Rev. Thangminlun Mangte
Thupatna: Khovel ah heutu makai leh loching tampitak gen ding a om a, mi atuam dungzui in makaih dan a tuama, amun leh a hun dungjui in a tuam a, a mi a tuam dungjui in a style a tuam zat a ngaia, khangthak hun kikhek ahih dungjui in style thak zonsiam leh kikhek siam a ngai hi. Ahihleh tuni in en bang chin ma ikai a le?
Laisiangthou Thukhun Lui leh Thunkhun Thak sung ah mituam tuam te Leasership style leh a mihinna (personality) uh muhtheih ding tampi mahmah om hi. Thukhun Thak ah I Toupa Jesu heutu hihdan (Servanthood Leadership Style) bel a chituam mawngmawng (extraordinary unique), et-tontak leh a nungjuite adia lohchinna thupitak tuntu ana hi. Huaibanah, Thukhun Lui (OT) huna Mosi Leadership Style leng effective mahmah te lak a khat ahi. Laisiangthou sung leh khovel (secular) a ding a heutu lian leh lohching mahmah khat a ki chiamteh pha Mosi ahi Sid Buzzell in ana chi hi.
Abiktak in Khalam heutu na pen Pathian apan vualzawlna/thilpiak (gift) himahleh, mimal in leng huai thilpiak pen Laisiangthou toh kituaka hihkhan, Pathian min thupi na ding, leh midang te a dinga phatuam dinga izat theih ding thil poimoh mahmah ahi. Huaiziakin tuni in Mosi hinkhua apan in tamlou sui zekle chi ihi.
I. Mosi Mihin zia (Character): Mi hinzia kichi hih mihing a ding a poimoh mahmah te laka khat ahi. Makaihna ah mihinzia in thupua in nungjui tu ten amakaitu uh hihna apan in nasatak in kingakna nei uhi. Makaihna ah mitampi te dotna tampen khat hi a kithei tuh: “amah kua hiam? Chih sang in Amah bangchi bang mi hiam?” chih hizaw sek hi. Laisiangthou ah imuh bangin Mosi hinkhua I ensuk ding.
A. Pathian deihsakna leh Hamphatna a nei: Mosi ahihleh Levi suan Aigupta gama haksatna thupitak mai thuak laia hongpiang ahi (Ex. 2:1-2). Hiai hunlai in pasal naupang teng thah beiding thupiak ahih banah piching te suak le sal a zat in bawl gentheih na thupitak Israel ten ana thuak uhi. Faro thupiak toh kikalh himahleh Mosi bel anun thaha aom ding phallou in kha 3 sung ana selgu a, huaizoh in Pathian in Mosi suahtak theihna ding in Faro tanu khut ah ana pekhia hi. Pathian in Mosi a pian tung apan in ana ompih in amah ah tup leh gel (plan) ana neikhin ahihman in deihsakna leh hamphatna tuamtuam pia in ana kem hi (Ex. 2:2-10; Heb. 11:23).
Huchi in, amah Faro tanu tapa dia kep leh Aigupta pilna chiteng kum 40 sung sinsakna piakin om hi (Nas. 7:20-22). Himahleh huaiteng hunsa lou in Pathianin Midian Gamdai ah kum 40 dang mah belampu ding in sinsakna piakin om non hi (Ex. 3:1). Huaiziakin, heutu leh makai lohching hihna dingin Pathian lam leh khovel lama pilna siamna te apoimoh mahmah te laka khat ahi.
B. Pathian apan Sapna (Calling) leh Muhkholh na (Vision): Exo. 3:1ff a imuh bangin Mosi in Pathian sapna kichian tak aneih banah Khasiangthou thopna leng a tang hi. Mosi bel Pathian in a sep ding (mission) hoihtak apiak banah, huai zou dinga thopna apiak ahi. Huaiziakin Khalam leh salam a heutu ding in bel Sapna (calling) leh Muhkholhna (vision) kichian tak ineih kisam chih hiai apan imu thei hi. Abik in I society leh Saptuam sunga heutute i kivelthak na dia hoih kasak, sapna leh muhkholhna kichian tak toh inungjui te pi kha taktak ihi na diam chih kivel thak hoih kha ding hi. I zotpih/tunpih sawmna (destination) mun ding theilou pi a kipipi ihih inbel, gamdai ah mangthang kha ding hihang. Mosi inbel a tunna ding leh hihding thei chiansa in Israel te a saltan na uapan apikhia a, a tunna ding mun lam a zotpih pah thei hi (Ex. 3:7-9). Huai dinga eite leng iki sakkholh a iki pi ding uh poimoh hi. Paunakte ah imuh bangin “Muhkholhna omlouh na ah mite amangthang uh (Pau. 29:18).” Huaiziakin hiai a imuh bangin heutu makai dingin bel muhkholhna kichian tak toh inungjui te I makaih ding Pathian deihdan ahi. Rick Warent in hichin ana chi “eite Ama tupna leh A tupte hih ding a piang hihang” (Rick Warren).
C. Amite itna leh Awlmoh na anei: Mosi in ami le sate a it leh Pathian sapna a zahtak ziakin a hamphat na ding thupitak mai nusia in ami a sa te toh bawl gentheih na ana tel zaw hi. Amah a heutu pen himahleh ahinna tanpha a heute ading a peding in mansa in om a, Pathian kiang bangah ngetsak in, a ngaihdam kei ding leh ama min tanpha agelhsa laibu apan thaimang mai dingin a ngetsak hi (Ex. 32:9-14, 32).
Heutu lohching leh gahsuah ihih na ding in kipiakzoh na, hangsanna leh itna taktak ineih a ngai hi. Mosi in a mipihte a itna banga ei ten leng itna diktak toh ichi/inam leh I saptuamte ma ikaih ding uh kisam petmah hi (Nas. 7:23-29; Heb. 11:24-28). Aman bel hih gentheih ding lau lou in ama aituam ding leh nopsak na ding sang mah in a chi asate suahtak nang ahih nak leh chin a chipihte toh bawl gentheih ana tel zaw ngitnget hi. Hangsantak in Faro maiah dingin zalenna ana sual hi.
D. Kingainiam, Gin-om, Thumang leh Thum mi ahi: Amah Mosi bel mi kingainiam, ginom leh thumang ahih banah thummi mahmah leng ahi. A makaih na lamah lohching tak himahleh Pathian ma leh a mipi te mai ah a kiliansak kei (Num. 12:3-8). Huaimah bangin heutu in bel heutu lohching ahih na ding in Pathian ma ah a thil hih te aki etchian gige ding, A deihdan a zona kingai niam taka azuih gige ding Laisiangthou hon sinsak dan ahi (Is. 57:15; 62:2; 1 Pet. 5:6-7; Phil. 2:3-4).
Mosi bel a kingainiam a, mite thuhilhna (advice) leh ngaihdan (idea) a pompih thei mahmah (Ex. 18:13-27). A heutu chinna (quality) mahmah khat tuh thuman leh a kipiak zohna ahi. Pathian chih bangbangin ahih a, a sawlna na ah haksa mah leh apai zel hi (Ex. 4:1ff). Huaibanah, a lohchinna thuguk khat non ahih leh “Thumna” ahi. Ama deihdan leh theihdan sang in Pathian deihdan a zongin a thum zel hi (Ex. 34:28; Deut. 9:9; 10:10). Mary Scotland te kumpi nun “John Knox thumna sepaih 10000 sangin kalau zaw” ana chih bangin, thumna ziakin Pathian in Mosi tungtawn in Aigupta leh gamdai khong ah thil lamdang tampi ana hihhi.
II. Mosi Heutu Hihdan (Leadership Style of Moses): Heutu makaih ding dan gending chileng gen dan chituamtuam tampi mahmah a om ding. Mi tuam dungzui in paidan bangle hong tuam dinga, amun leh a hun bangin le thu honpo mahmah ding. Huaiteng a le hun lou in, a mipi te ziak bangin leng makaih dan tuam hong ngai zomah laiding hi. Huaiteng teng igen kim zoukei ding, himahleh Mosi in ana hihdan khenkhat ien ding.
A. Nasep & Kizopna pibawl (Task or Relationship Oriented): Mosi makaih na apan imuh dan in, aman Pathian toh kal kizopna leh mimal toh kal kizopna bawlhoih ding leh gamchiam tun ngeingei ding atupna ahi. Anthony D. Souza in, “Mosi hinkhua leh a gamtat dan apan nasep lam uangbawl/pibawl heutu ahi” ana chi hi. Huaimah bangin heutu khat pepeuh in I tup leh ngim pen theia huai tuntupna toh makaih ding ahi.
B. Belampu (Shepherd) or Heutu (Master): Mosi bel Aigupta kumpi gilou taktak te toh teh in belampu hoihtak ahi. Amah Aigupta kumpi dinga kep leh sinsak in om a, huaitoh pangin a chi-le-nam te thagum toh kaihkhiak a sawmleh lohsam hi. Huai apan Pathian sinsakna kum 40 sung Midian gamdai ah a valak zoh in, Pathian thil hihtheihna, pilna leh hunseh toh kituak in Pathian mite a dingin belampu migi leh nunem hong suak hi.
C. Kemtu Ginom (Faithful Steward) or Suak (Servant): Mosi hinkhua I et leh khovel pilna leh Pathian apan pilna thupitak asin khit in Pathian a ding in suak/vanzat (servant) hoihtak ahih banah, Pathian a ding mahmah a kemtu ginom, A mi Israel te Aigupta apan pikhia a, amau a dinga Pathian ma a hoih leh hoihlou te sinsak tu hoihtak, lam dika pitu muan huai a hi hi.
III. Thu khitna: Simtu ittak te aw, tuni a Mosi hinkhua apan imuh leh isim te uapan in ei a dinga Pathian lemgel leh itheih leh zuih ding tuhuna dinga poimoh tampi imu thei hi. Huaite lakah atangpi a poimoh isak deuhte ahihleh. Heutu lohching hihna ding in:
A. Thumna toh Pathian buan/zong gige mi hih apoimoh
B. Sapna, theihsakna leh thopna kichiantak nei hih a poimoh
C. Muhkholhna kichiantak neih masak a poimoh.
D. Pilna leh Siamna (Degree) hoihtak neih ahoih
E. Pikhiak theihna (Power) angai, eg. Khamangthang te/Zomi zouta te
zalennang
F. Guideline or dan hoihtak neih a poimoh (Saptuam/Pawlpi ah)
G. Midangte sinsak theihna thilpiak a poimoh.
Hiai a tunga igen point teng banah leng tampi mahmah nabehlap thei laiding. Hiaiteng a hipenpen te chihna hilouin tamlou ilam hon kokmuhtu ding chia kon telkhiak lel ahi. Huaiziakin, I sim a izak te abei toh tona beisak mai louin, hiai apan bang chin kei heutu lohching leh gahsuah kasuak thei dia chih ngaituah in eimah mimal, saptuam, pawlpi in panla thak chiat leng chin iki chial hi. Mosi makaih dan leh kei makaih dan bang a chi a? zuih ding omhia? Paih khiak ding om hia? Chih te hoihtakin kivel thakna in kuapeuh mah in zang thei chiat dingin Toupan simtute hon vualzawl chiat hen.
Source: www.zogam.com
Thupatna: Khovel ah heutu makai leh loching tampitak gen ding a om a, mi atuam dungzui in makaih dan a tuama, amun leh a hun dungjui in a tuam a, a mi a tuam dungjui in a style a tuam zat a ngaia, khangthak hun kikhek ahih dungjui in style thak zonsiam leh kikhek siam a ngai hi. Ahihleh tuni in en bang chin ma ikai a le?
Laisiangthou Thukhun Lui leh Thunkhun Thak sung ah mituam tuam te Leasership style leh a mihinna (personality) uh muhtheih ding tampi mahmah om hi. Thukhun Thak ah I Toupa Jesu heutu hihdan (Servanthood Leadership Style) bel a chituam mawngmawng (extraordinary unique), et-tontak leh a nungjuite adia lohchinna thupitak tuntu ana hi. Huaibanah, Thukhun Lui (OT) huna Mosi Leadership Style leng effective mahmah te lak a khat ahi. Laisiangthou sung leh khovel (secular) a ding a heutu lian leh lohching mahmah khat a ki chiamteh pha Mosi ahi Sid Buzzell in ana chi hi.
Abiktak in Khalam heutu na pen Pathian apan vualzawlna/thilpiak (gift) himahleh, mimal in leng huai thilpiak pen Laisiangthou toh kituaka hihkhan, Pathian min thupi na ding, leh midang te a dinga phatuam dinga izat theih ding thil poimoh mahmah ahi. Huaiziakin tuni in Mosi hinkhua apan in tamlou sui zekle chi ihi.
I. Mosi Mihin zia (Character): Mi hinzia kichi hih mihing a ding a poimoh mahmah te laka khat ahi. Makaihna ah mihinzia in thupua in nungjui tu ten amakaitu uh hihna apan in nasatak in kingakna nei uhi. Makaihna ah mitampi te dotna tampen khat hi a kithei tuh: “amah kua hiam? Chih sang in Amah bangchi bang mi hiam?” chih hizaw sek hi. Laisiangthou ah imuh bangin Mosi hinkhua I ensuk ding.
A. Pathian deihsakna leh Hamphatna a nei: Mosi ahihleh Levi suan Aigupta gama haksatna thupitak mai thuak laia hongpiang ahi (Ex. 2:1-2). Hiai hunlai in pasal naupang teng thah beiding thupiak ahih banah piching te suak le sal a zat in bawl gentheih na thupitak Israel ten ana thuak uhi. Faro thupiak toh kikalh himahleh Mosi bel anun thaha aom ding phallou in kha 3 sung ana selgu a, huaizoh in Pathian in Mosi suahtak theihna ding in Faro tanu khut ah ana pekhia hi. Pathian in Mosi a pian tung apan in ana ompih in amah ah tup leh gel (plan) ana neikhin ahihman in deihsakna leh hamphatna tuamtuam pia in ana kem hi (Ex. 2:2-10; Heb. 11:23).
Huchi in, amah Faro tanu tapa dia kep leh Aigupta pilna chiteng kum 40 sung sinsakna piakin om hi (Nas. 7:20-22). Himahleh huaiteng hunsa lou in Pathianin Midian Gamdai ah kum 40 dang mah belampu ding in sinsakna piakin om non hi (Ex. 3:1). Huaiziakin, heutu leh makai lohching hihna dingin Pathian lam leh khovel lama pilna siamna te apoimoh mahmah te laka khat ahi.
B. Pathian apan Sapna (Calling) leh Muhkholh na (Vision): Exo. 3:1ff a imuh bangin Mosi in Pathian sapna kichian tak aneih banah Khasiangthou thopna leng a tang hi. Mosi bel Pathian in a sep ding (mission) hoihtak apiak banah, huai zou dinga thopna apiak ahi. Huaiziakin Khalam leh salam a heutu ding in bel Sapna (calling) leh Muhkholhna (vision) kichian tak ineih kisam chih hiai apan imu thei hi. Abik in I society leh Saptuam sunga heutute i kivelthak na dia hoih kasak, sapna leh muhkholhna kichian tak toh inungjui te pi kha taktak ihi na diam chih kivel thak hoih kha ding hi. I zotpih/tunpih sawmna (destination) mun ding theilou pi a kipipi ihih inbel, gamdai ah mangthang kha ding hihang. Mosi inbel a tunna ding leh hihding thei chiansa in Israel te a saltan na uapan apikhia a, a tunna ding mun lam a zotpih pah thei hi (Ex. 3:7-9). Huai dinga eite leng iki sakkholh a iki pi ding uh poimoh hi. Paunakte ah imuh bangin “Muhkholhna omlouh na ah mite amangthang uh (Pau. 29:18).” Huaiziakin hiai a imuh bangin heutu makai dingin bel muhkholhna kichian tak toh inungjui te I makaih ding Pathian deihdan ahi. Rick Warent in hichin ana chi “eite Ama tupna leh A tupte hih ding a piang hihang” (Rick Warren).
C. Amite itna leh Awlmoh na anei: Mosi in ami le sate a it leh Pathian sapna a zahtak ziakin a hamphat na ding thupitak mai nusia in ami a sa te toh bawl gentheih na ana tel zaw hi. Amah a heutu pen himahleh ahinna tanpha a heute ading a peding in mansa in om a, Pathian kiang bangah ngetsak in, a ngaihdam kei ding leh ama min tanpha agelhsa laibu apan thaimang mai dingin a ngetsak hi (Ex. 32:9-14, 32).
Heutu lohching leh gahsuah ihih na ding in kipiakzoh na, hangsanna leh itna taktak ineih a ngai hi. Mosi in a mipihte a itna banga ei ten leng itna diktak toh ichi/inam leh I saptuamte ma ikaih ding uh kisam petmah hi (Nas. 7:23-29; Heb. 11:24-28). Aman bel hih gentheih ding lau lou in ama aituam ding leh nopsak na ding sang mah in a chi asate suahtak nang ahih nak leh chin a chipihte toh bawl gentheih ana tel zaw ngitnget hi. Hangsantak in Faro maiah dingin zalenna ana sual hi.
D. Kingainiam, Gin-om, Thumang leh Thum mi ahi: Amah Mosi bel mi kingainiam, ginom leh thumang ahih banah thummi mahmah leng ahi. A makaih na lamah lohching tak himahleh Pathian ma leh a mipi te mai ah a kiliansak kei (Num. 12:3-8). Huaimah bangin heutu in bel heutu lohching ahih na ding in Pathian ma ah a thil hih te aki etchian gige ding, A deihdan a zona kingai niam taka azuih gige ding Laisiangthou hon sinsak dan ahi (Is. 57:15; 62:2; 1 Pet. 5:6-7; Phil. 2:3-4).
Mosi bel a kingainiam a, mite thuhilhna (advice) leh ngaihdan (idea) a pompih thei mahmah (Ex. 18:13-27). A heutu chinna (quality) mahmah khat tuh thuman leh a kipiak zohna ahi. Pathian chih bangbangin ahih a, a sawlna na ah haksa mah leh apai zel hi (Ex. 4:1ff). Huaibanah, a lohchinna thuguk khat non ahih leh “Thumna” ahi. Ama deihdan leh theihdan sang in Pathian deihdan a zongin a thum zel hi (Ex. 34:28; Deut. 9:9; 10:10). Mary Scotland te kumpi nun “John Knox thumna sepaih 10000 sangin kalau zaw” ana chih bangin, thumna ziakin Pathian in Mosi tungtawn in Aigupta leh gamdai khong ah thil lamdang tampi ana hihhi.
II. Mosi Heutu Hihdan (Leadership Style of Moses): Heutu makaih ding dan gending chileng gen dan chituamtuam tampi mahmah a om ding. Mi tuam dungzui in paidan bangle hong tuam dinga, amun leh a hun bangin le thu honpo mahmah ding. Huaiteng a le hun lou in, a mipi te ziak bangin leng makaih dan tuam hong ngai zomah laiding hi. Huaiteng teng igen kim zoukei ding, himahleh Mosi in ana hihdan khenkhat ien ding.
A. Nasep & Kizopna pibawl (Task or Relationship Oriented): Mosi makaih na apan imuh dan in, aman Pathian toh kal kizopna leh mimal toh kal kizopna bawlhoih ding leh gamchiam tun ngeingei ding atupna ahi. Anthony D. Souza in, “Mosi hinkhua leh a gamtat dan apan nasep lam uangbawl/pibawl heutu ahi” ana chi hi. Huaimah bangin heutu khat pepeuh in I tup leh ngim pen theia huai tuntupna toh makaih ding ahi.
B. Belampu (Shepherd) or Heutu (Master): Mosi bel Aigupta kumpi gilou taktak te toh teh in belampu hoihtak ahi. Amah Aigupta kumpi dinga kep leh sinsak in om a, huaitoh pangin a chi-le-nam te thagum toh kaihkhiak a sawmleh lohsam hi. Huai apan Pathian sinsakna kum 40 sung Midian gamdai ah a valak zoh in, Pathian thil hihtheihna, pilna leh hunseh toh kituak in Pathian mite a dingin belampu migi leh nunem hong suak hi.
C. Kemtu Ginom (Faithful Steward) or Suak (Servant): Mosi hinkhua I et leh khovel pilna leh Pathian apan pilna thupitak asin khit in Pathian a ding in suak/vanzat (servant) hoihtak ahih banah, Pathian a ding mahmah a kemtu ginom, A mi Israel te Aigupta apan pikhia a, amau a dinga Pathian ma a hoih leh hoihlou te sinsak tu hoihtak, lam dika pitu muan huai a hi hi.
III. Thu khitna: Simtu ittak te aw, tuni a Mosi hinkhua apan imuh leh isim te uapan in ei a dinga Pathian lemgel leh itheih leh zuih ding tuhuna dinga poimoh tampi imu thei hi. Huaite lakah atangpi a poimoh isak deuhte ahihleh. Heutu lohching hihna ding in:
A. Thumna toh Pathian buan/zong gige mi hih apoimoh
B. Sapna, theihsakna leh thopna kichiantak nei hih a poimoh
C. Muhkholhna kichiantak neih masak a poimoh.
D. Pilna leh Siamna (Degree) hoihtak neih ahoih
E. Pikhiak theihna (Power) angai, eg. Khamangthang te/Zomi zouta te
zalennang
F. Guideline or dan hoihtak neih a poimoh (Saptuam/Pawlpi ah)
G. Midangte sinsak theihna thilpiak a poimoh.
Hiai a tunga igen point teng banah leng tampi mahmah nabehlap thei laiding. Hiaiteng a hipenpen te chihna hilouin tamlou ilam hon kokmuhtu ding chia kon telkhiak lel ahi. Huaiziakin, I sim a izak te abei toh tona beisak mai louin, hiai apan bang chin kei heutu lohching leh gahsuah kasuak thei dia chih ngaituah in eimah mimal, saptuam, pawlpi in panla thak chiat leng chin iki chial hi. Mosi makaih dan leh kei makaih dan bang a chi a? zuih ding omhia? Paih khiak ding om hia? Chih te hoihtakin kivel thakna in kuapeuh mah in zang thei chiat dingin Toupan simtute hon vualzawl chiat hen.
Source: www.zogam.com
D/Editor Zolengthe,
ReplyDeleteHiai article nangle nana koih a, na sim zoha hoih nasak ziaka na koih hingei dia lamen in kakipak thouthou hi.
Mi tampin sim henla, Mosi banga Pathian lau leh vision hoihtak nei in i gam le nam it a kemding in Pathian apan sapna za in, a mipite mahmah inle Pathian lau leh sapna kichian nei heutu i neihtheih na ding in thumna tamsem nei leng chih kadeih ahi.
Personal a non contact nop leh ka email: lmangte@yahoo.com
Lun Mangte