Nasem lai Cement khuam in delhlum
Lamka, Dec- 22: District Hospital New OPD building kibawl lel a khuam khat kipuk in tuni’n Mr. Thangminlian (19) s/o V. Chinkhogin of SSPP Residential School delhlum hi.
Thutut kingah dan in, Dist Hospital New OPD Building kibawl lel pang a khuam kiphut lakkhiak sawm in Mr. Thangminlian len a lawmpa’n sikchiang zang in cement khuam avai fit 1 leh a kim a lian, a san lam feet 10 vel a sang khat lakkhiak sawm a nasem a om lai khuam a kip louh ziak in a gintak sang un puk baihzaw a, tua in Mr. Thangminlian lutang delh kha in kigawp vek hi.
Mr. Thangminlian luang tuni’n Police leh Doctor in Postmortem bawl ngal in a inkuanpihte kiang ah pekhia ua, zingchiang in Lamka hamual ah vui hiding hi.
Thangminlian bel alawmpa Lianzahau (20) s/o Dalzalam of Hospital Compound huai mun a kilawh a nasem hi ua, a lawmpa bel liam kha lou hi. Thangminlian bel New Lamka Raybrn Colege a Class-XI (Arts) sim lai in gen uhi.
Thutut kingah dan in, hiai Dist. Hospital New OPD building a Contractor Sana Tombi of Singjamei Imphal hi a, Mohori bel Palal of Chiengkon hidan inleng thutut kingah hi.
Damdoi khamtheih tamtak mei in haltum
Lamka, Dec 22: Zomi Revolutionary Army (ZRA) Drug cell pawl in tu Christmas kuan a Lamka bazaar sung mun tuamtuam operation abawlna uah mi tuamtuam apan Damdoi kham theih RP tang gap 166 leh Heroine No.4 Rs.3500 vel man ding man uhi. Tuni zinglam dak 11:30 in Lamka khopi sung mun khat ah Press te muh in mei in haltum vek uhi. Tuni a Damdoi khamthieh mei a kihaltumte a sum a tuat in Rs. 20,100/- vel man ding ahi.
Suanlal leh Biakdik kiteng ding
IMPHAL DEC 22: Mr. Pausuanlal Guite s/o K. Guite of Elim Veng New Lamka leh Miss Lalbiakdik d/o Chinkhannang of Bungmual, hong tung ding December 28, 2007 zinglam dak 10 in New Lamka Baptist Church ah kiteng ding uhi. Ngainatute’n uap ding in chial uhi.
Sum tam la ding ten lathei lou
Lamka, Dec 22: United Bank of India (UBI)/CCpur branch leh SBI/CCpur branch a sum bei ziak in tuni’n Bank a sum tamtak la dingte’n lakhe theilou ua, tamlou lakhe dingte bel pia uhi.
CDSU in Pathianni ahih ziak in phallou
Lamka, Dec 22: Dist Transport Office Bijang a Office huang sung ah Reservation of Railway Ticket Counter leh New Bazar a Bus Parking kibawl thak honna Dec. 23, 2007 ni a hon ding a Programme omsa pen CCpur Dist Students’ Union(CDSU) in Pathianni khelkhel a Christian gam a kibawl khum pen pawm theilou in a ni suan thak ding in Chief secy Govt. of Manipur kiang ah gelh thawh in tuni’n lai pia uhi.
CDSU in CCpur Dist a development thil lut ding pen nasatak a kipahpih thu leng puang ua, Pathianni pen Khawvel pumpi a Christian te Pathian bia a, Biak inn kai ni ahihziak a zahtak sak ding inleng thei sak uhi.
Joint Advance Christmas zang
Lamka, Dec 22: Zomi Youth Association (ZYA)/Hq vaisaina in tuni sunnung dak 1:00 in ZYA/Hq Office Upper Lamka ah “Glory to God in the highest and on earth peace Good will to ward men” chih thupi a zang in Joint Advance Christmas zang ua, huai hun ah HYA, KKL, YMA leh ZYA makai tamtak tel uhi.
ZYA Hq in tuni a Advance Christmas zatna atel Philanthropic Organization President HYA, KKL, YMA te kiang ah thilpiak (present) pia hi.
Hiai hun zatna ah, Rev. HC Stephen in Christmas message gen a, aman Khovel ah lemna leh muanna om theih nang in Thauvui thautang thahat chihte sang in Jesu Christ neih poimoh zaw ahihdan gen a, saptuamte bana, phatuamngai pawlpi(philanthropic) organization te dinmun poimoh mahmah nei uh ahi chih leng gen hi. Kikhopna zoh in Advance Christmas ankuang um uhi.
HPC (D) in thu puan bawl
Lamka, Dec 22: Hmar Peoples Convention(D) a Town Commender Mathew HPC (D) CCpur Divn. in tuni a thusuah a bawlna ah tukum Chrismas leh kum thak sung in mi lungsim subuai thei ding thau kap leh puakthei dangdang kham ua, zuzuakna dukan ah leng nitak dak 8:00 tan lel hong ding in leng thei sak hi. Hiai theih sakna pen Hmar khua teng ah Jan.15, 2008 tan zat hiding in puang hi.
Office kai gina om lou
Lamka, Dec 22: Tuni’n Lamka khopi sung a Govt Office tuamtuam suty hikei mahle uh office kai tawm mahmah ua, a kai sunte leng pai bei pah uhi. DC/CCpur Office ngial ah leng tuni DC/CCpur kai louh ziak in office kai tawm pet mah a, a kai om sunte leng pai pah uhi.
Contract Nurse Result
IMPHAL DEC 22: Lamphelpat a om RIMS a Staff Nurse, Contract basis a semtu ding lakna dia written examination, apaisa December 16, 2007 a om result zanhal Dec 20 nitak in puankhiak in om a, tua ah candidate 282 in lohchinna ngahte lak ah Imphal West apan Roll No. 0777 Ms L. Bonie Lalsiamkimi leng telkha a, zan a hihkelhna tung ah poi kisa hi.
Restoration of Jerusalem
Lamka, Dec 22: A mission on Restoration of Jerusalem te makaihna in zingchiang Dec 23, 2007 sunnung dak 1 in Central Lamka EBCC Biakinn ah Advance Christmas Programme zang ding uhi. Hiai hun ah mi phatuamngaite panpihna toh Refreshment om ding hi’n leng thutut kingah hi.
LCA leh Govt. kilem
Lamka, Dec 22: Local Contractor Association leh IFCD in zanhal December 20, 2007 in IFCD Minister Chamber ah Khuga Head Work nuai a Tedim Road Diversion toh kisai pending bill omte toh kisai in IFCD Minister Chairman na nuai ah kilemna suai kai uhi. Hiai toh kisai thusuak in a taklatna ah, Khuga Head work nuai a nasepna sa himahleh Public Interest Board (PIB) in payment dia proposal a piaklut louhte March 2008 a piak siangvek ding in kilemna ah suaikai uhi. Himahleh payment bawl ahihma in verification hoihtak a omlai ding hi’n leng kilem uhi.
Hiai kilemna ah Local Contractor Association sik-le-tang in Shri Haothang Manlun, Chairman, LCA in suaikai a, Shri N. Karunacharja Singh, SE/IFCE, Khuga Project in IFCD sik-le-tang in suaikai hi. Hiai toh kiton in Khuga Dam nasepna bandh omlel pen khahkol ahihdan leng LCA Chairman apan thutut kingah hi.
Paul leh Melody kiteng ding
Lamka, Dec 22: Mr. GL Paul s/o N. Khamtuang Nathanael of Gouchinkhup Veng New Lamka leh Miss Melody d/o T. Thuamlian of Ngathal, hong tung ding December 27, 2007 sunma dak 10 in Beth-Shalom, New Lamka ah kiteng ding uhi.
SUNNA
Thianzamang (34) s/o (L) H. Songzaneng of New Lamka Bethel veng khawsik natna ziak in tuni zingkal dak 7:30 vel in si a, tuni mah in New Lamka YPA hanmual ah vui uhi.
IPR minister in Calendar leh Diary siansuah
IMPHAL DEC 22: IPR minister T.N. Haokip in, DIPR in abawl 2008 Wall Calendar leh Diary tuni sunnung dak 4 in DIPR Director room ah hongkhia ua, hiai hun ah IPR Commissioner P.Bhorot Singh IAS leh IPR Director T. Sithlou IAS te leng tel uhi.
Kumthak 2008 a dia DIPR Wall Calendar abawl zah 10,000 leh Diary 5000 hi a, Calendar pen December 24 apat leitheih dingin zuak hita dinga, IPR office ah Rs 65/- leh Agency te lak apat Rs 70/- in lei theih ding a, Diary bel, zuak theih ding hongtung nailou a, aman ding bel IPR office ah Rs 80/- leh Agency te lak ah, Rs 85/- hiding hi.
Tuni a Calendar leh Diary release na hun a IPR minister in agenna ah, kumdang banga tukum leng 2008 calendar leh Diary Khristmas ma a release theih ahihna ah kipahhuai a sakdan taklang hi. Thuthak saimite dotna adawnna ah, IPR a semtu taksapna om ziaka, govt. news tuamtuamte ahunhun a release bawl zoh ahihlouhna tung ah poisak thu gen in, ahitheitan a panla ding leh, a kul bangbang staff ding contract tanpha pedia govt. a ngetna bawl hidingin leng gen hi. DIPR building thak ding Keishampat a Electricity office gei a kibawl dek pen chik chia bawl zoh hiding toh kisai in, Minister in tulai dan leh thupiak hoihlouh ziakin, zoh hun ding gen haksa ahihdan leng taklang hi.
Register kibawl dingin theisak
IMPHAL DEC 22: Registrar, Manipur Pharmacist registration Tribunal, Medical Directorate thusuak dan in, Diploma leh Degree holders Pharmacist te, Manipur Pharmacist Registration Tribunal nuai a register kibawl dingin theisak hi. Hichibang a register kibawlte Manipur State Pharmacy Council election adia Identity Card bawlsak hiding uhi. Hiai register na dingin, plain paper ah bio-date leh stamp photo nih December 31, 2007 tan in piaklut ngai ding hi.
Lei nih hongkhe ding
IMPHAL DEC 22: Manipur govt. nuai a PWD saina in, December 24, 2007 chiangin Lei bawl thak nih mipi zat theih dingin honkhiakna om ding hi. Lei thak nih honkhiak dingte bel, zinglam dak 10 in Heirangoithong lei leh dak 10.50 in, Keishamthong lei hiding hi.Hiai lei kibawl thak honkhiakna tegel ah, khuallian in Works minister K.Ranjit leh President dingin Education minister L. Jeyantakumar te pang ding uhi.
Nurse khat army gari in phulum
IMPHAL DEC 22: Tuni sunlai dak 12 vel dingin, Imphal East district sung Khurai Telipati a NRL oil pump kiang ah, Army te gari khat in, North AOC a om Raj Poly clinic a Nurse incharge sem Kh. Pati (34) d/o Chaoba of Nepra company, Thoubal leh a seppih Memtombi (27) of Sega road te Kinetic a tailai phukha a, amun ah Kh.Pati singal hi. A lawmnu Memtombi a liam ziakin JN hospital a etkawl in om lel hi. Hiai a mi phukha tu army gari bel taisuak hi.
Kuva nah a sumdawng nih sam tansak
IMPHAL DEC 22: Phaizang helpawl RPF/PLA in talap/zarda/khaini/mitha nah chihte Manipur a puaklut leh zuak a kham lai un, hichibang kalh a nasem Kuva nah zuak numei nih man in thuhilhna khauhtak toh khah nawn uhi.
Thutut kingah dan in, hiaite bel, Maibam Landhoni @ Madhubala (43) w/o (L) Naba of Thangmeiband Hijam leikai leh NS Monika (40) w/o (L) NS Kumar of Chingmeirong Nepali Basti te tuni zinglamdak 7.30 vel dingin, Imphal bazaar sung Kuva nah azuakna ua pat mankhia ua, Imphal West district sung mun khat ah media te mai ah, amau apat muhsuah sum Rs 5000 toh pulak ahihban uah a sam met sak in thuhilhna khauhtak pia uhi. Hiai hun a RPF/PLA thupuang tun agendan in, amau toh Kuva nah a sumdawng khom Sakhi kichi leng party a ni 5 sunga kipekhe dia theihsak ahihdan gen hi.
Engineer kap thu ah dharna tu
IMPHAL DEC 22: Thangmeiband Sinam leikai a om IFCD Division I nuai a EE sem Sinam Dhanabir zan a helpawl KCP(MC) hidia muanmohten a khe langnih akapsak uh toh kisai mohpaihna in, tuni’n Thangmeiband Sinam leikai Nupi marup pawl in, Sinam leikai a Chingkhong mun ah dharna nei uhi. Hiai hun a Engineer kap ka lungkim kei uh, muanna ka deih uh chih leh gun culture ka deihkei uh chihte festoon leh banner takkhiak uhi.
KSO election hun ding suan
IMPHAL DEC 22: KSO Sadar Hills election December 19, 2007 a neih ding chih himahleh, lemtan louhna khenkhat ziakin, a hun December 29, 2007 dia suan ahihdan thusuak om hi. Hiai election a dia nomination form leng Rs 10 piakin General Secretary kiang ah ngah theih lai dinga, teel dingte bel, President, Gen Secretary, Finance Secy, leh Secy Information and Publicity ahi.
www.zogam.com
Lamka, Dec- 22: District Hospital New OPD building kibawl lel a khuam khat kipuk in tuni’n Mr. Thangminlian (19) s/o V. Chinkhogin of SSPP Residential School delhlum hi.
Thutut kingah dan in, Dist Hospital New OPD Building kibawl lel pang a khuam kiphut lakkhiak sawm in Mr. Thangminlian len a lawmpa’n sikchiang zang in cement khuam avai fit 1 leh a kim a lian, a san lam feet 10 vel a sang khat lakkhiak sawm a nasem a om lai khuam a kip louh ziak in a gintak sang un puk baihzaw a, tua in Mr. Thangminlian lutang delh kha in kigawp vek hi.
Mr. Thangminlian luang tuni’n Police leh Doctor in Postmortem bawl ngal in a inkuanpihte kiang ah pekhia ua, zingchiang in Lamka hamual ah vui hiding hi.
Thangminlian bel alawmpa Lianzahau (20) s/o Dalzalam of Hospital Compound huai mun a kilawh a nasem hi ua, a lawmpa bel liam kha lou hi. Thangminlian bel New Lamka Raybrn Colege a Class-XI (Arts) sim lai in gen uhi.
Thutut kingah dan in, hiai Dist. Hospital New OPD building a Contractor Sana Tombi of Singjamei Imphal hi a, Mohori bel Palal of Chiengkon hidan inleng thutut kingah hi.
Damdoi khamtheih tamtak mei in haltum
Lamka, Dec 22: Zomi Revolutionary Army (ZRA) Drug cell pawl in tu Christmas kuan a Lamka bazaar sung mun tuamtuam operation abawlna uah mi tuamtuam apan Damdoi kham theih RP tang gap 166 leh Heroine No.4 Rs.3500 vel man ding man uhi. Tuni zinglam dak 11:30 in Lamka khopi sung mun khat ah Press te muh in mei in haltum vek uhi. Tuni a Damdoi khamthieh mei a kihaltumte a sum a tuat in Rs. 20,100/- vel man ding ahi.
Suanlal leh Biakdik kiteng ding
IMPHAL DEC 22: Mr. Pausuanlal Guite s/o K. Guite of Elim Veng New Lamka leh Miss Lalbiakdik d/o Chinkhannang of Bungmual, hong tung ding December 28, 2007 zinglam dak 10 in New Lamka Baptist Church ah kiteng ding uhi. Ngainatute’n uap ding in chial uhi.
Sum tam la ding ten lathei lou
Lamka, Dec 22: United Bank of India (UBI)/CCpur branch leh SBI/CCpur branch a sum bei ziak in tuni’n Bank a sum tamtak la dingte’n lakhe theilou ua, tamlou lakhe dingte bel pia uhi.
CDSU in Pathianni ahih ziak in phallou
Lamka, Dec 22: Dist Transport Office Bijang a Office huang sung ah Reservation of Railway Ticket Counter leh New Bazar a Bus Parking kibawl thak honna Dec. 23, 2007 ni a hon ding a Programme omsa pen CCpur Dist Students’ Union(CDSU) in Pathianni khelkhel a Christian gam a kibawl khum pen pawm theilou in a ni suan thak ding in Chief secy Govt. of Manipur kiang ah gelh thawh in tuni’n lai pia uhi.
CDSU in CCpur Dist a development thil lut ding pen nasatak a kipahpih thu leng puang ua, Pathianni pen Khawvel pumpi a Christian te Pathian bia a, Biak inn kai ni ahihziak a zahtak sak ding inleng thei sak uhi.
Joint Advance Christmas zang
Lamka, Dec 22: Zomi Youth Association (ZYA)/Hq vaisaina in tuni sunnung dak 1:00 in ZYA/Hq Office Upper Lamka ah “Glory to God in the highest and on earth peace Good will to ward men” chih thupi a zang in Joint Advance Christmas zang ua, huai hun ah HYA, KKL, YMA leh ZYA makai tamtak tel uhi.
ZYA Hq in tuni a Advance Christmas zatna atel Philanthropic Organization President HYA, KKL, YMA te kiang ah thilpiak (present) pia hi.
Hiai hun zatna ah, Rev. HC Stephen in Christmas message gen a, aman Khovel ah lemna leh muanna om theih nang in Thauvui thautang thahat chihte sang in Jesu Christ neih poimoh zaw ahihdan gen a, saptuamte bana, phatuamngai pawlpi(philanthropic) organization te dinmun poimoh mahmah nei uh ahi chih leng gen hi. Kikhopna zoh in Advance Christmas ankuang um uhi.
HPC (D) in thu puan bawl
Lamka, Dec 22: Hmar Peoples Convention(D) a Town Commender Mathew HPC (D) CCpur Divn. in tuni a thusuah a bawlna ah tukum Chrismas leh kum thak sung in mi lungsim subuai thei ding thau kap leh puakthei dangdang kham ua, zuzuakna dukan ah leng nitak dak 8:00 tan lel hong ding in leng thei sak hi. Hiai theih sakna pen Hmar khua teng ah Jan.15, 2008 tan zat hiding in puang hi.
Office kai gina om lou
Lamka, Dec 22: Tuni’n Lamka khopi sung a Govt Office tuamtuam suty hikei mahle uh office kai tawm mahmah ua, a kai sunte leng pai bei pah uhi. DC/CCpur Office ngial ah leng tuni DC/CCpur kai louh ziak in office kai tawm pet mah a, a kai om sunte leng pai pah uhi.
Contract Nurse Result
IMPHAL DEC 22: Lamphelpat a om RIMS a Staff Nurse, Contract basis a semtu ding lakna dia written examination, apaisa December 16, 2007 a om result zanhal Dec 20 nitak in puankhiak in om a, tua ah candidate 282 in lohchinna ngahte lak ah Imphal West apan Roll No. 0777 Ms L. Bonie Lalsiamkimi leng telkha a, zan a hihkelhna tung ah poi kisa hi.
Restoration of Jerusalem
Lamka, Dec 22: A mission on Restoration of Jerusalem te makaihna in zingchiang Dec 23, 2007 sunnung dak 1 in Central Lamka EBCC Biakinn ah Advance Christmas Programme zang ding uhi. Hiai hun ah mi phatuamngaite panpihna toh Refreshment om ding hi’n leng thutut kingah hi.
LCA leh Govt. kilem
Lamka, Dec 22: Local Contractor Association leh IFCD in zanhal December 20, 2007 in IFCD Minister Chamber ah Khuga Head Work nuai a Tedim Road Diversion toh kisai pending bill omte toh kisai in IFCD Minister Chairman na nuai ah kilemna suai kai uhi. Hiai toh kisai thusuak in a taklatna ah, Khuga Head work nuai a nasepna sa himahleh Public Interest Board (PIB) in payment dia proposal a piaklut louhte March 2008 a piak siangvek ding in kilemna ah suaikai uhi. Himahleh payment bawl ahihma in verification hoihtak a omlai ding hi’n leng kilem uhi.
Hiai kilemna ah Local Contractor Association sik-le-tang in Shri Haothang Manlun, Chairman, LCA in suaikai a, Shri N. Karunacharja Singh, SE/IFCE, Khuga Project in IFCD sik-le-tang in suaikai hi. Hiai toh kiton in Khuga Dam nasepna bandh omlel pen khahkol ahihdan leng LCA Chairman apan thutut kingah hi.
Paul leh Melody kiteng ding
Lamka, Dec 22: Mr. GL Paul s/o N. Khamtuang Nathanael of Gouchinkhup Veng New Lamka leh Miss Melody d/o T. Thuamlian of Ngathal, hong tung ding December 27, 2007 sunma dak 10 in Beth-Shalom, New Lamka ah kiteng ding uhi.
SUNNA
Thianzamang (34) s/o (L) H. Songzaneng of New Lamka Bethel veng khawsik natna ziak in tuni zingkal dak 7:30 vel in si a, tuni mah in New Lamka YPA hanmual ah vui uhi.
IPR minister in Calendar leh Diary siansuah
IMPHAL DEC 22: IPR minister T.N. Haokip in, DIPR in abawl 2008 Wall Calendar leh Diary tuni sunnung dak 4 in DIPR Director room ah hongkhia ua, hiai hun ah IPR Commissioner P.Bhorot Singh IAS leh IPR Director T. Sithlou IAS te leng tel uhi.
Kumthak 2008 a dia DIPR Wall Calendar abawl zah 10,000 leh Diary 5000 hi a, Calendar pen December 24 apat leitheih dingin zuak hita dinga, IPR office ah Rs 65/- leh Agency te lak apat Rs 70/- in lei theih ding a, Diary bel, zuak theih ding hongtung nailou a, aman ding bel IPR office ah Rs 80/- leh Agency te lak ah, Rs 85/- hiding hi.
Tuni a Calendar leh Diary release na hun a IPR minister in agenna ah, kumdang banga tukum leng 2008 calendar leh Diary Khristmas ma a release theih ahihna ah kipahhuai a sakdan taklang hi. Thuthak saimite dotna adawnna ah, IPR a semtu taksapna om ziaka, govt. news tuamtuamte ahunhun a release bawl zoh ahihlouhna tung ah poisak thu gen in, ahitheitan a panla ding leh, a kul bangbang staff ding contract tanpha pedia govt. a ngetna bawl hidingin leng gen hi. DIPR building thak ding Keishampat a Electricity office gei a kibawl dek pen chik chia bawl zoh hiding toh kisai in, Minister in tulai dan leh thupiak hoihlouh ziakin, zoh hun ding gen haksa ahihdan leng taklang hi.
Register kibawl dingin theisak
IMPHAL DEC 22: Registrar, Manipur Pharmacist registration Tribunal, Medical Directorate thusuak dan in, Diploma leh Degree holders Pharmacist te, Manipur Pharmacist Registration Tribunal nuai a register kibawl dingin theisak hi. Hichibang a register kibawlte Manipur State Pharmacy Council election adia Identity Card bawlsak hiding uhi. Hiai register na dingin, plain paper ah bio-date leh stamp photo nih December 31, 2007 tan in piaklut ngai ding hi.
Lei nih hongkhe ding
IMPHAL DEC 22: Manipur govt. nuai a PWD saina in, December 24, 2007 chiangin Lei bawl thak nih mipi zat theih dingin honkhiakna om ding hi. Lei thak nih honkhiak dingte bel, zinglam dak 10 in Heirangoithong lei leh dak 10.50 in, Keishamthong lei hiding hi.Hiai lei kibawl thak honkhiakna tegel ah, khuallian in Works minister K.Ranjit leh President dingin Education minister L. Jeyantakumar te pang ding uhi.
Nurse khat army gari in phulum
IMPHAL DEC 22: Tuni sunlai dak 12 vel dingin, Imphal East district sung Khurai Telipati a NRL oil pump kiang ah, Army te gari khat in, North AOC a om Raj Poly clinic a Nurse incharge sem Kh. Pati (34) d/o Chaoba of Nepra company, Thoubal leh a seppih Memtombi (27) of Sega road te Kinetic a tailai phukha a, amun ah Kh.Pati singal hi. A lawmnu Memtombi a liam ziakin JN hospital a etkawl in om lel hi. Hiai a mi phukha tu army gari bel taisuak hi.
Kuva nah a sumdawng nih sam tansak
IMPHAL DEC 22: Phaizang helpawl RPF/PLA in talap/zarda/khaini/mitha nah chihte Manipur a puaklut leh zuak a kham lai un, hichibang kalh a nasem Kuva nah zuak numei nih man in thuhilhna khauhtak toh khah nawn uhi.
Thutut kingah dan in, hiaite bel, Maibam Landhoni @ Madhubala (43) w/o (L) Naba of Thangmeiband Hijam leikai leh NS Monika (40) w/o (L) NS Kumar of Chingmeirong Nepali Basti te tuni zinglamdak 7.30 vel dingin, Imphal bazaar sung Kuva nah azuakna ua pat mankhia ua, Imphal West district sung mun khat ah media te mai ah, amau apat muhsuah sum Rs 5000 toh pulak ahihban uah a sam met sak in thuhilhna khauhtak pia uhi. Hiai hun a RPF/PLA thupuang tun agendan in, amau toh Kuva nah a sumdawng khom Sakhi kichi leng party a ni 5 sunga kipekhe dia theihsak ahihdan gen hi.
Engineer kap thu ah dharna tu
IMPHAL DEC 22: Thangmeiband Sinam leikai a om IFCD Division I nuai a EE sem Sinam Dhanabir zan a helpawl KCP(MC) hidia muanmohten a khe langnih akapsak uh toh kisai mohpaihna in, tuni’n Thangmeiband Sinam leikai Nupi marup pawl in, Sinam leikai a Chingkhong mun ah dharna nei uhi. Hiai hun a Engineer kap ka lungkim kei uh, muanna ka deih uh chih leh gun culture ka deihkei uh chihte festoon leh banner takkhiak uhi.
KSO election hun ding suan
IMPHAL DEC 22: KSO Sadar Hills election December 19, 2007 a neih ding chih himahleh, lemtan louhna khenkhat ziakin, a hun December 29, 2007 dia suan ahihdan thusuak om hi. Hiai election a dia nomination form leng Rs 10 piakin General Secretary kiang ah ngah theih lai dinga, teel dingte bel, President, Gen Secretary, Finance Secy, leh Secy Information and Publicity ahi.
www.zogam.com
No comments:
Post a Comment