Ih Zogam a khuate singthouna lam nakpi tak a pan lak ngai in ka mu hi. Tunung kumnih lai pawl a Lamka ka pai lai bangin, Ih khuapi a nit zia leh ih ki sak theihpih mahmah ih lampi te hawktui,buannawi (mud) a dim khawng puah ding tampi om hi. Ih khuapi te ah singthouna kitak sapziak in natna tam a, tua in khangnou lai tampi te lupna tungah damlo in ih om tam mahmah uhi.
1. Sewer system/Toilet
Hihtawh kisai ah ih Lamka a toilet a tamzaw te hoihtak a a tung ki khuhlo, cement zang sese lo a ki bawl, eklong bang ensuk leng a nuai a ek kimu suak thei chih bang in om hi. Hiai ih en thou (fly) in bawh in, Huai thoute'n ih annek kuangtung peuh bawh ih natna lungnou te nisim in ki nekha den suak hi.
Hiai tawh kisai in Lamka in sewer system a kin thei bangpen a bawl ding thupi mahmah kasa hi. Tuabang a ih bawl zawh kei leh zong cement zang in hoihtak a ekinn bawl ding kisam kasa mahmah hi. Sewer system ih neih louh ziakin ihlampi te a tuihawk/hawktui vungin ih khua nin sak mahmah a, ekinn a tui dim in huai in ih khuapi namsia sak mahmah hi.
2. Electricity
Electric power ginat louhna in ih khantouhna ding nakpi takin hong kiamsak mahmah bek thamlo in, nek leh dawn a ih siangthou dingzah ih ih siangthou thei kei hi. Hih tawh kisai a news tuamtuam, TV leh power kisam tuamtuam a vanzat theih te ih zat theihlouh man in ki kia niam mahmah hi.
Hihbang a power ginat louh hangin kuaman fridge na tawm lei dingin ih ngaihsun kei uhi. Tua hangin ankhing peuh mawk neknek in, a hing gim a nam kei nak a leh ih nesuk uh a huai contaminated food te ih nek gige ziakin Hepatitis natna bang ih nei zelzul uhi.
3. Mehzuakna mun/ Bazaar
Lamka khuapi sung a mehzuakna te ka muh teh Pasian in hih zah a thupha hongpia a hong damsak pen lamdang kasa mahmah hi. Nga ( fish) zuakna, Sazuakna ( Meat) mun leh nateh tuamtuam zuakna te ka muh leh thou (fly) tam lua mahmah in sa/nga lei ding bang nakpi a thoute a hon zap khiat nungua, ki lei in, huai a ki ne suak a , Huai in bacteria tampi a a ki nekha suak hi. Ih meh huan te a bang tan degrees celcious zang a, hun bang tan huan a bacteria si hiam chihna tawh ih thei kei lai uhi. Huai in nek leh dawn sianthou louhna ziak a natna tuamtuam tampi ih tuah lawh uhi.
4 Drinking Water
Lamka a teng a tamzaw ten tuikul ( wall) ki nei in tua tui ne ih ki khawsa uhi. Electric hoih louhziakin suanmin sa a dawnlo 80% bang ih hi uhi. Ih tuikul te kumkhat a khatvei na tawm a puahlo 90% bang ki hi dingin ka um hi. Ih tuinek ding a ih ngak lah mahmah Khuga Dam ( water supply) lah kum hiai tan ih buaipih uh a tui khatvei mahmah ih ne kha nai kei uhi. Tua a hihman in ih tuikul neih sunsun filter zang ih water pump tawh tanky ah koih leng natna lungnou bacteria tampi ih ne kha kei dingin ka um hi. Tua a hihman in ih tui nek tawh kisai a water pump hoih mahmah neih a filter tawh thuah leng ih dam tuam mahmah ding uhi.
5. Waste management
Ih khuapi lamka a hi ah tuni tak a nin paihna ki cian omlo in Goverment a pan in lah bangmah on lo hin ka thei hi. Ih nin te recycle/garbages leh waste thil tuamtuam te ut nana ah ih pai uhi.Adiakin Hospital leh a seh vel bang enleng mulkim huai mahmah hi. Hiai tawh kisai vengtuamtuam a organisation lian tuamtuam ten Gari zang a a fee piak a nin khawn ni neih a ih nin te paih det ding kisam kasa mahmah hi. Hiai nin te ziak in mosquitos bu ding a bawl saksak ih suak a, tuaziak a a tul a sim bang Mararia natna nei ih om om uhi. Nin paihna lam tawh kisai ih thupi bawl kei ua leh khangno pipi natna tuamtuam vei in, Ih gam khanthouna ding tampi sia sak thei hi.
Hihbang tamlo ka muhdan ka hong gen hi a, Ih ngaihsut phat mahmah ding ka deihna a hi.
James Thang Guite
186 Caribou Road
North York, ON
No comments:
Post a Comment