India sorkar in nau neitheilou dia kibawlna family planning scheme a pat dungzui in Haryana a Sonepat khomi, ta 2 neisa Nirmala in Delhi a Girdhari Lal Maternity Hospital ah 1985 in a pasal toh ta a neihbeh nawnlouhna ding in kibawlsak hi. Himahleh, kum 2 nung in a lametlouhpi un ta nei mawk ua, sungkuan khosakna niamtakmai ahihman un hiai naungek etkolna ding lungkhampih mahmah uhi. Hiai bang dinmun ah Nirmala-te nupa in a buaina uh Delhi High Court tun uhi. Hiai tungtang ah Additional District Judge Kamini Lau in May 20, 2008 in thukhenna bawl a, naungek etkolna dia sum senna om ding tengteng sorkar in a liau dia thu a khen banah Delhi Government in naungek’ nu kum 40 a upa Nirmala kiang a compensation Rs 1 lakh pe ding in thutanna bawl hi. Himahleh, doctor-te pilvanlah ziak a hiai teng tung ahihdan chetna chiangtak omlou ahihman in Nirmala kiang a compensation piak ding pen doctor-te hilou in Delhi Government in a piak ding hi’n court in gentan hi.
District Blindness Control Society saina in Bishnupur district hospital ah February 2007 in mi bangzah hiamte’n cataract operation bawlsak ua, vangtahhuaitak in huai ah mi 3 in mitdelloh hilhel ua, mi dang 2 in a mit langkhat tuak ua khomuhna tanloh uhi. Hiai thu toh kisai a Joint Action Committee kibawlkhia in State Govt. kiang ah hiai mi 5 –te a dia zangnadopna ngetsak in kiphin uhi. Hiai JAC’ panna nial vuallouh a dik ahi ngei ding a, zan a state Cabinet meeting in hiai cataract operation a mit langtuak delloh mi 3-te kiang a zangnadopna Rs.1 lakh chiat piak ding in thupuk ua, huai banah, mit langkhat tuak a khomuhna tanloh mi 2-te kiang a Rs. 50,000/- tuak piak dia a thupuk man un a kiphinna uh bel lohching khat suak hi. Himahleh, Delhi High Court in thutanna a bawl toh teh ding in bel JAC’ kiphinna lohching taktak chih ngamhuai hiding hiam chih in om hi. Delhi High Court in Nirmala tungtang a ngaihtuah bangdeuh a hiai cataract operation tungtang Manipur Cabinet in teltak a suichiang masa a genkhawm hina hiam chih ngaihsut tham ching khat suak hi. Ahihkeileh, Manipur a banghiam thiltung a om chiang a kintaktak a JAC kiphuankhia a kiphinte a betdaihna ‘rate’ Rs.1 lakh piak ding chih, a thu-le-la leng genkhawm om ngelloupi a Cabinet in thupuk hihiam chih ngaihsutna piang thei hi.
Delhi High Court in Nirmala tungtang a ngaihtuah in abul-abal nouneltak a sui detdet masa ahi ngei ding a, doctor-te mohsakna ding mukei mahleh Delhi Governemnt liausak veve hi. Cataract operation tungtang ah leng doctor te’n a sep ding bangtak (negligence) ua nna a seplouh ziak ua hiai bang teng tung hidan a koih ding hileh bel operation bawl doctor te’n a liau ding uh hiding hi. Himahleh, doctor te’n liaulou a sorkar in liau ahihna hiai thu a bel doctor-te siang uh hingei ding ahi. Huchi hitaleh, cataract operation a mitdelloh mi 5-te zangnadopna dia kiching ding dan a sorkar in Rs.50,000/- leh Rs.1 lakh a guan hiding ahia? Court thutanna ziak hilou a noh hat ziak leh sorkar sia-le-pha theihna a piak ahihman in ama (sorkar) a dia lemtang huntawk tan lel a sorkar in a sia-le-pha theihna zang ahi. Khosakna bangchituk in haksa in niam mahleh khomuhna Rs.1 lakh a zuak ding kuamah omlou ding hi. Mitdelsa a piangte’n leng a khomuhlouh uh a kingeinaseh ding uh gintak haksa mahmah a, huai ziak in, mitdelsa a piang leng hilou hiai mi 5-te a ding in bel haksa petmah ding hi.
JAC in sorkar kiang a zangnadopna a nget tungtang uah kiphinna tuamtuam zang in ngen ua, bandh ding peuh sawm uhi. Huai sang in a thu court tunzaw le uh court in Nirmala tungtang a ngaihtuah bangdeuh in nouneltak in hon ngaihtuah ding a, doctor-te a liausaklouh tawp in leng sorkar liausak ding a, (a thu a dik nak leh) Rs.1 lakh chauh phetlou in mitdellohte ki-etkol touhna ding tanpha sorkar liausak ding in gintakhuai hi. Huai ziak in, mipi subuai dia kiphinna tuamtuam neih sang in a thu court tun hitale uh tua sorkar in zangnadopna a piak sang mah in a kithamanzaw dia aw chihtheih hi. Huai dungzui in, en leng i buaina tamtakte sorkar a phutphut sang in court ah tun leng houh a kithamanzaw dia aw chih hiai tungtang apat ngaihtuahna hong piang thei hi. Court a tut theihlouh chi thu bel a om tham ding a, himahleh, court a tut theih hinapi sorkar kiang a i phut chiang in sorkar in ama lemtan dandan dungzui in i thute hon ngaihtuahsak a, sorkar lemtan dandan pen lah ei a di’n kingakna tham chinglou hi.
Editorial / The Lamka Post June 06, 2008
Source: http://zogam.com/index.php?option=com_content&task=view&id=3394
District Blindness Control Society saina in Bishnupur district hospital ah February 2007 in mi bangzah hiamte’n cataract operation bawlsak ua, vangtahhuaitak in huai ah mi 3 in mitdelloh hilhel ua, mi dang 2 in a mit langkhat tuak ua khomuhna tanloh uhi. Hiai thu toh kisai a Joint Action Committee kibawlkhia in State Govt. kiang ah hiai mi 5 –te a dia zangnadopna ngetsak in kiphin uhi. Hiai JAC’ panna nial vuallouh a dik ahi ngei ding a, zan a state Cabinet meeting in hiai cataract operation a mit langtuak delloh mi 3-te kiang a zangnadopna Rs.1 lakh chiat piak ding in thupuk ua, huai banah, mit langkhat tuak a khomuhna tanloh mi 2-te kiang a Rs. 50,000/- tuak piak dia a thupuk man un a kiphinna uh bel lohching khat suak hi. Himahleh, Delhi High Court in thutanna a bawl toh teh ding in bel JAC’ kiphinna lohching taktak chih ngamhuai hiding hiam chih in om hi. Delhi High Court in Nirmala tungtang a ngaihtuah bangdeuh a hiai cataract operation tungtang Manipur Cabinet in teltak a suichiang masa a genkhawm hina hiam chih ngaihsut tham ching khat suak hi. Ahihkeileh, Manipur a banghiam thiltung a om chiang a kintaktak a JAC kiphuankhia a kiphinte a betdaihna ‘rate’ Rs.1 lakh piak ding chih, a thu-le-la leng genkhawm om ngelloupi a Cabinet in thupuk hihiam chih ngaihsutna piang thei hi.
Delhi High Court in Nirmala tungtang a ngaihtuah in abul-abal nouneltak a sui detdet masa ahi ngei ding a, doctor-te mohsakna ding mukei mahleh Delhi Governemnt liausak veve hi. Cataract operation tungtang ah leng doctor te’n a sep ding bangtak (negligence) ua nna a seplouh ziak ua hiai bang teng tung hidan a koih ding hileh bel operation bawl doctor te’n a liau ding uh hiding hi. Himahleh, doctor te’n liaulou a sorkar in liau ahihna hiai thu a bel doctor-te siang uh hingei ding ahi. Huchi hitaleh, cataract operation a mitdelloh mi 5-te zangnadopna dia kiching ding dan a sorkar in Rs.50,000/- leh Rs.1 lakh a guan hiding ahia? Court thutanna ziak hilou a noh hat ziak leh sorkar sia-le-pha theihna a piak ahihman in ama (sorkar) a dia lemtang huntawk tan lel a sorkar in a sia-le-pha theihna zang ahi. Khosakna bangchituk in haksa in niam mahleh khomuhna Rs.1 lakh a zuak ding kuamah omlou ding hi. Mitdelsa a piangte’n leng a khomuhlouh uh a kingeinaseh ding uh gintak haksa mahmah a, huai ziak in, mitdelsa a piang leng hilou hiai mi 5-te a ding in bel haksa petmah ding hi.
JAC in sorkar kiang a zangnadopna a nget tungtang uah kiphinna tuamtuam zang in ngen ua, bandh ding peuh sawm uhi. Huai sang in a thu court tunzaw le uh court in Nirmala tungtang a ngaihtuah bangdeuh in nouneltak in hon ngaihtuah ding a, doctor-te a liausaklouh tawp in leng sorkar liausak ding a, (a thu a dik nak leh) Rs.1 lakh chauh phetlou in mitdellohte ki-etkol touhna ding tanpha sorkar liausak ding in gintakhuai hi. Huai ziak in, mipi subuai dia kiphinna tuamtuam neih sang in a thu court tun hitale uh tua sorkar in zangnadopna a piak sang mah in a kithamanzaw dia aw chihtheih hi. Huai dungzui in, en leng i buaina tamtakte sorkar a phutphut sang in court ah tun leng houh a kithamanzaw dia aw chih hiai tungtang apat ngaihtuahna hong piang thei hi. Court a tut theihlouh chi thu bel a om tham ding a, himahleh, court a tut theih hinapi sorkar kiang a i phut chiang in sorkar in ama lemtan dandan dungzui in i thute hon ngaihtuahsak a, sorkar lemtan dandan pen lah ei a di’n kingakna tham chinglou hi.
Editorial / The Lamka Post June 06, 2008
Source: http://zogam.com/index.php?option=com_content&task=view&id=3394
No comments:
Post a Comment