Joint Forum in NSCN faction-te kimuhpih tuak uh: Indo-Naga Peace talks Delhi ah kipan nawn
New Delhi, April 16: Government of India palaite leh National Socialist Council of Nagalim (Isak-Muivah) palaite’n tuni nitak in New Delhi ah kihouna sunzom nawn uhi. Naga political problem avaiven theihna ding chi’n Centre Government in suanlam tuamtuam bawl in kizekaisak uh a, huai in NSCN (IM) hih thangpai mahmah in, tutung kihouna hoihtak a paikei leh Nagate’n singnuai gamnuai lutnawn ding uh chi’n NSCN IM Publicity Secretary Krabo Chawang in Pathianni in thupuan bawl hi. Thusuak kingahdan in, tutung in NSCN (I-M) in Nagalim ading in Constitution tuam neih ding, Naga-inhabited area teng gamkhat a gawm ding chihte thusun bawlnawn ding ua, huailou agenda dang himhim genpih sawmlou uh hi’n kigen hi.
Tutung a Indo-Naga peace talk ah Union Minister Oscar Fernandes in Centre team ah makai a, Minister of State(PM’ office) Prithviraj Chauhan, kihouna a India palai a pangsek K. Padmanabhaiah, Home Ministry leh Intelligence official-te banah top military commander-te leng tel uhi. NSCN(IM) lam ah General Secretary Th. Muivah makaihna in Outfit collective leadership-te palai VS Atem, Home Minister-lui Ph Raising leh Steering Committee a member Karaiba Chawang tel uh a, NSCN(IM) Chairman Isak Chishi Swu bel Bangkok ah om a, kihouna ah tutung in tellou hi.
Government of India (GoI) in ahihleh NSCN IM demand nihte hun paisa apan ana nan(dal) charchar uh hi a, tutung in leng adal lai uh gintak-huai hi’n thusuak kingah hi. GoI makai Oscar Fernandez in a genna ah tutung kihouna ding ah “free and frank discussion” leng omphut thei ahihdan gen in, Constitution tawh kisai study dia committee kibawlte’ finding velkhawm ding uh hi’n leng gen hi. 1997 apan NSCN IM leh GoI in peace talks round 60 vei neita uh a, kihouna pai toutou leleng hoihlam nawt tuanlou ahi chih NSCN IM lamte’ muhdan hita hi. Fernandez in a genbehna ah NSCN IM in NSCN (Unification) tungtang miscellaneous agenda dan in put-up mahle uh amau sungthu buaina ahihziak in genkhak in a om kei maithei chi a, amau sungthu buaina ah Centre Government in kigolh ding lemsalou ahi, chi hi.
Thudang khat kizadan in, Dimapur District GBs & DBs Joint Forum in tulai a Dimapur kimlak a thiltungte nopsaklouh ziak leh faction kal a kituahna om theihna ding ngimna in April 2 in Camp Hebron ah NSCN (I-M) makaite kimuhpih ua, April 3 in Vihokhu a Unification camp ah GPRN/NSCN(Unification)te kimuhpih uh ahihdan tuni in puang uhi. Forum’s convenor L. Kapfo Chakhesang in agenna ah NSCN (IM) in Naga Unification piching om theihna dingin faction dangte tawh kilem hoih asakdan uleh a lunggulhdan uh gen uh a,huai in Joint forum makaite kipaksak mahmah ahihdan gen a, GPRN/NSCN (Unification) apan dawnna a ngahte uleng lungkimhuai mahmah in khatvei tei Nagate adia kigawmna om taktak ding ahi, chi’n kinepthu gen uhi.
LOCAL NEWS:
Union Secretary leh DoNER Secretary in National Seminar & Workshop uap ding
Lamka, April-16: ZEPADA vaisaina in May 5 & 6,2008 in Rayburn College ah “National Seminar & Workshop in Stable Land-based Farming” om ding hi. GK Pillai,IAS, Secretary,Ministry of Commerce & Industry, Govt of India; Mrs Veena Sreeram Rao,IAS, Secretary, DoNER, Govt of India leh Jarnail Singh,IAS, Chief Secretary to the govt of Manipur in leng huai Seminar & Workshop uap ding uh a, Spices Board, Tea Board, Coffee Board, Rubber Board, APEDA leh mi poimawh tuamtuam apan sinsakna leh thugen ngaihkhiakna om ding hi.
NREGA Director in Manipur phading
Lamka, April-16: Nitish Kumar, IAS, Director, National Rural Employment Guarantee Act (Scheme) in April 21-22 sung Manipur hongpha ding hi. Aman Manipur a district tuamtuam ah NREGS nasepna dinmun ngentel taka etkhiak sawm hi’n thusuak kingah hi. Nitish Kumar hong zin hun ah DC/Ccpur in thil poimawh teng felsa in koihsawm a, BDO/PO teng kiang ah NREGS nasepna tawh kisai record om teng ettheih dia mansa a koih ding in theisak chihthu om hi.
Tractor accident si leh liamte panpih ding
Lamka, April-16: Dumsau khua ah April 12,2008 in NREGS nasepna a kizang Tractor (No.MN-02-4875) accident ziak a si Chiindeihching (35) w/o Thangkhanpau of Dumsau innkuante panpihna dingin NREGS apan ex-gratia Rs.25,000 piak hiding chi’n DC/CCpur in gen a, National Benefit Scheme leng omthei ginthu leng kiza hi. Huaini a accident ah Dumsau khawmi ngen -Ngaineiching (32) w/o N.Jamminthang, Pastor Kamgin (58) h/o Zamkhongai, Chingzachiin (28) w/o Lumminthang leh Remruotkimi (18) w/o Soizalian liam uh a, Lamka a Hospital a etkol ahih sung ua damdawi man teng leng DC in piaksak vek ding a, Hospital a a om sung teng uh leng a nitha kimkhat lawh uh allowance dan a piak vek hiding chi’n leng DC in gen hi.
Mipi in a theihsiam vek ding un panlak sawm
Lamka, April-16: NREGS nasepna pailel mipi’n a hamphatpih zawk uleh thil omdan a theihchet sem uh deih ziakin Seppatni leh Sintawpni teng in BDO/PO teng DC/Ccpur office ah om gige ding ua, huai hun ah complaint bawl utte leh theihsiamlouh neite’n kanchet theih ding a, complaint box ah leng lehkha khiaktheih ding hi’n kigen hi. DC/CCpur in a gendan in Lamka zang leh singtang bial a omte’n NREGS tungtang a theihchet sem uh deihna ziak in pau tuamtuam a kibawl pamphlet(lehkha neu) leng kihawmzak ding a, awareness tamsem bawl hilai ding in gen hi.
Ngasuonlei accident ate ex-gratia peding
Lamka, April-16: Zomi Students Federation saina in Singngat-Behiang kikal a Ngasuonlei tungah January 17, 2008 in Truck accident a si mi 20 te leh aliam mi 37 te kiang ah April 18,2008 sun dak 12:00 in Upp Lamka a Paite Tribe Council conference hall ah ex-gratia piak hiding in thutut kingah hi.April 12,2008 a hawmkhiak ding chih himahleh lemtanlouhna ziaka kihawm khenailou hidan in leng thukiza hi. Misi 20 innkuante kiang ah Rs.40,000 chiat piak hiding a, aliam nakdeuh mi 29 kiang ah Rs.10,000 chiat leh aliam(minor) mi 8te kiang ah Rs.5,000 chiat piak hiding un kigen hi.
NEWS LAKTOM:
Chief Engineer in Khuga Dam pha
#Manihar Singh, Chief Engineer,IFCD in tuni zinglam in Khuga Project mun pha a, huai Project a nasepna leh work site mun khenkhat a nasepna enkhia a nitaklam in Imphal ah paikik hi.
SDPO/CCpur zinkhia
# K. Kabib,IPS, SDPO/Ccpur in Andhra Pradesh state khawpi Hyderabad ah ni 5 sung firing a tel ding in April 13,2008 in Lamka nusia in zinkhia hi.
Thangjing ah Chingkaba om ding
# Meitei nungak leh tangval te’n kum tenga azat zel uh tangkal(chingkaba) kichi April 19 & 20 in zang ding uhi. Huaini in nungak tangval tamtak Thangching tang ah kal ding uh a, police in venbitna lam mawhpaw ding uh chihthu om hi.
Kimawl lai gate apan kia
# Baby Adas Kumar (6) s/o Bijay of New Bazar tulelin St.Joseph School a Class II simlel tuni zinglam dak 8:30 vel in a School ua kimol lai gate apan in kia in alu tatkha a,District Hospital ah etkol in om hi
IMPHAL NEWS:
CM makaih in VVIP 6 tuni’n zinkhia uh
Imphal, April 16: Tuni (April 16) in Manipur Chief Minister O Ibobi Singh leh a zi Landhoni Devi in hih ding poimawh tuamtuam neihziak in zingkal in Imphal to Kolkata flight in zinkhia ua, nitaklam in Manipur Governor Dr SS Sidhu in Meghalaya state zuan in zinkhia hi. Tuabangkalah, Outer Manipur Lok Sabha MP Mani Charanamei in Delhi zuan a, Guwahati High Court Justice Ashok Potshangbam leh Justice T Nanda Kumar te’n leng Delhi zuan in nitak lam mah in Imphal nusia uhi.
Kakching bial ah mi khat kaplup hinawn
Zan nitak a kaplup hidia gintak Md Musharrauddin (45) s/o (late) Buda Tomba of Sora Makha Leikai tu zingkal in Kakching Police station huamsung a om Khongoipat ah muhkhiak in om a, a veilam awm ah thautang lutna ma om hi’n kigen hi. RIMS ah postmortem bawl ding in koih in om lel hi.
Imphal West Commando te’n helpawl 2 mankhia
Imphal, April 16: Imphal West Police Commando te’n zan nitaklam dak 5:30 vel ding in Khoyathong Palem leikei lak search operation bawl uh a, huai ah RPF/PLA member dia muanmawh mi khat mankhia uhi. Mat a om ahihleh, Ch Gandhi Singh (56) s/o Ch Kulachandra of Khoyathong Palem Leikai hi a, amah apan in mobile Nokia handset leh Sim 9856321194 mukhia ua, a kipuanna dungzui in a lawmpa A Rajen @ Shimray (36) of Keishampat Leimayam Leikai tawh kizui in Paona Bazar a Dukan 5 vel ah sum khon uh hi’n kigen hi. Amau a lawmta un mobile number 3 dawr kaite kiang ah pia in, sum demand bawl uhi.
Tuabangkalah, Imphal West Police Commando tem ah in, tu zingkal dak 8 ginkuan in Phumlou Village ah helpawl om chih thu intelligence source apan in za ua, Operation aneihna uah, KCP (MC) member Ranjit Singh (32) of Phumalou Leikai mankhi auhi. Amah ahihleh, KCP (MC) nuai ah finance department a sem hidan in gen ua, a sum tang in Rs 40,000 leng mukhia uhi.
Health official te’n Delhi zuan uh
Imphal, April 16: Union Health Minister Dr Ramadoss in Regional Institute of Medical Sciences (RIMS) May 13-15 kikal a veh hongsawmna tawh kisai a hong zin Dr MK Mohanty, Director General of Health, Ministry of Health and Family welfare leh a team te tuni in Imphal nusia in Delhi ah kik nawn ta uhi. Dr Mohanty leh a team te’n ahihleh, RIMS hoihtak in velna nei ua, Super Speciality Hospital khat RIMS complex sung a dinkhiak ding, RIMS upgradation bawl ding chih leh development thil khenkhat enkhia a hong hawh kawm uh hi’n kigen hi.
District 2 ah nitaka Curfew kilakhia
Imphal, April-16: Manipur phaijang bial ah March 2008 kha in galvantawi pawlin Vaite mi 15 a thah ziak ua nitak a Curfew kikoih tuni nitak apan Imphal West leh Imphal East district apan lakkhiak hita hi. Hileleng huai district 2 ah mi 5 sanga tamzaw omkhawm phallouh banah security hiam police chihlouh midang kuamah in pawlam ah galvan leh hiamhei tawikhiak phallouh thu om bel ngeina bangin paitou lai ding chihthu om hi.
March 17 & 18, 2008 in Vaite mi 15 kaplup ahihziakin Imphal West, Imphal East, Thoubal leh Bishnupur district ah March 18 akipan in nitaklam dak 6.00 apan zingsang dak 5.00 kikal Curfew koih hi a, March 28,2008 akipan in nitak dak 9.00 apan zingsang dak 5.00 kikal Curfew kikoih tuni a lakkhiak hipan hi.
National Higway 39 bandh kipan
Imphal, April 16: Canchipur a om Manipur Central University kekletsawm ziak a lou bawlna(agricultural land) tamtak mangthang ding chih paulam a akim a teng leh khawsa Phuloukonjil Loukol and Heibokching Land Protection Committee pawl in State Government panlakdan deihlouh taklatna in April 17 in Singjamei apan Lilong kikal National Highway – 39 lamlian lak dakkal 24 sung bandh puang uhi. Bandh ahihleh tuni April 16 nitaklam dak 6 in kipan a, April 17 nitaklam dak 6 tan hiding hi.
Hnahthial a BDO office Godown kang
Aizawl, April-16: Serchhip district sung Hnahthial khua ah tuni zingsang dak 10.00 velin BDO office a Godown kang a, buhchi(seed) dia hawm ding buh bag 80 om lak ah bag 28 kangsia chihthu kiza hi. Hnahthial khaw mipite’n Serchhip district munpi dia Hnahthial zat dingin tulai in hahtakin phu uh a, zan in huai thu ah Chief Minister tawh kihouna om lai lungkimlou in potkhiaksan uh a, amau bial MLA tanpha leng kitawp ding in theisak uhi. Hnahthial khua a BDO office godown leng kuate hal hihiam chih thuchian theih hikei mahleh lungkimlou a kiphin pawlte hal hidia gintakthu khenkhat in gen hi
Czech Ambassador leh Mizoram CM kimu
Aizawl, April 16: Tuni in Mizoram Chief Minister leh Czech Republic Ambassador to India Hynek Kmonicek te CM office chamber ah kimu in thu tuamtuam genkhawmna nei uhi. Czech Republic Ambassador in ahihleh, apaisa Pathianni (April 13) in Mizoram veh a mun tuamtuam a phak kual nung in tuni in CM Zoramthanga kimuhpih pan hi. Hynek Kmonicek in agenna ah, Czech in technology vai ah khanlawhna thupitak ngah in mipite leh a biktak in khangthakte’n phat tuam pih mahmah a, huai bang mah in, Mizoram in bang chi’n technology a hamphat pih thei dia, Czech Government in bangchi leh technology thil ah Mizoram a phat tuampih theidia chih te ngaih sut hunlaitak ahi chi hi. Ambassador in agenzelna ah, micro hydel project thil ah 20 - 200 K.W. poimawh ahihdan gen kawm in, Lengpui airport leng kawchiip law mahmah in puah hun ahihthu Chief Minister hilh hi. Ambassador Kmonicek in Mizoram a vehna hun ah, Vladimir Jenista, First Secretary leh Jitka Znamenackova, Third Secretary leh official tamtak in zui ua, India palai dan in Civil aviation Ministry apan official tamtak in leng kithuahpih uhi.
DDK tungtawn in Class XII topper te dotna bawltheih
DDK Aizawl in tuni a thusuah abawlna uah, April 18 (Sintawpni) nitak dak 6 apan dak 7 kikal in HSSLC Topper te kiang ah Live Phone-in Programme hun ah dotna tuamtuam bawlthei ua, lunglutna neite’n huai hun sung in DDK Phone No. 2362387 leh 2362351 contact theiding ua, tukum HSSLC Exam-a Arts, Science, Commerce & Vocational subject-a topper te’n live mah in dawnna pe ding uh hi’n gen uhi.
EDITORIAL:
Tuni Thupi:
“Tui tampi awte sangin, tuipi kihawt hattakte sangin leng, tunglama TOUPA a hatzaw ahi” - Sam 93:4
Lamka adia mamawh: College piching
India zalenna sualtu Mahatma Gandhi in “education is a life long process…” a chi a, tuabang mah in educationist tamtak in Education kichi khiakna tamtak a gelhkhia uhi. Ei pau in education i chih siamsinna in i lettop mai a, a dikkei chihna hilou in huapneu deuhkha maithei hi.
Siamsinna(education) kichi poimawh mahmah a, Gandhi gendan piandeuh in i damsung in kisinna ding om a, i pian apan i teek dong in, siamsin vek i hi uh, a chih adik mahmah hi’n i thei hi. Queen guitarist Brian May bang i et leh kum 60 in upata a, music kumpipa chih hial in om a, music tawh kisai tamtak ana sinkhiakte leng siamsinna khat ahi hi. Upa simta mahleh tu in Liverpool John Moores University a Chancellor lending in mawhpuakna piak in om hi. Bangziak a hiai thu genkha mawk i hiam i chih leh, ei lak ah Government leh public/private sector tuamtuam a sem, tuate ban ah Mission a sem heutu leh lehkhasiam tamtakte sepna apan i pension chiang un, inn khawng ah ikiteek omsak khanak uhi. Vaite bang i et leh, Prime Minister, President, Minister leh politiciante bang kum 80/90 khawng hi ua, khangthakte sang mah in a taw uh zang zawlai mah bang hi. Eilak ah kum 60 khawng a pension puteek/piteek om chih mawk pen dikthei ding hiam? I siamna leh pilnate khangthakte adia nawtsiat utlou i hi hiam chih dotna kibawltheih mawk hi.
Paul Rostad leh azi in itna leh khualna ziak in Mission compound a Mission school apat ua kipan in tamtak i khangkhia ua, i nung etkik vengveng chiang in Misson compound school product-te i lak ah mi zat-theih pente hi ua, Saptuam leh khawtang a i makaite ahih ban uah, Officer i neihte leng a tangpi in hiai school apan khangkhiate ahi uhi. Tuni in huai bang khop a school leh college muanhuai i neihnawn louh man in poi mahmah hi. Tulel a school leh college i neihte ahoih kei chi i hikei a, himahleh, Mission compound a Rostad School bang khopa kichilna hoih a om diam chi ut lampang i hi.
I gennop mahmah khat ahihleh, vangphat huaitak in vaigam ah neih leh neihlouh genlouh in tamtak i ki sawllut ua, lehkhasiam leh sepna vamu sese kei mahle uh Rel lu tanbek ava muhkhak himhim ziak un, kipahpihhuai veve hi. Numei lam tawh kisai suitute gendan in mun gamla leh mun thawmhau huai ah pasalte sang in numeite ki zalensak baihzaw uh ahi chi uhi. Tua gentak louh Manipur state pua kantan a siamsinna leh sepna ding zonga state dang a om i sapihte lak ah kumteng in 2% vel a lawhching zou uhiam chih theih haksa hi. Vaite bel a pupa khang ua summet bawl leh sum khoihdan(financial management) hoihtak a kichilte hi uhi. Ei lawi mundang ah kisawlkhe pah in naupang chik in sum asang a sim i handle pah ua, huai in hon pei lung-am adiam chih theihton tam mahmah hi. I khut ah sum tampi a om chiang in, nervous in zat teitei sawm in naupang tamtak i siatlawh sek kha uhi.
Lamka zang ah Class XII sin theihna ding in Higher Secondary School 3/4 i nei ua, BA tan sintheihna ding in Government College 2 leh Private college 2 i nei uhi. Tate lehkha siam ding chih nu-le-pa kuapeuh deihdan ahi chih i thei hi. Neih leh neihlouh genlouh in leiba tamtak tawh tate mundang a lehkha sin ding in i sawl uhi. Tu’n leng Class X leh XII exam khin uh a, result suakpah ding hita hi. Nule pa tamtakte ading in lungkhamna hapta hong kipan ding ahi ta. Manipur ah Class XII ban zopna ding College hoih leh piching a om kei chilehang a dikthou ding in i ging hi. Government college-te lah kingakna tak hituanlou ahih chiang in. Akigendan in tulel in Donbosco School in Salemveng ah College ding nasatak in bawl lel ua, mitamtak in a zawh kal uh ngaklah mahmah uhi.
State dang a tate laisin a koih ziak in khateng in lah la in lak kei mahlehang a niamtawp in Rs 3000/4000 i khak gige a ngai hi. Tate’n khateng lawhlak bang a ana lak khak ding uh lauhuai petmah hi. Huaiziak in, inn mun a nu-le-pate tawh a omkhawm theihna ding un BA/Bsc tan chiang bek hoihtaka sintheihna College piching om thei leh chih huailua hi. Tuition fee khateng in Rs 1500 tan lale uleng mundang a i sawlkhiak sang un deih huaizaw mah ding hi. Government hospital a sem Doctor te’n part time a private hospital a ava sep piandeuh un, Government College nih i neihte uah Lecturer siampipi, Doctorate degree ngah tanpha ahunkhop om a, amaute’n Part time in hon huh thei uhenla, tuaban ah Government college leh Bible college ban ah Mission pensioner leh Government officer lehkha siam taktak i neih uh pension sa leh voluntary pension late’n part time a ahong septheihna ding uh College piching deihhuai petmah hi. Tuadan a pan i lak kei leh, naupang leh tuailai tamtak khahsuah ding i bang a, khang kibansam (generation gap) hong om khak ding patauh huai petmah hi.
www.manipurexpress.com
New Delhi, April 16: Government of India palaite leh National Socialist Council of Nagalim (Isak-Muivah) palaite’n tuni nitak in New Delhi ah kihouna sunzom nawn uhi. Naga political problem avaiven theihna ding chi’n Centre Government in suanlam tuamtuam bawl in kizekaisak uh a, huai in NSCN (IM) hih thangpai mahmah in, tutung kihouna hoihtak a paikei leh Nagate’n singnuai gamnuai lutnawn ding uh chi’n NSCN IM Publicity Secretary Krabo Chawang in Pathianni in thupuan bawl hi. Thusuak kingahdan in, tutung in NSCN (I-M) in Nagalim ading in Constitution tuam neih ding, Naga-inhabited area teng gamkhat a gawm ding chihte thusun bawlnawn ding ua, huailou agenda dang himhim genpih sawmlou uh hi’n kigen hi.
Tutung a Indo-Naga peace talk ah Union Minister Oscar Fernandes in Centre team ah makai a, Minister of State(PM’ office) Prithviraj Chauhan, kihouna a India palai a pangsek K. Padmanabhaiah, Home Ministry leh Intelligence official-te banah top military commander-te leng tel uhi. NSCN(IM) lam ah General Secretary Th. Muivah makaihna in Outfit collective leadership-te palai VS Atem, Home Minister-lui Ph Raising leh Steering Committee a member Karaiba Chawang tel uh a, NSCN(IM) Chairman Isak Chishi Swu bel Bangkok ah om a, kihouna ah tutung in tellou hi.
Government of India (GoI) in ahihleh NSCN IM demand nihte hun paisa apan ana nan(dal) charchar uh hi a, tutung in leng adal lai uh gintak-huai hi’n thusuak kingah hi. GoI makai Oscar Fernandez in a genna ah tutung kihouna ding ah “free and frank discussion” leng omphut thei ahihdan gen in, Constitution tawh kisai study dia committee kibawlte’ finding velkhawm ding uh hi’n leng gen hi. 1997 apan NSCN IM leh GoI in peace talks round 60 vei neita uh a, kihouna pai toutou leleng hoihlam nawt tuanlou ahi chih NSCN IM lamte’ muhdan hita hi. Fernandez in a genbehna ah NSCN IM in NSCN (Unification) tungtang miscellaneous agenda dan in put-up mahle uh amau sungthu buaina ahihziak in genkhak in a om kei maithei chi a, amau sungthu buaina ah Centre Government in kigolh ding lemsalou ahi, chi hi.
Thudang khat kizadan in, Dimapur District GBs & DBs Joint Forum in tulai a Dimapur kimlak a thiltungte nopsaklouh ziak leh faction kal a kituahna om theihna ding ngimna in April 2 in Camp Hebron ah NSCN (I-M) makaite kimuhpih ua, April 3 in Vihokhu a Unification camp ah GPRN/NSCN(Unification)te kimuhpih uh ahihdan tuni in puang uhi. Forum’s convenor L. Kapfo Chakhesang in agenna ah NSCN (IM) in Naga Unification piching om theihna dingin faction dangte tawh kilem hoih asakdan uleh a lunggulhdan uh gen uh a,huai in Joint forum makaite kipaksak mahmah ahihdan gen a, GPRN/NSCN (Unification) apan dawnna a ngahte uleng lungkimhuai mahmah in khatvei tei Nagate adia kigawmna om taktak ding ahi, chi’n kinepthu gen uhi.
LOCAL NEWS:
Union Secretary leh DoNER Secretary in National Seminar & Workshop uap ding
Lamka, April-16: ZEPADA vaisaina in May 5 & 6,2008 in Rayburn College ah “National Seminar & Workshop in Stable Land-based Farming” om ding hi. GK Pillai,IAS, Secretary,Ministry of Commerce & Industry, Govt of India; Mrs Veena Sreeram Rao,IAS, Secretary, DoNER, Govt of India leh Jarnail Singh,IAS, Chief Secretary to the govt of Manipur in leng huai Seminar & Workshop uap ding uh a, Spices Board, Tea Board, Coffee Board, Rubber Board, APEDA leh mi poimawh tuamtuam apan sinsakna leh thugen ngaihkhiakna om ding hi.
NREGA Director in Manipur phading
Lamka, April-16: Nitish Kumar, IAS, Director, National Rural Employment Guarantee Act (Scheme) in April 21-22 sung Manipur hongpha ding hi. Aman Manipur a district tuamtuam ah NREGS nasepna dinmun ngentel taka etkhiak sawm hi’n thusuak kingah hi. Nitish Kumar hong zin hun ah DC/Ccpur in thil poimawh teng felsa in koihsawm a, BDO/PO teng kiang ah NREGS nasepna tawh kisai record om teng ettheih dia mansa a koih ding in theisak chihthu om hi.
Tractor accident si leh liamte panpih ding
Lamka, April-16: Dumsau khua ah April 12,2008 in NREGS nasepna a kizang Tractor (No.MN-02-4875) accident ziak a si Chiindeihching (35) w/o Thangkhanpau of Dumsau innkuante panpihna dingin NREGS apan ex-gratia Rs.25,000 piak hiding chi’n DC/CCpur in gen a, National Benefit Scheme leng omthei ginthu leng kiza hi. Huaini a accident ah Dumsau khawmi ngen -Ngaineiching (32) w/o N.Jamminthang, Pastor Kamgin (58) h/o Zamkhongai, Chingzachiin (28) w/o Lumminthang leh Remruotkimi (18) w/o Soizalian liam uh a, Lamka a Hospital a etkol ahih sung ua damdawi man teng leng DC in piaksak vek ding a, Hospital a a om sung teng uh leng a nitha kimkhat lawh uh allowance dan a piak vek hiding chi’n leng DC in gen hi.
Mipi in a theihsiam vek ding un panlak sawm
Lamka, April-16: NREGS nasepna pailel mipi’n a hamphatpih zawk uleh thil omdan a theihchet sem uh deih ziakin Seppatni leh Sintawpni teng in BDO/PO teng DC/Ccpur office ah om gige ding ua, huai hun ah complaint bawl utte leh theihsiamlouh neite’n kanchet theih ding a, complaint box ah leng lehkha khiaktheih ding hi’n kigen hi. DC/CCpur in a gendan in Lamka zang leh singtang bial a omte’n NREGS tungtang a theihchet sem uh deihna ziak in pau tuamtuam a kibawl pamphlet(lehkha neu) leng kihawmzak ding a, awareness tamsem bawl hilai ding in gen hi.
Ngasuonlei accident ate ex-gratia peding
Lamka, April-16: Zomi Students Federation saina in Singngat-Behiang kikal a Ngasuonlei tungah January 17, 2008 in Truck accident a si mi 20 te leh aliam mi 37 te kiang ah April 18,2008 sun dak 12:00 in Upp Lamka a Paite Tribe Council conference hall ah ex-gratia piak hiding in thutut kingah hi.April 12,2008 a hawmkhiak ding chih himahleh lemtanlouhna ziaka kihawm khenailou hidan in leng thukiza hi. Misi 20 innkuante kiang ah Rs.40,000 chiat piak hiding a, aliam nakdeuh mi 29 kiang ah Rs.10,000 chiat leh aliam(minor) mi 8te kiang ah Rs.5,000 chiat piak hiding un kigen hi.
NEWS LAKTOM:
Chief Engineer in Khuga Dam pha
#Manihar Singh, Chief Engineer,IFCD in tuni zinglam in Khuga Project mun pha a, huai Project a nasepna leh work site mun khenkhat a nasepna enkhia a nitaklam in Imphal ah paikik hi.
SDPO/CCpur zinkhia
# K. Kabib,IPS, SDPO/Ccpur in Andhra Pradesh state khawpi Hyderabad ah ni 5 sung firing a tel ding in April 13,2008 in Lamka nusia in zinkhia hi.
Thangjing ah Chingkaba om ding
# Meitei nungak leh tangval te’n kum tenga azat zel uh tangkal(chingkaba) kichi April 19 & 20 in zang ding uhi. Huaini in nungak tangval tamtak Thangching tang ah kal ding uh a, police in venbitna lam mawhpaw ding uh chihthu om hi.
Kimawl lai gate apan kia
# Baby Adas Kumar (6) s/o Bijay of New Bazar tulelin St.Joseph School a Class II simlel tuni zinglam dak 8:30 vel in a School ua kimol lai gate apan in kia in alu tatkha a,District Hospital ah etkol in om hi
IMPHAL NEWS:
CM makaih in VVIP 6 tuni’n zinkhia uh
Imphal, April 16: Tuni (April 16) in Manipur Chief Minister O Ibobi Singh leh a zi Landhoni Devi in hih ding poimawh tuamtuam neihziak in zingkal in Imphal to Kolkata flight in zinkhia ua, nitaklam in Manipur Governor Dr SS Sidhu in Meghalaya state zuan in zinkhia hi. Tuabangkalah, Outer Manipur Lok Sabha MP Mani Charanamei in Delhi zuan a, Guwahati High Court Justice Ashok Potshangbam leh Justice T Nanda Kumar te’n leng Delhi zuan in nitak lam mah in Imphal nusia uhi.
Kakching bial ah mi khat kaplup hinawn
Zan nitak a kaplup hidia gintak Md Musharrauddin (45) s/o (late) Buda Tomba of Sora Makha Leikai tu zingkal in Kakching Police station huamsung a om Khongoipat ah muhkhiak in om a, a veilam awm ah thautang lutna ma om hi’n kigen hi. RIMS ah postmortem bawl ding in koih in om lel hi.
Imphal West Commando te’n helpawl 2 mankhia
Imphal, April 16: Imphal West Police Commando te’n zan nitaklam dak 5:30 vel ding in Khoyathong Palem leikei lak search operation bawl uh a, huai ah RPF/PLA member dia muanmawh mi khat mankhia uhi. Mat a om ahihleh, Ch Gandhi Singh (56) s/o Ch Kulachandra of Khoyathong Palem Leikai hi a, amah apan in mobile Nokia handset leh Sim 9856321194 mukhia ua, a kipuanna dungzui in a lawmpa A Rajen @ Shimray (36) of Keishampat Leimayam Leikai tawh kizui in Paona Bazar a Dukan 5 vel ah sum khon uh hi’n kigen hi. Amau a lawmta un mobile number 3 dawr kaite kiang ah pia in, sum demand bawl uhi.
Tuabangkalah, Imphal West Police Commando tem ah in, tu zingkal dak 8 ginkuan in Phumlou Village ah helpawl om chih thu intelligence source apan in za ua, Operation aneihna uah, KCP (MC) member Ranjit Singh (32) of Phumalou Leikai mankhi auhi. Amah ahihleh, KCP (MC) nuai ah finance department a sem hidan in gen ua, a sum tang in Rs 40,000 leng mukhia uhi.
Health official te’n Delhi zuan uh
Imphal, April 16: Union Health Minister Dr Ramadoss in Regional Institute of Medical Sciences (RIMS) May 13-15 kikal a veh hongsawmna tawh kisai a hong zin Dr MK Mohanty, Director General of Health, Ministry of Health and Family welfare leh a team te tuni in Imphal nusia in Delhi ah kik nawn ta uhi. Dr Mohanty leh a team te’n ahihleh, RIMS hoihtak in velna nei ua, Super Speciality Hospital khat RIMS complex sung a dinkhiak ding, RIMS upgradation bawl ding chih leh development thil khenkhat enkhia a hong hawh kawm uh hi’n kigen hi.
District 2 ah nitaka Curfew kilakhia
Imphal, April-16: Manipur phaijang bial ah March 2008 kha in galvantawi pawlin Vaite mi 15 a thah ziak ua nitak a Curfew kikoih tuni nitak apan Imphal West leh Imphal East district apan lakkhiak hita hi. Hileleng huai district 2 ah mi 5 sanga tamzaw omkhawm phallouh banah security hiam police chihlouh midang kuamah in pawlam ah galvan leh hiamhei tawikhiak phallouh thu om bel ngeina bangin paitou lai ding chihthu om hi.
March 17 & 18, 2008 in Vaite mi 15 kaplup ahihziakin Imphal West, Imphal East, Thoubal leh Bishnupur district ah March 18 akipan in nitaklam dak 6.00 apan zingsang dak 5.00 kikal Curfew koih hi a, March 28,2008 akipan in nitak dak 9.00 apan zingsang dak 5.00 kikal Curfew kikoih tuni a lakkhiak hipan hi.
National Higway 39 bandh kipan
Imphal, April 16: Canchipur a om Manipur Central University kekletsawm ziak a lou bawlna(agricultural land) tamtak mangthang ding chih paulam a akim a teng leh khawsa Phuloukonjil Loukol and Heibokching Land Protection Committee pawl in State Government panlakdan deihlouh taklatna in April 17 in Singjamei apan Lilong kikal National Highway – 39 lamlian lak dakkal 24 sung bandh puang uhi. Bandh ahihleh tuni April 16 nitaklam dak 6 in kipan a, April 17 nitaklam dak 6 tan hiding hi.
Hnahthial a BDO office Godown kang
Aizawl, April-16: Serchhip district sung Hnahthial khua ah tuni zingsang dak 10.00 velin BDO office a Godown kang a, buhchi(seed) dia hawm ding buh bag 80 om lak ah bag 28 kangsia chihthu kiza hi. Hnahthial khaw mipite’n Serchhip district munpi dia Hnahthial zat dingin tulai in hahtakin phu uh a, zan in huai thu ah Chief Minister tawh kihouna om lai lungkimlou in potkhiaksan uh a, amau bial MLA tanpha leng kitawp ding in theisak uhi. Hnahthial khua a BDO office godown leng kuate hal hihiam chih thuchian theih hikei mahleh lungkimlou a kiphin pawlte hal hidia gintakthu khenkhat in gen hi
Czech Ambassador leh Mizoram CM kimu
Aizawl, April 16: Tuni in Mizoram Chief Minister leh Czech Republic Ambassador to India Hynek Kmonicek te CM office chamber ah kimu in thu tuamtuam genkhawmna nei uhi. Czech Republic Ambassador in ahihleh, apaisa Pathianni (April 13) in Mizoram veh a mun tuamtuam a phak kual nung in tuni in CM Zoramthanga kimuhpih pan hi. Hynek Kmonicek in agenna ah, Czech in technology vai ah khanlawhna thupitak ngah in mipite leh a biktak in khangthakte’n phat tuam pih mahmah a, huai bang mah in, Mizoram in bang chi’n technology a hamphat pih thei dia, Czech Government in bangchi leh technology thil ah Mizoram a phat tuampih theidia chih te ngaih sut hunlaitak ahi chi hi. Ambassador in agenzelna ah, micro hydel project thil ah 20 - 200 K.W. poimawh ahihdan gen kawm in, Lengpui airport leng kawchiip law mahmah in puah hun ahihthu Chief Minister hilh hi. Ambassador Kmonicek in Mizoram a vehna hun ah, Vladimir Jenista, First Secretary leh Jitka Znamenackova, Third Secretary leh official tamtak in zui ua, India palai dan in Civil aviation Ministry apan official tamtak in leng kithuahpih uhi.
DDK tungtawn in Class XII topper te dotna bawltheih
DDK Aizawl in tuni a thusuah abawlna uah, April 18 (Sintawpni) nitak dak 6 apan dak 7 kikal in HSSLC Topper te kiang ah Live Phone-in Programme hun ah dotna tuamtuam bawlthei ua, lunglutna neite’n huai hun sung in DDK Phone No. 2362387 leh 2362351 contact theiding ua, tukum HSSLC Exam-a Arts, Science, Commerce & Vocational subject-a topper te’n live mah in dawnna pe ding uh hi’n gen uhi.
EDITORIAL:
Tuni Thupi:
“Tui tampi awte sangin, tuipi kihawt hattakte sangin leng, tunglama TOUPA a hatzaw ahi” - Sam 93:4
Lamka adia mamawh: College piching
India zalenna sualtu Mahatma Gandhi in “education is a life long process…” a chi a, tuabang mah in educationist tamtak in Education kichi khiakna tamtak a gelhkhia uhi. Ei pau in education i chih siamsinna in i lettop mai a, a dikkei chihna hilou in huapneu deuhkha maithei hi.
Siamsinna(education) kichi poimawh mahmah a, Gandhi gendan piandeuh in i damsung in kisinna ding om a, i pian apan i teek dong in, siamsin vek i hi uh, a chih adik mahmah hi’n i thei hi. Queen guitarist Brian May bang i et leh kum 60 in upata a, music kumpipa chih hial in om a, music tawh kisai tamtak ana sinkhiakte leng siamsinna khat ahi hi. Upa simta mahleh tu in Liverpool John Moores University a Chancellor lending in mawhpuakna piak in om hi. Bangziak a hiai thu genkha mawk i hiam i chih leh, ei lak ah Government leh public/private sector tuamtuam a sem, tuate ban ah Mission a sem heutu leh lehkhasiam tamtakte sepna apan i pension chiang un, inn khawng ah ikiteek omsak khanak uhi. Vaite bang i et leh, Prime Minister, President, Minister leh politiciante bang kum 80/90 khawng hi ua, khangthakte sang mah in a taw uh zang zawlai mah bang hi. Eilak ah kum 60 khawng a pension puteek/piteek om chih mawk pen dikthei ding hiam? I siamna leh pilnate khangthakte adia nawtsiat utlou i hi hiam chih dotna kibawltheih mawk hi.
Paul Rostad leh azi in itna leh khualna ziak in Mission compound a Mission school apat ua kipan in tamtak i khangkhia ua, i nung etkik vengveng chiang in Misson compound school product-te i lak ah mi zat-theih pente hi ua, Saptuam leh khawtang a i makaite ahih ban uah, Officer i neihte leng a tangpi in hiai school apan khangkhiate ahi uhi. Tuni in huai bang khop a school leh college muanhuai i neihnawn louh man in poi mahmah hi. Tulel a school leh college i neihte ahoih kei chi i hikei a, himahleh, Mission compound a Rostad School bang khopa kichilna hoih a om diam chi ut lampang i hi.
I gennop mahmah khat ahihleh, vangphat huaitak in vaigam ah neih leh neihlouh genlouh in tamtak i ki sawllut ua, lehkhasiam leh sepna vamu sese kei mahle uh Rel lu tanbek ava muhkhak himhim ziak un, kipahpihhuai veve hi. Numei lam tawh kisai suitute gendan in mun gamla leh mun thawmhau huai ah pasalte sang in numeite ki zalensak baihzaw uh ahi chi uhi. Tua gentak louh Manipur state pua kantan a siamsinna leh sepna ding zonga state dang a om i sapihte lak ah kumteng in 2% vel a lawhching zou uhiam chih theih haksa hi. Vaite bel a pupa khang ua summet bawl leh sum khoihdan(financial management) hoihtak a kichilte hi uhi. Ei lawi mundang ah kisawlkhe pah in naupang chik in sum asang a sim i handle pah ua, huai in hon pei lung-am adiam chih theihton tam mahmah hi. I khut ah sum tampi a om chiang in, nervous in zat teitei sawm in naupang tamtak i siatlawh sek kha uhi.
Lamka zang ah Class XII sin theihna ding in Higher Secondary School 3/4 i nei ua, BA tan sintheihna ding in Government College 2 leh Private college 2 i nei uhi. Tate lehkha siam ding chih nu-le-pa kuapeuh deihdan ahi chih i thei hi. Neih leh neihlouh genlouh in leiba tamtak tawh tate mundang a lehkha sin ding in i sawl uhi. Tu’n leng Class X leh XII exam khin uh a, result suakpah ding hita hi. Nule pa tamtakte ading in lungkhamna hapta hong kipan ding ahi ta. Manipur ah Class XII ban zopna ding College hoih leh piching a om kei chilehang a dikthou ding in i ging hi. Government college-te lah kingakna tak hituanlou ahih chiang in. Akigendan in tulel in Donbosco School in Salemveng ah College ding nasatak in bawl lel ua, mitamtak in a zawh kal uh ngaklah mahmah uhi.
State dang a tate laisin a koih ziak in khateng in lah la in lak kei mahlehang a niamtawp in Rs 3000/4000 i khak gige a ngai hi. Tate’n khateng lawhlak bang a ana lak khak ding uh lauhuai petmah hi. Huaiziak in, inn mun a nu-le-pate tawh a omkhawm theihna ding un BA/Bsc tan chiang bek hoihtaka sintheihna College piching om thei leh chih huailua hi. Tuition fee khateng in Rs 1500 tan lale uleng mundang a i sawlkhiak sang un deih huaizaw mah ding hi. Government hospital a sem Doctor te’n part time a private hospital a ava sep piandeuh un, Government College nih i neihte uah Lecturer siampipi, Doctorate degree ngah tanpha ahunkhop om a, amaute’n Part time in hon huh thei uhenla, tuaban ah Government college leh Bible college ban ah Mission pensioner leh Government officer lehkha siam taktak i neih uh pension sa leh voluntary pension late’n part time a ahong septheihna ding uh College piching deihhuai petmah hi. Tuadan a pan i lak kei leh, naupang leh tuailai tamtak khahsuah ding i bang a, khang kibansam (generation gap) hong om khak ding patauh huai petmah hi.
www.manipurexpress.com
No comments:
Post a Comment