The 15th Zo Students' Association, Delhi Branch Annual Conference cum Freshers' Meet 2007

A 15 Veina
ZOU SANGNAUPANG PAWLPI, DELHI BRANCH
ANNUAL CONFERENCE cum FRESHERS’ WELCOME 2007
AMUN : JNU COMMUNITY CENTER
ANI : OCTOBER 2, 2007

Pulaahna

Ani hing suoh san sing seng e, lenmuol hingkhum Zodawn muol-le-taangchin hing tan em e. Hai bang ngahla ZSP ni tuong hing tung in, seinou guol limbang pah e, lim bang pah in ami zata nunbang nuom e.

Tutung Zo Khawmpi leh meltha vaidawnna vaiguon ahileh kum bang sangin khantou lam nawt zaw in michin in thei hi. Abul apat atawptan in lim leh kipa in michin in hun zang thei chiet hi. Kum dangte toh tee in vang nasatah in changkang lam ki nawtta hi. Hinanleh, changkang lam nawt semna di’a I poimaw nalai mama ukhat ahileh, hun bikhiet bangtah a hunzahdan aki poimaw nalai hi. Ahun pen zaw di hun in kizou nanleh, pat di hun in kipan thei nailou hi. Nai 12 a pat diing chi hinapi, nai 12 in hall zeemhoite, lamkaite leh Nu Niengzadimte innkuon maimai amun ah melmu in umpan uhi.

FIRST SESSION

Intepi leh tepu kipan

Nai 12 ahing sattah in a mun ah koima aum nai sih chi lei I zuau sih diing uhi. Hinanleh nai 01 ahing gin chu aw… a hall in hing dawllou phiel in kidim mitmetta hi. Mipi koima a au veng vung umlou in siptah in kitou mitmet, bang hing um diing adiei chie tawkaang sim chieta akitou laitah in, hamngaina apat ngahnu aw nem leh feltah khat in, “Kei kahi leh tuni’a vaiguon guoltu diing khat kahi. Kamin ahileh Nh. Ngainunnem kahi a, Nemboi chi’n zong ahing kihan hi” achizaw toh kiton in tangval aw khat in “kei kahi le Tv. Mangzamuon kahi, tuni’n ka intepi Nemboi toh noute kahing nousiet uhi.” Chi’n ZSP YLah! Chi’n amel uh ahing kilang tahi. Mipite husa mangmang kichai vawttttt.

ZSP Lapi sahna

Intepi leh tepu ahing kipulah zaw tah un ZSP Cultural Troup te dawkan tunga hing ding in ZSP Lapi “Thou Un, thou un, thou un” chi mipite ahing sahpita uhi. Tam ZSP lapis ah hungsung teng in National Anthem kisah chienga zataatna teng toh tang zitzet a akiding bang in koima akipieh leh a nui sepsuup aki um sih hi.

Hunpatna

Mipiteng touna mun a atou zaw masang phiel un dawkan tungah hunte Pasian kunga piehkhietna nei din Nu. Deihaunieng hing dingta hi. Ama’n Mathiu 5:13-16 tan sim in thumna toh hun honna nei hi.

Presidential Address

Hun honzaw ahitah in intepi, Nh. Nemboi hing dingdoh a Zoulish zang pumin thugenna hing nei ziahzieh tamai hi. Tuo bang kaal ah ZSPDB President Mr. T. Paulianthang Zou hing hankhie in, chibai buna toh President pu hun pekhie hi.

President pun zong zeideu mai in tam chi’n mipite vaidawnna thug en hi.

Amasa’n ZSPDB masawn tou zeel in tuni’a a 15 veina freshers’ meet leh annual conference 2007 zang thei diing a hing puitu leh damna hing pieh Pa Pasian kungah lungdam thu I tun masa uhi. November 2006 apat in ZSPDB 2006-07 vaipaw diing in incharge anakila a, zaw dandan a ana kipei toutou in buoina neu nounou kaal ah, tuni kumkhat I pal galkai theita uhi. Tu in meltha 80 diing vel bang I um thei ua, athanuom huoi mama hi. Meltha zousie ZSP min in vaidawnna chibai ka’ng butha kia hi. Tu in Freshers’ lah a college kai diing lawi, nasem diing lawi ahisihleh competition exam peding lawi I um ua, apoimaw pen in laisim dingte hi in, nasem diingte hitalei, ginumtah leh tha nuomtah a hing pang vevaw diing in ka hing hawnthawn nuom hi. Tuoban ah nopni dani a kivetuo a I kideltuo thei bailamna diing in ZSP leh ZOD ah na minte uh pieh a membership la ngeingei diing in kahing theisah a kahing chiel hi. Lamkaite toh kitheituo a, local guardian kituuptah nei ngeingei diing in zong ka hing theisah in ka hing chiel hi.

Tu tung in gintaat sang in activities I hau mama uhi. Eisung thu hi in pawlam sil hitaleh khansuh kietniemna lam sang in khantouna lam tuomtuom ah muthei in a um hi. Pasian guolzawlna liulieu ahi chi I thei ua, amin I phat uhi.

Tam teng ban ah thu poimaw tahtah tampi gen in pankhawm apoimaw dan tomkim a gen in “ZSP for the sangnaupang, for the people and for the community” chitoh ahun zou hi. Mipite lungtaina mama genkha ahiman in khutbeng pawl, kikou pawl toh au veng vung in ahun zouta hi.

Tongshaan sanneeem

President pu’n hun azahzaw in intepi leh tepu’n zaidei awisiem, Nh. Lamneichong leh Tv. Thangkhangen lasa di’n han ua, amaugel in, “Thangvan alsi, alsi vahhoi kilawm” chi zeitah in hing sa hiah hiah uhi. Asiem ma hinava uh maw.. mipite ka et phei leh kamka heuhou gam mai uh.

Zo lavui Kidemna kipan

ZSPDB Cultural & Traditional Secretary, Mr. Hausienmuon in asai, Zo lavui kidemna ah mi tampi pangdi isah leh zuai lah! Gintaat bangta lou, Nu Deihauniengte nuta higiep uh. Adangte bang zieha panglou idiei chie akikan leh I Zo lavuite uh akaidan thei koima ki um nawn lou.. da huoi sa vanguut ing. Nh. Zoukim in khatna la a, ahiltu Nu Deihaunieng in nina la thruoi mai hi.

Hanthawn thugenna

Kidemna zaw ahitah in mipite ki dai sipsep kia pai hi. Tuo bang kal ah Dr. Grace Siasian hing dingdoh a, stage lan a’ng zottah in akoimapou in khut behna toh ana kivaidawn hi. Ama’n thu ahing genta… I gintaat bangta lou, I mi muonpente lah a khat hinanleh ki ngainiemtah in kipulahna ahin bawlta hi. Tuopen in mipite lung su mama in, kimulien deudeu hi. A thugen poimaw deute chouh aw.

01. Laisiemna kichi koima’n ahing lapie thei lou, nangma gou liulieu ahi. Tam pen na thahatna ahi hi.
02. Adahuoi khat ahileh Manipur Education pen corrupted education ahita hi. Tuoahiman in neilou sasa’n Delhi khopi leh mun tuomtuom I zuon ta uhi. Gasuo ngei di’n kha pet chiet vai.
03. I society a numeite poimawna leh numei umlou a gam-le-nam in khantouna baillam tah a neithei lou ahidan leh numeite’n laisimna lam a pan atha a ala kul ahidan nasa tah in gen hi.
04. DU nuoi a college kaite thei tuoh sil poimaw tampi gen a, 1st year apat a guntu tah a pan la pai apoimaw dan leh well begin is half done ahidan tangkoupi hi.
05. Sepna suite’n zong khat poupou chia maw pawng suilou a, I tem peina leh I lampi lam toj kisai deute sui diing ahi ban ah, ka umna, ka teenna, ka theina toh kizawitawn ahiei chi zong etchien apoimaw dang en hi.
06. Network poimawdan, mite toh ki theitam sawm diing, lungneu lou a, akoi mi akoi sa chi um lou a eima nitna tantawh toh mi ki theipi apoimaw dan zong gen hi.
07. Bang teng gen in, bang teng bawl nanlei, thumna a tel lou leh bangma lou bangma lou ahi chi’n ahun manpha zouta hi.

Zaidei awina

The future hope of ZSP chithei phiel, unaunu Maman, Pastor GK Samte tunu in neu banglou tah in “Topa nag an leh na min a di’n” chi phatna la hing hot ziahziah mai hi. Zei si, siem si, ki hot siem bok, et nop ei chi lou sei di a um ta poi.

ZOD Chairman Address

ZOD Chairman Pa S. Haulienkap Zou in zong thugenna tom kim tam bang in nei hi.

01. Tuni’n kum 15na lawm hinanlei, Delhi a I na umna uh kum 15 sanga tamzaw tham ahita hi. Tam kum 15 sungin bang I suongtuo doh uai chi ngaisun lei dei huoi kasahi.
02. I society uh statistic secretary Tv. Mangzamuon in report tomkim ahingpiehte kasim chieng in lungdam huoi kasa hi. I khangtou in I tamta mama uh chite I mu thei uhi.
03. Delhi munpi ah sil tuomtuom toh I buoi chiet uhi. Siemzilna lam ah, sepna lam ah I khawm chiet in I buoi chiet uhi. Hinanleh tuobang kaal a I manghil lou diing ua ka dei khat ahileh, I character uh ahi. I good character pen I maintain sawm zing diing uh ahi. Character I mansuoh leh sil bangkim mansuo ihi chi I manghil lou ding ahi.
04. Tulai ipoimaw mama khat uh ahileh, lamkai hoi maimai hinawnlou in nuojui hoi zong I poimawta uhi. Nuojui hoi umlouna ah lamkai hoi zong um thei lou hi. Lamkai hoi a um theina diing in nuojui hoi zong I um ngai uh ahi.
05. Thu poimaw tampi agen zaw in, ZSP damsawt hen chi’n a hun atawpsah tahi.

Ki pulahna huoisie

Tv. S. Thangsuonmung state tunga hing dingtou in, tukum a meltha mi 80 vel umte state tung lam a hing hantou ziahziah ta mai hi. Vaw henu, nungah tangval mel hoi pipi, duong ching leh etmai a zong chimul thou thei tamtah ahing kizawtou dupdup maita uhi. Tuobang kal ah mipite mawngmawng lah khap a khap but hinawnlou, ahaw toh kei a di tuonu tuopa chilawi, hai chi lawi akiteh zeng zung mai hi.

A unpi ua ahing kiguolzaw tah un Rev. GK Samte in Laisiengthou Deut. 6:1-ff tah sim suh dendun in, melthate thumsahna leh thupha piehna anei pai ngal hi.

Pastor pa’n thumsahna azawtah chiengin, meltha hing pei mi 50 val te khat khat in hing kipulah chiet ua, tuobang kal ah ZSP Mr. & Miss 2007 a tel thei diingte tenkhiet in ana um tou zeel hi. Nungah khat ban ah tangval khat in kipulahna abawl zeel ahiman in mipite mit tai mama hi na va… koima’n sawt sam eh chi ta mawngmawng lou, ding dihdih in athu gen uh kingai pengpong gam hi. Kipulahna ahing zaw tah un, a unpi ua ki guol diimdiem in ZSPDB Vice President, Mr. S. Thangsuonmung in melthate thei di’a poimaw a copy a ahawm ban ah a tkam in “tips to freshers” chi sil poimaw tampi gen khe ziehzieh hi. Mipite mawng mawng dih e.. dih zeeel, dih kai zeeeellll chi’n ana ki Amen va duom hi.

Zaidei tongluong lawmnou

Ngaivawi a ngel tongluong lawmnou chi thei phiel khop a siem Tv. Lalmuonlien leh Nh. Lamneichong te’n “Thanghou Liendou ki itna khel a ki itna lienzaw umlou” chi ki nuisan hiithiet in taimel tah in malzai ziehzieh gel uhi.

ZSPDB Adviser tongsuo

01. ZSP lamkaite’n tam banga vaiguon thupi leh piching na’ng guon ban uah, vaiguon kum danga bang lou in chituomtuom nahing khumluut tha uhi. Kum teng in tam bang in I pupa tawndan leh I Zo ngeina te kidemna leh adang dangte hing pawdoh zeel ta un.
02. Kum teng in ka gen zing, zing thou bai sawm pen in pang vai… zing thou baite’n guolnung phala lou ahi. Bawl in len patep mawng in.
03. ZSP Sports Meet hing tungkal bang ngala huoi kasa hi. Kei kahileh sport lam a lungluutmi kahi ma bang in kimawlna lam leh physical competition lam a zong pan I la tou sem uh dei huoi kasa hi.
04. Tam bang hunte apoimaw ahileh, michin in I talent ki phuolte pholdohna ni’a zah hoi kasa hi. Lasah siem, tumging tum siem, lamsiem leh siemna lamtuom chiet ah I nei uhi. ZSPte siemna neiloute ki hi tuonlou ahi. Mite sang sang in zong siemna I hauzaw uhi. I pholdoh nuomlou zieh uh ahibou hi. Vaiguon kibawl chieng in kei zong tam hing bawl vang chi’n nget thaw thei talei, ki khangtou in I vaiguonte uh piching zawsem diing ahi.
05. I hinkhuo ah sum I poimaw chiet uhi. Hinanleh tuni’a ka’ng gennuom pen ahileh, sum a lungluut seng zong sietna bulpi ahi. Sum deiman a laisim nelsie zen a nasep chite zong maban a di’a hoi senglou dan ahi. Sum ngainat khu suol bulpi ahi mabang in ZSP te’n zong ahungiep a sum ngainat dan I zil uh poimaw hi.
06. Delhi khopi sungah gamtat khohei kilawm ahithei tan in zah sawm vai in, mite’n tuonu tuopa ang chilou na din I gamtatdante uah pil vang va ui.
07. Atawpna diing in, ZSP I phungvuh theina chiet a um hi. I bawl theina chiet ua pang chiet di’n I kha pet in hanchiem chiet vai.. ZSP Damsawt hen.

Zaidei awina

Adviser pu’n thugil tah a theza zaw toh kiton in Papa Zolun lasadia hat in um hi. La kizil masa lou hinanleh amun ah maimaw tuonlou chi uhi. Adin khiet tah in mipite mawngmawng zusa vasa bang in iih iiih, aa aaah sa ua, hinanleh Papa Zolun in la a’ng pat tah chu aw.. zu sip vasip abang mai hi. Asiem lah hilou, asiem loulah hilou, bangzieha mipite sip chia asui uleh alasah in michin kapkha ana hidan ahi. “Tulai nungah khenkhatte ki cheidan huntawh theilou, etmai a zong chimul thou thei……. Zumna ning chiliih khat toh zong pieng khawm lou” chila asah ana hi laizang.

Souvenir honna

ZSPDB kum 15 chin melmu a kibawl, Pu M. Kamminthang leh Pu T. Dodou te’n a sponsore uh, ZOKUOMTHAWN souvenir honna Pu T. Doulienmang @ Dodou in nei hi. Ahing sponsore sah tegel kuung ah copy masa khattuoh Zokuomthawn Chief Editor lui Pu SK Mung in piehkhietna nei hi.

Message from Chief Guest

Chief Guest a chiel, Pu T. Hangkhanpao innsung buoina ziehin hing peithei lou hi. Hinanleh lamkaite kuungah hoitah in abuoina gen hi, tam thupen ZSP Vice President Pu Mr. S. Thangsuonmung in mipite kuungah gensawn hi, Atahsa in hing tel sih maleh ZSPDB panpina di’n dangka Rs. 10000/- (tulza) hing thot hi. Kipa sengseng in Kalaisai thum vei tah kisam duom duom hi.

Tamzaw in Guest of Honour a chiel, UZO Hd. Qtrs. President Pu P. Chinzakhup in zong tahsa in vaiguon uap thei sihma uleh zong ama leh a siekhawn vaimang teng zong lungsim leh hagau a hing zau uh ahidan lai ahing thot dep in sim khietna kinei hi. Tam bang a I nampi lamkai ten ngaikhawh tah a a’ng laihate uh simkhietna nei ahizaw in lungdam huoi kisa hi.

MAG Praises on stage & Secretary reports

ZCF in I gasuo, MAG Praises (Mary & Grace Praises) te’n lungtai huoitah in lasah ngai khietna kinei hi.

Tam zaw in secretary Mr. M. Soilianmang Zou apat in tukum sunga activities kineite ngaikhietna ki nei hi. Kum dang sanga activities tamzaw leh apulang toh ki dealna tamzaw ahidan mukhiet in um hi. ZSP nasepna leh masawndante lung kimtah a ngaikhietna ki nei hi. Achiengzaw ahileh magazine a um ahiman in tanah gelda kon vai i.

Tuozaw in Mr. Mungnou (Lianzamung) in Tui bang gawm vai chi sahna nei hi.

Nuomman piehna

Pu Philip Thanglienmang DANICs (Zo puondum a tuh a viel kawm) in ZSPDB member lam tuomtuom a lawchinna ngate kipapina silpiehna nei hi. Tamna lawchinna ngate ahileh I news ua um zing ahiman in kigiellou hi. A theinuom I um leh ZSP Education & Statistic Secretary ki phone chiet di’n iki ngen uhi.

Nuomman piehna zaw in literature lam a iha pan uh apoimaw dan gen a, tuoleh alaibu bawl masah nate apat ana kithupi ZSP member khenkhatte kungah lungdam kouna leh nuomman piehna zong nei hi. ZSP Self support hidan a amu na tungah zong akipana ta lang hi. Ki vaihawmna bang a mipite tawn valiei apoimaw dan leh khat leh khat ki thu man apoimaw dan tomkim in gen hi.

Puondum bang khalou

Kum teng a ki bawl zing, hinanleh khanglou nailou, apoimawna thei nailou adiei I chileh thei sam, hinanleh bawl paupau. Cultural Squad Papa Zollun, Hausien hing ding ua, Zo khawmpi mang hi ngal buongsam, Zo puondum tahsa tunga tuong khaloute zousie aban ban in Zo puondum muffler a kibawl ban awash hi ua, angiem tawp a gap in um uhi.

Thugenna

Pu SK Mung sanggampa Pu Ginzamung in sangnaupangte amu chieng in um thei maimai lou a, hun gentop in thugenna ahing nei hi. Amaute hunlai a ZSP khawmpi ana zahdante uh amitha a kilang dundun ahiman in ki ipzou lou in gen ziahziah mai hi. Pu Thangkhanlal te bang a mitha a kilang in ngaihuoi sa thei mama hi. Pu Mung in Zou leh Zo kichi a ki khietna bangma umlou, I zah dandan himai chi hi. Zo suonte pankhawm a poimaw dan leh bangkim a guntu tah a panla apoimaw dan tomkim in gen hi.

Kum kia lamkai dingte

Election Commissioner Pu SK Mung leh Pu Lamkholun te’n kitelna changkangtah a kinei puonkhietna hing neita uhi. 2008 leh 2009, kum ni sung vaipaw di’n tamte tel ching ahi uhi. President – Mr. M. Mangkholun Zou, Secretary – Mr. S. Lianzagou Zou leh Finance /Treasurer di’n Nh. Manlienching tel ching in um uhi.

End of first session

First session nai 03.00 a zaw diing chi hinanleh naikaal khat vaigei in Pa John Jamkhomang in neh-le-dawn diingte latna leh hunkhana nei hi. Nai 04.38 Pm chingta!!

Innmai lam ah

Innmai lam a kipawt khie in, theitui hum ngiingeei leh nehthei tuitah kei phiuphieu sa in khat leh khat ki chibai, ki kawi, ki nui san in hun aki zang hi.

SSECOND SESSION

Mipite innmai lang a au veng vung a aki um laitah in hall sung apat ngahnu aw nemnou khat in Zogam phatnan zaidei hing awi hieu hieu mite bil ah hing luong vahieu ahiman in azakha teng akin abuong in hall sung senan kinei hi. Michin in a gintaat ma bang in tuo tuongluong kilawmnou pen Nh. Chochong ana hi petma hi.

Intepu leh Inntepi

Nitalanbg inntepu Pu Benzy Samte hing ding doh a, a tepinu hing hantou hi. A tepi Ms. Teresa zong hing dingdoh in hing pula ua, tuochi’n haibang a kin gala Zo Cultural Troup te Zo lamm lahna nei di’n hing hanta uhi.

Zo Laam

Innsung pindan hei apat Zo khuong hing ging ahi koima’n aki thei sih hi. Khuong/tawm hing ging ging mipite’n hei lang ahei chia akisui lai in Zo lia-le-taang, Zo nampuon a ki zeem, Zo nuimel puo leh Zo maisuo kilawm tah mai kitu diimdiem in Pu Thanglunmang in hing lamkai hi. Mipite’n tam bang a etlawm Zo dawndan leh Zo laamte akimu chieng in au lou theilou akihiman in Hall pawke deh zen in mipi kikou zuozuo mai hi.

Dawkang tung hing tung ua, Zo lia-le-taang te’n apan mun uh hing guoltuo zet in Pupa la tuomtuom awn deidei in ahing awi ta uhi. Mipite chu awwww… atou sim maimai koima aki um nawn sih chilou gendi ka thei nawn si hi.

Mi nu mipa te’n bang chihin a’ng kai div e aw, chia chiltui pul zen a ana galdot zing vang un lia-le-taang te’n hun tom ahichi trhei ahiman un koima kikai kuau lou….

Lasahna um zeel

Silk hat bawlzaw ahi teng in lasahna in zui chet chet, mi kivat nai tuon lou. Asa khalou mi tuoza lai ah Tv. Thangkhangen hing ding in “Zo Gene” chi hingsa miatmiat ta mai hi. Tangval lnungah khangdawngte mawng mawng a blood vessel uh kimu thei leh phul zutzut va kachi hiel hi.

ZSP Mr. & Miss Parade

Ngahnu leh taangpa 80 vel apat 5 tuoh ten khiet in um a, tuote dawkang tung a hat in um uhi. Khat khat in thu dohna experience Pu S. Thangsuonmung in dohna nei hi. A thudohte mawng mawng miss universe a telte’n zong dawnhah asa di ngen uh. Hinanleh ZSp Lia-le-taang te’n noptah leh lungsim siengtah in a dawng ziahziah thei uhi.

Dohna kidong tampite lah ah, ZSP Mr. & Miss 2007 la tegel thu kidong leh a dawnna uh gen bou vai i.

Mr. ZSP 2007 thu kidong ahileh, “Laisiem/huo pilna leh kukalna koi apoimaw zaw ei, bang zieh in?” chi ahi. Ama’n adawnna ah “Kukalna apoimaw zaw hi, laisiem tampite laching lui ua, hinanleh mi kukal tampite lawching zaw uhi.” Chi’n tomkim in dawn hi.

Tuoleh Miss ZSP 2007 la nu thu kidong ahileh “Melhoi leh umdan hoi heipen na teel zaw ei, bang ziehinn” chia doh ahina ah ama’n “Melhoi zong tel u ting, umdan hoi zong dei in, ani gel in dei in, hinanleh umdan hoi ka teel zaw hi. Mi hing pen a mel hoi in van a ahsite bang nanleh a umdan ahoi lou chieng in bangma hilou hi, amel hoina teng bangma lou suoh hi”. Tam bang dohna leh dawnna za ahi in ahaw lout ate khatbe aki um sih hi. Genta mai lei..I papi te u zong khutkawi mut leh a ding phiel phiel um uhi.

Koima ZSP Mr. leh Miss duong ching sih, hoi sih chi a um vawt sih hi, judgete siem tei u eh, mipi telte ma ama un zong ana tel thei uh chi ahi thuoi hi.

Zaidei oina

Sun hun sung in Musical instrument complete set in um sih nanleh keyboard um a, Tv. DS Mang in apoimaw bang in chalai hi. Hinanleh nita lang in music instrument complete set in kikoita hi. Tuo in zong mipite tha thousah hi.

Tv. Jimmy leh Nh. Daisy te hing diing in ala phuo uh, English la (Lorf I come to you) leh Zo la (Eiteng ma hi vevaw hang e) hing sa ua, koi the corrs, celine dion leh koi brain adams te ki thei khan awn lou, asiem dan uh chilei thei mai hai maw. Gen kia nalai vang, koi kid rocks chite chu nepte himai.

Tam zaw in Unaupa Liynpi Lethyl apat in “Na sakmel lawm” chi Pasian phatna la ngai khiet hikia hi.

Declaration of ZSP Mr. & Miss 2007

Mipite mawng mawng dip humsa leh ki ging kingkeng in ki um chiet hi. Pu Thangsuonmung and the title of Mr. ZSP 2007 goes to…… achi lai in nungah anuo lang a toute’n tuomi, khumi, kei a apa chi’n ana kikou zuozuo uhi. Presider pa’n Goes to…. Mr. Khaibiaklien Zou chie a’ng phuon khiet in akap zong umphiel hileh kilawm chi uhi. Tuo chi’n Mr. ZSP 2007 gift pieh hun ahita a, a gift sponsore sah Nh. Neiting leh Julie te hat ahi ua, silpieh piehna ahing nei uhi.

Tuozaw in presider pu zong hing kisaan tha kia in, ZSP Miss 2007 goes to……. Chia a ki kou laitah in papi honkhat leh tangval honkhat ana kikawtuo ua, tuomi khuminu ana chi chiet uhi. Goes to… Miss. Grace Lhingneiching ahing chitah in mipi mawng mawng Qyamatse kiya mattak film a papa kete hain kisah zaw a mipi kikoute bang mai.

Tuochin Miss ZSP 2007 nuomman tuotu, Pu T. Zamlunmang leh a innkuonte hat in um ua, ama un zong nuoman piehna hing nei uhi.

Mr. leh Miss pen mipi mu a kitu in stage tung viel in a ki vai lele uhi. Tuo hun sungin maan kapnuomte’n a utna na uh, a dei dandan in hilam ah, khu lang ah, ta lang ah, tuo lang ah chi’n phelek phelek chi’n a me ging ramram mai uhi.

Essay & Lavui laigel kidemna puonkhiet in um

Zokuomthawn Editorial Board in asai, Lavui writing competition a pang teng teng nuomman poiehna Pu SK Mung, former Chief Editor in nei hi. Amaute ahileh Kapminlun, Thangkhankhup, Doukhanmang, Khaibiaklian, Kamkhankap leh Thangsianmungte ahi uhi.

Essay competition a pang te ahileh Nh. Lynda Nianglamching leh Tv. Sam Samte Zou ahi uhi.

Concert:

Kalaisai Band apat Zo Paupu “Mauna mauna genhi” chi ngaikhiet hi a, mipite ahileh aman sa, tam lasah ahi sungin Papa Zolun lam keuhkeuh a mipite mit tai mama hi.

Lasa teng teng zong ka lam zieh in thei zou nawn sing, tampi in lasa in, a nuom nuom lam in nuotah in hun kizang hi. Jimmy leh a lawmte zong duai tuomlou, koi bon jovi lawi concertte ki theipha nawn lou, gent a maimai lei, adam lou a gawng lum dehdeh hiva chi ikoi, Unaupa Lunzamung bang chu aw, tawng le kilawm zawzeen a hing kihot mai chi, mipite ki um thei maimai lou, muonlal loi bang aw, lam nmgam chiah sih uleh zong first line a tou in a sam pou sunsunte uh hawthei hawmaw in ahot kei sam uhi.

Papa Siempi bang, a um nawnlou a de aw I chi leh a ning khat a khosa pawt zen a ana ki hot ve sam, nop chilou sei di um ta lou, um ta lou…
Vaiguon nuomtah in ki zou a, tuo chi’n michin in gilpuoh zen in annkuong imna kinei hi. Anop dan anop dan chi in um um mai ta hi.

Beita.

See you next time………………….


Sd/-
Tungnung, Zamlunmang Zo/Zou
Recording Secretary