By: L.T.Ngaihte
Buaina in tui bang a tup gige I tenna Manipur thu a bul-a-bal a I et chian leeng thil kichian lou tamtak om hi. I theih sawtpen in Manipur pen Leeng gam(Princely state) ana hia, British ten 1891 kum a a hong lak masiah uh, Leeng ukna ah independent in a om hi. India in zalenna 1947 a a hon ngah chiangin,Constitutional Monarchy a kipua in,Manipur State Constitutional Act, 1947 zangin Maharaja Bodhachandra Singh nuai ah kivaipuakna kipan hi.
Huchihlai a Princely state tamtak te India Union toh kigawm(merger) souh souh uh hiven,Manipur ngei leng September 21,1949 in India Union toh ana kigawm ta hi.Hiai kigawmna Agreement pen Shillong ah Maharaja Bodhachandra Singh toh India palai,Shri V.P.Menon, Adviser to Government of India(Ministry of States) leh Sri Prakash,Governor of Assam ten a signed uh ahi. Hiai Agreement Article 1 na in hichin a gen “His Highness Maharaja of Manipur hereby cedes to the dominion Government full and exclusive authority, jurisdiction and powers for and in relation to the government of the state and agrees to transfer the state to the Dominion Government of the fifteen day of October,1949…”
Hiai a tung a Agreement ah Manipur leitang a vek a lut hia lut lou chih thu ah ngaihdan khenkhat om mah leh singtang gamte hausa nuai a Zalenna nei a om himah le uh leng Manipur minlohna a na om kha uh ahihmanin,Maharaja Bodhachandra in ana aaioh(represent) hi ngei ding hi. Khenkhatin,ei singtang hausa te amau a zalenna nei a na teng,Phaipi Leeng toh kizopna omlou ahih manin,Leeng pan agreement ava signed pen ei a dia valid lou hi chin igen.A hi kha mai thei.Meitei te mah in leng tua agreement pen India palai ten a Maharaja pa uh Shillong a kidnap a,under duress a signed sak uh ahi chin,India Union a ka lut na uh valid lou ahi achi thou uhi.Huaikhong ziak mah ahi,a organization tamtak uh POTO nuai a tun tak. Abangteng hileh,center ah bang sawlkal om mah leh history ah hon nungkik pihin,phattuamna hon khonung piak un a gintak huai kei.Lut khawm hin lutkhawmlou hitaleh,teeng khawm ihihna ah I gam bangchi zatkhawm ding chihpen a poimohzaw ahita.
I gam I hon et leuleu chian singtang district nga te lak a li-Senapati,Chandel,Ukhrul leh Tamenglong -Naga tamna ahi ua,ei loi tenna Churachandpur ah Zomi lam kitam non hi.Hiai singtang district nga ten’ Manipur leitang 100-a-90 luah hi. Phaijang a Meitei ten’ 100-a-10 chauh luah uh chihna ahi ! Hiai in a gam leitang a kikimlouhna(imbalance) liantak a om chih hon musak hi. Amitam lam I et leuleu chian,tua Phaijang neukha a teng te 100-a-65 bang hong pha enon nawn hi. Hiai ah kikimlouhna lauhuaitak I mu nawn. A kilatdan in center apan sum honglut leng 100-a-65 bangzaw Phaijang a bei hi ding hi. A gam a singtang lianzaw tham,a mi ah lah Phaijang te tamzawtham ahihna in a koiakoi lam ah patauhna omsak hi.Huaiziakin,kivaipuakna tuam deuh Indian Constitution Scheduled Sixth a kigen I lunggulh nak hi.Huai ah leng hichi a om nawn:
Northeast a teng backward tribal tuamtuam ten amau tenna mun a a tawmzaw(minority) ahihna mun ua, zalendeuh a political leh financial lam a thuneihna a neih theih nang uh ngimna a Sixth schedule ki bawl ahi. Tumalai a,Assam in a hon uap veklai a dinmun toh kituak a bawl ahih manin,tulai a state tuamtuam hong om chiang in a zat dingdan buaihuai simpi a suak hi.Manipur leh Tripura pen igentaksa bang a princely state ahih man un ana huam kha kei a,tutan buaihuaipi a suak. Hiaiban in state tamtak hong piansuah chian tribal majority na mun leh minority ahihna mun uh khen a haksa ta. Manipur ah,I gensa bangin,mitamlam(population) ah Meitei te singtang misang in a tamzaw tham uh. Ahihziakin,a gam a lei a etin,Meitei te tenna neuchik a hi nawn. Singtang gamte Sixth Schedule a lut di hita leh a gam 100-a-90 bang lut ding chihna ahi. Huaipen,meitei te adin ngaihngam huailou phet hilou in,Manipur Sawlkal toh nasep khawmdingdan theih huailou hi. Meitei ten singtang a gam neitheilou ding chih ngaingamlouin MLR&LR Act bang hong ki introduced ahi.Eilam in hiai Act dal theih tan in ina dal jel.Tulel a omdan in,Meitei te agam uah ki tot mahmah le uleng,singtang gam a a hong ten ua,neih leh lam a hong neih uh phal ahi kei. Mi huchizahta gam huchikhopa neu ah bangtan a teng thei di ua,chih pen thu lungkam khat ahi.
Meitei ten’ huchikhopa Naga cease fire extension a dal uh zong hiai a tung a igen te ziak lel ahi.A hilel a gen in,pawl nih kal a lemna a om chian koilai peuh a a om ding ahi(without territorial limits). Bukpi khosung a kilem dia,Thanlon a kidou ding chih in omzia neilou hi.Ahihhangin,a gam lianzaw tham uh khahsuahthei ahi uh chih a theih ziakun,Meitei ten sih ngam in ceasefire extension ana dal uhi. A mau ngaihdan in hih dik uh leng hi mai na ve.Ahihziakin,Naga makai ten zaw ‘without territorial limits’ chih thaimang ahih lel ziakin,a political demand uh kiam tuanlou ahi chih theichian lua uhi. Naga dominated area teng chauh paikhe leleng Manipur gam 100-a-70 paikhia hilai ding hi.A gam a lei eukhiak het ahikei ding at any cost chi a Manipur Assembly in thupukna li vei zen a lak te (March 24,1995,March 19,1997,December 17,1998 and March 22,2001)atun na ding Centre phualpi a kikhak khalou ahih dan Dec 21,2001 in Upendra Commission in hong thei khe kha hi !! Meitei te a din zong buaihuaipi ahi :mi lah kitam-gam lah neu,singtang a peem lah phallouh,namniam(scheduled caste/tribe/OBC) alah koih theihlouh,tenna lah a khangtou lou pen,politician te lah-himei !! Amau minority hih sak a,Sixth Schedule a lutsak ding ahih ngal kei ua leh ??
EITE MAHMAH: Hichibang kal ah eiloi in bang ihih ua le ? Akhen in UT demand,akhen in Sixth Schedule demand. Adangteng in kalh zel.Manipur gam a nna khat adia mi khat in sanction tuamtuam,min dangdang a a lak khiak theih bang deuh sim in,mun–leh-mual,mi-leh-sa kibang adin min tuamtuam in UT bang,6th Schedule bang Centre ah I ngen uhi(overlapping demands). I deih zawkzawk theigah minsa bang a lohkhiak hiau theih ding banghial in I gen sek uh. Naga toh Centre hongkihou peuhchiang ua,gamgi hong kikhung thak duakduak a,en I ut na lamlam na boh geih mai dia kikoihna a om. Huchi mai hilou ahi. 90% in a uap sung teng,singtangmite kituaktak a,min khat nei a,phaijang mite toh iki batlouhnate-ngeina,tawndan,neih leh lam,sabiak leh chindan-Centre leh nam dangte theih a I latsak theih ma zaw a haksa. Tulaiin,kiphinna sang in kithutuaka bawlkhiak thil a tamzaw ta. Vaihawm a lemtang zawk na din(for administrative convenience),a tuam a vai hawm ka poimoh uh chih taklat ahi pen. Ei loi,a neupen a gen in,Non-Naga group teng bek,palai khat nei a Centre toh uluk deuh a kihou louh in zaw,bang mah piang din a gin tak huai kei. Huai na pen,laisiam pilou,sepna dukdak neihlouh man a Electoral Politics sai maimai te khut a koih mai din a thupi lua hi. Laisiam,asim peih,a zongzong peih nih leh thum kan ngai lou ding,Politician taktak ichih hong pian na ding ahi. Lamka khosung a teng a, Lamka hotel singpi leh tualzu hoih lou pipi dawn kawm a sai in zaw,a lunglut huaina teng I beisak khong ding.
Source: www.zogam.com
Buaina in tui bang a tup gige I tenna Manipur thu a bul-a-bal a I et chian leeng thil kichian lou tamtak om hi. I theih sawtpen in Manipur pen Leeng gam(Princely state) ana hia, British ten 1891 kum a a hong lak masiah uh, Leeng ukna ah independent in a om hi. India in zalenna 1947 a a hon ngah chiangin,Constitutional Monarchy a kipua in,Manipur State Constitutional Act, 1947 zangin Maharaja Bodhachandra Singh nuai ah kivaipuakna kipan hi.
Huchihlai a Princely state tamtak te India Union toh kigawm(merger) souh souh uh hiven,Manipur ngei leng September 21,1949 in India Union toh ana kigawm ta hi.Hiai kigawmna Agreement pen Shillong ah Maharaja Bodhachandra Singh toh India palai,Shri V.P.Menon, Adviser to Government of India(Ministry of States) leh Sri Prakash,Governor of Assam ten a signed uh ahi. Hiai Agreement Article 1 na in hichin a gen “His Highness Maharaja of Manipur hereby cedes to the dominion Government full and exclusive authority, jurisdiction and powers for and in relation to the government of the state and agrees to transfer the state to the Dominion Government of the fifteen day of October,1949…”
Hiai a tung a Agreement ah Manipur leitang a vek a lut hia lut lou chih thu ah ngaihdan khenkhat om mah leh singtang gamte hausa nuai a Zalenna nei a om himah le uh leng Manipur minlohna a na om kha uh ahihmanin,Maharaja Bodhachandra in ana aaioh(represent) hi ngei ding hi. Khenkhatin,ei singtang hausa te amau a zalenna nei a na teng,Phaipi Leeng toh kizopna omlou ahih manin,Leeng pan agreement ava signed pen ei a dia valid lou hi chin igen.A hi kha mai thei.Meitei te mah in leng tua agreement pen India palai ten a Maharaja pa uh Shillong a kidnap a,under duress a signed sak uh ahi chin,India Union a ka lut na uh valid lou ahi achi thou uhi.Huaikhong ziak mah ahi,a organization tamtak uh POTO nuai a tun tak. Abangteng hileh,center ah bang sawlkal om mah leh history ah hon nungkik pihin,phattuamna hon khonung piak un a gintak huai kei.Lut khawm hin lutkhawmlou hitaleh,teeng khawm ihihna ah I gam bangchi zatkhawm ding chihpen a poimohzaw ahita.
I gam I hon et leuleu chian singtang district nga te lak a li-Senapati,Chandel,Ukhrul leh Tamenglong -Naga tamna ahi ua,ei loi tenna Churachandpur ah Zomi lam kitam non hi.Hiai singtang district nga ten’ Manipur leitang 100-a-90 luah hi. Phaijang a Meitei ten’ 100-a-10 chauh luah uh chihna ahi ! Hiai in a gam leitang a kikimlouhna(imbalance) liantak a om chih hon musak hi. Amitam lam I et leuleu chian,tua Phaijang neukha a teng te 100-a-65 bang hong pha enon nawn hi. Hiai ah kikimlouhna lauhuaitak I mu nawn. A kilatdan in center apan sum honglut leng 100-a-65 bangzaw Phaijang a bei hi ding hi. A gam a singtang lianzaw tham,a mi ah lah Phaijang te tamzawtham ahihna in a koiakoi lam ah patauhna omsak hi.Huaiziakin,kivaipuakna tuam deuh Indian Constitution Scheduled Sixth a kigen I lunggulh nak hi.Huai ah leng hichi a om nawn:
Northeast a teng backward tribal tuamtuam ten amau tenna mun a a tawmzaw(minority) ahihna mun ua, zalendeuh a political leh financial lam a thuneihna a neih theih nang uh ngimna a Sixth schedule ki bawl ahi. Tumalai a,Assam in a hon uap veklai a dinmun toh kituak a bawl ahih manin,tulai a state tuamtuam hong om chiang in a zat dingdan buaihuai simpi a suak hi.Manipur leh Tripura pen igentaksa bang a princely state ahih man un ana huam kha kei a,tutan buaihuaipi a suak. Hiaiban in state tamtak hong piansuah chian tribal majority na mun leh minority ahihna mun uh khen a haksa ta. Manipur ah,I gensa bangin,mitamlam(population) ah Meitei te singtang misang in a tamzaw tham uh. Ahihziakin,a gam a lei a etin,Meitei te tenna neuchik a hi nawn. Singtang gamte Sixth Schedule a lut di hita leh a gam 100-a-90 bang lut ding chihna ahi. Huaipen,meitei te adin ngaihngam huailou phet hilou in,Manipur Sawlkal toh nasep khawmdingdan theih huailou hi. Meitei ten singtang a gam neitheilou ding chih ngaingamlouin MLR&LR Act bang hong ki introduced ahi.Eilam in hiai Act dal theih tan in ina dal jel.Tulel a omdan in,Meitei te agam uah ki tot mahmah le uleng,singtang gam a a hong ten ua,neih leh lam a hong neih uh phal ahi kei. Mi huchizahta gam huchikhopa neu ah bangtan a teng thei di ua,chih pen thu lungkam khat ahi.
Meitei ten’ huchikhopa Naga cease fire extension a dal uh zong hiai a tung a igen te ziak lel ahi.A hilel a gen in,pawl nih kal a lemna a om chian koilai peuh a a om ding ahi(without territorial limits). Bukpi khosung a kilem dia,Thanlon a kidou ding chih in omzia neilou hi.Ahihhangin,a gam lianzaw tham uh khahsuahthei ahi uh chih a theih ziakun,Meitei ten sih ngam in ceasefire extension ana dal uhi. A mau ngaihdan in hih dik uh leng hi mai na ve.Ahihziakin,Naga makai ten zaw ‘without territorial limits’ chih thaimang ahih lel ziakin,a political demand uh kiam tuanlou ahi chih theichian lua uhi. Naga dominated area teng chauh paikhe leleng Manipur gam 100-a-70 paikhia hilai ding hi.A gam a lei eukhiak het ahikei ding at any cost chi a Manipur Assembly in thupukna li vei zen a lak te (March 24,1995,March 19,1997,December 17,1998 and March 22,2001)atun na ding Centre phualpi a kikhak khalou ahih dan Dec 21,2001 in Upendra Commission in hong thei khe kha hi !! Meitei te a din zong buaihuaipi ahi :mi lah kitam-gam lah neu,singtang a peem lah phallouh,namniam(scheduled caste/tribe/OBC) alah koih theihlouh,tenna lah a khangtou lou pen,politician te lah-himei !! Amau minority hih sak a,Sixth Schedule a lutsak ding ahih ngal kei ua leh ??
EITE MAHMAH: Hichibang kal ah eiloi in bang ihih ua le ? Akhen in UT demand,akhen in Sixth Schedule demand. Adangteng in kalh zel.Manipur gam a nna khat adia mi khat in sanction tuamtuam,min dangdang a a lak khiak theih bang deuh sim in,mun–leh-mual,mi-leh-sa kibang adin min tuamtuam in UT bang,6th Schedule bang Centre ah I ngen uhi(overlapping demands). I deih zawkzawk theigah minsa bang a lohkhiak hiau theih ding banghial in I gen sek uh. Naga toh Centre hongkihou peuhchiang ua,gamgi hong kikhung thak duakduak a,en I ut na lamlam na boh geih mai dia kikoihna a om. Huchi mai hilou ahi. 90% in a uap sung teng,singtangmite kituaktak a,min khat nei a,phaijang mite toh iki batlouhnate-ngeina,tawndan,neih leh lam,sabiak leh chindan-Centre leh nam dangte theih a I latsak theih ma zaw a haksa. Tulaiin,kiphinna sang in kithutuaka bawlkhiak thil a tamzaw ta. Vaihawm a lemtang zawk na din(for administrative convenience),a tuam a vai hawm ka poimoh uh chih taklat ahi pen. Ei loi,a neupen a gen in,Non-Naga group teng bek,palai khat nei a Centre toh uluk deuh a kihou louh in zaw,bang mah piang din a gin tak huai kei. Huai na pen,laisiam pilou,sepna dukdak neihlouh man a Electoral Politics sai maimai te khut a koih mai din a thupi lua hi. Laisiam,asim peih,a zongzong peih nih leh thum kan ngai lou ding,Politician taktak ichih hong pian na ding ahi. Lamka khosung a teng a, Lamka hotel singpi leh tualzu hoih lou pipi dawn kawm a sai in zaw,a lunglut huaina teng I beisak khong ding.
Source: www.zogam.com
No comments:
Post a Comment