Amun : Editor’s Residence, MunirkaAni & Ahun : 27th Oct 2008, 06.30PM
SMSGupShup.Com tungtawn a Zo suonte kithuzahna (microblogging), ZOLENGTHE – Connecting the Zo people Pu T. Zamlunmang Zou in October 27, 2007 a anapat khiet, kum khat chin lopna thupitah a zah in um. Mipi 100 lam peikhawm in inn dim phit phet in kikhopna kinei hi.
Pu Ginsanglian, Secretary, ZSP Delhi in hun kituuptah in kem a, HUMCARE Ministry enkoltu, Evan. Totong Haokip in Pasian kungah hun latna nei hi.
Pu T. Zamlunmang Zou @ Pu Zolengthe in mipi ngainatah a peikhawm te vaidawn thugenna nei in VVIP te pulahna zong nei hi. VVIP te ahileh:
Pu Haumuanlun Samte, Editor, ZogamThuthang
Pu Ngamkholen, Editor, PupaTimes
Pu Mangzamuan, Editor, KhalvontawiInfo
Pu Hausienmuan, Editor, Zouheisa
Tam teng zaw in ZOLENGTHE ana pat khietdan taangpi tam anei abang in gen hi.
ZOLENGTHE - Connecting the Zo people" chi thupi a nei in niingkum apat tuni dong in Zo nampi sungah ahithei tan in thuthang leh siemsinna lam hi'n sepna suina lam hitaleh I nam sunga bawlsiet a umte ban ah dihlou tah a nasepnate awareness ana ki bawl zing hi. Zo suonte sunga Mobile tungtawn a news hawmza dan pandohtu ahiban ah ama panpina toh tuni chieng in mobile news tampi um theita hi.
Adieh in Zo kam zang ka pienpi chin-le-tuoite leh ka nam sunga di'n bang ka bawl thei a um ei chi bangma siemna leh chitna neisih ma leng zong kana sui zing hi. Alaw ching tahpi umlou in, gen ta maimai lei... TONGSHANN monthly magazine kana pandoh a tuochi'n michin in hoi sachietna pi'n Zou nam sunga lailam ngainatna leh ngaisahna a tawm man in guitung zoulou in aki dinkhawl vawtta hi. Jaat tawmte ading in market neu a, bangma ki toudel joulou in um zing hi.
Delhi ah 2004 in ka tung tou a, tuonia pat Delhi apat in ka bawlthei bang a um ei chi ka na khuot zing hi.
Ni khat September 24, 2007 in internet a lut in google.com ah FREE SMS TO HUGE NUMBER OF PEOPLE chi'a ka sui leh free sms chi tampi hing kitung doh leilui sam hi. Aban ban a en dit det in ka ban bawl a, ka ki register suoh kei hi. Zo suon sung ah kei sanga email/net account tam nei zaw di koima um di'n ka gingta sih hi. Internet tungtawn a ka nam adi'a ka bawl thei bang a um ei chi'a sui sui kahi zaw hi.
Ka dei bang bangma mudoh lou kahi man in hun tomkhat ka kholsan kiata hi. November hing hitou in nikhat Pu Haulienkap in Hmar ten zong SMS tungtawn a news kithot theina nei uh hive aw, chi'n ahing thei sah hi. Kei zong tuoni'a pat kipan kia in sui thei suimaw a ka sui leh atawpna ah www.smsgupshup.com, tuni'a i zahpen uh ka suidoh ta hi.
Ka suidoh toh kiton in 'Hmar' chi'n gupshup ah ka sui kia leu leu a 'SinlengNews' chi ka suidohta hi. A sil umdan te hoitah a study ka bawl sung in kalkhat bang ang lutta. Tuachi'n October 27, 2007 ni'n Delhi a umte number khen khat guong in news ka hing thot leh peithei ahiman in kipana lienpi toh 'Ohaw' chi'n "The Herbinger, Connecting the Zo people" chi a thupi di'n setting ka hing bawlpanta hi. Amin masapen ahileh ZOKUOM ahi a, Pu Haulienkap in ZOKUOM sang in ZOLENGTHE hisah zaw in achiman in ke'n zong ka ngaisut leh nal kasa a group min di'n ZOLENGTHE chi'n November 27, 2007 ni'n akikhelkia hi.
Tuahunlai in zong all India a kibawl thei ahilam ka theinai dawi si hi. Delhi leh akimvel a Zou umteng kithuzah tuona in kizang tou zel hi. Hinanleh all India hitheidi ahi chi gintatna toh nita khat December 27, 2007 nita in internet ah naikal 4 zen tou in ka try charchar hi. Gmail a kaki chat pi Moreh te, Mumbai a um Nh. Teresa Zou toh kaki chat lai un, a mobile number ka ngen a, aman chuh zi neisa kahizieh in ahing pe nuom paisih hi (he he he!), hinanleh ka silbawl sawm ka gen phet in ahing pia a, tuochi'n a number add in message ka thot leh hing tung achiman in, ka lung anuom mama ta hi.
*Nh. Teresa Zou is the first to receive ZOLENGTHE outside Delhi and NCR. (Tangval te'n a number nget thei. Heheheee!)
Tuoni'a pat in All India a number ka thei teng message thot in a join didan te bang hil zel in, abawl theiloute invite bawl tha in tuni chieng aki tungtouta hi.
India sunga Zo suonte lah a microblogging/Mobile News nei masapen SinlengNews (started in 2005, hinanleh 2005 a smsgupshup.com um nailou, bang ana zah adiei kithei lou, ama'n agenna ah 2005 apat kapat hita chuh chiiiiiii!??) ahi'a anina (2nd) ahileh ZOLENGTHE ahi. Tuni chieng in ZOLENGTHE instruction na nei ah namchin in i neita uhi.
ZOLENGTHE hing um apat in i nam sungah ki chimatna leh innlam thu a milip in i theinuom uh i khutdawn a sim thei in hing umta hi.
Innlam peina:
Tam teng ban ah tutung Lamka a ZSP Golden Jubilee mang dia avapeina mipite’n ana thupi bawldan uh, ZOLENGTHE pataathuoi leh phatuom asah dan uleh ZSP Miss Contestant te nasan in khovel a amingaisang pen te lah ua pangkha ahidan gen in Pasian thupina pie hi. Tam bang a Zo mipite’n phatuom asah uh ahiman in a lawm leh guol, a editorpi te lungkelou a chitahna toh Zo mite kankhawm zing diing in hasot thug en hi.
Speech:
Pu Haumuanlun Samte,
Editor, ZOGAMTHUTHANG
Pu Zamlunmang @ Pu Zolengthe in hichibang SMS News anapat na tungah a Credit (Pahtawina) saangpen kape masa ahi. Pu Zolengthe hi mifel leh Zo mipite a diing a Celebrity khat in ka ngai hi. Ka mi ngatnat leh ngaisang te khat zong ahi. Pi Irene Tungnung @ Pi Zolengthe zong full support ana pie zing man in ka patah mama hi. Tulai mi buoi chiet, News Paper a tawn a sim suo diindeen koima um nawn lou, mobile news tungtawn a straight to the point I bawl pen phatuam mama ahi. Khatvei teng houchik abang na a, Pu Zolengthe in innlam apeina ZOLENGTHE zieh a asiltua te a gen chieng in thathaw bang a um thethut jel hi. Lawkna bangma umlou hinapi hichituh a kibuoipi chi khawng I ngaituah chieng in khatvei teng bang thasiet chang bang a um jel sam hi. Ka roommate in bang, nang a diing a phattuomna bangmah um lou, mipite gensiet leh pahtak na lawh maimai hing chi jel hi. Adihna chieng zong um in ka thei hi. Abang teng hileh Pu ZOLENGTHE kapahtakna lienpen pie in ka hun ka jou ding chi’n a hun jou hi.
Speech:
Pu Ngamkholen,
Editor, PUPATIMES
Hiche to bang a eimite kithuzahna hin theja masa pen Pu ZOLENGTHE hi thupi kasa’n pahchanna thupipen ka pen ahi. Eimi lah a eima pao in Mobile News I nei chiet uvin, eima pao in iki nei cheh uve. Hizong leh Pu ZOLENGTHE in bawl hoikasa pen in ahe. Kei zong hi ZOLENGTHE tungtawn a PupaTime kana pat doh ahi hi. ZOLENGTHE um lou hileh hitobang kithuzahna ana ki theikha nailou di ahi zieh in kipa um kasa hi. Lamka lang a eimite Media plateform dia English News paper khat zong patdoh theina diing in News sai haw kana houpi ji’n, I pankhawm uh ngai in ka thei hi. Eimi news English a I nei lou uleh Manipur hin a pulang hileh I thu koiman ahin hetpi lou ahi tai. Ka thuchaina din Pu ZOLENGTHE leh Pi ZOLENGTHE ka pahchanna ka pe kiit ne.
Speech:
Pu Hausienmuan
Editor, ZOUHEISA
Internet leh mobile tungtawn a I nam tawi sang pen khu Pu Zamlunmang ahi. Ka thanuomna, Hobby dan a Zouheisa pen kanapat ahia, tam zong khu Pu ZOLENGTHE apat ka theidah ahi. Microblogging bawl teng in “Zodawn a gam ningkawi leh koima kuugah kikou joulou, I mipite aw a zah hi thei chiet leh chi ka dei hi” Zou sunga internet tungtawn a I khodah theina diing hing pan Pu Zamlunmang pen pataat huoi kasa mama hi. Aman ahileh tun internet site hi’n, blog hitaleh 20 lam bang a nei ta hi. Zou nam toh kisai a internet lam gen di hitalei Pu Zamlunmang silbawl pen 80% pha phiel ding in ka gingta hi. UZO ten tam asilhoi bawl a thei pi ua, pahtawina apieh uh bang dei huoi kasa hi.
Speech:
Pu Mangzamuan
Editor, KHALVONTAWIINFO
Mobile news toh kisai a credit teng Pu ZOLENGTHE kapia ahi. Kei silbawl KHALVONTAWIINFO pen Thangkhal ham a kibawl ahi. Zodawn a umte International hi’n National lam hitaleh tulai update zing poimaw china toh ana kibawl ahi. SMS News bawl pen credit teng toh minsietna teng toh a kipawkhawm leetluut ahi.
Tuhpah Sietna:
VVIP te thugen zaw in Nh. Cicily Tungnung in ka bawl thei sun chi’n Pu ZOLENGTHE lutang ah TUHPA leh ribbon san sietna leh gahsahna bawl hi.
Speech:
Pu Haulienkap
Chairman, ZCF Delhi
Asepga Pu ZOLENGTHE in amu ahia, Pu ZOLENGTHE nasepte sum leh pai a lei ding hileh leizaw guol ahisih hi. Tua leh Pi ZOLENGTHE zong kapataat mama hi. Noute jal a igam angki revive kia ding ka lam en hi.
Speech:
Rev. GK Samte
Pastor, ZCF Delhi
ZOLENGTHE tungtawn a mi tampi’n khanlohna leh vision muhna anei ding uh ka gingta hi. Pasian in Pu ZOLENGTHE pilna, siemna leh dam theina toh phungvuh ta hen. ZOLENGTHE hing um tungtawn a I nam sung ki naisem leh ki mu peilet sem in ka thei hi. Ummun a news hing simsah leh akin theilam akithuja theina ZOLENGTHE pen thupi kasa mamahi.
Thumsahna:
Tam teng zaw in Pastor Rev. GK Samte inZOLENGTHE, ZOGAMTHUTHANG, PUPATIMES, KHALVONTAWIINFO leh ZOUHEISA editor te thumsahna nei hi.
Pi ZOLENGTHE @ Irene Tungnung in nuomthu tutna nei a tua zaw in Pu Khupminthang in thumna toh hunkhana nei hi.
Mipi peikhawm teng in limtah leh kipatah in annkuong sawkhawmna kinei a, kikhen ahita hi.
SEE ALL THE FOTOS HERE
Recording
T. Thangminlien
Secy. Zou Organisation Delhi
Recording
T. Thangminlien
Secy. Zou Organisation Delhi
Congratulation to Zolengthe and its Pu and Pi for Celebrating the first Anniversary. I apologise for not being able to make in the celebration. Being the Chairman of the Youth Deptt. of our Fellowship, Sunday is usually a tight scheduled for me. Moreover, our Choir participated in Anil Das Memorial Music Competition yesterday, which we have been prepared for the last two months. So it was not possible to spare the time. I feel sorry for that. But on the other side, our Choir won the First Prize in yesterday's competition.
ReplyDeleteIt is worth reading that SinlengNews is mentioned in your article. As you highlighted about its existence, I would like to add some few words. Unlike other Microbloggers, SinlengNews is not created by intention. It is a development of Hobby. So the exact date when SinlengNews got its name is not known. I only remember that I started in the later part of 2005 while I was posted in Punjab by using a Mobile Phone and Unlimited National SMS Package.
Sometime in the month of May 2006 I start sending message through internet from US base website www.fonemine.com. This site provides Text Message to all over the World. So it is very useful for those who are staying abroad.
At first, there is no limitation of message we can send in a day, later, they restricted to 20 message only. As i used to send thousands of message daily to National & International Mobile users, also this site is not basically mean for sending bulk message. They stop its feature for users staying outside US. But later, i registered again with the help a friend by using his US Mobile Phone. This continues for a year or so.
But after sometime, even for US users, they again restrict to 100 text message in a day. By this time SinlengNews subscriber already reached about 1300. As this is not sufficient enough, So I jump over to GupShup on September 11, 2007 and continues till today. This is how it comes.
Lastly Congratulation for your service to the people and for the people of Zo's.
CORRECTION: In the 4th Para: Restricted to 20 message means we can send a text message 20 times in a day to unlimited subscribers.
ReplyDelete5th Para: Restricted to 100 text message means total number of message we can send in a day.In other words, only 100 subscribers can received one message each in a day. Thank You.