MLA leh CDSU in Singngat bial enkhe ding
Lamka Oct 23: Singngat Assembly Constituency sung a Government Programme leh Scheme tuamtuam tungtawn a sep-le-bawl a omte ahiding bangtak a sepsuah a om hina hiam chih enkhe ding in bialtu MLA Pu T. Hangkhanpao leh CDSU in hongtung ding October 25-26, 2007 sung in Singngat AC sung phakual ding uhi. Hiai hun ah abiktak in Tedim Road bawllel a ompen etkhiatna neideuh ding ua, hiai toh kisai in mimal leh pawltuamtuamte’n mipi hoihna’ng ngimna a kithuahpih chiat ding in CDSU in ngen hi.
NSCN IM in SC Jamir tung ah dawnna pia - Jamir nasepkhiakte NSCN IM in hoihtak in kembit
Dimapur, Oct 23(NNN): NSCN-IM leh SC Jamir kal ah kitheihsiamlouhna in mailam nawtzel ding in kilang a, tuni newspaper issue tuamtuam a SC Jamir thugen suahkhiak a om toh kisai in tu nitaklam in NSCN IM in dawnna pia in, Goa Governor leh Nagaland Chief Minister lui SC Jamir amah leh amah Naga heutu dan a kibawl ahihdan gen uhi. NSCN-IM thusuak in ataklat zelna ah, Naga helpawl kiphut khia in, sisan tampi luangkheta a, tamtak te khebei, mit bei, khut bei in om ta ua, tamtak in hinna tan in, gamnuai ah mihai leh gamsa bang a khosa tamtak om in, Naga Nampi a itna uh kipsem sem a, Naga Movement hattak a apailai a, Goa Governor tutphah a pan ut teng a siatkhiak pe’n thil hithei mawk lou ahi chi uhi.
NSCN IM thusuak in agenbehna uah, SC Jamir in Uncle Phizo zahtak leh etton tham ching heutu bang a pom ahihleh, bangziak a Phizo sihma a kithuahpihna pelou a, a sihkhit nung a, a ut teng sekhia hiam chi’n dotna bawl ua, Nehru in 1963 a Prime Minister alet hunlai a, Phizo toh a kimuh ding uh SC Jamir in alangtang a bangziak a dou sese adi chi uhi. NSCN IM nuai a Ministry of Publicity thusuak in agenbehna ah, NSCN-IM in Naga Movement toh kisai in document hoihtak a nei ahihdan gen in, mi hoih leh mi siangthoute lehkhabu a kembit ahihdan genkawm in, Nagate helna doutu heutu om sunsunte theilawm mahmah uh ahihdan genkawm in, a poimoh hun hun in lakkhe thei ding uh ahihdan taklang uhi. NSNC IM thusuak in agenbehna ah, SC Jamir in 1960s kum in Nagaland CM P.Shilu Ao kiang ah nuihzat huaitak a Naga helpawl toh kihoulou ding in ana ngen a, phetlou in, Naga helpawl toh kihouna a om ngeingei leh Naga leitang siiknawn lou ding ahihdan gen chi uhi.
SC Jamir in mipi mai ah 1971 kum in Naga helpawlte thil tup bangmah lou suak ding a, chih phetlouh in, lamkhuang I neek zoh a, a tang I siat khiak bang in, India Government in Naga helpawlte sekhe lel ding ahi chi a, a copy nasan om lai ahihdan taklang uhi. NSCN IM thusuak in agenbehna ah, SC Jamir leh Dr. Imkongliba Ao te hoihtak in ki khutzop uh a, NPC (Naga People's Convention) ah Dr Ao in Chairman hihna la a, Naga helpawl te deihlouh thei gegu kawm a, 16 Points Agreement a kaih ziak in August 1961 in ahinna beita ahihdan taklang ua, SC Jamir sang in Dr Ao in nasem hoihzaw lai ahihdan taklang ua, huai in thil tamtak gen ahi chi uhi. 1998 Assembly election toh kisai SC Jamir in NSCN IM tung a ngohna abawl val lodeuh hilou hiam chikawm in, Indo-Naga peace talk paihoihna dia na a septe uh SC Jamir soisel vual ding hilou ahihdan taklang ua, Nagate kipumkhatna ding daltu NSCN IM sung mah ah om ngei a, huaite leng koih khiak ahih dungzui in, midangte leng koih khiak siang hilou hia chih dotna leh hilhchetna SC Jamir kiang ah bawl uhi. A zahtak huai mahmah Goa Governor SC Jamir in NSCN IM kiang ah thupha hoihtak a tawi a, pupa dan a ngaihdam a nget ma sang NSCN IM in atung ah thupukna a laksa bangziak a zukkik mawkmawk ding uhiam chi’n gen uhi.
COP Society in laibu hongkhe ding
Lamka, Oct 23: Civil Officer Pensioners Society of Churachandpur pawl in zingchiang Oct 24 zinglam dak 7 in H Nengsong Inn, Eden Huan ah, The Bye Laws and Bio-data of members of COP Society kichi honkhiakna neiding uhi. Huai hun ah, Rev Dr. Lalrosiem Songate, General Director, ECCI/CCP in Chief Guest hihna toh hiai hun uap ding hi.
SCWWA makai thak ding guang
Lamka Oct 23: Senior Citizens & Widows Welfare Association a President thak deihna bang in Office bearer thak ding guanna apaisa October 20, 2007 in neih in om hi.
Huai dungjui in Office bearer thakte bel President- P. Thawnkhansuan, Vice-President - Upa G. Thangchinlian, Gen. Secy. K. Ginhen, Asst. Secy.- Upa T. Vumzalang, Fin. Secy- T. Tuankhogin leh Treasurer- Sungzapau te hi uhi.
SHG meeting ding
Lamka Oct 23: ICDS Project nuai a Self Help Group (SHG) teng in gongtung ding October 24, 2007 zing dak 10:00 in ICDS Office, CCpur ah meeting nei ding uhi.Hiai hun ah SHG teng apan member 3 chiat tel ngai ding hidan in CDPO/CCpur apan in kiza hi.
Rastriya Sankalp Diwas zat hiding
Lamka Oct 23: India Prime Minister lui Phamsa Indira Gandhi kaplup ahih ni theihgigena in hongtung ding October 31, 2007 chiang in gamsung pumpi ah Rastriya Sankalp Diwas zat hiding hi. Hiai ni’n Youth Rally thupi taktak mun tuamtuam ah neih hiding a, CCpur District ah leng hiai ni zat hiding hi.
Guv Golden Jubilee uap ding
Lamka Oct - 23: Donbosco High School, Lamka in hong tung ding October 26, 2007 sunnung dak 11 in school campus ah thupitak in Golden Jubilee lawm ding uhi.
Hiai hun zatna ah, Manipur Governor Dr. S.S. Sidhu khuallian in pang ding a, Most Rev. Josepth Mittathany, D.D., Archibishop Emeritus, Imphal leh Pu T.N. Haokip, Hon’ble Minister, PHED/IPR/Tourism in Functional President leh Guest of Honour hihna toh uap ding uhi.
Thutut kingah dan in, hiai ni sunnung dak 12:30 in Lamka Damdawi Inn etkhe ding a, dak 1:10 in DC Office ah NH-150 leh BRO dinmun briefing nei ding hi. Dak 1:45 in DC Office mah ah Public Leader-te toh houlimna hun zang ding a, sunnung dak 3:00 in Lamka nusia in Imphal zuan nawn ding hi.
CCpur Team Final kimawl ding
Lamka Oct 23: All Manipur Football Assn. (AMFA) saina a Inter-District Football Tournament (under-19) neihlel ah CCpur Team in zan in Kakching 5-4 a zou in final kai ua, October 25, 2007 sunnung dak 1:00 in Polo Ground ah Imphal East team toh Final kimawl ding uhi.
Admit Card laktheih
Lamka Oct 23: Social Welfare Department nuai a Grade-IV lakna ding a interview a teldingte’n mahni passport size lemlak copy 2 leh Employment exchange a registration Card tawi in Social Welfare Office, Imphal ah Admit card ding laktheihta hi. Personal interview bel hongtung ding October 29, 2007 in kipan ding hi.
Laparoscopic Surgery lohching
Lamka Oct 23: Lamka Damdawi Inn ah tuni’n Manipur State Government nuai a Hospital teng lak a masapen ding in laparascopic surgery lohchingtak in zoh in om hi. Dr. Somorjit Singh in Laparoscopic zang in Ms. Mithu Dhar (20) D/o. Khogen of Hill Town gilpeng aat a, sunnung dak 1:20 in lohchingtak in zou hi.
E Roll revision nei ding
Lamka Oct 23: Election Commission of India deihna bang in Summary Revision of Electoral Roll 2008 neih hiding hi.
Hiai toh kisai in hongtung ding November 2, 2007 tan in kisakkholhna teng zoh siang hiding a, November 5, 2007 tan in draft piblocation of Roll zoh hiding hi. November 5-21, 2007 sung in Polling Station teng a Designated Officer leh a Assistantte tungtawn in claim leh objection bawltheih ahihding banah min khumlut theih ding hi. December 13, 2007 tan in claim leh objection teng paih hiding a, January 7, 2008 tan in khumlut, paih leh bawldikding teng zoh hiding a, January 10, 2007 tan in Electoral Roll thak sutkhiat hita ding hi.
Hiai toh kisai in hongtung ding October 30, 2007 sunnung dak 3:00 in Imphal a Old Secretariat South Building a Main Conference Hall ah CEO Manipur makaih in meeting om ding hi. Tulai a Electoral Photo Identity Card (EPIC) a ding a lemlakna neihlel pen bel ngeina bang in sutzop hiding hi.
ZSF in CM ah Reminder khak
Lamka Oct 23: Zomi Students Federation (ZSF) in Guite Road puahphatna toh kisai BRO khut a pekhe ding a CM a hun sawtkuamtak paita apan ngetna a piak uh bangmah sepsuah omlouh ziakin tuni’n a thak in Chief Minister kiang ah Reminder khak nawn uhi.
ZSF thusuak in ataklatna ah, ZSF leh Government in Guite Road nasepna BRO khut a piak ding a MoU a kaihsa uh ahihbanah, 2nd Sept. 2006 a Manipur Cabinet in leng lem a saksa uh hi a, hong tung ding November 4, 2007 tan a Cabinet in BRO khut a piak ding a panlakna a neih kei ua leh ZSF in a dinmun uh inches khat leng nungtolh lou ding uh hi’n taklang uhi.
Mun tuamtuam ah bomb paihkhum in om
IMPHAL OCT 23: Manipur ah tulai in kaplup, bomb paihkhum leh kimat chihte niteng phial a thiltung ahih toh kiton in Manipur Police in law and order dinmun toh kisai in mun tuamtuam a frisking leh checking bawl gige ua, niteng phial mah in helpawl tuamtuam matkhiak leng nei gige ua, himahleh galvan tawi pawl bel zalentak in gamta thei thou uhi.
Police apat kizadan in tuni zinglam baihtak dak 2 vel dingin, Thoubal Police station huamsung Heirok part I kichihna mun ah, meltheihlouh helpawl hidia gintakte’n N. Raja (27) kichi a lupna tung ah va kaplum uhi.
Huailou in, zan nitak dak 9 vel ding inleng Lamphel Police station huamsung Sanakeithel ah Inn a omlai numei leh pasal khat meltheihlouh helpawl hidia gintakte mah in, vakap liam ua, RIMS ah etkawl hilel uhi.
Hiai toh kisai a thutut kingah dan in, zan nitak dak 9 vel dingin bomb puak toh kibang thom ging zak ziakin, Sanakeithel a om Smt. Sandiarani (26) in kong ah vadak khia a, tuaphet in, meltheihlouhten agal apat thau in mawk kap ua, tua ah amah leh insung a, a sanggampa Bisheshor (30) TV enlai leng kapliam khak in om hi. Police ten hiai mun apat AK 47 thautang hawm 8 leh live round khat ban ah 9mm thautang hawm 6 vel musuah uh hi’n thutut kingah hi.
Thudang khat ah, tuni zinglam dak 6 vel dingin, Porompat Police station huamsung Kongpal Kongkham kichihna mun a Agriculture Officer Rajen tenna In ah meltheihlouhten hand granade khat vapailut ua, puakzak mahleh a liam bel omlou in, Scooter khat kong a kikoih bel naktak in kisia hi. Rajen sungkuanten bel, hichibang bomb paihkhumte singtangmi helpawl khat hidia muanmoh thu gen ua, hiai thiltung mohpaihna in tuni’n Kongkham Kongpal mun ah numei pawl in sit-in-protest nei uhi.
Surgeons of India conference
IMPHAL OCT 23: Association of Surgeons of India, Manipur State Chapter te saina in October 27 & 28, 2007 in RIMS Jubilee Hall ah 12th Annual conference om ding a, hiai conference honkhiakna Oct 27, 2007 nitaklam dak 3 in om dinga, tua ah khuallian in Manipur Chief Minister O.Ibobi Singh pang ding hi.
Guest of honour dingin, Prof. L. Fimate Director RIMS leh Prof. C.Palanivela President, Association of Surgeons of India ban ah President dingin, Prof. T.Y.Babu President, Assn. of Surgeons of India, Manipur state chapter pang ding hi. Hiai hun ah ASIMANICON '07 Souvenir leng khuallian in hongkhe ding hi.
Eco-blockade khawlsak din ngen
IMPHAL OCT 23: Nagaland gamsung Lalmati NH 39 a memchim ziaka van pua tuamtuam paisuak theihlouh ahihlai in, Thadou Students Association Sadar Hills committee in, tuni zinglam dak 6 apat NH tegel ah hunchiam omlou economic blockade pan uhi.
Hiai toh kisai in Road transports and Drivers Union pawl in, TSA kiang a hunchiam omlou economic blockade mipi khualna a khawlsak di’n ngen uhi.
Thudang khat ah, Nagaland a memchim om ziakin, Manipur lut ding van tuamtuam pua truck tamtak kawltang om uh hi’n leng thutut kingah hi.
Ganja toh mikhat mankhom;bill pedingin ngen
IMPHAL OCT 23: Narcotic and Affairs of Borders (NAB) a OC Basanta makaih in, zan nitaklam dak 4.30vel dingin Khurai Lamlong bazar ah pasal khat Saha kichi leh Ganja 20 kg apuak toh mankhawm uhi. Hiai Ganja bel, quality hoihtak ahihziakin, national market a Rs 60,000 man hidingin leng NAB OC in gen hi.
Thudang khat ah, Electricity department nuai a Contractor leh Supplier pawl in, nasep nasa a bill pending omte hongtung ding, Ningol Chakkouba mangei a pekhe dingin govt. a ngen uhi.
Governor in tulai dinmun kanchian in kikuppih
IMPHAL OCT 23: Manipur a dan leh thupiak in, niteng a siatlam man noh dan a theih ahihban ah, kithah kimat chih leh sum demand ziaka govt. official tuamtuam mat leh pimang a om chihte ziakin, thil omdan dinmun theihchetna dingin leh thu kikuppih dingin, Manipur Governor Dr. SS. Sidhu in tuni sun dak 12 vel in, Manipur Chief Minister O.Ibobi Singh, Chief Secretary Jarnail Singh leh Director General of Police Y. Joykumar te Raj Bhavan a sam in kimuhpih hi.
Political party palai te tel in meeting om ding
IMPHAL OCT 23: Manipur a Chief Electoral Officer makaihna in, hongtung ding October 30, 2007 nitaklam dak 4 chiangin Old Secretariat Main Conference hall ah, Manipur a Political party palai teng toh meeting poimohtak khat om ding hidan in thusuak om hi.
Hiai meeting ah, kum nawn 2008 January 1 qualifying date ding toh kisai a Electoral Roll Revision ding tungtang genkhom hiding hi. Hiai hun a political party tuamtuamte kihel chiat dingin Joint Chief Electoral Officer, Manipur in theihsak leh ngetna bawl hi.
Tuilian thuakte huhna piak in om
IMPHAL OCT 23: Imphal West district sunga, tutung tuilian thuakkhate kiang ah govt. in huhna tuamtuam pia hi.
Thutut kingah dan in, Imphal West district sung Wangoi Sub-Division nuai a tuilian thuakte kiang ah, Imphal West DC in van tuamtuam hawmkhia a, tuamunte bel, Langthabal kendra sunga, Lilong Haoreibi, Lilong Chajing, Langthabal Kunja, Mantrikhong leh Maibam leikai ahi. Hiai mun a inkuan 2000 te kiang ah, antang quintal 200, Havai 100 quintal, Chi quintal 20 leh Edibal oil 2000 litres ahi.
Huailou in, Wangoi kendra sung Samurou Makha leikai, Naorem Chatrou, Upokpi, Wangoi awang leikai lak a inkuan 1000te kiang ah leng antang quintal 100 hawmkhiak in om hi. Mayang Imphal kendra sung Samusang Santipur, Wangoi Thongban Manak, Kokchai, Kok Yangbi te ah leng inkuan 500 vel te kiang ah, antang quintal 50 DC Imphal West in piakkhiak na nei hi.
NESO Gen Secy in Election tuh ding
Kohima, Oct 23(NNN): North East Students' Organisation (NESO) General Secretary, N S N Lotha in tuni in Nagaland General Election 2008 tuh ding ahihdan puang a, Wokha District sung a 37th Tiyi Assembly Constituency apan tuh dia kisa ahihdan puang hi. Tu nitaklam in Kohima a Hotel Japfu ah NESO General Secretary N S N Lotha in Press Conference sam in huai ah politican hausa pen hih ut ahihdan gen a, himahleh, hauhsakna kichi sum le pai ah hizawlou in, singtangmite dopsangna ah hizaw ahihdan gen a, Nagaland People's Front (NPF) ticket apan tuhsawm ahihthu gen hi. Lotha in agenbehna ah, Congress Party in NE mite naktak in nelhsiah a, hoihtak a panpih hileh, mizawngkhal kichi himhim beiding ahihdan gen in, Nagaland ading in NPF mah muanhuaipen ding ahi chi hi. Tulai in Nagaland state sung ah NSCN IM leh Khaplang kal kibeihna sang mahmah a, Kohima ngial ah nitak dak 6 nung thawm dai mahmah hi’n kigen hi.
Kaplup a om mi 2 te theihkhiak hita
Kohima, Oct 23(NNN): Police te’n zan nitak dak 7:15 a Kohima town a kaplup a om pasal nih te theikheta uh ahihdan puang ua, Sevikuolie (23) alias Akolie S/o Zevito Angami of Sirhima village, Medziphema leh Abdul Jalil (27) s/o Ayub Ali of Karimganj district, Assam te hidanin gen uhi. Police thusuak in agendan in, Akolie in a damlai in NSCN faction 2 te ah semkha a, Police te’n leng bangzah vei hiam mankha ta uh ahihdan gen hi. Alawmpa Jalil ahihleh, Taxi driver ahih banah, Army te toh kizom hoih mahmah hidan in Police thusuak in gen hi. Mi 2 te ahihleh, meltheihlouh pawlkhat in akaplup uh hi a, a sungkuante’n tuni tan in aluang la khe nailou uhi.
INC ticket ngen tam deuhdeuh
Kohima, Oct 23: Nagaland Pradesh Congress Committee (NPCC) President Hokheto Sumi in tuni a agendan in, Nagaland Assembly Election om ding toh kisai in, Congress Party lun deuhdeuh a, tuni tan in INC ticket ngen 89 phata ahihdan gen in, State General Election 2008 a om ding ah Assembly Constituency 54 ah tuh ding uh ahihdan puang hi. Tuni in Congress President makaih in Press Meet Congress Bhavan Kohima ah neih in om a, Election Coordination Committee kichi khat phuan a om ahihdan genkawm in, District Congress Committees (DCCs) tungtawn in mi tamtak in tuh ut uh ahihdan puang hi.
Election Co-ordination Committee ah AICC General Secretary i/c Nagaland, Margaret Alva in Chairperson hihna len a, NPCC President convenor a pang in, NPCC General Secretary (Admn.) tel in member 17 pha uhi. Mahila Congress pawl in leng NPCC kiang ah seat bang zah hiam peding in ngetna bawl uhi. NPF mipoimoh leh Finance Minister lui K. Therie in leng tuma zek in Congress zom a, amah ading special in Pfutsero piak in om a, aman huai A/C ah tuh ding hi. Tuni a Press meet hun ah, AICC Secretary I/c Nagaland, Ranji Thomas, MLAs Takamasa Ao, Medokul Sophie leh NPCC Vice President Nuzota Swuro te leng kihel uhi.
Assam ah helpawl 33 kipekhia
Guwahati, Oct 23(NNN): North east munpi a ngaih Assam ah Army te nasepna vuaksuaklou ahi ngeiding a, tuni in Balsa District sung a Red Horns Division HQ Tamulpur mun a sepaihte ma ah, helpawl 33 galvan toh kipekhia uhi. Thusuak kingah dan in, Red Horns Division Headquarters a helpawlte kipiakkhiak a 8 veina hita dan in kigen hi. Kumlui September 8 in leng helpawl tamtak kipekhia uhi. Thusuak in agenzelna ah, tuni a kipekhia helpawlte lak ah ULFA cadre 33 telkha uh a, numei 2 leng telkha hidanin kigen a, amaute ULFA 109 battalion apan ngen hi’n kigen hi. Tuabanah, KLNLF helpawl apan member nih leng tel uhi. Helpawlte’n sepaihte mai ah thau tuamtuam pawkhia uh a, huaite ahihleh, AK 47 nih, AK 56 2, Muzzleloaded gun 1, revolver 5, pistol 1. grenades 5, AK magazine 5 leh atang 195, detonators 6.5 kgs leh radio set 1 hidan in kigen a, 4 corps GOC BS Jaswal in amaute kipahpihna program uap hi.
Director General of the Assam Police RNMathur in helpawlte vaidawnna thugen a, lampi dik tawndia mansa a om tuailaite pahtak huai asakdan gen hi. Assam Government in ahihleh, amaute kitoudelhna ding in Rs 5 Lakh chiat piak ding chiam a, tuabanah a ki etkol nang uh munbit tak peding uh ahihdan leng puang uhi.
MZP buaina sukveng hita
Aizawl Oct 23(NNN): Mizoram a sinlaite kizopkhawmna pawlpi lianpenpen Mizo Zirlai Pawl (MZP) office bearer sung a buaina om toh kisai tuni in sukveng in om ta hi. Thusuak kingah dan in, MZP president thak C. Lalhmachhuana leh a seppihte’n haksatna genkhiak theih chiah louh tampi tuak uh ahihdan gen ua, himahleh, mi tuamtuam te panpihna toh hiai buaina sukveng a om ta ahihdan gen uhi. MZP in ahihleh, October 4 in election sai uh a, C. Lalhmachhuana leh H. Lalnunsiama kal ah kitheihsiamlouhna liantak piang hi’n kigen hi.
Lalnunsiama faction pawl in ahihleh, Office bearer leh Secretary dia min tamdeuh guanding chih banah, a mau lamte bangzah hiam guanlut ding in phutna bawl ua, huai ah kikantuahna thupitak piang hi’n kigen hi. MZP in Lalnunsiam pawl ngetna pomsak in, Executive Member ding in mi 6 guang ua, huai toh kiton in buaina sukveng hita dan in kigen hi. MZP president lui C. Lalrokhuma leng North East Students Organization a member ding in guan in om a, aman Lalmuanpuia Punte dinmun khekkhe ding hi’n kigen hi. MZP in ahihleh, NESO ah Permanent Vice President post luah gige ding hi.
Khaupe in Innkuan 4 hawlkhia
Aizawl, Oct 23(NNN): Mautam kialpi kichi kum 49 hal in India Malsuah bial Mizoram leh Manipur ah tungsek a, tukum in leng a tung ding chih chetna tamtak om ta a, zan ngei in leng Mizoram a Zamuang khua ah, hilhkholhna chikhat tung nawn hi. Thusuak kingah dan in, Zawlnuam leh Rengdil town kikal a om Zamuang khua ah, Pakunga, Lalnunpuia, Biakliana leh Hmuchhuaka te Inn ah khaupe hon Inche 3 vel a lian ahonpi khat va lut in, Innsung mite ading in gamtat theih vuallouh in va om ua, Innkuan 4 te’n leng nuamsa lou in a Innlum uh taisan uhi. Khaupe te ahihleh, khaupe ngeina toh kibang lou in, a sam uh sau ua, a rong uleng puang phitphet hi’n kigen a, Innsung ah pumdim uh hi’n kigen hi. Mizoram Government in tulai in zusa naktak in zong ua, zusa meikhat Rs. 2 in lei ziahziah ua, khaupe toh kisai bel genkhak neinailou uhi.
Source: www.zogam.com [Brifging the Zomi]
Lamka Oct 23: Singngat Assembly Constituency sung a Government Programme leh Scheme tuamtuam tungtawn a sep-le-bawl a omte ahiding bangtak a sepsuah a om hina hiam chih enkhe ding in bialtu MLA Pu T. Hangkhanpao leh CDSU in hongtung ding October 25-26, 2007 sung in Singngat AC sung phakual ding uhi. Hiai hun ah abiktak in Tedim Road bawllel a ompen etkhiatna neideuh ding ua, hiai toh kisai in mimal leh pawltuamtuamte’n mipi hoihna’ng ngimna a kithuahpih chiat ding in CDSU in ngen hi.
NSCN IM in SC Jamir tung ah dawnna pia - Jamir nasepkhiakte NSCN IM in hoihtak in kembit
Dimapur, Oct 23(NNN): NSCN-IM leh SC Jamir kal ah kitheihsiamlouhna in mailam nawtzel ding in kilang a, tuni newspaper issue tuamtuam a SC Jamir thugen suahkhiak a om toh kisai in tu nitaklam in NSCN IM in dawnna pia in, Goa Governor leh Nagaland Chief Minister lui SC Jamir amah leh amah Naga heutu dan a kibawl ahihdan gen uhi. NSCN-IM thusuak in ataklat zelna ah, Naga helpawl kiphut khia in, sisan tampi luangkheta a, tamtak te khebei, mit bei, khut bei in om ta ua, tamtak in hinna tan in, gamnuai ah mihai leh gamsa bang a khosa tamtak om in, Naga Nampi a itna uh kipsem sem a, Naga Movement hattak a apailai a, Goa Governor tutphah a pan ut teng a siatkhiak pe’n thil hithei mawk lou ahi chi uhi.
NSCN IM thusuak in agenbehna uah, SC Jamir in Uncle Phizo zahtak leh etton tham ching heutu bang a pom ahihleh, bangziak a Phizo sihma a kithuahpihna pelou a, a sihkhit nung a, a ut teng sekhia hiam chi’n dotna bawl ua, Nehru in 1963 a Prime Minister alet hunlai a, Phizo toh a kimuh ding uh SC Jamir in alangtang a bangziak a dou sese adi chi uhi. NSCN IM nuai a Ministry of Publicity thusuak in agenbehna ah, NSCN-IM in Naga Movement toh kisai in document hoihtak a nei ahihdan gen in, mi hoih leh mi siangthoute lehkhabu a kembit ahihdan genkawm in, Nagate helna doutu heutu om sunsunte theilawm mahmah uh ahihdan genkawm in, a poimoh hun hun in lakkhe thei ding uh ahihdan taklang uhi. NSNC IM thusuak in agenbehna ah, SC Jamir in 1960s kum in Nagaland CM P.Shilu Ao kiang ah nuihzat huaitak a Naga helpawl toh kihoulou ding in ana ngen a, phetlou in, Naga helpawl toh kihouna a om ngeingei leh Naga leitang siiknawn lou ding ahihdan gen chi uhi.
SC Jamir in mipi mai ah 1971 kum in Naga helpawlte thil tup bangmah lou suak ding a, chih phetlouh in, lamkhuang I neek zoh a, a tang I siat khiak bang in, India Government in Naga helpawlte sekhe lel ding ahi chi a, a copy nasan om lai ahihdan taklang uhi. NSCN IM thusuak in agenbehna ah, SC Jamir leh Dr. Imkongliba Ao te hoihtak in ki khutzop uh a, NPC (Naga People's Convention) ah Dr Ao in Chairman hihna la a, Naga helpawl te deihlouh thei gegu kawm a, 16 Points Agreement a kaih ziak in August 1961 in ahinna beita ahihdan taklang ua, SC Jamir sang in Dr Ao in nasem hoihzaw lai ahihdan taklang ua, huai in thil tamtak gen ahi chi uhi. 1998 Assembly election toh kisai SC Jamir in NSCN IM tung a ngohna abawl val lodeuh hilou hiam chikawm in, Indo-Naga peace talk paihoihna dia na a septe uh SC Jamir soisel vual ding hilou ahihdan taklang ua, Nagate kipumkhatna ding daltu NSCN IM sung mah ah om ngei a, huaite leng koih khiak ahih dungzui in, midangte leng koih khiak siang hilou hia chih dotna leh hilhchetna SC Jamir kiang ah bawl uhi. A zahtak huai mahmah Goa Governor SC Jamir in NSCN IM kiang ah thupha hoihtak a tawi a, pupa dan a ngaihdam a nget ma sang NSCN IM in atung ah thupukna a laksa bangziak a zukkik mawkmawk ding uhiam chi’n gen uhi.
COP Society in laibu hongkhe ding
Lamka, Oct 23: Civil Officer Pensioners Society of Churachandpur pawl in zingchiang Oct 24 zinglam dak 7 in H Nengsong Inn, Eden Huan ah, The Bye Laws and Bio-data of members of COP Society kichi honkhiakna neiding uhi. Huai hun ah, Rev Dr. Lalrosiem Songate, General Director, ECCI/CCP in Chief Guest hihna toh hiai hun uap ding hi.
SCWWA makai thak ding guang
Lamka Oct 23: Senior Citizens & Widows Welfare Association a President thak deihna bang in Office bearer thak ding guanna apaisa October 20, 2007 in neih in om hi.
Huai dungjui in Office bearer thakte bel President- P. Thawnkhansuan, Vice-President - Upa G. Thangchinlian, Gen. Secy. K. Ginhen, Asst. Secy.- Upa T. Vumzalang, Fin. Secy- T. Tuankhogin leh Treasurer- Sungzapau te hi uhi.
SHG meeting ding
Lamka Oct 23: ICDS Project nuai a Self Help Group (SHG) teng in gongtung ding October 24, 2007 zing dak 10:00 in ICDS Office, CCpur ah meeting nei ding uhi.Hiai hun ah SHG teng apan member 3 chiat tel ngai ding hidan in CDPO/CCpur apan in kiza hi.
Rastriya Sankalp Diwas zat hiding
Lamka Oct 23: India Prime Minister lui Phamsa Indira Gandhi kaplup ahih ni theihgigena in hongtung ding October 31, 2007 chiang in gamsung pumpi ah Rastriya Sankalp Diwas zat hiding hi. Hiai ni’n Youth Rally thupi taktak mun tuamtuam ah neih hiding a, CCpur District ah leng hiai ni zat hiding hi.
Guv Golden Jubilee uap ding
Lamka Oct - 23: Donbosco High School, Lamka in hong tung ding October 26, 2007 sunnung dak 11 in school campus ah thupitak in Golden Jubilee lawm ding uhi.
Hiai hun zatna ah, Manipur Governor Dr. S.S. Sidhu khuallian in pang ding a, Most Rev. Josepth Mittathany, D.D., Archibishop Emeritus, Imphal leh Pu T.N. Haokip, Hon’ble Minister, PHED/IPR/Tourism in Functional President leh Guest of Honour hihna toh uap ding uhi.
Thutut kingah dan in, hiai ni sunnung dak 12:30 in Lamka Damdawi Inn etkhe ding a, dak 1:10 in DC Office ah NH-150 leh BRO dinmun briefing nei ding hi. Dak 1:45 in DC Office mah ah Public Leader-te toh houlimna hun zang ding a, sunnung dak 3:00 in Lamka nusia in Imphal zuan nawn ding hi.
CCpur Team Final kimawl ding
Lamka Oct 23: All Manipur Football Assn. (AMFA) saina a Inter-District Football Tournament (under-19) neihlel ah CCpur Team in zan in Kakching 5-4 a zou in final kai ua, October 25, 2007 sunnung dak 1:00 in Polo Ground ah Imphal East team toh Final kimawl ding uhi.
Admit Card laktheih
Lamka Oct 23: Social Welfare Department nuai a Grade-IV lakna ding a interview a teldingte’n mahni passport size lemlak copy 2 leh Employment exchange a registration Card tawi in Social Welfare Office, Imphal ah Admit card ding laktheihta hi. Personal interview bel hongtung ding October 29, 2007 in kipan ding hi.
Laparoscopic Surgery lohching
Lamka Oct 23: Lamka Damdawi Inn ah tuni’n Manipur State Government nuai a Hospital teng lak a masapen ding in laparascopic surgery lohchingtak in zoh in om hi. Dr. Somorjit Singh in Laparoscopic zang in Ms. Mithu Dhar (20) D/o. Khogen of Hill Town gilpeng aat a, sunnung dak 1:20 in lohchingtak in zou hi.
E Roll revision nei ding
Lamka Oct 23: Election Commission of India deihna bang in Summary Revision of Electoral Roll 2008 neih hiding hi.
Hiai toh kisai in hongtung ding November 2, 2007 tan in kisakkholhna teng zoh siang hiding a, November 5, 2007 tan in draft piblocation of Roll zoh hiding hi. November 5-21, 2007 sung in Polling Station teng a Designated Officer leh a Assistantte tungtawn in claim leh objection bawltheih ahihding banah min khumlut theih ding hi. December 13, 2007 tan in claim leh objection teng paih hiding a, January 7, 2008 tan in khumlut, paih leh bawldikding teng zoh hiding a, January 10, 2007 tan in Electoral Roll thak sutkhiat hita ding hi.
Hiai toh kisai in hongtung ding October 30, 2007 sunnung dak 3:00 in Imphal a Old Secretariat South Building a Main Conference Hall ah CEO Manipur makaih in meeting om ding hi. Tulai a Electoral Photo Identity Card (EPIC) a ding a lemlakna neihlel pen bel ngeina bang in sutzop hiding hi.
ZSF in CM ah Reminder khak
Lamka Oct 23: Zomi Students Federation (ZSF) in Guite Road puahphatna toh kisai BRO khut a pekhe ding a CM a hun sawtkuamtak paita apan ngetna a piak uh bangmah sepsuah omlouh ziakin tuni’n a thak in Chief Minister kiang ah Reminder khak nawn uhi.
ZSF thusuak in ataklatna ah, ZSF leh Government in Guite Road nasepna BRO khut a piak ding a MoU a kaihsa uh ahihbanah, 2nd Sept. 2006 a Manipur Cabinet in leng lem a saksa uh hi a, hong tung ding November 4, 2007 tan a Cabinet in BRO khut a piak ding a panlakna a neih kei ua leh ZSF in a dinmun uh inches khat leng nungtolh lou ding uh hi’n taklang uhi.
Mun tuamtuam ah bomb paihkhum in om
IMPHAL OCT 23: Manipur ah tulai in kaplup, bomb paihkhum leh kimat chihte niteng phial a thiltung ahih toh kiton in Manipur Police in law and order dinmun toh kisai in mun tuamtuam a frisking leh checking bawl gige ua, niteng phial mah in helpawl tuamtuam matkhiak leng nei gige ua, himahleh galvan tawi pawl bel zalentak in gamta thei thou uhi.
Police apat kizadan in tuni zinglam baihtak dak 2 vel dingin, Thoubal Police station huamsung Heirok part I kichihna mun ah, meltheihlouh helpawl hidia gintakte’n N. Raja (27) kichi a lupna tung ah va kaplum uhi.
Huailou in, zan nitak dak 9 vel ding inleng Lamphel Police station huamsung Sanakeithel ah Inn a omlai numei leh pasal khat meltheihlouh helpawl hidia gintakte mah in, vakap liam ua, RIMS ah etkawl hilel uhi.
Hiai toh kisai a thutut kingah dan in, zan nitak dak 9 vel dingin bomb puak toh kibang thom ging zak ziakin, Sanakeithel a om Smt. Sandiarani (26) in kong ah vadak khia a, tuaphet in, meltheihlouhten agal apat thau in mawk kap ua, tua ah amah leh insung a, a sanggampa Bisheshor (30) TV enlai leng kapliam khak in om hi. Police ten hiai mun apat AK 47 thautang hawm 8 leh live round khat ban ah 9mm thautang hawm 6 vel musuah uh hi’n thutut kingah hi.
Thudang khat ah, tuni zinglam dak 6 vel dingin, Porompat Police station huamsung Kongpal Kongkham kichihna mun a Agriculture Officer Rajen tenna In ah meltheihlouhten hand granade khat vapailut ua, puakzak mahleh a liam bel omlou in, Scooter khat kong a kikoih bel naktak in kisia hi. Rajen sungkuanten bel, hichibang bomb paihkhumte singtangmi helpawl khat hidia muanmoh thu gen ua, hiai thiltung mohpaihna in tuni’n Kongkham Kongpal mun ah numei pawl in sit-in-protest nei uhi.
Surgeons of India conference
IMPHAL OCT 23: Association of Surgeons of India, Manipur State Chapter te saina in October 27 & 28, 2007 in RIMS Jubilee Hall ah 12th Annual conference om ding a, hiai conference honkhiakna Oct 27, 2007 nitaklam dak 3 in om dinga, tua ah khuallian in Manipur Chief Minister O.Ibobi Singh pang ding hi.
Guest of honour dingin, Prof. L. Fimate Director RIMS leh Prof. C.Palanivela President, Association of Surgeons of India ban ah President dingin, Prof. T.Y.Babu President, Assn. of Surgeons of India, Manipur state chapter pang ding hi. Hiai hun ah ASIMANICON '07 Souvenir leng khuallian in hongkhe ding hi.
Eco-blockade khawlsak din ngen
IMPHAL OCT 23: Nagaland gamsung Lalmati NH 39 a memchim ziaka van pua tuamtuam paisuak theihlouh ahihlai in, Thadou Students Association Sadar Hills committee in, tuni zinglam dak 6 apat NH tegel ah hunchiam omlou economic blockade pan uhi.
Hiai toh kisai in Road transports and Drivers Union pawl in, TSA kiang a hunchiam omlou economic blockade mipi khualna a khawlsak di’n ngen uhi.
Thudang khat ah, Nagaland a memchim om ziakin, Manipur lut ding van tuamtuam pua truck tamtak kawltang om uh hi’n leng thutut kingah hi.
Ganja toh mikhat mankhom;bill pedingin ngen
IMPHAL OCT 23: Narcotic and Affairs of Borders (NAB) a OC Basanta makaih in, zan nitaklam dak 4.30vel dingin Khurai Lamlong bazar ah pasal khat Saha kichi leh Ganja 20 kg apuak toh mankhawm uhi. Hiai Ganja bel, quality hoihtak ahihziakin, national market a Rs 60,000 man hidingin leng NAB OC in gen hi.
Thudang khat ah, Electricity department nuai a Contractor leh Supplier pawl in, nasep nasa a bill pending omte hongtung ding, Ningol Chakkouba mangei a pekhe dingin govt. a ngen uhi.
Governor in tulai dinmun kanchian in kikuppih
IMPHAL OCT 23: Manipur a dan leh thupiak in, niteng a siatlam man noh dan a theih ahihban ah, kithah kimat chih leh sum demand ziaka govt. official tuamtuam mat leh pimang a om chihte ziakin, thil omdan dinmun theihchetna dingin leh thu kikuppih dingin, Manipur Governor Dr. SS. Sidhu in tuni sun dak 12 vel in, Manipur Chief Minister O.Ibobi Singh, Chief Secretary Jarnail Singh leh Director General of Police Y. Joykumar te Raj Bhavan a sam in kimuhpih hi.
Political party palai te tel in meeting om ding
IMPHAL OCT 23: Manipur a Chief Electoral Officer makaihna in, hongtung ding October 30, 2007 nitaklam dak 4 chiangin Old Secretariat Main Conference hall ah, Manipur a Political party palai teng toh meeting poimohtak khat om ding hidan in thusuak om hi.
Hiai meeting ah, kum nawn 2008 January 1 qualifying date ding toh kisai a Electoral Roll Revision ding tungtang genkhom hiding hi. Hiai hun a political party tuamtuamte kihel chiat dingin Joint Chief Electoral Officer, Manipur in theihsak leh ngetna bawl hi.
Tuilian thuakte huhna piak in om
IMPHAL OCT 23: Imphal West district sunga, tutung tuilian thuakkhate kiang ah govt. in huhna tuamtuam pia hi.
Thutut kingah dan in, Imphal West district sung Wangoi Sub-Division nuai a tuilian thuakte kiang ah, Imphal West DC in van tuamtuam hawmkhia a, tuamunte bel, Langthabal kendra sunga, Lilong Haoreibi, Lilong Chajing, Langthabal Kunja, Mantrikhong leh Maibam leikai ahi. Hiai mun a inkuan 2000 te kiang ah, antang quintal 200, Havai 100 quintal, Chi quintal 20 leh Edibal oil 2000 litres ahi.
Huailou in, Wangoi kendra sung Samurou Makha leikai, Naorem Chatrou, Upokpi, Wangoi awang leikai lak a inkuan 1000te kiang ah leng antang quintal 100 hawmkhiak in om hi. Mayang Imphal kendra sung Samusang Santipur, Wangoi Thongban Manak, Kokchai, Kok Yangbi te ah leng inkuan 500 vel te kiang ah, antang quintal 50 DC Imphal West in piakkhiak na nei hi.
NESO Gen Secy in Election tuh ding
Kohima, Oct 23(NNN): North East Students' Organisation (NESO) General Secretary, N S N Lotha in tuni in Nagaland General Election 2008 tuh ding ahihdan puang a, Wokha District sung a 37th Tiyi Assembly Constituency apan tuh dia kisa ahihdan puang hi. Tu nitaklam in Kohima a Hotel Japfu ah NESO General Secretary N S N Lotha in Press Conference sam in huai ah politican hausa pen hih ut ahihdan gen a, himahleh, hauhsakna kichi sum le pai ah hizawlou in, singtangmite dopsangna ah hizaw ahihdan gen a, Nagaland People's Front (NPF) ticket apan tuhsawm ahihthu gen hi. Lotha in agenbehna ah, Congress Party in NE mite naktak in nelhsiah a, hoihtak a panpih hileh, mizawngkhal kichi himhim beiding ahihdan gen in, Nagaland ading in NPF mah muanhuaipen ding ahi chi hi. Tulai in Nagaland state sung ah NSCN IM leh Khaplang kal kibeihna sang mahmah a, Kohima ngial ah nitak dak 6 nung thawm dai mahmah hi’n kigen hi.
Kaplup a om mi 2 te theihkhiak hita
Kohima, Oct 23(NNN): Police te’n zan nitak dak 7:15 a Kohima town a kaplup a om pasal nih te theikheta uh ahihdan puang ua, Sevikuolie (23) alias Akolie S/o Zevito Angami of Sirhima village, Medziphema leh Abdul Jalil (27) s/o Ayub Ali of Karimganj district, Assam te hidanin gen uhi. Police thusuak in agendan in, Akolie in a damlai in NSCN faction 2 te ah semkha a, Police te’n leng bangzah vei hiam mankha ta uh ahihdan gen hi. Alawmpa Jalil ahihleh, Taxi driver ahih banah, Army te toh kizom hoih mahmah hidan in Police thusuak in gen hi. Mi 2 te ahihleh, meltheihlouh pawlkhat in akaplup uh hi a, a sungkuante’n tuni tan in aluang la khe nailou uhi.
INC ticket ngen tam deuhdeuh
Kohima, Oct 23: Nagaland Pradesh Congress Committee (NPCC) President Hokheto Sumi in tuni a agendan in, Nagaland Assembly Election om ding toh kisai in, Congress Party lun deuhdeuh a, tuni tan in INC ticket ngen 89 phata ahihdan gen in, State General Election 2008 a om ding ah Assembly Constituency 54 ah tuh ding uh ahihdan puang hi. Tuni in Congress President makaih in Press Meet Congress Bhavan Kohima ah neih in om a, Election Coordination Committee kichi khat phuan a om ahihdan genkawm in, District Congress Committees (DCCs) tungtawn in mi tamtak in tuh ut uh ahihdan puang hi.
Election Co-ordination Committee ah AICC General Secretary i/c Nagaland, Margaret Alva in Chairperson hihna len a, NPCC President convenor a pang in, NPCC General Secretary (Admn.) tel in member 17 pha uhi. Mahila Congress pawl in leng NPCC kiang ah seat bang zah hiam peding in ngetna bawl uhi. NPF mipoimoh leh Finance Minister lui K. Therie in leng tuma zek in Congress zom a, amah ading special in Pfutsero piak in om a, aman huai A/C ah tuh ding hi. Tuni a Press meet hun ah, AICC Secretary I/c Nagaland, Ranji Thomas, MLAs Takamasa Ao, Medokul Sophie leh NPCC Vice President Nuzota Swuro te leng kihel uhi.
Assam ah helpawl 33 kipekhia
Guwahati, Oct 23(NNN): North east munpi a ngaih Assam ah Army te nasepna vuaksuaklou ahi ngeiding a, tuni in Balsa District sung a Red Horns Division HQ Tamulpur mun a sepaihte ma ah, helpawl 33 galvan toh kipekhia uhi. Thusuak kingah dan in, Red Horns Division Headquarters a helpawlte kipiakkhiak a 8 veina hita dan in kigen hi. Kumlui September 8 in leng helpawl tamtak kipekhia uhi. Thusuak in agenzelna ah, tuni a kipekhia helpawlte lak ah ULFA cadre 33 telkha uh a, numei 2 leng telkha hidanin kigen a, amaute ULFA 109 battalion apan ngen hi’n kigen hi. Tuabanah, KLNLF helpawl apan member nih leng tel uhi. Helpawlte’n sepaihte mai ah thau tuamtuam pawkhia uh a, huaite ahihleh, AK 47 nih, AK 56 2, Muzzleloaded gun 1, revolver 5, pistol 1. grenades 5, AK magazine 5 leh atang 195, detonators 6.5 kgs leh radio set 1 hidan in kigen a, 4 corps GOC BS Jaswal in amaute kipahpihna program uap hi.
Director General of the Assam Police RNMathur in helpawlte vaidawnna thugen a, lampi dik tawndia mansa a om tuailaite pahtak huai asakdan gen hi. Assam Government in ahihleh, amaute kitoudelhna ding in Rs 5 Lakh chiat piak ding chiam a, tuabanah a ki etkol nang uh munbit tak peding uh ahihdan leng puang uhi.
MZP buaina sukveng hita
Aizawl Oct 23(NNN): Mizoram a sinlaite kizopkhawmna pawlpi lianpenpen Mizo Zirlai Pawl (MZP) office bearer sung a buaina om toh kisai tuni in sukveng in om ta hi. Thusuak kingah dan in, MZP president thak C. Lalhmachhuana leh a seppihte’n haksatna genkhiak theih chiah louh tampi tuak uh ahihdan gen ua, himahleh, mi tuamtuam te panpihna toh hiai buaina sukveng a om ta ahihdan gen uhi. MZP in ahihleh, October 4 in election sai uh a, C. Lalhmachhuana leh H. Lalnunsiama kal ah kitheihsiamlouhna liantak piang hi’n kigen hi.
Lalnunsiama faction pawl in ahihleh, Office bearer leh Secretary dia min tamdeuh guanding chih banah, a mau lamte bangzah hiam guanlut ding in phutna bawl ua, huai ah kikantuahna thupitak piang hi’n kigen hi. MZP in Lalnunsiam pawl ngetna pomsak in, Executive Member ding in mi 6 guang ua, huai toh kiton in buaina sukveng hita dan in kigen hi. MZP president lui C. Lalrokhuma leng North East Students Organization a member ding in guan in om a, aman Lalmuanpuia Punte dinmun khekkhe ding hi’n kigen hi. MZP in ahihleh, NESO ah Permanent Vice President post luah gige ding hi.
Khaupe in Innkuan 4 hawlkhia
Aizawl, Oct 23(NNN): Mautam kialpi kichi kum 49 hal in India Malsuah bial Mizoram leh Manipur ah tungsek a, tukum in leng a tung ding chih chetna tamtak om ta a, zan ngei in leng Mizoram a Zamuang khua ah, hilhkholhna chikhat tung nawn hi. Thusuak kingah dan in, Zawlnuam leh Rengdil town kikal a om Zamuang khua ah, Pakunga, Lalnunpuia, Biakliana leh Hmuchhuaka te Inn ah khaupe hon Inche 3 vel a lian ahonpi khat va lut in, Innsung mite ading in gamtat theih vuallouh in va om ua, Innkuan 4 te’n leng nuamsa lou in a Innlum uh taisan uhi. Khaupe te ahihleh, khaupe ngeina toh kibang lou in, a sam uh sau ua, a rong uleng puang phitphet hi’n kigen a, Innsung ah pumdim uh hi’n kigen hi. Mizoram Government in tulai in zusa naktak in zong ua, zusa meikhat Rs. 2 in lei ziahziah ua, khaupe toh kisai bel genkhak neinailou uhi.
Source: www.zogam.com [Brifging the Zomi]
No comments:
Post a Comment