Naupang pimangtu Imphal ah
Lamka Oct 22: Chiengkawnpang apan Master Stelin (7) S/o. L.Thangneilen Kom pimang dia kisa Mr.Thanglal of Matijang hidan a kigen pen a min diktak Mr.Lunminlal Haokip @ Lalboi (25) S/o. Jamkholun Haokip of Khaupijang, Henglep hizaw dan in Lamka Police apan in thutut kingah hi. Hiai Mr. Lunminlal pen thudot ding in Imphal ah zan in Police in posuk uhi.
Campus Recruitment nei
Lamka Oct 22: Guwahati a om Destiny Placement a semtute’n tuni’n CCpur.Govt. College ah Wipro Company, Kolkatta leh Transworld Company, Bangalore a BPO/Call Centre a sem ding recruitment hong bawl uhi. Tulai in mun tuamtuam a Call centre a sem ding in North East apan tuailai laisiam tamtak lak hilel hi. Hiai Destiny Placement a semtute’n Lamka khopi sung a College tuamtuamte ah hoh in interview/recruitment neilel uhi.
SK Oil toh kisai FCS Commissioner kiang tun
Lamka Oct 22: CCpur District in Kha teng a Khawnvaktui (SK Oil) 194 Kilolitres a ngah ding lakah helpawl khenkhatte demand ziak in September 2007 Quota lakah 10 KL chauh Lamka puaktun in om hi.
Hiai toh kisai in Dy.Commissioner, CCpur in Food &Civil Supply Commissioner kiang ah September 2007 quota a samlai 184 KL te Lamka puaktun ahihtheihna ding panlakpih ding in Fax tungtawn in ngetna nei hi.
DFO in Project tuamtuam enkhia
Lamka Oct 22: Divisional Forest Officer/CCpur Mr. Dalzamang Gangte, IFS in amah division sung a Project tuamtuam/Plantation Centre etkhiatna neilel hi. Aman CCpur leh Henglep Sub-Division sung a Project Centre teng enkhinta a/ hun lemtang masa in Singngat, Sagang leh Thanlon Sub-division te etkhe nawn ding hi.
Pensionerte lem kila ding
Lamka Oct 22: Pensioner teng Data/particulars te Computerised nasep paitou jel in hongtung ding October 24&25, 2007 chiang in Treasury Office/CCpur ah Treasury tungtawn a pension la Pensionerte lemlak hiding hi. October 27&28, 2007 sung in United Bank of India (UBI), CCpur Branch tungtawng a pension la Pensioner-te lemlak hiding a, October 30&31, 2007 sung in State Bank of India (SBI),CCpur Branch tungtawn a pension la Pensioner-te lak hinawn ding uhi.
Huailou in SBI/CCpur tungtawn a pension la Mrs. Hauzavung, Mr. Lamkholien, Mr. Thangkhojang, Mr. Kaikholam leh Mrs. Mankhannuom te’n a pension uh toh kisai a a lehkha kepteng uh toh a kintheilam a SBI/CCpur ah a ki-report uh ngai ding hi.
‘Jaanmang Mel’ Video album honna
Lamka Oct 22: (L) Mr. Khatkholal Baite theihgigena dia kibawl ‘Jaanmang Mel’ kichi Thadou Kuki Video Album zingchiang sunnung dak 12:30 in B. Phaicham Veng ah Mr. Thangkholun Haokip, MLA 41/Chandel AC in Chief Guest hihna toh uap kawm in hong khe ding hi. Hiai hunzatna ah Mr. S. Nabachandra, SDO/CCpur in Guest of Honour hihna toh uap ding a Functional President hihna toh Special Contractor Mr. Kaineipau in uap ding hi.
Lacroscopic Surgery pan ding
Lamka Oct 22: Manipur State Government nuai a Hospital teng lak a masapen ding in zingchiang in Lamka Damdawi Inn/District Hospital ah Lacroscopic Surgery(khawl zang a ki-atna) pat hiding hi. Hiai ki-atna khawl zang a ki-atna masapen ding ahihziak in huai khawl zangsiam khenkhat mundang apan in hongpai (goih in om) uhi.
SCWWA Officer bearer thak
Lamka, Oct 22: Senior Citizens & Widows Welfare Association (SCWWA) President in, SCWWA kumnawn vaipaw ding in hiai anuai a te guanthak hi. Amaute ahihleh, President P Thawnkhansuan, Vice President Upa G Thangchinlian, General Secretary K Ginhen, Assistant General Secretary Upa T Vumzalang, Finance Secretary T Tuankhogin leh Treasurer ding in S Sungzapau te hidanin thusuak kingah hi.
Sumpandi Film siansuah hita
Lamka, Oct 22: Angel’s Vision, New Lamka panlakna a kibawlkhia The Sumpandi Returns kichi comedy CD khat siansuah in om ta a, Lamka khopi sung a Laizom, Teddim Road, Tongluang Enterprises leh Angel’s Vision Head Office New Lamka ah chik laipeuh a ngah theih ding hidanin thutut kingah hi.
Chess Tournament ah kuanding
Lamka, Oct 22: Chakradharpur Chess Association te saina in, Oct 28 apan November 11 2007 sung Jharkhand khopi Ranchi ah Chess Tournament om ding a, hiai hun in, Lamka apan Mr G Langchinkham, H Jogendro Meetei leh K Thangkhanpau te va kihel ding uh chih thutut kingah hi. Hiai Chess Tournament ding toh kisai in mi 3 te’n zinghal Oct 24 in Lamka nawsia in Jharkhand zuanding uhi.
Sepna deihte’n Bank Account hon ngai
Lamka, Oct 22: NREGS nuai a sepna deih lem kisa Innkuan kuapeuh in kintak a Bank account ahon uh ngai hidan in S Naga Singh, PO/BDO Lamka TD Block thusuak in taklang hi. Aman agendan in, Lamka Block nuai a sepna neilou Innkuan lunglutna neite’n SBI/UBI/Co-operative Bank nuai khat peuh ah account hongthei ding uh ahihdan taklang in, hun paisa a NREGS nuai a nasepkhiak aneihte uleng ataklat kulding ahihdan gen hi. Tuabanah, Lamka TD Block nuai a Village Authority te’n anuai ua sepna neilou Innkuan omte lemlak kintak a pelut chiat ding in leng zasak uhi.
Contractor meeting om ding
Lamka, Oct 22: Khuga Dam Project pailel a, head work leh Spel way Division nuai a contract neipeuh mah in fund tungtang ah emergency meeting sam uh a, zingchiang (Oct 23) zinglam dak 7 a Pu Vanril Inn, New Lamka ah kimukhawm ding in Local Contractor’s Association, CCPur President in theihsakna bawl hi.
T.K. Hangzo IDAS hongzin ding
IMPHAL OCT 22: North Eastern Council in NE states adia Draft Vision 2020 abawl toh kisai a, Manipur a Public hearing November 2, 2007 a om ding toh kisai in, Govt. of Manipur toh Preparatory meeting neidingin, NEC a Dy. Financial Adviser leh NEC Project Manipur State a Link Officer T.K.Hangzo IDAS in October 23, 2007 in Imphal hongpha ding hi’n thutut kingah hi. Huailou in, NEC apat mah Dr. Gautam Naresh in leng Imphal hongpha ding a, Manipur a Draft Vision 2020 Public hearing November 2, 2007 a om ding toh kisai in, Planning Department a Director K. Mangi Singh Nodal Officer dingin guan in om hi.
Engineer thum te khah din ngen
IMPHAL OCT 22: Imphal East district sung, Lamlai bial Napet Palli mun October 12, 2007 a amat helpawl khat in amat uh, PHED a Engineer thum L. Ibomcha EE, O. Meino AE leh N. Upendra SO te, a sungkuante uh leh azi leh tate khualna a damtak a khah dingin, All Manipur PHED Workers & Employee Association ten ngetna bawl uhi. Tua toh kiton in, PHED Minister, Chief Secretary leh Addl. Chief Secy. PHED ten leng Engineer thumte damtak a khahna dia panla dingin Assn. in ngen uhi.
Application form leh Statement
IMPHAL OCT 22: BSEM nuai a High School Leaving Certificate Examination, 2008 a candidates dingte toh kisai in, Application forms leh Statements of Candidates November 11, 2007 pat BSEM in hawmkhe pan ding hi. Hiai a form te Headmaster/Principal ten Board office apat lak theih dinga, Student ten fine tellou in school ah Dec 12, 2007 in submit theih dia, Fine Rs 50 toh 29/12/2007 tan hithei ding hi. School ten leng Board ah fine tellou in 20/12/2007 tan submit theih dinga, fine Rs 50 tel in 5/1/2008 tan in piaklut theih ding hi.
AMTUC & AMGEO in govt. ah memorandum piaksawm
IMPHAL OCT 22: JAC of AMTUC & AMGEO in Manipur govt. a demand tuamtuam a bawlte uh bangzah hiam pichin hita mahleh, tamkhop pichin louh toh kisai in thusuah bawl ua tua ah, October 17 & 20, 2007 a JAC office Babupara a, JAC of AMTUC & AMGEO in General Council meeting nei ahihdan uh taklang uhi.
Thusuak in a taklat dan in hiai meeting tegel ah, demand pichin louh point 13 omlaite toh kisai Govt. a memorandum piaklut nawn ding lemsa uhi. Hiai demand tuamtuamte pichin ahihkei leh, JAC in hihtheih theih helna tuamtuam patnawn hidingin leng taklang uhi.
Mithum kaplup in om
IMPHAL OCT 22: Police apat kizadan in zan nitak dak 11.30 vel dingin Imphal East district sung, Lamlai Police station huamsunga Kharasom mun ah meltheihlouhten pasal nih kaplum uhi.
Thusuak dan in kaplup a omte ahihleh, N. Mangalsana (22) s/o Manihar leh Y.Angom (22) s/o Mani Yorbung Mamang leikai apat tuak hi ua, hiai misi 2te zan nitak a meltheihlouhten a tenna inn ua pat amat uh hi’n a inkuanpihte un gen uhi. Hiai siluang 2te bel, RIMS morgue a Post mortem bawl ding in koih in om hi.
Thudang khat ah, zan nitak dak 8 vel dingin leng, Lamshang Police station huam sung Takhel Kolom kichihna mun ah meltheihlouhten pasal khat, W. Samungou (48) kichi kaplum ua, amah toh kiton Oken kichi leng naktak in kapliam uhi. Hiai tualthahna toh kisai in tuni’n, Takhel Kolom community hall ah public meeting om a, tua ah tualthahna naktak in mohpaih ua, misi inkuanpihte kiang a ex-gratia piakding leh, tualthah mohpaihna a ni 2 dharna tut ding ban ah, tualthat tute govt. in kintak a suikhe dingin ngen uhi.
UPC Biakinn chim in mi 1 delhlum
October 22, 2007(KN): Chin State, Myanmar ah Biakinn a kikhawm tamtak a omlai un kichim a, tua ah numei 1 si in midang 15 liam uh hi’n Khonungthang News Agency thusuak in taklang hi.
Thusuak in a taklatna ah, Myanmar, Chin State a om Thangtlang Town ah October 14, 2007 nitak dak 7 in United Pentecostal Church (UPC) Biakinn ah khawmpi om in mihing 500 vel Pathian bia a a kikhop laitak un Biakinn kichim a, tua ah numei khat Pi Nuhren (75) si in midang 15 nasatak in liam uhi. Hiai a liamte Hakha Town Hospital ah admit in om vek uh hi’n leng thusuak in taklang hi.
Thusuak in a taklzat zelna ah, hiai khua a khawmpi neihna Biakinn ah mihing 400 vel kia tat theihna ding himahleh khawm tawp ni a kikhawm mipi 500 bang a phak ziak ua Biakinn phuchim kha uh hi’n taklang hi. Hiai liamte bel gim mahmah uh hi’n leng thusuak in taklang hi.
SC Jamir in NSCN IM tung ah dawnna bawl
GB makaite leh Goa Governor Jamir in houlimna nei
Kohima, Oct 22(NNN): Goa Governor lenlel leh Nagaland Chief Minister lui SC Jamir in tun in NSCN IM te’n thahdia avauna utoh kisai in dawnna pia a, heutute nasepkhiak hoihte musit leh kitheihmoh bawl a om pawlpi kichi himhim suakta lou ding ahihdan gen in, Nagate adia zalenna ding kichi Naga mipite utpen hi gige ahihdan taklang in, mi misate zahna piak kitasam ahihdan gen hi. Goa khopi Panaji a Governor tenna Raj Bhavan apan Jamir in ngaihdan tuamtuam sung a, huai hun in, Dimapur apan Naga Nam adia pawlpi poimoh mahmah akigen Gaon Buras (GBs) pawl leng tel uh a, CM lui Jamir in a thu tamtak amaute ana gen khum hi. Phizo, Imkongmeren, Zashei Huire, Kughato, Gen Kaito, Muivah, Isak Swu, Khaplang, P. Shilu, Jasokie, Vizol, Hokishe leh SC Jamir kichite Naga Nam it tu ahihdan SC Jamir in gen a, amau nasep hoihte pampaih a, nasep khelh a neih uh nih le thumte meilet gige pen thil hithei louh ahih dan gen in, heutu masate pahtawidan siam kichipen Nampi bitna dia poimoh mahmah ahi chi hi.
SC Jamir in agenbehna ah, bangziak a ama tung a NSCN (IM) heutulianpen Th Muivah lungkim thei mahmah lou hiam chih tungtang ah, 1980s in aman (Jamir) Chief Minister hihna len a, huai hun in, NSCN khat ah om khawm lai a, NSCN makaite toh kihou ut ahihdan gen mahleh, Muivah in helna khetdaih sawm dan a ngaihtuah ahi chi hi. Jamir in agenbehna ah, huai hun in, Hollohon in Political Advisor hihna len a, Isak Swu sanggampa Shikato, M. Vero, Longrisashi, Pastor Chingam Konyak leh mi dangdang mipoimoh ngen ahihdan gen in, PM Indira Gandhi theihpihna toh kihouna neih ding chih himahleh, Muivah makaih in nialna thupitak om ahi chi hi. Jamir in agenbehna ah, huai in Tuensang District sung NSCN in munpi in nei ua, Muivah tel na in NSCN leader 75, Governor General KV Rao leh amah leng Delhi ah kihouna neidia hoh kha uh ahihdan taklang hi.
Huai hun in, vangtah huaitak in Union Home Minister SB Chavan leh Union Home Secretary Pradhan te’n NSCN makaite sepaih mansak ua, huai toh kiton in NSCN in Arunachal Pradesh ah mi 10 pimang uh ahi chi hi. Hiai tungtang ah SC Jamir matsak bang in NSCN in ngaihtuah ahihdan taklang hi. SC Jamir in agenzelna ah, 3 Corps Commander kiang ah thil omdan zasak pah ahihthu gen a, amah ziak leh Hollohon ziak in NSCN heutute jail apan pawtkhe pah uh ahihdan taklang a, NSCN (IM) 1998 Election apan NSCN IM in hun lemchang lasek ahihdan leng taklang hi. SC Jamir in hunpaisa thu tuamtuam tamtak taklang in, kipumkhat hun ahihdan genkawm in, mikhialte tung a ngaihdam hun ahihdan leng taklang hi.
MCDB in Myanmar zalenna sualpih ding
India PM kiang ah ngetna leh theihsakna piak in om
Aizawl, Oct 22: Mizoram Committee for Democracy in Burma (MCDB) in tuni in India Prime Minister Dr Manmohan Singh kiang ah ngetna khat pelut in, Burmese military Junta toh India kizopna bang thuguk om hiam chih dotna bawl kawm in, khovel in India khohei dan lamdang sa mahmah ahihdan taklang uhi. MCDB in zanhal Oct 20 ni in Aizawl a Mizo Zirlai Pawl Head Office ah press conference tanpha sam in, khovel a democracy lianpen India tuni tan Burma toh kisai a adaih dide pen lamdang sak thu puang ua, India in kintak a a dinmun mipite theihdia apuan zaak hun ahihdan taklang uhi.
MCDB thusuak in ataklatna ah, Myanmar military junta in Chin state tel in state dangdang a om mipite mihing bang a enlou in, gamsa toh tehkhin in, a tung uah vaihawm khum in, mihingte thuneihna leh dikna kichi himhim pampaih in, suak le sal bang a zang uh hi’n ngohna bawl ua, MCDB in Myanmar a zalenna om theihna dia panla sem sem lai ding uh ahihdan hangsan tak in taklang uhi. Tuabanah, MCDB in UN special envoy to Burma Mr. Gambari kiang ah ngetna khat mah pelut in, Myanmar gamsung ah mipite’n thuakgim lawta uh ahihdan zasak uh a, Burma vaihawmtu khen vilvel a deihdan uh taklang uhi. MCDB in ataklat behna uah, Burma in zalenna angah teitei na ding in MCDB in lamchi teng ah thuapding a, zalenna sualpih ding uh ahihdan taklang uhi.
MCDB in India PM kiang ah dolkhaat pelut in, Nobel laureate Aung San Suu Kyi tel a political leader tamtak hentang ahihna uah, tuni tan bang ziak a phelkhiak a om lou hi uhiam chih genkawm in, India adia panlak hun ahihdan PM hilh uhi. MCDB ahihleh, Mizoram state sung a mipoimoh tamtak in a bawl khiak uh hi a, Mizo civil society sung ah Media te tel in student leader tamtak kihelna pawlpi ahi hi.
MNF in kum 46 chinna lawm
Aizawl Oct 22(NNN): Mizo National Front (MNF) in tuni in Hnam Run mun ah kum 46 a chinna uh lawm uh a, huai ah, MNF president leh chief minister Zoramthanga
in khuallian hihna toh uap in, thugenna nei a, Mizo te’ Nam itdan (nationalism) toh kisai uangtak in gen a, Nam it taktak te kipawlkhawmna pawlpi ahihdan taklang a,
Mizoram People's Conference hiam Zoram Nationalist Party dan maimai hilou ahi chi hi. MNF kichi Mizoram a state party lianpen leh upa pen ahihdan taklang in, President masapen Laldenga paipih dan policy leh ngaihdan te tuni tan a kizang den tou charchar ahi chi’n Zoramthang a in gen hi.
Zoramthanga in agenbehna ah, Laldenga in Pathian mahmah pibawl ahihdan gen in, huai mah MNF paipih hilai ahihdan gen a, mihausa sang in mi zawng leh gentheite kankuah kichi MNF paidan ahi chi hi. Pathiani in Israel te saltanna apan pikhedia Mosi azat bang in, Mizo te saltanna leh buaina apan hunkhedia MNF Solkar dingkhia ahihdan gen a, kum 46 paisa te a ngaihtuah khak chiang in, khitui-naptui in tumzel ahihthu leng Zoramthang a in mipi paikhawmte mai ah gen hi. MNF vice-president Tawnluia in agenna ah, Election naih ziak in, Congress tel in pawpi tuamtuam kisalah tak in om mahle uh, party diktak MNF kaan omlou ahihdan Mizo upate’n thei mahmah ua, 1964 hun leh tuhun kal bukthei mipi tamzaw om lai ahihdan gen in, MNF solkar phathuai dan gen hi.
Hangsanman award dongding
Aizawl, Oct 22(NNN): Kolasib District SP Lalbiakthanga Khiangte in tuni in Mizoram Police chief kiang ah lehkha khat pelut in, huai ah, Antony
Lalmalsawma leh Lalpianmawia te’n hangsanman award kichi ngah thei ding uh ahihdan gen in, Sumo service khat pikawisawmte tung a agamtatdan uh etton tham ching a, Bravery Award ngah tak mah uh ahi chi hi. SP Khiangte in sepaih 2 te gamtatdan toh kisai gelh in, Cachar ah October 12 ni in mi 8 vel in Tata sumo khat pikawi sawm ua, 2nd Assam Regiment a semlel Anthony Lalmalsawma s/o
Lalbiakzuala, Zemabawk leh Lalpianmawia s/o Thuamsanga,
Bawngkawn Chhim Veng te tuangkha in mikhelte toh kihon sual uh ahihdan taklang hi. Hiai kisualna ah Anthony in liamna tuak a, Silchar Medical College ah puaklut in om hial a, sepaih 2 te thupidan pe’n India mite adia etton tham ching ahi chi hi.
Source: www.zogm.com [bridging the zomi]
Lamka Oct 22: Chiengkawnpang apan Master Stelin (7) S/o. L.Thangneilen Kom pimang dia kisa Mr.Thanglal of Matijang hidan a kigen pen a min diktak Mr.Lunminlal Haokip @ Lalboi (25) S/o. Jamkholun Haokip of Khaupijang, Henglep hizaw dan in Lamka Police apan in thutut kingah hi. Hiai Mr. Lunminlal pen thudot ding in Imphal ah zan in Police in posuk uhi.
Campus Recruitment nei
Lamka Oct 22: Guwahati a om Destiny Placement a semtute’n tuni’n CCpur.Govt. College ah Wipro Company, Kolkatta leh Transworld Company, Bangalore a BPO/Call Centre a sem ding recruitment hong bawl uhi. Tulai in mun tuamtuam a Call centre a sem ding in North East apan tuailai laisiam tamtak lak hilel hi. Hiai Destiny Placement a semtute’n Lamka khopi sung a College tuamtuamte ah hoh in interview/recruitment neilel uhi.
SK Oil toh kisai FCS Commissioner kiang tun
Lamka Oct 22: CCpur District in Kha teng a Khawnvaktui (SK Oil) 194 Kilolitres a ngah ding lakah helpawl khenkhatte demand ziak in September 2007 Quota lakah 10 KL chauh Lamka puaktun in om hi.
Hiai toh kisai in Dy.Commissioner, CCpur in Food &Civil Supply Commissioner kiang ah September 2007 quota a samlai 184 KL te Lamka puaktun ahihtheihna ding panlakpih ding in Fax tungtawn in ngetna nei hi.
DFO in Project tuamtuam enkhia
Lamka Oct 22: Divisional Forest Officer/CCpur Mr. Dalzamang Gangte, IFS in amah division sung a Project tuamtuam/Plantation Centre etkhiatna neilel hi. Aman CCpur leh Henglep Sub-Division sung a Project Centre teng enkhinta a/ hun lemtang masa in Singngat, Sagang leh Thanlon Sub-division te etkhe nawn ding hi.
Pensionerte lem kila ding
Lamka Oct 22: Pensioner teng Data/particulars te Computerised nasep paitou jel in hongtung ding October 24&25, 2007 chiang in Treasury Office/CCpur ah Treasury tungtawn a pension la Pensionerte lemlak hiding hi. October 27&28, 2007 sung in United Bank of India (UBI), CCpur Branch tungtawng a pension la Pensioner-te lemlak hiding a, October 30&31, 2007 sung in State Bank of India (SBI),CCpur Branch tungtawn a pension la Pensioner-te lak hinawn ding uhi.
Huailou in SBI/CCpur tungtawn a pension la Mrs. Hauzavung, Mr. Lamkholien, Mr. Thangkhojang, Mr. Kaikholam leh Mrs. Mankhannuom te’n a pension uh toh kisai a a lehkha kepteng uh toh a kintheilam a SBI/CCpur ah a ki-report uh ngai ding hi.
‘Jaanmang Mel’ Video album honna
Lamka Oct 22: (L) Mr. Khatkholal Baite theihgigena dia kibawl ‘Jaanmang Mel’ kichi Thadou Kuki Video Album zingchiang sunnung dak 12:30 in B. Phaicham Veng ah Mr. Thangkholun Haokip, MLA 41/Chandel AC in Chief Guest hihna toh uap kawm in hong khe ding hi. Hiai hunzatna ah Mr. S. Nabachandra, SDO/CCpur in Guest of Honour hihna toh uap ding a Functional President hihna toh Special Contractor Mr. Kaineipau in uap ding hi.
Lacroscopic Surgery pan ding
Lamka Oct 22: Manipur State Government nuai a Hospital teng lak a masapen ding in zingchiang in Lamka Damdawi Inn/District Hospital ah Lacroscopic Surgery(khawl zang a ki-atna) pat hiding hi. Hiai ki-atna khawl zang a ki-atna masapen ding ahihziak in huai khawl zangsiam khenkhat mundang apan in hongpai (goih in om) uhi.
SCWWA Officer bearer thak
Lamka, Oct 22: Senior Citizens & Widows Welfare Association (SCWWA) President in, SCWWA kumnawn vaipaw ding in hiai anuai a te guanthak hi. Amaute ahihleh, President P Thawnkhansuan, Vice President Upa G Thangchinlian, General Secretary K Ginhen, Assistant General Secretary Upa T Vumzalang, Finance Secretary T Tuankhogin leh Treasurer ding in S Sungzapau te hidanin thusuak kingah hi.
Sumpandi Film siansuah hita
Lamka, Oct 22: Angel’s Vision, New Lamka panlakna a kibawlkhia The Sumpandi Returns kichi comedy CD khat siansuah in om ta a, Lamka khopi sung a Laizom, Teddim Road, Tongluang Enterprises leh Angel’s Vision Head Office New Lamka ah chik laipeuh a ngah theih ding hidanin thutut kingah hi.
Chess Tournament ah kuanding
Lamka, Oct 22: Chakradharpur Chess Association te saina in, Oct 28 apan November 11 2007 sung Jharkhand khopi Ranchi ah Chess Tournament om ding a, hiai hun in, Lamka apan Mr G Langchinkham, H Jogendro Meetei leh K Thangkhanpau te va kihel ding uh chih thutut kingah hi. Hiai Chess Tournament ding toh kisai in mi 3 te’n zinghal Oct 24 in Lamka nawsia in Jharkhand zuanding uhi.
Sepna deihte’n Bank Account hon ngai
Lamka, Oct 22: NREGS nuai a sepna deih lem kisa Innkuan kuapeuh in kintak a Bank account ahon uh ngai hidan in S Naga Singh, PO/BDO Lamka TD Block thusuak in taklang hi. Aman agendan in, Lamka Block nuai a sepna neilou Innkuan lunglutna neite’n SBI/UBI/Co-operative Bank nuai khat peuh ah account hongthei ding uh ahihdan taklang in, hun paisa a NREGS nuai a nasepkhiak aneihte uleng ataklat kulding ahihdan gen hi. Tuabanah, Lamka TD Block nuai a Village Authority te’n anuai ua sepna neilou Innkuan omte lemlak kintak a pelut chiat ding in leng zasak uhi.
Contractor meeting om ding
Lamka, Oct 22: Khuga Dam Project pailel a, head work leh Spel way Division nuai a contract neipeuh mah in fund tungtang ah emergency meeting sam uh a, zingchiang (Oct 23) zinglam dak 7 a Pu Vanril Inn, New Lamka ah kimukhawm ding in Local Contractor’s Association, CCPur President in theihsakna bawl hi.
T.K. Hangzo IDAS hongzin ding
IMPHAL OCT 22: North Eastern Council in NE states adia Draft Vision 2020 abawl toh kisai a, Manipur a Public hearing November 2, 2007 a om ding toh kisai in, Govt. of Manipur toh Preparatory meeting neidingin, NEC a Dy. Financial Adviser leh NEC Project Manipur State a Link Officer T.K.Hangzo IDAS in October 23, 2007 in Imphal hongpha ding hi’n thutut kingah hi. Huailou in, NEC apat mah Dr. Gautam Naresh in leng Imphal hongpha ding a, Manipur a Draft Vision 2020 Public hearing November 2, 2007 a om ding toh kisai in, Planning Department a Director K. Mangi Singh Nodal Officer dingin guan in om hi.
Engineer thum te khah din ngen
IMPHAL OCT 22: Imphal East district sung, Lamlai bial Napet Palli mun October 12, 2007 a amat helpawl khat in amat uh, PHED a Engineer thum L. Ibomcha EE, O. Meino AE leh N. Upendra SO te, a sungkuante uh leh azi leh tate khualna a damtak a khah dingin, All Manipur PHED Workers & Employee Association ten ngetna bawl uhi. Tua toh kiton in, PHED Minister, Chief Secretary leh Addl. Chief Secy. PHED ten leng Engineer thumte damtak a khahna dia panla dingin Assn. in ngen uhi.
Application form leh Statement
IMPHAL OCT 22: BSEM nuai a High School Leaving Certificate Examination, 2008 a candidates dingte toh kisai in, Application forms leh Statements of Candidates November 11, 2007 pat BSEM in hawmkhe pan ding hi. Hiai a form te Headmaster/Principal ten Board office apat lak theih dinga, Student ten fine tellou in school ah Dec 12, 2007 in submit theih dia, Fine Rs 50 toh 29/12/2007 tan hithei ding hi. School ten leng Board ah fine tellou in 20/12/2007 tan submit theih dinga, fine Rs 50 tel in 5/1/2008 tan in piaklut theih ding hi.
AMTUC & AMGEO in govt. ah memorandum piaksawm
IMPHAL OCT 22: JAC of AMTUC & AMGEO in Manipur govt. a demand tuamtuam a bawlte uh bangzah hiam pichin hita mahleh, tamkhop pichin louh toh kisai in thusuah bawl ua tua ah, October 17 & 20, 2007 a JAC office Babupara a, JAC of AMTUC & AMGEO in General Council meeting nei ahihdan uh taklang uhi.
Thusuak in a taklat dan in hiai meeting tegel ah, demand pichin louh point 13 omlaite toh kisai Govt. a memorandum piaklut nawn ding lemsa uhi. Hiai demand tuamtuamte pichin ahihkei leh, JAC in hihtheih theih helna tuamtuam patnawn hidingin leng taklang uhi.
Mithum kaplup in om
IMPHAL OCT 22: Police apat kizadan in zan nitak dak 11.30 vel dingin Imphal East district sung, Lamlai Police station huamsunga Kharasom mun ah meltheihlouhten pasal nih kaplum uhi.
Thusuak dan in kaplup a omte ahihleh, N. Mangalsana (22) s/o Manihar leh Y.Angom (22) s/o Mani Yorbung Mamang leikai apat tuak hi ua, hiai misi 2te zan nitak a meltheihlouhten a tenna inn ua pat amat uh hi’n a inkuanpihte un gen uhi. Hiai siluang 2te bel, RIMS morgue a Post mortem bawl ding in koih in om hi.
Thudang khat ah, zan nitak dak 8 vel dingin leng, Lamshang Police station huam sung Takhel Kolom kichihna mun ah meltheihlouhten pasal khat, W. Samungou (48) kichi kaplum ua, amah toh kiton Oken kichi leng naktak in kapliam uhi. Hiai tualthahna toh kisai in tuni’n, Takhel Kolom community hall ah public meeting om a, tua ah tualthahna naktak in mohpaih ua, misi inkuanpihte kiang a ex-gratia piakding leh, tualthah mohpaihna a ni 2 dharna tut ding ban ah, tualthat tute govt. in kintak a suikhe dingin ngen uhi.
UPC Biakinn chim in mi 1 delhlum
October 22, 2007(KN): Chin State, Myanmar ah Biakinn a kikhawm tamtak a omlai un kichim a, tua ah numei 1 si in midang 15 liam uh hi’n Khonungthang News Agency thusuak in taklang hi.
Thusuak in a taklatna ah, Myanmar, Chin State a om Thangtlang Town ah October 14, 2007 nitak dak 7 in United Pentecostal Church (UPC) Biakinn ah khawmpi om in mihing 500 vel Pathian bia a a kikhop laitak un Biakinn kichim a, tua ah numei khat Pi Nuhren (75) si in midang 15 nasatak in liam uhi. Hiai a liamte Hakha Town Hospital ah admit in om vek uh hi’n leng thusuak in taklang hi.
Thusuak in a taklzat zelna ah, hiai khua a khawmpi neihna Biakinn ah mihing 400 vel kia tat theihna ding himahleh khawm tawp ni a kikhawm mipi 500 bang a phak ziak ua Biakinn phuchim kha uh hi’n taklang hi. Hiai liamte bel gim mahmah uh hi’n leng thusuak in taklang hi.
SC Jamir in NSCN IM tung ah dawnna bawl
GB makaite leh Goa Governor Jamir in houlimna nei
Kohima, Oct 22(NNN): Goa Governor lenlel leh Nagaland Chief Minister lui SC Jamir in tun in NSCN IM te’n thahdia avauna utoh kisai in dawnna pia a, heutute nasepkhiak hoihte musit leh kitheihmoh bawl a om pawlpi kichi himhim suakta lou ding ahihdan gen in, Nagate adia zalenna ding kichi Naga mipite utpen hi gige ahihdan taklang in, mi misate zahna piak kitasam ahihdan gen hi. Goa khopi Panaji a Governor tenna Raj Bhavan apan Jamir in ngaihdan tuamtuam sung a, huai hun in, Dimapur apan Naga Nam adia pawlpi poimoh mahmah akigen Gaon Buras (GBs) pawl leng tel uh a, CM lui Jamir in a thu tamtak amaute ana gen khum hi. Phizo, Imkongmeren, Zashei Huire, Kughato, Gen Kaito, Muivah, Isak Swu, Khaplang, P. Shilu, Jasokie, Vizol, Hokishe leh SC Jamir kichite Naga Nam it tu ahihdan SC Jamir in gen a, amau nasep hoihte pampaih a, nasep khelh a neih uh nih le thumte meilet gige pen thil hithei louh ahih dan gen in, heutu masate pahtawidan siam kichipen Nampi bitna dia poimoh mahmah ahi chi hi.
SC Jamir in agenbehna ah, bangziak a ama tung a NSCN (IM) heutulianpen Th Muivah lungkim thei mahmah lou hiam chih tungtang ah, 1980s in aman (Jamir) Chief Minister hihna len a, huai hun in, NSCN khat ah om khawm lai a, NSCN makaite toh kihou ut ahihdan gen mahleh, Muivah in helna khetdaih sawm dan a ngaihtuah ahi chi hi. Jamir in agenbehna ah, huai hun in, Hollohon in Political Advisor hihna len a, Isak Swu sanggampa Shikato, M. Vero, Longrisashi, Pastor Chingam Konyak leh mi dangdang mipoimoh ngen ahihdan gen in, PM Indira Gandhi theihpihna toh kihouna neih ding chih himahleh, Muivah makaih in nialna thupitak om ahi chi hi. Jamir in agenbehna ah, huai in Tuensang District sung NSCN in munpi in nei ua, Muivah tel na in NSCN leader 75, Governor General KV Rao leh amah leng Delhi ah kihouna neidia hoh kha uh ahihdan taklang hi.
Huai hun in, vangtah huaitak in Union Home Minister SB Chavan leh Union Home Secretary Pradhan te’n NSCN makaite sepaih mansak ua, huai toh kiton in NSCN in Arunachal Pradesh ah mi 10 pimang uh ahi chi hi. Hiai tungtang ah SC Jamir matsak bang in NSCN in ngaihtuah ahihdan taklang hi. SC Jamir in agenzelna ah, 3 Corps Commander kiang ah thil omdan zasak pah ahihthu gen a, amah ziak leh Hollohon ziak in NSCN heutute jail apan pawtkhe pah uh ahihdan taklang a, NSCN (IM) 1998 Election apan NSCN IM in hun lemchang lasek ahihdan leng taklang hi. SC Jamir in hunpaisa thu tuamtuam tamtak taklang in, kipumkhat hun ahihdan genkawm in, mikhialte tung a ngaihdam hun ahihdan leng taklang hi.
MCDB in Myanmar zalenna sualpih ding
India PM kiang ah ngetna leh theihsakna piak in om
Aizawl, Oct 22: Mizoram Committee for Democracy in Burma (MCDB) in tuni in India Prime Minister Dr Manmohan Singh kiang ah ngetna khat pelut in, Burmese military Junta toh India kizopna bang thuguk om hiam chih dotna bawl kawm in, khovel in India khohei dan lamdang sa mahmah ahihdan taklang uhi. MCDB in zanhal Oct 20 ni in Aizawl a Mizo Zirlai Pawl Head Office ah press conference tanpha sam in, khovel a democracy lianpen India tuni tan Burma toh kisai a adaih dide pen lamdang sak thu puang ua, India in kintak a a dinmun mipite theihdia apuan zaak hun ahihdan taklang uhi.
MCDB thusuak in ataklatna ah, Myanmar military junta in Chin state tel in state dangdang a om mipite mihing bang a enlou in, gamsa toh tehkhin in, a tung uah vaihawm khum in, mihingte thuneihna leh dikna kichi himhim pampaih in, suak le sal bang a zang uh hi’n ngohna bawl ua, MCDB in Myanmar a zalenna om theihna dia panla sem sem lai ding uh ahihdan hangsan tak in taklang uhi. Tuabanah, MCDB in UN special envoy to Burma Mr. Gambari kiang ah ngetna khat mah pelut in, Myanmar gamsung ah mipite’n thuakgim lawta uh ahihdan zasak uh a, Burma vaihawmtu khen vilvel a deihdan uh taklang uhi. MCDB in ataklat behna uah, Burma in zalenna angah teitei na ding in MCDB in lamchi teng ah thuapding a, zalenna sualpih ding uh ahihdan taklang uhi.
MCDB in India PM kiang ah dolkhaat pelut in, Nobel laureate Aung San Suu Kyi tel a political leader tamtak hentang ahihna uah, tuni tan bang ziak a phelkhiak a om lou hi uhiam chih genkawm in, India adia panlak hun ahihdan PM hilh uhi. MCDB ahihleh, Mizoram state sung a mipoimoh tamtak in a bawl khiak uh hi a, Mizo civil society sung ah Media te tel in student leader tamtak kihelna pawlpi ahi hi.
MNF in kum 46 chinna lawm
Aizawl Oct 22(NNN): Mizo National Front (MNF) in tuni in Hnam Run mun ah kum 46 a chinna uh lawm uh a, huai ah, MNF president leh chief minister Zoramthanga
in khuallian hihna toh uap in, thugenna nei a, Mizo te’ Nam itdan (nationalism) toh kisai uangtak in gen a, Nam it taktak te kipawlkhawmna pawlpi ahihdan taklang a,
Mizoram People's Conference hiam Zoram Nationalist Party dan maimai hilou ahi chi hi. MNF kichi Mizoram a state party lianpen leh upa pen ahihdan taklang in, President masapen Laldenga paipih dan policy leh ngaihdan te tuni tan a kizang den tou charchar ahi chi’n Zoramthang a in gen hi.
Zoramthanga in agenbehna ah, Laldenga in Pathian mahmah pibawl ahihdan gen in, huai mah MNF paipih hilai ahihdan gen a, mihausa sang in mi zawng leh gentheite kankuah kichi MNF paidan ahi chi hi. Pathiani in Israel te saltanna apan pikhedia Mosi azat bang in, Mizo te saltanna leh buaina apan hunkhedia MNF Solkar dingkhia ahihdan gen a, kum 46 paisa te a ngaihtuah khak chiang in, khitui-naptui in tumzel ahihthu leng Zoramthang a in mipi paikhawmte mai ah gen hi. MNF vice-president Tawnluia in agenna ah, Election naih ziak in, Congress tel in pawpi tuamtuam kisalah tak in om mahle uh, party diktak MNF kaan omlou ahihdan Mizo upate’n thei mahmah ua, 1964 hun leh tuhun kal bukthei mipi tamzaw om lai ahihdan gen in, MNF solkar phathuai dan gen hi.
Hangsanman award dongding
Aizawl, Oct 22(NNN): Kolasib District SP Lalbiakthanga Khiangte in tuni in Mizoram Police chief kiang ah lehkha khat pelut in, huai ah, Antony
Lalmalsawma leh Lalpianmawia te’n hangsanman award kichi ngah thei ding uh ahihdan gen in, Sumo service khat pikawisawmte tung a agamtatdan uh etton tham ching a, Bravery Award ngah tak mah uh ahi chi hi. SP Khiangte in sepaih 2 te gamtatdan toh kisai gelh in, Cachar ah October 12 ni in mi 8 vel in Tata sumo khat pikawi sawm ua, 2nd Assam Regiment a semlel Anthony Lalmalsawma s/o
Lalbiakzuala, Zemabawk leh Lalpianmawia s/o Thuamsanga,
Bawngkawn Chhim Veng te tuangkha in mikhelte toh kihon sual uh ahihdan taklang hi. Hiai kisualna ah Anthony in liamna tuak a, Silchar Medical College ah puaklut in om hial a, sepaih 2 te thupidan pe’n India mite adia etton tham ching ahi chi hi.
Source: www.zogm.com [bridging the zomi]
No comments:
Post a Comment