ZRO) leh Chin National Front in Zomite adia thupha apiak uleh, a nasep khiakte uh genna neih in om a, ZNC in hunpaisa a nasepna aneih te leh maban a asep sawmte utoh kisai leng genna om a, dotna leh dawnna hun leng neih in om hi. Hiai hun ah, Myanmar a Zomite heutu Pu Chin Sian Thang leh Pu Thawng Khua Thang' MP te Jail a a om lel na utoh kisai genkhiak ahih banah, Pu Chin Sian Thang' zi Pi Don Khen Niang leh alawmte apan " Lung laulo aw, Zogam lei aw, Sawt nawnlo ding " chih lasakna om hi’n kigen hi. Tuabangkalah, Tuni in Aizawl khopi ah Khuado Festival (Chin New Year) zatna Vanapa hall ah neih in om a, Zomi inkuan, Aizawl te’n bangkim sai vek uh hi’n kigen a, mi poimoh tamkuamtak in uap hi’n leng thutut kingah hi.
UCM in Manipur dinmun taklatna nei
Imphal, Oct 24: Manipur a NGO lianpenpen a kigen United Committee Manipur (UCM) in tuni a thusuah abawlna uah, Manipur a thil tung tuamtuam te enkim vel uh ahihdan puang in, niteng a buaina leh kithahna a tun gige na toh kisai in Manipur state Government in bangseem uhiam chih dotna bawl uhi. UCM nuai a Information Secretary BM Yaima in ataklatna ah, Manipur in zalenna angah nung a kum huaisepen tukum ahihdan taklang uh a, state Government ading in panlak kitasam ahihdan gen uhi.
UCM thusuak ina genbehna ah, sum neihziak hilou a, maban khualna ziak a New Delhi tualpi a va om North Eastern state numeite sualluih leh bawlsiatna toh kisai uang deuhdeuh ahihdan taklang ua, Union Government leh Delhi Government in bangtan panla ding uhiam chih dong kawm in, state Government kigolh ding in leng deihthu taklang uhi. Tuabanah, UCM in tumadeuh apan helpawl te kal a buaina om ziak in, mi tamtak in Saikul sub-division sung nusia ta uh ahihdan taklang uh a, State in a saifel zoh kei leh, Union Home Ministry tanpha kigolh ding in chialna bawl uhi. UCM in PHED engineer pimang a om te toh kisai in poisakthu puang uh a, tuni tan state Government in panla lou uh ahihdan taklang ua, UCM in a sawk utlouh tan sawk thei dinmun a om ahihdan taklang uhi.
Bru helpawl makaite leh Governor kimu
Aizawl Oct 24(NNN): Tuni in Bru National Liberation Front (BNLF) helpawl makai 3 in Mizoram Governor Lt Gen (R) M.M. Lakhera kimuhpihna nei in, houlimna nei ua, tuazoh in Chief Secretary Haukhum Hauzel toh thu tuamtuam genkhawm nawn uh hi’n kigen hi. BNLF General Secretary lui Bruno Meska in agenna ah, Mizoram Government in BNLF kiang ah thuchiam tampi nei a, memorandum of understanding suaikaih ahihni in thu tuamtuam gen in, BNLF te kipahna ding in thu tamtak gen ua, himahleh, tuni tan in sepbu chin bangmah nei lou uh ahi chih hi.
Amana ban agenzelna ah, Mizoram Government in BNLF te nekle tak kining ching peding leh loh tanpha peding in zol mah le uh tuni tan pha in kuaman Ration card nasan mulou ahihdan gen a, BNLF member mi 1000 vel Mizoram tumlam gam awng kho li ah haksatak in teengsak uh ahi chi hi. Chief Secretary Haukhum Hauzel in leng BNLF makaite kiang ah a thugente uh thunei sangzawte kiang ah tun ding uh ahihdan gen a, zingchiang a kimuhpih nawn ding ahihdan ana hilh hi. BNLF leh Mizoram Government in April 26, 2005 in kilemna suaikai uh a, huai dungzui in, BNLF helpawlte’n a gamnuai pawtsan in a galvan teng uh Government ah pelut uhi.
Army leh Civilian-te unau na bawldik ding
Shillong, Oct 24(NNN): General Officer Commanding (GOC) 101 Area dia mohpuakna lathak Major General K.S.Sethi in tuni in Shillong khopi ah thuthak saite kimuhpihna nei in, huai ah Arm leh mipi kal a buaina om neuhneuhte suveng ding ahihdan gen a, apoimoh leh army official te taidia mansa ahihdan gen hi. General Sethi in agenna ah, khovel a khantouh dungzui in, sepaihte nasan in human rights kichi ngai poimoh mahmah ta ahihdan gen in, mi nautangte toh army kal ah buaina kichi himhim om theilou ahihdan taklang a, ngaih dan kikalh kichi bel a chang a om kha thei ahihdan gen hi. Mipi kuapeuh in army te nasepte doudal mailou a kithuahpih zaw ding in Majar Gen Sethi in chialna bawl a, army te’n kiphatsakna aneih leh, amaute taihilh dia mansa ahihdan gen in, kuapeuh in army headquarter phak thasial lou ding in leng chialna bawl hi.
www.zogam.com
Lamka Oct 24: Lamka Police apan thukizasan in 3 (NH) Bn. Assam Rifles pawl khat in zan zinglam dak 9:45 vel in Saikot Area lak ah helpawl om chih report amuh ziak un Operation bawl ua huai ah Phaijang helpawl Kangleipak Communist Party (KCP) a SS. Pvt. Sgt.Major Nongmaithem Dinesh Singh (24) S/o. N. Jugeshor Singh of Senjam Chirang, Imphal West mankhia uhi. Matkhiat a om Mr. Dinesh Singh pen tuni sunma dak 11:00 in Assam Rifles in Lamka Police khut ah pekhia uhi.
ASHA te’n Training ding
Lamka Oct 24: Malaria Department/CCpur saina in hongtung ding October 30, 2007 chiang in Santing PHSC ah Nungsai, Phaibawng leh Kawlhen area a ASHA te ading in Rapid Diagnostic Kit leh ACT+SP damdawi zatdan toh kisai Training om ding hi.Hiai hun ah Malaria Department a staff khenkhat in sinsak ding uhi.
Doctor 4 released
Lamka Oct 24: Director of Health Services, Manipur in order a suah dungzui in District Hospital a Medical Superintendent in District Hospital a sem Doctor 4 tuni’n released hi. Amaute bel Behiang PHC a ding in Dr. Micheal H. Taithul, Senvon PHC a ding in Dr. Phirthanglien Buhril, CHC Parbung a di’n Dr. Jamthianlal leh Henglep PHC ading in Dr. Paulunmang Vaiphei te hi uhi.
Numei student 2 chawm ding
Lamka Oct 24: Manipur Governor Dr. SS Sidhu in CCpur District sung a innkuan haksa apan numei laisiam pawl IX-XII kikal mi 2 chawm ding hi. Hiai chawmna ngah ding toh kisai in zingchiang sunnung dak 1:00 in ZEO/CCpur Office ah School 16 apan in Numei student bangzah hiam in interview nei ding ua, telkhiat a omte Governor in Lamka hongphak chiang in chawm na peding hi.
EGS Cnetre te enkhia
Lamka Oct 24: Lamka Block sung a SSA nuai a Education Guarantee Scheme (EGS) Centre 37 omte etkhiatna apaisa October 15, 2007 apan in DPO/EGS(SSA) makaih in Monitoring team te’n nei ua tunitan in centre 6 enkhinta uhi.
Amau EGS Centre te a Education Volunteer-te leh Studentte attendance register, Proceeding book, Inspection book, Stock register banah Cash & Accoint book etchetna nei uhi. EGS Centre hoihtak a semloute Centre phiatsak hiding a, Centre hoihtak a semte bel Central Government in Primary School tan a up-grade in regularize thei hi.
Dawr khat kiluh
Lamka Oct 24: Tipaimukh Road, Lamka Community Hall konglak a Ms. Nenem Dawr tuzingkal baihtak in guta(te)’n a mailam kongkhak kalhong in luh ua, asung a Mobile Handset (Samsung) 1 leh Nga Tin 4 banah Sum bangzah hiam gu uhi.
Phone gui tamtak kigu
Lamka Oct 24: Bharat Sanchar Nigam Limited (BSNL) CCpur Telephone Exchange apan a Subcriber te inn kikal a landline telephone zopna gui muntuamtuan ah tamtak gukmang in omnawn hidan in JTO/BSNL CCpur Exchange apan thutut kingah hi.
Tukal a sung a Telephone gui gukmang a omte bel Tedim Road Upper Lamka ah 20 pairs 50 Metres gukmang in om a, Thangjam Road ah 10 pairs 100 Metres gukmang in om hi. SA Road ah 5 pairs 50 Metres gukmang in om a, Nehru Marg ah 10 pairs 20 Metres gukmang in om hi. Bungmual ah 10 pairs 125 metres gukmang in om a, Dorcas Road ah 20 pairs 120 Metres leh 10 pairs 120 Metres gukmang in om nawn hi.
Telephone gui muntamtak ah sau khopkhop gukmang ahihsek ziak in BSNL in leng a gukmang a aomna munteng peh senglou ua huaibanah Cables stock a neihlouh ziak un buai thei mahmah uhi. Telephone gui gukmang ahihziak in mipi tamtak in telephone zattheihlouh himahleh rental piakngai thou thou a athawn in sum tampipi seng in suploh mahmah uhi. Tamveitak guk mang in om sek mahleh, police in a mat khia uh chih thu bangmah zak hinailou hi. Hichibang a guktatna uanglua pen van guk thilte (adiak in public property te) ana leitu ding omkei leh guk hilou ding ahihman in, a leitu leh a gutu akibang gawtna piak hileh guktakna kiamtuan mahmah ding hidan in tamtak apan thutut kingah hi.
IMFAL:
Interview/Viva voce om ding
IMPHAL OCT 24: Social Welfare department nuai a Grade IV post lakna dinga employment exchange a min khaksate’n Interview/Viva Voce a ding admit card October 25, 2007 tan in Directorate of Social Welfare office ah laktheih ding a, Interview/Viva voce leng October 29 apat November 6, 2007 sung zinglam dak 10 teng in, Social Welfare Directorate mun mah ah neih hiding hi. Interview neihni ding leh Roll no. hiai anuai abang ahi.
Oct 29, 1 - 416
Oct 30, 417 - 833
Oct 31, 834 - 1250
Nov 1, 1251 - 1667
Nov 2, 1668 - 2084
Nov 3, 2085 - 2501
Nov 4, 2502 - 2918
Nov 5, 2919 - 3335 leh
Nov 6, 3336 - 3737 ahi.
Huailou in, Manipur State Minorities Commission a Class III leh IV posts lakna dinga interview neih hiding a, Assistant-cum-Computer Operator Nov 3, 2007 11.30am leh Driver-cum-Peon Nov 5, 2007 11.30am ahi. Hiai post adia short listed candidates te min Office notice board ah Nov 2, 2007 in takkhiak hiding hi.
Chess kimawl dingin kuan
IMPHAL OCT 24: Manipur Chess Association in tuni a thusuah abawlna ah, October 28 - Nov 4, 2007 tan Jharkhand state sung Chakradharpur a, International Fide Rating Tournament a kihel dingin, Churachandpur District apat Chess player thum, G. Langchinkham, H.Jogendro Meetei leh K.Thangkhanpau ten tuni'n Imphal nusia uhi.
Huailou in, Manipur Chess Association a Half Yearly Special General Body meeting leng October 28, 2007 zinglam dak 11 in YVO huangsung (opposite MSRTC Yaiskul) Imphal ah om ding chih ahi.
BJP in party hatsemna di’n meeting nei
IMPHAL OCT 24: BJP Manipur Pradesh in apaisa October 22, 2007 in Head office, Nityaipat Chuthek ah District & Mandal Presidents' leh Secretaries level meeting poimohtak Party President Dr. H. Borobabu makaihna in nei uhi.
Hiai meeting neih ahihma in BJP a Vice President lui leh MP hingei (L) Jagadish Prasad Mathur suunna hun leng minute 2 nei uhi. BJP meeting ah, Party principles leh disciplines te District leh Mandal level a hoihtak a zuih ding leh, party hatsemna dia co-ordination hoihtak neih ding genkhom uhi.
Nasep subuai lou din ngen
IMPHAL OCT 24: Govt. of India in Jiri - Tupul railway connectivity neih dia agel Zeliangrong Union (Manipur, Nagaland, Assam) in kipahpih ahihdan uh puangkawm in, hiai nasepna kintak a pat adeih thu uhleng taklang uhi. ZU in ataklat dan in, govt. of India in remote gam dopsangna dia hichibang pan alak kuapeuh in subuailou leh kithuahpihna pezaw ding inleng ngen uhi.
Mi nih kaplum in om nawn; Operation om
IMPHAL OCT 24: Police apat thutut kingah dan in, zan nitak dak 10.30 vel dingin Imphal East district sung Lamlai Police station huamsung a Phaknung kichihna mun ah, Assam Rifle ten helpawl hidia muanmoh khat kaplum ua, ama taksa tunga pat 9mm pistol khat magazine khat leh a tang 5 leng musuah ua, siluang bel RIMS morgue a koih in om hi.
Huailou in, tuni zinglam dak 2 vel ding inleng, Singjamei Police station huamsung Kolou Loubuk kichihna mun ah meltheihlouhten pasal khat kaplum ua, non Manipuri hidia gintak ahi.
Hichibang kal ah, tusun in City Police ten Imphal bazar sung ah combing operation bawl ua, tua ah muanmoh numei 7 tel in mi 23 thudot dingin tonpih uhi. City Police a OC Munal gendan in, tuni a operation kibawl bel, khopi sunga sum buk khenkhat a helpawlte demand lai pia omdia gintak ahihban ah, ahun kibanga Police team group 12 a kikhente’n a neih uh ahi.
PHED employee te khahna din dharna
IMPHAL OCT 24: Helpawl khat in Rs One crore demand uh toh kisai in PHED semtu mi 3 Oct 12, 2007 a amat uh tunitan khah ahihlam theih hilou hi.
Hichibangkal ah, All Manipur PHED workers and employees Association in Khuyathong a PWD konga dharna aneih uh tunitan paitou lai a, PHED staff te khah ding phutna in mun tuamtuam ah leng tuni’n dharna om hi.
Kwakeithel bazar ah TRAU leh Meira Paibi kigawmte’n leng dharna nei ua, tua ah mat a omte a sungkuante uh leh a zi-a-tate uh khualna a kintak a khah dingin ngetna bawl uhi.
Cabinet meeting om; CM kimuhpih
IMPHAL OCT 24: Tuni nitaklam dak 4 vel in tutunga MPSC nuai a MCS/MPS/MFS leh SDC sem dia lathakte’n kimeltheih tuahna dingin, Manipur Chief Minister O. Ibobi Singh ama office ah kimuhpih uhi.
Tunitak mah in leng Cabinet meeting om a, tua ah NIT bawlna ding toh kisai a contract basis a semtute toh kisai genkhom uhi. Tulai in niteng phial in Manipur Cabinet meeting om gige hi’n leng thutut kingah hi.
Livestock census pat hita
IMPHAL OCT 24: India pumpi a kum nga dan jel a neih ahihbang in, Manipur ah leng 18th Quenquinnial Livestock census 2007 kichi October 15, 2007 apat Vety. and Animal Husbandary department in panta hi. Hiai census nuai ah, inn a ganvulhte, Vasate ban ah lou nasepna vanzat tuamtuamte huamsak hidinga, tualou in nga khawina toh kisai vanzatte leng huamding hi. Hichibang census hihna a Manipur mipiten kithuahpihna pedingin leng Vety & AH in ngetna bawl uhi.
JAC of AMTUC & AMGEO in Charter of demand pelut
IMPHAL OCT 24: JAC of AMTUC & AMGEO in, October 17 leh 20, 2007 a General Council meeting a neihna ua, thupukna alak dungzui un, apaisa October 22, 2007 in, Manipur Chief Minister kiang ah, Charter of Demands point 12 pelut uhi.
Charter of demand-te bel, “Merger of 50% DA/DR with Basic pay/pension be effected from 1/4/2004. Hichibang ahihkei leh, 6th Pay Commission report adopt bawlna dia technical defect omthei ding chih ahi; Arrears kibang omte piakkhiak ding. i) 4% DA/DR w.e.f 1/7/2003 to 30/6/2005 (24 months) ii) 5% DA/DR w.e.f 1/7/2006 to 30/9/2007 (15 months) iii) 6% DA/DR w.e.f 1/1/2007 to 30/9/2007 (9 months) iv) 6% DA/DR w.e.f 1/7/2007 leh DA/DR ahun zil a puanjel, Central govt. employees te atoh kibang; Pay Anomalies (ROP 1975 base year pansan) a bawlthak ding,ban ah classification of Posts by the Scale of Pay made equivalent to that of the scale of pay of the Central Govt. with a review of Office memorandum No.19/3/99 FD(PIC) dt. 28/12/2006; Die-in-harness scheme phiat ahihma a paidan zuih thak ding; Consumer Price Index 2007 pansan a Minimum wages fix bawl ding leh arrear omte CPI 2007 dungzui a piakkhiak ding; Allowance tuamtuam Duty allowance, messing allowance, T.A. etc. Home Guards of Manipur te kianga Delhi, Haryana, Goa etc toh kibang piakding; Manipur Home Guards kichi leng Border Wing Home Guards chi a khek ding; Adhoc employees, Casual, Muster Roll leh Work Chared employees te Service protect bawl a regularisation piak ding. Hiai adia Govt. of Manipur leh JAC in 26/6/2006 a MoU agelh dungzui a State Policy bawl ding; GPF lakkhiakna dia monthly ceiling limit koih aom lakkhiak ding; Central Govt. te toh kibanga Group A leh B te adia ACP omsak ding; Para Medical Staffs te adia Patient Care Allowance omsak ding; Manipur polam a medical treatment kul te grade khentuam lou a facility kibang piak ding chih leh Central Govt. employee te toh kibang dia service Age 59 apat 60 hihsak ding” chihte ahi.
Hiai charter of demand ah, K.Madhumangol Singh President, JAC of AMTUC & AMGEO in suaikai hi.
ZNC Day leh Pawi zatna om
Aizawl, Oct 24: Zangkong khua ah tuni’n ZNC kiphuhkhiak nung kum 19 chinna zatna om a, huai ah Zomi Re-Unification Organisation (ZRO) leh Chin National Front in Zomite adia thupha apiak uleh, a nasep khiakte uh genna neih in om a, ZNC in hunpaisa a nasepna aneih te leh maban a asep sawmte utoh kisai leng genna om a, dotna leh dawnna hun leng neih in om hi. Hiai hun ah, Myanmar a Zomite heutu Pu Chin Sian Thang leh Pu Thawng Khua Thang' MP te Jail a a om lel na utoh kisai genkhiak ahih banah, Pu Chin Sian Thang' zi Pi Don Khen Niang leh alawmte apan " Lung laulo aw, Zogam lei aw, Sawt nawnlo ding " chih lasakna om hi’n kigen hi. Tuabangkalah, Tuni in Aizawl khopi ah Khuado Festival (Chin New Year) zatna Vanapa hall ah neih in om a, Zomi inkuan, Aizawl te’n bangkim sai vek uh hi’n kigen a, mi poimoh tamkuamtak in uap hi’n leng thutut kingah hi.
UCM in Manipur dinmun taklatna nei
Imphal, Oct 24: Manipur a NGO lianpenpen a kigen United Committee Manipur (UCM) in tuni a thusuah abawlna uah, Manipur a thil tung tuamtuam te enkim vel uh ahihdan puang in, niteng a buaina leh kithahna a tun gige na toh kisai in Manipur state Government in bangseem uhiam chih dotna bawl uhi. UCM nuai a Information Secretary BM Yaima in ataklatna ah, Manipur in zalenna angah nung a kum huaisepen tukum ahihdan taklang uh a, state Government ading in panlak kitasam ahihdan gen uhi.
UCM thusuak ina genbehna ah, sum neihziak hilou a, maban khualna ziak a New Delhi tualpi a va om North Eastern state numeite sualluih leh bawlsiatna toh kisai uang deuhdeuh ahihdan taklang ua, Union Government leh Delhi Government in bangtan panla ding uhiam chih dong kawm in, state Government kigolh ding in leng deihthu taklang uhi. Tuabanah, UCM in tumadeuh apan helpawl te kal a buaina om ziak in, mi tamtak in Saikul sub-division sung nusia ta uh ahihdan taklang uh a, State in a saifel zoh kei leh, Union Home Ministry tanpha kigolh ding in chialna bawl uhi. UCM in PHED engineer pimang a om te toh kisai in poisakthu puang uh a, tuni tan state Government in panla lou uh ahihdan taklang ua, UCM in a sawk utlouh tan sawk thei dinmun a om ahihdan taklang uhi.
Bru helpawl makaite leh Governor kimu
Aizawl Oct 24(NNN): Tuni in Bru National Liberation Front (BNLF) helpawl makai 3 in Mizoram Governor Lt Gen (R) M.M. Lakhera kimuhpihna nei in, houlimna nei ua, tuazoh in Chief Secretary Haukhum Hauzel toh thu tuamtuam genkhawm nawn uh hi’n kigen hi. BNLF General Secretary lui Bruno Meska in agenna ah, Mizoram Government in BNLF kiang ah thuchiam tampi nei a, memorandum of understanding suaikaih ahihni in thu tuamtuam gen in, BNLF te kipahna ding in thu tamtak gen ua, himahleh, tuni tan in sepbu chin bangmah nei lou uh ahi chih hi.
Amana ban agenzelna ah, Mizoram Government in BNLF te nekle tak kining ching peding leh loh tanpha peding in zol mah le uh tuni tan pha in kuaman Ration card nasan mulou ahihdan gen a, BNLF member mi 1000 vel Mizoram tumlam gam awng kho li ah haksatak in teengsak uh ahi chi hi. Chief Secretary Haukhum Hauzel in leng BNLF makaite kiang ah a thugente uh thunei sangzawte kiang ah tun ding uh ahihdan gen a, zingchiang a kimuhpih nawn ding ahihdan ana hilh hi. BNLF leh Mizoram Government in April 26, 2005 in kilemna suaikai uh a, huai dungzui in, BNLF helpawlte’n a gamnuai pawtsan in a galvan teng uh Government ah pelut uhi.
Army leh Civilian-te unau na bawldik ding
Shillong, Oct 24(NNN): General Officer Commanding (GOC) 101 Area dia mohpuakna lathak Major General K.S.Sethi in tuni in Shillong khopi ah thuthak saite kimuhpihna nei in, huai ah Arm leh mipi kal a buaina om neuhneuhte suveng ding ahihdan gen a, apoimoh leh army official te taidia mansa ahihdan gen hi. General Sethi in agenna ah, khovel a khantouh dungzui in, sepaihte nasan in human rights kichi ngai poimoh mahmah ta ahihdan gen in, mi nautangte toh army kal ah buaina kichi himhim om theilou ahihdan taklang a, ngaih dan kikalh kichi bel a chang a om kha thei ahihdan gen hi. Mipi kuapeuh in army te nasepte doudal mailou a kithuahpih zaw ding in Majar Gen Sethi in chialna bawl a, army te’n kiphatsakna aneih leh, amaute taihilh dia mansa ahihdan gen in, kuapeuh in army headquarter phak thasial lou ding in leng chialna bawl hi.
www.zogam.com
No comments:
Post a Comment