Zosuante haksatna Chief Minister ah tun
Lamka, April 24: Mizoram leh Manipur a teng Zosuante’n Mautaam kialpi a tuah utawh kisai in bangchi leh pankhawmna om thei ding hiam chih ngaihtuah in ZEPADA, ZHRF leh ZAA makaite’n Mizoram va pha ua, amau lawhchingtak in Lamka hongtung kikta uhi. Amaute apan thutut kingah dan in, MZP General Headquarter tawh Mautam tawh kisai a Zosuan/Zonahthlak te’n haksatna a tuah te uh genkhawm ua, tuazawh in MZP in Mizoram Chief Minister Zoramthanga kiang ah thil omdan tut tou ngal uh hidanin gen uhi.
Tuaban ah, Mizo Zaimi Insuihkhawm Mizoram Vice President C.Dinthanga tawh Mautam thuakte panpih theihna ding genkhawm ua, Mautam Concert MZI leh ZAA pangkhawm in May 30, 2008 in Lamka ah neih ding genkhawm uhi. Central Young Mizo Association (CYMA), General Secretary toh a kimuhna hun uah Manipur a Zosuan te’n haksatna a tuah te uh houlimna nei in maban bawhzui ding dan CYMA Gen.Secy in ka na entou zel ding uh chi hi. Lamka apan makaite’ va zinna tawh kisai in leng MZP General Headquarters in Aizawl ah Press Release khat suah zui ngal u hi’n kigen hi. Zonahthlak/Zosuante panpih poimoh na mun ah pangkhawm zel a, Unau I hihna uh kiptak in kepbit zel hihen chih genkhawm uh hidanin leng thusuak kingah in taklang hi.
EE/PWD CCpur team te hongtung
Lamka, April 24: Public Works Department, Churachandpur Division a Executive Engineer Vungsuanmang Valte makaih in AE 1, SO 1, Kuki Student Organisation leh Churachandpur District Students Union makaite’n gari 4 zang in zan (April 23) zingkal dak 6 in Henglep khua va pha in, PWD nasepna va enkhia ua, nitak dak 10:30 in Lamka hongtung kik uhi. V Valte EE in agenna ah, kum 11 bang Henglep khawsung ah gari gina tak in lut theilou a, himahleh, PWD nasepna ziak in tu in Gypsy nasan leng Henglep khua lut theita ahihdan gen hi.
Henglep ahihleh, Lamka Police station apan Km 79 a gamla hi a, tulel in State PWD in Central Government nuai a Accelerated Central Assistance tungtawn in sum tamtak bei in Singmun Lamkhai – Henglep (Km 31) bawlna nei lel ua, widening (lampi keklet) leh culvert bawlna nasatak in pailel hi’n kigen hi. Manipur Express in dotna abawl EE in adawnna ah, December 2007 kaltawpna in nasep pat in om a, JCB 3 leh Bull dozer 3 zang in nasep pailel ahi chi in, Section Officer N Loken Singh in nasep enkai ahi chi hi. Nasepna portion bangzah a kikhen hiam chih dotna EE in adawnna ah, Widening pe’n portion 4 in khen in om a, Contractor 4 in semlel uh ahi chi hi. Culvert tawh kisai a genna ah, 74 hial om ahihna ah Contractor 5 in semlel uh hi’n leng gen a, Widening nasepna 80% zawh hiphialta ahi chi in culvert leng 65% bang zawh hita chi hi.
Bishnupur leh Serou tanpha a leingawi lak ahih ziak in huai in nasep su zekai tuan mahmah ahihdan gen a, leingawi baihlamtak a muhtheih bang hileh nasep zawh theih phial a om ta ding ahihdan EE in gen hi. EE in agenbehna ah, Henglep lampi leh khuate amuh in sub division nelhsiah a om ahihdan thei in a mit ah khitui pawthial ahihdan gen hi. Lampi bawlna enkaitu N Loken Singh Section Officer ngial hahpan mahmahin, lampi bawlna mun ah amah leng giaklut hial hidan in kigen hi. Tulel in Henglep khua ah Inn 115 om lel hi.
Passenger Jeep accident
Police apat kiza dan in tuzing dak 8:30 vel in Lingsiphai leh Tualnuam kikal a Teddim Road ah, Khuga Dam lam manawh a tai passenger Jeep no.MN 02/6009 sterring fail ziak in lamkhang ah taikhia in accident a, mi 12 liam uhi. Aliam teng District Hospital puaktung in om ua, agimse lua omlou in Doctor te’n mi 5 admit uhi. Police te’n Jeep vala ua, CCpur Police Station ah kemlel uhi.Accident aliam District Hospital a admit a om te ahihleh Mrs.Kimneihting(27) w/o Lutliansang of Lingsiphai, Mrs.Ningthoujam Apabi Devi (53) w/o N.Amu Singh of Phailien, Zenzathang (60) s/o (late) Vungthon of HQ Veng, Chiinneihmoi (35) w/o Mangthang of Lingsiphai leh Kholzalam (40) w/o Tinthiansang of Lingsiphai te hi uhi. Jeep neitu pa ahihleh Ningthoujam Angoucha (48) s/o N.Ibobi of Khugatampak, Zou veng hia, driver pa ahihleh Kh.Inao Singh (29) s/o Kh.Babuleima of Khuga Tampak, Zou veng hi’n kigen hi. Accident ah Police te’n FIR no.40(4)08 CCp.PS U/S 279/388 IPC chiamteh uhi.
Santing ah DI gari accident,mi 1 si
Thukiza dan in tuni zinglam dak 7:30 vel in Lamka manawh ahong tai 207 DI gari MN-02/9081 passenger pua a hongtai accident a, Mr.Muona s/o Nguldou of Santing si in, mi 3/4 vel liam hi’n thukiza a, SI Romel Gangte makaih in tuni nitaklam dak 3 in Police te’n Santing zuan in vadelh ua, thuchian kimzaw ngak hilel.
DGP in Gypsy pia
Churachandpur ah Police te’ zatding gari kidaih louhluat ziak in Y.Joykumar Singh IPS, DGP/Manipur in April 21,2008 in CCpur Police Station a OC Sridam Singh zat ding in Gypsy ngou(white) MN 01W/1567 pia a, OC/CCpur in zangngal hi.
ZEO in casual leave la
Joseph Lalrothang,ZEO/CCpur in damlouhna ziak in tuni apat ni 4 sung casual leave la a, Mrs.Boboi Gangte DI/HQ kiang ah charge pekhia hi.
3rd AR te’n sisan hawm nawn
Tuni in Lamka Damdawi inn a damlou Mr Henpi Hanghal of Bungmual in sisan a poimawh ziak in 3rd AR Commanding Officer Col Kojtari nuai a sem AR sepaihte’n sisan Unit khat vapia uhi. 3rd AR pawl in damdawi inn a damlou mi bangzah hiamtak a thawn in sisan pekhata ua, damloute kipak thei mahmah uhi.
SP in EE/PHED kiang ah ngen
Lamka khosung ah tulai in Tui(water)haksa mahmah mai in, Bungmual Tanky ah leng mipi ading tui kidaih zou nawnlou hi. Hiai tawh kisai in S.Manglemjao Singh, IPS, SP/CCpur in tuni’n EE/PHED kiang ah Police Department, STC/BSF leh mipite dangtak a buaigawpta uh ahihdan gen in, a kikhelma a tui laktheih nang mundang ngaihtuah ding in ngen chih thu kiza hi.
S.D.Gangte in Dam nasep enkhia
Manipur Government in May kha sung teitei a Khuga Dam zawhsianga hon khiakna neih sawm in naktak in panla lel uhi. Tuni zinglam dak 10 in S.D Gangte Additional Chief Engineer/IFCD in Lamka hongpha in Khuga Dam nasep en khia hi.
NREGS tawh kisai in DC kimuh pih uh
Khumujamba Leikai a nupi tamtak in tuni nitaklam in NREGS nasepna tawh kisai in DC kimuhpih uhi. Nupi te apat kiza dan in aveng makaite uh Tomcha leh Ibomcha te hi ua, ni 50 nasep ding lak ah ni 13 kia nasem in asum leng ni 13 adi mah mipite’n mukhin uh ahihdan gen ua, ni 13 baan sepsak ahih nawnlouh ziak un DC/District Program Co-ordinator kiang ah thil omdan va zasak uhi.
Social Audit ah mi 634 tel
Upper Lamka a YPA HQ Hall ah tuni (April 24) in Workshop & NERGS tawh kisai a Social Audit kisinsakna om hi. Zinglam 10.30 in program pat in om a, Samulamlan apan palai 213, Saikot 79, Tuibuong 201 leh Lamka Block apan 141 paikhawm uhi. Zingchiang April 25 zinglam dak 10.30 in Tipaimukh, Vangai range, Thanlon, Henglep leh Singngat TD Block te’n neinawn ding uhi. DC in NREGS tawh kisai theihtuak om te mipi paikhawmte mai ah gen hi.
CCpur-Singngat lampi kibawllel
NEC fund a CCpur- Singngat Tedim road bawlna nesep paitou lel in,Contractor khenkhat te anasepna uh Black topping azou phial bang omta ua,himahleh khen khat te’n asuangleng sungnailoua,asem naihet lou leng omlai hi’n thu kiza hi.
IMPHAL NEWS:
Misi nih te theihkhiak hita
Police apan thusuak kingah dan in, zan nitak dak 6:20 vel ding a Imphal East Police Commando leh 32nd AR kithuah te leh helpawl dia gintak pawlkhat Imphal East Police station huamsung a om Wakha mun a a kikaptuahna ua si mi 2 te tuni in a hihna uh theihchet hita hi. Misite ahihleh, P Ajit Kumar Singh (27) s/o P Achou of Khonghampat Awang Leikai leh Mayai Komol (22) s/o K Athoi of Nongpok Sanjengbam Sabam Leikai te hidan in kigen a, Police te’n PLA hidan in gen mah le uh a sungkuante’n bel minautang ahi chi uhi.
Commando te’n helpawl 2 mankhia
Zan nitaklam dak 2 in Imphal East Police commando te’n New Checkon Imphal area lak a Frisking abawlna uah KCP member dia gintak khat Waikom Jugin (46) of Yairipok Top Chingkha man ua, amah apat Hand grenade khat mukhia uhi. Tuni zinglam dak 10:30 in Police commando te mah in Nungoi Makha Leikai ah Ksh Brajamani Singh @ Ingou @ Chetei (35) of Nungoi leitang Makhong mankhia ua, PLA member hidanin kigen a, ataksa tung apan 9mm pistol khat leh tang 9 mukhia uhi.
Babupara ah bomb puak in mi 4 liam
Polo Ground kiang ah bomb kikam mukhia
Tuni zinglam dak 10:30 vel ding in Babupara a T Mangibabu MLA Quarter mai ah scooter a kikam bomb khat puakzaak in a kiang a om hotel leh fencing teng leng kisia hidanin kigen hi. Hiai bomb puak ah S Ramchandra (48) of Seiyang Konthoujam liam naak deuh pen a, RIMS tut ahihnung in Shija ah suan in om hi. Aliam dang thum te ahihleh, Md Hudam (18) of Lilong (tulel a Babupara a om), Ulisa Begum (45) of Babupara leh Chenbiskhan (35) of Babupara te hidanin kigen a, RIMS ah etkol in om lel uhi. Bomb puahna kiang nai a om Maruti Van 01K- 9939, Bolero NL – 01 C/3331 leh Scooter MN 02 2616 leng susekha hi. Imphal Police te’n a kiim nai a om mi tuamtuam 300 val ding truck 4 diim zen in pawkhia ua, Imphal West Police commando complex ah thudotna aneih zawh in muan mawh ding kuamah mulou in khah nawn vek uhi.
Tuabang kal ah tu nitaklam dak 1:50 vel in Mapal Kangjeibung (Polo Ground) ah Rickshaw a IED Kg 5 vel kikam muhkhiak in om a, nitaklam dak 2:25 in Police bomb expert pe’n te’n valakhia uhi. Bomb kikam leh bomb puahna tawh kisai in PREPAK Information and Publicity Secretary Aheiba Angam in tuni in thusuah bawl ngal in, amau pawl kigolh kha lou ahihdan puang hi. Tuni nitaklam in Polo Ground ah 18th Governor Cup invitation Polo tournament 2008 khakna hun om a, huai ah Governor Dr SS Sidhu in Chief Guest hihna tawh va uap hi.
Govt tung ah ATWO pawl lungkimlou
Imphal, April-24: Ms L. Easter @ Rahi Anal(30) d/o(late) Angu of Charongching village leh Ms Pastel Snowy @ Julie Anal(27) d/o Pastel Angsung of Anal Khunou(Chakpikarong) apaisa March 21,2008 in Thoubal Khekman ah sisa in a luang uh muhkhiak nungin govt in a chiam bangin bangmah semlou chi’n All Tribal Women’s Organisation(ATWO) pawlin lungkimlouhthu puang uhi. ATWO thusuak dungzui in govt in a chiam banga na asep phutna in April 26,2008 akipan in Moreh-Imphal lamlian leh Chandel district pumpi bandh hiding a, huai tana leng govt in pan alak tuan kei leh kiphinna tuamtuam in zui ding chih puang uhi.
NIOS Exam Centre 3 kiphiat
Imphal, April-24: Nidang a Open School kichisek Manipur a NIOS exam centre 3 phiat(cancelled) hi uh chihthu om a, huaite Thoubal ah exam centre 2 leh Lamka ah 1 hi’n kigen hi. Manipur a NIOS examna question paper leaked chihthu om ziakin NIOS HQ Noida leh NIOS Regional Centre, Guwahati akipan in High level team in thil omdan hong enkhia uh a, huaia thil muhkhiak dungzui in Regional Director, NIOS, Guwahati in exam centre 3 phiat ahih thusuah hi. Subject 6 leng May 6,2008 in exam hiding chi’n thusuak om hi.
SPORTS:
Dist Level Subroto Football Tournament
Lamka, April-24: District Youth Affairs & Sports Office/CCpur saina in May 7,2008 akipan in Lamka Public Ground ah pasal naupang kum 14 nuailam leh 17te ading in District Level Subroto Mukherjee Football Tournament-2008 om ding hi. Huai a winner hihna la School team in Khuman Lampak , Imphal a State Level Subroto Mukherjee Football Tournament om ding ah CCpur district sik in tel ding uhi. Huai a telnuam Jr High School, High School leh Hr Sec School khempeuh in office kaini in District Youth Affairs & Sports office/CCpur ah eligibility certificate sample copy leh official entry form lak theih ding hi. Official entry form leh Eligibility certificate kimtaka fill-up zawh in ZEO/CCpur countersigned bawlsak in May 3,2008 tan in submit theih ding hi.
---------------------------
OFFICE OF THE
DISTRICT RURAL DEVELOPMENT AGENCY(DRDA)
CHURACHANDPUR DISTRICT, MANIPUR
CCPUR DIST AH NREGS TAWH KISAI A MIPI ADIA THEIHTUAK
Churachandpur, the 18th April, 2008
(Space donated by Manipur Express
in the interest of the general public as well
as all the job-card holders in particular).
No.: DRDA (CCP)/NREGS/1/2008: National Rural Employment Guarantee Scheme (NREGS) 2007-08 tawh kisai in anuai a thute Churachandpur District mipite’n a theih ding un taklat ahi .
1. Nasepna ding lehkha(Job card) nei inn chih leh mimal te’n a tan chiat ding uh ni 50 sung nasepna(50 days of employment) ding sum Churachandpur District sung a Block 5 (a) Lamka, (b) Saikot, (c) Sangaikot, (d) Samulamlan leh (e) Tuibuong TD Block a khua omteng ah piak ahi. Huai dungzui in hiai Block 5 a Job Card nei teng in ni 50(ni sawmnga) nasepna thaman atawmpen in Rs. 4,070/- (Teng sang li leh sawm sagih) a ngah ngeingei ding uh ahi. Job Card nei kuapeuh ni 50 sung nasepsak a omlou peuhmah in kintak in mahni tenna khua a Village Authority (VA), bialtu Block Development Officer(BDO)/ Programme Officer(PO) khat peuhpeuh kiang ah theihsak pah ngai hi. Atung a thuneitute kiang a thil omdan zaksak ahih nung a ngaihsak ahih tuankei aleh lehkha gelh in DC/District Programme Co-ordinator, Churachandpur ah thutut(complaint) ding ahi.
2. Block 3- (a) Tipaimukh (b) Thanlon leh (c) Vangai TD Block-te a khua omteng adingin ni 100 thaman ding sum(fund)piak ahi. Huai ziak in, Job Card neipeuh mah in ni 100 (zakhat) nasepna thaman atawmpen in Rs. 8,140/- ( Teng sang giat zakhat leh sawmli) alawhkhiak uh amuh ngeingei ding uh ahi. Huailak ah ni 40 thaman(Rs. 3,256/-) antang piak dingin asum kikoih sak a, Rs. 4,884/- te ahihleh Job card neite inn-lusi ah asum tang in piak hiding hi. Job Card neite lak a ni 100 sung na sepsak a omlou peuhmah in kintak in Village Authority (VA), Block Development Officer (BDO) khat peuhpeuh kiang ah theihsak pah ngai hi. Atung a thuneitute kiang a thil omdan zaksak ahih nung a ngaihsak ahih tuankei aleh lehkha gelh in DC/District Programme Co-ordinator, Churachandpur ah thutut(complaint) ding ahi.
3. Block 2 (a) Singngat leh (b) Henglep TD Block nuai a om khawteng a Job Card nei innlusi leh mimal Job Card nei kuapeuh adin ni 65 nasepna thaman ding sum piak hi uhi. Huai dungzui in ni 65 thaman piak in om uhi. Huaiziak in hiai Block 2 a Job Card nei tengin ni 65 (ni sawmguk leh nga) nasepna thaman a tawmpen in Rs. 5,291/- (Teng sangnga zanih sawmkua leh khat) a ngah ding uh ahi. Job Card neite lak a ni 65 sung na sepsak a omlou peuhmah in kintak in Village Authority (VA), Block Development Officer (BDO) khat peuhpeuh kiang ah theihsak pah ngai hi. Atung a thuneitute kiang a thil omdan zaksak ahih nung a ngaihsak ahih tuankei aleh lehkha gelh in DC/District Programme Co-ordinator, Churachandpur ah thu tut(complaint) ding ahi.
4. NREGS tungtang a lungkimlouhna leh soiselna neite adingin DC office mun leh a tenna(bungalow) ah complaint box khat tuak kikoih hi. Huailouin DC office compound ah Seppatni leh Ningani teng sun dak 12.00 akipan nitaklam dak 3.00 sung Grievance Redressal Cell of NREGS meeting om ding hi. Lungkimlouhna leh thubuai nei kuapeuh in huai Cell kimuhpih(contact) theih ding hi.
5. Village Authority(VA) te’n atung a kitaklang bangin nasepna piak ding a ni bikhiah(sanctioned) tawh kituak nasep leh sum a piak kei ua leh huai khuate ah kum 2008-09 sunga NREGS sum(fund) piak hilou ding uhi.
6. Huailouin nasemtute (Job card holder)te nasepna thaman sum lakkhensak(deduction), atawm zaw pia, leh mumal loutak a thilhih Village Authority a om leh tuabang Village Authority(VA)te chiamteh(Blacklisted) hiding uh a, huai khua a NREGS nasepna himhim BDO ahihkei leh DRDA Churachandpur in enkai ding hi. Huaibanah Village Authority Chairman leh Secretary tung ah Dan tawh kituak in gawtna(strict legal action) lakkhum hiding ua, sum sen teng amau tungtawn a a ditkiksak ding ban ah, Chairman leh Secretary tung ah Police case bulhkhum hiding uhi. Alehlam ah chitak leh feltaka nasem khua(village)te bel sum piak behlap dinga panlak hiding hi.
7. National Rural Employment Guarantee Act (NREGA) dungzui in Village Authority te’n BDO/PO leh DPC/DC nuaia om kawm in sepna petu (Employment- Provider) hi uh a, huchi dungzui in Village Authority mawhpuakna(legal duty) ahihleh nasep ni ding a bikhiahzah sep leh nasepna thaman kimtaka piak banah nasep ding a bikhiah(execution of all sanctioned works) tuamtuam (Pucca/kutcha, ahihkei leh, singnou suan)te ahiding banga sepkhiak ding ahi.
8. Nasep omlou himhim lawh piak ding hilou hi.
9. Village Authoriy te’n sum zanga nasepna dia bikhiah((Pucca,kutcha, singnousuan leh adangdang)te sepdan ding a bikhiah bangin a sepkhiak ding uh ahi.Huchi dungzui in Village Authority(VA) in mipi in a muh theihding board(thil gelhna) takkhia in Scheme min, nasep min(name of work) leh a kum chiangtakin gelh in sign board/display board bawlin a takkhiak ding uh ahi a, huai nasepna a sennate vanzat leina man(material head) apan in sengthei ding uhi.
10. Nasep ding a bikhiah(sanctioned work) tawh kituaklou leh ahiding banga seplouhte serious taka lak hiding a, a kituahpih bang action khauhtak leng lak hiding hi.
11. Village Authority in nasepna dia hun bikhiah sung a sepding ni zah semsak theilou hiam mipi’n na a sep ut kei ua leh akisaipih Village Authority te’n sum omlai teng DC/District Programme Co-ordinator, NREGS, Churachandpur ah kimtakin apiak kik hi ding uh ahi.
12. Nasepkhiak tengteng kimtak leh feltak in Village Asset Register/ NREGS laibupi ah kimtakin a gelhlut ding uh ahi.
13. Village Authority teng in nasep ding bikhiah dungzui a na sepkhiakte ziaka sum senna(expenditure record) om teng April 30 2008 tan a a piaklut ngeingei ding uh ahi. Hunchiam sung a piaklut ahih kei aleh sanction dang bawlnawn hilou ding hi.
Sum senna(expenditure record) ah anuai ate atel ngai ding hi.
a) Vanzat ding leina leh nasemtute lawh piakkhiak zah (Certified Expenditure and consumption statement giving details of Material & Labour Cost)
b) Vanzat ding leina a chetna lehkha (Bills, Cash memos & Vouchers of Material Component)
c) Nasepma leh nasep nung a lemlak (Pre & Post Photograph of all works)
d) Nasepna ding tehna lehkha (Measurement Book).
e) Utilization Certificate( sum zat chetna certificate)
f) Zawhna lehkha(Completion Certificate) leh
g) Nasemtute’n lawh amu uh chih chetna a suai akaihna uh (Muster Roll duly signed by actual recipient and all column should be filled)
14. DRDA nuai a Inspection & Monitoring team in Block tuamtuam pha in nasep enkai panta ua, nasep leh nasep piaka omte enzui kawm in mun mahmah ah bang chibang in na akisem hiam chih ngentel tak in enzui panta uhi.
Hiai theihsakna mipite makhualna ziak liauliau a suah hi a, Village Authority te & BDOs/POs teng in strict taka a zuihchiat ding uh ahi.
Sd/-
(Sumant Singh, IAS)
DC/ DPC NREGS
Churachandpur District
Editorial:
CM i gintak kei leh kua thugen gingta ding ?
Manipur ah tulai taka govt bawlte mipi in a telching MLA-te hi uh a, mipi telchinga omte’n vaihawmna a let uh popular government ah Chief Minister a lalpen leh a thuneipen suak hi. State khat a vaihawmtu lianpen nasep kia hilou in a thugen leh kampau ah leng state dang ate mah bangin mipite adia kingakna tak leh muanhuai huntawk ahih poimawh hi. Huchibang mipi adia kingakna tham ching govt i chih sappau a “responsible government” kichi sekte mah ahi uhi.
Tulaia Manipur a kiphinna leh nuakna tamtak “Govt in a chiam bangin bangmah a sem khe kei, pan ala kei” chih kigen mun mahmah a, vaihawmna len govt in zuau gengen mai ahi hiam, a sepkhiaklouh ding hizenpi sepkhiak ding a gen sek mah ahi hiam chih etzek ngai hi. Genkhiak theih teng ban gen maimah a nasepkhiak lam om tuanlou ahih lebel zuaugen mah hiding uhi. Huai leng sepkhiak a sawm mah uh semkhe zoulou uhiam ahih kei aleh sepkhiak sawm tuanlou himhim hizaw uhiam chih ah leng kinga ding hi.
Manipur a govt len Chief Minister O. Ibobi in Manipur singtanggam leh phaijanggam khantouhdan kibanga puah hiding chih gen mun mahmah hi. Huai a gen taktak hun en-thak lehang apaisa kum 3 vel apan a gensek hita hi. Ahi ngei a, Manipur a National Institute of Technology(NIT) bawlkhiak taktak ding hong hihhial takin Chief Minister in Imphal phaijang mun kia a koih teitei ding in theihtawp suahin pang a, CCpur district leh Ukhrul district ah gam tanpha phaltaka piak sawm om chihthu om mahleh CM neuchik leng tolh utlou hi. CM in a kam in phaijang leh singtanggam a kibanga puah hiding a chih ataktak ahi kei chihna himai hi.
Hun sawt paisa gen ngaiselou in March 21 ,2008 in Chandel district sung Thoubal Khekman ah numei 2 kaplup hi uh a, huaia lungkimlou mipi hon in JAC bawl uh a, huaite leh Chief Minister a kihouna uah tualthahte dakkal 24 sunga matkhiak ding chi’n CM in genpih a, hileleng huaite tunitan matkhiak hituanlou uhi. Huchi bangin April 10, 2008 in nupi(meithai) khat Kakching PS a Lousipat mun ah sual zawh in thah hi a, mipi lungkimloute mah in a bawl uh JAC pawl tawh CM a kihouna ah tualthatte dakkal 48 sunga matkhiak ding chih genkha zel a, hinapi in tualthatte tuni tan in leng matkhiak hituanlou uh chih hizel hi. Matkhiak hiding a chiam kuamahdang hilouin Chief Minister hi a, amah state a vaihawmtu lianpen hizawmah hi.
Kiphin leh banghiam lungkimlouhna nei a om chiangin Chief Minister in kihoulempih pahpah thei a, buaina bangtanhiam veng sek bang hi. Hileleng kilemna banga nasepkhiak ahihtuanlouh sek ziakin a thu a kilemna omsa nasep hilou chi a kiphin thak nawn pawl avangkim in om hi. Manipur ah CM in kilemna a bawlpih hileleng nasepkhiak hituanlou pawl tampi om a, huaite kimtaka chiamteh hileh kum 5 sunga teng leng laibu khat dimzou hial ding hi.
Hiai khong ziak mah ahi ding a, sepaih leh state govt nuaia om force-te tanpha in helpawl hiam galvan tawite kia hilouin mi maimai(innocent civilian) khenkhat kikaptuahna a si hisak uh a, huaite taksa tung ah galvan khong kimukhia chithei mawk uhi. Helpawl hiam galvantawi khenkhat kaplup hun ah galvan muhkhiak hun omtham in the, hileleng khenkhat zaw phuahtom petmah hidan a theichian a gen pawl om thei sek uhi.
Huchimah bangin helpawl khenkhat mat hiam Security-te’n a thah khak hun ah helpawl hilou leh mi maimai dan a gen in khahkhe dia phutna kimu sek a, helpawl si khenkhat tanpha hinna phala kipia chih himahleh poi khoihlou, helpawl hilou mi maimai
chih hisek hi. Huaiziakin Manipur ah thutak leh zuau leng khenkak seng hilou khop in thutuam latuam tam a, kua thugen gintak ding hihiam, kua thugen pen diklou leh pomtaklou hihiam chih tanpha theih zawh vual hilou hi.
Hileleng state dang ah bel Chief Minister kichi a thugen thutak hisek a, a gen leh chiamsa bangin nasepkhiak hisek hi. Hinapi in Manipur ah bel Chief Minister mahmah leng a thugen banga sepkhiak leh tangtun hilou sek ahihman in kingakna tak leh muantak chinglou bang thei maimah hi. Huchi kal ah CM leng thutaklou ahih aleh kua thutak mahmah ding adiam, lungkham huaipi mah hi. Huaiziak mahin Manipur dinmun hibang khop a buai leh ginalou sek mah hizaw in kilang hi.
www.manipurexpress.com
www.zogam.com
Lamka, April 24: Mizoram leh Manipur a teng Zosuante’n Mautaam kialpi a tuah utawh kisai in bangchi leh pankhawmna om thei ding hiam chih ngaihtuah in ZEPADA, ZHRF leh ZAA makaite’n Mizoram va pha ua, amau lawhchingtak in Lamka hongtung kikta uhi. Amaute apan thutut kingah dan in, MZP General Headquarter tawh Mautam tawh kisai a Zosuan/Zonahthlak te’n haksatna a tuah te uh genkhawm ua, tuazawh in MZP in Mizoram Chief Minister Zoramthanga kiang ah thil omdan tut tou ngal uh hidanin gen uhi.
Tuaban ah, Mizo Zaimi Insuihkhawm Mizoram Vice President C.Dinthanga tawh Mautam thuakte panpih theihna ding genkhawm ua, Mautam Concert MZI leh ZAA pangkhawm in May 30, 2008 in Lamka ah neih ding genkhawm uhi. Central Young Mizo Association (CYMA), General Secretary toh a kimuhna hun uah Manipur a Zosuan te’n haksatna a tuah te uh houlimna nei in maban bawhzui ding dan CYMA Gen.Secy in ka na entou zel ding uh chi hi. Lamka apan makaite’ va zinna tawh kisai in leng MZP General Headquarters in Aizawl ah Press Release khat suah zui ngal u hi’n kigen hi. Zonahthlak/Zosuante panpih poimoh na mun ah pangkhawm zel a, Unau I hihna uh kiptak in kepbit zel hihen chih genkhawm uh hidanin leng thusuak kingah in taklang hi.
EE/PWD CCpur team te hongtung
Lamka, April 24: Public Works Department, Churachandpur Division a Executive Engineer Vungsuanmang Valte makaih in AE 1, SO 1, Kuki Student Organisation leh Churachandpur District Students Union makaite’n gari 4 zang in zan (April 23) zingkal dak 6 in Henglep khua va pha in, PWD nasepna va enkhia ua, nitak dak 10:30 in Lamka hongtung kik uhi. V Valte EE in agenna ah, kum 11 bang Henglep khawsung ah gari gina tak in lut theilou a, himahleh, PWD nasepna ziak in tu in Gypsy nasan leng Henglep khua lut theita ahihdan gen hi.
Henglep ahihleh, Lamka Police station apan Km 79 a gamla hi a, tulel in State PWD in Central Government nuai a Accelerated Central Assistance tungtawn in sum tamtak bei in Singmun Lamkhai – Henglep (Km 31) bawlna nei lel ua, widening (lampi keklet) leh culvert bawlna nasatak in pailel hi’n kigen hi. Manipur Express in dotna abawl EE in adawnna ah, December 2007 kaltawpna in nasep pat in om a, JCB 3 leh Bull dozer 3 zang in nasep pailel ahi chi in, Section Officer N Loken Singh in nasep enkai ahi chi hi. Nasepna portion bangzah a kikhen hiam chih dotna EE in adawnna ah, Widening pe’n portion 4 in khen in om a, Contractor 4 in semlel uh ahi chi hi. Culvert tawh kisai a genna ah, 74 hial om ahihna ah Contractor 5 in semlel uh hi’n leng gen a, Widening nasepna 80% zawh hiphialta ahi chi in culvert leng 65% bang zawh hita chi hi.
Bishnupur leh Serou tanpha a leingawi lak ahih ziak in huai in nasep su zekai tuan mahmah ahihdan gen a, leingawi baihlamtak a muhtheih bang hileh nasep zawh theih phial a om ta ding ahihdan EE in gen hi. EE in agenbehna ah, Henglep lampi leh khuate amuh in sub division nelhsiah a om ahihdan thei in a mit ah khitui pawthial ahihdan gen hi. Lampi bawlna enkaitu N Loken Singh Section Officer ngial hahpan mahmahin, lampi bawlna mun ah amah leng giaklut hial hidan in kigen hi. Tulel in Henglep khua ah Inn 115 om lel hi.
Passenger Jeep accident
Police apat kiza dan in tuzing dak 8:30 vel in Lingsiphai leh Tualnuam kikal a Teddim Road ah, Khuga Dam lam manawh a tai passenger Jeep no.MN 02/6009 sterring fail ziak in lamkhang ah taikhia in accident a, mi 12 liam uhi. Aliam teng District Hospital puaktung in om ua, agimse lua omlou in Doctor te’n mi 5 admit uhi. Police te’n Jeep vala ua, CCpur Police Station ah kemlel uhi.Accident aliam District Hospital a admit a om te ahihleh Mrs.Kimneihting(27) w/o Lutliansang of Lingsiphai, Mrs.Ningthoujam Apabi Devi (53) w/o N.Amu Singh of Phailien, Zenzathang (60) s/o (late) Vungthon of HQ Veng, Chiinneihmoi (35) w/o Mangthang of Lingsiphai leh Kholzalam (40) w/o Tinthiansang of Lingsiphai te hi uhi. Jeep neitu pa ahihleh Ningthoujam Angoucha (48) s/o N.Ibobi of Khugatampak, Zou veng hia, driver pa ahihleh Kh.Inao Singh (29) s/o Kh.Babuleima of Khuga Tampak, Zou veng hi’n kigen hi. Accident ah Police te’n FIR no.40(4)08 CCp.PS U/S 279/388 IPC chiamteh uhi.
Santing ah DI gari accident,mi 1 si
Thukiza dan in tuni zinglam dak 7:30 vel in Lamka manawh ahong tai 207 DI gari MN-02/9081 passenger pua a hongtai accident a, Mr.Muona s/o Nguldou of Santing si in, mi 3/4 vel liam hi’n thukiza a, SI Romel Gangte makaih in tuni nitaklam dak 3 in Police te’n Santing zuan in vadelh ua, thuchian kimzaw ngak hilel.
DGP in Gypsy pia
Churachandpur ah Police te’ zatding gari kidaih louhluat ziak in Y.Joykumar Singh IPS, DGP/Manipur in April 21,2008 in CCpur Police Station a OC Sridam Singh zat ding in Gypsy ngou(white) MN 01W/1567 pia a, OC/CCpur in zangngal hi.
ZEO in casual leave la
Joseph Lalrothang,ZEO/CCpur in damlouhna ziak in tuni apat ni 4 sung casual leave la a, Mrs.Boboi Gangte DI/HQ kiang ah charge pekhia hi.
3rd AR te’n sisan hawm nawn
Tuni in Lamka Damdawi inn a damlou Mr Henpi Hanghal of Bungmual in sisan a poimawh ziak in 3rd AR Commanding Officer Col Kojtari nuai a sem AR sepaihte’n sisan Unit khat vapia uhi. 3rd AR pawl in damdawi inn a damlou mi bangzah hiamtak a thawn in sisan pekhata ua, damloute kipak thei mahmah uhi.
SP in EE/PHED kiang ah ngen
Lamka khosung ah tulai in Tui(water)haksa mahmah mai in, Bungmual Tanky ah leng mipi ading tui kidaih zou nawnlou hi. Hiai tawh kisai in S.Manglemjao Singh, IPS, SP/CCpur in tuni’n EE/PHED kiang ah Police Department, STC/BSF leh mipite dangtak a buaigawpta uh ahihdan gen in, a kikhelma a tui laktheih nang mundang ngaihtuah ding in ngen chih thu kiza hi.
S.D.Gangte in Dam nasep enkhia
Manipur Government in May kha sung teitei a Khuga Dam zawhsianga hon khiakna neih sawm in naktak in panla lel uhi. Tuni zinglam dak 10 in S.D Gangte Additional Chief Engineer/IFCD in Lamka hongpha in Khuga Dam nasep en khia hi.
NREGS tawh kisai in DC kimuh pih uh
Khumujamba Leikai a nupi tamtak in tuni nitaklam in NREGS nasepna tawh kisai in DC kimuhpih uhi. Nupi te apat kiza dan in aveng makaite uh Tomcha leh Ibomcha te hi ua, ni 50 nasep ding lak ah ni 13 kia nasem in asum leng ni 13 adi mah mipite’n mukhin uh ahihdan gen ua, ni 13 baan sepsak ahih nawnlouh ziak un DC/District Program Co-ordinator kiang ah thil omdan va zasak uhi.
Social Audit ah mi 634 tel
Upper Lamka a YPA HQ Hall ah tuni (April 24) in Workshop & NERGS tawh kisai a Social Audit kisinsakna om hi. Zinglam 10.30 in program pat in om a, Samulamlan apan palai 213, Saikot 79, Tuibuong 201 leh Lamka Block apan 141 paikhawm uhi. Zingchiang April 25 zinglam dak 10.30 in Tipaimukh, Vangai range, Thanlon, Henglep leh Singngat TD Block te’n neinawn ding uhi. DC in NREGS tawh kisai theihtuak om te mipi paikhawmte mai ah gen hi.
CCpur-Singngat lampi kibawllel
NEC fund a CCpur- Singngat Tedim road bawlna nesep paitou lel in,Contractor khenkhat te anasepna uh Black topping azou phial bang omta ua,himahleh khen khat te’n asuangleng sungnailoua,asem naihet lou leng omlai hi’n thu kiza hi.
IMPHAL NEWS:
Misi nih te theihkhiak hita
Police apan thusuak kingah dan in, zan nitak dak 6:20 vel ding a Imphal East Police Commando leh 32nd AR kithuah te leh helpawl dia gintak pawlkhat Imphal East Police station huamsung a om Wakha mun a a kikaptuahna ua si mi 2 te tuni in a hihna uh theihchet hita hi. Misite ahihleh, P Ajit Kumar Singh (27) s/o P Achou of Khonghampat Awang Leikai leh Mayai Komol (22) s/o K Athoi of Nongpok Sanjengbam Sabam Leikai te hidan in kigen a, Police te’n PLA hidan in gen mah le uh a sungkuante’n bel minautang ahi chi uhi.
Commando te’n helpawl 2 mankhia
Zan nitaklam dak 2 in Imphal East Police commando te’n New Checkon Imphal area lak a Frisking abawlna uah KCP member dia gintak khat Waikom Jugin (46) of Yairipok Top Chingkha man ua, amah apat Hand grenade khat mukhia uhi. Tuni zinglam dak 10:30 in Police commando te mah in Nungoi Makha Leikai ah Ksh Brajamani Singh @ Ingou @ Chetei (35) of Nungoi leitang Makhong mankhia ua, PLA member hidanin kigen a, ataksa tung apan 9mm pistol khat leh tang 9 mukhia uhi.
Babupara ah bomb puak in mi 4 liam
Polo Ground kiang ah bomb kikam mukhia
Tuni zinglam dak 10:30 vel ding in Babupara a T Mangibabu MLA Quarter mai ah scooter a kikam bomb khat puakzaak in a kiang a om hotel leh fencing teng leng kisia hidanin kigen hi. Hiai bomb puak ah S Ramchandra (48) of Seiyang Konthoujam liam naak deuh pen a, RIMS tut ahihnung in Shija ah suan in om hi. Aliam dang thum te ahihleh, Md Hudam (18) of Lilong (tulel a Babupara a om), Ulisa Begum (45) of Babupara leh Chenbiskhan (35) of Babupara te hidanin kigen a, RIMS ah etkol in om lel uhi. Bomb puahna kiang nai a om Maruti Van 01K- 9939, Bolero NL – 01 C/3331 leh Scooter MN 02 2616 leng susekha hi. Imphal Police te’n a kiim nai a om mi tuamtuam 300 val ding truck 4 diim zen in pawkhia ua, Imphal West Police commando complex ah thudotna aneih zawh in muan mawh ding kuamah mulou in khah nawn vek uhi.
Tuabang kal ah tu nitaklam dak 1:50 vel in Mapal Kangjeibung (Polo Ground) ah Rickshaw a IED Kg 5 vel kikam muhkhiak in om a, nitaklam dak 2:25 in Police bomb expert pe’n te’n valakhia uhi. Bomb kikam leh bomb puahna tawh kisai in PREPAK Information and Publicity Secretary Aheiba Angam in tuni in thusuah bawl ngal in, amau pawl kigolh kha lou ahihdan puang hi. Tuni nitaklam in Polo Ground ah 18th Governor Cup invitation Polo tournament 2008 khakna hun om a, huai ah Governor Dr SS Sidhu in Chief Guest hihna tawh va uap hi.
Govt tung ah ATWO pawl lungkimlou
Imphal, April-24: Ms L. Easter @ Rahi Anal(30) d/o(late) Angu of Charongching village leh Ms Pastel Snowy @ Julie Anal(27) d/o Pastel Angsung of Anal Khunou(Chakpikarong) apaisa March 21,2008 in Thoubal Khekman ah sisa in a luang uh muhkhiak nungin govt in a chiam bangin bangmah semlou chi’n All Tribal Women’s Organisation(ATWO) pawlin lungkimlouhthu puang uhi. ATWO thusuak dungzui in govt in a chiam banga na asep phutna in April 26,2008 akipan in Moreh-Imphal lamlian leh Chandel district pumpi bandh hiding a, huai tana leng govt in pan alak tuan kei leh kiphinna tuamtuam in zui ding chih puang uhi.
NIOS Exam Centre 3 kiphiat
Imphal, April-24: Nidang a Open School kichisek Manipur a NIOS exam centre 3 phiat(cancelled) hi uh chihthu om a, huaite Thoubal ah exam centre 2 leh Lamka ah 1 hi’n kigen hi. Manipur a NIOS examna question paper leaked chihthu om ziakin NIOS HQ Noida leh NIOS Regional Centre, Guwahati akipan in High level team in thil omdan hong enkhia uh a, huaia thil muhkhiak dungzui in Regional Director, NIOS, Guwahati in exam centre 3 phiat ahih thusuah hi. Subject 6 leng May 6,2008 in exam hiding chi’n thusuak om hi.
SPORTS:
Dist Level Subroto Football Tournament
Lamka, April-24: District Youth Affairs & Sports Office/CCpur saina in May 7,2008 akipan in Lamka Public Ground ah pasal naupang kum 14 nuailam leh 17te ading in District Level Subroto Mukherjee Football Tournament-2008 om ding hi. Huai a winner hihna la School team in Khuman Lampak , Imphal a State Level Subroto Mukherjee Football Tournament om ding ah CCpur district sik in tel ding uhi. Huai a telnuam Jr High School, High School leh Hr Sec School khempeuh in office kaini in District Youth Affairs & Sports office/CCpur ah eligibility certificate sample copy leh official entry form lak theih ding hi. Official entry form leh Eligibility certificate kimtaka fill-up zawh in ZEO/CCpur countersigned bawlsak in May 3,2008 tan in submit theih ding hi.
---------------------------
OFFICE OF THE
DISTRICT RURAL DEVELOPMENT AGENCY(DRDA)
CHURACHANDPUR DISTRICT, MANIPUR
CCPUR DIST AH NREGS TAWH KISAI A MIPI ADIA THEIHTUAK
Churachandpur, the 18th April, 2008
(Space donated by Manipur Express
in the interest of the general public as well
as all the job-card holders in particular).
No.: DRDA (CCP)/NREGS/1/2008: National Rural Employment Guarantee Scheme (NREGS) 2007-08 tawh kisai in anuai a thute Churachandpur District mipite’n a theih ding un taklat ahi .
1. Nasepna ding lehkha(Job card) nei inn chih leh mimal te’n a tan chiat ding uh ni 50 sung nasepna(50 days of employment) ding sum Churachandpur District sung a Block 5 (a) Lamka, (b) Saikot, (c) Sangaikot, (d) Samulamlan leh (e) Tuibuong TD Block a khua omteng ah piak ahi. Huai dungzui in hiai Block 5 a Job Card nei teng in ni 50(ni sawmnga) nasepna thaman atawmpen in Rs. 4,070/- (Teng sang li leh sawm sagih) a ngah ngeingei ding uh ahi. Job Card nei kuapeuh ni 50 sung nasepsak a omlou peuhmah in kintak in mahni tenna khua a Village Authority (VA), bialtu Block Development Officer(BDO)/ Programme Officer(PO) khat peuhpeuh kiang ah theihsak pah ngai hi. Atung a thuneitute kiang a thil omdan zaksak ahih nung a ngaihsak ahih tuankei aleh lehkha gelh in DC/District Programme Co-ordinator, Churachandpur ah thutut(complaint) ding ahi.
2. Block 3- (a) Tipaimukh (b) Thanlon leh (c) Vangai TD Block-te a khua omteng adingin ni 100 thaman ding sum(fund)piak ahi. Huai ziak in, Job Card neipeuh mah in ni 100 (zakhat) nasepna thaman atawmpen in Rs. 8,140/- ( Teng sang giat zakhat leh sawmli) alawhkhiak uh amuh ngeingei ding uh ahi. Huailak ah ni 40 thaman(Rs. 3,256/-) antang piak dingin asum kikoih sak a, Rs. 4,884/- te ahihleh Job card neite inn-lusi ah asum tang in piak hiding hi. Job Card neite lak a ni 100 sung na sepsak a omlou peuhmah in kintak in Village Authority (VA), Block Development Officer (BDO) khat peuhpeuh kiang ah theihsak pah ngai hi. Atung a thuneitute kiang a thil omdan zaksak ahih nung a ngaihsak ahih tuankei aleh lehkha gelh in DC/District Programme Co-ordinator, Churachandpur ah thutut(complaint) ding ahi.
3. Block 2 (a) Singngat leh (b) Henglep TD Block nuai a om khawteng a Job Card nei innlusi leh mimal Job Card nei kuapeuh adin ni 65 nasepna thaman ding sum piak hi uhi. Huai dungzui in ni 65 thaman piak in om uhi. Huaiziak in hiai Block 2 a Job Card nei tengin ni 65 (ni sawmguk leh nga) nasepna thaman a tawmpen in Rs. 5,291/- (Teng sangnga zanih sawmkua leh khat) a ngah ding uh ahi. Job Card neite lak a ni 65 sung na sepsak a omlou peuhmah in kintak in Village Authority (VA), Block Development Officer (BDO) khat peuhpeuh kiang ah theihsak pah ngai hi. Atung a thuneitute kiang a thil omdan zaksak ahih nung a ngaihsak ahih tuankei aleh lehkha gelh in DC/District Programme Co-ordinator, Churachandpur ah thu tut(complaint) ding ahi.
4. NREGS tungtang a lungkimlouhna leh soiselna neite adingin DC office mun leh a tenna(bungalow) ah complaint box khat tuak kikoih hi. Huailouin DC office compound ah Seppatni leh Ningani teng sun dak 12.00 akipan nitaklam dak 3.00 sung Grievance Redressal Cell of NREGS meeting om ding hi. Lungkimlouhna leh thubuai nei kuapeuh in huai Cell kimuhpih(contact) theih ding hi.
5. Village Authority(VA) te’n atung a kitaklang bangin nasepna piak ding a ni bikhiah(sanctioned) tawh kituak nasep leh sum a piak kei ua leh huai khuate ah kum 2008-09 sunga NREGS sum(fund) piak hilou ding uhi.
6. Huailouin nasemtute (Job card holder)te nasepna thaman sum lakkhensak(deduction), atawm zaw pia, leh mumal loutak a thilhih Village Authority a om leh tuabang Village Authority(VA)te chiamteh(Blacklisted) hiding uh a, huai khua a NREGS nasepna himhim BDO ahihkei leh DRDA Churachandpur in enkai ding hi. Huaibanah Village Authority Chairman leh Secretary tung ah Dan tawh kituak in gawtna(strict legal action) lakkhum hiding ua, sum sen teng amau tungtawn a a ditkiksak ding ban ah, Chairman leh Secretary tung ah Police case bulhkhum hiding uhi. Alehlam ah chitak leh feltaka nasem khua(village)te bel sum piak behlap dinga panlak hiding hi.
7. National Rural Employment Guarantee Act (NREGA) dungzui in Village Authority te’n BDO/PO leh DPC/DC nuaia om kawm in sepna petu (Employment- Provider) hi uh a, huchi dungzui in Village Authority mawhpuakna(legal duty) ahihleh nasep ni ding a bikhiahzah sep leh nasepna thaman kimtaka piak banah nasep ding a bikhiah(execution of all sanctioned works) tuamtuam (Pucca/kutcha, ahihkei leh, singnou suan)te ahiding banga sepkhiak ding ahi.
8. Nasep omlou himhim lawh piak ding hilou hi.
9. Village Authoriy te’n sum zanga nasepna dia bikhiah((Pucca,kutcha, singnousuan leh adangdang)te sepdan ding a bikhiah bangin a sepkhiak ding uh ahi.Huchi dungzui in Village Authority(VA) in mipi in a muh theihding board(thil gelhna) takkhia in Scheme min, nasep min(name of work) leh a kum chiangtakin gelh in sign board/display board bawlin a takkhiak ding uh ahi a, huai nasepna a sennate vanzat leina man(material head) apan in sengthei ding uhi.
10. Nasep ding a bikhiah(sanctioned work) tawh kituaklou leh ahiding banga seplouhte serious taka lak hiding a, a kituahpih bang action khauhtak leng lak hiding hi.
11. Village Authority in nasepna dia hun bikhiah sung a sepding ni zah semsak theilou hiam mipi’n na a sep ut kei ua leh akisaipih Village Authority te’n sum omlai teng DC/District Programme Co-ordinator, NREGS, Churachandpur ah kimtakin apiak kik hi ding uh ahi.
12. Nasepkhiak tengteng kimtak leh feltak in Village Asset Register/ NREGS laibupi ah kimtakin a gelhlut ding uh ahi.
13. Village Authority teng in nasep ding bikhiah dungzui a na sepkhiakte ziaka sum senna(expenditure record) om teng April 30 2008 tan a a piaklut ngeingei ding uh ahi. Hunchiam sung a piaklut ahih kei aleh sanction dang bawlnawn hilou ding hi.
Sum senna(expenditure record) ah anuai ate atel ngai ding hi.
a) Vanzat ding leina leh nasemtute lawh piakkhiak zah (Certified Expenditure and consumption statement giving details of Material & Labour Cost)
b) Vanzat ding leina a chetna lehkha (Bills, Cash memos & Vouchers of Material Component)
c) Nasepma leh nasep nung a lemlak (Pre & Post Photograph of all works)
d) Nasepna ding tehna lehkha (Measurement Book).
e) Utilization Certificate( sum zat chetna certificate)
f) Zawhna lehkha(Completion Certificate) leh
g) Nasemtute’n lawh amu uh chih chetna a suai akaihna uh (Muster Roll duly signed by actual recipient and all column should be filled)
14. DRDA nuai a Inspection & Monitoring team in Block tuamtuam pha in nasep enkai panta ua, nasep leh nasep piaka omte enzui kawm in mun mahmah ah bang chibang in na akisem hiam chih ngentel tak in enzui panta uhi.
Hiai theihsakna mipite makhualna ziak liauliau a suah hi a, Village Authority te & BDOs/POs teng in strict taka a zuihchiat ding uh ahi.
Sd/-
(Sumant Singh, IAS)
DC/ DPC NREGS
Churachandpur District
Editorial:
CM i gintak kei leh kua thugen gingta ding ?
Manipur ah tulai taka govt bawlte mipi in a telching MLA-te hi uh a, mipi telchinga omte’n vaihawmna a let uh popular government ah Chief Minister a lalpen leh a thuneipen suak hi. State khat a vaihawmtu lianpen nasep kia hilou in a thugen leh kampau ah leng state dang ate mah bangin mipite adia kingakna tak leh muanhuai huntawk ahih poimawh hi. Huchibang mipi adia kingakna tham ching govt i chih sappau a “responsible government” kichi sekte mah ahi uhi.
Tulaia Manipur a kiphinna leh nuakna tamtak “Govt in a chiam bangin bangmah a sem khe kei, pan ala kei” chih kigen mun mahmah a, vaihawmna len govt in zuau gengen mai ahi hiam, a sepkhiaklouh ding hizenpi sepkhiak ding a gen sek mah ahi hiam chih etzek ngai hi. Genkhiak theih teng ban gen maimah a nasepkhiak lam om tuanlou ahih lebel zuaugen mah hiding uhi. Huai leng sepkhiak a sawm mah uh semkhe zoulou uhiam ahih kei aleh sepkhiak sawm tuanlou himhim hizaw uhiam chih ah leng kinga ding hi.
Manipur a govt len Chief Minister O. Ibobi in Manipur singtanggam leh phaijanggam khantouhdan kibanga puah hiding chih gen mun mahmah hi. Huai a gen taktak hun en-thak lehang apaisa kum 3 vel apan a gensek hita hi. Ahi ngei a, Manipur a National Institute of Technology(NIT) bawlkhiak taktak ding hong hihhial takin Chief Minister in Imphal phaijang mun kia a koih teitei ding in theihtawp suahin pang a, CCpur district leh Ukhrul district ah gam tanpha phaltaka piak sawm om chihthu om mahleh CM neuchik leng tolh utlou hi. CM in a kam in phaijang leh singtanggam a kibanga puah hiding a chih ataktak ahi kei chihna himai hi.
Hun sawt paisa gen ngaiselou in March 21 ,2008 in Chandel district sung Thoubal Khekman ah numei 2 kaplup hi uh a, huaia lungkimlou mipi hon in JAC bawl uh a, huaite leh Chief Minister a kihouna uah tualthahte dakkal 24 sunga matkhiak ding chi’n CM in genpih a, hileleng huaite tunitan matkhiak hituanlou uhi. Huchi bangin April 10, 2008 in nupi(meithai) khat Kakching PS a Lousipat mun ah sual zawh in thah hi a, mipi lungkimloute mah in a bawl uh JAC pawl tawh CM a kihouna ah tualthatte dakkal 48 sunga matkhiak ding chih genkha zel a, hinapi in tualthatte tuni tan in leng matkhiak hituanlou uh chih hizel hi. Matkhiak hiding a chiam kuamahdang hilouin Chief Minister hi a, amah state a vaihawmtu lianpen hizawmah hi.
Kiphin leh banghiam lungkimlouhna nei a om chiangin Chief Minister in kihoulempih pahpah thei a, buaina bangtanhiam veng sek bang hi. Hileleng kilemna banga nasepkhiak ahihtuanlouh sek ziakin a thu a kilemna omsa nasep hilou chi a kiphin thak nawn pawl avangkim in om hi. Manipur ah CM in kilemna a bawlpih hileleng nasepkhiak hituanlou pawl tampi om a, huaite kimtaka chiamteh hileh kum 5 sunga teng leng laibu khat dimzou hial ding hi.
Hiai khong ziak mah ahi ding a, sepaih leh state govt nuaia om force-te tanpha in helpawl hiam galvan tawite kia hilouin mi maimai(innocent civilian) khenkhat kikaptuahna a si hisak uh a, huaite taksa tung ah galvan khong kimukhia chithei mawk uhi. Helpawl hiam galvantawi khenkhat kaplup hun ah galvan muhkhiak hun omtham in the, hileleng khenkhat zaw phuahtom petmah hidan a theichian a gen pawl om thei sek uhi.
Huchimah bangin helpawl khenkhat mat hiam Security-te’n a thah khak hun ah helpawl hilou leh mi maimai dan a gen in khahkhe dia phutna kimu sek a, helpawl si khenkhat tanpha hinna phala kipia chih himahleh poi khoihlou, helpawl hilou mi maimai
chih hisek hi. Huaiziakin Manipur ah thutak leh zuau leng khenkak seng hilou khop in thutuam latuam tam a, kua thugen gintak ding hihiam, kua thugen pen diklou leh pomtaklou hihiam chih tanpha theih zawh vual hilou hi.
Hileleng state dang ah bel Chief Minister kichi a thugen thutak hisek a, a gen leh chiamsa bangin nasepkhiak hisek hi. Hinapi in Manipur ah bel Chief Minister mahmah leng a thugen banga sepkhiak leh tangtun hilou sek ahihman in kingakna tak leh muantak chinglou bang thei maimah hi. Huchi kal ah CM leng thutaklou ahih aleh kua thutak mahmah ding adiam, lungkham huaipi mah hi. Huaiziak mahin Manipur dinmun hibang khop a buai leh ginalou sek mah hizaw in kilang hi.
www.manipurexpress.com
www.zogam.com
![Reblog this post [with Zemanta]](http://img.zemanta.com/reblog_a.png?x-id=a31a6799-0344-4b85-853b-ae3d49d346b9)
No comments:
Post a Comment