PTC (Hq) in veh
Lamka, Dec 27: Mizoram Paite Tribe Council(PTC) President Ph. Laldongliana (37) s/o Pastor PH Rothuam apaisa Dec 22, 2007 nitak a Aizawl ah accident a liam serious ziak a Imphal Shija Hospital a ki-enkol zan in Paite Tribe Council (PTC)/Hq apan in T. Singneng President PTC/Hq makaih in vehna va nei ua, PTC/Hq. min in Rs. 5000/- pia uhi. Thutut kingah dan in, a liam nakluat ziak in tunitan in khophawklou in ICU ah om lel hi.
MHA/ZRO in thusuah bawl
Lamka, Dec 27: Zomi Re-Unification Organisation (ZRO) nuai a Ministry of Home Affairs Secretary Kenneth in thusuah a bawl Press a kimu in ataklatdan in, khopi sung ah zu zuakna himhim nitak dak 6 nung kham bikbek ahihdan puang a, nitak dak 6 nung a customer te tutpih hiam zu pekhia hiam a om leh, atung ah pawlpi’n action la ding ahihdan puang hi. Tuabanah, Christmas leh Kumthak lopna hun pailel sung in, kuaman cracker leh bazaar bomb zuak phallouh ahihdan puang in, kuaman leng kimawlpih lou ding in theihsakna bawl hi. Kangvai lam atai passenger gari neu (Jeep leh adang dang te) kingakna mun ding Tipaimukh Road leh Mata, Lamjang lam a taite ading Hmuiva Veng ahihdan gen in, hiai Dan bohse lou ding in Passenger Jeep te zasak hi. Khopi sung ah gari tai te himhim 30 Km/hr kheng a tailou ding in Home Secretary/ZRO in theisak a, zu kham ziak hiam, thil dangdang kham ziak a kuaman mipi buai theihna ding a nna semlou ding in theihsakna bawl a, a tung a Dan tuamtuam kikhung bohse te tung ah Pawlpi nasem ding ahihdan leng puang hi.
Suanlal leh Diki kiteng ding
Lamka, Dec 27: Mr. Pausuanlal @ Suanlal s/o Khaizasong Guite of Elim Veng New Lamka leh Miss Lalbiakdik d/o L. Chinkhannang of Bungmual, zingchiang December 28, 2007 zinglam dak 10 in New Lamka Baptist Church Elim Veng ah kiteng ding uhi.
Mang leh Mawi kiteng ding
Lamka, Dec 27: Thanglianmang S/o (L) Thongkhanneng of Bungmual leh Kimthianmawi D/o T Dongzathang of Langgol te zingchiang (December 28) suun dak 12 in EBC Bungmual Biakinn ah Saptuam Dan siangthou in kiteng ding uhi. Hiai hun uap chiat ding in Mouneite’n news tungtawn in chialna bawl uhi.
Lamka Driver Union in Corrigendum bawl dia theisak kawm in vau
Lamka, Dec 27: Lamka leh Aizawl kikal a Tata Sumo passenger pua a service te lamkal a omdan toh kisai a lungkimlouh thu passenger te’n press a thutut a bawl uh toh kisai in tuni’n Lamka Driver’s Union in thusuah bawl hi.
Thusuak in a taklatna ah, tulai a Lamka leh Aizawl a gairi a kidaihlouhluat ziakin Lamka apan Dec 21 a khawllou a paisuak in zinglam dak 6 in Aizawl tung suak ua, gari bawl ding neuhneuh om ziakin sunnung dak 2.10 in Aizawl apan Lamka zuan a kipankhe thei nawn pan ahihdan uh taklang uhi. Nitak dak 12 vel in Khawdungsei tung a, hiai hun a Driver te zudawn buai ziaka Khodungsei tangval khat leh Driver te kisubuai chih leh hiai suveng ding in KDS VC te kigolh chih leng thu mumal neilou ahihdan taklang kawm in VC te toh amau pawl kimulou himhim uh ahihdan uh taklang uhi.
Thusuak in a taklatna ah, zinglam dak 7 in Khodungsei apan kipankhe nawn in sunnung dak 3:30 in Tuima tung ua, hiai apan nitak a pai phallouh chih banah, Muallum Army Check Post zan nung a pelh phallouh himahleh passenger te lak a Army Officer khat in ken a moh teng ka paw ding a chih dungzui in Tuima apan kipankhia in nitak dak 7:30 in Suangdoh apan kipankhe nawn in nitak dak 10 a Singngat tung ahihdan uh taklang uhi.
Thusuakin a taklatzelna ah, Lamka manoh in ma sawn zel ua, nitak dak 10:50 in Muallum Army Check post tung ua, tua ah passenger te lak a Army Officer khat leh midang khat in paisuak thei ding a, a nget sung uh kingak lel himahleh passenger te lak a khat in Zu dawn a passenger te kingak sak a chih pen thu mumal neilou leh kisuk minsiat nawpna lel hi’n LDU in ngai ahihdan taklang kawm in driver khat in passenger te vuak nang singkhuah gari a koih chihleng thu bulbal neilou leh chiamnuihna maimai lel hi’n taklang hi. Tuabanah, numei naupang tuang ngam nawnlou kichi leng driver ihmut suaklua driver khat ihmu zual passenger ten thakhat a a phon uh leh lamkhang a electric khuam kikoih gawikhak ziak a Dinglian te inkuan tuangngam nawnlou uh hizaw hi’n leng taklang uhi.
Thusuakin a taklat zelna ah, driver te omdan ahiloupi a kisuahpen driver te nekzonna suksiat sak sawmna leh muhsitna lel hi a, thusuah bawltu in driver te leh passenger dangte ngaihtuahlou a amah mimal tunbaih ding deihna a press a thutut a bawlpen ngaisiamlou uh ahihdan uh taklang hi. Hiai thu press a thutut bawltu in December 31, 2007 tan a Corrigendum (bawldikna) a suah kei a, a tung a thiltung a omleh LDU in mohpawlou ding hi’n taklang hi.
Safari Ka zuak nuam
Ka gari hoih mahmah lai Safari ka zuak nuam a a deihte’n J&J Fast Food, Lamka Post Building ah thuchian ngah theih ding hi.
Prop: J&J Fast Food
Youth Congress pawl in Press meet sam; DYCC in helna neih di’n vau
Lamka, Dec 27: CCpur Dist. Youth Congress Committee (CDYCC) in hun paisa bangtan hiam apan Khuga Project ah Contact Work khenkhat Khuga Spill way leh Intake division leh Khuga Head Work Division nuai ah nasep tuamtuam nei in gen ua, nasem tuten leng deih bang a nasep a zoh nung uh tuni tan Govt in apaiak louh ziak in tuni sunnung dak 2:30 in DYCC Office ah Press meet sam hi.
DYCC President in agenna ah kum paisa 2003 apan 2006 sung a, DYCC member te nasepna KSID leh KHD nuai a Protection wall leh Site drain kibawlte zohsiang nung nasan ua, Finance Dept in tam veipi fund khah (released) mahleh tan khak neilou uh ahihdan gen hi. Nasepna ding Fund om hun teng in Dist MLA apat Chief Minister tanpha kiang ah recommendation lasek mahle uh Congress mi-le-sate a ding in bangmah phatuamna omlou ahihdan gen hi. Hiai hun a president in a genna ah, recommendation pen kikhemna maimai ahihdan theichian ua, zumhuai leh khasiathuai a sakdan taklang a, CDYCC neglect a om pen lamdang sa lungkimlouh thu puang ua, kikhemna maimai pen pawm thei nawnlou uh ahihziak in Dec 27 apan Jan.10, 2008 tan a Bill pending teng Chief Minister leh IFCD Minister in apiak kei leh helna chikhat (agitation) pat sawm uhi. Banghiam thil tung om leh Govt. in a mohpaw hi’n gen uhi.
Liamte kiang ah Ex-gratia pe ding
Lamka, Dec 27: Kumlui 2006 a Tuila Bus accident a liam mi 68 te kiang ah zangna dopna (Ex-gratia) sum phiak khiakna zingchiang zinglam dak 11:00 in DC/CCpur Office Conference Hall ah om ding hi. Huai hun ah next of kin teng hawh ding in SDO/CCpur in theisak a, NOK hoh loute kiang ah sum piak khiak hilou ding hi.
Bike tai lai apan kia in liam
Lamka, Dec 27: Mrs. Kikim (38) w/o Manglen of Jalenphai zan sunnung dak 3:00 vel in Khengjang ah Bike nung a tuang kia in, a lu lak nasa in tun Dist Hospital Lamka ah etkol in om hi.
Local Pastor in hong
Lamka, Dec 27: Baptist Youth fellowship (BYF) Dorca’s veng in “Kahatna Topa” motion picture CD album abawl uh tuni tak dak 6:00 in Dorca’s veng EBCC biak inn ah Pastor V. Songkhothang Local pastor Dorcas veng EBCC in hong hi. Huai CD album deihten zingchiang apan lei theih ding hi.
Commander in X-mas leh kumthak thu chah bawl
Lamka, Dec 27: Brig. BC Sharma Commander 27 Sector Assam Rifle leh huai a SM leh Rank nei tengteng in Manipur a Christian te kiang ah X-mas leh Kumthak 2008 thu chah bawl in tua ah mipite laka kilemna muanna leh kipahna a tun deih thu puang uhi.
Computerised Reservation System leh Bus Parking hong ding
Lamka, Dec 27: Director of Transport Govt. of Manipur saina in hong tung ding December 29, 2007 zinglam dak 10:30 leh 11:30 in Lamka khopi a dia a masapen ding in Tuibuang a om Transport office ah Computerised Passenger Reservation System leh New Bazar a Bus Parking kibawl thak honkhiakna om ding hi.
Hiai hun honkhiakna Shri L. Jayenta Kumar singh, Minister (Tpt/Edn/Seri), in Chief Guest hikawm in hongkhe ding a, PHED Minister Shri T.N. Haokip leh Works Minister Shri K. Ranjit singh ten Functional President leh Guest of Honour hihna toh uap ding uhi.
Christmas sung in buaina omlou
Lamka, Dec-27: Lamka area a tutung Christmas zatna veng tuamtuam ah om a, khenkhat in ni khat khen khat in ni 2 zang ua, huai hun sung in bangmah buaina om lou in kizou siang hi. Join Philanthropic organization leh pawlpi khenkhatte panlakna ziakin puak thei tuamtuam leng zak in om lou hi.
Office kai tom mahmah
Lamka, Dec- 27: Govt office tuamtuamte tuni apan office kai nawn mahle uh office tamzaw ah office kai tawm mahmah ua, a kai om sunte leng pai bei pah uhi. Thutut kingah dan in, office kai khen khat Christmas sung a mun dang a zin leh programmed tuamtuam neih ziak ua Christmas leh kum thak kikal office kai gina lou zel uh hi’n leng thutut kingah hi.
Ccpur to Singhat lampi bawlna Rs 10 Crores sanction
IMPHAL DEC 27: North Eastern Council nuai a Ccpur apat Singngat kikal Tedim Road bawlna Rs 10 crores Manipur govt. kianga piak dia sanction hidan in apaisa November 27, 2007 in NEC thusuak om hi. Hiai sum pen NEC Plan Schemes 2007-08 a 2nd installment hidan inleng thusuak in taklang hi.
Hiai lak a 10% loan component pen 12th Finance Commission nuai a State govt. in NEC apat Grant-in-aid a ngah apat leng hiding hi. NEC thusuak dan in, hiai fund release pen lampi bawlna item tuamtuam a zat ding chih leh, state govt. in divert bawl theilou ding chih leng ahi. Nasepna toh kisai in implementing line department leh State govt. nuai a Nodal Officer in zoh hun dia target hunsung ngei a nasep zoh ding thu leng taklang hi.
15th Annual Function show
IMPHAL DEC 27: The Meitei Traditional Dance Teaching School & Performance Centre, Imphal in, December 31, 2007 chiangin, J.N. Manipur Dance Academy Hall, Khuyathong, Imphal ah 15th Annual Function show nei ding uhi.
Hiai hun ah khuallian leh President dingin, P.Bhorot Singh Commissioner Art & Culture leh Padmashri N. Khelchandra (Pandit) te ban ah guest of honour dingin, Yambem Laba Director, J.N. Manipur Dance Academy te hiding uhi. Hiai function show thupi ding bel, ‘One family, One Nation, The World’ chih hiding hi.
Bharat Nirman Lamka ah om ding
IMPHAL DEC 27: Ministry of I & B, Govt. of India nuai a PIB Imphal saina
in, hun paisa a district tuamtuam a neih ahihbangin kumthak January 8 – 11, 2008 sung Synod Hall, Ccpur ah Bharat Nirman Public Information Campaign hun zatna om ding hi. Hiai hun ah central govt. nuai a programme tuamtuam, RTI, NRHM, NREGS, ICDS, SSA, Mid-Day-Meal, JNNURM leh Bharat Nirman packages te toh kisai in awareness leh campaign om ding hi.
Application form SP office ah leng piaklut theih
IMPHAL DEC 27: Manipur Police nuai a ASI/SI/Jemadar lakna dia application form te employment exchange tungtawn sese lou a, mahni district SP office chiat leh IGP (Adm) PHQ a leng piaklut theih ding hidan in DGP thusuak om hi.
State Level convention om ding
IMPHAL DEC 27: Manipur Legislature Forum on HIV/AIDS leh department of RD & PR kithuah in December 28, 2007 zinglam dak 9.30 in Porompat a panchayat Bhavan ah, One day State Level convention on HIV/AIDS hun zatna om ding hi. Hiai hun ah khuallian in Chief Minister O.Ibobi Singh leh President dingin, Assembly Speaker Dr.S.Budhichandra Singh te pang ding uhi.
SO mat khah din ngen
IMPHAL DEC 27: Apaisa December 15, 2007 a meltheihlouh ten Education (S) department a Engineering Cell a Section Officer, Salam Indrajit amat uh tunitan khah ahihlouhna toh kisai in, tuni’n HHAU ground ah mipi kikhopna om hi.
Hiai hun ah JAC for immediate & unconditional release of S. Indrajit kichi bawlkhiak ahihban ah, JAC in kintak a khah dia ngen kawm in, lungkim louh etsakna dia Singjamei apat Yumnam leikai tan NH 39 zingchiang Dec 28, 2007 zinglam dak 6 apat nitaklam dak 6 tan bandh bawl hidingin leng thupuan bawl uhi. Hiai mimatna toh kisai in, JAC ten tuni’n CM kiang ah leng memorandum khat pelut uhi.
NRHM nuai a result tuamtuam kipuang
IMPHAL DEC 27: National Rural Health Mission nuai a, Manipur State heath
Mission society in, post tuamtuam lakna dia interview/DPC a neih uh result puang kheta hi.
Assistance Finance Manager: IE 8, IW 7, Thoubal 6, CCpur 4, Tamenglong 2, Ukhrul 1 leh Senapati ah 6 ahi. Ccpur apat lochinna ngahte bel, John B. Thomte, H. Chingngaihkim, Pauchinthang Hangluah, P.G.Gangmeidun R. Naga; Senapati apat eimite bel, Paogoulen Misao, Lalgoulen Khongsai, T.Yangkhopao Haokip, Seikhomang Kipgen leh Seigoumang Lhouvum ahi.
Tuabanah, Block Data Manager ah, CCpur 2, Ukhrul 2 leh Senapati 1 hi a, Ccpur apat Sasang Hauzel telkha hi. Block Health Programme Manager, IE 3, IW 3, Thoubal 3, Bishnupur 3, Chandel 4, Ccpur 5, Ukhrul 5, Senapati 6 leh Tamenglong ah 4 ahi. Ccpur ah T. Lalboi, K. Lamsanglian, G. Thangthianmuang ban ah, Senapati ah, Thangjamang Chongloi chihte telkha uhi.
Amau consolidated honorarium dan in kha khat in, Rs 6000/- ban ah, contractual compensatory allowance Rs 1500/- zel ngah ding ua, a sep hun ding uh bel, kha 11 sung hiding chih ahi.
BSEM in hologram tellou laibu kham
IMPHAL DEC 27: BSEM thusuak dan in, Class I – VIII tan te text book ah Board in hologram belh vek hi. Hichibang kibelh loute student leh guardian ten leilou dingin leng BSEM in theihsakna bawl kawm in, huchibang laibu tuakkhaten BSEM a theisak dingin leng ngetna bawl uhi.
Huailou in, Board recognized louh school khenkhat in 2008-09 academic session adia Class IX leh X a admission bawl om chih thu ah, huchibang student ten HSLC exam board nuai a tel theilou ding hidan in Board thusuak om hi.
Tent Pegging Championship kipan
IMPHAL DEC 27: Manipur Equestrian association zintunna nuai ah, Manipur
a dia amasa pen dingin, tuni apat December 31, 2007 tan daih ding National Tent Pegging Championship, 2008 Pologround, Imphal ah patkhiak hita hi. Hiai hun ah khuallian in Chief Minister O. Ibobi Singh leh President in N. Biren Minister YAS te pang uhi.
Hiai Championship adingin Manipur tel in state polam apat team 8 toh team 9 kimawl ding ua, mun dang apat hongkuante bel, ITBP, Haryana, ASC, North Gava, Assam Rifle, Jorhat, UP Police, ASC Bangalore, West Bengal Police, Kolkata Police, Eastern Command te ahi.
Hiai championship honkhiakna hun a, khuallian apang CM in agenna ah, Manipur kichi gam neuchik himahleh, kimawlna lam a national leh International level a mi theihphak hita ahihna ah, kimawl mite phat huai asak dan taklang hi. Manipur govt. in sakol kimawlna lam leng puahna ding ngimna a, Lamphelpat area a gam 30 acres alian bikhiah leh hiai mun
Rs 19 lakh vel lut a puah hiding ahihdan leng gen hi.
Hiai Tent Pegging championship zoh nung, kumthak 2008 January kal masa in Manipur Equestrian Associaiton leh Manipur police zin tunna nuai ah, All India Police Equestrian Championship leng Imphal ah om nawn ding hi.
Pakistan Prime Minister lui Benazir Bhutto kaplup in om
US leh Russia tel in gam tuamtuam in mohpaihthu puang
Islamabad, Dec 27: Pakistan charismatic leader chih hial a om Prime Minister lui Benazir Bhutto tu nitaklam in election rally aneihna ah kaplup in om hi. Thusuak kingah dan in, tu nitaklam in Bhutto in Rawalpindi ah election rally nei a, huai mun ah helpawl hidia gintak te’n a gari thau in ana kap uh a, huai zoh in sihchilh bomb puahzaak sak in om a, midang 20 val in leng sihloh uhi. Thusuak in ataklatna ah, thau tang 5 kapkhiak a om te lak ah thautang khat a ngawng ah lut a, kintak in Rawalpindi General Hospital tut in om mahleh, damzoulou hi. Kum 54 a upa Benazir ahihleh, Pakistan mipi tamzaw in ngaina mahmah uh hi’n kigen hi. Rahman Malik, PPP chairperson's security advisor in agenna ah, Bhutto gari mi bangzah hiam in thau in kikap huan ua, tuazoh in sihchilh bomb khat puakzaak ahihdan gen hi.
PPP Member poimoh mahmah Wasif Ali Khan in agenna ah, nitaklam dak 6:16 geih in Bhutto hinna abeita chi’n puang a, huai toh kiton in Pakistan gamsung sousang mahmah hi. Bhutto in ahihleh, a pasal Asif Ali Zardari leh a tate nih nawsia hi. Pakistan gamsung a sousang mahmah ziak in tu nitak in President Pervez Musharraf in a mimuan deuhdeuh sam khawm in emergency meeting sam ngal hi. PPP hatna bial Karachi, Lyari leh Jecobabad ngial ah Security leh mipite ki honsual zaak uhi. Pakistan's Interior ministry in leng Bhutto sihthu puangkhe ngal a, Bhutto mi muan mahmah Sherry Rehman leh Naheed Khan te leng liam uh ahihdan puang hi.
Mipi thangpai te’n damdawi inn kim ah "Dog, Musharraf, dog," chi in kikou uh a, Damdawi inn Emergency unit glass teng khetsiat ahih banah, damdawi inn building nasan leng halsiat sawm pawl om man a, mipi sang tamtak khitui naptui toh om uhi.
Bhutto sihna toh kisai in, Russia leh US tel in gam tuamtuam in mohpaih thu puang uh a, Pakistan Opposition leader sihna a mawk mai a koih hilou ding in thupuan bawl tuaktuak uhi. Russian Foreign Ministry spokesman Mikhail Kamynin in agenna ah, Bhutto nasep khiak te khovel in thei a, mi poimoh leh manpha sihna tung ah Pakistan thuneitute a daihdide ua leh thil mak tak hiding ahi chi uhi. US Deputy State Department spokesman Tom Casey in agenna ah, Rawalpindi a Bhutto sihna US in suichian ding ahihdan puang in Pakistan mipite sunpih thu puang hi. Benazir Bhutto ahihleh, 1953 kum in piang a, Muslim gam Pakistan ading in numei Prime Minister len masapen ahi hi. Aman 1988 - 1990 leh 1993 – 1996 sung Prime Minister hihna len a, southeastern Sindh province ah piang in US a Harvard's Radcliffe College ah khanglian in, Asia apan Oxford Union a President len masapen leng hidanin kigen hi. A pianna pa Zulfikar Ali Bhutto in 1971-1977 sung Pakistan PM hihna ana len hi.
Awards leh Honorary Degree alak khakte:
Bruno Kreisky Award of Merit in human Rights, 1988.
Honorary Phi Beta Kappa Award (1989), presented by Radcliffe College.
Highest Moroccan Award "Grand Cordon de Wissam Alaoui"
Highest French Award "Grand-croix de la Legion Honneur" (1989)
The Noel Foundation Award, 1990 (UNIFEM).
The Gakushuin Honorary Award, Tokyo (1996)
Award by the Turkish Independent Industries and Businessmen Association (MUSAID) on account of providing assistance to the people of Bosnia.
Golden medal Dragon of Bosnia awarded by President of Bosnia (1996)
Key to the city of Los Angeles, presented by the Mayor of Los Angeles (1995)
Presidential Medal, Paul Nitze School of Advanced International Science (1995)
Medal by University of California at Los Angeles (1995)
Honorary Doctorate of Law, L.L.D Harvard University (1989)
Honorary Doctorate of Law (Honoris Causa), University of Sindh (1994)
Honorary Doctorate from Mendanao State University, Philippines (1995)
Honorary Doctorate of Law (Honoris Causa), Peshawar University (1995)
Honorary Doctorate of Economics, Gakushuin University, Tokyo (1996)
Honorary Fellowship by Lady Margaret Hall, University Oxford, (1989)
Honorary Fellowship by St. Catherine College, University of Oxford, (1989)
Honorary Professor of the Kyrghyz State National University (1995) Kyrghyzstan.
Honorary Professor of Yassavi Kazakh Turkish University, Kazakh-Turkish International Language University, Kazakhstan, 1995.
Honorable Member of OHYUKAI, Alumni Association of Gakushuin, conferred by OHYUKAI Tokyo (1996).
Awarded the 2000 Millennium Medal of Honor by American Biographical Institute, Inc. in November 1998.
Awarded American Academy Award of Achievement in London, October 28, 2000
www.zoham.com
Lamka, Dec 27: Mizoram Paite Tribe Council(PTC) President Ph. Laldongliana (37) s/o Pastor PH Rothuam apaisa Dec 22, 2007 nitak a Aizawl ah accident a liam serious ziak a Imphal Shija Hospital a ki-enkol zan in Paite Tribe Council (PTC)/Hq apan in T. Singneng President PTC/Hq makaih in vehna va nei ua, PTC/Hq. min in Rs. 5000/- pia uhi. Thutut kingah dan in, a liam nakluat ziak in tunitan in khophawklou in ICU ah om lel hi.
MHA/ZRO in thusuah bawl
Lamka, Dec 27: Zomi Re-Unification Organisation (ZRO) nuai a Ministry of Home Affairs Secretary Kenneth in thusuah a bawl Press a kimu in ataklatdan in, khopi sung ah zu zuakna himhim nitak dak 6 nung kham bikbek ahihdan puang a, nitak dak 6 nung a customer te tutpih hiam zu pekhia hiam a om leh, atung ah pawlpi’n action la ding ahihdan puang hi. Tuabanah, Christmas leh Kumthak lopna hun pailel sung in, kuaman cracker leh bazaar bomb zuak phallouh ahihdan puang in, kuaman leng kimawlpih lou ding in theihsakna bawl hi. Kangvai lam atai passenger gari neu (Jeep leh adang dang te) kingakna mun ding Tipaimukh Road leh Mata, Lamjang lam a taite ading Hmuiva Veng ahihdan gen in, hiai Dan bohse lou ding in Passenger Jeep te zasak hi. Khopi sung ah gari tai te himhim 30 Km/hr kheng a tailou ding in Home Secretary/ZRO in theisak a, zu kham ziak hiam, thil dangdang kham ziak a kuaman mipi buai theihna ding a nna semlou ding in theihsakna bawl a, a tung a Dan tuamtuam kikhung bohse te tung ah Pawlpi nasem ding ahihdan leng puang hi.
Suanlal leh Diki kiteng ding
Lamka, Dec 27: Mr. Pausuanlal @ Suanlal s/o Khaizasong Guite of Elim Veng New Lamka leh Miss Lalbiakdik d/o L. Chinkhannang of Bungmual, zingchiang December 28, 2007 zinglam dak 10 in New Lamka Baptist Church Elim Veng ah kiteng ding uhi.
Mang leh Mawi kiteng ding
Lamka, Dec 27: Thanglianmang S/o (L) Thongkhanneng of Bungmual leh Kimthianmawi D/o T Dongzathang of Langgol te zingchiang (December 28) suun dak 12 in EBC Bungmual Biakinn ah Saptuam Dan siangthou in kiteng ding uhi. Hiai hun uap chiat ding in Mouneite’n news tungtawn in chialna bawl uhi.
Lamka Driver Union in Corrigendum bawl dia theisak kawm in vau
Lamka, Dec 27: Lamka leh Aizawl kikal a Tata Sumo passenger pua a service te lamkal a omdan toh kisai a lungkimlouh thu passenger te’n press a thutut a bawl uh toh kisai in tuni’n Lamka Driver’s Union in thusuah bawl hi.
Thusuak in a taklatna ah, tulai a Lamka leh Aizawl a gairi a kidaihlouhluat ziakin Lamka apan Dec 21 a khawllou a paisuak in zinglam dak 6 in Aizawl tung suak ua, gari bawl ding neuhneuh om ziakin sunnung dak 2.10 in Aizawl apan Lamka zuan a kipankhe thei nawn pan ahihdan uh taklang uhi. Nitak dak 12 vel in Khawdungsei tung a, hiai hun a Driver te zudawn buai ziaka Khodungsei tangval khat leh Driver te kisubuai chih leh hiai suveng ding in KDS VC te kigolh chih leng thu mumal neilou ahihdan taklang kawm in VC te toh amau pawl kimulou himhim uh ahihdan uh taklang uhi.
Thusuak in a taklatna ah, zinglam dak 7 in Khodungsei apan kipankhe nawn in sunnung dak 3:30 in Tuima tung ua, hiai apan nitak a pai phallouh chih banah, Muallum Army Check Post zan nung a pelh phallouh himahleh passenger te lak a Army Officer khat in ken a moh teng ka paw ding a chih dungzui in Tuima apan kipankhia in nitak dak 7:30 in Suangdoh apan kipankhe nawn in nitak dak 10 a Singngat tung ahihdan uh taklang uhi.
Thusuakin a taklatzelna ah, Lamka manoh in ma sawn zel ua, nitak dak 10:50 in Muallum Army Check post tung ua, tua ah passenger te lak a Army Officer khat leh midang khat in paisuak thei ding a, a nget sung uh kingak lel himahleh passenger te lak a khat in Zu dawn a passenger te kingak sak a chih pen thu mumal neilou leh kisuk minsiat nawpna lel hi’n LDU in ngai ahihdan taklang kawm in driver khat in passenger te vuak nang singkhuah gari a koih chihleng thu bulbal neilou leh chiamnuihna maimai lel hi’n taklang hi. Tuabanah, numei naupang tuang ngam nawnlou kichi leng driver ihmut suaklua driver khat ihmu zual passenger ten thakhat a a phon uh leh lamkhang a electric khuam kikoih gawikhak ziak a Dinglian te inkuan tuangngam nawnlou uh hizaw hi’n leng taklang uhi.
Thusuakin a taklat zelna ah, driver te omdan ahiloupi a kisuahpen driver te nekzonna suksiat sak sawmna leh muhsitna lel hi a, thusuah bawltu in driver te leh passenger dangte ngaihtuahlou a amah mimal tunbaih ding deihna a press a thutut a bawlpen ngaisiamlou uh ahihdan uh taklang hi. Hiai thu press a thutut bawltu in December 31, 2007 tan a Corrigendum (bawldikna) a suah kei a, a tung a thiltung a omleh LDU in mohpawlou ding hi’n taklang hi.
Safari Ka zuak nuam
Ka gari hoih mahmah lai Safari ka zuak nuam a a deihte’n J&J Fast Food, Lamka Post Building ah thuchian ngah theih ding hi.
Prop: J&J Fast Food
Youth Congress pawl in Press meet sam; DYCC in helna neih di’n vau
Lamka, Dec 27: CCpur Dist. Youth Congress Committee (CDYCC) in hun paisa bangtan hiam apan Khuga Project ah Contact Work khenkhat Khuga Spill way leh Intake division leh Khuga Head Work Division nuai ah nasep tuamtuam nei in gen ua, nasem tuten leng deih bang a nasep a zoh nung uh tuni tan Govt in apaiak louh ziak in tuni sunnung dak 2:30 in DYCC Office ah Press meet sam hi.
DYCC President in agenna ah kum paisa 2003 apan 2006 sung a, DYCC member te nasepna KSID leh KHD nuai a Protection wall leh Site drain kibawlte zohsiang nung nasan ua, Finance Dept in tam veipi fund khah (released) mahleh tan khak neilou uh ahihdan gen hi. Nasepna ding Fund om hun teng in Dist MLA apat Chief Minister tanpha kiang ah recommendation lasek mahle uh Congress mi-le-sate a ding in bangmah phatuamna omlou ahihdan gen hi. Hiai hun a president in a genna ah, recommendation pen kikhemna maimai ahihdan theichian ua, zumhuai leh khasiathuai a sakdan taklang a, CDYCC neglect a om pen lamdang sa lungkimlouh thu puang ua, kikhemna maimai pen pawm thei nawnlou uh ahihziak in Dec 27 apan Jan.10, 2008 tan a Bill pending teng Chief Minister leh IFCD Minister in apiak kei leh helna chikhat (agitation) pat sawm uhi. Banghiam thil tung om leh Govt. in a mohpaw hi’n gen uhi.
Liamte kiang ah Ex-gratia pe ding
Lamka, Dec 27: Kumlui 2006 a Tuila Bus accident a liam mi 68 te kiang ah zangna dopna (Ex-gratia) sum phiak khiakna zingchiang zinglam dak 11:00 in DC/CCpur Office Conference Hall ah om ding hi. Huai hun ah next of kin teng hawh ding in SDO/CCpur in theisak a, NOK hoh loute kiang ah sum piak khiak hilou ding hi.
Bike tai lai apan kia in liam
Lamka, Dec 27: Mrs. Kikim (38) w/o Manglen of Jalenphai zan sunnung dak 3:00 vel in Khengjang ah Bike nung a tuang kia in, a lu lak nasa in tun Dist Hospital Lamka ah etkol in om hi.
Local Pastor in hong
Lamka, Dec 27: Baptist Youth fellowship (BYF) Dorca’s veng in “Kahatna Topa” motion picture CD album abawl uh tuni tak dak 6:00 in Dorca’s veng EBCC biak inn ah Pastor V. Songkhothang Local pastor Dorcas veng EBCC in hong hi. Huai CD album deihten zingchiang apan lei theih ding hi.
Commander in X-mas leh kumthak thu chah bawl
Lamka, Dec 27: Brig. BC Sharma Commander 27 Sector Assam Rifle leh huai a SM leh Rank nei tengteng in Manipur a Christian te kiang ah X-mas leh Kumthak 2008 thu chah bawl in tua ah mipite laka kilemna muanna leh kipahna a tun deih thu puang uhi.
Computerised Reservation System leh Bus Parking hong ding
Lamka, Dec 27: Director of Transport Govt. of Manipur saina in hong tung ding December 29, 2007 zinglam dak 10:30 leh 11:30 in Lamka khopi a dia a masapen ding in Tuibuang a om Transport office ah Computerised Passenger Reservation System leh New Bazar a Bus Parking kibawl thak honkhiakna om ding hi.
Hiai hun honkhiakna Shri L. Jayenta Kumar singh, Minister (Tpt/Edn/Seri), in Chief Guest hikawm in hongkhe ding a, PHED Minister Shri T.N. Haokip leh Works Minister Shri K. Ranjit singh ten Functional President leh Guest of Honour hihna toh uap ding uhi.
Christmas sung in buaina omlou
Lamka, Dec-27: Lamka area a tutung Christmas zatna veng tuamtuam ah om a, khenkhat in ni khat khen khat in ni 2 zang ua, huai hun sung in bangmah buaina om lou in kizou siang hi. Join Philanthropic organization leh pawlpi khenkhatte panlakna ziakin puak thei tuamtuam leng zak in om lou hi.
Office kai tom mahmah
Lamka, Dec- 27: Govt office tuamtuamte tuni apan office kai nawn mahle uh office tamzaw ah office kai tawm mahmah ua, a kai om sunte leng pai bei pah uhi. Thutut kingah dan in, office kai khen khat Christmas sung a mun dang a zin leh programmed tuamtuam neih ziak ua Christmas leh kum thak kikal office kai gina lou zel uh hi’n leng thutut kingah hi.
Ccpur to Singhat lampi bawlna Rs 10 Crores sanction
IMPHAL DEC 27: North Eastern Council nuai a Ccpur apat Singngat kikal Tedim Road bawlna Rs 10 crores Manipur govt. kianga piak dia sanction hidan in apaisa November 27, 2007 in NEC thusuak om hi. Hiai sum pen NEC Plan Schemes 2007-08 a 2nd installment hidan inleng thusuak in taklang hi.
Hiai lak a 10% loan component pen 12th Finance Commission nuai a State govt. in NEC apat Grant-in-aid a ngah apat leng hiding hi. NEC thusuak dan in, hiai fund release pen lampi bawlna item tuamtuam a zat ding chih leh, state govt. in divert bawl theilou ding chih leng ahi. Nasepna toh kisai in implementing line department leh State govt. nuai a Nodal Officer in zoh hun dia target hunsung ngei a nasep zoh ding thu leng taklang hi.
15th Annual Function show
IMPHAL DEC 27: The Meitei Traditional Dance Teaching School & Performance Centre, Imphal in, December 31, 2007 chiangin, J.N. Manipur Dance Academy Hall, Khuyathong, Imphal ah 15th Annual Function show nei ding uhi.
Hiai hun ah khuallian leh President dingin, P.Bhorot Singh Commissioner Art & Culture leh Padmashri N. Khelchandra (Pandit) te ban ah guest of honour dingin, Yambem Laba Director, J.N. Manipur Dance Academy te hiding uhi. Hiai function show thupi ding bel, ‘One family, One Nation, The World’ chih hiding hi.
Bharat Nirman Lamka ah om ding
IMPHAL DEC 27: Ministry of I & B, Govt. of India nuai a PIB Imphal saina
in, hun paisa a district tuamtuam a neih ahihbangin kumthak January 8 – 11, 2008 sung Synod Hall, Ccpur ah Bharat Nirman Public Information Campaign hun zatna om ding hi. Hiai hun ah central govt. nuai a programme tuamtuam, RTI, NRHM, NREGS, ICDS, SSA, Mid-Day-Meal, JNNURM leh Bharat Nirman packages te toh kisai in awareness leh campaign om ding hi.
Application form SP office ah leng piaklut theih
IMPHAL DEC 27: Manipur Police nuai a ASI/SI/Jemadar lakna dia application form te employment exchange tungtawn sese lou a, mahni district SP office chiat leh IGP (Adm) PHQ a leng piaklut theih ding hidan in DGP thusuak om hi.
State Level convention om ding
IMPHAL DEC 27: Manipur Legislature Forum on HIV/AIDS leh department of RD & PR kithuah in December 28, 2007 zinglam dak 9.30 in Porompat a panchayat Bhavan ah, One day State Level convention on HIV/AIDS hun zatna om ding hi. Hiai hun ah khuallian in Chief Minister O.Ibobi Singh leh President dingin, Assembly Speaker Dr.S.Budhichandra Singh te pang ding uhi.
SO mat khah din ngen
IMPHAL DEC 27: Apaisa December 15, 2007 a meltheihlouh ten Education (S) department a Engineering Cell a Section Officer, Salam Indrajit amat uh tunitan khah ahihlouhna toh kisai in, tuni’n HHAU ground ah mipi kikhopna om hi.
Hiai hun ah JAC for immediate & unconditional release of S. Indrajit kichi bawlkhiak ahihban ah, JAC in kintak a khah dia ngen kawm in, lungkim louh etsakna dia Singjamei apat Yumnam leikai tan NH 39 zingchiang Dec 28, 2007 zinglam dak 6 apat nitaklam dak 6 tan bandh bawl hidingin leng thupuan bawl uhi. Hiai mimatna toh kisai in, JAC ten tuni’n CM kiang ah leng memorandum khat pelut uhi.
NRHM nuai a result tuamtuam kipuang
IMPHAL DEC 27: National Rural Health Mission nuai a, Manipur State heath
Mission society in, post tuamtuam lakna dia interview/DPC a neih uh result puang kheta hi.
Assistance Finance Manager: IE 8, IW 7, Thoubal 6, CCpur 4, Tamenglong 2, Ukhrul 1 leh Senapati ah 6 ahi. Ccpur apat lochinna ngahte bel, John B. Thomte, H. Chingngaihkim, Pauchinthang Hangluah, P.G.Gangmeidun R. Naga; Senapati apat eimite bel, Paogoulen Misao, Lalgoulen Khongsai, T.Yangkhopao Haokip, Seikhomang Kipgen leh Seigoumang Lhouvum ahi.
Tuabanah, Block Data Manager ah, CCpur 2, Ukhrul 2 leh Senapati 1 hi a, Ccpur apat Sasang Hauzel telkha hi. Block Health Programme Manager, IE 3, IW 3, Thoubal 3, Bishnupur 3, Chandel 4, Ccpur 5, Ukhrul 5, Senapati 6 leh Tamenglong ah 4 ahi. Ccpur ah T. Lalboi, K. Lamsanglian, G. Thangthianmuang ban ah, Senapati ah, Thangjamang Chongloi chihte telkha uhi.
Amau consolidated honorarium dan in kha khat in, Rs 6000/- ban ah, contractual compensatory allowance Rs 1500/- zel ngah ding ua, a sep hun ding uh bel, kha 11 sung hiding chih ahi.
BSEM in hologram tellou laibu kham
IMPHAL DEC 27: BSEM thusuak dan in, Class I – VIII tan te text book ah Board in hologram belh vek hi. Hichibang kibelh loute student leh guardian ten leilou dingin leng BSEM in theihsakna bawl kawm in, huchibang laibu tuakkhaten BSEM a theisak dingin leng ngetna bawl uhi.
Huailou in, Board recognized louh school khenkhat in 2008-09 academic session adia Class IX leh X a admission bawl om chih thu ah, huchibang student ten HSLC exam board nuai a tel theilou ding hidan in Board thusuak om hi.
Tent Pegging Championship kipan
IMPHAL DEC 27: Manipur Equestrian association zintunna nuai ah, Manipur
a dia amasa pen dingin, tuni apat December 31, 2007 tan daih ding National Tent Pegging Championship, 2008 Pologround, Imphal ah patkhiak hita hi. Hiai hun ah khuallian in Chief Minister O. Ibobi Singh leh President in N. Biren Minister YAS te pang uhi.
Hiai Championship adingin Manipur tel in state polam apat team 8 toh team 9 kimawl ding ua, mun dang apat hongkuante bel, ITBP, Haryana, ASC, North Gava, Assam Rifle, Jorhat, UP Police, ASC Bangalore, West Bengal Police, Kolkata Police, Eastern Command te ahi.
Hiai championship honkhiakna hun a, khuallian apang CM in agenna ah, Manipur kichi gam neuchik himahleh, kimawlna lam a national leh International level a mi theihphak hita ahihna ah, kimawl mite phat huai asak dan taklang hi. Manipur govt. in sakol kimawlna lam leng puahna ding ngimna a, Lamphelpat area a gam 30 acres alian bikhiah leh hiai mun
Rs 19 lakh vel lut a puah hiding ahihdan leng gen hi.
Hiai Tent Pegging championship zoh nung, kumthak 2008 January kal masa in Manipur Equestrian Associaiton leh Manipur police zin tunna nuai ah, All India Police Equestrian Championship leng Imphal ah om nawn ding hi.
Pakistan Prime Minister lui Benazir Bhutto kaplup in om
US leh Russia tel in gam tuamtuam in mohpaihthu puang
Islamabad, Dec 27: Pakistan charismatic leader chih hial a om Prime Minister lui Benazir Bhutto tu nitaklam in election rally aneihna ah kaplup in om hi. Thusuak kingah dan in, tu nitaklam in Bhutto in Rawalpindi ah election rally nei a, huai mun ah helpawl hidia gintak te’n a gari thau in ana kap uh a, huai zoh in sihchilh bomb puahzaak sak in om a, midang 20 val in leng sihloh uhi. Thusuak in ataklatna ah, thau tang 5 kapkhiak a om te lak ah thautang khat a ngawng ah lut a, kintak in Rawalpindi General Hospital tut in om mahleh, damzoulou hi. Kum 54 a upa Benazir ahihleh, Pakistan mipi tamzaw in ngaina mahmah uh hi’n kigen hi. Rahman Malik, PPP chairperson's security advisor in agenna ah, Bhutto gari mi bangzah hiam in thau in kikap huan ua, tuazoh in sihchilh bomb khat puakzaak ahihdan gen hi.
PPP Member poimoh mahmah Wasif Ali Khan in agenna ah, nitaklam dak 6:16 geih in Bhutto hinna abeita chi’n puang a, huai toh kiton in Pakistan gamsung sousang mahmah hi. Bhutto in ahihleh, a pasal Asif Ali Zardari leh a tate nih nawsia hi. Pakistan gamsung a sousang mahmah ziak in tu nitak in President Pervez Musharraf in a mimuan deuhdeuh sam khawm in emergency meeting sam ngal hi. PPP hatna bial Karachi, Lyari leh Jecobabad ngial ah Security leh mipite ki honsual zaak uhi. Pakistan's Interior ministry in leng Bhutto sihthu puangkhe ngal a, Bhutto mi muan mahmah Sherry Rehman leh Naheed Khan te leng liam uh ahihdan puang hi.
Mipi thangpai te’n damdawi inn kim ah "Dog, Musharraf, dog," chi in kikou uh a, Damdawi inn Emergency unit glass teng khetsiat ahih banah, damdawi inn building nasan leng halsiat sawm pawl om man a, mipi sang tamtak khitui naptui toh om uhi.
Bhutto sihna toh kisai in, Russia leh US tel in gam tuamtuam in mohpaih thu puang uh a, Pakistan Opposition leader sihna a mawk mai a koih hilou ding in thupuan bawl tuaktuak uhi. Russian Foreign Ministry spokesman Mikhail Kamynin in agenna ah, Bhutto nasep khiak te khovel in thei a, mi poimoh leh manpha sihna tung ah Pakistan thuneitute a daihdide ua leh thil mak tak hiding ahi chi uhi. US Deputy State Department spokesman Tom Casey in agenna ah, Rawalpindi a Bhutto sihna US in suichian ding ahihdan puang in Pakistan mipite sunpih thu puang hi. Benazir Bhutto ahihleh, 1953 kum in piang a, Muslim gam Pakistan ading in numei Prime Minister len masapen ahi hi. Aman 1988 - 1990 leh 1993 – 1996 sung Prime Minister hihna len a, southeastern Sindh province ah piang in US a Harvard's Radcliffe College ah khanglian in, Asia apan Oxford Union a President len masapen leng hidanin kigen hi. A pianna pa Zulfikar Ali Bhutto in 1971-1977 sung Pakistan PM hihna ana len hi.
Awards leh Honorary Degree alak khakte:
Bruno Kreisky Award of Merit in human Rights, 1988.
Honorary Phi Beta Kappa Award (1989), presented by Radcliffe College.
Highest Moroccan Award "Grand Cordon de Wissam Alaoui"
Highest French Award "Grand-croix de la Legion Honneur" (1989)
The Noel Foundation Award, 1990 (UNIFEM).
The Gakushuin Honorary Award, Tokyo (1996)
Award by the Turkish Independent Industries and Businessmen Association (MUSAID) on account of providing assistance to the people of Bosnia.
Golden medal Dragon of Bosnia awarded by President of Bosnia (1996)
Key to the city of Los Angeles, presented by the Mayor of Los Angeles (1995)
Presidential Medal, Paul Nitze School of Advanced International Science (1995)
Medal by University of California at Los Angeles (1995)
Honorary Doctorate of Law, L.L.D Harvard University (1989)
Honorary Doctorate of Law (Honoris Causa), University of Sindh (1994)
Honorary Doctorate from Mendanao State University, Philippines (1995)
Honorary Doctorate of Law (Honoris Causa), Peshawar University (1995)
Honorary Doctorate of Economics, Gakushuin University, Tokyo (1996)
Honorary Fellowship by Lady Margaret Hall, University Oxford, (1989)
Honorary Fellowship by St. Catherine College, University of Oxford, (1989)
Honorary Professor of the Kyrghyz State National University (1995) Kyrghyzstan.
Honorary Professor of Yassavi Kazakh Turkish University, Kazakh-Turkish International Language University, Kazakhstan, 1995.
Honorable Member of OHYUKAI, Alumni Association of Gakushuin, conferred by OHYUKAI Tokyo (1996).
Awarded the 2000 Millennium Medal of Honor by American Biographical Institute, Inc. in November 1998.
Awarded American Academy Award of Achievement in London, October 28, 2000
www.zoham.com
No comments:
Post a Comment