Wednesday, April 01, 2009

Migam leh I gam dinmun kibahloudan, ta lawm lawm!

Rev. Hangpi Manlun
Amasapen in, igamdinmun leh hinate genthei ding a ka umjieh in lungdam thu kagen masa hi.Ahin, tami ka thugente khu koima mimal demna leh kohna ahisiha, kumtam tah ka na vei leh puohnate leh igam khantouna ding a aku-le-poimaw a kathei jieh in ka hing gel ahijaw hi.Migam leh igamte iI tekahchieng in kikhiehna tamtah um in ka thei a, adieh in tam anuai a points thumte i tahlang ding uhi. Tuate hileh:

1. Lampi,2. Bank leh 3. Electrict (Meivahte) ahi uhi. Tuin abanban in gen va ui.

1. I Lampite uh. Lampi khu nichin hunchin a izui uh leh ineh itah suina uh leh ikikawmtuona uh ahijieh in a kul in a poimaw mama hi Ahin I lampite uh khu duthusambang in ahoilou jieh un vangsietnate iI na tuoh jelejl uhi.Etsahna dingin akigen minthang “Ngasuon lei” bang ahoilou jieh in mi tamtah in ahinna uh anatan law uhi.Thamlouin, tunai deu in India leh Myanmer kikawmtuona Silsi leh Sehken khoute kikal a Tuivai Leipi tunin kisuo in, passenger gari ahilou jieh in ashi leh liem gen ding a umsiha, vangsia vangphai i suoh uhi. Tuin jong C. Tuiveljang leh Maukot khuote kikal a Tuvai Leima luiseng in, bangchih laipou a kitanthei mai ding a ajauhuaithu alimtoh i News paperte uah imu uhi.Tamte ingaitua chieng in migam ah tam bang lawm lawm a lei siet jieh a shi leh mang a umthu uh gending atam sih a, dahuai mama a suoh hi. Apeisa Kum 2002, lai in UTC, Bangalore a MTh. Ka zillai in, nitah khat footh path ah kava kia kha a, Clinic ah kava kituomsah hi. Doctor pan gamkhangtou lah khat a teng hi le chin government in sum tam tah ang pe dinga, India ateng na hijieh in nangman na kisen ngading ahi ang chisan hi. Ajieh ahileh government in lampi ahoibawllou jieh a kia kha n a hi a, nang mawna ahisih ang chisan hi. Migam ah tambang ahi lai in eiloi pen ilampi leh Leite uh gitnat lou jieh in shi in mang lei jong ahiding ma in kingaisun thei lai in, ahinlah ashi amangte khu a zong leh gentheite ma ahi jel jel hi.

2. Bank. Ei Churachnadpur a teng mihingte lah kipung deudeu, ahin gintat sang in solkal lam ah khantouna a umlua sih hi .Ei Lamka khuopi leh agamsung a mite khun SBI, Bank munkhat bou ah inei ua, tua leh tunai in, NERGS sumte na nawn tam bank ah ila ua, sumla ding leh thawn ding injong jingkal dah 8:oo Am banga kigual angai ta lawm hi. Migam ah Bank a ihaw leh dahkal lang khel isubisih ua, ei gam ah ahileh nitum phial a ikigual deudou ua,hun leh tha tampi i seng ua pamai mama hi. Agam mipte tam dan leh khantoudan toh kituoh in ei Churachandpur bang ah atawm pen in munthum munli bang ah um leh kiching pan ding in a gintat huai hi.Tambang ahitei na ding in mipite leh athuneiten pan alah uh ahun tah zetta hi.

3. Electrict (Meivah). I gam tahsap poimaw mama khat kia hileh Electrict meivah ahi. I gensa sa bang un migam a i vazin chieng ua,i en leh etla pen uh khu regular tah Current anei uh ahipen hi.Tualeh migam ah loadshadding chite um jong leh ni khat in dahkal khat val umlou chilei ichi khie sih ding uhi. Tualeh bang ahiai khat jieh a sietna anei a dahkla tamdeu umtheilou ding ahileh jong mipite lah ah kihil in akitheisah jeljel hi.Thamlouin, eite’n jong midangte ma bang in Electrict fee pe hoi penpawl ihi ua, adieh in government na semte bang in law(pay) alahna ding un a fee piehna lai bang a toi ua,tuaban ah a fee dongte bang in pei in peihoi sih leh Hachin in regular tah in ang dong thouthou ua,Unau Chiengkon lama ten chiemmui na bang deu ina “E , alight sang in nang regular jaw a”a chisah uh khu thu dih chanve ahi.Tualeh Naupang Exam hun leh i poimaw dieh laite un a buai nuom sese hi.

Tualeh tulai silzousie khu Electrict tungton a kisem ahijieh in nasep silbawl jong ma sawnthei lou in i pumbuai uh chi ding ahi mai hi.Thamlou in, khuopi a teng hi jong lei Inverter chite a neiloute a ding in singtang bang in miel nuai ah, thaumei toh Naupangte laisim sah ngai in, azong leh neiloute ma athuoh kihi jeljel hi.

Tuajeih, in tam a tung mipite hamsatna te khu bang chih chieng in eite lahah abei diai?chi kal ngah huai mama hi.Tamte semkhie ding a iteldoh lamkaite uh lah Election Campaign lai a dang nal tah a gen jou chieng un ang ching chieng un abawljou bang in kingai jeljel uhi.Tuin jong imai MP itelna ding uah itelchingte un tamte hing sai masa pen in hing bawl masa le uh igam khangtou in masawn ding hi.Tuajieh in igam apahlunna ding in lamkaite leh mipten jong idinmunte uh thei a pan ilah tah zet uh ahunta hi.Tualeh mipiten jong athuoh leh vangsiatu hijing dinga a ikikona lungsim uh topsan ahunta hi.Tua hileh tusang iniI khangtou jaw ding uhi. Simtute Pasian in hing gualzalta hen

.::. His articles can be view here: TAPIDAW DAWNGKOT .::.

No comments:

Post a Comment