Tuni Thupi: Toupa chitna thute khantawn in la ka sa ding a; ka kam in na gin-omdan suan tengteng tan in ka theisak ding. Chitna tuh khantawn a ding in leptouh in a om ding a; na gin omna tuh vante ah ngei na hihkip ding, ka chita ahi. Sam 89: 2 &2
Myanmar gam pansan a India gam subuai helpawl tuamtuam kibute hawlkhiak theihna ding a vaiputek piltakte’n khuak ngaihtuahna chiimtak toh India leh Myanmar in kitanauna hoih sem bawl in om a, kum teng in kizopna thak nei zel uhi. Tua kizopna a gahsuah poimoh mahmah tuh Moreh Border Trade Centre hi a, hiai honkhiak ahih apan hun paisa teng sang in Moreh lun mahmah hi. Hun paisa in niteng in gari truck 20/30 vel lel in Imphal leh Moreh kawmtuah a, himahleh tuni chiang in hiai lampi pen lampi poimoh mahmah suak a, niteng in gari a 100 a sim kitolhlut in kitolhpawt zel uhi. Hiai a gari a van kipuate Imphal chiang a ding tamtak om mahleh, vai gam thuktak a ding van chituamtuamte leng tamtak simsenglouh puakkhiak in om zel hi. Hiai ziak in Border Trade Centre kichi India leh Myanmar in a bawlkhiak pen lam chi tuamtuam a ding in khantouhna tuangpek phahtu ahihman in lohching mahmah chihna ahi. Manipur government a ding kia hilou in Manipur helpawl tamtakte a ding in nekzonna hoihtak leng ahi lai hi.
Tua toh kiton mah in, kum tamkuamtak paita apan in, makai tuamtuamte’n Behiang mun a Border Trade Centre bawlkhe ding in Central Government ah ngetna neita ua, khat vei kia leng hilou in mipoimohte’n Lamka a hong phak teng un, Delhi tual a tunchiang ua Dust Bin a hon paihsak maimai ding uh ahidiam chih theihlouh in Memorandum khat i petei veu sek uhi. Delhi a hong kipan eimi mipoimohte’n leng a vangkim in Behiang Border Trade Centre a ding in hiai ka va mu, huai ka va mu a chi veu sek ua, bangzah muh ngai a, bangzah vei memorandum piang a ahi dia le! Election hun leh mipoimoh Lamka hong phate’n honkhiak ahihding thu genzel mahle uh tunitan in melmuh theih ding nasepkhiak om nailou hi. Behiang lam toh kisai thu thak zak om sun tuh ‘Ngasuan lei kichim’ chih leh bus accident chih khong lel ahilai. Tuahsia a om chiang in MLA hi’n contractor-te hitaleh panlak dan toh kisai in credit kituh maimah uhi. Kua sawn khiak ahi dia le?
India leh Myanmar kigamgitna mun tuamtuam ah a om a, hiaite tungtawn in niteng van poimoh nek-le-tak, silh-le-ten tamtak puaklut in a om a, tuate lak a telkha tuh Behiang leh Myanmar gam kizopmatna ahi. Himahleh Behiang apan hiai a van hong paite bel tullel dinmun in government theihpihlouh ahi a, theihpih kei mahleh tamtak van khaam hi’n khaamlouh hitaleh puaklut in a om hi. A dik lel a gen in, hiai mun poimoh mahmah ahihman in helpawl tuamtuamte’n leng hiai mun luahtu ding kituh bawl sim uhi. Hiai mun poimoh mahmah tuh bangchi leh government in ngaipoimoh thei ding hiam chih ahi. Niteng in hiai mun apan in van chi tuamtuam hong lut ahi chih chetna ding bangmah a om kei. Hichituk a mun poimoh hileh hiai gamgi tawn a van hong kipua police leh custom duty-te’n khatvei bek mat neita ding un gintakhuai hi. Custom duty hiai lampi Tedim Road a om nailou ahih ngialleh ‘Border Trade Centre’ Behiang a koih ding chihpen a taktak a tunna ding in mel tamtak in a samlai chihna ahi. Hiai Tedim Road tawn a van kipuate custom in khatvei bek mat neileh government inleng Eh! hiai mun poimoh ahi, i theihlouh kal a van a guk a tamtak pai ding ahi chi’n muangmoh ding uhi.
Moreh Border Trade Centre dia puankhiak ahihma inleng niteng phial in custom duty-ten hiai lampi pansan a van tuamtuam hong kipote mat nei gige ua, van tamtak a matkhit chiang un, Moreh pen Myanmar leh India kikawmtuahna a dia mun poimoh ahi chih chian ngam pan uh hilel hi. Niteng ahihkei lehleng kha teng phial bek in hiai lampi tawn a niteng van poimoh hong kipuate custom ten man hile uh tua sang in government bil a dohzaw deuh diam? Custom-te mat kham ding van hong pai omlou ahihlehlah, ‘Behiang Border Trade Centre’ chi a mipite kinepna liantak ompen ‘sun mang’ toh kibang lel ding hi.
The Lamka Post June 5, 2008
Myanmar gam pansan a India gam subuai helpawl tuamtuam kibute hawlkhiak theihna ding a vaiputek piltakte’n khuak ngaihtuahna chiimtak toh India leh Myanmar in kitanauna hoih sem bawl in om a, kum teng in kizopna thak nei zel uhi. Tua kizopna a gahsuah poimoh mahmah tuh Moreh Border Trade Centre hi a, hiai honkhiak ahih apan hun paisa teng sang in Moreh lun mahmah hi. Hun paisa in niteng in gari truck 20/30 vel lel in Imphal leh Moreh kawmtuah a, himahleh tuni chiang in hiai lampi pen lampi poimoh mahmah suak a, niteng in gari a 100 a sim kitolhlut in kitolhpawt zel uhi. Hiai a gari a van kipuate Imphal chiang a ding tamtak om mahleh, vai gam thuktak a ding van chituamtuamte leng tamtak simsenglouh puakkhiak in om zel hi. Hiai ziak in Border Trade Centre kichi India leh Myanmar in a bawlkhiak pen lam chi tuamtuam a ding in khantouhna tuangpek phahtu ahihman in lohching mahmah chihna ahi. Manipur government a ding kia hilou in Manipur helpawl tamtakte a ding in nekzonna hoihtak leng ahi lai hi.
Tua toh kiton mah in, kum tamkuamtak paita apan in, makai tuamtuamte’n Behiang mun a Border Trade Centre bawlkhe ding in Central Government ah ngetna neita ua, khat vei kia leng hilou in mipoimohte’n Lamka a hong phak teng un, Delhi tual a tunchiang ua Dust Bin a hon paihsak maimai ding uh ahidiam chih theihlouh in Memorandum khat i petei veu sek uhi. Delhi a hong kipan eimi mipoimohte’n leng a vangkim in Behiang Border Trade Centre a ding in hiai ka va mu, huai ka va mu a chi veu sek ua, bangzah muh ngai a, bangzah vei memorandum piang a ahi dia le! Election hun leh mipoimoh Lamka hong phate’n honkhiak ahihding thu genzel mahle uh tunitan in melmuh theih ding nasepkhiak om nailou hi. Behiang lam toh kisai thu thak zak om sun tuh ‘Ngasuan lei kichim’ chih leh bus accident chih khong lel ahilai. Tuahsia a om chiang in MLA hi’n contractor-te hitaleh panlak dan toh kisai in credit kituh maimah uhi. Kua sawn khiak ahi dia le?
India leh Myanmar kigamgitna mun tuamtuam ah a om a, hiaite tungtawn in niteng van poimoh nek-le-tak, silh-le-ten tamtak puaklut in a om a, tuate lak a telkha tuh Behiang leh Myanmar gam kizopmatna ahi. Himahleh Behiang apan hiai a van hong paite bel tullel dinmun in government theihpihlouh ahi a, theihpih kei mahleh tamtak van khaam hi’n khaamlouh hitaleh puaklut in a om hi. A dik lel a gen in, hiai mun poimoh mahmah ahihman in helpawl tuamtuamte’n leng hiai mun luahtu ding kituh bawl sim uhi. Hiai mun poimoh mahmah tuh bangchi leh government in ngaipoimoh thei ding hiam chih ahi. Niteng in hiai mun apan in van chi tuamtuam hong lut ahi chih chetna ding bangmah a om kei. Hichituk a mun poimoh hileh hiai gamgi tawn a van hong kipua police leh custom duty-te’n khatvei bek mat neita ding un gintakhuai hi. Custom duty hiai lampi Tedim Road a om nailou ahih ngialleh ‘Border Trade Centre’ Behiang a koih ding chihpen a taktak a tunna ding in mel tamtak in a samlai chihna ahi. Hiai Tedim Road tawn a van kipuate custom in khatvei bek mat neileh government inleng Eh! hiai mun poimoh ahi, i theihlouh kal a van a guk a tamtak pai ding ahi chi’n muangmoh ding uhi.
Moreh Border Trade Centre dia puankhiak ahihma inleng niteng phial in custom duty-ten hiai lampi pansan a van tuamtuam hong kipote mat nei gige ua, van tamtak a matkhit chiang un, Moreh pen Myanmar leh India kikawmtuahna a dia mun poimoh ahi chih chian ngam pan uh hilel hi. Niteng ahihkei lehleng kha teng phial bek in hiai lampi tawn a niteng van poimoh hong kipuate custom ten man hile uh tua sang in government bil a dohzaw deuh diam? Custom-te mat kham ding van hong pai omlou ahihlehlah, ‘Behiang Border Trade Centre’ chi a mipite kinepna liantak ompen ‘sun mang’ toh kibang lel ding hi.
The Lamka Post June 5, 2008
www.zogam.com
No comments:
Post a Comment